وحسيت براااااااااااى .... انا ماانا .......... [الأرشيف]

خالد 000 ابقرجة

10-12-2010, 11:15 PM

الخرباش المبدل
عطفاً علي مرآة عقبة (عطفاً دي عجبتني )
طبعاً صاحبك عريس باير 000
وما حاسي بي روحو 000
عشان كدة لمن يوم يقيف في المراية 000
بلقا روحو ما ياهو وراحت عليهو 000
_________________
هذه المرآة ليس بالضرورة
أن تكون قطعة زجاج بخلفية مطلية 000
أو مرآة مزدوجة بطلي السطح الأمامي كما أورد صاحب المعلومات المتدفقة محمد سيد محجوب 000
فصديق صدوق يجلس أمامك بهدوء لا يعكر الصفو 000
أصدق مرآة يمكن أن تري فيها نفسك 000

حدث لي ذلك منذ فترة وجيزة بعد الحج بمدينة جدة 000
حين كان الصديقان العزيزان الجندي وأبو مازن يترددان علي في سرادق عزاء الخالة الفاضلة رحمها الله 000
كنا نتحدث كثيراً في كل ما نكتبه هنا 000
نختلف ونتفق ونترك بعض ما علق مفتوحا ً 000
لكن المرآة الحقيقية حين تجد من يسمعك يجيد الإستماع 000
وعند الحديث تجد كل ما تطاير وتفرق من أفكار قد تم ترتيبه في كليمات قليلات 000
يومها 000
حين خلوت بنفسي بعد أن أداروا لي ظهر مرآتهم النقية 000
وجدت أنني لست أنا 000 ووجدتني طفلاً صغيراً يحبو في ردهات التجارب 000
بعد أن كان الظن أن الفكر قد استوي 000 والنضج قد حان

_____ ______

في ضهر المراية

أووووعك تقول لي غيرت مسار البوست 000
يعني لو كنت عاوز تحدد ليهو مسار (مسئول انقاذي) 000
كان جدعتا ليك كلمتين و وفرتفتا ؟؟؟
قوم لف كدة ولا كدة

صلاح ودالطاهر

10-12-2010, 11:39 PM

تعرف يا ود مدثر نفس الشعور والاحساس

محمد الجزولى

10-12-2010, 11:57 PM

احساس صعيب غلبنى اتحملو
احساس جميل رغم صعوبتة
تتساوي عندك الرؤية بين الخيال والواقع
تصيبك نفخه ( مخرومه )
تعرف يا خرباش عجبني احساس الدوش لما قال
طبّيت قزازتي مرقت عِنْ طرف البلد
و سكرت جد
و انا جاي راجع منتهي
لاقتني هي
قات لي " تعال "
كبرت كراعي من الفرح
نص في الارض نص في النعال
اتلخبط الشوق بالزعل
اتحاورو الخوف و الكلام
يعني الدوش لو عاين في المرايا حي يلقي نفسو كلو عيون
علي وزن كبرت كراعي من الفرح ...
احسن حاجه يا خرباش ( ما تندهش)

أبوعمرو

11-12-2010, 08:37 AM

عمنا
الظاهر (البيت) اتقفل ورانا....
ياخ دا احساس جميل كونك ما إنك... أغتنم الفرصه وسجل هدف

توحيد بابكر الطيب

11-12-2010, 08:41 AM

احساس عادي جدا اوعك تشيل هم بس

بنت الرفاعي

12-12-2010, 11:11 PM

بغض النظر عن سبب إحساسك وكيفيته،
هو كان إحساس لكن كيف لما تجبر على التعامل بذلك؟
لما تجبرك مواقف وآخرون أنك تكون ما أنت؟

‏‎‎

بنت الرفاعي

12-12-2010, 11:20 PM

أحيانا إحساس الفرح الشديد بيعيشك في نفس الإحساس،
ومرات الحزن العميق بيغرسك في ذات الإحساس،
ولما تتوه فيما بينهما،
بتكون أصلا ما فاهمك أنت و ياتو أنت!

أحسن برضو تغيير وتجديد :-)

‏‎‎

ابوالنور

13-12-2010, 02:33 AM

وانا كمــــــــان

بحيرى

13-12-2010, 08:08 AM

مره
فى واحد ليبيرى
جاهو نفس الاحساس ده
حكموا عليهو بالسجن المؤبد
بعُد الشر عليك
دحين
ياخى كان ما بتقدر تتحمل
اعمل نايم
مالك ومال الهوى
هسه اللبيريين ديل اقولوا عليك شنوا ؟

مايسة

13-12-2010, 10:42 PM

لك أنقى التحاايا -

هذا نتاج القلق الكثير والضغوط ايا كانت - والاحساس بأنك رااايح كلو كلو

تخريمة : أبعد من القهوة بث والشاي :o

عبدالرحمن مدثر

13-12-2010, 11:02 PM

this disability is real but this smile is real
nice

حقيقة شدنى اسم آلاء عبدالرحمن اولا لا رتباطات الاسم اولا

خشيت قلت بتى دى بتعمل فى شنو

اجمل شىء اننى تعلمت منها الكثير

ففارقت درب احساس التلاشى الذى يعتيرينى

والوضع مماثل عندما احن لحروف (ابوعبدالرحمن ) ابوى يافارس الحوبة

لحروفه حميمية اكبر .. (الزول دا لسه ماجاء )

