سؤال للرجال المتزوجين

[بت مارنجان]

العزابة ممكن يخشو يشاركو
لكن !
يقعدو في "كنبة شكرآ :mad::o"
عشان في كلام حق ناس خبرة هنا ;)

[بت مارنجان]

ويا ام جمال بس توضيح "الموضوع دا ماعنده اي علاقة
بي موضوعنا ":mad:"

[خالد 000 ابقرجة]

أنا موش حا اتكلم الا أودام المحامي بتاعي

[بت مارنجان]

نخش في لب الموضوع
وماشاء الله الخبرة كبيرة في المنتدي للمتزوجين "وخصوصآ ناس جدة"
اها "قولو ناس جدة مالهم :confused:"
احسن ناس وكفاية انه ابو عمرو معاهم ..

[بت مارنجان]

أنا موش حا اتكلم الا أودام المحامي بتاعي

انت بالزاااااااااااااااااااااااااات حتتكلم
وحنضغطك وحتدخل في مسائلة قانونية
واحتمال كبير نحدد اقامتك ونحظرك من السفر
واسوأ شئ تحديد الاقامة دي :o:o

[بت مارنجان]

اها نجي للسعوال :
في بعض الرجال المتزوجين "مابلبسو الدبلة !!! "
وصراحة في بعض الاوقات تتفاجأ ليك مفاجأة عمرك انو متزوج
وماااااااااااااالي حيشانو بنين وبنات ؟؟؟
في ناس بررو الشغالنية دي بعدة اسباب
قالو :
الدبلة بتضايقهم مامتعودين عليها
وناس قالو :
الفضة بتعمل حساسية
وناس قالو الدبلة ماهي الرباط الزوجي ....
هنالك اشياء اسما واقوي والحنك دا :rolleyes:

[بت مارنجان]

البزعلني "المرأة" بطبعها وفييية جدآ وطبعا
المرأة المتزوجة "وخاصة السودانية في دلائل ومؤشرات
كبيرة بتدل علي انها متزوجة ...
اها انت ايها الرجل المتزوج لماذا لاترتدي الدبلة التي
"توضح للجمهور بانك متزوج ؟؟؟

[المسافر]

طبعاً أنا بصفتي عزابي كبير وذو خبرة طويلة
أعتقد بأن الموضوع ما عندو علاقة بالدبلة وكده
لأن المشاعر والعواطف ما محتاجة وهي بتكون في الدواخل
لكن اعتقد ممكن لبس الدبلة يذيب كثير من الجفا والملل
الذي قد يصيب العلاقات وبمعنى أدق قد يطمئن أي طرف
على أنه موجود لدى الآخر بإستمرار.
أنا خايف أكون مجلي وبتكلم في موضوع تاني . . .
وده حالتي قاعد في كنبة شكراً .

[روبش]

ويا ام جمال بس توضيح "الموضوع دا ماعنده اي علاقة
بي موضوعنا ":mad:"

في اماكن كده بنعرفها انا والحبيب (معتز) الدبله بتكون في الجيب على طول
اقول ::: موضوعكن غير موضوعنا

[محمد حسين (المميز)]

ن "وخصوصآ ناس جدة"
اها "قولو ناس جدة مالهم :confused:"
احسن ناس وكفاية انه ابو عمرو معاهم ..



ناس جده مالهــم:mad::mad:

اها وقبــل أبوعمـرو:confused::confused:



هوووووووووووي يامارنجــو فك درب جده بقى فيها سيــل

والسيل بشيل الطيـر:p



---------------------------


أفشـّــك شويه

بالنسبـه للدبلــه ياماما في ناس اصلا مابحبو يلبســوها لانه

مامتعودين حتى انهم يلبسـو ساعه



----------------------------------



عن نفسي لابس دبله:) وخاتم:rolleyes: وساعه:o

ونضــــــــــاره كمـــان:cool:



---------------------------------


تخــ :- انت نشنتي على واحد من ناس جده وطلع داسي الدبله في جيبه ولاشنو:confused::confused::p;):p

[بدر الدين احمد الطائف]

بتنا ازيك
يعنى هو البلبس دبله فضه معناها متزوج .
والله الواحد ما كان ماخد باله للحكاية دى.
لكن للضمان كده انا كنت بلبس الدبله من وانا فى المتوسط .
غايتو فى ناس كده الدبله عندهم زى كيس الصاعوط.
والغربيه انهم ما من جده.

