المواسير بقت حتى في الشعر والغناء!!!

[بنت الرفاعي]

الأسبوع قبل الماضي سمعت من واحدة قريبتنا (طالبة جامعية وكانت جاية في إجازة قصيرة من السودان) أُغنية كلماتها تحيِّر،
(طبعاً أغلب الناس اللي بيكونوا جايين من السودان قريب، بيكون معاهُم آخر ما طلع في السودان (أو على الأقل هكذا نعتقد:o:D)، مع أنها قالت لي : إنتِ قديمة!!!:confused:
بعديها طلع.... وطلع.... وطلع.....!!، ولقيت نفسي صحيح قديمة (لأنو بعض اللي قالتهم سمعت عنهم أو حتى في اللي سمعتهم قبل فترة وحتى في قبل شهور!!!:o:D).:D:)

[بنت الرفاعي]

المُهم


أول الكلمات:


حُبِّك كان لي أسطورة، إنتِ طلعتِ ماسورة!!!


:eek::confused::eek:
:D:D:D
:):):)



ده المطلع فقط، أما الباقي فما فهمت منو هو بيتكلم عن منو؟؟؟!!:confused:
يمكن عن حبيبته أو فريقهُ الرياضي أو حتى يمكن يكون الحكومة أو ناس ..............!!!:confused::)
أو...... أو........!!!
اللي عارف لو سمحتوا يعرِّفنا!!!!:)




على فكرة بقيَّة الكلمات قوية ومُعبرة جداً جداً.:D

[همسات]

ههههههههههههههههههههه
والله يامرام انا زاتي كنته زيك كده
والله والله اعلم شكلو كده
في راس كلو دقيقه بتطلع حاجه جديده

[معتز الريح]

حُبِّك كان لي أسطورة، إنتِ طلعتِ ماسورة!!!
[/

هههههههههههههههههههههههههههههههه ..
حلوه جداً .. وعجبتني ..
--------------------------
أي كلام في أي لحن وكمية من الإيقاعات ..

[تغريدا]

مرام مساء الخيرات لاعجب ولاغرابة نحنا فى زمن الدهشة والغرابة يعنى بتتخيلى كان ممكن يكون فى فنان هو قال عن نفسه فنان أسمه حمادة بت تانى فى مجال انه الواحد يستغرب بغنى شنو؟؟؟؟؟؟؟؟؟بالجد يامرام مواضيعك بتطرق قضايا حساسة ودائرة فى الساحة وكثر فيها اللغط والكلام أحييييييييييييييييييييك

[محمد حسين (المميز)]

اللــه يكفينـــــا شر المـواسيــــر:cool:






يادكتــور
تسلمي عالماسوره دي:p

[سواااح]

اختنا مرام
بالمناسبة الاغنية دي قديمة !!!
وبعدين هي وقفت على الشعر والاغاني بس
المواسير حواليك في كل مكان وزمان.

[بنت الرفاعي]

ههههههههههههههههههههه
والله يامرام انا زاتي كنته زيك كده
والله والله اعلم شكلو كده

في راس كلو دقيقه بتطلع حاجه جديده




:D:D:D:D
فعلاً،
لكن دي طلعت ما جديدة:D
بس أنا اللي سمعتها مُتأخر!!:o:D
(الظاهر اللي بيسمعوا مُتأخر زيي كُثُر);):cool:

[بنت الرفاعي]

هههههههههههههههههههههههههههههههه ..
حلوه جداً .. وعجبتني ..
:D:D:D:D
تُعجب بك العافية إن شاء الله.:)
--------------------------
أي كلام في أي لحن وكمية من الإيقاعات ..

دي المُشكلة هنا!!
ما في إي اهتمام ولا أي هدف!!


