كلامي ما ح يعجبكم ولكنه من القلب والى القلب

[zahid]

أولاًً : أنا لست أعلمكم ولا أفقهكم ولا أكثر غيرة منكم بالبلدي كدة "قلبي ما أحر منكم" .

ثانياً: هناك بعض الكتابات في المنتدى وانا والله أعرف أنها من باب المزاح والضحك ولكنها كلمات صادمة وتجعلنا نشعر بالالم لمثل هذه الطريقة .

بعد الاحتفال الاخير تم الحديث كثيراً عن الفتاة التي ترتدي اللون البنفسجي والتي صارت معروفة للكثيرين بسبب تكرار الحديث عنها . أريد منكم أن تتخيلوا معي هنا أن أحد المشاركين في هذا المنتدى والمداومين على الكتابة فيه هو أخ لهذه البنت...!!! تخيلتم معي ؟؟ ماهي ردة فعلكم الآن ؟؟
هذا الاخ لهذه البنت معروف لنا جميعاً!! أتدرون منه هو ؟؟
أنا وأنت والمشرف العام ونائب المشرف العام والادمن وكل من في هذا المنتدى.

كلامي هذا مجرد ذكرى وتنبيه من الغفلة التي يمكن ان تصيبناوتأخذنا بعيدا.

عهدي بكم أكرم الناس وأكثر الناس خلقاً ومنتدانا هذا مبارك باعضاءه جميعاً ولهذا فاننا نرى ونقرأ هذه العفة والشهامة التي تبدو بين السطور.
مادفعني لهذه الكتابة هو سعة صدركم وتحملكم لمثل كتاباتي هذه على الدوام.

[التيمان]

ههههههههههههه
والله يا جماعه الزول متابكنا تب
اي بوست نزلناهو بعد الاحتفالات لازم يهبشنا فيهو
ياعمنا انت خلاص خليت مشكله الانفصال في البلد
وخليت مشكله قفل الفيس عن السودان
جاي علي البنفسجي ونفسو يجي ده
انت كل سنه بتعيدوا لينا كلامك ده
ما قلتو وما اختنعنا اها رايكم شنو يا شيخنا

[اسامة الامين]

الحمد لله رب العالمين والصلاة والسلام على خاتم المرسلين . نلاحظ بأمل وحزن كبيرين هذه الحاله التي وصلت اليها منتدياتنا عامة وهذا المنبر الذي هو بمثابة الكيان الرائع مدني .. فنحن من أسس لمؤتمر الخريجين ومنبع الصالحين وأهل ريادة وقيادة في شتى ضروب الآداب والفنون ، وعلامات مميزة في خارطة الابداع الانساني على المستويين المحلي والاقليمي ، ومدني واهلها ماركة مسجلة للابداع والثقافة فلنستمد من هذا التاريخ النبيل ومن صنعوه من اجيال عشقت هذه البقعة المدهشة والمحبوبة في قلب كل محب للجمال والابداع نستمد قوة الحجة وروعة الكلمة وعلو الكعب الثقافي .. اخوكم الاستاذ أسامة الامين محمد علي

[انور النور محمد]

بالعكس تماما اخي زاهد
قلبك احر من النار
وجزاك ربي ورب الناس اجمعين خيرا فما تريد لنا الا الفلاح
ففي ذكراك للاخوان فلاح وصلاح احوال واستقامة طريق

[zahid]

الحمد لله رب العالمين والصلاة والسلام على خاتم المرسلين . نلاحظ بأمل وحزن كبيرين هذه الحاله التي وصلت اليها منتدياتنا عامة وهذا المنبر الذي هو بمثابة الكيان الرائع مدني .. فنحن من أسس لمؤتمر الخريجين ومنبع الصالحين وأهل ريادة وقيادة في شتى ضروب الآداب والفنون ، وعلامات مميزة في خارطة الابداع الانساني على المستويين المحلي والاقليمي ، ومدني واهلها ماركة مسجلة للابداع والثقافة فلنستمد من هذا التاريخ النبيل ومن صنعوه من اجيال عشقت هذه البقعة المدهشة والمحبوبة في قلب كل محب للجمال والابداع نستمد قوة الحجة وروعة الكلمة وعلو الكعب الثقافي .. اخوكم الاستاذ أسامة الامين محمد علي

تشكر أخي الكريم اسامة على هذا الكلام الرائع والذي يدل على فهم رائع ومستنير ويدل على اعتزاز وفخر بمدينة ودمدني .

