×÷ × حنكشة مغترب ×÷ ×

[ABUZAID]

مفهوم المجتمع في السودان عن المغترب
تغير في بعضه
ولم يفارق مكانه في البعض الاخر

ومع تبدل الازمنة
وتغير الظروف ( الاقتصادية خاصة )
كثرت التسميات في بلدي على وصف وتسمية المغترب
حنكوش
شهادة عربية
منعّم
وكل ما يرمز للدعة ورغد العيش,وعدم القدرة على تحمل الشدائد وما نافى الخشونة.

حتى انه في فترة اصبح حلم الفتيات الزواج من مغترب
وبعد ان تغير الحال حل تاجر الغرب محل المغترب

المهم . . .

(×÷ × حنكشة مغترب ×÷ ×)
هدفه التنوير والتعرض للمواقف والتجارب التي يمر بها كل مغترب يعود للوطن
سواء كانت العودة نهائية ام قضاء اجازة


علها تشكل نقلة وتعالج داء لبعض السلبيات

[ABUZAID]

ويا حبذا لو كانت العودة عن طريق سواكن

وفيها بداية ارتواء الشوق والحنين للوطن
فيها حسن الاستقبال لمهاجري الوطن الغائبين بالسنين
ومع دعمهم للاقتصاد بكافة انواع الدعم
ومع تمردهم على ظروفهم لزيارة الوطن ولقاء الاهل والاحباب

جاء اليوم الموعود لحسن استقبالهم

[النويري]

حبيبنا أبو زيد زمان كان لمن يجي المغترب تلقى ناس الحي كلهم في بيتو في لحظة الحضور وتلقى الناس بتعد في الأيام لي مجيهو الأن بتلقى الناس يقول ليك فلان جاء يالله نسلم عليهو ينط ليك واحد بنمشي ليه بكرة يعني لأن المغترب بقى ما عندوا شيء والناس مشغولة في حياتها وكل واحد حالتوا حالة مافي حد فاضي للمغترب الزمن دا

شكراً ياحبيب لهذا الموضوع القيم

[عبدالرحمن مدثر]

تسجيل حضور

[moh_alnour]

تسجيل حضور
واصل و لنا عودة للتعقيب

[بنت الرفاعي]

‏‎

و
أخيرا :-)

إن شاء الله من المتابعين. :-)




‏‎‎

[محمد عبد الله عبدالقادر]

محمد عبدالله ابو زيد سلامات
مع اني عارف انك ما عندك اي علاقه بالحنكشه البتقول عليها دي
لكن منتظرين التحنكشك بتاع الاجازة بتاعك من سواكن ولي مطار الملك عبد العزيز

[محمد حسين (المميز)]

معـــــــــــــاك ياباشـا

[ابو لوزة]

ابو زيد
حمدا لله علي السلامة
لكن ده كان زمان الناس بتنظر للمغترب بهذه النظره
هسي الناس صارت تتجنب مقابلته لانو عارفين كلها كم يوم
ويجي ويفتش للناس عشان يسلفوه

[بحيرى]

هلا ابو زيد
كلنا فى انتظار مداد يراعك العنبر!!!

[أبوعمرو]

أديها صنه... نحنا زهجتنا لسه ما فكت...

[ABUZAID]

شبابنا المشاركين

كل الود والترحاب

زمان زي ماقلتو

واتغير المفهوم

لكن . . .

نظام الجرورة ده ما بينفع خالص

[رضا حسن محمد]

سلام يا زول ما ساهل ولا هين
متابعين

[ABUZAID]

سلام يا زول ما ساهل ولا هين
متابعين



حبيبنا الغالي

اخبارك وعلومك

والله مشتاقين

[ABUZAID]

سواكن
علوم البحار
وسوء الابحار

وياريت تنزل تربتك وتاخد معاك اولادك

وهنا الحنكشة على اصولها

[ABUZAID]

الظاهر اننا وحبا في مدينتنا
بننادي بتطويرها

ولكننا غضضنا الطرف عن باقي المدن

اصبحت التنمية والعمران في الخرطوم وبس

وبخصوص الخرطوم , , ,
محل الطيارة بتقوم
والرئيس بينوم
فدي حنخصص ليها باب كامل

[ABUZAID]

حنكشة شنو ؟ ؟ ؟

البتخليك ملطوع بالساعات الطوال
لا مطعم
ولا مصلي
ولا زير ساي للشراب
ولا كرسي

وين عائدات الجمارك ؟ ؟ ؟
( ما بنقول البترول )