[ابو عبد الرحمن]

اها نجي للسعوال :
في بعض الرجال المتزوجين "مابلبسو الدبلة !!! "
وصراحة في بعض الاوقات تتفاجأ ليك مفاجأة عمرك انو متزوج
وماااااااااااااالي حيشانو بنين وبنات ؟؟؟
في ناس بررو الشغالنية دي بعدة اسباب
قالو :
الدبلة بتضايقهم مامتعودين عليها
وناس قالو :
الفضة بتعمل حساسية
وناس قالو الدبلة ماهي الرباط الزوجي ....
هنالك اشياء اسما واقوي والحنك دا :rolleyes:

اختي الغالية بت مارنجان . أولاً حمد لله على السلامة والشوفه .
والبركة في الدبلة الجابتك بعد الغيبة الطويلة .... ..............
نخش في لب الموضوع مباشرة ......................
كل شي يخص الحياة العامة لابد ان ينظر له بمنظور الشارع ...
والشارع هو الذي له الحكم في المسائل الحياتية للناس ،،،،،،
وعلى هذا قس الدبلة ،،، ليس لها اصل في الاسلام والدين .. بل
بالعكس كذلك هي من عادات النصاري والمجوس ،،،والاسلام بري
منها ... وإن لبسها من لبسها . وان كانت من الذهب كان الذنب أكبر
وان لم تكن من الذهب . واعتقد فيها الشخص انها تقربه من خطيبته
او زوجته كان الذنب اكبر من لبسها ذهباً ، لانها تدخل في المعتقد,
ومن هذا المنطلق أرى انها لا تعني شي للرجل أو المرأة .........
إن الذي يقرب النفوس للازواج الكلمة الطيبة والمعاملة الحسنة. واحترام
الازواج للبعضهما البعض . والمزح الحلال والحب الحلال , وان يقوم
كل منهما بواجباته المنوطة اليه ................ ................
الرجل المتزوج واضح وكذلك المرأة واضحة المعالم والهيئة ...
لا أطيل اختي الغالية بت مارنجان ....................
لي عودة بأذن الله لأكمل ما انقطع من حديث ............
ولنتحاور في المسالة حتي نخرج برؤي واضحة تفيد الجميع .
وشكرا . ......................................
همسة وانا عن نفسي لم البسها ولم مرة واحدة في حياتي..
ولو لم تذكري موضوع الدبلة الآن والله ما ذكرتها حتي اموت
على العموم الموضوع جميل جداً وهادف ويجب ان يناقش بروح
جميلة كذلك .............................

[عوض صقير]

بتنا العزيزة : بت مانجان ... صباحك زين ...

بالمناسبة دى :
عاوزين نعرف أصل الدبلة ومن أين اتت لنا ....
وهل هى كما يقال عادة دخيلة علينا ؟


عن نفسى لا أحب لبس الدبلة ...
وفى بداية حياتى الزوجية كانت نقطة خلاف بينى وبين زوجتى التى كانت تزعل حين لم ترى الدبلة فى يدى

ولكن بمرور الزمن أقتنعت وتأكدت بأننى لا أحب لبس الدبلة وأن المسألة ليس لها علاقة بأرتباطنا الزوجى
وأن الزواج والعلاقة الزوجية أكبر من ذلك


تلحيقة : عدم لباس الدبلة كان بساعدنى فى سرعة إنجاز كثير من المهام المرتبطة بالدواووين الحكومية بحكم عملى كمحامى ... وطبعاً من غير قصد ... ..

