التيمان
16-12-2010, 04:54 PM
بسم الله:
مدخل:
ود الناس معاى مالك بتجرى من وراى مالك...
مدخل تانى:
الابن: يا ابوى انا عايز اعرس؟
الاب:مقاطعا انت لاقى تاكل..وين سد المال وين الشيله ..وين الماعارف شنو..؟
الابن :يا ابوى هليها على الله وبتدبر والناس تجرى وتدين والعرس قام زى الفل
النص:
ياجماعه زمان كان العرس حكايتو حكايه وقصتو قصه ...بالرغم انو كان اسهل من هسي .
لكن جاء زمان النسوان الجلابه (الجلابيات ) بى حقها ياعمك انت زول عاطل ساكت وروحك
مارقه ومتكل جيب سفه وجيب نفس قاعد فى صندوق بارد فى الدكان وتشاغل فى المارقه والداخله
..ترسم على مره جيرانكم مرطبه وشغاله زى الفل والناس شايله حالها يامطلقه يا بايره والغريبه اى مره عندها قروش ما حلوه (حلوه قروشا) ..المهم ترسم رسمتك وربنا يوفقك ...وفجاه من صندوقك الزمان داك تلقى نفسك زول حنفولى وراكب حديدك يا الله وسايق الكليك بتاعتك وسيجارك اتغير وخليت التمباك بكون هرشوك طبعا ..وتعيش فى نعيم زى الفل..وبى قادى نسوان الفريق شايلين حالك فى الجبنات والصناديق والرجال انتفو ريشك نتف وده على قلبك زى العسل..
طيب نجى لى الشباب شويه ..
اساس الموضوع ده...
قبيل قاعدين بنشرب لينا فى جبنه زى الفل المهم واحد جاهو رصيد وبى كل فخر قرى الرصيد البت دى بتحبنى ياخ ...الشمار حرقنا قلنا معناها رساله حب وانا بحبك شديد وانت حبيبى انا وانت وانت..
لا ده كان زمان يا جماعه ...قرانا الرساله رصيد كميه كبيره يازول ده شنو قال دى حبيبتى يومى بترسل لى رصيد ؟؟ ياخى واحد نط قال لى بترسل كم قال بترسل كده ..؟ قال لى انت ماشفت شى عاين انا عندى واحده من حبيباتى بترسل كم اكتر منك ..؟ ورانا رسايل الرصيد؟؟ يازول اى زول طلع تلفونو الماجاهو رصيد ضرب عشان يجيهو رصيد ويقنع الناس انو حنكو سنين وبرسلو لى برضو والجكس بريدو...ولا يوريك الرسايل بتاعت الرصيد الرسلوها لى ...واحد قال انا عايز اجمع رسايل الرصيد ونشوف رسلت لى كم..ماموضوع فى جبنه ..المهم جمعنا القروش طلعت محولا ليهو ما اكتر من 2 مليون فى الشهر ...ده كلام ده ياجماعه ؟؟ والغريبه لو بحبها هى بس مالو لا كم واحده تانى ياعمك ..بس الظاهره دى حيرتنى شديد وقلت اشاركم بيها واشوف رايكم شنو؟؟فى الحنك ده؟؟
مخرج:
طبعا طلعت اغنيه جديده دى حتكوم مخرجنا من الموضوع ده وحانزلا ليكم فى الموضوع لكن بكره ما الليله..بتقول/
قالت لى بحبك بحبك شديد عشان نواصل حول لى رصيد
قالت بريدك بريدك شديد غير لى تلفونى بى واحد رهيب
بكره بتكون الغنيه نزلت
مع تحياتى ليكم
التيمان
دندنق وابنق
مدخل:
ود الناس معاى مالك بتجرى من وراى مالك...
مدخل تانى:
الابن: يا ابوى انا عايز اعرس؟
الاب:مقاطعا انت لاقى تاكل..وين سد المال وين الشيله ..وين الماعارف شنو..؟
الابن :يا ابوى هليها على الله وبتدبر والناس تجرى وتدين والعرس قام زى الفل
النص:
ياجماعه زمان كان العرس حكايتو حكايه وقصتو قصه ...بالرغم انو كان اسهل من هسي .
لكن جاء زمان النسوان الجلابه (الجلابيات ) بى حقها ياعمك انت زول عاطل ساكت وروحك
مارقه ومتكل جيب سفه وجيب نفس قاعد فى صندوق بارد فى الدكان وتشاغل فى المارقه والداخله
..ترسم على مره جيرانكم مرطبه وشغاله زى الفل والناس شايله حالها يامطلقه يا بايره والغريبه اى مره عندها قروش ما حلوه (حلوه قروشا) ..المهم ترسم رسمتك وربنا يوفقك ...وفجاه من صندوقك الزمان داك تلقى نفسك زول حنفولى وراكب حديدك يا الله وسايق الكليك بتاعتك وسيجارك اتغير وخليت التمباك بكون هرشوك طبعا ..وتعيش فى نعيم زى الفل..وبى قادى نسوان الفريق شايلين حالك فى الجبنات والصناديق والرجال انتفو ريشك نتف وده على قلبك زى العسل..
طيب نجى لى الشباب شويه ..
اساس الموضوع ده...
قبيل قاعدين بنشرب لينا فى جبنه زى الفل المهم واحد جاهو رصيد وبى كل فخر قرى الرصيد البت دى بتحبنى ياخ ...الشمار حرقنا قلنا معناها رساله حب وانا بحبك شديد وانت حبيبى انا وانت وانت..
لا ده كان زمان يا جماعه ...قرانا الرساله رصيد كميه كبيره يازول ده شنو قال دى حبيبتى يومى بترسل لى رصيد ؟؟ ياخى واحد نط قال لى بترسل كم قال بترسل كده ..؟ قال لى انت ماشفت شى عاين انا عندى واحده من حبيباتى بترسل كم اكتر منك ..؟ ورانا رسايل الرصيد؟؟ يازول اى زول طلع تلفونو الماجاهو رصيد ضرب عشان يجيهو رصيد ويقنع الناس انو حنكو سنين وبرسلو لى برضو والجكس بريدو...ولا يوريك الرسايل بتاعت الرصيد الرسلوها لى ...واحد قال انا عايز اجمع رسايل الرصيد ونشوف رسلت لى كم..ماموضوع فى جبنه ..المهم جمعنا القروش طلعت محولا ليهو ما اكتر من 2 مليون فى الشهر ...ده كلام ده ياجماعه ؟؟ والغريبه لو بحبها هى بس مالو لا كم واحده تانى ياعمك ..بس الظاهره دى حيرتنى شديد وقلت اشاركم بيها واشوف رايكم شنو؟؟فى الحنك ده؟؟
مخرج:
طبعا طلعت اغنيه جديده دى حتكوم مخرجنا من الموضوع ده وحانزلا ليكم فى الموضوع لكن بكره ما الليله..بتقول/
قالت لى بحبك بحبك شديد عشان نواصل حول لى رصيد
قالت بريدك بريدك شديد غير لى تلفونى بى واحد رهيب
بكره بتكون الغنيه نزلت
مع تحياتى ليكم
التيمان
دندنق وابنق