الله يهديهم ويهدينا.:)

[بنت الرفاعي]

مرام مساء الخيرات لاعجب ولاغرابة نحنا فى زمن الدهشة والغرابة يعنى بتتخيلى كان ممكن يكون فى فنان هو قال عن نفسه فنان أسمه حمادة بت تانى فى مجال انه الواحد يستغرب بغنى شنو؟؟؟؟؟؟؟؟؟بالجد يامرام مواضيعك بتطرق قضايا حساسة ودائرة فى الساحة وكثر فيها اللغط والكلام أحييييييييييييييييييييك




صباحك خير ونور عزيزتي تغريد.:)

قال أحد الشُعراء:

علِّمي نفسك ما تندهشي
وصدِّقي كُل الما معقول!!!
:eek::confused:
وده أصبح مع الأسف في كُل شيء حولنا،
إجتماعياً وأخلاقياً وسياسياً،
ومع الأسف الشديد حتى الدين ما سلم من بعض الناس والطوائف وبقى عندهم فيهُ كلام وإضافات ما أنزل الله بها من سُلطان!!!
(لا حول ولا قوة إلا بالله)!!!
وحتى الفن اللي هو فن (بالرغم من ما في بعضه من حُرمة) أصبح فيهُ أشياء بتتنافى مع عاداتنا وتقاليدنا!!:(

الله يهون!!!

[بنت الرفاعي]

اللــه يكفينـــــا شر المـواسيــــر:cool:

اللهُم آمين.:)







يادكتــور

تسلمي عالماسوره دي:p




:D:D:D:D
الله يسلمك،
مع أنها ماسورة (محلوجة).:D:cool:

[الجندي المجهول]

انا لي اكتر من سنة ونص من السودان لكن بتكون على وزن هذه القافية

حبك لي كان ماسورة وانت طلعت اكبر ماسورة

قالوا لي رجل اعمال طلعت لاعب كورة

قالو لي ساكن مدني طلعت من العيكورة ( والله عشان القافية وناس العيكورة احلى ناس بالذات العمدة)

كنت فاكراك بتشرب موية صحة طلعت بتلقي خشمك للماسورة

شكيت انك درست في الراهبات وطلعت دارس في مدرسة ما فيها سبورة

انا اتغشيت فيك يا المتفرق بين الدش والطشت والنافورة

تخريمة : اللحن عليك يا دكتورة والجيتار على الحبيب معتز الريح

مع اللفة : البلد كلها ماشة على انها تبقى ماسورة ( إلا من رحم ربي )

[بت أم درمان]

مرومة صباحووو
بس دايراك تطلعي لي من الموضوع شوية
وتشرحي لي عن الماسورة !!!
لان انا اقدم منك من الناحية دي
ليه ؟!
التشبيه بالمساورة بالذات؟!


كويس لحقت في اخر لحظة وحذفتها هههه

[بنت الرفاعي]

اختنا مرام
بالمناسبة الاغنية دي قديمة !!!
نعم يا أخي قديمة شديد، وهذا ما ذكرته:





مع أنها قالت لي : إنتِ قديمة!!!:confused:
بعديها طلع.... وطلع.... وطلع.....!!، ولقيت نفسي صحيح قديمة (لأنو بعض اللي قالتهم سمعت عنهم أو حتى في اللي سمعتهم قبل فترة وحتى في قبل شهور!!!:o:D).:D:)


وتصدق لاحقاً إكتشفت أنها طلعت في أحد الأشهر الأخيرة من السنة اللي فاتت 2009!!:D (يعني تقريباً ليها سنة من الآن!!:confused::o
(لقيتني كيف في القُدُم؟!):rolleyes::D:D:D:cool::)



وبعدين هي وقفت على الشعر والاغاني بس
المواسير حواليك في كل مكان وزمان.

مع الأسف!!!
ومن ناحية أُخرى أغلب العرب بصفة عامة (ماسورة وبموسروا بعضهم والآخرين!!!):confused: (أوقاتهم وأفعالهم غالباً ضاربة!!):(


سمعت أو قرأت اللي قال:
معاكم قدورة
ملك الكورة
أكبر ماسورة
على وجه المعمورة

في ناس بشموني لأني قاعد أموسر فيهم ..
مرات بموسر نفسي برضو قاعدة تركب فيهم:D..
...........
...........
إلخ الماسورة الكبيرة!!!!
:confused::confused::confused:
:D:D:D






غايتو الله يهون بس!!