[moh_alnour]

أولا ً حمدا ً لله على سلامة الطلة عبر المنتدى يا فطومة بعد غياب قصير نتمنى أن يكون خير ( دبلة أو حبسة ) مثلا ً :p
ثانيا ً دبلة الخطوبة أو دبلة الزواج ليس لها مرجع في الدين الإسلامي بل هي تقليد غربي لا يمت للإسلام بصلة
فقد أصبحت مؤشر للزواج عن طريق الإختلاط بالشعوب الأخرى و بالتالي أصبحت ثقافة لدينا للتفريق بين المتزوج و الغير متزوج من الجنسين
بالنسبة للرجال قد يكون لكل منهم مبرره الذي يجعله لا يلتزم بلبس الدبلة ، فالرجال عادة ً لا يهتمون بالشكليات كثيرا ً
ولا يُحبون التقييد حتى ولو كان ذلك التقييد بواسطة حلقة صغيرة من الفضة في أصبع اليد
و بما أن الدبلة أصبحت دلالة على الحالة الإجتماعية للفرد فإن خلعها لغرض في نفس يعقوب يعتبر أمر مرفوض في المجتمع
عن نفسي فأنا مثل أخي ( المميز ) أرتدى نظارة طبية و الدبلة مع خاتم فضة في يدي اليُمنى منذ العام 1998م
و منذ ذلك العام لم أخلع هذا الخاتم حتى في معسكر الخدمة الوطنية و قلتا لي زوجتي أرحمي شبابك الخاتم دا إشتريتو بي نفسي ما هدية من بت :p
و بالنسبة لدبلة الزواج فأنا لبستها في ( سيارة الأجرة ) أثناء عودتنا من الصياغ أنا و زوجتي قبل الزواج بأيام قليلة
و قد كان ذلك على يد زوجتي بطلب مني ، و لم أخلعها إلا يوم الزواج لأرتديها مرة أخرى وسط الأهل و الأحباب
في عملية تبادلية بعد أن قمت بتلبيس زوجتي الشبكة و الدبلة و منذ ذلك الوقت لم أقم بخلع الدبلة من أصبعي نهاااائي ( شوفتوا الوفاء دا ) :p




البزعلني " المرأة " بطبعها وفييية جدا ً و طبعا ً المرأة المتزوجة و خاصة السودانية في دلائل و مؤشرات كبيرة بتدل على إنها متزوجة

ذكري لي صديق مُقرب بأن زوجته عندما تزعل منه تقوم بخلع دبلة الزواج و تُبدل أسمه في الجوال من ( حُبي ) إلى ( فلان الفلاني ) أي أسمه الحقيقي
و بالمناسبة يا فطومة عاشرنا في فترة الجامعة بنات متزوجات و مخطوبات يأتينا إلى الجامعة بدون هذه الدبلة :rolleyes:
قال وفييية قال الكلام دا قولي لي زول عزابي :p

[ايمن عبد الله]

مشكورة بت مارنجان .. على الموضوع الجميل ..

لكن يا بت في ((طلبة)) بلبسو دبل هل هم تزوجوا ؟

أعتقد ان الامر لا يربط بدبلة او خلافه ..

لأنها عادات نصارى .. وليس من الاسلام لبس الدبلة ..

وبعدين الكهربجية ديل يلبسوا دبل كيف ؟ شغلهم بحتم عليهم ما يلبسوا اي شي من شأنه ان يكون موصل جيد للكهرباء يعني لا ساعة حديد ولا دبلة ولا اي شي فيو حديد (دي جديدة صاح) :cool:

كلمة عند الباب : بعض المتزوجين ما بلبسوها الا في البيت عشان الحرية بالخارج وكده .

