المساعد الشخصي الرقمي

مشاهدة النسخة كاملة : واحتقنت السماء بالمطر


رضا حسن محمد
03-01-2011, 10:35 PM
صباح الاربعاء الساعة السابعة صباحا
مودى اولادى المدرسة
السماء محتقنة بالسحب
السحب كتر كتر
فكرت ارجع الاولاد فى البيت
الاولاد عندهم امتحانات الصباح
نزلت الاولاد فى مدرستم والبنية فى مدرستا
وجيت على الشغل
رضا حسن محمد
03-01-2011, 10:36 PM
المطر فى جدة ليست كمطر بلادى
المطر فى بلادى حنين
وستات شاى
وخوج
الله الله
بت أم درمان
03-01-2011, 10:38 PM
بختكم الله بحبكم
بنزل ليكم المطر
رضا حسن محمد
03-01-2011, 10:39 PM
وصلت الشعل والدنيا تنذر بالمطر
ما ان جلست على مكتبى خت اتصلت بى ادارة المدرسة عشان احذ الاولاد من المطر
مدنيّة
03-01-2011, 10:40 PM
وما احلي المطر يارضا!

--------
متابعة لصيقة واستمتاع
بت أم درمان
03-01-2011, 10:40 PM
المطر فى جدة ليست كمطر بلادى
المطر فى بلادى

طبعا في بلادك خمج وطين وقرف :rolleyes:
هنا سيول وخوف ان السيل يشيل السيارة :cool:
وتحصل مصائب
رضا حسن محمد
03-01-2011, 10:41 PM
بختكم الله بحبكم
بنزل ليكم المطر

بختنا بالمطرة وبختنا بالناس اللطاف الزيكم
صباحاتك بيضاء مثل نواياك
رضا حسن محمد
03-01-2011, 10:42 PM
وما احلي المطر يارضا!

--------
متابعة لصيقة واستمتاع

انت البشارة فى كل عيد
رغم اعجابك بقلق وسفارى وياسر الديبة
صباجك ابيض يسر الناظرين
رضا حسن محمد
03-01-2011, 10:45 PM
طبعا في بلادك خمج وطين وقرف :rolleyes:
هنا سيول وخوف ان السيل يشيل السيارة :cool:
وتحصل مصائب
ابدا فى بلادى المطرة حلوة حلا
ستات الشاى والقهوة
وحلاتن وحلات شايهن
والخوج فى المطر
وا ضيقى وا حايدى
والسباليق البتنبح بالمطر
والبنية السمحة تطلع للمطرة
ويقع توبا
ومن قلبيى تنزل طوبا
وووب على من بركات ومن مدنى وهبوبا
رضا حسن محمد
03-01-2011, 10:47 PM
رجعت طاير طيران للمدرسة
اخدت الاولاد من مدرسة المنارات
احي مدرسة المنارات رغم قروشا الكتيرة
يا بت ام درمان تعالى نمشى السودان نعمل مدرسة
بلا غربة بلا قرف
رضا حسن محمد
03-01-2011, 10:48 PM
احدت الاولاد واخدت اميرة ونزلتهم فى البيت
ولقيت بت دبلوك مجهزة لى سندوتش سلطة اسود
عارفانى بموت فيها
رضا حسن محمد
03-01-2011, 10:49 PM
رجعت على الشغل
والمطر تقول جنى
مطر الحزن
هطال المطر
المطر البريدو مالو بقى عوير كدة
وانا مشغل المساحات وما شايف قدامى من الضلام
تقول الواطة بالليل
رضا حسن محمد
03-01-2011, 10:51 PM
وصدمت لى حديدة كوشة كسرت المرايا
اجى يا المطرة
وين ريدتنا ديك
والمطر قال يا واحد
عليكم امان الله سايق العربية وما شايف قدامى
بنت الرفاعي
03-01-2011, 10:51 PM
وما أحلى الجري تحتها وزرتها. :-)

عاطر التحايا لك. :-)



‏
رضا حسن محمد
03-01-2011, 10:52 PM
وما أحلى الجري تحتها وزرتها. :-)

عاطر التحايا لك. :-)