بجيكم راجع بتجليات جديدة

عبدالرحمن مدثر

13-12-2010, 11:15 PM

عمنا محجوب من انصار الفتة

والفتة تحتاج لالفة

والالفة لن نبحث عنها كثيرا

عندما يلتفت الينا الاخرون ونكون وعاءا جامعا للاحساس (ببعض)

لتكون خاتمة الامر لفتة بارعة وتجاوب اجمل عندما تنزوى فكرة الانا

امام اناقة حضور (الكل )

وكلك ... كلك حلو

bit madani

13-12-2010, 11:19 PM

this disability is real but this smile is real
nick

حقيقة شدنى اسم آلاء عبدالرحمن اولا لا رتباطات الاسم اولا

خشيت قلت بتى دى بتعمل فى شنو

اجمل شىء اننى تعلمت منها الكثير

ففارقت درب احساس التلاشى الذى يعتيرينى

والوضع مماثل عندما احن لحروف (ابوعبدالرحمن ) ابوى يافارس الحوبة

لحروفه حميمية اكبر .. (الزول دا لسه ماجاء )

بجيكم راجع بتجليات جديدة

عزيزي الأصيل ... مجرد إحساس عابر... الأصيل بفضل أصيل ... لكن لغرابة العالم حولك يجتاحك هذا الإحساس ... فتش حتلقى نفسك ياهك إنت ... إلا الحزن ما يغلبك ... لا تديهو عنوانك ... و نحنا هنا ... كيفن براك ... بس إنتشي و ما تختشي ... ياك انت و سكتك بتجيب وحاتك رفقتك ... كيفن براك ...

عبدالرحمن مدثر

13-12-2010, 11:22 PM

عاقب مصباح والضحكة التى لاتقتنع بالاطار

هذا مانحتاجه ياصديقى ..

اكثر مايضايقنى فى (المراية ) ان ابعادها غير حقيقة

وكمان مكتوبة .. يعنى حقيقة ثابتة .. احب الابعاد ولا اعرف الرسم

زمان كان عندنا حصة رسم فى الثانوى .. حبيت فيها البعد التالت بس

حتة انو لما تجى ترسم اعمدة كهرباء فى ورقة بيضاء ناصعة بترسمها

وبتزيد ليها بعد تالت عشان ماتديك احساس انها طويلة وماااشى تصغر

على امتداد المساحة الداخلية مع انو الورقة مسطحة اكيد لكن من خلال البعد التالت

بتحس انو انت جوووه السكة .. او عندما ترسم حديقة وتحس بيها داخلة لجوووووه

جوووه دى انا بتمثل لى حاجات كتيرة .. ومنها الاحساس الرسمتو هنا

اتخيل لى محتاج لبعد تالت ..

okasha

13-12-2010, 11:32 PM

احساس صعيب غلبنى اتحملو

ما بين بلبلة العواطف وانكماش الحكمة حتما سيتمدد الغم ... ولكن لا لتراشق بالسكوت ... فالرد مطلوب وملزم لردم الهوة ولنمد روؤسنا من تحت صفر الغبن لنزيل كل الود .... وحتما الى ما لا ناهية تكون الجاذبية قد فسرت وحطمت كل النواميس المغلوطة

عبدالرحمن مدثر

13-12-2010, 11:39 PM

ابو آية

نحن نحتاج لمن يفجر بدواخلنا الاحساس الرائع بالاشياء

وانت نافورة احساسنا عندما تكون حاضرا بكل نبضك الدفاق

سعيد جدا بودالمامون

وبثنائية الدهشة التى انجبت فكرة فى كامل اناقتها تبناها درويش

يعرف عمق السكة .. ويتحكم فى الايقاع ..

وسعيد اكثر بدف بت مدنى وعمق فكرتها التى تحتاج الى قراءتها مرارا

وتكرارا .. وتخرج .. وتعود بنفس الدهشة

وسعيد بمحمد المامون وهو يستعيد مفتاح دخوله لعالمنا ليعلمنا الكثير

مفتاح يتيح له الدخول من باب قلوبنا الكبير .. ويضخ فيه دماء الخير من جديد

ابقرجة

كلم كل الحبان .. يجونا بدهشتهم عشان ننشده اكتر وننسى الروحة

سروية

13-12-2010, 11:48 PM

في عز الليل ساعة النسمة ترتاح علي هدب الدغش وتنوم انا مساهر ..هد الحيل غرامك واجترار الزكري وطيفك في خيالي يحوم ياهاجر.......
انا والليل ومر جفاك مساهرين نحكي للافلاك مساهرين...
لاخاصت حكواينا ولالقينا البدواينا

الرائع ود مدثر سلاام وتحاايا

مدنيّة

13-12-2010, 11:49 PM

في عز الليل ساعة النسمة ترتاح علي هدب الدغش وتنوم انا مساهر ..هد الحيل غرامك واجترار الزكري وطيفك في خيالي يحوم ياهاجر.......
انا والليل ومر جفاك مساهرين نحكي للافلاك مساهرين...
لاخاصت حكواينا ولالقينا البدواينا

