ناكل كسرة من وين ؟؟؟

[العاقب مصباح]

وزير المالية الموقر يطالب المواطنين بالعودة للكسرة , أضحكنى هذا الخبر جداً بقدر ما أمغصنى , لأن 85% تكافح حتى تأكل الكسرة , ولأن الخبز إلى الآن يُعد رفاهية عند بعضهم , ولأن الكسرة وتوفرها يعد فى حد ذاته جهاداً , لك الله يا يا (مارى أنطوانيت ) لم يكن معك حق أبداً حين تأمرين الناس بأكل (الجاتوه ) لأن الجوع أصابهم من العدم , مارى أنطوانيت تعود من جديد فى الوطن ,, يلعن أبوك بلد

[العاقب مصباح]

قلبى على من يأكلون الكسرة من المهد إلى اللحد , الوزير أمر الناس بالعودة للكسرة , وغلاء (العيش ) المايو والفتريتة يواجهك فى الطريق

[العاقب مصباح]

أستاذ الدكتور عبد العظيم سليمان المهل كان محقاً حين يحدثنا عن أن الخبز فى أقرب مكان للعاصمة يعد من السلع الكمالية والرفاهية ,,, كان ذلك فى إحدى محاضرات الجامعة

[عبدالرحمن مدثر]

ذكرتنى زمن ناكل من مانزرع

الذى تبخر مع الايام والخستكات السياسية

والله صدقت ناكل كسرة من وين فى بلد تتكلم عن صعوبة السلع المستوردة

مع صعود الدولار المخيف

والمخيف حقا انو الطماطم بقت غالية عشان نرجع لكسرة بموية وحلاوة زمان

القمح لايمكن الوصول اليه حاليا .. الشتاء ذاتو بقى مازى زمان تصدق غيروه

المشكلة بقت فى الوزارات الكتيرة .. الولايات الكتيرة .. العربات الكتيرة

المشكلة فيهم ..

هسع عليك الله الرئيس دا عندو كم مستشار مابشاوروا فى حاجة لو شالوهم

ماكان السكر رجع عادى ..والسكر يزيد لييييه جاى من بررره برضو

[mahagoub]

انحنا لقينا وابيناها
حليل زمان وناس زمان
قبل البترول الداوشين لينا راسنا بيه
كنا بنعمل العشره وزمتا والماهية فيها باقى
ما تقول ملعون ابوك بلد
قول وبالفم المليان ملعون ابوكى حكومه