شعورك شنو (ممنوع دخول ذوى الاختصاص) [الأرشيف]

بدر الدين احمد الطائف

31-01-2011, 01:53 AM

صديق نوى السفر الى القاهرة فى رحله سريعه لا تتعدى اليومين قال له العديد من الناس الاوضاع الامنيه غير مطمئنه وطلبو منه التريث قليلا والرجوع عن القرار حتى تستقر الاوضاع فى البلد
الح واصر الرجل فاكمل اجراءات سفره من خروج وعوده ثم ذهب الى احدى وكالات السفر دون ذكر الاسم قام بحجز تزاكر ذهاب وعودة بقيمة 1300ريال سعودى فى اليوم المحدد للسفر وعند ذهابه الى المطار تفاجاء الرجل بان الرحله قد الغيت وتم تعديل مواعيد الرحله الى موعد اخر لم يحدد وذلك لدواعى امنيه وبسبب تراكم الرحلات ولم تقم الوكاله المذكوره بابلاغه بالتاجيل او الالغاء.
المهم صاحبنا رجع الى منزله وقرر الغاء السفر .
اليوم ذهب الى الوكاله بغرض استرجاع التزاكر واخذ قيمتها ولعتابهم على عدم الاتصال به واعلامه بتاجيل الرحله .
قابله الموظف المسئول بكل برود واخبره بانهم غير معنيين بالامر .وطلبوا منه خصم 600 ريال قيمة الاسترجاع .
شعورك شنو لو حصل ليك ده

مدنيّة

31-01-2011, 02:09 AM

والله يابدر انت متفائل شديد
شعوري
عاااااااااااااااااااااادي
يخصموا ال600 ريال واشيل الباقي وانا مبسووووووووووطة

------
احنا في السودان بنهوي اوطانا وكدا
عندنا الناقل الوطني سودانير
خلي ماعندنا شعور زاتو يااااخ:cool:

-------
شكرا بدر الدين

الجندي المجهول

31-01-2011, 02:27 AM

الحبيب تكعيب مشتاقين
والله معاي زميل مصري مهندس كميات كان مسافر وشال فكرة السفر من دماغه لظروف خاصة به عندما ذهب لاسترجاع التذكرة

والله الموظف رفض لانه في حالة تم الالغاء لن تعود إليه قيمة التذكرة !!!!!!!!

تخريمة : ياخ احسن من 11 خ دي مافي

وخلينا نشوفك ولا نتقابل في (مستشفى المستقبل) يعني ّ!!!!!

بدر الدين احمد الطائف

31-01-2011, 03:43 AM

والله يابدر انت متفائل شديد
شعوري
عاااااااااااااااااااااادي
يخصموا ال600 ريال واشيل الباقي وانا مبسووووووووووطة

------
احنا في السودان بنهوي اوطانا وكدا
عندنا الناقل الوطني سودانير
خلي ماعندنا شعور زاتو يااااخ:cool:

-------
شكرا بدر الدينمدنيه كله الا الشعور عشان ما نصل لمرحله اذا لم تستحى فافعل ما تشاء
قلتى لى قلع عديل
الله يكون فى العون
ودمتى

بدر الدين احمد الطائف

31-01-2011, 03:51 AM

الحبيب تكعيب مشتاقين
والله معاي زميل مصري مهندس كميات كان مسافر وشال فكرة السفر من دماغه لظروف خاصة به عندما ذهب لاسترجاع التذكرة

والله الموظف رفض لانه في حالة تم الالغاء لن تعود إليه قيمة التذكرة !!!!!!!!

تخريمة : ياخ احسن من 11 خ دي مافي

وخلينا نشوفك ولا نتقابل في (مستشفى المستقبل) يعني ّ!!!!!
الجندى يا حبيب والله نحن المشتاقين
يوم واحد كده ما عزمتونا ناكل سمك فى جمعه من جمعكم دى
بالنسبة للاخ الزميل قول ليهو الجاتك فى مالك سامحتك وربه ضارة نافعه مامعروف كان ممكن يسافر ويلمو فيهو البلطجيه ينضفوا بتاع السعوديه ده
غايتو حاجه عجيبه انا خايف يجى واحد بعد شويه يقول فى واحد قطع تزكره ومشى المطار وقالو ليهو هيا انقلع من هنا مافى سفر ومافى قروش;)

محمد الجزولى

31-01-2011, 04:46 AM

اول بالتبادي يا بدر الدين بركة بالشوفة
وفاقدين طلتكم هنا ياخ
اظن في قانون متعارف علية انه في حالة الغاء الحجز يتم احتساب غرامة تخصم من قيمة التذكرة
طبعا ح اخد بقية المبلغ حامد شاكر

ايمن عبد الله

31-01-2011, 05:04 AM

تحياتي بدر الدين ..

والله ده كلام غريب جداً ..

على حسب معلوماتي .. ومن سفري الكثير .. انا بستعجب جداً للكلام ده .. ولو الكلام حصل في السعودية ح استغرب زيادة .. لانه معظم الوكالات هنا تعاملهم واحد الا اذا صاحبك ده مشى ليهو وكالة شغالة بي راس الموظف الخصم الـ 600 اي تذكرة ترجع ويتم الالغاء يخصم مبلغ 48 ريال فقط حق التكت وحق طباعة التكت بس .. نحن كنا بنتفق مع وكالات لاصدار تذاكر سفر عشان نقدر نطلع الشيك من ناس الشغل لانه الواحد مرات بكون ما عايز يسافر السودان وعايز يستفيد من حق تذكرته ..

