احسن حاجات حصلت ليك في العام 2010م

[ahmed algam]

عايزين اي واحد يورينا احسن حاجات حصلت ليهوا في العام 2010م


كما عايزين اقول لينا كلمات عن هذا ىالعام 2010م



اها البيبداء منو


ياربي بيداء الزول الفي بالي





وداعا

2010

[mohd saeed magazoub]

11623

تـمـر الايآم والشهـور لنبـدآ سنـة جديدة

ونطـوي سنـة مرت بكل مافيها من ذكريات

في كل سنـة تختلف مشاعرنا وآحاسيسنا

فقد مرت السنة بالعديد من الذكريآت

المؤلمة والجميلة

116241162411624

ولايسعنا عند نهاية كل عام سوى آن نتمنى

لانفسنا ولمن نحب سنة مليئة بالافراح

والحب وندعـو لمن فقدنا من الاحباب

بالرحمة والمغفرة

116241162411624

أجمل كلمات نبدا بها عامنا الجديد

لاتنظر خلفك فذلك ماضي يؤلمك..

ولا إلى اليوم فإنه حاضر يزعجك..

ولا إلى الأمام فهو مستقبل قد يؤرقك..

لكن انظر إلى فوق فإن لك ربا يرحمك..

116241162411624

happy new year

2011

ان شاء الله تكون سنة خير على الجميع..

وارجو من الله آن يجعلها سنة مليئة

بالافراح والمسرات

وكل عام وانتم بخير

116241162411624

احسن حاجة حصلت لي في عام 2010

ولادة ابنتي ريتان 6 / 12 / 2010 م

( معنى الاسم : الماء الذي يحفظ اللؤلؤة داخل الصدفة )

11625






تخريمة: احمد اكيد ماانا الفي بالك;)

[محمد حسين (المميز)]

للأســف يابوحميــــــد

لاشــــــــيء:(



وربنـا يخلــص العشره يوم الباقيـه على خيــر

لانها من اسوأ السنين والحمـدللـه

[ابو لوزة]

زي ماقال المميز
سنة كاملة ما فيها اي شي يسر الواحد
وربنا يستر علينا في 2011م
ان شاء الله تكون اخير من 2010م
وكل عام والجميع بالف خير

[مايسة]

والله يا ود علقم

سنة كانت كبيسة بالجد - وربنا يعديها بخير ان شاء الله

والحمد لله على كل حاال

[نزار حسن محمد]

الله يكفينا من الجاى الخوف من2010
تعمل للخلف دور ونظل مربطين بالطين

[النويري]

الناس مفروض تكون متفائلة وما حدث لكل إنسان هو من عند الله خيراً أم شراً ونحمد الله في جميع الأحوال

صحيح أنو كانت في حاجات سيئة ولكن برضو الحمد لله أنا على الصعيد الشخصي رزقت بي تالين أسأل الله أن يحفظها وجاتني زيادة في الراتب 500 ريال والحمد لله متمنياً للجميع ان تكون 2011 عام سعيد لكل الأحباب والأصدقاء بالمنتدى
مشكور أحمد لإتاحة هذه الفرصة ولك خالص الحب كنا بنتمنى نقضي رأس السنة في مدني فمنذ 2000 لمن نشهد عيد ولا رأس سنة في مدني الله كريم

[مدنيّة]

اكيد مافي سنة بتكون مكملة وكلها افراح
اي سنة بل اي يوم بتخلله فرح وترح ولو من دواخل الانسان

--------
الحاجات السمحة الحصلت لي فيها كتييييييييييييييييييييرة والحمد لله
لكن برضو مابيعني انه ماكان فيها احزان

----------
كل عام والجميع بالف خير يارب

--------
شكرا احمد

[بت أم درمان]

اصلو الزول ما يحتفظ بي سرو معاكم :rolleyes:

عموما احلا شي حصل معاي 2010
اني زرت امي واخواني :o
من بعد غيبة 4 سنين
دا احـــــلا شي طبعا

[naz_imam]

تسلم اخي احمد علقم
ونتمني ان يكون العام الجديد عام خير للجميع
اما علي الصعيد الشخصي فإن العام 2010 لم اشعر به مطلقا ومر علي سريعا جدا لكثرة الاسفار فخلال هذا العام تنقلت بين تركيا والهند وماليزيا والمانيا وبنجلاديش ودبي والبحرين والسودان لمدة اسبوع واحد فقط.

