المساعد الشخصي الرقمي

مشاهدة النسخة كاملة : ونسه جلاكين عن الحب زمان والحب بقى كيف تعبانين انتو يا اعمامك


التيمان
14-12-2010, 03:27 PM
بسم الله:
مدخل:
الليله الغرام صبحت حكايتو بسيطه
وجنزير فكه وطارت منو قشيطه
الدايه المفدعه في مشيكه
وبنشر قلبي طرشق وفاقد العفريته
النص:
يا الاربد جبل الصمد
يا التكل القديم الامو حيه وهو يتيم

ديل اعمامك زمااااااااان
كان جدع يجلي
وكان مشي يعتر
وكان عتر يتظلط
وكان زرع اردب يجيب نص اردب
وكان حبيبت تنجرح
ودايما مورين مغوحقوقنا العاطفيه مهظومه
وعايشين تحت شعر تحب انت يخش غيرك

الحب البعمي ويطرش ويعمي ويعوج الخشم

نظريه الاجماع السكوتتي وكتر علي الشجن
قسمو العرسان زمان:
هم زاتهم الشباب مقسمين علي 3
جبل وجمل وسعن
الجبل
يشيل المره والولاده واخلها
الجمل يشيل المره ويمشي
السعن ده بدل يشيلك تشيلو انت ويخرخر ليك في هدومك

العروسات"
دون العشرين النجفه التسر الناظرين وامها ماسكه بنزين
تستاهل الكبده والشيه واللحم المسن ..

عروس التلاتين كفايه عليها الموظفين
التبش والكمامين

بت الاربعين للشبا والمجلكنين
الراس والضلافين
بت الخمسين الا المجانين
كفاه العجين


مخرج:
وين يا اعمامك معيط النجيله والتونكات والتوبات والحنك ده والمسجاااااااات وتلفونات الليل
والحنك زى الفل وقعدات كيف وماسك يدها كيف..

والله يا حليلكم
وبقول ليكم شى واحد اللهم لاحسد
mahagoub
14-12-2010, 08:35 PM
انت وين والحب وين
هو فى زى حب زمان
زمنكم ده تحب ميه وتعشق الف
ابوحمودى
15-12-2010, 04:51 AM
حب زمانم بختلف عن حب هسه بس كمان مواصفات العروس الان بتختلف فما عادت المواصفات القديمة تجدى لذلك تجد مراكز التخسيس والرشاقة انتشرت الان فى كل مكان والعادات الدخيلة والكريمات وهلم جرا والجكيس والخروج لانصاف الليالى دون اى دستور زمان العروس ما بتشوف العريس الا يوم الدخلة ولكن الان حدث ولاحرج مع الاعندتزار لبنات حوا لكن دى الحقيقة يا التيمان
التيمان
15-12-2010, 07:00 AM
حب زمانم بختلف عن حب هسه بس كمان مواصفات العروس الان بتختلف فما عادت المواصفات القديمة تجدى لذلك تجد مراكز التخسيس والرشاقة انتشرت الان فى كل مكان والعادات الدخيلة والكريمات وهلم جرا والجكيس والخروج لانصاف الليالى دون اى دستور زمان العروس ما بتشوف العريس الا يوم الدخلة ولكن الان حدث ولاحرج مع الاعندتزار لبنات حوا لكن دى الحقيقة يا التيمان

كلامك عين العقل ياريتنا حضرنا زمنكم المره بى قرش والمره ارجل من الراجل
التيمان
15-12-2010, 07:01 AM
انت وين والحب وين
هو فى زى حب زمان
زمنكم ده تحب ميه وتعشق الف

ياخ ماتحكى لينا عن ايام زمان وحب زمان...


المره تشرك ليها فى بيت البكى وانت شايل الصينيه مدخله للنسوان وكفايه ضحكها منها ولا كيف