واذا سلمنا بكل الفات , , ,
الاطفال ذنبهم شنو ؟ ؟ ؟

عموما , , ,

ما بين سمسرة موظفي المهاجر
ورضى الظابط لتوقيع الاوراق
وخروجك من الميناء , , ,
يجب على الصبر ان يكون وقورا

ويللا ندخل سواكن
ونشوف الفنادق الخمسة نجوم
وتطور البشرية بنحو يجعلنا حناكيش

[ABUZAID]

اهلا بكم في سواكن

عمق التاريخ

منبع الحضارة

عظمة عثمان دقنة

, , , , , , , ,

وان سلمنا بان بورتسودان اصبحت من اجمل المدن
وان بها من العمران ما فاق التصور
( معياري )

ستصاب بالاحباط
وانت تدخل الى سواكن
وتمر بشوارعها المنهكة
وانارتها المنعدمة
وادميتها المتعبة

واكاد اجزم ان الناموس والصرصار اقوى فيها من البشر
ويا حبذا الذباب

عفوا عزيزي

فاللون الاخضر الزاهي للذباب فيها . . .
انعدم في حواشات مشروع الجزيرة في زمن الخريف

, , , , ,

خير لك ان تسافر مباشرة الى مدينتك . . .
خروجا من حسرة وغبن قد يصيبك

وان قررت المبيت , , ,
فلا تلومن الا نفسك

افخم الفنادق بسواكن
فندق , , , , الذي فاق فندق الملينيوم بدرجات
فندق اولاد فلان الذي تجاوز في فخامته فندق لبوا
فندق , , , ,
فندق , , ,

سارع واحجز مقعدك اقصد شقتك او غرفتك المريحة الهادئة
وان كنت من المحاظيظ ( جمع محظوظين ) فستظفر بمكيف محموم
يمكن ان يقيك شرور الناموس

ولكنه باي حال من الاحوال
لن يردع عنك انيسا ستفاجأ بوجوده
ولن يكون لديك خيار الا مجاراته طوال الليل
وسيجافيك النوم
حتى تظن انك مصاب بأرق
لولا شعورك بالم القرصة
وبؤس قلة الحيلة تجاهه

انه المرقود

وبرضو حناكيش

[الجندي المجهول]

يا حبيبنا ،،،،

اجيك من الاخر كدا

والله مشتاااقين

ولا اعتقد ان بلد فيها غليل والكرنتينة والثعالبة ( وباب مكة) مع الاعتذار لي (المميز) بيكون فيها زول شهادة عربية

الشهادة العربية ( حي الحمراء والنسبم "وحيكم" ) وحي ابو يزن

مع اللفة : حي "ابو عمرو" شهادة عربية ولا سوق ليبيا

بجيك تاني للكلام بي رواقة كدا ،،، باذن الله

[ABUZAID]

ليست حنكشة

ولا تعال على الوطن
ان فهم البعض ذلك

نحن نحاول ان نجد , , ,
المعالجة اللازمة تجاه ما ورد وما سيرد

ولماذا اصبح الوضع بهذه الصورة المزرية

ام ان الوعى نزع من البشرية
حتى صار همها الاول والاخير هو الكسب

[بنت الرفاعي]

و


هكذا
توقف القلم عن الكتابة!!


أعلم أن ما وراء هذا البوست وفيما بين سطوره الكثير،
ولذلك
أتمنى أن يُعاود بث هذه القناة مرّة أُخرى.:rolleyes::)


:):):)

[أبوعمرو]

شكرا مرام علي إعادة البوست الرايح....
أبوزيد... سلامات كتيره...
الناس مازالت مختلفه حول تعريف الحنكشه... في ناس شايفنها رقه أكثر من اللزوم ودي بتعتمد بشكل أساسي علي نوعية الخدمات المقدمة بمعني أن الشخص الذي تتوفر له كافة الخدمات الأساسية والكمالية (مباني نظيفة -أكل نظيف - مويه صحة -عطر من شانيل وماشي لي فوق... وترولي للطعام ...الخ) الزول الزي ده قطع شك حنكوش ولو أنكر ....
طيب في السودان معظم الحاجات الفوق دي ما بتتوفر ..يعني لو كسرت رقبتك وعملت ليك بيت سمح تطلع منو الرماد كال حماد ...
وزي ما قال حبيبنا الجندي المجهول لايمكن بأي حال من الأحوال إطلاق الحنكشه علي ناس (غليل) و (الثعالبه) وللمعلومية هي احياء فقيرة جنوب جدة...
اذاً....
ليس كل مغترب حنكوش ....
ومؤكد... كل مقيم بالسودان أغبش أغبر وإن سكن المنشية أو حمل الجنسية الأمريكية.
أبوزيد......
هل تعلم أن أكل الرغيف في بعض مناطق السودان يعتبر حنكشه ويقتل المرؤه!!!!!