[zahid]

بالعكس تماما اخي زاهد
قلبك احر من النار
وجزاك ربي ورب الناس اجمعين خيرا فما تريد لنا الا الفلاح
ففي ذكراك للاخوان فلاح وصلاح احوال واستقامة طريق

أبوالنور أنت مثل الارض الطيبة ينزل عليها الماء فلا تخرج الا ثمراً طيباً يأكل منه الناس ...لك مني خالص الود والتقدير.

[تغريدا]

أخى زاهد جزاك الله خير وحقيقة الموضوع دا مألمنى أشد الألم وماكنت قادرة أفصح

[عبدالله محمد العقاد]

أولاًً : أنا لست أعلمكم ولا أفقهكم ولا أكثر غيرة منكم بالبلدي كدة "قلبي ما أحر منكم" .

ثانياً: هناك بعض الكتابات في المنتدى وانا والله أعرف أنها من باب المزاح والضحك ولكنها كلمات صادمة وتجعلنا نشعر بالالم لمثل هذه الطريقة .

بعد الاحتفال الاخير تم الحديث كثيراً عن الفتاة التي ترتدي اللون البنفسجي والتي صارت معروفة للكثيرين بسبب تكرار الحديث عنها . أريد منكم أن تتخيلوا معي هنا أن أحد المشاركين في هذا المنتدى والمداومين على الكتابة فيه هو أخ لهذه البنت...!!! تخيلتم معي ؟؟ ماهي ردة فعلكم الآن ؟؟
هذا الاخ لهذه البنت معروف لنا جميعاً!! أتدرون منه هو ؟؟
أنا وأنت والمشرف العام ونائب المشرف العام والادمن وكل من في هذا المنتدى.

كلامي هذا مجرد ذكرى وتنبيه من الغفلة التي يمكن ان تصيبناوتأخذنا بعيدا.

عهدي بكم أكرم الناس وأكثر الناس خلقاً ومنتدانا هذا مبارك باعضاءه جميعاً ولهذا فاننا نرى ونقرأ هذه العفة والشهامة التي تبدو بين السطور.
مادفعني لهذه الكتابة هو سعة صدركم وتحملكم لمثل كتاباتي هذه على الدوام.




الحبيب زاهد

اولا فعلا كلامك انا شخصيا ما عجبني و اتفق معك في اسم البوست موفق
و اختلف معك اخي زاهد في ان الدنيا كلها ما ممكن تكون زهاد اي جمع زاهد
فالمنتديات عبارة عن تكوين اجتماعي فيه كل الاطياف فيه الصوفية و فيه انصار السنة و فيه المتشددين و فيه الظريفين امثال التيمان

فلنفرض ان صاحبة البنفسجي دي اختي انا اها المشكلة وين و جاني واحد من التيمان ديل قال لي اختك ظريفة و انا معجب بيها
اقول ليه شنو اقول ليه خسئت لعنك الله يا كافر و الا اقول ليه شنو
طيب فيها شنو لو الناس كلها عرفتها طيب ما تعرفها
يبدو لي نحن في عهد مهند و نور و القرن العشرين فيجب ان تاخذ كل الامور ببعض الحكمة و محاولة التوجيه بالتي هي الطف إلى ما فيه مصلحة كل الاطراف