[ahmed algam]

يااخونا كنبة شكرا وينا


ماشايفا

[ابن المدينة]

سؤال يفرض نفسه الواحد لو مزوج اثنين يلبس دبلتين . لذلك موضوع الدبله ده في قاموس المسلم ممسوح ودمتم

[ahmed algam]

في اماكن كده بنعرفها انا والحبيب (معتز) الدبله بتكون في الجيب على طول
اقول ::: موضوعكن غير موضوعنا



الله ادينا خيركم ياجوز اللوز

تلحيقة : عدم لباس الدبلة كان بساعدنى فى سرعة إنجاز كثير من المهام المرتبطة بالدواووين الحكومية بحكم عملى كمحامى ... وطبعاً من غير قصد ... ..[/COLOR]


!!!!

[بت مارنجان]

مافي اي طرحة لافة في البوست دا
ان شاء الله توب ساي "ابقجيجة :o:o:o:o"

[محمد حسين (المميز)]

مافي اي طرحة لافة في البوست دا
ان شاء الله توب ساي "ابقجيجة :o:o:o:o"



انت مش قلت عنوان البوست ((سؤال للرجـال المتزوجين)):rolleyes::rolleyes:


هسه المسافر ده اديهو لينا مخالفه زاته:p

[بت مارنجان]

طبعاً أنا بصفتي عزابي كبير وذو خبرة طويلة
أعتقد بأن الموضوع ما عندو علاقة بالدبلة وكده
لأن المشاعر والعواطف ما محتاجة وهي بتكون في الدواخل
لكن اعتقد ممكن لبس الدبلة يذيب كثير من الجفا والملل
الذي قد يصيب العلاقات وبمعنى أدق قد يطمئن أي طرف
على أنه موجود لدى الآخر بإستمرار.
أنا خايف أكون مجلي وبتكلم في موضوع تاني . . .
وده حالتي قاعد في كنبة شكراً .

نشكر الاخ "العزابي الكبير المسافر" وربنا يكتب السلامة
وطيارتك دي تنزل في بيت نسابتك تشيل المرا وترجع تاني
بالنسبة للمبررات الذكرتها
هم "الرجال المتزوجين" بيقولو انه والله القصة مشاعر والبينا اكبر من كدا
لكن في بعض الرجال ماشاء الله عليهم "ماظاهر عليهم" انهم متزوجين
وعندهم اسرة وكدا
ومستغلين النقطة دي وبتعاملو علي اساس انهم "free"
ننصحك لما تتنتقل الي مرحلة الزواج والاسرة بلبس الدبلة
لانو قبل كل شئ بتريح راسك من نقة المرا
مالك مالابسة ومعناتا في شئ وانت مامقدر البينا وووو

[آلاء عبد الرحمن]

انا جيت اتفرج
الكنبة بي وين ياجماعة

[مصطفى هاتريك]

مدخل

بت مارنجان ,,, تحياتي ,,, وأعلمي أني سعيد بهذا الظهور بعد غيبة

نظرية


أصل دبلة الخطوبة


يرجع تقليد دبلة الخطوبة التي يتبادل العروسين وضعها كل منهما في اصبع الآخر
الى تقليد قديم قدم التاريخ...

اذ انه أول من اتبع ذلك التقليد هم قدماء المصرين..والسبب في ذلك أن النقود التي كانوا يتعاملون بها في ذلك الوقت كانت تسبك على هيئة حلقات ذهبية ووضع احدى هذه الحلقات في اصبع العروس يدل على أن العريس قد وضع كل امواله وكل ما يملك تحت تصرفها..

عن نفسي

كفاية علي خنقة النظارة



اما وضع العروس الدبلة في اصبع العريس فيعتبر تقليدا مستحدثا لا يعرف له سبب الىالآن...فدبلة الخطوبة في معظم بلاد العالم لا يلبسها العريس كما في امريكا وإنجلترا..