[الجندي المجهول]

شكرا مرام علي إعادة البوست الرايح....
أبوزيد... سلامات كتيره...
الناس مازالت مختلفه حول تعريف الحنكشه... في ناس شايفنها رقه أكثر من اللزوم ودي بتعتمد بشكل أساسي علي نوعية الخدمات المقدمة بمعني أن الشخص الذي تتوفر له كافة الخدمات الأساسية والكمالية (مباني نظيفة -أكل نظيف - مويه صحة -عطر من شانيل وماشي لي فوق... وترولي للطعام ...الخ) الزول الزي ده قطع شك حنكوش ولو أنكر ....
طيب في السودان معظم الحاجات الفوق دي ما بتتوفر ..يعني لو كسرت رقبتك وعملت ليك بيت سمح تطلع منو الرماد كال حماد ...
وزي ما قال حبيبنا الجندي المجهول لايمكن بأي حال من الأحوال إطلاق الحنكشه علي ناس (غليل) و (الثعالبه) وللمعلومية هي احياء فقيرة جنوب جدة...
اذاً....
ليس كل مغترب حنكوش ....
ومؤكد... كل مقيم بالسودان أغبش أغبر وإن سكن المنشية أو حمل الجنسية الأمريكية.
أبوزيد......
هل تعلم أن أكل الرغيف في بعض مناطق السودان يعتبر حنكشه ويقتل المرؤه!!!!!

سلمت يداك ابو عمرو

تخريمة : ياخ إلى وقت قريب ناس (الحاج يوسف) بفتكرو اكل الايسكريم ( عيب) خلي الحنكشة ...

[moh_alnour]

يا أبو زيد كدي أضرب ليك صحن عريكة طبقات و تعال تم البوست دا
قال حنكشة قال
أقول : أي واحد يمشي بي سواكن مفروض يدوهو نيشان الصمود من الطبقة العااااالية
و كمان يدوهو لقب ( خنشور بك )
قال حنكشة قال

[ABUZAID]

حناكيش المنتدى

كل الود
قلنا الحناكييييييش
عندما . . .
تصغر الكلمات تعبيرا
وتتهاوى الاحرف تقصيرا
وتتسامى الارواح تذكيرا
وتتهادى القلوب تأثيرا
وتتعالى المقامات تكبيرا
وتتنادى العقول تفسيرا

لابد لها من وقفة في حرم. . .
تعالت قيمه
وتوالت عظمته
وتناثرت بين الناس نفحاته

حنكشة المغترب . . .
لو علمها مدعي الحنكشة . . .
لانبرى ذهولا
واسلم لها مفتونا


اردنا منها تقييم الواقع
لتقويمه والعمل على تدارك سلبياته

لابد لكل تجربة من وقفة لنأخذ منها العبرة
تداركا واصلاحا للخطأ لكي لا يقع مستقبلا
وتمتينا وتوثيقا للصواب مثالا يحتذى


ولنا عودة

اشواقي

[بنت الرفاعي]

شكرا مرام علي إعادة البوست الرايح....


:)
عفواً أخي أبو عمرو.:)
وأتمنى بإعادته يسير كما أراد صاحبه منذ البداية.:)

أبوزيد... سلامات كتيره...
الناس مازالت مختلفه حول تعريف الحنكشه... في ناس شايفنها رقه أكثر من اللزوم ودي بتعتمد بشكل أساسي علي نوعية الخدمات المقدمة بمعني أن الشخص الذي تتوفر له كافة الخدمات الأساسية والكمالية (مباني نظيفة -أكل نظيف - مويه صحة -عطر من شانيل وماشي لي فوق... وترولي للطعام ...الخ) الزول الزي ده قطع شك حنكوش ولو أنكر ....

معقولة بس؟!
يمكن بعد ده كلو يكون لسّة مُتمسِّك بالقديم.:)
طيب في السودان معظم الحاجات الفوق دي ما بتتوفر ..يعني لو كسرت رقبتك وعملت ليك بيت سمح تطلع منو الرماد كال حماد ...
وزي ما قال حبيبنا الجندي المجهول لايمكن بأي حال من الأحوال إطلاق الحنكشه علي ناس (غليل) و (الثعالبه) وللمعلومية هي احياء فقيرة جنوب جدة...
اذاً....
ليس كل مغترب حنكوش ....