‏
ولك يا ست البنات
يا الشبكتك تجى من بلد الخواجات
صباحك منقة بالخلاطة
رضا حسن محمد
03-01-2011, 10:53 PM
وصلت الشغل بالرجالة
وقفت العربية فى الباركن وطلعت للمكتب
ومن فوق قعدت اتامل المطر
رضا حسن محمد
03-01-2011, 10:55 PM
والمطر ينزف نزيف
وتزكرت الناس الكانو معانا
واتذكرت مدنى
وين يا مدنى وين يا ترابا
ومدنى مسيخة مساخة
طالما حاجة فايزة فى لندن
وابو نزار فى ابو ظبى
لكن برجعو وقلبى برجع معاهم
وابوس ليك مدنى
واحى ترابا
وين يا يما وين يا يابا
والمطر يغسل فى الحنين
وين الناس
رضا حسن محمد
03-01-2011, 11:00 PM
والمطر يدغدق فى الحنين
مطر جدة ما حنين زى مطرنا
مطر جدة كسير شجر
ومطرنا كسير تلج
احب الشاى وستاتو
واحب الهوندا والهونداى
وود الريح المهروش
وود النور المهروش بشهادة
رضا حسن محمد
03-01-2011, 11:08 PM
العلاقة الغريبة بين المطر والحزن واذان المغرب
كلهم مزيج بالحزن
والبنية ديك
ماعندها علاقة بالحزن
هى زولة راقية
انا بتكيف ليها جدا
برتاح ليها زى ما قال محمود عبد العزيز
رضا حسن محمد
03-01-2011, 11:20 PM
وتهطل المطرة كعويل النساء
كعواء الذئاب فى جوف الشتاء
عطشانة تحلم بالخريف
هل بكت السماء
والحنين فى بلادى
وفلانة السمحة ست العربية
وووب على من مطرة الخرتوم
ومن الساكنة الخرتوم
والمذيعة ديك
المكسرانا انا وود الريح
وانا وود الريح ال2 بنخاف من نسوانا
كل ناس جدة بخافو من نسوانم
ياخ النسوان يخوفو ود الريح وود النور والادمن
والنسوان يخافو من الفار والضب والصرصور
والمطر يكشح كشح
ود المطامير
03-01-2011, 11:23 PM
يعنى يا الحبيب

مطر جده ما ذى مطر بنات الزاندى ؟
رضا حسن محمد
03-01-2011, 11:29 PM
يعنى يا الحبيب

مطر جده ما ذى مطر بنات الزاندى ؟
وين يا فردة
مطر بنات الزاندى مختلف
وهن يرقصن فى المطرة
كر على منهن
يا ربى قاعدين فى المنيرة ولا رجعو للجنوب
احب المنيرة
وبنالت الزاندى المفتحات عيونن
زى عيون فلانة ديك الساكنة الخرتوم
محل الطيارة بتقوم
محل ود مدثر بنوم
الجندي المجهول
04-01-2011, 12:26 AM
حبينا الاستاذ الغالي

اتصل على يوم الخميس الشباب بتاعين الدافوري وسالوني بعد المطرة الكتيرة دي (الدافوري قائم) ولا تم إلغائه

قلت ليهم انت الدافوري دا قايلنو في ميدان المزاد ،،،،،

راح ليهم انو الميدان (عشب صناعي)

تابع المطرة وانحنا معاك وما تغيب من الدافوري ،،،،،
مدنيّة
04-01-2011, 12:31 AM
برتاح ليها زى ما قال محمود عبد العزيز


http://www.youtube.com/watch?v=TseGicioSyM
تغريدا
04-01-2011, 12:37 AM
رضا ياود أمى نهارك ممطر مطر سابقاه ريحة الدعاش وقوس قزح زاهى ملون وغيمة جميلة ونسمات ترد الروح وعاصفير ملونات يعزفن أحلى النغمات
تعرف يارضا أخوى أحلى حاجة رشة المطرة الأولى وهى تعانق التراب وتطلع ريحته مبااااااااااااااااااالغة والمطر فى بلادنا حقيقة أبداً مافى مطر بشبهوا
رضا حسن محمد
04-01-2011, 02:35 AM
حبينا الاستاذ الغالي

اتصل على يوم الخميس الشباب بتاعين الدافوري وسالوني بعد المطرة الكتيرة دي (الدافوري قائم) ولا تم إلغائه

قلت ليهم انت الدافوري دا قايلنو في ميدان المزاد ،،،،،

راح ليهم انو الميدان (عشب صناعي)

