يا بوليس أمك مسكينة ! !

[علي النعيم محمد نور]

تظل الشرطة هي تلك المؤسسة التي نهلنا منها كل فيض الخبرة والتجارب والذكريات (بكل أشكالها الحلو منها والغير ذلك) . . . والأم الحنون التي رضعنا من ثديها عصارة فنون العمل الجنائي والإداري وغيره. . .وظلت الشرطة السودانية هي الملهمة والعشق والمحبوبة التي ينظم فيها القصيد . . .وعلي أكثر الناس الذين يتألمون لها لو مرت بها محنة أو مصيبة أو إبتلاء. . .وهذا شئ طبيعي في نفس طبيعية ـــ كالتي أملكها بحمد الله ـــ. . . أقول ذلك وأنا أعتصر ألما" (لفتاة الفديو) وحفلة سجن كوبر والتي لم تجد حظها من النشرو( التشهير) . . . وإين كان رأي الناس في الأمر (بما في ذلك رأي السيد الرئيس) فإن هناك خطا" بائنا" أرتكب في طريقة تنفيذ العقوبة في شرع يوصي بإحسان الذبيحة في البهيمة خوف الإيلام ! ! ! فكيف بالإنسان ؟ وانا هنا لم ولن أتطرق للعقوبة أو الحد الشرعي . . . وأهمس في إذن والي الخرطوم بأن صحيفة سوابق المدان ليست مدعاة لتجاورالحق الشرعي( في إنفاذ الحد الشرعي)وليس في الشرع (جلد بارد وآخر حار ) حتي نقول تستاهل لانها معتادة. . . وأعود لسبب حزني علي شرطتي المحبوبة والتي نهش لحمها واصبحت مرمي وهدف لكل منتقد وصاحب غرض ومائل لهوي وبصراحة وجدوا الفرصة السانحة . . .فأنا والجميع يشهد للشرطة السودانية بالحصافة والإتزان والمرونة ورجاحة عقل قادتها . . . ولكنها كبوة جواد. . . .ولم يندمل جرحي من صدمة الفديو إيها إذ أصدم بفاجعة أخري . . .الأمير /فيصل بن تركي ريئس نادي النصر السعودي وبعد تعادل نادية مع فريق التعاون في دوري المحترفين السعودي. . . إعتدي علي الشرطي والضابط (بي دبابيرو ) . . . وإنتزع منهم كاميرا وزجرهم زجره (تجعل الزول يعماها في نفسو). . . ورغم الإعتذار الأميري والشرعية التي أكسبها السيد الرئيس (لجلاد الفتاة) تظل الشرطة في خاطري وبالي هي ذلك المسكين الذي ينهش لحمة ودمة والبقية تتفرج . . . وزي ماقال حميد (رغم إختلاف المعاني ) . . .يابوليس أمك مسكينة . . . التحية للشرطة السودانية وهي تحمي أنفسنا وبلادنا وأمننا وسكينتنا .

[نزار حسن محمد]

سعادة الكمدان اسعد الله ايامك ايها الرجل الحقنى
حديثك حديث جراح ماهر ..تابعت موضوع فتاة الفيديو
وسمعت حديث والى الخرطوم وقرات ما كتب فى بعض
الصحف وحسب معرفتى الضعيفة عن الهيكل التنظيمى لجهاز
الشرطه فانى اراء بان الشرطه لم تخطى فى تطبيق القانون
مع العلم بان من طبق العقوبه هى شرطة المحاكم وهذا عملها
وقد طبقت ما حكم به القاضى ولها الشكر والتجلاء
لقد اخذت تلك الفتاه ما يستحقها وقداخطاءت
فى حق حواء السودان وبوليس السودان

[بحيرى]