و في راي المتواضع الناس ذات لو ما عرفتها انها اختي ما تلقى نصيبها من الزواج والسعادة
قصة ظريفة حدثت اثناء الجامعة مع اثنين اهلنا
واحد بيدرس مع اخت التاني في الجامعة
في الداخلية كلنا قاعدين قام الظريف زي التيمان ديل قال للتاني انا عايز اعرس اختك اللي بتدرس معاي
التاني قال ليه ما عندي مانع كلمتها و لا لسة
قال ليه لسة ما كلمتها
اخو البت قال ليه كلمها و لكن والله العظيم من هسع اللي نكلمك لو لقيتكم ماشين مع بعض سكيني دي الا تابك
و فعلا بعد الجامعة عرسها والان ام عياله
انا قصدي لا بد من بعض المساحة ان كان النوايا خير و طيبة
زاهد اخوي انت عايشين وين في السودان و لا بر السودان
نحن هنا في المهجر بنتمنى ان الشباب بنات واولاد ان يتعارفوا من اجل ان يتزاوجوا و ان يساعدوا في حل مشاكل اخواتنا المغتربات المتمثلة في الانغلاق في مجتمع ترفض شكلا و موضوعا كل الاجانب
فالتعارف مطلوب و مذكور ايضا في القران
و يبدو لي دي ثقافتنا نحن كسودانين و شوف اغانينا يا اللابس البمبي و البمبي جميل
و ايضا شفت التوب و اللابسة التوب
و ايضا الكنينة بت بلة و تعرف الكنينة خالة اولاد عمي و للان موجودة
طيب الشباب ديل ما جابو حاجة جديدة و لا خدشوا الذوق العام و انما انا شخصيا عارف انو دا اسلوبهم و دا انعكاس لدواخلهم الصافية و النقية
و زي ما شفت شعارهم انهم شلة حبيبة و في اليوم مية حبيبة
اذا انت ما راضي عن حالهم حاول توجههم بالتي هي ارق و الطف من خلال بوستيهم او بالدعاء لهم بظهر الغيب
و يبدو يا زاهد الانسان حياته مراحل هم لسة شباب يمكن تكون انت شيخت عمريا او نفسيا و لكن هم لسة في عز الشباب و خليهم يعيشوا شبابهم دون ضرر او ضرار و ينتقلوا بعدها لمرحلتك دي
اخي زاهد مع تقديري معركة غير موفقة و اذا انت ايضا من الاصلاحيين الاجتماعيين يبدو لي في قضايا اجتماعية اصبحت زي ما قال احد الشباب عندنا و لما ياتي ذكر السودانين نتقاذم
فكون جميعات اصلاحية همها تنقية المجتمع من الظواهر الاجتماعية السالية او انضم لها ان كانت بعضها قائمة و يبدو هذه هي المعركة الحقيقية

[ياسر123]

الحبيب زاهد

اولا فعلا كلامك انا شخصيا ما عجبني و اتفق معك في اسم البوست موفق
و اختلف معك اخي زاهد في ان الدنيا كلها ما ممكن تكون زهاد اي جمع زاهد
فالمنتديات عبارة عن تكوين اجتماعي فيه كل الاطياف فيه الصوفية و فيه انصار السنة و فيه المتشددين و فيه الظريفين امثال التيمان

فنلفرض ان صاحبة البنفسجي دي اختي انا اها المشكلة وين و جاني واحد من التيمان ديل قال لي اختك ظريفة و انا معجب بيها
اقول ليه شنو اقول ليه خسئت لعنك الله يا كافر و الا اقول ليه شنو
طيب فيها شنو لو الناس كلها عرفتها طيب ما تعرفها
يبدو لي نحن في عهد مهند و نور و القرن العشرين فيجب ان تاخذ كل الامور ببعض الحكمة و محاولة التوجيه بالتي هي الطف إلى ما فيه مصلحة كل الاطراف