[بت مارنجان]

في اماكن كده بنعرفها انا والحبيب (معتز) الدبله بتكون في الجيب على طول
اقول ::: موضوعكن غير موضوعنا

انت هسي الاقتباسات كملت اقتبست دا :confused::o
اماكن ولا "اشخاص"
بختوها في الجيب ليه
انا بعرف زول لما يكون خاشي مكاتب الخدمات الحكومية والمدنية
بقلع الدبلة يتم ورقه وينجزو وبعد يطلع بلبسها ؟؟!!!

[بت مارنجان]

ناس جده مالهــم:mad::mad:

اها وقبــل أبوعمـرو:confused::confused:



هوووووووووووي يامارنجــو فك درب جده بقى فيها سيــل

والسيل بشيل الطيـر:p



---------------------------


أفشـّــك شويه

بالنسبـه للدبلــه ياماما في ناس اصلا مابحبو يلبســوها لانه

مامتعودين حتى انهم يلبسـو ساعه



----------------------------------



عن نفسي لابس دبله:) وخاتم:rolleyes: وساعه:o

ونضــــــــــاره كمـــان:cool:



---------------------------------


تخــ :- انت نشنتي على واحد من ناس جده وطلع داسي الدبله في جيبه ولاشنو:confused::confused::p;):p

ماكترتها علي روحك لابس الدولاب وطالع بيه :cool:
لو في واحد مندسي ولا طابور خامس "رضا حسن بفرش ورقه :o"

تخريمة : ارحل من جده بفك دربهم
وبعدين ماشفت قناة الجزيرة لما تمسك "ناس" يارفعتهم ياسقطت حجرهم ;)

[بت مارنجان]

اختي الغالية بت مارنجان . أولاً حمد لله على السلامة والشوفه .
والبركة في الدبلة الجابتك بعد الغيبة الطويلة .... ..............
نخش في لب الموضوع مباشرة ......................
كل شي يخص الحياة العامة لابد ان ينظر له بمنظور الشارع ...
والشارع هو الذي له الحكم في المسائل الحياتية للناس ،،،،،،
وعلى هذا قس الدبلة ،،، ليس لها اصل في الاسلام والدين .. بل
بالعكس كذلك هي من عادات النصاري والمجوس ،،،والاسلام بري
منها ... وإن لبسها من لبسها . وان كانت من الذهب كان الذنب أكبر
وان لم تكن من الذهب . واعتقد فيها الشخص انها تقربه من خطيبته
او زوجته كان الذنب اكبر من لبسها ذهباً ، لانها تدخل في المعتقد,
ومن هذا المنطلق أرى انها لا تعني شي للرجل أو المرأة .........
إن الذي يقرب النفوس للازواج الكلمة الطيبة والمعاملة الحسنة. واحترام
الازواج للبعضهما البعض . والمزح الحلال والحب الحلال , وان يقوم
كل منهما بواجباته المنوطة اليه ................ ................
الرجل المتزوج واضح وكذلك المرأة واضحة المعالم والهيئة ...
لا أطيل اختي الغالية بت مارنجان ....................
لي عودة بأذن الله لأكمل ما انقطع من حديث ............
ولنتحاور في المسالة حتي نخرج برؤي واضحة تفيد الجميع .
وشكرا . ......................................
همسة وانا عن نفسي لم البسها ولم مرة واحدة في حياتي..
ولو لم تذكري موضوع الدبلة الآن والله ما ذكرتها حتي اموت
على العموم الموضوع جميل جداً وهادف ويجب ان يناقش بروح
جميلة كذلك .............................



ابو عبدالرحمن تسلم كتير علي سؤالك
انا رجعت طالبه من اول وجديد عشان كدا منقطعة ..

بالنسبة للدبلة انا حقيقة ماعندي اي علم من وين جات او حلال ام حرام
واتفق معاك في نقطة الزواج والارتباط بجميع اوجه هو عبارة عن التزام
من بين الطرفين .. بما انه الشخص قرر يربط
حياته مع الطرف الاخر لابد انه يكون في التزام اخلاقي وديني ناحيته
وانا من الاشخاص البحبذ لبس الدبله للرجل ان كان مرتبطا بخطوبة او زواج
وخصوصا زواج ..
منظرين عودتك تاني ...