تحيه طيبه ل سعاتو
اختلفت الاراء بين مؤيد وناكر لما حدث لهذه الفتاه والشرطه معاً
ولكن
اليس التشهير بمثل هذه العقوبات شئ محبب
اليس الهدف الرئيسى من عقوبة جلد الزانى هى ردع الناس من ارتكاب مثل هذه المعصيه
اليس الهدف من الجلد ليس التعذيب بل الاحراج وكسر الخاطر وتانيب الضمير
اليس......
اليس.....
اليس....
هل زكر القران الكريم نصاً صريحاً او حتى غير صريح ينفى ما زكرته انفاً
انى لارى ان الشرطة غير ملامه فى هذا الجزء
ولكن
تقول تفاصيل الجريمه ان الفتاه حوكمت لممارسة الدعاره
السؤال : هل مارست هذه الفتاة الدعاره لوحدها واين من مارسوا معها إن كان الرد معها ؟
هذا الجزء انتابه شئ من القموض
والكل حكم على هذه الحادثه دون الالمام بجميع الخيوط
ومنهم من اصدروا احكاماً منافيه للدين السلامى ليكونوا بذلك قد ابتدعوا فى الدين وسنوا قوانين منافيه
والعياز بالله

[محمد عبد الله عبدالقادر]

سعادتو الرائع علي النعيم

سلمت وسلم قلمك
اوجزت واوضحت

[الجندي المجهول]

تظل الشرطة هي تلك المؤسسة التي نهلنا منها كل فيض الخبرة والتجارب والذكريات (بكل أشكالها الحلو منها والغير ذلك) . . . والأم الحنون التي رضعنا من ثديها عصارة فنون العمل الجنائي والإداري وغيره. . .وظلت الشرطة السودانية هي الملهمة والعشق والمحبوبة التي ينظم فيها القصيد . . .وعلي أكثر الناس الذين يتألمون لها لو مرت بها محنة أو مصيبة أو إبتلاء. . .وهذا شئ طبيعي في نفس طبيعية ـــ كالتي أملكها بحمد الله ـــ. . . أقول ذلك وأنا أعتصر ألما" (لفتاة الفديو) وحفلة سجن كوبر والتي لم تجد حظها من النشرو( التشهير) . . . وإين كان رأي الناس في الأمر (بما في ذلك رأي السيد الرئيس) فإن هناك خطا" بائنا" أرتكب في طريقة تنفيذ العقوبة في شرع يوصي بإحسان الذبيحة في البهيمة خوف الإيلام ! ! ! فكيف بالإنسان ؟ وانا هنا لم ولن أتطرق للعقوبة أو الحد الشرعي . . . وأهمس في إذن والي الخرطوم بأن صحيفة سوابق المدان ليست مدعاة لتجاورالحق الشرعي( في إنفاذ الحد الشرعي)وليس في الشرع (جلد بارد وآخر حار ) حتي نقول تستاهل لانها معتادة. . . وأعود لسبب حزني علي شرطتي المحبوبة والتي نهش لحمها واصبحت مرمي وهدف لكل منتقد وصاحب غرض ومائل لهوي وبصراحة وجدوا الفرصة السانحة . . .فأنا والجميع يشهد للشرطة السودانية بالحصافة والإتزان والمرونة ورجاحة عقل قادتها . . . ولكنها كبوة جواد. . . .ولم يندمل جرحي من صدمة الفديو إيها إذ أصدم بفاجعة أخري . . .الأمير /فيصل بن تركي ريئس نادي النصر السعودي وبعد تعادل نادية مع فريق التعاون في دوري المحترفين السعودي. . . إعتدي علي الشرطي والضابط (بي دبابيرو ) . . . وإنتزع منهم كاميرا وزجرهم زجره (تجعل الزول يعماها في نفسو). . . ورغم الإعتذار الأميري والشرعية التي أكسبها السيد الرئيس (لجلاد الفتاة) تظل الشرطة في خاطري وبالي هي ذلك المسكين الذي ينهش لحمة ودمة والبقية تتفرج . . . وزي ماقال حميد (رغم إختلاف المعاني ) . . .يابوليس أمك مسكينة . . . التحية للشرطة السودانية وهي تحمي أنفسنا وبلادنا وأمننا وسكينتنا .