وبعد نطلع الشيك بنرجع التذكرة ويتم خصم 48 ريال ده الشي العارفنو .. زولك ده هلالابي ولا شنو ؟

moh_alnour

31-01-2011, 09:57 AM

حمدا ً لله على سلامة الطلة عبر المنتدى أخي بدر الدين بعد طول غياب
أتفق مع الأخ أيمن عبد الله
فحسب معلوماتي المتواضعة أن وكالات السفر في السعودية تخصم مبلغ ( 50 ) ريال فقط
و هناك تذاكر غير قابلة لتعديل الحجز و غير قابلة للإرجاع
و أغرب مافي الموضوع أن صاحبك هذا لم يُلغي السفر من تلقاء نفسه !

بدر الدين احمد الطائف

31-01-2011, 11:47 AM

اول بالتبادي يا بدر الدين بركة بالشوفة
وفاقدين طلتكم هنا ياخ
اظن في قانون متعارف علية انه في حالة الغاء الحجز يتم احتساب غرامة تخصم من قيمة التذكرة
طبعا ح اخد بقية المبلغ حامد شاكر
lمحمد سلام ولك شكرى
وكلامك ده انا برضه كنت متخيل انه ده الشى المتعارف عليه ولكن الغريب انه حدث ما زكرته
بس ما وريتنا شعورك شنو لو حصل معاك كده

بدر الدين احمد الطائف

31-01-2011, 11:51 AM

تحياتي بدر الدين ..

والله ده كلام غريب جداً ..

على حسب معلوماتي .. ومن سفري الكثير .. انا بستعجب جداً للكلام ده .. ولو الكلام حصل في السعودية ح استغرب زيادة .. لانه معظم الوكالات هنا تعاملهم واحد الا اذا صاحبك ده مشى ليهو وكالة شغالة بي راس الموظف الخصم الـ 600 اي تذكرة ترجع ويتم الالغاء يخصم مبلغ 48 ريال فقط حق التكت وحق طباعة التكت بس .. نحن كنا بنتفق مع وكالات لاصدار تذاكر سفر عشان نقدر نطلع الشيك من ناس الشغل لانه الواحد مرات بكون ما عايز يسافر السودان وعايز يستفيد من حق تذكرته ..

وبعد نطلع الشيك بنرجع التذكرة ويتم خصم 48 ريال ده الشي العارفنو .. زولك ده هلالابي ولا شنو ؟ تحياتى ايمن
وتصدق الكلام ده حصل فى السعوديه وفى مكه كمان
وعن طريق وكاله معروفه

بدر الدين احمد الطائف

31-01-2011, 11:56 AM

حمدا ً لله على سلامة الطلة عبر المنتدى أخي بدر الدين بعد طول غياب
أتفق مع الأخ أيمن عبد الله
فحسب معلوماتي المتواضعة أن وكالات السفر في السعودية تخصم مبلغ ( 50 ) ريال فقط
و هناك تذاكر غير قابلة لتعديل الحجز و غير قابلة للإرجاع
و أغرب مافي الموضوع أن صاحبك هذا لم يُلغي السفر من تلقاء نفسه ! الله يسلمك يا محمد
لا هو الراجل وجد ان الرحله الغيت فتلخبطت حساباته فقام هو بعد داك بالغاء السفرمن نفسه
كنا متوقعين كما زكرت وزكر الاخوان ان يتم خصم نسبه صغيرة من المبلغ

بت أم درمان

01-02-2011, 12:31 AM

و هناك تذاكر غير قابلة لتعديل الحجز و غير قابلة للإرجاع

صح
دا بالنسبة للخطوط المصرية
عندهم تذاكر غير قابلة للإرجاع
وفي حالة الغاء السفر تلغى التذكرة
اما في حالة تعديل الحجز تأخير أو تقديم
تدفع غرامة 2%

والزول دا طالما رجعو ليهو مبلغ وخصمو مبلغ
برضو كويس

ايمن عبد الله

01-02-2011, 01:30 AM

صح
دا بالنسبة للخطوط المصرية
عندهم تذاكر غير قابلة للإرجاع
وفي حالة الغاء السفر تلغى التذكرة
اما في حالة تعديل الحجز تأخير أو تقديم
تدفع غرامة 2%

والزول دا طالما رجعو ليهو مبلغ وخصمو مبلغ
برضو كويس

لا لا ما كويس .. لي يخصمو ستمية . يابت ..

أسمعي انتي كنت شغالة في وكالة سفر ؟

بدر الدين احمد الطائف

04-02-2011, 10:31 PM

صح
دا بالنسبة للخطوط المصرية
عندهم تذاكر غير قابلة للإرجاع
وفي حالة الغاء السفر تلغى التذكرة
اما في حالة تعديل الحجز تأخير أو تقديم
تدفع غرامة 2%

والزول دا طالما رجعو ليهو مبلغ وخصمو مبلغ
برضو كويس يعنى نعمل بالمثل البقول المال تلته ولا كتلته
تشكرى بت ام درمان على الاضافة

بدر الدين احمد الطائف

04-02-2011, 10:32 PM

لا لا ما كويس .. لي يخصمو ستمية . يابت ..

أسمعي انتي كنت شغالة في وكالة سفر ؟
شفته ياايمن عشان كده انا قلت ماعايزين ذوى الاختصاص عشان نقعد ننجر بى راحتنا