مجرد سؤال للموجودين بمدني .. للمصلحة العامة

[الجندي المجهول]

هل صحيح بأن الشركة الاستشاري الذي تم التعاقد معها لتنجيل استاد مدني (كل تخصصها فقط ) ينحصر في اعمال النقاشة والبياض !!!

ملحوظة البجي ينفي لينا ( يحضر معه إثبات) لان الكلام فقط لا يجدي ،، حتى نواصل ما بدأناه من عمل

وعجبي وعجبي


غايتو لو دي الحقيقة تبقى مصيبة !!!!
يا ناس بي هناك بالله شوفوا لينا بي سرعة اسم الشركة المنفذة والسيرة الذاتية لها حتى نرى ( سابقة الاعمال لها في هذا المجال) ..

تخريمة : هذا الملف لن يتم أغلاقه على الإطلاق (حتى) نعرف من المقصر وتتم محاسبته وكل يوم حا أكتب بوست وسيتم تداول هذا الموضوع في اماكن عدة ( وحا نعمل قلق شديد)

واحاول اتصل بالاخ رضا مصطفى الشيخ ( مقدم برنامج عالم الرياضة والتلفون الخاص به لا يمكن الوصول إليه ) ..

مع اللفة : لا زال هؤلاء يتناولون الفطور والغداء والعشاء بكل اريحية ونفسهم مفتوحة كمان .. غيتو جنس ( بروود)
ياااخ اخير حسني مبارك من ( ناس ديل )

للعلم ،،باذن الله ساواصل ( متابعة هذا الموضوع ) ايدكم معانا يا شباب ،،،

[بدر الدين احمد الطائف]

12377


معاك يا جندينا حتى النصر
تابع يوم السبت القادم برنامجGoonbook يوم البست القادم على قناة قوون

[مدنيّة]

الجندي الهميم
بيعجبني حسك الوطني جدا
وغيرتك علي المدينة
وربنا يديك علي قدر نيتك

---------



ملحوظة البجي ينفي لينا ( يحضر معه إثبات) لان الكلام فقط لا يجدي ،، حتى نواصل ما بدأناه من عمل



وقفني كلامك دا يا الجندي
مش برضو من باب اولي انه اللي بيتهم
برضو يكون بالدليل والوثائق والاثباتات
لانه برضو "فقط" الكلام لا يُجدي!!!


--------
احترامي الذي تعلم

[همسات]

اخوي الجندي تحياتي واحترامي
واصل ونحنا معاك وربنا يوفقك
اصلها الناس دي مابتجي الا كده
لو الناس من زمان بتقيف علي اي شي
ده ماكان حالنا صدقني ............
احي فيك الشجاعه وهذه الروح
بس محتاجين اثباتات اكثر......

[روبش]

الحبيب الجندي
اديك العافيه
اقول :: ما تذكر لينا اعضاء اللجنة الكريمة التي أوكل إليها هذا العمل حتى نقيمهم على مستواهم

[الجندي المجهول]

الجندي الهميم
بيعجبني حسك الوطني جدا
وغيرتك علي المدينة
وربنا يديك علي قدر نيتك

---------



وقفني كلامك دا يا الجندي
مش برضو من باب اولي انه اللي بيتهم
برضو يكون بالدليل والوثائق والاثباتات
لانه برضو "فقط" الكلام لا يُجدي!!!


--------
احترامي الذي تعلم


اختي الغالية مدنية ( العمة )

والله كل ما اتصل على الاحباب في مدني يقولوا لي الكلام وسمعته من اكثر من شخص واشخاص ( مسؤولين) ليس لهم في العك او العجن

ومافي دخان من غير نار ،،،،

اهو انحنا فتحنا البوست وكيد هم قرو الكلام دا فقط ما عليهم غلا ان يعملوا ( اسكان ) للسيرة الذاتية (سابقة الاعمال ) واسم العمل والتخصص

وبيني وبينك بصراحة كدا وصاحب العقل بيميز ( في زول خبرة ) بيعمل العمايل دي .......

