اتمنى ان اصبح حيواناً

[عشوشه]

لا تستغربوا من العنوان فاذا قراتم ما كتبت لتمنيتم مثلما تمنيت.
اولا قد يتبادر الى زهنكم ان عشوشه قد جنت
او انننى اعانى من بعض المشاكل التى يدعى فيها البعض ان هناك ما يتقمصهم من شخوص او ارواح واحب ان اطمنكم بان لا هذا ولا زاك قد الم بى.
فانا قد كرهت عالم الانسان الم تكرهونهو مثلى؟؟؟؟؟
تعالوا ننظر بحياديه داخل نفسنا اولا نحن جنس انانى لا يحب سوى نفسه ونحن نكره الانانيه ان جاءت من غير زواتنا
صاح
تانيا نحن جنس محتال خبيس
صاااااح
انظروا الى عالم الحيوان الذى اتمنى الانتماء اليه ليس فيه كذب ولارياء ولا غش ولا انانيه فالحيوان مثلا لا يكذب ولا يشهد زوراً ولا يقتلون بعضهم من لا شى فنحن ندعى اننا انسانيون ونقتل بعضنا من دون اسباب
وناكل من اجل المتعه للاكل فقط ونكذب من غبر سبب وناجامل من لا نحب للحفاظ على المظاهر الفارغه
ونمارس كل الجنس من اجل الشهوة ثم ياتى حفظ النوع فى زيل القائمه
فالحيوان لا ياكل الاذا عضه الجوع ومارس الجنس فى اقوات معينه من اجل حفظ النوع فقط
حتى الو حوش والحيوانات المفترسه لا تقتل بعضها البعض الا اذا جاعت وثبت ان قتلها لبعضها يحفظ التوازن البيئ.لا نها لم تتصول الى اختراع اسمه الثلاجه لتحتفظ بما تصطاده لوقت اخر
ولم تتعلم فنون الطهو
ولم تعرف الhome delvry بعد
هل رايتم حيوان يستعبد حيوان اخر ليؤدى له واجباته ؟
هل رايتم حيوان يسجن اخاه الحيوان ويتمتع بتعذيبه؟
وناتى نحن لنشتم بعضنا بيا حيوان
هل ظننتم انها تشتم بعضها بيا انسان
ودمتم اكثر حيونه

[امير عبدالباقي]

عشوشه ام مويد
مشكوره علي الموضوع فعلا فينا عيوب وذا رايناها عند الاخرين نسخر منهم ولانفكر في انو هذه الصفات موجوده فينا ؛ يجب ان نفكر اولا في انفسنا ونصلح مافيها وان يحب الانسان اخوه الانسان وينزع حب الذات من نفسه ويحب للاخرين
ولكن اختلف معاك رغم الصفات التي زكرتيها عن الحيوا ن ؛ الانسان ربنا اكرمه وفضله علي كثير من خلقه ونحمد الله ان جعلنا بني ادم وخلقنا لهدف
مشكوره ويديك العافيه ام مويد

[أبوريلان]

الأخت عشوشه

ماسوقتيه كلام برتكان ولحم ضان ، فعلا الحيوان يعيش حياة بدون أنانية وبدون حسد ولا يستعبد الحيوان حيوان آخر ولا غيره ولا ولا ، ولكن ربنا كرم بنى الإنسان بالعقل ، أديك العافية يا أخت عشوشه ولا عدمناك .

[aborawan]

كاتب الرسالة الأصلية امير عبدالباقي
عشوشه ام مويد
مشكوره علي الموضوع فعلا فينا عيوب وذا رايناها عند الاخرين نسخر منهم ولانفكر في انو هذه الصفات موجوده فينا ؛ يجب ان نفكر اولا في انفسنا ونصلح مافيها وان يحب الانسان اخوه الانسان وينزع حب الذات من نفسه ويحب للاخرين
ولكن اختلف معاك رغم الصفات التي زكرتيها عن الحيوا ن ؛ الانسان ربنا اكرمه وفضله علي كثير من خلقه ونحمد الله ان جعلنا بني ادم وخلقنا لهدف
مشكوره ويديك العافيه ام مويد