[بت مارنجان]

بتنا العزيزة : بت مانجان ... صباحك زين ...

بالمناسبة دى :
عاوزين نعرف أصل الدبلة ومن أين اتت لنا ....
وهل هى كما يقال عادة دخيلة علينا ؟


عن نفسى لا أحب لبس الدبلة ...
وفى بداية حياتى الزوجية كانت نقطة خلاف بينى وبين زوجتى التى كانت تزعل حين لم ترى الدبلة فى يدى

ولكن بمرور الزمن أقتنعت وتأكدت بأننى لا أحب لبس الدبلة وأن المسألة ليس لها علاقة بأرتباطنا الزوجى
وأن الزواج والعلاقة الزوجية أكبر من ذلك


تلحيقة : عدم لباس الدبلة كان بساعدنى فى سرعة إنجاز كثير من المهام المرتبطة بالدواووين الحكومية بحكم عملى كمحامى ... وطبعاً من غير قصد ... ..


صباح الورد عليك
انا والله ماعندي علم باصل الدبلة لكن المتداخلين ماقصرو ووضحو
جاية من وين ..
هي يمكن تكون مامقياس او ماشئ مهم بالنسبة للرجل
لكن بطبيعة المرأة بتهتم بالتفاصيل التي تربطها بشريك حياتها
والدبلة من التفاصيل اللي ممكن يعتبرها الرجل غير مهمة ومامقياس لمدي
الارتباط والاهمية لدي الطررف الاخر

وانا بعرف زول لما يخش مكاتب العمل المدني بقلع الدبلة
وبنجز امورو وبطلع
ودا مربط الفرس :o

[يوسف كيكل]

انا غايتو الا بعد ادبل حتى البس الدبله

[مدنيّة]

دبلة شنو يابنوتة ياخ!
ماعندنا الثقافة دي احنا
حدهم معاها الشهور الاولي من الزواج
وتاني انسي

--------
العايز يلعب لو لابس دبلة ولا مالابساها
بيلعب
عشان كدا ما تركزي علي اي حاجة خارجية
وامسكي قوووووووووي في الداخلي ياجميل

[بت أم درمان]

وبالنسبة للمتزوجين
اثنين
ثلاثة
اربعة
شنو بكون وضعهم
ولا بلبس دبلة وحدة وكل وحدة تعتبرها ليها
غايتو انا شايفة ان الدبلة ما مقياس ابدا
لان كتااااار بلبسو دبل وما متزوجين

وبعدين في ناس شتر
الواحد تلقيهو داير يفتح الباب
ولا شغال ليهو في شي
الدبلة تمسك ليها في حاجة
يقوم اصبعه ينقطع تبقى عليهو خسارة :)

[بحيرى]

يا اخوانا
القلاط فى شنو ؟!!
الشغله واضحه
الموضوع ده دبله وخطوبه وعرس معناتو موضوع بتاع لف ودوران
اصلوا المتزوجين ديل بتاعين لف ودوران
يعنى حتة الدبله دى بتعمل ليك حساسيه !!!
اقتراح !!
وبما ان المراءه المتزوجه نعرفها بالحنه
عليه ممكن نفرض على الرجل الذى يتحسس من الدبله ان يرسم وشماً او اى شئ يدل على زواجه
واحد ثقيل قال لى
يعنى الراجل اتحنن ؟!!!

[نزار حسن محمد]

بت مارنجان حمدالله على السلامة بعد الغيبه الطويله دي ((قالووو العيش بمشى وبجى الطاحونه ))
وتوش ندخل فى الموضوع يوم خطوبتى وبعد ما لبستنى الدبله وبعد اقل من ثانيه طلعت الدبله وقلت ليها دى هديه منى لك
وبس ...ليوم الليله لاسالتنى ولا اشتغلنا بالموضوع ..

