هل تقبل أو لا تقبل ؟؟؟!!!

[بت أم درمان]

السلام عليكم

ازيكم يا ناس السياسة


عندي سؤال كدا
نقدر نعتبره امتداد لبوست الجندي المجهول
( مواطن جنوبي منحني شهادة الجنسية السودانية )

بعد حصول الانفصال ان شاء الله
اذا تم اقتراح الجنسية السودانية الجنوبية عليك
شنو ح يكون رأيك ؟؟؟!!!
تقبلها ؟؟؟!!!
أو
لا تقبلها ؟؟؟!!!

السؤال بالعكس بالنسبة للجنوبين ايضا ...

[تغريدا]

الدرة الجميلة حقيقه وبصراحة سؤال صعب الأجابة والبت فى القرارلكن والله من جووووووه صميم قلبى بتمنى الوحدة

[الجندي المجهول]

والله انا زي اختي وبت جيرانا تغريد عبد العظيم بتمنى الوحدة للنهاية وخلاف كدا لو خيروني في موضوع الجنسية

عاوز

السودانية وبس !!!!

تحت تحت لو ادوني معاها ( .....) ما بابها عشان السفر وبس والله

[عثمان جلالة]

أنا عني ح أقبلها

لكن السؤال المطروح هل هم ح يقبلوني مواطن معاهم في الجنوب؟؟

أصلا ما كان في وجود لسودان شمالي ولا جنوبي .. لأنو لاامن ناس الأزهري رفعوا العلم .. كان علم سودان موحد .. ولااااامن ناضلوا أجدادنا لطرد المستعمر ما كان في فرق بين ود حبوبه و علي عبد اللطيف ... الفروقات دي جابوها السياسيين الله يسامحهم .. ولا فرق بينهم جميعا متساون في الجرم إن كانوا من الشمال أو من الجنوب.

ملحوظه:

لو بقت المواطنه في الجنوب بالنقاط أكيد ح نحصل علي جنسية جنوبيه لأنو تشرفنا بالتخرج من جامعة جوبا والتي كان شعارها آنذااااك "الإنتماء والتميز العلمي" :):)

[طلال الصول]

انا مع اخوي عثمان

[محمد حسين (المميز)]

بالتــأكيــــــــد

من رفض البقـاء معـي

سـأرفـض الإنتمــاء اليـه تحت اي ظرف من الظروف

[طلال الصول]

للواقعية

احنا بنقول انو احنا واحد ونفس البلدوالشعارات دي
بس بي أمانة احنا عندنا التعصب والقبلية والتفرقة العنصرية ما زالت موجودة وبدون اي وجه حق
بغض النظر عن الخلفيات السياسية والجعجعة الاعلامية

وبرضو لو هم حا يقبلو بي انا شخصيا ما عندي مانع اخد جنسية جنوب السودان

مش قلنا في الاول اننا بلد واحد يعني المفترض انها ما تفرق