حبيبنا الوجيه على النعيم ،،،

لا اعرف ماذا اقول لك ولكن بالنسبة للعسكري السودان بصراحة يحتاج لتأهيل (كتير خالص) من اصغر رتبة لي اكبر رتبة

وبجيك راجع باذن الله ،،،

تخريمة : سر ساقوله لك عبر الخاص او الهاتف باذن الله

[علي النعيم محمد نور]

سعادة الكمدان اسعد الله ايامك ايها الرجل الحقنى
حديثك حديث جراح ماهر ..تابعت موضوع فتاة الفيديو
وسمعت حديث والى الخرطوم وقرات ما كتب فى بعض
الصحف وحسب معرفتى الضعيفة عن الهيكل التنظيمى لجهاز
الشرطه فانى اراء بان الشرطه لم تخطى فى تطبيق القانون
مع العلم بان من طبق العقوبه هى شرطة المحاكم وهذا عملها
وقد طبقت ما حكم به القاضى ولها الشكر والتجلاء
لقد اخذت تلك الفتاه ما يستحقها وقداخطاءت
فى حق حواء السودان وبوليس السودان
الحبيب نزار بن حسن آل محمد .
مشكور ويا حبذا لو مددتنا (بالتجربة الإماراتية) في تنفيذ عقوبة الجلد .

[علي النعيم محمد نور]

سعادتو الرائع علي النعيم

سلمت وسلم قلمك
اوجزت واوضحت
جارنا الحبيب محمد عبدالله
أول حاجة شارعنا الجديد مبروك علينا وعقبال عربات النظافة .
تاني حاجة شفته (تقاطع الموت) حقنا الجديد كل يوم حادثين( فقط) .
وتالت حاجة مشتاااااااااااااقين (أدي كده هو) .

[علي النعيم محمد نور]

حبيبنا الوجيه على النعيم ،،،

لا اعرف ماذا اقول لك ولكن بالنسبة للعسكري السودان بصراحة يحتاج لتأهيل (كتير خالص) من اصغر رتبة لي اكبر رتبة

وبجيك راجع باذن الله ،،،

تخريمة : سر ساقوله لك عبر الخاص او الهاتف باذن الله

جندينا الهمام . . .
والله فاقدنك ومشتهين تلفوناتك ومشهين هواء جدة وتعادلات الإتي ال8. . . وسرك في بئر . . .

[mahagoub]

الجميع فى هذا الموضوع بين شد وجذب
لا احد يذكر الحقيقة كامله
ونحن كشعب نشعب المواضيع ونضع الاحكام والقوانين
ونحكم بعواطفنا
المنظر مزرى والرد غير مقنع
ودمت

[تغريدا]

(جانبو) لك والله خالص والود والأحترام وحقيقة أوجزت وأوضحت لأن الموضوع جرى فيه لغط كثير والواحد صراحة أتجهجه شديد لا عارف ينفى ولايؤيد نسأل الله صلاح الحال والسترة

[علي النعيم محمد نور]

(جانبو) لك والله خالص والود والأحترام وحقيقة أوجزت وأوضحت لأن الموضوع جرى فيه لغط كثير والواحد صراحة أتجهجه شديد لا عارف ينفى ولايؤيد نسأل الله صلاح الحال والسترة
العزيزة تغريد . . .
أشكر مرورك (العصري ) وبالمناسبة المسألة كانت محتاجة شوووووووية عقل وقليل من التريث . . . وهسع (لا إنكسرت القزازة ولا إندفق الفيها ).

[أبوريلان]

. . .فأنا والجميع يشهد للشرطة السودانية بالحصافة والإتزان والمرونة ورجاحة عقل قادتها . . . ولكنها كبوة جواد. . . . .