[بحيرى]

السنه دى والحمد لله
بالنسبة لى
كان اولها حلوووووووووووووووووووووووووووووه
وفى نصها بدات تقلب لونها التانى
لحدى هسه قلبت تماماً
والحمد لله على كل شئ

[بحيرى]

اصلو الزول ما يحتفظ بي سرو معاكم :rolleyes:

عموما احلا شي حصل معاي 2010
اني زرت امي واخواني :o
من بعد غيبة 4 سنين
دا احـــــلا شي طبعا


ا
ولاً كل عام وانتى بخير
والله شوفت الام والابو بالدنيا كلها
انتى السنه دى عليك ما كبيسه
كفايه شوفت الوالدين

[ahmed algam]

عام 2010م

كان عام حزين جدا لي

حيث افتقدت والدتي الغالية

رحمة الله عليها في هذا العام
24/7/2010م

[ياسر123]

الحياة صراع بين الحسن و السيء كلها صراعات
المهم مرات الانسان بمر يهو الاحسن و مرات بمر بيهو السيء الذي يطمس الاحسن

[بت أم درمان]

ا
ولاً كل عام وانتى بخير
والله شوفت الام والابو بالدنيا كلها
انتى السنه دى عليك ما كبيسه
كفايه شوفت الوالدين

وانت بكل خير ان شاء الله
طبعا شوفتهم بالدنيا
واربعين يوم مرو كأنهم ساعات
عموما الزول اذا افتكر الحاجات الحلوة
ما بتأثر فيهو الحاجات التعيسة
والحمدلله على كل حال

[بت أم درمان]

السنه دى والحمد لله
بالنسبة لى
كان اولها حلوووووووووووووووووووووووووووووه
وفى نصها بدات تقلب لونها التانى
لحدى هسه قلبت تماماً
والحمد لله على كل شئ

كفارة يا زول :cool:

[علي النعيم محمد نور]

تشكر علقم . . .
وربنا يتقبل الوالدة وعزاءنا أنها تركت خلفها إبنا" صالح (مثللك) يدعو لها . . .
أما أجمل ما حمله العام 2010 م . . .هو قضائي إجازة العام بصحبة أسرتي بدوحة العرب بقطر . . .حيث أن الحديث عن قطر وأهلها حديث آخر . . .

[همسات]

اخي احمد لك التحيه لمنحنا هذه المساحه الجميله
وربنا يتقبل الوالده مع الصديقين والشهداء
وكل عام وانتم بالف خير وربنا يجعلها سنه خير
علي الجميع ...........................
علي الصعيد الشخصي الحمدلله علي كل شي
التقيت باسرتي وعشت الاستقرار الاسري الذي كنته قد افتقدته
بكل الحب والتالف الجميل......................
كما انه والحمدلله قدر لي الله ماتمنيته كثيرا في حياتي
مما جعلني سعيده مطمئنه هذا ماانساني
ماممرت به من احلك واصعب واقسي
ماممررت به في حياتي علي الاطلاق
الحمدلله كثيرا كثيرا...........
كما انني وفي هذا العام تم تسجيلي في هذا المنتدي الرائع
والذي اكسبني ماافقتقده في مجلات عديده واكتساب اخوه
واصدقاء اتمني ان اكون دوما عند حسن ظنهم بي
لا انسي من هو في مقام الاب الذي لا يتواني لحظه
في السؤال عني وارشادي وتقديمه لي كل مايستطيع فعله
من هنا وامام الجميع لك مني كل التقدير والاحترام
ابوي محجوب...................
ليكم كلكم كل الود والحب والتمنيات
الحلوه وربنا يجعل ايامكم راحه وسعاده
وابعد الله عنكم كل مايحزنكم

[mahagoub]

الحمد لله
كان عام من احلى الاعوام
لتعرفى على هذه الكوكبة الرائعة
والجميله فى منتدى واد مدنى
ربنا يديمنا لبعض
نتماسك حتى نصير قلب واحد
لنعيد عهد مضى من الترابط بين
الاباء والابناء والاخوه والاخوات
ونتقبل بعض بدون ضغائن
وجعله الله عليكم عاماً جميلا