و في راي المتواضع الناس ذات لو ما عرفتها انها اختي ما تلقى نصيبها من الزواج والسعادة
زاهد اخوي انت عايشين وين في السودان و لا بر السودان
نحن هنا في المهجر بنتمنى ان الشباب بنات واولاد ان يتعارفوا من اجل ان يتزاوجوا و ان يساعدوا في حل مشاكل اخواتنا المغتربات المتمثلة في الانغلاق في مجتمع ترفض شكلا و موضوعا كل الاجانب
فالتعارف مطلوب و مذكور ايضا في القران
و يبدو لي دي ثقافتنا نحن كسودانين و شوف اغانينا يا اللابس البمبي و البمبي جميل
و ايضا شفت التوب و اللابسة التوب
و ايضا الكنينة بت بلة و تعرف الكنينة خالة اولاد عمي و للان موجودة
طيب الشباب ديل ما جابو حاجة جديدة و لا خدشوا الذوق العام و انما انا شخصيا عارف انو دا اسلوبهم و دا انعكاس لدواخلهم الصافية و النقية
و زي ما شفت شعارهم انهم شلة حبيبة و في اليوم مية حبيبة
اذا انت ما راضي عن حالهم حاول توجههم بالتي هي ارق و الطف من خلال بوستيهم او بالدعاء لهم بظهر الغيب
و يبدو يا زاهد الانسان حياته مراحل هم لسة شباب يمكن تكون انت شيخت عمريا او نفسيا و لكن هم لسة في عز الشباب و خليهم يعيشوا شبابهم دون ضرر او ضرار و ينتقلوا بعدها لمرحلتك دي
اخي زاهد مع تقديري معركة غير موفقة و اذا انت ايضا من الاصلاحيين الاجتماعيين يبدو لي في قضايا اجتماعية اصبحت زي ما قال احد الشباب عندنا و لما ياتي ذكر السودانين نتقاذم
فكون جميعات اصلاحية همها تنقية المجتمع من الظواهر الاجتماعية السالية او انضم لها ان كانت بعضها قائمة و يبدو هذه هي المعركة الحقيقية



لك التحية و التقدير
كلامك عين العقل
الأمور تؤخذ بساطة
و انا بفتكر المنتدى نسيج اجتماعي للتلاقي و التعبير

[صابرحسين]

تشكر أخي الحبيب هيثم على هذه الغيرة التي تعكس طيب معدنك وأصالة نواياك ، أتفق معك تماماً في ما سطرت ، وهذا العمل يمثل دعوة بالمقاطعة لجميع العوائل لمثل هذه الإحتفالات .....

[zahid]

الحبيب زاهد

اولا فعلا كلامك انا شخصيا ما عجبني و اتفق معك في اسم البوست موفق
و اختلف معك اخي زاهد في ان الدنيا كلها ما ممكن تكون زهاد اي جمع زاهد
فالمنتديات عبارة عن تكوين اجتماعي فيه كل الاطياف فيه الصوفية و فيه انصار السنة و فيه المتشددين و فيه الظريفين امثال التيمان

فلنفرض ان صاحبة البنفسجي دي اختي انا اها المشكلة وين و جاني واحد من التيمان ديل قال لي اختك ظريفة و انا معجب بيها
اقول ليه شنو اقول ليه خسئت لعنك الله يا كافر و الا اقول ليه شنو
طيب فيها شنو لو الناس كلها عرفتها طيب ما تعرفها
يبدو لي نحن في عهد مهند و نور و القرن العشرين فيجب ان تاخذ كل الامور ببعض الحكمة و محاولة التوجيه بالتي هي الطف إلى ما فيه مصلحة كل الاطراف

