ود الهجانه
01-02-2011, 10:14 AM
يامصطفى الولد البلد
ياغريب الرحلة والزاد الشحيح
يامديد القامة والحزن الغريب
ياصديق الوردة والاخ والحبيب
ياالبديت البعد لكنك قريب
كيف تكون راكب على المهر العنيد
منكب على لوح القصيد ماسك خيوط لحنا جديد
صابر على الالم الشديد
في لحظة تترجل تفوت ورحلت زي ما جيت وحيد
لاقلت للنيلين وداع ولا طل جانا وراك عيد
يامصطفى الولد البلد
ما أنبلك ما أجملك ما أروعك
ما أجمل اللحظات معاك تلمس شغاف قلب الوتر
تدفق الانغام مطر
تفتح النشيد التبلدي في الظلمات قمر
يامختصر ليل الغياب وملون احزان السفر
مازج تغاريد الطيور الطيور بمفاتن الند والزهر
يامصطفى الولد البلد يامصطفى الفرح البعد
في لحظة تترجل تفوت
ورحلت زي ماجيت وحيد
لاقلت للنيلين وداع
ولا طل جانا وراك عيد
ياغريب الرحلة والزاد الشحيح
يامديد القامة والحزن الغريب
ياصديق الوردة والاخ والحبيب
ياالبديت البعد لكنك قريب
كيف تكون راكب على المهر العنيد
منكب على لوح القصيد ماسك خيوط لحنا جديد
صابر على الالم الشديد
في لحظة تترجل تفوت ورحلت زي ما جيت وحيد
لاقلت للنيلين وداع ولا طل جانا وراك عيد
يامصطفى الولد البلد
ما أنبلك ما أجملك ما أروعك
ما أجمل اللحظات معاك تلمس شغاف قلب الوتر
تدفق الانغام مطر
تفتح النشيد التبلدي في الظلمات قمر
يامختصر ليل الغياب وملون احزان السفر
مازج تغاريد الطيور الطيور بمفاتن الند والزهر
يامصطفى الولد البلد يامصطفى الفرح البعد
في لحظة تترجل تفوت
ورحلت زي ماجيت وحيد
لاقلت للنيلين وداع
ولا طل جانا وراك عيد