تابع المطرة وانحنا معاك وما تغيب من الدافوري ،،،،،
وين يا باكا
شفت الجو كيف
جو فول
والدافورى نار
لكن صراحة انت بتشيل كل الشفوت فى القسمة بتاعتك
انا بكرة ماشى ابها وبجى الجمعة بالليل
انا فى البوست كتبت بالغلط انا ماشى ينبع
اموووووووووووووووووووووووووووووت انا فى ناس ينبع
لمن اتصل عليك عشان تجينى وانا جاى من ابها المطار
تجينى ما تعمل مجنون زى المرة الفاتت
رضا حسن محمد
04-01-2011, 02:37 AM
شكرا على الاهداء الراقى يا مدنية يا راقية
رضا حسن محمد
04-01-2011, 02:41 AM
رضا ياود أمى نهارك ممطر مطر سابقاه ريحة الدعاش وقوس قزح زاهى ملون وغيمة جميلة ونسمات ترد الروح وعاصفير ملونات يعزفن أحلى النغمات
تعرف يارضا أخوى أحلى حاجة رشة المطرة الأولى وهى تعانق التراب وتطلع ريحته مبااااااااااااااااااالغة والمطر فى بلادنا حقيقة أبداً مافى مطر بشبهوا

تغريد يا بت الام
ذكرتينى بى
صد لى ملامحك يا حراز شمس العوارض غربت
فرتق ضفايرك للرزاو جية العصافير قربت
وفعلا ريحة التراب بعد المطر تدى ربك العجب
ريحة كدة تخليك محلق فى الرياح وفجاة تنززل فى السكون
ريحة فعلا مبالغة
لا مثيل لها
شكرا بت عبد العظيم جميلة الحضور
بنت الرفاعي
04-01-2011, 02:57 AM
وتهطل كل ناس جدة بخافو من نسوانم
ياخ النسوان يخوفو ود الريح وود النور والادمن
والنسوان يخافو من الفار والضب والصرصور
‏

حلوة ‏‎:cool: :cool: :cool:
‎
النويري
04-01-2011, 03:32 AM
رضا المطر ذي شفع العيد يدخل غرف كل البيوت

جميل الدواخل نرتاح حينما تطل علينا سحابتك ونحلق في سمواتك سحاب زولاً ندورو ونشتهي مستمتعين معاك حد الترف

ياخي من يوم ما مرقت من بيتنا لي عشرة سنة لحد الأن ما صادفت لي مطرة في إيجازة الله يقطع الغربة وسنينا
تخريمة: ليه رجال جده كلهم بخافوا من نسوانن أسألة للإيجابة؟
رضا حسن محمد
04-01-2011, 03:39 AM
حلوة ‏‎:cool: :cool: :cool:
‎
ايوة يا دكتورة
المرة تخوف الراجل
والراجل يخوف الفار
والفار يخوف المرة
تسلمى يا ست البنات
رضا حسن محمد
04-01-2011, 03:50 AM
رضا المطر ذي شفع العيد يدخل غرف كل البيوت
والله يا نوبرى دى مبالغة

جميل الدواخل نرتاح حينما تطل علينا سحابتك ونحلق في سمواتك سحاب زولاً ندورو ونشتهي مستمتعين معاك حد الترف

ياخي من يوم ما مرقت من بيتنا لي عشرة سنة لحد الأن ما صادفت لي مطرة في إيجازة الله يقطع الغربة وسنينا
تخريمة: ليه رجال جده كلهم بخافوا من نسوانن أسألة للإيجابة؟

نويرى يا صديق الغربة والتواشيح
احتاج الى دوزنة بعض اوتارى
هلا جلسنا واحتسينا القهوة فى مدنى بعد مطرة كاااااااااااااااااااااااااااااربة
ونسمع محمود عبد العزيز
والله يا ابو النور ضيعنا عمرنا فى الغربة
وناس مدنية يشترو فى البيوت والعريات الكورلا
اخ منهن ومن عرباتن
ويمشو الامارات يشترو فى الدهب
وتجى تقول ليك المغتربين
انا والله ناوى ابنهاية السنة دى اسفر الاولاد
واقعد سنة والحقم
وتصبح نار وتوقد رماد
بعدين العمر كلو كم
والله ما بنظر
بمشى السودان انشا الله افتح لى محل جوالات
المهم ما داير اشتغل موظف
لازم انا اكون رب العمل
واصبح على امى وابوى
وادخل استاد مدنى
وارفص لما الاتحاد يرش الاهلى
واقول يعيش الريس اخو ست الهوندا
حريقة تحرق الغربة
والله بريدك يا نويرى
النويري
04-01-2011, 04:00 AM
حبيبنا رضا والله متمنين جلسة في مطرة ولمة ناس حلوين عايز الجبنة دي عند أدروب ولا عند الزولة الظريفة الفي الكشافة ديك دي أنا كل ما أمشي برتب برنامجي هناك جبنة أنا ما شربت زيها قبل كده ولا حتى في عفراء القهوتم بي 14 ألف ديك والله لو ما معاي المدام كان رجعتها ياخي دي قهوة ولا بروستد