[الزبير محمد عبدالفضيل]

الدبله ليس هي الرابط بين الزوجين

[الجندي المجهول]

بتنا صباح الخير ،،،

لا اعرف اسم الشاعر ولكنه اهدى الفنان الموسيقار القامة /محمد الأمين ،، أغنية
الليلة بهديك دبلة الحب والخطوبة وهو بدوره اهداها للفنان النقي الجميل / أبو عركي البخيت فغاها وابدع فيها

من ناحية اسلامية لا دليل على عليها وهي عادة دخيلة علينا .. وأصبحت عادة (اصيلة ومتأصلة) وكان الزواج من غيرها يعتبر (ناقص)

عموما صديقي وود جيرانا (علي) متزوج (3) ولي هسع ما لبس دبلة ..

توجد اغنية زمان كانت مشهورة لدرجة أن تغنى بها فنان نوبي( مصري) الله يرحمه ( اسمه فيكا)

لابس ليهو دبلة وعامل فيها خاطب ودي بس حركات مكاتب ...

وتحت تحت لما سألت عن سبب الاغنية وليه الزول دا كان عامل فيها خاطب لما يخش مكتبهم

قالوا لي ( كانوا كلهم شينات ) وهو شايف روحوا خالص

تخريمة : العود أحمد ......

[عوض صقير]

بت مارنجان حمدالله على السلامة بعد الغيبه الطويله دي ((قالووو العيش بمشى وبجى الطاحونه ))
وتوش ندخل فى الموضوع يوم خطوبتى وبعد ما لبستنى الدبله وبعد اقل من ثانيه طلعت الدبله وقلت ليها دى هديه منى لك
وبس ...ليوم الليله لاسالتنى ولا اشتغلنا بالموضوع ..

هى لكن من الشيلة وسد المال كلموها .. قالوا ليها العريس الجاييك ده .......
جدو كاتل أسد ... أها دحن تانى بتقدر تسألك ... هععع أبو سفرووك ..

[ودسمير]

تحيه عطره يا بت مارنجان ..
انا من المعنييين جدا بهذا الموضوع لانى خلعت الدبله من زمااااان والسبب هو انها شويه تاعبانى مع الوضؤ والسبب التانى انى جد ما متعود عليها ليس هى وايضا الساعه يعنى (ما بحب الشناكل).
الموقف الظريف الذى مر بى بعد ساعات من خلعها كنت فى السعوديه وجاى اجازه السودان ، فقالت لى زوجتى انت فى السعوديه لابسها وليه داير تخلعها وانت ماشى السودان ؟ فقلت ليها ما تخافى كل الناس عارفنى متزوج ! ولو خائفه (اجكس تانى ) الدبله عمرها ما ح تقيف أمامى ! فسكتت ويا ليتها لم تسكت .

وحتما سنلتقى

[همسات]

مافي اي طرحة لافة في البوست دا
ان شاء الله توب ساي "ابقجيجة :o:o:o:o"



الغاليه بت مارنجان
بركه الشفناك طيبه وماتطولي الغيبه تاني
قاعدين ومتابعين والله
بالنسبه لي طالما ان الزوج اصلا مابحب يلبس الدبله فهذا سبب منطقي ومقبول
فلا مانع من عدم لبسها صدقيني فرباط الزواج ليس دبله فقط
الذي ارفضه هو الخداع والكذب فقط

[مايسة]

بتنا

دبلة شنو كمان البتحدد الالتزام والدواخل وبتمسك الواحد

تخريمة : يا دبلة الخطوبة عقبالنا كلنا :o

[ايمن عبد الله]

توجد اغنية زمان كانت مشهورة لدرجة أن تغنى بها فنان نوبي( مصري) الله يرحمه (اسمه فيكا)
لابس ليهو دبلة وعامل فيها خاطب ودي بس حركات مكاتب ...
وتحت تحت لما سألت عن سبب الاغنية وليه الزول دا كان عامل فيها خاطب لما يخش مكتبهم
قالوا لي ( كانوا كلهم شينات ) وهو شايف روحوا خالص


والله لكن حبيبنا الجندي قديم قدم انت قاعد من الزمن داك .. زمن فيكا :confused::cool:

[النويري]

بسمـ الله الرحمن الرحيمـ...