جانبو علي النعيم
كل عام وأنت والأسرة بصحة وعافية

نعم لكل جواد كبوة ، لكن توافقني بأن كبواتهم كثرت ؟؟؟ أنت نشهد لكل بالحصافة والإتزان ورجاحة العقل لأنك كنت قائد كما شهدت لقادتها ، لكن قاعدة الشرطة التي تعتمد عليها في كل شيء هي المشكل ياسعادتك فالغالبية العظمي منهم فاقد تربوي وغير مؤهل أوسوابق أو من أسر ....( همهم من العسكرية سد نقص ) فهل قادة هذا الجهاز العظيم ينتظرون من أمثال هؤلاء لتنزيل تعليماتهم علي الشعب ، وبعد أن تحصل الكارثة يلهث القادة لتبرير الموقف ، ونظل كل يوم نسمع بحادثة أسخف وأمر من سابقتها ، الي متي ؟؟؟ ، كانت الشرطة سابقاً في خدمة الشعب ولكن الان في خدمة مقعدها وجيبها ، آسف إذا أغلظلت عليهم ولكن هذا الحاصل الآن في الشارع السوداني ، كل من لبس الكاكي لتحسين وضعه المادي والإجتماعي وليس لحماية الشعب ، أنت أدري الناس بما يدور ولكني أجد لك العذر لدفاعك المستميت عنهم ، ياسعادتك صينية كبري مدني حنتوت وصينية مدخل مدني بتنافسوا فيها بل بيدفعوا فيها مبالغ لكي يستلموا زمام العمل بها ( مزاد ) لتحسين الأوضاع وماخفي كان أعظم .

[علي النعيم محمد نور]

الجميع فى هذا الموضوع بين شد وجذب
لا احد يذكر الحقيقة كامله
ونحن كشعب نشعب المواضيع ونضع الاحكام والقوانين
ونحكم بعواطفنا
المنظر مزرى والرد غير مقنع
ودمت
دعواتك يا حاج محجوب .

[علي النعيم محمد نور]

[quote=أبوريلان;559063][right]
[right][b]جانبو علي النعيم
كل عام وأنت والأسرة بصحة وعافية

نعم لكل جواد كبوة ، لكن توافقني بأن كبواتهم كثرت ؟؟؟ أنت نشهد لكل بالحصافة والإتزان ورجاحة العقل لأنك كنت قائد كما شهدت لقادتها ، لكن قاعدة الشرطة التي تعتمد عليها في كل شيء هي المشكل ياسعادتك فالغالبية العظمي منهم فاقد تربوي وغير مؤهل أوسوابق أو من أسر ....( همهم من العسكرية سد نقص ) فهل قادة هذا الجهاز العظيم ينتظرون من أمثال هؤلاء لتنزيل تعليماتهم علي الشعب ، وبعد أن تحصل الكارثة يلهث القادة لتبرير الموقف ، ونظل كل يوم نسمع بحادثة أسخف وأمر من سابقتها ، الي متي ؟؟؟ ، كانت الشرطة سابقاً في خدمة الشعب ولكن الان في خدمة مقعدها وجيبها ، آسف إذا أغلظلت عليهم ولكن هذا الحاصل الآن في الشارع السوداني ، كل من لبس الكاكي لتحسين وضعه المادي والإجتماعي وليس لحماية الشعب ، أنت أدري الناس بما يدور ولكني أجد لك العذر لدفاعك المستميت عنهم ، ياسعادتك صينية كبري مدني حنتوت وصينية مدخل مدني بتنافسوا فيها بل بيدفعوا فيها مبالغ لكي يستلموا زمام العمل بها ( مزاد ) لتحسين الأوضاع وماخفي كان أعظم .
[FONT="Arial"][SIZE="6"][COLOR="purple"]اللهم إني أشهد علي صدق مايقول . . . ولا يضار كاتب ولا شهيد .

[ام قبس]