و في راي المتواضع الناس ذات لو ما عرفتها انها اختي ما تلقى نصيبها من الزواج والسعادة
قصة ظريفة حدثت اثناء الجامعة مع اثنين اهلنا
واحد بيدرس مع اخت التاني في الجامعة
في الداخلية كلنا قاعدين قام الظريف زي التيمان ديل قال للتاني انا عايز اعرس اختك اللي بتدرس معاي
التاني قال ليه ما عندي مانع كلمتها و لا لسة
قال ليه لسة ما كلمتها
اخو البت قال ليه كلمها و لكن والله العظيم من هسع اللي نكلمك لو لقيتكم ماشين مع بعض سكيني دي الا تابك
و فعلا بعد الجامعة عرسها والان ام عياله
انا قصدي لا بد من بعض المساحة ان كان النوايا خير و طيبة
زاهد اخوي انت عايشين وين في السودان و لا بر السودان
نحن هنا في المهجر بنتمنى ان الشباب بنات واولاد ان يتعارفوا من اجل ان يتزاوجوا و ان يساعدوا في حل مشاكل اخواتنا المغتربات المتمثلة في الانغلاق في مجتمع ترفض شكلا و موضوعا كل الاجانب
فالتعارف مطلوب و مذكور ايضا في القران
و يبدو لي دي ثقافتنا نحن كسودانين و شوف اغانينا يا اللابس البمبي و البمبي جميل
و ايضا شفت التوب و اللابسة التوب
و ايضا الكنينة بت بلة و تعرف الكنينة خالة اولاد عمي و للان موجودة
طيب الشباب ديل ما جابو حاجة جديدة و لا خدشوا الذوق العام و انما انا شخصيا عارف انو دا اسلوبهم و دا انعكاس لدواخلهم الصافية و النقية
و زي ما شفت شعارهم انهم شلة حبيبة و في اليوم مية حبيبة
اذا انت ما راضي عن حالهم حاول توجههم بالتي هي ارق و الطف من خلال بوستيهم او بالدعاء لهم بظهر الغيب
و يبدو يا زاهد الانسان حياته مراحل هم لسة شباب يمكن تكون انت شيخت عمريا او نفسيا و لكن هم لسة في عز الشباب و خليهم يعيشوا شبابهم دون ضرر او ضرار و ينتقلوا بعدها لمرحلتك دي
اخي زاهد مع تقديري معركة غير موفقة و اذا انت ايضا من الاصلاحيين الاجتماعيين يبدو لي في قضايا اجتماعية اصبحت زي ما قال احد الشباب عندنا و لما ياتي ذكر السودانين نتقاذم
فكون جميعات اصلاحية همها تنقية المجتمع من الظواهر الاجتماعية السالية او انضم لها ان كانت بعضها قائمة و يبدو هذه هي المعركة الحقيقية



الاخ العزيز العقاد...تشكر على وجهة النظر هذه ولكن صدقني هي وجهة نظر خاطئة وهذا الكلام أقوله لك ليس لأني انصار سنة أو لأني انسان متعصب ولكن اقول لك : فتش في قلوب السودانيين كويس وحاول تعرفهم اكتر ...السودانيين ليسوا بهذه السطحية التي صورتها بهم والنسوان عندنا حارات واخوات البنات عندنا بضربوا بيهم المثل وخليني أنا انصار سنة المتعصب ده ولكن أسأل أبوك في البيت وح يقول ليك نفس كلامي ده.

[zahid]

أخى زاهد جزاك الله خير وحقيقة الموضوع دا مألمنى أشد الألم وماكنت قادرة أفصح

مشكورة يا تغريد والله يكتر من امثالك ويحفظك.

[zahid]

المشاركة الاصلية بواسطة صابر حسين:
تشكر أخي الحبيب هيثم على هذه الغيرة التي تعكس طيب معدنك وأصالة نواياك ، أتفق معك تماماً في ما سطرت ، وهذا العمل يمثل دعوة بالمقاطعة لجميع العوائل لمثل هذه الإحتفالات .....

الغالي صابر...لك الشكر من سويداء القلب..أمثالك يزيدوننا تعلقاً بهذا المنتدى

[zahid]

لك التحية و التقدير
كلامك عين العقل
الأمور تؤخذ بساطة
و انا بفتكر المنتدى نسيج اجتماعي للتلاقي و التعبير

لك مني خالص التقدير أخي ياسر على هذا الرد المهذب.