ونحن رأينا الاستاد بام اعيننا ولم يحدثنا شخص عبر الهاتف ولم نرى (الملعب ) وحدنا بل كل من تابع قناة الجزيرة في شتى (بقاع العالم) شاهد تلك (الحواشة / الزريبة/المهزلة)

هسع بالله عليك كان قالوا لي المسؤول من ( النجيلة دي) نجار خشاب أو بتاع بوهية ( بصدقوا طوالي) لانني رأيت الفشل بعيني
تخريمة : مع ذلك نفرض ان الشخص المسؤول معاهو (دكتوراة في النجيلة) برضوا فاشل ( ولا رايك شنو ) ؟

طالما انه فشل في زرع الاستاد بالنجيلة يعتبر فاشل وحتى لو بروف في جامعة بوستون ( لعلم النباتات )

العمة ... صحب العقل بيميز .......

وبيني وبينك ياخ والله واضحة لمان ( شينة ) وقبيحة ومفروض يتفتح تحقيق الان وقبل بكرة

ولكن من هنا ومن خلال وسائل اخرى الموضوع دا ( بحكوا لما يجيب الدم )

ولن يجدي نفعاً قيام النجيلة بعد البطولة ( لانها بعد البطولة باذن الله حا تقوم حا تقوم ) انحنا عاوزين نعرف طالما ( في ميزانية ) لهذا التنجيل ( لماذا لم يتم .....

وحتى هذه اللحظة ( المسؤولين ) واحد فيهم قدم استقالة مافي ..

[تغريدا]

الجندى الهميم لك منى كل تحايا الود والأحترام وأنت مهموم بأرض الطيبة والمحنة أن شاء الله معاك يد واحدة وربنا يسهل

[ودسمير]

والله يا ولدنا انا كنت متوقع اسوا من كده طالما اى مشروع ينظر اليه كثير من الناس على انه وجبه دسمه !! وساقيتنا لسه مدوره وده
كلو فى النهاية يقع على عاتق ( محمد احمد ) الذى فقد حتى العاتق !

[مدنيّة]

لاحظ يا الجندي
اني لم اتطرق لاصل الموضوع
لكن مسكت في حتة
بتدل علي اذدواجية المعايير
ومنك انت بالذات ماكنت بنتظرها
لاني عارفاك زول عقلاني

--------
توضيح لاذدواجية المعايير
لما تقول انك "سمعت" من من تثق فيه
دا ابدا مادليل وياها القوالة الرفضها
من اي زول يجي يدافع "قوالة فقط"

-------
في قاعدة فقهية معروفة جدا
البينة علي من "ادعي"
واليمين علي من انكر
لو طبقنا القاعدة دي علي البوست دا
يبقي مفروض الاول انت تجيب ادلة اثبات الاتهام ، صح!!

-------
احترامي الذي تعرف

[ZANOON]

جندينا الحبوب
الليله في مبارتين اتمني ان يكون هناك
فرق ملاحظ ‏
بينهما ‏
ومباريات ‏
اليوم ‏

الاول
اكتب هذه المشاركه من داخل الملعب

[مدنيّة]

جندينا الحبوب
الليله في مبارتين اتمني ان يكون هناك
فرق ملاحظ ‏
بينهما ‏
ومباريات ‏
اليوم ‏

الاول
اكتب هذه المشاركه من داخل الملعب

اها الكورة دي ماانتهت يا ذنون
تورينا لو في فرق ولا مافي!
اصلو كيورنا عاااااااااااااااااالي ههههههههههههههههه

[نزار احمد كوارتي]

من أرض المحنه من قلب الجزيره برسل للمسافر أشواقي الوفيره
يا جماعه دي إسمها الجزيره وده إسمو إستاد مدني عاصمة ولاية الجزيره وعندنا مشروع جزيره
وهيئة بحوث زراعيه وكلية زراعه ووزارة زراعه وإتحاد مزارعين وعندنا الري وعندنا الحفريات
وعندنا نفره زراعيه يعني مفروض كان زرعنا زريعه وغطيناها بي شوالات وكل مسؤول جا مصمص خشمو, الإستاد ده يكون زي إستاد نادي الجزيره الأماراتي
عندي بعض الصور أخدتها ليه من فوق أوعدكم أنزله ليكم المره الجايه عشان تقارنو براكم

[أم يحيي]

المقصرين كثيرين تحاسب منو وتخلي منو كلهم عازين محاسبه والحساب يوم الحساب نسال الله السلامه للجميع