سعادتو علي النعيم
نشكرك جدا علي طرح هذا الموضوع هنا ولكن .............................
قد يخالفني البعض في الراي ولكن لي راي في وصفك للشرطه السودانيه
عمو علي وخليني اقول ليك بالدارجي عشان شرحي يكون مريح
من ماقمنا ونحنا اكتر حاجه بنخاف منها البوليس
غلطانيين ما غلطانيين بنخاف منه ليه ؟
سلوكيات ناس البوليس
من استغلالهم لي سلطاتهم في صفوف العيش لي معاملتهم الغير كريمه للزول البقع في يدهم مذنب او غير مذنب
المهم نفش الريش لو الله قدر ليك واحتكيت بيهم في اي ملف
لو بوليس مرور ولو في مهرجان وفيه تنظيم لو مبارات كرة
كلها معاملات خلت الشعب السوداني يكرهه حاجه اسمها بوليس
عندي اعتراض علي نشر الفديو في هذا التوقيت بالاخص لانه استغلال من اصحاب النفوس الضعيفه
ودا ابدا ماوقته لاننا ماناقصيين وحتي المانقصيين دي بي سبب العسكر
بالجد يا جنابو وذي ماقال ابو ريلان الاغلبيه فاقد تربوي والموضوع بالنسبه ليهم منظره وتحسين وضع ومداخل لي ابواب الرشوة والتمريرات
والشرطه السودانيه البعرفها كل الناس بينقصها اشياء كثيره جدا جدا لتكون في موضع قرار فتح بوابه استاد كورة قدم واغلاقه ناهيك عن تطبيق احكام
اما بخصوص تطبيق الحكم علي الفتاه فغلط من اوله لي اخرة
واذا كان قدو قدو عسكري ساي طبق الاتقال ليه ولا ضابط بي دبابير
هو مخطيء لانه انسان بالغ راشد يتحمل امام الله وامام الناس مسؤليه ما اغترفت يداه
واي انسان يجب ان يكون صاحب مبداء حتي لو دفع وظيفته ثمن مبادئه.
اي شرع واي حد بيجيز ضرب فتاه بسوط عنج في صدرها وفي وجهها .
لي موقف شخصي مع البوليس دي غير المشاهدات الشبه يوميه ايام الدراسه وفي السوق ومع ستات الشاي ومع الباعه المتجوليين وقم حاجاتهم ومسومتهم عليها والانضباط العام العاوز الاضبطه واشياء اخر.
في مرة وانا طالبه جامعيه ماشين من الجامعه للداخليه انا واختي الاكبر مني .
ركبنا الحافله في الحافله فجاء انتبهت اختي انه في واحد دخل يده في شنطتها صرخت طلع يده ورمي المحتويات علي ارض الحافله
اتوقفت الحافله والناس شافوا القروش والاوراق مرميه علي الارض وفهمناهم الحاصل
علي سوء حظ النشال امه داعيه عليه ، الواقف شماعه في باب الحافله عسكري طبعا واقف وفارد جنحاته ومادافع حق الحافله طوالي صرخ بي طريقه دراميه وقف الحافله يازول انت هوي (( شوف الاسلوب رغم انه سواق الحافله ماعنده ذنب في الموضوع)) السواق وقف الحافله النشال كان زول نحيف وشاب في عمر العشرين اتنين عشرين كدا .
مسكين مجرد ماشاف العسكري بيصرخ عرف الجايه ..................:confused:
بي نطه واحده وصل باب السواق عشان يتخارج
السواق راجل كبير من الهرشه بتاعه العسكري والغيظ مسك ليك الشال م رقبته
ونطه ليك العسكري سوبر مان واتناول ليك النشال ووقع ليك فيه ضرب جوه الحافله كرفسه كرفيس لمان انا شكيت (قلت يمكن عنده تار معاه ولا سابق معرفه );)
لمان العسكري اتأكد انه البير جابت مويه :(اقصد النشال جاب الدم والدم بداء يرش حتين اتوقف
وطوالي يا حافله علي القسم
ولحدي هنا كان عندي نسبه 5% انه دا ماعسكري ساي عاوز يبرز شخصيته في القسم بنلقي الكبار بيحلوها رغم انه اختي كانت انهارت خلاص وبدات تصرخ بي هستريه بعد شافت الدم
دخلنا القسم والعسكري قال لازم تفتحوا بلاغ