هل تسائلت يوماٌ لماذا يلبس خاتم الزواج في الصبع الرابع ( البنصر ) ؟.؟.؟


هناك تفسير ولكنه يرجع أصله لأحد أقدم الحضارات.. الصين

- فالإبهام يمثل والديك

- الإصبع الثاني (السبابة) يمثل أخوانك وأخواتك

- الإصبع الأوسط يمثل نفسك

- الإصبع الرابع (البنصر) يمثل شريك أو شريكة حياتك

- أما الإصبع الأصغر (الخنصر) فهو يمثل أطفالك

1- في البداية افتح كفيك واجعلهما يتقابلان وجه لوجه كأنك على وشك أن تصفق.

2- والآن لنأخذ الإصبع الأوسط والذي يمثل نفسك خارج المعادلة وذلك بطوي الإصبعين الأوسطين للخلف

3- والآن اجعل باقي اطراف اصابعك تلتصق مع بعضها البعض

4- الآن حاول ان تفصل ابهاميك عن بعضهما البعض (والذان يمثلان والديك) ستجد أن بإمكانك ذلك لأن والديك لن يبقيا معك طيلة حياتك

5- ارجع ابهاميك كما كانا وحاول ان تفصل بين اصبعي السبابة (والذان يمثلان
اخوتك) ستجد بأن بإمكانك ذلك لأن أخوانك وأخواتك سيأتي يوم وتصبح لكل منهم
عائلة وسينشغلون بأمور حياتهم

6- والآن أرجع السبابتين كما كانتا وحاول أن تفصل بين الخنصرين (والذان
يمثلان أولادك وبناتك) يمكنك أن تفصل بينهما أيضا لأن أطفالك أيضا ستصبح
لهم حياتهم الخاصة وسيبتعدون عنك

7- والآن أرجع الخنصرين كما كانا وحاول أن تفصل بين البنصرين (اصبعي الخاتم)


8-ستفاجأ أنك لن تستطيع أبدا أن تقوم بذلك لأن الزوج والزوجة من المفترض أن
لا ينفصلا وأن يعيشا معا على الحلوة والمرة وأن يبقيا معا رغم كل الصعاب..


ملطوش

أنا عن نفسي لم أشتري دبلة فقط في يوم كنت ذاهباً مع أخي في السوق وكان يرغب في شراء ذهب لزوجته وكنت انا عذابي فقال لي خذ هذه الدبلة هدية مني وكنت وقتها لا أرغب حتى في الزواج فأخذتها وأحتفظت بها إلى أن جاء يوم الزواج ولبستها ومن يومها وهي معي ولكن لا دخل للزوجة بها فهي تعني لي ذكرى من أخي .12457124541245512456

[الجندي المجهول]

والله لكن حبيبنا الجندي قديم قدم انت قاعد من الزمن داك .. زمن فيكا :confused::cool:

ايمن حبيبنا ،، يا قائد الطلائع ايام ( نميري ) رحمة الله عليه ،،،،

نميري احدي ما فات انا ما عارفوا جا متين ومشى متين ولا عارفو زاتو جا (راكب شنو)

تحياتي ،،، يا نجمة

[ابراهيم]

قال وفييية قال الكلام دا قولي لي زول عزابي :p


دى ضربة حرة غير مباشرة يا جار ..

[محمد المأمون]

الأخت العزيزة فاطمة شكرا لطلتك المميزة...مافهمته منك تعاطى المجتمع والسلوك العام وليس الصلة بين الزوجين لأنهما من يقيمان ذلك وأتفق معك تماما بأهمية التعريف بالوضع الاجتماعى عبر دبلة الخطوبة والزواج للرجل وللمراة