[الجندي المجهول]

جندينا الحبوب
الليله في مبارتين اتمني ان يكون هناك
فرق ملاحظ ‏
بينهما ‏
ومباريات ‏
اليوم ‏

الاول
اكتب هذه المشاركه من داخل الملعب

شفنا الفرق يا ذا النون

غايتو يا ذا النون يا انت ما لعبت كورة ( مع اني اعرفك واعرف انك لعبت بصفوف اشبال سيد الاتيام الاهلي ) وتعرف أنه من المستحيل ان يقوم النجيل الطبيعي في ظرف 3 ايام ..

غايتو ما زال مسلسل الفضائح مستمر !!!

[الجندي المجهول]

لاحظ يا الجندي
اني لم اتطرق لاصل الموضوع
لكن مسكت في حتة
بتدل علي اذدواجية المعايير
ومنك انت بالذات ماكنت بنتظرها
لاني عارفاك زول عقلاني

--------
توضيح لاذدواجية المعايير
لما تقول انك "سمعت" من من تثق فيه
دا ابدا مادليل وياها القوالة الرفضها
من اي زول يجي يدافع "قوالة فقط"

-------
في قاعدة فقهية معروفة جدا
البينة علي من "ادعي"
واليمين علي من انكر
لو طبقنا القاعدة دي علي البوست دا
يبقي مفروض الاول انت تجيب ادلة اثبات الاتهام ، صح!!

-------
احترامي الذي تعرف


العمة العزيزة تحياتي ،،
اجيك من الاخر كدا

كلنا اتفقنا ان هالك تقصير

طيب طالما اتفقنا ان هنالك تقصير

من هو المقصر حتى لا نتهم احد جزافاً

ولا بد من محاسبة المقصر

لان حسب علمي أن هنالك في كل وزارة لجنة متابعة ومراقبة لتجويد الاعمال ( في كل الدنيا)

ونمسكها من :
وزير الرياضة

الاتحاد المحلي

اللجنة المنظمة (الكبري بالخرطوم )

اللجنة المنظمة الصغري بمدني

+ الاتحاد العام

ما هي الحلقة المسؤولة عن هذا التقصير

لا بد من كشفها

الان وفوراً

يا استاذة مدنية الموضوع واضح ولا يحتاج إلى تفكير أو ازدواجية معايير
يدحل ملعب استاد مدني من ضمن ( الوجبات الدسمة )
1/ عمارة كلية الشرطة التي طاحت ولم يتم محاسبة احد حتى الان
2/ طريق شريان الشمال ولم يتم محاسبة احد حتى الان
3/ طريق التحدي ولم يتم محاسبة احد حتى الان
4/,,, الخ الخ

ولم ولن تتم محاسبة احد لأن هذا العهد اتسم بالفساد
بل بالعكس سيجد المفسدون التكريم والشكر

تخريمة : بالله عليك ازدواجية معايير دي قاصد بيها ان ( النجيلة ابت وتكبرت وعاندت انها ما تقوم) ولا شنو ؟

لماذا ندفن الرؤوس في الرمال ونحن نرى الفساد بام اعيينا .....

يا عمتنا القصة ما ازدواجية معايير القصة - موت ضمير

وبطرفي كل المعلومات المثيرة

وسيتم نشرها في حينها

ولكن حتى تكون على علم تام قسماً بالله العظيم ثلاثة
بطرفي اسم الشركة واسم صاحبها ومن يدعمه من المركز

وكله سينشر في حينه
وابشرك سوف ينشر في وقت واحد في كل المواقع السودانية ( بدون فرز + الفيس بوك )

جايك انا بالتقيل

باذن الله

مع تحياتي ؟؟؟

[بدر الدين احمد الطائف]

معلق الجزيره لمباراة غانا وزيمبابوى اكتفى بالقول بان الارضيه غير صالحه .
ولكن الجمهور حضوره جميل ومتفاعل مع المباره بصوره جيدة.
ودائما ما نقول ان مدنى جميله بي ناسها.
حقيقة ان الترضيات والمجاملات هى سبب قوى جدا فى انتكاسات السودان.