مباااااااااالغة تبعا ياسروية

---------
ابو مزن
ماعارفة اقوليك شنو
خليها بالنية بث

مدنيّة

13-12-2010, 11:52 PM

والاحساس بأنك رااايح كلو كلو

هو لهسي
طاشي شبكة!!! :cool:

عبدالرحمن مدثر

14-12-2010, 12:38 AM

عمدتنا ودالطاهر

انت جييت يالحبيب .. والحبيب قلبوا تيب

من خلال دورك الرسالى وانت تعلم الاجيال

لعلك متابع للجدل الذى دار بخصوص الشهادة السودانية هذا العام

بين منهج قديم ومنهج جديد

وبين امتحانين .. كاننى اشاهد المراقب على باب احد الفصول

وهو ينادى .. يلا قديم بجاااااااااااااااااى

وجديد بهنااااااااااك

والجديد شديد الا فى بلادى

بدليل الاعتراف من قبل الوزراة بالفشل الذريع للمنهج الجديد

عبدالرحمن مدثر

14-12-2010, 12:58 AM

طررررة وكتابة

دا ودالجزولى محمد الذ زول

انت عارف انا قربت اطلع مظاهرات لما دق الدلوكة الكابلى

وغنى للدوش فامتع

لكن كالعادة ناس مصنفاتنا وكل اجهزتنا بتقتل الابداع

حتى (سكرت جد ) دى وقفوا فيها كتير خلاس مثل

تجمهرهم امام جلد السودان كله عبر فتاته فى حالة لاتمت لبلادنا

ولا نسانيتنا بصلة ..

اها ماحكيت ليك عن المظاهرة الداخلية

قالوا لكابلى تستبدل كلمة (سكرت ) بكلمة (ودرت )

انهم قوم يعشقون الودار

وقدوا الدلوكة وتغير الايقاع

جزولى انت من الذين احبهم واتقاسم معهم طرقة الكسرة

لتمنحنا انت الدفء الاكبر تحياتى لاتحدها حدود

وللوطن القامة الدوش الحزن القديم

والشوق الدفين

عبدالرحمن مدثر

14-12-2010, 01:07 AM

ابو تالية

ورحلة البحث عن هدف .. كيفنك يابا ان شاء الله الديار مرحبة بيكم

وشنو ياعمك رافع القزاز نحن فى انتظار (حكاية من جدتنا )

بمناسبة الهدف .. وميرفت حسين المذيعة اللامعة والمتميزة

وحوار الاندياحات عبر بحثها عن هدف مع شيخ العرب رئيس الهلال

حاورت فامتعت .. وتناولت فافاضت .. وسالت فاكملت الوصف

ومع صباح جديد .. ينقسم القوم فى بلادى

بين المهنية .. والحيادية ..

بين السؤال .. والمراد منه باطنيا

وفى النهاية كل يغنى على هواه

تصبح المشكلة وحدها فى اعلامنا وشكل التناول

الذى ادى فى النهاية الى انفلات اخلاقى .. ودخول سلوك مشين

وكلمات بذيئة لا تشبهنا

على المجتمع الرياضى ..

عبدالرحمن مدثر

14-12-2010, 01:20 AM

عبدالرحمن مدثر

14-12-2010, 01:50 AM

هناك متعة حقيقة وانت تتابع

ودالضوء

فيفيد

بحيرى

لانهم يملكون ناصية العامية من خلال التناول فى مواضيعهم

ديل ناس جميلين بشكل

وبحضورهم بيجملوا دنيانا

تحية ندية لهم

بعد ماالزول لقى رويحتو من خلال حروفهم

توحيد بابكر الطيب

14-12-2010, 08:26 AM

توحيد .. منورة

وبين الوحدة والانفصال تتارجح الدواخل

ويتشتت الاحساس بين ترقب وانتظار

عام جديد فى كل شىء سيكون على بلادى

بين منقو قل لاعاش من يفصلنا

وبين باقان خميرة العكننة

وبين احادية الراى التى جعلتنا ندق الدلجة

ونبحث عن مخرج ان شاء الله من خرم ابره ولانجده

بعد كل هذا التدويل

اخر ماسمعته ياتوحيد ان حكومة ابوباما تسعى لجعل انفصال الجنوب

انجازا تاريخيا لها بعد ان صاحبها الفشل الذريع فى كل الجوانب

(عندى حق اشيل هم ... صاااااااح )

لك التحية مجداا .. ويلا سويا من اجل وحدتنا ياتوحيد

والله ياعبد الرحمن يا اخوي ماعارف اسمي ده تعبني يعني اغيره والا شنو
عشان احس باني انا انا زاتي والاكيف
اخوك ولد يازول .. كتير ناس بفتكروه اسم بنت ..
الله يخليك يلا وهيا معا ,,
ولك التحية والاحترام ياغالي وكل عام وانتم بخير
مبارك عليكم السنه الجديدة

توحيد بابكر الطيب

14-12-2010, 08:36 AM

وطبعا الانفصال لاشك انه سيؤثر علينا ويهممنا معاك ان تم
وليك الحق والله ياعبدالرحمن تشيل الهم بس الله فوق كل ظالم

عاشق الليل

14-12-2010, 08:41 AM

تصدق يا ابو عبده المشكله مش في احساس انا ما انا ... تخيل معاي زول وصل مرحلة احساس هم زاتهم ما هم ....غايتو نصيحه من اخوك خليها علي الله وخلي باب العشم مفتوح

خالد 000 ابقرجة

14-12-2010, 08:27 PM

ولانسانيتنا بصلة ..