[zahid]

المشاركة الاصلية بواسطة عبدالله محمد العقاد :

و يبدو لي دي ثقافتنا نحن كسودانين و شوف اغانينا يا اللابس البمبي و البمبي جميل و ايضا شفت التوب و اللابسة التوب

----------------------------------

أنت مخطي ياعقاد هذه ليست ثقافتنا.

[ياسر123]

لك مني خالص التقدير أخي ياسر على هذا الرد المهذب.

أشكرك على هذا الإطراء الجميل
لك و لكل افراد المنتدى التحية

[zahid]

فلنفرض ان صاحبة البنفسجي دي اختي انا اها المشكلة وين و جاني واحد من التيمان ديل قال لي اختك ظريفة و انا معجب بيها
اقول ليه شنو اقول ليه خسئت لعنك الله يا كافر و الا اقول ليه شنو
طيب فيها شنو لو الناس كلها عرفتها طيب ما تعرفها
يبدو لي نحن في عهد مهند و نور و القرن العشرين فيجب ان تاخذ كل الامور ببعض الحكمة و محاولة التوجيه بالتي هي الطف إلى ما فيه مصلحة كل الاطراف
و في راي المتواضع الناس ذات لو ما عرفتها انها اختي ما تلقى نصيبها من الزواج والسعادة


سوف اعتبر نفسي كان لم أقرأ هذه الجزئية !

[التيمان]

ياعم زاهد يا حبيبنا ..
يا زول علي الطلاق انا بحترمك وبشيلك في راسي من فوق
لكن ياعم والله بتزكرني ايام شبابي في المنتدي
زيك كده اي بوست ماكان عاجبني في النهايه لقيت نفسي بنفخ في قربه مقدوده
طيب اديك مثال :
في ناس زيك بتزعل في البوست لو قريت البوست من الاول في ناس زعلو قمنا حزفناهم وعدلناهو لو انت اصلا متابع كويس
وفي ناس موافقين ومنهم البت صاحبه البنفسجي هي شخصيا ردت وموافقه علي الموضوع ده وهي اصلا بتكتب بالبنفسجي وعارفه انها هي المقصوده
وما مانعت ومافي اي داعي للزعل واي زول مضايق من البوست ده ياتغريد الموجوعه انت الوحيده الكان ترسلي لانو مافي بيني وبينك اي حواجز
ماعنو ما جيتي ولا جبت اسمك ما عارف الواجعك شنو بالظبط كده .. لكن من الليل ختي حواجزك .. ياعم زاهد يا عزيزي
افتكر انت لمن جيت احتكيت بينا كتير وحصل كم موضوع زي ده وافتكر انك عرفتنا كويس يبقي مافي داعي اي شي اكتبو تعمل لي منو شكله لو انت فاكر
انت كده ماشي في درب الاشراف ده ما وصلك وانا بوريك طريقه الاشراف اكتبها .. شوف ليك بدله ظريفه .. وواصل ناس المنتدي في بيوتهم ولازم تكون زول كفيل في البلد لانو في 100 جنيه شهريه بتندفع .. وحاول اي بوست ترد علي ردود اجمل من الموضوع اعمل ديل وحاول اي اجتماع اي احتفال تكون من الحاضرين لو ما بقيت مشرف تعال لي بعمل ليك منتدي برااك والله علي ما اقول شهيد..
في ياخ لو سحمت انا جاي المنتدي بعد طوووووول غياب مافي داعي تقفل نفسي من البدايه لو مضايق من المنتدي اتخارج يابا حا توحشنا والله وبنتزكرك والله مافي زول غاصبك تخش ..
وشكرا جزيلا ياخ

[zahid]