[الجندي المجهول]

معلق الجزيره لمباراة غانا وزيمبابوى اكتفى بالقول بان الارضيه غير صالحه .
ولكن الجمهور حضوره جميل ومتفاعل مع المباره بصوره جيدة.
ودائما ما نقول ان مدنى جميله بي ناسها.
حقيقة ان الترضيات والمجاملات هى سبب قوى جدا فى انتكاسات السودان.

يا ذا النون ،، مبروك جالك (قلق )

الارضية التي رأيناها تحتا إلى اقلاها مع العمل المتواصل 30 يوم متواصلة

وكانت هذه المدة بل اكثر منها ( شهرين ) متوفرة قبل البطولة

ولكن الشئ الكان مفقود حتى هو (الضمير)

شكراً بدر الدين

تابع معانا ،،

[الجندي المجهول]

اختنا وعمتنا مدنية ازيدك من الشعر بيت

مدني زاتها ضيقة (شديد ) ويعني لو انت ساكن حي البان ( البيحصل ) في دردق أو المكي او الجزيرو بيصلك والناس بتعرف بعض كويس جداً

ونعرف من هو التاجر ونعرف من هو المتسلق
ونعرف الصالح منن الطالح جيداً

عشان كتير من المتسلقين (اكلي مال الشعب تركوا المدينة ( ومشوا لخرطوم محل الناس ما بعرفهم ) ومنهم من حاول ان يجلس في المدينة واصبح ظاهراً والناس كلها عارفة ( ولكن من أين لك هذا معطلة ولا تعمل ) ... دي حاجة

وغير كدا ياخ معروف أي مشروع في الدنيا خاصة في البنية التحتية أو البناء بيكون فيهو استشاري حتى يتم تفادي الاخطاء (البشرية) إلا مثلاً الله لا قدر اذا حدثت عوارض طبيبعة ( زلزال ، فيضان الخ .) ولكن اذا لم يحدث أي من هذه المشاكل وتم تسليم المشروع وبه عيوب

معناها هناك فساد وهذه راعي الضان في الخلا (يعرفها )

ملعب مساحته 74 * 105 = 7770 متر مربع

استلمته الشركة لتقوم بتنجيله قبل وقت كافي جداً

عندما حان وقت البطولة انكشف المستور

بالله عليك الله التفسير هنا شنو ؟

عن اي عقلانية تتحدثين

وعن اي معايير تتكلمين

القصة واضحة وضوح الشمس في كبد السماء ...

ولكن الله في

يمهل ولا يهمل

ونحن بدورنا سنكتب وسنهاجم إلى أن نحرز الاهداف المطلوبة

حتى هذه اللحظة 7 مواقع سودانية ستنشر المعلومات + الفيس بوك ( مع انو انا ما بخش فيهو لكن كتر خير الاخوان )

ولي عودة باذن الله

مع تحياتي

[ابوندى]

مجرد سؤال للموجودين بمدني .. للمصلحة العامة هل صحيح بأن الشركة الاستشاري الذي تم التعاقد معها لتنجيل استاد مدني (كل تخصصها فقط ) ينحصر في اعمال النقاشة والبياض !!!

ملحوظة البجي ينفي لينا ( يحضر معه إثبات) لان الكلام فقط لا يجدي ،، حتى نواصل ما بدأناه من عمل



مش برضو من باب اولي انه اللي بيتهم
برضو يكون بالدليل والوثائق والاثباتات
لانه برضو "فقط" الكلام لا يُجدي!!!



صاحب البوست والاخت مدنية والمتداخلين سلامات

على حسب فهمى للصياغ ان الجندى المجهول ,, قصد التساؤل فقط وليس الاتهام الصريح ,

وتساؤله مبنى على حديث المدينة وما يدور فيها ...