ربط البصلة بالإنسانية أعادني الي صديقي صباي جدو 000
الذي كان يصر علي ارجاع عبارة (لا يمت بصلة ) الي شوال البصل 000

وترتيب الحروف السماعي حسب الهوي تجيده صغيرتي آية 000
وآخر أحرف قامت بترتيبها السماعي ( السيد الزفتا ) 000
في متابعتها لإعلان النيل الأزرق (السيد استفتاء) 000
وأصبحت تفضل متابعته علي طيور الجنة وسباستون 000
ودوماً الترتيب السماعي حسب الهوي يصحبه انتقائية في إختيار ما يتوافق مع الهوي 000
وانطلاقاً من هذه النظرية فكلما استخلصته صغيرتي آية من إعلان ( السيد الزفتا ) هو (لا أمك تختار ليك لا أبوك إختار ليك ) 000
وتعيدها وتكررها مصحوبة بضحكة ونظرة من عائلة الشماتة 000
كأنها تستعين بها علي حربنا اليومية التي تشهدها ساحات البقالات التي أفرض فيها اختياري لما يجب شراؤه 000
ويبدو أن السيد الزفتا وافق هوي آية التي تتطلع لخيار ديمقراطي يحسم قضية البطاطس والحلويات الملأي بالألوان المسرطنة 000

أتدري ما الذي يجذبني دوماً الي بوستاتك وأختار الإقامة الطوعية بها ؟؟؟
أنك تحررها من القيود وترسلها مساحة تستوعب كال الهواجس وتملأ كل الفضاءات 000

أبو مزن 000
والمزن دوماً أمطر السحب 000
اليوم حين مررت هنا 000
لم أجد لك كتابة 000
أحسست بك تهطل كما أمطار المزن 000
دون ترتيب ودون عناء 000
تتلمس كل الطرقات وتتنقل بينها كما كابتن كابو الحريف 000
الذي يجيد فتح المساحات وفك حصار الدفاعات الهمجية 000

كنت قد حدثتك في تجليات نفاجية عن كابتن كابو 000
وذلك المشهد الذي جسده بعبقرية 000
حين وقف علي المسرح ووضع كرة خيالية علي أرضه 000
ورجع الي الخلف خطوتين كما محترفي ضربات الجزاء 000
وتقدم بسرعة ثم وقف عند المكان الذي وضع فيه كرته الخيالية 000
ثم جلجل صوته كما هستيريا مشجعي المصاطب الذين يشحنهم الإعلام الساذج 000
(كابتن كابو جااااااااااااك يا اسرائيل ) 000

كابتن كابو يا صديقي نحتاجه كما المطر 000
لنغسل دواخلنا من النفاق 000
وتكون مواقفنا وأحاديثنا جلية وواضحة 000
بعيداً عن العبارات الفضفاضة التي تترك الفرصة لمحبي الترتيب السماعي 000
الي تركيبها كما يتناسب الهوي 000
حتي لا يربط صديقي جدو عبارات حاسمة بشوال البصل 000
وصغيرتي آية السيد الزفتا بتحيد أمها وأبيها عن خياراتها الديمقراطية في البقالة 000

حينها 000

حا أحس براااااااي وانتا معاي أني أنا وانتا إنتا وود الجزولي هو هو
يتغني مع كابلي والدوش لسعاد 000
دون أن يدب النشاذ في إيقاعهم بسبب سكر معنوي يطبق عليه الحد 000

عبدالرحمن مدثر

14-12-2010, 11:43 PM

مع تسلسل حبل الخواطر

قديما قيل (الحلة بصل ) للتاكيد على جودة الطعم وحلاوة السبكة

وبلادنا حلة كبيرة بصلتها ماماتت .. او بصلتها فى النار وباقانها يعوعى

بمناسبة طلة آية فى هذه المساحة .. مزونة اسواء مافيها انها اكتسبت من ابيها

المزاجية المفرطة .. ليها كم يوم مسجلة غياب عن الروضة

وعندما تسالها عن سبب الغياب

تخبرك ان شفع الروضة (بصدعوا بيها )

هاتفنى قبل قليل سفير الدواخل الندية البتشيل مئة ولسه فيها براحات

ابوزيد .. ابو ريماس وهو يعد العدة لمغادرة الديار محملا بالاشواق

ابوزيد حكاية جميلة

وريماس حكاية اجمل تطول .. تطول

جعلت من صقيع ايامنا دفئا دائما بحميميتها والفتها المافيشة

مااجملها وهى تودع ابوها وامها .. وتصر على الاقامة بيننا

مااجملها وهى (تهرس ) منيب وتتزعم شلة عصابة التخريب الداخلية

حدثت ابوزيد عن طلبك ببوست اندياحى مماثل لرحلة تايلاند

اذا انتم موعودون ببوست تحفة ..........