ياعم زاهد يا حبيبنا ..
يا زول علي الطلاق انا بحترمك وبشيلك في راسي من فوق
لكن ياعم والله بتزكرني ايام شبابي في المنتدي
زيك كده اي بوست ماكان عاجبني في النهايه لقيت نفسي بنفخ في قربه مقدوده
طيب اديك مثال :
في ناس زيك بتزعل في البوست لو قريت البوست من الاول في ناس زعلو قمنا حزفناهم وعدلناهو لو انت اصلا متابع كويس
وفي ناس موافقين ومنهم البت صاحبه البنفسجي هي شخصيا ردت وموافقه علي الموضوع ده وهي اصلا بتكتب بالبنفسجي وعارفه انها هي المقصوده
وما مانعت ومافي اي داعي للزعل واي زول مضايق من البوست ده ياتغريد الموجوعه انت الوحيده الكان ترسلي لانو مافي بيني وبينك اي حواجز
ماعنو ما جيتي ولا جبت اسمك ما عارف الواجعك شنو بالظبط كده .. لكن من الليل ختي حواجزك .. ياعم زاهد يا عزيزي
افتكر انت لمن جيت احتكيت بينا كتير وحصل كم موضوع زي ده وافتكر انك عرفتنا كويس يبقي مافي داعي اي شي اكتبو تعمل لي منو شكله لو انت فاكر
انت كده ماشي في درب الاشراف ده ما وصلك وانا بوريك طريقه الاشراف اكتبها .. شوف ليك بدله ظريفه .. وواصل ناس المنتدي في بيوتهم ولازم تكون زول كفيل في البلد لانو في 100 جنيه شهريه بتندفع .. وحاول اي بوست ترد علي ردود اجمل من الموضوع اعمل ديل وحاول اي اجتماع اي احتفال تكون من الحاضرين لو ما بقيت مشرف تعال لي بعمل ليك منتدي برااك والله علي ما اقول شهيد..
في ياخ لو سحمت انا جاي المنتدي بعد طوووووول غياب مافي داعي تقفل نفسي من البدايه لو مضايق من المنتدي اتخارج يابا حا توحشنا والله وبنتزكرك والله مافي زول غاصبك تخش ..
وشكرا جزيلا ياخ

الله يصلح حالك.

[التيمان]

ياعم زاهد ياحبيبنا انت ليه مش طايق لينا كلمه


ياخ الموضوع كلو هظار فى هظار

انت زول غريب والله


اخلى ليك المنتدى ده تانى

[zahid]

ياعم زاهد ياحبيبنا انت ليه مش طايق لينا كلمه


ياخ الموضوع كلو هظار فى هظار

انت زول غريب والله


اخلى ليك المنتدى ده تانى

----------------------------------------------

لا طبعاً....لأن المنتدى محتاج لوجودكم فيه أكتر مننا..وانتو ان شاء الله فيكم الخير والبركة...ولكن لازم تتعلموا تسمعوا النصيحةونحن والله بنحب مصلحتكم امكن أكتر منكم والمرحلة اللي بتمروا بيها دي نحنا كمان مرينا بيها وعرفنا من زمان انو الكلام ده مافيهو فايدة وبغضب ربنا سبحانه وتعالى عشان كدة ماتتضيعوا زمنكم ساي واسمعوا الكلام الببكيكم وماتسمعوا الكلام البضحكم.

[نزار حسن محمد]

اخى زاهد لك تحياتى اتمنى ان تكون عرفت التيمان فهم من اصحاب القلوب البيضاء النقيه والعلى قلوبم فى لسانم
نعم يخطؤن احياناولكن من دون قصد فهم ابنائى وابناء هذا الموقع منذا زمن بعيد ونحن نعرفهم
يازاهد لو تعرفت عليهم عن قرب ستجد كل حرف كتبته لك هنا صحيح ...اتمنى وانا كلى ثقه فيك بانك تستطيع
ان تصنع من هؤلاء التيمان ماتتمنى من تقويم كما ماتنسى انهم فاكهة هذا البيت
الى التيمان من عمكم العميد معاش ابوسفرووق
احترام الكبير واجب يالله ارفعه راس عمكم
ودايركم تكونوا كما اعرفكم

[التيمان]

لا طبعاً....لأن المنتدى محتاج لوجودكم فيه أكتر مننا..وانتو ان شاء الله فيكم الخير والبركة...ولكن لازم تتعلموا تسمعوا النصيحةونحن والله بنحب مصلحتكم امكن أكتر منكم والمرحلة اللي بتمروا بيها دي نحنا كمان مرينا بيها وعرفنا من زمان انو الكلام ده مافيهو فايدة وبغضب ربنا سبحانه وتعالى عشان كدة ماتتضيعوا زمنكم ساي واسمعوا الكلام الببكيكم وماتسمعوا الكلام البضحكم.