وكلنا منتظرين الاجابة من الموجودين بمدنى على تساؤله ,, ثم بعد ذلك

يأتى الاتهام موجهاً للجهة المشرفة بعد ثبوت الحقائق

[مدنيّة]

يا الجندي والله انا ولا اتكلمت في النجيلة ولا غيره
كلامي زي ماقلت ليك في اذدواجية المعايير
لما تجي تقول "سمعت من من اثق به"
وتجي تقول العايز يدافع "يجيب وثائقه"

---------
ابو ندي تحاياي
والله كلام الجندي دا اتهام بالدرب العددددددددددددددددديل ما تساؤل

[الجندي المجهول]

يا الجندي والله انا ولا اتكلمت في النجيلة ولا غيره
كلامي زي ماقلت ليك في اذدواجية المعايير
لما تجي تقول "سمعت من من اثق به"
وتجي تقول العايز يدافع "يجيب وثائقه"

---------
ابو ندي تحاياي
والله كلام الجندي دا اتهام بالدرب العددددددددددددددددديل ما تساؤل

عمتنا راجعي عنوان البوست !!!!!!!!!!!!!!

والان بطرفي معلومات وانتظر استلام المستندات

بعد ما استلمها

بقدر اتهم

ولكن حتى هذه اللحظة تساؤل والسؤال ما عيب أو جريمة طالما انه للمصلحة العامة

وبيني وبينك كدا ..

هي عاوزة سؤال


النخجل زاتو بعد كدا

[الجندي المجهول]

صاحب البوست والاخت مدنية والمتداخلين سلامات

على حسب فهمى للصياغ ان الجندى المجهول ,, قصد التساؤل فقط وليس الاتهام الصريح ,

وتساؤله مبنى على حديث المدينة وما يدور فيها ...

وكلنا منتظرين الاجابة من الموجودين بمدنى على تساؤله ,, ثم بعد ذلك

يأتى الاتهام موجهاً للجهة المشرفة بعد ثبوت الحقائق

تسلم ابو ندى للتوضيح الجميل ....

ونتطلع لمزيد من مشاركاتك الثرة الجميلة ... والتي تخدم المصلحة العامة ..

[الجندي المجهول]

عمتنا عشان ما نشمي بعيد

الملعب ما اتنجل ليه ؟ زكان هنالك ( زمن وميزانية)

عشان نبتنعد قليلاً عن قصة (الازدواجية واتهام وسؤال )
جيتك مباشرة للموضوع ؟

لماذا لم يتم تنجيل الملعب وكان هنالك وقت كافي ؟
حااديك انا الرد مفصل في بوست منفصل باذن الله

مع تحياتي ،،،

[بدر الدين احمد الطائف]

سوال برضه
هل تم عمل خدمات للمشجعين فى المصاطب الشعبيه
حمامات بوفيه او كافتريا او مكان صالح لشرب الماء.

حقيقة منظر الناس وهى تتبول عند البوابات الرئيسيه للمصاطب الشعبيه قمة فى التخلف .
هل تمت انارة المداخل الشماليه والجنوبيه للاستاد التى تشبه القبور من حيث ضيق المدخل وظلامته .
يا جماعه لمبه بى 2جنيه ما عايزين يركبوها للاستاد.
انا اتحدث عن ما شاهدته فى اخر اجازة لى العام الماضى

[مدنيّة]

لالا مابراجع عنوان البوست يا الجندي
بمسك ليك بث في الحتة العلقت ليك عليها

الجندي خليك فير ياخ
الايام دي عاجباني كيف مكنة فير دي هههههههههههههههههه

---------
تنزله في بوست منفصل ليه!!
بخلي محمد عبدالله عبدالقادر يدمجه ليك في دا:cool:

--------
دي اخر مشاركة لي معك هنا
عشان مااحرق ليك روحك اكتر من كدا هههههههههههههههههه

[المسافر]

--------
توضيح لاذدواجية المعايير
لما تقول انك "سمعت" من من تثق فيه
دا ابدا مادليل وياها القوالة الرفضها
من اي زول يجي يدافع "قوالة فقط"

-------
في قاعدة فقهية معروفة جدا
البينة علي من "ادعي"
واليمين علي من انكر
لو طبقنا القاعدة دي علي البوست دا
يبقي مفروض الاول انت تجيب ادلة اثبات الاتهام ، صح!!
-------
احترامي الذي تعرف






القاعدة الفقهية دي في غير السودان قد تكون مقنعة ومقبولة
لكن في السودان وارد جداً وإنتي أكيد عارفة وفاهمة بواقع
تواجدك في السودان وقربك من الوضع المرزي ده . .