(حنكشة مغترب )

عبدالرحمن مدثر

14-12-2010, 11:52 PM

مرام عندى مربوطة بكثرة الوشوش الضاحكة

ومرام جاد الزمان وعطر ليلتنا بالافراح

وهب النسيم اسكر ارواحنا من غير راح

السعادة الحقيقية صعبة المنال يامرام

لكننا من خلال لهثنا نجتهد فى اللحاق بموكبها المهيب

ونحتاج لمن يمدنا بقطرة ماء

يمسح من على جبيننا الرهق

نحتاج لمن يعطينا شحنة طاقة تمكننا من اكمال المسيرة

بالجنبة

شكرا لك وانت تزينين اماسى الخرطوم بحضورك الانيق بيننا

عبدالرحمن مدثر

14-12-2010, 11:57 PM

ابو النور

حضرنا ولم نجدكم .. عبارة جميلة جلبت لنا السعادة امسية ما

ونحن نجدها على (كراع احمد حلمى المجبصة ) من خلال فيلمه الجديد

بلبل حيران ...

شكلى كدا اتاثرت بالفيلم لذلك كان هذا البوست

الحيرة اصبحت على الطرقات فى كل مكان وزمان

الوطن اصبح اساس الحيرة

السوق بقى اكثر حيرة

حتى الحبيبة هى المصدر الاساسى للحيرة

تحياتى لك

يااااااااااااراااااااائح جفيتنى وانا راااااائح (اولسو)

عبدالرحمن مدثر

15-12-2010, 12:02 AM

بحيرى ياليبرى

انتو عربيتكم دى موحلة ولا شنو

اختى الرملة ماتقع البكان الهش

هل جربت متعة انو توحل ليك عربية فى قرى الجزيرة

حيث الطين (اللوك دااك ) .. وتقول ياابومروءة

وتجد الجميع حولك

يسعدون بوحيلتك دى

وينظمون لك من (عمتهم البيضاء ) حبل وسلبة

وهيلا هووووووب

وتتمنى انو توحل تانى

عشان تحس بعظمة الانتماء لهذه الرقعة المجهولة من بلادى

عبدالرحمن مدثر

15-12-2010, 12:19 AM

مايسة

ابعد عنى خلينى

دى اغنية كل صباح بسمعها من القهوة والشاى

سنين وانا ماااشى فى دربك

قول لى وين مودينى

انتى الروحة ذاتها فيها متعة عندما تصاحبها قلية بن

وبخور يستف اشواقنا بجيتو .. صعبة ياحبوبة .. صعبة الحتة دى

(هامش .. حبوبة من الاحساس ما من المنطقة الزمنية وكدا )

ذكرتينى كتاب

how to stop worrying & start living

دع القلق ... وابدأ الحياة للكاتب العملاق (ديل كارنيجى )

هسة لو جات مدنية كان اتذكرت (قلق داااااااااااااااااك )

عندو فلسفة جميلة الكاتب .. وكتابوا ذاتو وصل لاعلى المبيعات فى العالم

دا اكيد دليل على انو الامة كلها عائشة فى قلق

والقلق رد فعلى طبيعى للضغط

عبدالرحمن مدثر

15-12-2010, 12:30 AM

توحيد

لك العتبى حتى ترضى ياصديقى

دا كلو من الروحه التى جلبت لنا فى بعض الاحيان

عدم المقدرة على التمييز

لكن مامنى .. بكون من اسمك بدليل انو قبل كدا دخلك فى كم اشكالية

كل عام وانت بالف خير ياصديقى

ذكرتينى السنة الهجرية الله يطراها بالخير

تمشى ... وتجى .. ولا فى زول بتذكرها

حتى اليوم العطلة ذاتو بنعرفوا بعد مانعطل

- هو الليلة اليوم دا اجازة لشنو

- قالوا الليلة السنة الهجرية الجديدة

(قالوا .. يعنى مافى تاكيد حتى ...!!)

اننا فى بلاد عربية معطلة فى كل شىء حتى تاريخها الناصع

وبكررره بتجى (سنة اولاد الراحات )

ويعد الجميع العدة لاستقبالها

شى بيض .. وشى طورطات .. ويستفوا الشوارع

وتحلوا الاحتفالات

مع انها ماحقتنا

حقتنا ياحليلا (تاكلين بيها الباب )

ابوحمودى

15-12-2010, 04:23 AM

عاااااااااااااااااااااااااااااااااااادى بس عبر عن ذلك الاحساس

bit madani

16-12-2010, 02:09 AM

[QUOTE=خالد 000 ابقرجة;555519][FONT="Arial"][SIZE="3"][B][RIGHT]