إنشاء الله ربنا يرجعنا غايتو سالمين بدون مشاكل ونلحق نشيل لينا حاجة مع ناس مدنية ديل كان لقينا في السودان البقى أتنين دا أنا خايف أنزل إيجازة إمسكوني للتجنيد عشان كده بأجل إيجازتي شوية أشوف أخر الموضوع شنو

واصل يا حبيب الروح ذكرتني بي محمود دا أغنية ليهو بعد الفراغ ما عدت تاني تلمنا ياخي لمن أسمعها أخ
mahagoub
04-01-2011, 04:02 AM
حلاتك وحلات مطرة جده البتبهدل العالمين
وحوحاتك كترت قافل عليك الديوان
يا موت السودانيين فى سلطة الاسود مع الطعميه
وفوقا رشة شطه
اها الليله السما شايله
مايسة
04-01-2011, 04:16 AM
شامه لي ريحة دعاااش كاااربة هنا

تخريمة : جوبا مالك على
رضا حسن محمد
04-01-2011, 04:21 AM
حبيبنا رضا والله متمنين جلسة في مطرة ولمة ناس حلوين عايز الجبنة دي عند أدروب ولا عند الزولة الظريفة الفي الكشافة ديك دي أنا كل ما أمشي برتب برنامجي هناك جبنة أنا ما شربت زيها قبل كده ولا حتى في عفراء القهوتم بي 14 ألف ديك والله لو ما معاي المدام كان رجعتها ياخي دي قهوة ولا بروستد

إنشاء الله ربنا يرجعنا غايتو سالمين بدون مشاكل ونلحق نشيل لينا حاجة مع ناس مدنية ديل كان لقينا في السودان البقى أتنين دا أنا خايف أنزل إيجازة إمسكوني للتجنيد عشان كده بأجل إيجازتي شوية أشوف أخر الموضوع شنو

واصل يا حبيب الروح ذكرتني بي محمود دا أغنية ليهو بعد الفراغ ما عدت تاني تلمنا ياخي لمن أسمعها أخ
يا نويرينا
ياح السودان فيهو جنس قهوة
وفول وطعمية
وعمك بتاع الفول المستمتع بيهو ود مدثر
ياخ مستمتعييين بالسودان
ومقرشين اكتر مننا
والمطر البملاهن صباح صباح
والاندياح
وابو عركى
وواحشنى
ولو كنت ناكر للهوى زيك
والبنات البمرقو فى المطرة
الواحدة تقول مستحمية بى لبن مبستر
والمزاد
ناس زيكو
زيكو فوق
لا تملك الا تحبو
والمطر يغسل السقوف
ويغسل الدواحل
والعاصفير المسافرة قاصدة اهلنا
وانا فى لحظة غرق
بحتاج لهمسة من الوطن
رضا حسن محمد
04-01-2011, 04:25 AM
حلاتك وحلات مطرة جده البتبهدل العالمين
وحوحاتك كترت قافل عليك الديوان
يا موت السودانيين فى سلطة الاسود مع الطعميه
وفوقا رشة شطه
اها الليله السما شايله
ولا الشيلة يا عمو
بى شطة خضرا بعد المطر
وعصير
عصير بث يا عمو
عارفاك بتحب المحمر والمشمر
ياح تعال لينا فى جدة
غشان نغنى تقوم بينا العربية
تودينا للسادة
رضا حسن محمد
04-01-2011, 04:28 AM
شامه لي ريحة دعاااش كاااربة هنا

تخريمة : جوبا مالك على
ام البنات السمحات
ولنا والمطر احذ ورد
قالو ليك فى جوبا جنس منقا
ولما المطر تصب
كل الجنوب بكون طاشى
المربسة غندهم
وشجر الرمان
والبلوم فى فرعو غنى
والبنت الشديدو المشت تقرا فى الخرتوم
شالت دول الخليج كلها معاها