وزيرا المالية والإعلام يتنازلان عن سيارتيهما الحكوميتين

[الجندي المجهول]

علمت مصادر أن وزير الإعلام الدكتور كمال عبيد بعث رسالة إلى وزارة المالية تحمل قراره بإعادة السيارة الحكومية المخصصة له وهي من طراز «كامري 2010»، اتساقا مع سياسة الحكومة بخفض الإنفاق الحكومي،وقال عبيد في خطابه انه سيستخدم سيارته الخاصة ويتحمل كلفة الوقود الذي يستخدمه،كما اتخذ وزير المالية علي محمود قرارا مماثلا.
إلى ذلك كشفت مصادر مطلعة لـ «الصحافة» أن وزير المالية سيعلن عبر مؤتمر صحفي خلال أيام قرارات وسياسات مهمة ترتبط بترتيبات ما بعد الاستفتاء على تقرير مصير الجنوب،ويتوقع أن تنعكس تلك السياسات والقرارات على الأوضاع المالية والاقتصادية في البلاد.
منقوووووووووووووووووووووووول

تخريمة :
عندي تعليق لكن ما هسع ،،،،

[عوض صقير]

[COLOR="purple"]تخريمة :
عندي تعليق لكن ما هسع ،،،،[/SIZE]

أنا حاجز بعدك ...

[ياسر123]

أنا حاجز بعدك ...

أنا التالت كلمني لمن تكتب

[ابو لوزة]

يا الجندي يا اخوي والله انت راجل طيب
انت عارف ديل تلقي سيارتهم الخاصة افخهم من سيارات الحكومة
وبقت ما من مستواهم عشان كده

[nehroo]

يكونوا ما عندهم مساحة تاني لباركنق في البيت ..:(

[mahagoub]

هو سيارته الخاصه جابا من وين؟؟
ما تقول لى من راتبه!!
قول بياخد خمسه لا قول عشره
بياكل كم ويجامل بكم ويتعالج بكم
وكم وكم وكم
اها الباقى كم

[محمد عبد الله عبدالقادر]

يا اخوانا الواحد ما يعمل ليهو حركه في شكل ورده كلو كلو...!!!

[شبارقة]

زن ن ن ن ن ن ن ن ن ن ن ن ن ن ن ن ن ن

[ود المطامير]

كتر خيرهم وبارك الله فيهم

وعقبال ناس أبوسفروق وود الطاهر

يتنازلوا عن عربات المنتدى ;)

[المسافر]

كان بقت على العربية ، والله احسن يخلوها ليهو

والباقين العندهم فلل وقصور في كافوري والمنشية
و . . . . و . . . وشركات وعمارات ديل ما عايزين
يرجعوا لينا حقنا .

[نزار حسن محمد]

ياخوانا لاتنسوا ان الله موجود والموت حق
وكل انسان سوف يسال عن كل مثقال ذره
لانجزم بان كل مسئول حرامى
ولا نعلم ما بين الصدور ..
ولكن اتفق معكم فى الغبن على ظهور طبقات
اغتنت من هذا النظام
والله يمهل ولا يهمل .

[عوض صقير]

هو سيارته الخاصه جابا من وين؟؟
ما تقول لى من راتبه!!
قول بياخد خمسه لا قول عشره
بياكل كم ويجامل بكم ويتعالج بكم
وكم وكم وكم
اها الباقى كم

عليك نور ..... إنت جبت الرايحة عديل كده يا محجوب ... وزى ما قال أخونا المسافر ( كان بقت على السيارة بسيطة )

[بنت الرفاعي]

و


بس؟!


الله يعطيهم على قدر نواياهم. :-)




‏‎
‏

[أبوريلان]

والله فيهم الخير
ربنا يكتر من أمثالهم .

[ابوحمودى]

هى دعوة لمعالجة كثير من المشاكل الاقتصادية فلننظر الى الجانب الائجابى من الموضوع ... تخيلوا لو كل واحد من الوزراء والولاء قام بارجاع عربة الخدمات التى توضع لخدمة الاولاد كم توفر لخزينة الدولة من قيمة عربات وايقاف صرف الوقود والصيانة او تغييرها .... ودعوا الامور الاخرى لله وعليكم ان تتبينوا قبل الاتهامات...

[صابرحسين]

علمت مصادر أن وزير الإعلام الدكتور كمال عبيد بعث رسالة إلى وزارة المالية تحمل قراره بإعادة السيارة الحكومية المخصصة له وهي من طراز «كامري 2010»، اتساقا مع سياسة الحكومة بخفض الإنفاق الحكومي،وقال عبيد في خطابه انه سيستخدم سيارته الخاصة ويتحمل كلفة الوقود الذي يستخدمه،كما اتخذ وزير المالية علي محمود قرارا مماثلا.
إلى ذلك كشفت مصادر مطلعة لـ «الصحافة» أن وزير المالية سيعلن عبر مؤتمر صحفي خلال أيام قرارات وسياسات مهمة ترتبط بترتيبات ما بعد الاستفتاء على تقرير مصير الجنوب،ويتوقع أن تنعكس تلك السياسات والقرارات على الأوضاع المالية والاقتصادية في البلاد.
منقوووووووووووووووووووووووول

تخريمة :
عندي تعليق لكن ما هسع ،،،،
قبل كده يالجندي أخوي كان الكلام عن محاربة الفساد والمفسدين وبعد تقرير المراجع العام لم نسمع بهذا الكلام أبداً ، خفض الإنفاق يفترض أن يكون بقرار سيادي من رأس الدولة ويجب تنفيذه على الجميع ، وكأنما وزير المالية ووزير الإعلام يتصدقون على الشعب السوداني المسكين بتركهم سيارات الدولة ...

[محمد حسين (المميز)]

قلبكم ابيض يا جمــــاعه


انتو ماعارفين الوزير عنده كم عربيه من الحيـــــيييكومه

وحده لمقاضي البيت

ووحده للمدام والعيال عشان المدارس

ووحده للباااااااشا داخليا

ووحده للباشا عبر الولايات

يعني الاتنازل عنها بتكون بقت شينه والشفع قالو يابابا العربيه بقت

تسيــّـــــك سيك سيك والبرستيج بتاعنا بيبوظ يا بابابابابابابا




ودقي يا مزّيكـــــا:cool:

[محمود (أبو وضاح)]

برضو خطوة فى الاتجاه الصحيح إذا كانت رغبة جادة فى خفض المصروفات ، وليوقفوا الاحتفالات والكرنفالات والمؤتمرات الأسبوعية دونما فائدة تذكر ، حتى رئاسة دورة الاتحاد الأفريقى ( أكلونا ) فيها على عينك يا تاجر ، رغم تكاليف الضيافة المهولة التى صرفت عليهم .
مزيد من المبادرات قبل القرارات السيادية التى من المفترض أن تكون شاملة لكل مظاهر البذخ .

[أم يحيي]

وبقية ال الساده الوزراء هل سوف يتنازلووا عن سياراتهم الفارهه او السيارات البقت خررررررررررده