وترتيب الحروف السماعي حسب الهوي تجيده صغيرتي آية 000
وآخر أحرف قامت بترتيبها السماعي ( [COLOR="red"]السيد الزفتا ) 000
في متابعتها لإعلان النيل الأزرق (السيد استفتاء) 000
وأصبحت تفضل متابعته علي طيور الجنة وسباستون 000
ودوماً الترتيب السماعي حسب الهوي يصحبه انتقائية في إختيار ما يتوافق مع الهوي 000
وانطلاقاً من هذه النظرية فكلما استخلصته صغيرتي آية من إعلان ( السيد الزفتا ) هو (لا أمك تختار ليك لا أبوك إختار ليك )

http://wadmadani.com/vb/showthread.php?38250-دونية-المتعالي-وغطرسة-الوضيع&p=555958#post555958

عبدالرحمن مدثر

16-12-2010, 02:59 AM

بت مدنى (بكل لغات الدنيا )

اكيد الواحد بينتشى وهو يعانق حرفك الانيق فى هذه المساحات هنا

كنت ولا زلت من المتابعين ليراعك الذى يمس عصب الاحساس فينا

ويعطينا الشجون واللحون ..

سعيد انا بعودتك الدافئة من خلال مواضيع يصعب على الواحد ان يجاريك فيها

تاكدى فقط اننا بين كل نقطة وحرف جديد .. نتوهط ونطالب بالمزيد

عندها سيفارقنا احساس الانا التى تاهت كثيرا

لكنها وجدت نفسها تسربت فى مسارب الروح ووتوزعت بين نبض الاحباب

فى هذا المكان

عبدالرحمن مدثر

16-12-2010, 04:26 AM

عكاشة (الود الجذاب )

بين ردم الهوة .. ورحلة البحث عن الهوية وبين الغابة والصحراء وفلسفة محمد عبدالحى

والعودة الى سنار .. داير اتونس معاك (ساااااى )

كانت فى تظاهرة ثقافية بارض المعارض ببرى من خلال معرض الكتاب

اكتر حاجة جذبتنى فى المعرض هو مساحة ضيقة بعيدة عن الاضواء تخص

الشاعر محمد عبدالحى قامت على اعدادها اسرة الراحل

وجدت زوجته

وابنته شيراز محمد عبدالحى .. احسست بالانتماء لهذا المكان فارقت درب المعرض

واتونست مع زوجة الراحل .. لاعرف ان الاسرة تجتهد لوحدها من اجل اعادة طبع ماخطه الراحل

من روائع بين العودة الى سنار.. وانا السمندل .. وابداع دائم

اكيد عندها بجيك احساس انك مانت

لما تحس بالمهمشين من المبدعين فى بلادى

حشوة سندوتش (حديقة الورد الاخيرة )

ثم انثنيت هاربا

فى زى شحاذ ضرير آمن فى خرق الثياب

ينام فى مزبلة السوق مع الكلاب

اسكر فى "الكرخ" وفى "دارين"

أو يملأ جوفى لهب السراب"

" وحين تدخل فى حلمك الأخير يا سمندل

ماذا تراك سوف تفعل؟"

" أمتد بين الطين والنجمه

بين السيف والكلمه،

والزهرة والزهار

خيطا خفيفا من خيوط النار"

(محمد عبدالحى )

عبدالرحمن مدثر

18-12-2010, 10:55 PM

الغالية سروية .. تحياتى

وفى عز الليل علم من التطريب الجميل حينما تكتمل اللوحة

من خلال يراع التيجانى حاج موسى والايقاع الجميل الثنائى حين نعلم

ان الاغنية تم تلحينها واداءها من قبل اصوات جميلة ومستحيلة

كابلى .. ونور الجيلانى

مدارس لحنية مختلفة وقدرة على التطريب مكتملة

الاغنية دى بتذكرنى بالمدرعات الشجرة وبعزة السودان (1)

حين نهرب من المعاناءة الى هذا الابداع الليلى الجميل

ولا خلصت حكاوينا ولا لقينا البداوينا

فى اغنية اخرى اتذكرها لابراهيم عوض

بحب الليل .. ياناس الليل

دى عندها موقف طريف وجميل فى نفس المكان عندما تشتد علينا (الادارة )

والوقوف فى ساحة الميدان الكبير حتى ساعات الصباح الاولى

عندنا واحد معانا صوته جهور مازلت اتذكره (معاوية )

اها ونحن راجعين على العنابر بخش فى نص الزحمة وبصوته الجهور يغنى

ليس للمتعة .. ولكن للازعاج

بحب الليل

ياناااااااااااااااس الليل

الللللييييييييييييل ... اللللللللللللللللليلللللللللللللل .. الللللللللللللليلللللللللللل