أما ما ذكره أخينا الجندي بخصوص شركة التنجيل
بأنها متخصصة في أمور مختلفة وبالرغم من أنه
قال ( سمع من شخص بثق فيهو ) ، أنا بقسم
بالله بأن الوضع سيكون كذلك وربما تم تكوين
الشركة فقط قبل يوم واحد من الموضوع ده

أختي الفساد إنتشر في السودان في كل مناحيه
ولن أستثنى جهة أو مسؤول وحتى الشعب نفسه
لذلك فإن القاعدة الفقهية لا تنطبق في السودان أساساً.

مع تحياتي العيد ال 22 لثورة الإنقاذ الوطني

[abomazeen]

بالعقل كده أنت ما ممكن تكون :

1- رئيس الاتحاد
2- عضو في المجلس
3- رئيس محلية
4- وزير
5- مستشار
6- بتاع كورة
7- فنان
أكيد ح تقع (هرررردلوب) من فوق
وبتوقع كمان الناس الراكبة السرج معاك
أها ده الحصل فضيحة مأساوية للسودان أولاً
وعنه هو ما بتكلم إن شاء الله تجيهو ... كمل بخيالك

[abomazeen]

بأمانه أنا المريخ ده ما بحبو
لكن عليكم الله شوف التحفة دي


http://www.darg3l.com/uploaded2011/6522_01297034019.jpg


ده استاد المريخ ... أنت لو بليد شف من جارك ياااخ ؟


http://www.darg3l.com/uploaded2011/6522_01297037595.jpg

كلام يا عوض دكااام ... نجيلة زي اللوز


http://www.darg3l.com/uploaded2011/6522_01297037911.jpg

والله لو أدوك مخدة .. تنوم فيها لحدي الصباااااااااح


http://www.darg3l.com/uploaded2011/6522_01297038040.jpg




خفسة : اللون الأحمر عشان أحبابنا المريخاااب ....

[abomazeen]

أقول لكم حاجة بكل حيادية

لقد تم إنشاء مدينة رياضية بمدينة كريمة زاهية وجميلة
وكل سبل الراحة متوفرة من ناحية السكن للبعثات المقيمة ...
ثم ثانياً عطبرة مالا ؟؟ قلت لي نيجيلة استاد مدني كيف يالجندي

[الجندي المجهول]

أقول لكم حاجة بكل حيادية

لقد تم إنشاء مدينة رياضية بمدينة كريمة زاهية وجميلة
وكل سبل الراحة متوفرة من ناحية السكن للبعثات المقيمة ...
ثم ثانياً عطبرة مالا ؟؟ قلت لي نيجيلة استاد مدني كيف يالجندي



حبيبنا ابو مازن (الغالي)

والله الشئ المؤسف مدينة مثل مدينة ( يفعل بها هذا) بضم الياء


تخريمة : مات الضمير وغاب الوزير وجلس ملك التنظير

معقولة نجيلة ما قادرين يزرعوها (مدينة تحتضن مشروع الجزيرة ) وبها هيئة الابحاث الزراعية وبها عدد ( 2 ) كلية زراعية كلية الزراعية بجامعة الجزيرة وكلية اب حراز

اتخيل لي لو زرعنا حصحاص في ارض كهذه يمكن ان (يقوم ) ولكن بكل اسف

نحن بنزرع في الفساد ،،،

[بدر الدين احمد الطائف]

12392



تصدق يا ابومازن انه الاخضر الجميل ده موكيت اتشحن من جده قبل اسبوعين من بداية االدورة دى وللعلم هو نوع ليس عالى التكلفه ولكن شوف المنظر جميل كيف.
بالله هسع ناس مدنى ديل لوكان جابو موكيت لباد ساكت وفرشوا الاستاد كله ما بكلف ليهو 10مليون.

[نزار احمد كوارتي]

أخوي الجندي
انا غايتو في حاجه شوفتها بي عيني ولا كلموني ولا جابوه لي
وهسي الكلام ده في إجازتي الأخيره دي يعني قبل الدوره دي بي أيام
وكان ما مصدقني أسأل زوزالنون كنته ماشي أشرب معاه جبنه

شوف عيني الإستاد عملو فيه داير ما يدور سلك شائك
إتخيل عليك الله سلك شايك عدييييييييييييييل كده