قلنا ليه ياخي ماعاوزين نفتح بلاغ ونحنا عفيناها هو ذاتوا ماسرق شي
وانا والله ماسمعت بي شروع في السرقه دي يمكن يكون في لكن نحن ماعاوزيين نفتح بلاغ
وعاد تتقال من العدو الماحبيب تعال شوف الاهانه والالفاظ كيف احياء واقول ليه كدا
انت عشان بتقري في الجامعه قايله روحك بتفهمي قول واحد والله هسع اعمل ليك محضر
انت تعملي البقول ليك عليه وانت وانت
ما خلصت الا لمان فضي لينا الضابط الكان بيضحك ويقرقر جوه بيتكلم في الموبايل
قلنا جانا الفرج
وخابت توقعاتنا اول كلمه قالها الضابط بالاشارة لي انا واختي (( ديل ملين كمان ))
العسكري حكي ليه الحاصل بي ضبانته لي حتت ماعاوزين نفتح بلاغ
واستلمنا ليك الضابط
بعد شويه اختي رجعت تبكي حن عليها قال ليها (انت مالك هسع خايفه )سؤال غبي جدا طبعا
قالت ليه ياخي نحنا ماعاوزين نرجع متأخرين للداخليه ونحنا عندنا ليت محدد خلينا نمشي واعملوا البتشوفه هدا هو عندكم قام علي حيله ادي ليك النشال كفيين في افلام الكابوي والافلام الهنديه البي مؤثرات صوتيه ماشفت ذيهم .:cool:
وقال للعسكري عشوه عشوه مظبطه ههههههههههههههههههههههههه انا علي غباي قايله صحي حيعشوة طبعا ياجنابو بتكون فهمتها دي :rolleyes:
وقال لي اختي بعد ماعدل دبابيره ولا يهمك ماتبكي حنوصلك لحدي الداخليه
نطيت ليه في حلقه توصل شنو لا شكرا جزيلا ماتوصلنا ولاشي حمر لي قال لي ليه مانوصلك انا حاوصلك بي عربتي الخاصه حاوصلك بي عربيه الشرطه
ههههههههههههههههههههه اتخيلوا معاي
قلت ليه بالاخص بي عريبه الشرطه ماتوصلني
قال لي لو ماقلت لي ليه الا ابيتك هنا الليله دي
قلت ليه بي بساطه جدا لووصلتنا بي عربيه الشرطه للداخليه كل الناس حتشوفنا نازلين من عربيه الشرطه ونحن ساكنين وسط حي واسر
بس ما كل الناس حتعرف نحنا ليه جينا بي العربيه الشرطه فلو سمحت ونشكرك جدا بس خلينا نمشي ونحنا بناخد تاكسي
وقف علي حيله وقال لي اهاااااااااااااااااااااااااااااااااااااااااااااااا اا انتي يعني بتخجلي من عربيه الشرطه وبتخجلي من الشرطه طبعا وقتها نفسي اقول ليه المابخجلني منكم شنو
بس خفته :mad:
قلت ليه ياخي العفو بس الناس مابتميز بين المذنب والمجني عليه عشان كدا نحن بنشكرك جدا
قال لي فرتقي يلا ان شاء الله تمشي كداري وبكرة من الساعه 8 القاكم هنا قدامي
طلعنا ومانمنا ذاتو نرجف كلنا
الصباح جينا ولقينا عندنا محكمه مابعرفها دي ذاتها كيف
ودخلونا علي القاضي وشفنا النشال واقف جوة معانا انا عرفته من جلابيته المشرطه بس وجهه اتبدل بين ليله وضحاها منقشم وملطش
وعرفت انه اتعشا تقيل ههههههههههههههههه
اتكلم معانا القاضي وكان بالجد انسان محترم حكيت ليه كل الحصل من في الحافله لي كلام الضابط
قال لي جمله واحده (( دي ناس مافهمه شي في الدنيا دي ))
واتلفت وجهه كلامه للنشال وقال ليه بي معنه يا ابني شوف شغلانه شريفه وسأله ليه بتنشل وكلام جميل وانساني
وقال لينا جزاكم الله خير يابناتي انكم عفيتوا عنه يلا مع السلامه وطلعنا كلنا بي نشالنا
اتخيلوا طلعنا نحنا والنشال واعتذر لينا اسمه سليمان شاب مسكين حكي ليا مأساته وهومحتاج قروش وابوه مشلول المهم كان كان كذاب ولاصادق
اخدناها واشترينا كلنا سندوتشات فول لاننا كلنا من الخوفه الدخلت فينا ما اكلنا من امبارح
ودعنا سليمان ومشينا
تقول لي ياجنابو الشرطه السودانيه واتعرفه بي شنو