وهو ماشاء الله بمطططططط الليل دا لما يصحى كل الضباط

وننمشى ننوم ساعتين

ومازل البحث جاريا عن معاوية وعن متعة الليل الجميل

عبدالرحمن مدثر

19-12-2010, 10:32 PM

مدنية بين الاحمر الوهاج

وبين خارطة السودان التى اضحت فى مهب الريح

بين انبراشة البشير الاخير وتنازله عن كل النفط مقابل

ان لايشخت له اهل الجنوب شخيت ونقيف كلنا بعيد .. بعيد

خليناها بالنية

والنية زاملة سيدا

النية زاملة سيدا دى قصيدة معبرة لمحمد جيب الله كدكى

كدى نكبها هنا .. ونتشبث بالامنيات عسى ولعل

النية زاملة سيدها
أم سر حليلة حاج نُصر
أبواتهم الاتنين أشقا
ولا سعين و راضعين شُطر
بيقولو وكتين عرسها
أكبر عليه عُفر وقفر
لكن فى شان بت عمه بس
مجبور عليها وعرسها
وزول غيره ما بيجى بالجبُر
مرق تلاتاشر سنه
قاعدين وماجابو الجنا
وبيقو غايتو يجرو هنا وهناك
للفُقرا خايفين العقر
مرات مشيهم بالحمير
مرات مشيهم بالكدر
ياشيخنا امسك دا البياض
يومن نجيب جنا ليك نذر
جمبك نجيبه نزينه
ونديك شوالين تمر
مع انه معروف الجنا
شئ قسمة فى إيد ربنا
الشوق وحسن النيه بس
نساهم إنه دا شيتاً كفر
وكتين خلااس عدمو الصبر
قالتلو عرس يبقى تلقالك وليد
ينفعنا بعدين فى الكُبر
وفعلا مشى وعرس بنية شيخ بدر
وفى غفلة والايام تمر
ام سر بقت من عنقريب مفروش فرش
لى عنقريب قاطع البرش
كرعينا ماتن وواقعه فى الدُراب قرش
تاريها حامل ودا الوحم
شايفاه ذاتها كُتر وكُتر
وبالليل وكت تمرق على الجيران تطل
تقلها تقدل وبالعصا
والشال كمان من فوق راسها طيرةً فقر
وبت شيخ بدر
كانت معاها حنين منين واخر شُكر
شالت وشيها بلا سبب وعيونا انقلبن حُمر
الغيره جاتا وجاها ضُر
خلاها زى الفى الجمر
طوالى تتمدد تنوم
ضل الصباح يكمل تشيل ضل العصر
أم سر مبيضا نيتها
وما قصرت فى خدمتا
مسكينه شايلا كريشتا
كم سوت الشاى والاكل
وقامت محصلا حاج نصر
اندلى باقى مع الفجر
قراع تحت وعرقان يخر
وطوريته هبرت فوق كراعه
واخدت شويه من الضفر
والدم نزل ساكت يشر
من عبه يمرق فى السعوط
مهجموما جات ام سر تجوط
عين السواد ياخيرى كُر
صابحت ليك زولاً فقر
كدى غسل إيدك ديل وهاك
وتبت ضمة الريق قفاك
ودخلن عيونك فى جُحر
والشاى دا ذاتو خلاص قرص
ماشفت كيف بقى عرقه مُر
وساعة فطر
وكب وشرب وأدشى باااااع
قالتلو زين يايابا زين عافيه واجر
شالت مواعينا ومشت
الجدول القراع رماها وكوركت
الحقنى يا دا .. الحقنى يا دا
وجيب لى سعفاةً خُدر
وحصلنى بالبيت من قبل
وداية الفريق بت أبكر
أنا دابى لى سبعه شهور
و ود سبعه قالو طويل عُمر
أنا داير الد " يا الله لى يا الله لى "
الليله ياسابلة الستر
وداها لى بيتها وجرى
وفى إيده جاب الدايه جاء
ومع رمية الضل قريب وكت الضهر
قج الزغاريد فى البلد
والجارى يجرى على نصر
ياحاج نصر
جيب البشاره بلا نكد
مبروك عليك جابت ولد
يتربى فى عزك بخيت
انشاء الله زى ليلة القدر
انشاء الله حضرت الاسم ؟
قال بى فرح وقرب يطير
بلحيل على حضرته خير
طبعاً إسم جدى الكبير
فى موقعة كورتى وصبير
اول شهيد كان بابكر
شايل اسمه ولدى الجانى دا والرحمه لداك فى القبر

عبدالرحمن مدثر

19-12-2010, 10:39 PM

القصيدة ذكرتنى عبدالعظيم بتاع الدفار

كان يحلم بالولد من زوجته الاولى التى يحبها كثيرا

لكن الايام تمر والسنين تجرى .والسنة الاهل والحبان تلهب ظهره

ياعبدالعظيم ماتعرس يابا بندور نشوف جناك

وهو يهرب من هذه الاسئلة الصعبة

10 سنة على هذا الحال

اها فى النهاية فااض بيه وهو قاعد فى الخرتوم من مشوار لمشوار

رجع للبلد وجد ابوه وكل الاسرة قد عقدوا العزم (وعقدوا ليهو تب على قريبتو )

وهو كاره لذلك لكنه فى النهاية رضخ للامر

اتخيلوا بعد دااااااااك الحصل شنو

زوجتو التانية حملت

والاولى ايضا حملت

وولدوا فى نفس اليوم

ورجع عبدالعظيم لعشقه القديم

رجع لزوجته الاولى مع فرحة طاغية وطلق الاخيرة

عثمان جلالة

23-12-2010, 09:02 AM

ود المدثر يا حبيب .. ينتابني هذا الاحساس كثيرا هنا في دهاليز الغربة .. في ثنايا تلك النظرة التي يرمقني بها البعض ... نظرتهم للغريب .. وينتابني أيضا عندما أشاهد بلادي ... لن أكون حالما وأقول لك ... أشاهدها على أرض الواقع ... يكفيني ومجبر أخاك لا بطل أن أشاهدها في التلفاز ..ليست هي التي تركتها كما وأنني أنا ما أنا هيييييييييييييييييييه يا حبيب الموضوع ذو شجون

