الشعب يريد إسقاط النظام ....

[الجندي المجهول]

الشعب يريد .. إسقاط النظام

لهذه الجملة مفعولها السحري كان لدى الشعب التونسي الهبت الحماس وزلزلت اركان (كرسي الطاغية) ومن بعدها وبنفس النهج وبنفس الشعار كان احفاد (الفراعنة) على موعد مع نفس الشعار وملائيين هادرة وبصوت واحد في ميدان التحرير وسط القاهرة
الشعب يريد اسقاط النظام ... وكلما خطب فيهم ( الرئيس السابق ) محمد حسني مبارك أو اصدر بيان قال الشعب شعاره المعهود ( الشعب يريد النظام) بقدر ما حاوا ان يتمسك بالسلطة أ, بتغيير بعض مواد الدستور واحالة البعض للمعاش إلا ان الشعب قالها صراحةً وبكل وضوح ومثلما حدث ي تونس (لا يريدون النظام او أي فرد منه ) يعني بالواضح ( كله بره ) ...

اجمل تعليق أو اتصال هاتفي كان من احد الاعلاميين المغضوب علهيم ايام عهد ( مبارك) وقال في اتصاله على الحكومة الجديدة أن تحترس من ( حملة المباخر ) لانهم هم المطبلاتية ومثلهم مثل كثير من الصحفيين الذين يأكلون على كل الموائد ..

تفسير : حملة المباخر والمقصود بها الذين يحملون المباخر ( عند الشيوخ ) ولا يقصدون شيخ معين وكل من هب ودب يحملون له المباخر ( تقرباً ) وكسباً للود ..

تخريمة : لي عودة لحملة المباخر والصحفيين الذين يأكلون على كل الموائد ( وكذلك بعض المذيعيين)

ومع خالص تحياتي ،،
ولا ننسى
الشعب يريد إسقاط النظام ،،،،

[mahagoub]

يا اخى خليك واضح وقول انت تقصد شنو

[ZANOON]

يا عم محجوب
حبيبنا الجندي ده الايام دي مامعاي في الخط

لكن انت ذاااااااتك قصدك شنو

[النويري]

المشكلة نحن ما عندنا ساحة كبيرة ذي ميدان التحرير أها الناس دي بتمشي وين ههههههههههههههههههههههههه

[حيدراباد]

القال ليك منو ماعندنا ساحة عندنا ساحة الشهداء اكتوبر خير دليل الى الخرطوم الى الخرطوم والشعب حضر الى الخرطوم

[خالد 000 ابقرجة]

المشكلة نحن ما عندنا ساحة كبيرة ذي ميدان التحرير أها الناس دي بتمشي وين ههههههههههههههههههههههههه


جندينا أول حاجة كل سنة وانت طيب 000
تاني حاجة خلي النويري ده يعرف أنو عندنا بعد نظر
من زمااااان لمن قسمنا كل ميادين الأحياء قطع أراضي وقسمناها للحبان
وزحفنا علي الميادين العامة واستثمرناها بي الكيمان
كنتو قالين الموضوع جشع مننا

عرفتوا أننا سابقين العرب في التخطيط المستقبلي ؟؟؟؟
كدي أحرف ثائر منكم القي ليهو نص ميدان اعتصم فيهو 000

هاهاهااااااي بتاعة الخواض

[بت مارنجان]

المشكلة نحن ما عندنا ساحة كبيرة ذي ميدان التحرير أها الناس دي بتمشي وين ههههههههههههههههههههههههه

تعرف يالنويري المشكلة مافي "الميدان ولا الساحة "
المشكلة انو نحنا لسسسسسسسا واقفين في حتة عملته وسويتو
ماعندنا ثقافة الناس تبدأ تفكر بوعي عن حال البلد ولا عن البنيات التحتية
ولا في طلبة قاعدين يتناقشو في "مشكلة البطالة والحد من الفقر وووو
نحن قدامنا كتير لغاية مايجي شباب واع فاهم ودارس وعارف موقف بلده
ودارس للموقف السياسي والاقتصادي ..
وبعدين اديني مثال "جيد لقوي الاحزاب والمعارضة السودانية"

تخريمة : نهدي للجندي المجهول اغنية "ادخل الساحة واشيل مفتاحة جنانين
الشنو كدا ماعارف اللذيذ تفاحها :o

[المسافر]

أعتقد القصة لازم تكون مؤسسة شوية ، مثلاً مفروض أن نتحدث بإستمرار عن الفساد ، ولأن الذي كان يحدث في مصر يحدث عندنا ، وبمتابعة الفساد المفسدين في الدولة نستطيع أن نجمع أكبر عدد يقوم ( نريد إسقاط النظام ) ، لذلك اقترح أن نعمل منتدى خاص بالفساد .

[روبش]

الجندي هوووووووي انت بتاع مشاكل ساي نحن كويسين لدي هنا

[ابو عبد الرحمن]

أعتقد القصة لازم تكون مؤسسة شوية ، مثلاً مفروض أن نتحدث بإستمرار عن الفساد ، ولأن الذي كان يحدث في مصر يحدث عندنا ، وبمتابعة الفساد المفسدين في الدولة نستطيع أن نجمع أكبر عدد يقوم ( نريد إسقاط النظام ) ، لذلك اقترح أن نعمل منتدى خاص بالفساد .
تسلم يا المسافر على الحس الوطني المنطقي .....
جميل ان نبني منبر حر وفاعل بيان حقائق الغش
والفساد وإظهار المفسدين في الارض ... لان والله
الفساد عم البلاد والامصار ولم يبقي مسؤل واحد الا
وهو غارق في الفساد الا قليل من عباد الله الشكور ..
وانا اتعجب من أُناس قليلي الحيلة والفهم .. فيقولون
والله البشير نظيف .. طيب هو نظيف ما مشكلة ،، لماذا
لا يقوم بواجباته الربانية في الوزراء والولاة الحرامية
هنا مليون علامة استفهام كبيرة جدا ......