[حسن محمد]

اكيد الحيوانات فى البلد دا بتستمتع بحقوق طيبة وما بتعانى من العطالة او زحمة السير او عدم الاحسلس بالامان وحاجااااااااااااااااااااااات كتيرة بنعانى منها كلنا .
فمرحب االحيوانية لو فيها الخلاص وشكرا شكرا شكرا عشوشة:)

[ruby]

والله لو عاوزه تتحيوني اتحيوني لوحدك
الانسان غير العقل الله كرمو بحاجات كتيره
وانا بحمد الله انو خلقني انسان

[ابراهيم]

الاخت العزيزة ... عشوشة .... تحياتي
اشكرك لهذا الموضوع الجميل
إن الأنانية تتواجد بكثرة في دواخلنا نعترف وكثير من الصفات السلبية ودا طبيعي جداً والكمال لله
لكن ما للدرجة دي يا عشوشة يمكن الانسان يتمنى انو يكون طير لشيء في نفس يعقوب والمنية دي بنلقاها عند المغتربين بصفة خاصة... لكن حيوان دي كتيرة والله انا غايتو لو في واحد شتمني بي حيوان الا يعمل ليهو جنحين ويطير ... عشان كفاية ربنا ميزنا بالعقل على الخلق اجمعين ودي نعمة نحمد عليها ربنا ونشكرو، يمكن في ناس سلبيين غاية السلبية وفي لحظة بنشوفهم اقل من الحيوان لكن المنطق والدين بقول غير كدا،
حسي يا عشوشة بيني وبينك كان لاقاك اسد ولا نمر في الشارع بخليك؟ والغش موجود في الحيوانات والثعلب اقرب مثال للمكر .. انا احياناً بتمني اكون حيوان او مجنون لكن دي لحظات ما طبيعية يعني يمكن اكون ماري بحالة اكتئاب ويأس لكن سرعان ما الواحد برجع لصوابه عموما معليش على البرية الكتيرة

وليك خالص التقدير

[خطاب العبيد]

عشوشة :

اولا الاسم غريب شويه بس دى ماالمهم

اولا اتمنى تغير العالم لو كان ذلك بيدى وإذا تكلمنا اونظرنا بحيادية
فالانسان خلق وكرم وفضل على الحيوان ولله الشأن فىذلك .

أما التمنى بان نكون حيوانات فهذا أعتبره إعتراض على خلق الله وقال تعالى (( لايبدل الله مابقوم حتىيبدلو مابأنفسهم ))

صدق الله العظيم فالنحاول التغير بأنفسنا ثم نرى النتيجة

ولكى التحية ارجو المعزره فهذا مجرد رأى

الزول الششين

[سنين]

عشوشة

تمنيتي ان تكوني حيوانا ,,, ووصفتيها بانها لاتسعبد الناس ولا تخدع وا وا وا..الخ
واتهمتي الانسان ..بكل الصفات الرزيلة ,,,,

وتطالبي الناس الا تتهمك بالجنون ,,
قطعا :
ولكنه صراع حول المعرفة .. لو عرفتي الله بقدر معرفة الحيوان ,, لارتقيتي الي درجات اعلي .. وحمدتي الله بانسانيتك
تسبح له مافي السماوات والارض .. من جمادات وحيوانات ونباتات
ماذا لو كان الجماد والحيوان والنبات يملك عقلا ؟
لكن اكثر من عبداته وشكره اضعاف المرات

وانتي يا من تميزتي بهذه الصفة تريدي ان تكوني بلا عقل


ختاما :

اتركي هذا الجدال الافلاطوني جانبا ,, وتفكري في خلق الله ,, وسوف تكتشفين الحقيقة ..فالحقيقة موجودة بداخلك

[خالد حمد موسى]

