التيمان
30-11-2010, 03:38 AM
مره في زات المرات ..
قاعد في امانتين الله .. في بحري واخر دلع وبرامج ميه ميه ..
جاني ود خالتي ياعمك الليله البرنامج مختلف اخر حاجه .. يازول اها الموضوع ده كجول ولا العادي يعني قال لي انا عايزك تكون نجم لليله دي بالذاات ..
المهم قبل اليوم ما يروح انا قمت اتوكلت واستحميت 4 مرات واخر حلاقات وما البس الا الجديد .. انا خلاص اعصابي باظت قلت البرنامج يطلع اكبر من طموحي بالميت كده عيد ميلاد طبي ..حفله باحمد الصادق ولا طه ..ولا جكس الخرطووم النضيف داك واقوم افضح ود خالتي ده سااي ..
المهم جونا ليك شباب راكبين كورلا عجيبه ياخ ..انا لمن خفت زاتو .. قالو لي اركب قلت ياخ مافي داعي اسال واكون ضيف ثقيل سااي .. المهم ركبت والتكيف ضربني لمن شعري بقي خفيف ..
المهم .. اتخيلو دخلوني وين استاد الهلال .. انا قلت ياخ الموضوع ده كوره وبعدو البرنامج .. انا معاي زي 30 جنيه كده قلت ادفعها نظام ود مدني وجعلي وكده .. ياعمك التزكره كم ويدي في جيبي قال لي 50 جنيه .. طوالي زي البحك في راسي علمت رايح ود خالتي قال لي ياخ اقعد سااي وحرم ما تدفع معانا الجلابه قطعوا اربعه تزاكر مع العلم اني ما بحضر كوره ولا عندي اي ميول رياضي وكمان قاعد في وسط جمهور ومن الله خلقني ما خشيت استاد ..المهم وانا قاعد جوه والكوره مسخنه اخر سخانه الناس كلها وقفه علي الكراسي الا انا قاعد تحت وبمص لي في عصير وقاعد زعلان علي حلاقتي واخر هندام والواجعني الحمام اربعه مرات ده..
المهم انا قاعد سارح في ملكوت ربنا .. اسمع ليك واحد قال ده صهيوني ولا شنو؟ ود خالتي قال قوم سريع انا قلت بوزعو هدايا ولاشنو؟قال لي الناس ديل بدقوك قوم اقيف المهم حمد الله وقمت فجاه الشكله تدور بين لفريقين ونيران في المنصه والبومبان دور انا طوالي سحبت سفيري ومرقت و ود خالتي شابكني اصبر ياخ ما تمرق نتفرج والبمبان دور التقول البمبان ده دخان سيجاير ياناس امرقو ابو انا طوالي مرقت بره وقعدت بقول ياربي اانا اكيد بحلم كوره شنو ياخ انا اقوم اصحي كده والقي البرنامج عكس لكن للاسف الشديد حقيقه ..
خلونا من الموضوع ده طيب لمن مرقنا زحمه وسيره بتاعت عربات وناس تفلق وناس تكورك فلسطين بس لي ياخ هو في شنو انحن بلعب كورهولا مصارعه لي ياخ اي فريق غالب جهورو مهيج البلد وقافل الشارع والحكومه مشغله اسعافات .. ده كلو علي شنو؟ وعشان شنو .. دي شغله عجيبه والله نخرب البلد عشان كوره ومشاكل طيب انتو غالبين افرحو في بيوتكم يا ما تعزبونا نحن ماعندنا شي ليكم خلونا نشوف دنيتنا ..
كدي اسمعوا الغنيه الفي توقيعي دي كيف بالله..!!
قاعد في امانتين الله .. في بحري واخر دلع وبرامج ميه ميه ..
جاني ود خالتي ياعمك الليله البرنامج مختلف اخر حاجه .. يازول اها الموضوع ده كجول ولا العادي يعني قال لي انا عايزك تكون نجم لليله دي بالذاات ..
المهم قبل اليوم ما يروح انا قمت اتوكلت واستحميت 4 مرات واخر حلاقات وما البس الا الجديد .. انا خلاص اعصابي باظت قلت البرنامج يطلع اكبر من طموحي بالميت كده عيد ميلاد طبي ..حفله باحمد الصادق ولا طه ..ولا جكس الخرطووم النضيف داك واقوم افضح ود خالتي ده سااي ..
المهم جونا ليك شباب راكبين كورلا عجيبه ياخ ..انا لمن خفت زاتو .. قالو لي اركب قلت ياخ مافي داعي اسال واكون ضيف ثقيل سااي .. المهم ركبت والتكيف ضربني لمن شعري بقي خفيف ..
المهم .. اتخيلو دخلوني وين استاد الهلال .. انا قلت ياخ الموضوع ده كوره وبعدو البرنامج .. انا معاي زي 30 جنيه كده قلت ادفعها نظام ود مدني وجعلي وكده .. ياعمك التزكره كم ويدي في جيبي قال لي 50 جنيه .. طوالي زي البحك في راسي علمت رايح ود خالتي قال لي ياخ اقعد سااي وحرم ما تدفع معانا الجلابه قطعوا اربعه تزاكر مع العلم اني ما بحضر كوره ولا عندي اي ميول رياضي وكمان قاعد في وسط جمهور ومن الله خلقني ما خشيت استاد ..المهم وانا قاعد جوه والكوره مسخنه اخر سخانه الناس كلها وقفه علي الكراسي الا انا قاعد تحت وبمص لي في عصير وقاعد زعلان علي حلاقتي واخر هندام والواجعني الحمام اربعه مرات ده..
المهم انا قاعد سارح في ملكوت ربنا .. اسمع ليك واحد قال ده صهيوني ولا شنو؟ ود خالتي قال قوم سريع انا قلت بوزعو هدايا ولاشنو؟قال لي الناس ديل بدقوك قوم اقيف المهم حمد الله وقمت فجاه الشكله تدور بين لفريقين ونيران في المنصه والبومبان دور انا طوالي سحبت سفيري ومرقت و ود خالتي شابكني اصبر ياخ ما تمرق نتفرج والبمبان دور التقول البمبان ده دخان سيجاير ياناس امرقو ابو انا طوالي مرقت بره وقعدت بقول ياربي اانا اكيد بحلم كوره شنو ياخ انا اقوم اصحي كده والقي البرنامج عكس لكن للاسف الشديد حقيقه ..
خلونا من الموضوع ده طيب لمن مرقنا زحمه وسيره بتاعت عربات وناس تفلق وناس تكورك فلسطين بس لي ياخ هو في شنو انحن بلعب كورهولا مصارعه لي ياخ اي فريق غالب جهورو مهيج البلد وقافل الشارع والحكومه مشغله اسعافات .. ده كلو علي شنو؟ وعشان شنو .. دي شغله عجيبه والله نخرب البلد عشان كوره ومشاكل طيب انتو غالبين افرحو في بيوتكم يا ما تعزبونا نحن ماعندنا شي ليكم خلونا نشوف دنيتنا ..
كدي اسمعوا الغنيه الفي توقيعي دي كيف بالله..!!