كلام

[mutasim]

عندى كلام
السلام للجميع انشاءالله تكونوا بخير
الكلام كتير يلا نبدا

[منو11]

ونكتب في ذاكرة الصفق الأخضر ..
سجنا الريح في الورق الأبيض ..
وجهناها ضد التمر الناعس ..
يسقط زي قبعة الحارس ..
زي الكان بيناتنا وفات ..

[محمد الجزولى]

عندى كلام
السلام للجميع انشاءالله تكونوا بخير
الكلام كتير يلا نبدا
جلوس لمتابعة كتاباتك الشيقة العزيز معتصم

[الجندي المجهول]

الحبيب معتصم تحياتي واشواقي

منتظرين الكلام ( والكلام فيهو كلام)

ما تطول بالله ،،،، وواصل بدون فواصل

تخريمة : غيابك طال اسال الله ان يكون المانع خير ،،،

[mutasim]

السلام الاخوان
منو11
الاخ محمد الجزولى
الاخ الجندى
لكم تحياتى ومشكورين على المشاركة والتشجيع
سبب التاخير اولا الكلام طار لى بعدين المشغوليه وتعطل الجهاز مش اسباب كافيه
الحقيقه كنت بفكر اكتب مواضيع متفرقه تجول بخاطرى وغير مرتبطه ببعض .
بكره انشاءالله نبدا بعد مانخمر لينا موضوع كويس وربنا يسهل

تخريمة
بتاعت الجندى المجهول :يعنى مافى زول سال عنى غير الجندى وانا الدنيا دارت بى لكن ربنا ستر
تحياتى

[بحيرى]

بكره انشاءالله نبدا بعد مانخمر لينا موضوع كويس وربنا يسهل



الاخ معتصم
تحيه طيبه
اها
الموضوع كان ما خمر
نرجاك فى لفة الكريبه ؟!!!

[mutasim]

السلام
الاخ بحيرى انشاءالله تكون مستنى فى لفة الكريبه اه جيتك

موضوعى الاول ( راس البيت )

موضوع خفيف وطرفه ومعها فشله كمان

مرة طلعت راس البيت وغلبنى انزل لما اتلموا الجيران والنسوان اعاينن لى وانا معلق
والسبب كان عندى صيانه فى سقف البيت وبعد ما انتهى الاسطى وهو من ابناء دردق اسمه بوش مشكلته صوته كبير زى كل السودانيين الكلام بصوت عالى المهم طلب منى ان اطلع واشوف العمل والظاهر عندى رهاب الاماكن العالية وماكنت منتبه ليه لما حصلت الحكايه ,المهم السلم قصير والبيت عالى طلعت وفى نص الطريق كرعى اتزلقن رميت السفنجه وصلت للسقف وانا على السلم وشفت العمل وقلت ليه خلاص كويس جدا لكن بوش اصر ان اطلع وغلبنى الطلوع وقعد اتكلم بصوت عالى ونبه كل الناس انى مش قادر اطلع وشفت الجيران بعاينو زعلت ودفعت نفسى بقوة الى ان وصلت لراس البيت ولسه بوش بضحك ويعلق بصوته الكبير وجلت فى السطح ماشى جاى ورايح يعنى مش خايف وكنت بفكر انى اقعد فى راس البيت لما الشمس تغيب لكن بوش بخلينى يلا يلا انزل وغلبنى النزول السلم بعيد ورجلى مابتصل وكل المحاولات فشلت والنسوان الماعندهم شغلة كل واحده واقفه فى بيتها وتتفرج واسمع تعليقهم هى مانزل واولاد الجيران وصلوا البيت وكل واحد يقول كلام اخيرا حولنا السلم للبرنده وتمكنت من النزول
الكلام ده حصل فى حى ناصر طبعا بعت البيت ورحلت لاسباب اخرى

[مدنيّة]

العود احمد يااستاذنا

------
وكلامك منظرنه بشغف
لانه قلمك من الاقلام المميز

---------
قلت بعت البيت "لاسباب اخري"
اها من ضمنها طلعة سقف البيت دي ولالا!! هههههههههههههههههه
-------
شكرا استاذنا

[mutasim]

الاخت مدنيه
زارتنا البركه مشكوره على الزيارة
عدة ليكم بعد انقطاع عن النت لمده طويله لظروف مرت والحمدلله بسلام
البيت اصلوا ما عجبنى كل يوم حرامى يوم ماقدر انزل من البيت وظروف كثيرة الغريبه كل جيرانى باعوا ورحلوا وواحدين فلسوا فتشامت بيه و طلعت منه نظيف جيب .
تحياتى

[مصطفى هاتريك]

أستاذ معتصم

تحياتي

(( بوش )) ده جهجه الدنيا كلها ... معقوله ما يجهجهك

نحن في إنتظار المزيد من كلامك الطيب

[mutasim]

الاخ مصطفى تحياتى
مشكور ياخى لكن ده بوش بتاع دردق هههه

[mutasim]

سلام
طولنا قلنا نرجع لمنتدانا بطرفه سبق ان نشرتها فى الفيس بوك


البلال
قبل شهر تقريبا وانا راجع من السودان بالخطوط السعودية وبعد ما طلعنا فى الطائرة اتضح ان بها عطل والكابتن ابلغنا انه عطل بسيط وجارى اصلاحه وعدينا اكثر من الساعه ولم يتمكن مهندسونا من اصلاح العطل , كان يجلس بجانبى واحد اسمه البلال زول ريف واتصل به شقيقه ليعرف اذا كان سافر والبلال قال ليه الطياره فيها عطل ومنتظرين يصلحوه وبعد شوية تلفون تانى من شخص اخر وتلفون وتلفونات المهم الحله كلها اتصلت بالبلال عايزه تعرف خبر الطياره واحد قال ليه انزل ا زول من الخرابه دى امكن ماتتصلح بقى لينا نحن كمان موضوع ,المهم نزلونا ورجعونا الصالة وتعال شوف الاتصالات بالبلال حمدالله على السلامه ها بركة الماسافرت بيها ,للساعه 3 صباحا وناس قرية البلال ماعندهم موضوع غير طيارة البلال. دا السودان