ياعم طيب انت مش ممكن كان ترسل لي في رساله خاصه وتوعيني
طيب انا بوريك تاني انا الناس النزلتهم ديل عارفهم ما بزعلو وعارفني كويس ما بقصد شي غير الونسه
طيب في ناس زعلو ورسلو لي فورا وحزفتهم طوالي واعتزرته ليهم وشلتهم فوق راسي
بس ده كل الموضوع


الى التيمان من عمكم العميد معاش ابوسفرووق
احترام الكبير واجب يالله ارفعه راس عمكم
ودايركم تكونوا كما اعرفكم

عمنا ابوسفروق
لكن شوق واحترام من هنا حتي السماء
اكيد طول ما انت عمنا ماتقدر توطي راسك ولا رايتك ولا سيفك
وياعمنا زاهد اهو الموضوع اتنقل قسم المناسبات
بهناك نتونس فيهونحن والشباب ناس الضحك
بس ياعم زاهد اديك معلومه بسيطه : طيب نجن بنخش المنتدي لي ..
لانو كل الدنيا ضايقه بينا وزهجانين بنخش نتونس ونضحك ونسي الدنيا
لكن مابننسي صلاتنا ولا واجبنا ولا شغلنا
يبقي موازنين صح

وشكرا ليكم مره تانيه ع نصيحتك

[zahid]

ابوسفروق : كلامك على عينا وعلى راسنا وما يكون الا الكلام البعجبك ان شاء الله .

التيمان : أنتم أبنائي وكفى .

[نزار حسن محمد]

ابناء البيت الكبير
زاهد ، والتيمان..وكل الاحباب
لكم الود والاحترام ..ويها المحريه فيكم ..
ويالله نرمى لاقدام

[ود المطامير]

لو ما كنت من ناس ديل وآاااا أسفاااى

الحبيب زاهد .. لك التحيه والإحترام

حبيب قلبى التيمان .. ريده لله فى الله

الغالى أبو سفرووق .. هكذا عهدناك أصيل يا ود الأصول

وللجميع تحياتى وإحترامى

[سروية]

ابناء البيت الكبير
زاهد ، والتيمان..وكل الاحباب
لكم الود والاحترام ..ويها المحريه فيكم ..
ويالله نرمى لاقدام

لك التحايا والاحتراام وكلك فهم والله

[سروية]

التيماان اخوي

خليك ريلاكس بالبنفسجي كمان اوكي :cool::cool:

[التيمان]

التيمان : أنتم أبنائي وكفى .

ابوي وينو الايديو عطايه
حرم ابونا وعمنا وكلو
وابشر تب ياحاج
مافي عوجه وحرم علي الطلاق بمناسبه الابوه البينا دي
كان تجيب خمسه جنيه

[التيمان]

حبيب قلبى التيمان .. ريده لله فى الله

رفيقنا في معارك وساحات النضال
حبيب قسااي
مشتاقين والله

[التيمان]

التيماان اخوي

خليك ريلاكس بالبنفسجي كمان اوكي

من زماااااان قلنا البنفسجي نفسو يجي ماصدقتو
حرم كان تجي

\

[zahid]

ابوي وينو الايديو عطايه
حرم ابونا وعمنا وكلو
وابشر تب ياحاج
مافي عوجه وحرم علي الطلاق بمناسبه الابوه البينا دي
كان تجيب خمسه جنيه

أبشر بالخير ياالتوم..خمسة و خمسين كمان.

[التيمان]

رقم الحساب 999 حول بس

هههههههه