وليس كل مواطن أغبش و(ما حنكوش):cool:
ومؤكد... كل مقيم بالسودان أغبش أغبر وإن سكن المنشية أو حمل الجنسية الأمريكية.

في سوداننا شُفت ناس حنكشتهم
أخير منها حنكشة بعض المُغتربين،
و أغلبهم ما حصل ركبوا طيّارة في حياتهم!!


أبوزيد......
هل تعلم أن أكل الرغيف في بعض مناطق السودان يعتبر حنكشه ويقتل المرؤه!!!!!




!!!!!!!!!!



شُكراً لك أخي أبو عمرو.:)



:):):)

[بنت الرفاعي]

سلمت يداك ابو عمرو

تخريمة : ياخ إلى وقت قريب ناس (الحاج يوسف) بفتكرو اكل الايسكريم ( عيب) خلي الحنكشة ...




:confused:
:eek:
!!!!!!!!



:):):)

[بنت الرفاعي]

يا أبو زيد كدي أضرب ليك صحن عريكة طبقات و تعال تم البوست دا

قال حنكشة قال
أقول : أي واحد يمشي بي سواكن مفروض يدوهو نيشان الصمود من الطبقة العااااالية
و كمان يدوهو لقب ( خنشور بك )

قال حنكشة قال




عفواً
صحن شنو؟!:rolleyes::confused::eek:


غايتو البوست ده فيهُ كلمات غريبة!!
لكن حأتنازل عن السؤال عنها لصاحبتي مدنيّة.:rolleyes::cool:


:):):)

[بنت الرفاعي]

حناكيش المنتدى


كل الود
قلنا الحناكييييييش
عندما . . .
تصغر الكلمات تعبيرا
وتتهاوى الاحرف تقصيرا
وتتسامى الارواح تذكيرا
وتتهادى القلوب تأثيرا
وتتعالى المقامات تكبيرا
وتتنادى العقول تفسيرا


لابد لها من وقفة في حرم. . .
تعالت قيمه
وتوالت عظمته
وتناثرت بين الناس نفحاته


حنكشة المغترب . . .
لو علمها مدعي الحنكشة . . .
لانبرى ذهولا
واسلم لها مفتونا



اردنا منها تقييم الواقع
لتقويمه والعمل على تدارك سلبياته


لابد لكل تجربة من وقفة لنأخذ منها العبرة
تداركا واصلاحا للخطأ لكي لا يقع مستقبلا
وتمتينا وتوثيقا للصواب مثالا يحتذى



ولنا عودة


اشواقي







:):):)
:):)
:)




كل الشُكر مع كل التقدير لك أخي أبو زيد.:)


:):):)

[moh_alnour]

عفواً
صحن شنو؟!:rolleyes::confused::eek:


غايتو البوست ده فيهُ كلمات غريبة!!
لكن حأتنازل عن السؤال عنها لصاحبتي مدنيّة.:rolleyes::cool:


:):):)











في سلسلة مطاعم يمنية شهيرة بجدة تحمل أسم ( أبو زيد ) عندهم تحلية إسمها ( عريكة طبقات )
وهي من فصيلة ( المعصوب ) و هي عبارة عن ( موز و عسل و قشطة و جبنة شدر ) تقريبا ً
أما لفظة ( خنشور ) فهي ( الأوبظيط ) يعني المعنى المضاد لكلمة ( حنكوش ) :p

[سيف الدين الامين]

يا شبـاب والله والله انتـو فكرتكم مغلوطة عـن المغترب وببسـاطة الحنكشة في وادي والمغتـرب في وادي آخـر ولو مريـتو بما يمر به المغتـرب من مآسـي في سبيـل أن يعـود في اجازة حتعرفـو انو الله حـق ولو أدوكم قروش عشان تتحنكشو حنكشة المغترب حتقولو ما دايرييييييييييين ده لو كانت العودة عن طريق المطـار أما لو المغترب قل عقلو وقال انزل بسيارة بفول بمجرد الوصول المينـاء الرووووووووووب من طول الانتظار والتعب الجري هنا وهنـاك والمبيت في السيارة او فندق أخير منو فندق دق الشطة .... وبرضو تقولو حنكشـة ...