لم استطع الكتابة في هذا البوست ... إلا بعد أن أنهيت اليوم تجديد جواز سفري حمدا لله والذي يحمل هويتي كـ سوداني ... وبه تلك الصورة القديمه التي كلما نظرت فيها أجد في بريق عيناي حينها ما كنته أنا

ليتي أستطيع وضع هذه الصورة هنا

لأكتفيت حينها من الكتابة والتعبير.. وعلقت تحت الصورة مباشرة "بدون تعليق":)

ميادة

23-12-2010, 09:38 AM

مره من المرات تشيل صوره من صورك وتعجبك شديد ...( وفى هذة اللحظة يشعر قلبك بخفقان شديد )
تحس و لو لمره انة لا يوجد احد من البشر مثلك فى (اى شئ )!
و تمر ايامك بكل امل و احساس لا مثيل لة ...
وبعد فتره وجيزه ...يجيك احساس انو (انا ما انا )!
وتقوم تجيب تااااااااني صورتك وتعاين ليها

وفجائة ......

تكتشف شئ غريب! ....

(الا و هو انك نظرت الى نفسك و ما استطعت ان تتعرف على نفسك )

اصعب احساس ان تنظر الى نفسك ولا تتعرف عليها !!!!

احتراااماتي.

رضا حسن محمد

23-12-2010, 12:51 PM

مرات كتيرة تقوم تفكر جوة نفسك
انا منو انا منو انا منو
تقوم ترجع ترجع ترجع
كانك واقع فى بير
تقول سنة يا الحيطة
وتترنح فى الشارع
وما سكران
انا منو انا منو
انا براى
ات منو
انت منور يا عبوود
انت منو انت منو انت منو

همسات

24-12-2010, 07:53 PM

لا ادري اهو احساس مفرح ام محزن
ان لا اعرف من انا ولكنه يجعلني اتعمق في زاتي اكثر
واصر علي ان اكون انا ..........
انا التي اريدها لنفسي رغم كل شي
رغم كل المّأسي والهموم والحزن علي كل شي
ابتداء من نفسي الي وطني ...............
ايضا هناك احساس بالفرح الشديد يجعل الانسان
يشعر بهذا الاحساس ولكن احساس الحزن اقوي واعمق
لابد من هذا الاحساس حتي نري انفسنا حقيقه
قرات هذا البوست ولكن التعليق صعب جدا
لان الشي الذي يجعلنا نحس هذا الاحساس
بااختلاف المواقف هو ليس بالشي السهل

عبدالرحمن مدثر

28-12-2010, 03:43 AM

جلالة

خلينا نكسر ملل الغربة .. زى مابجى طالع منك احساس (كوليقة واحدة )

وفيها عقد الجلاد .. ومصطفى سيد احمد .. ومحمد النصرى

ماعارف علاقتك بهذه الاسماء لكن ابتسامتك الجميلة فى صورتك الحاضرة هنا

زى كشافة تخلينا نجهز لحفلة صباحى ..

حصل ياجلالة اتمردغت فى تراب بلدنا لما تكون الحفلة الساعة اتنين .. وانين مخسوس

عشان (الشفع ينوموا ) .. والسقط يسلم على الشوارع من كل الاتجاهات .. ولاسبيل للمقاومة

الا باقى (قطعة صيوان ) لم تجد لها مساحة للاحتفال مع اخرياتها فجلست مكرفسة وحزينة ..

جميل جدا ياصديقى ان تخرج (مغبر) من نص قماشة صيوان فرح .. وتخش الساحة وتملاها رقيص

وتنفض عنك غبار السنين .. ورغبة الفرحة التى تجد لها فرشة ودقة .. وساون

بمناسبة صورتك القديمة

سؤال ساى بالجنبة .. تدرج الاحساس فى الصور دا بجى من وين

الحاجة تقول ليك

- ياولدى ياحليل زمان .. زمان كنت (مبغبغ ) وليك جضيمات

- مالك بقيت كدا

- ودائما زمان اجمل

وزمان الناس هداوة بال وانت زمانك الترحال

ربنا يرد غربة الجميع ..

عبدالرحمن مدثر

28-12-2010, 11:23 PM

ميادة

فى مرة من المرات .. مرت الايام .. كالخيال احلام

قصة غريبة عندما تفارق درب الحلم الجميل

تصدقى طولنا من انو نحلم ذاتو يكون السبب من شنو ياربى

من العيش بتاعنا وبروميد البوتسايوم

ولا من مويتنا البقت فاضحانا مع الاجانب وجالبة لنا كل الامراض

الحبيب نهرو جاب لينا قصة منشور السفارة البريطانية القالت فيه انو مويتنا

دى مابتنفع يتسوكوا بيها سواك .. يبقى لما نشربا معناها ودينا نفسنا للتهلكة

ميادة منورة المنتدى بعد غيبة

خليك حاضرة يافراشة

ودعى الاحلام تنمو من جديد