لوتاه يضطر لتصدير معدات المستشفى الخيري الذي بناه بشرق مدني بسبب تعنت الجمارك

[nehroo]

إضطر المستثمر الإماراتي سعيد لوتاه، لإعادة تصدير المعدات الطبيّة البالغة قيمتها مليوني جنيه (ملياري بالقديم)، بعد أنّ أصرت سلطات الجمارك على دفع مبلغ (75) ألف جنيه كرسوم جمارك.
وتفيد متابعات (التيّار) أنّ وزارة المالية كانت وجهت سلطات الجمارك بإعفاء هذه المعدات الطبية من رسوم الجمارك خاصة أن المستشفى خيري وليس ربحياً، قدمه المستثمر الأماراتي سعيد لوتاه لولاية الجزيرة بشرق وادمدني بمنطقة السكن المنتج، إلا أنّ سلطات الجمارك اشترطت دفع مبلغ (75) ألف جنيه (75 مليون بالقديم) لتخليص المعدات الطبية الخاصة بالمستشفى. وتبلغ تكلفة إنشاء المستشفى (ملياري جنيه) فيما تبلغ تكلفة المعدات المعنية ملياري جنيه أيضاً.
وكان رجل الأعمال الأماراتي سعيد لوتاه التزم بدفع مرتبات الكادر العامل في المستشفى كله، والبالغ عددهم (100) شخص بمن فيهم الأطباء والكوادر الطبية الاخرى، فضلاً عن أنّه دفع أيضاً مبلغ (35) ألف جنيه (35 مليون جنيه) كرسوم لهيئة المواصفات، وتفاجأ بمطالبة سلطات الجمارك بدفع رسوم الجمارك، مما دفعه لتوجيه موظفيه بإعادة تصدير المعدات الطبية للجهة التي أتت منها. وكانت رئاسة الجمهورية اعتبرت مشروع سعيد لوتاه للسكن المنتج بولاية الجزيرة، نموذجاً جيداً لمكافحة الفقر وطلبت من بقية الولايات حذو نهج ولاية الجزيرة.

[معتز الريح]

لا حول ولا قوة إلا بالله ..
حسبنا الله ونعم الوكيل ..

[تغريدا]

بالله عليكم الله ديل ناس ياخ لايرحموا ولايخلوا رحمة الله تنزل لاحول ولاقوة إلا بالله العلى العظيم ماهو دازاتو الجايب الجلا والبلا

[نزار احمد كوارتي]

ده القول البخلي الزول يعُض إيديهُ

[nehroo]

معتز, تغريد, نزار
غلبني أعلق حقيقة
لكن بقولوا
جوهوا يساعدوهوا في دفن ابوهوا
ويدس منهم المحافير!!

[ابو لوزة]

حسبي الله ونم الوكيل عليهم

[مصطفى هاتريك]

هسي بكرة يجي واحد

يقول ليك

حقيقتن نحن ما بنقدر و حقيقتن

وحقيقتن ... و حقيقتن

الحقيقة التي أعرفها أن بن لوتاه هذا يستحق أن يقام له تمثال في مدخل الولاية

حقيقتن حقيقتن حقيقتن

كرهتونا عذبتونا يااااااااااااااااااخ حقيقتن

[محمد حسين (المميز)]

الله يقرفكم ويزيدكم غباء اكتر واكتر

ده سبب رجوع البلد لورا زياده

غباء وتخلف وسرقه وفساد

ايه العبط ده:mad:

[محمد عبد الله عبدالقادر]

يا ترى هل مبلغ الـ 75 ألف جنيه بالجديد سوف يغطي الربط بتاع الجمارك ؟؟!!!!!
لك الله يا بلدي

تعرف يا نهرو عندي تجربه زي دي مع جماعه سعودين ومشينا السودان وبعد حوالي 6 شهور غيرو المشروع لدوله تانيه

[ابو لوزة]

ده لو كان مستشفي استثماري وفية مشاركة مع احد
الجماعة كان مش جمارك كان زللو ليه اي شي
وكسروا لية كل القوانين نحن في بلد ربنا يكون في عونها

[ابوالنور]

معتز, تغريد, نزار
غلبني أعلق حقيقة
لكن بقولوا
جوهوا يساعدوهوا في دفن ابوهوا
ويدس منهم المحافير!!

بث ياها زاتا يا نهيرو شلتها من طرف لساني تصدق

[ابوندى]

فساد ادارة السلطة

[خالد أحمد الصول]

نعم هذا يحصل يوميا في حكومة الاحباب الرائدة
أرسلت رابطة أبناء ودمدني بأبوظبي سريرا خاصة بالعناية المكثفة هدية لمستشفي مدني العجوز والكل يعرف جيدا الحوجة الماسة لمثل هذا السرير و الذي يقدر سعرة ب 180 الف جنية سوداني و أشهد الله أن رئيس قسم العناية المكثفة بالمستشفي قد حضر لمكتبي ليستعجل وصول السرير و قال لي بالحرف الواحد أنهم إضطروا لرفع السرير بي خشبة حتي ينقذوا حياة هذا المريض ... المهم ... بدأت إجراءات التخليص الجمركي و فؤجئنا أن إدارة الجمارك رفضت دخول السرير لانه مستعمل و طالبتنا بإحضار شهادة من الرابطة تقول فيها أنها أرسلت السرير هدية للمستشفي و شهادة أخري موثقة من وزارة الصحة توافق فيها علي دخول السرير علي مسؤليتها ... بعد أن تمت كل الاجراءات و بعد أن قدروا لنا سعر جمارك السرير الي 600 جنيه عادوا و قدروا الجمارك ب 1730 جنيه عدي الارضية و التي بلغت الي الان 130 جنيه و رسوم العتاله و هي 150 جنيه ليكون جملة المبلغ 2010 جنيه و إلي الان العداد شغال ....

[الجندي المجهول]

يا ناس انتو السودان دا ما فيهو ميدان (التحرير )

بلد اي زول شغال علي كيفو وكأنه ورثها عن ابيه


عبط هبالة عقلية متحجرة نفوس مريضة وتسلط

الله لا تريحكم لا دنيا ولا اخرة

دا مستشفى وعمل خيري غير ربحي ويستهدف الفقراء الذي افقرتموهم واكلتوا اموالهم


اذا زاد الشئ عن حدو انقلب ضدوا

ويا حكومة ..... الناس مظلومة

[بت أم درمان]

يعني الناس ديل حتى الحسنة ما بتنفع معاهم
لوجه الله وما خسرانين شي
زول داير يكسب فيهم ثواب
حاسدنو في عمل الخير
بينو وبين الله
ديل شنو ديل اصلهم ما بشر
مخلوقات عجيبة غريبة

[ابوجود]

ياخوانا قولو كلام غير دا لو الكلام دا صحيح يبقى دا كلام يجيب الضغط
والله صحى ...
انا هسى جاتنى حمى

[أبوريلان]

يالجندي ميدان التحرير بالعاصمة موجود
وميدان الحرية بمدني موجود ، ماباقي
لينا إلا نستورد شباب تونسي ومصري
عشان ننجل الميدانيين أعلاه .