كاتب الرسالة الأصلية امير عبدالباقي
عشوشه ام مويد
مشكوره علي الموضوع فعلا فينا عيوب وذا رايناها عند الاخرين نسخر منهم ولانفكر في انو هذه الصفات موجوده فينا ؛ يجب ان نفكر اولا في انفسنا ونصلح مافيها وان يحب الانسان اخوه الانسان وينزع حب الذات من نفسه ويحب للاخرين
ولكن اختلف معاك رغم الصفات التي زكرتيها عن الحيوا ن ؛ الانسان ربنا اكرمه وفضله علي كثير من خلقه ونحمد الله ان جعلنا بني ادم وخلقنا لهدف
مشكوره ويديك العافيه ام مويد

[عماد الصادق]

عشوشه .. عشوشه بُعد الشر عليك ..
ما بالغتي عديل كده ....
قولي إن شاء أجن .. وأزيد في الجن ..
إن شاء الله أعمى ..
إن شاء الله أطرش عديل كده ..

وبعد ده إن شاء الله أصبر

وبإذن الله بعدين ترتاحي بعدين ترتاحي ..(مرتين)

بعض المرات فعلاً الواحد بتنتابو أفكار عجيبة
في هذه الحالة .. أحسن تكون سراً ..

ده البني آدم جواهو جنس بلاوي ..

وكفى ..

ولكم التحية

[عماد الصادق]

معليش .. ملحق ..

لقيت في كلامي صبر بعد بلاء ..

لكن كيف المجنون يصبر ..؟؟؟

بعدين
هسه الواحد يعني لو قال ليك
يا حيوانه .. ما بتزعلي ......

غايتو ابراهيم بشاكل عديل كده ...

خلينا نراجع نفسنا كلنا ..

ومع التحيات الزاكيات

[أبوبكرحامد]

الغالية عشوشة ..................... سلامات

شكراً للموضوع المرفق والذى يمكن النظر إليه من عدة زوايا تختلف تبعاً لها

المواقف وتتراوح بين المع والضد .

مامن شكٍ أن الأخت عشوشة قد جنحت للرمزية فى طرحها لأنه ليس بيدها

الصيرورة لمخلوق آخر ، ولكنها زفرة صادقة لضيقها ببنى الإنسان ورداءة

سلوكياتهم تجاه بعضهم البعض ، وهى انفعال صادق وحريص على أن يحيا

البشر حياةً كريمة تسمو بهم عن الدناءات، ودوننا الشاعر عمر أبو ريشة :

سأعيش رغم الداء والأعداء ****** كالنسر فوق القمة الشماء

ثم لننظر لموروثنا الغنائى :

- بالله يالطير المهاجر

- ياطير ياماشى لى أهلنا

- أنا ياطير بشوفك

- الأسد الفى القيد يناتل

- تمساح أب كبلو الطابق الموجات

- غزال البرِ ياراحل

وغيرها كثير مما يؤكد تغنينا بالحيوان واتخاذه رمزاً لبث لواعج الشوق .

خلاصة الأمر أن الأخت عشوشة عشقت فى عالم الحيوان عفويته وسلوكه

الفطرى ورأت أن بنى البشر هم الأولى بهذه الفطرة السليمة .

ونمشى لى توتيل نزورا *** والجبل نعسان خدارو

بالله ياأخوتى دلونى على جبل نعسان غير جبل توتيل ، بل ودلونى على شعب

بمثل رقة مشاعر شعبنا السودانى .

لكم مودتى وكلو سنة وانتوا تامين ولامين .

ود الماذون

[حلوه واموره]

الانسان غير العقل الله كرمو بحاجات كتيره ...........
وانا بحمد الله انو خلقني انسان

[madaniboy]

كاتب الرسالة الأصلية حلوه واموره
الانسان غير العقل الله كرمو بحاجات كتيره ...........
وانا بحمد الله انو خلقني انسان

[عشوشه]

الحمدلله الذى كرمنا بالعقل عن جميع المخلوقات
انا لا اقصد فى الموضوع سوى الرمزيه لا غير
جزاكم الله خيرا لتفاعلكم
والحمدلله ان فهمنى البعض كما يجب

[أبوريلان]

الأخت عشوشه

الحمدلله الذى كرم بنى الإنسان بهذا العقل ، ونشكرك كتير على موضوعك الجميل ولا تبخلى علينا بما تختذنيه .