[بنت الرفاعي]

انا لي اكتر من سنة ونص من السودان لكن بتكون على وزن هذه القافية

حبك لي كان ماسورة وانت طلعت اكبر ماسورة

قالوا لي رجل اعمال طلعت لاعب كورة

قالو لي ساكن مدني طلعت من العيكورة ( والله عشان القافية وناس العيكورة احلى ناس بالذات العمدة)

كنت فاكراك بتشرب موية صحة طلعت بتلقي خشمك للماسورة

شكيت انك درست في الراهبات وطلعت دارس في مدرسة ما فيها سبورة

انا اتغشيت فيك يا المتفرق بين الدش والطشت والنافورة

:D:D:D:D:D
:D:D:D:D:D
:):):):):)

تخريمة : اللحن عليك يا دكتورة والجيتار على الحبيب معتز الريح
لكن بدل الجيتار خليهُ دلوكة أو دُف.:rolleyes::D:cool:

مع اللفة : البلد كلها ماشة على انها تبقى ماسورة ( إلا من رحم ربي )

الله يبعدنا من المواسير وموسرة الآخرين.

ويهدينا ويهدي الجميع:)

[بنت الرفاعي]

مرومة صباحووو
وصباحك فُل.:)

بس دايراك تطلعي لي من الموضوع شوية
ده ما طلوع عن الموضوع.;)

وتشرحي لي عن الماسورة !!!

على حسب ما أنا فاهمة،
أن الشخص اللي بيكون ماسورة
ده شخص بيخلف في الوعود،
وما قدر الكلام اللي بيقوله ولا حتى قدر أفعالهُ،
مثلاً: أوقاته ما مضبوطة (يقول ليك بجي الساعة 6 ويجيك الساعة 7 أو ما يصلك أصلاً (يتخلف عن مواعيده) )!!:(



لان انا اقدم منك من الناحية دي

( :D:D:Dأصبحنا 3 في القُدُم:D:cool:)

ليه ؟!
التشبيه بالمساورة بالذات؟!

أما سبب التشبيه فأتمنى أن يجاوب عنها من يعلم.:)


كويس لحقت في اخر لحظة وحذفتها هههه

حذفتِ شنو؟؟!:rolleyes::D

[همسة شوق]

الزول دة قاصد وارغو

[بنت الرفاعي]

بعيداً عن تلك الكلمات وما تحمله من دلالات،
فلنتحدث عن المعنى بصفة عامّة،
وإذا ما كثرت الصفة أو الصفات المقصود بها الكلمة،
أكيد ماكان طلعت أو استُخدمت بكثرة وفي كل مكان!!!




فلماذا أصبح مُجتمعنا (والعالم العربي) بهذا المُستوى؟؟
ولماذا اشتهرنا بذلك؟؟




والمؤسف في الأمر أننا بدلاً من أن نُصلح تلك الصفات نتمادى،
بل والأدهى أننا نتفنن فيها ونزيدها!!!:confused:


الله يهوِّن.

[بنت الرفاعي]

الزول دة قاصد وارغو



ده كُلو لوارغو؟؟؟!!!:confused:
غايتو بهدلو بهدله!!:D

(لكن بداية الكلمات توحي بأنهُ يتحدث لأنثى أو شيء مؤنث،
والوسط أو النهاية يتحدث لمُذكر (هنا بالله قاصد وارغو:D) أو شيء مُذكر)!!
(يفهموا منها شنو دي، أو يحددوا بيها شنو؟؟):confused::(

[سواااح]

انا لي اكتر من سنة ونص من السودان لكن بتكون على وزن هذه القافية

حبك لي كان ماسورة وانت طلعت اكبر ماسورة

قالوا لي رجل اعمال طلعت لاعب كورة

قالو لي ساكن مدني طلعت من العيكورة ( والله عشان القافية وناس العيكورة احلى ناس بالذات العمدة)

كنت فاكراك بتشرب موية صحة طلعت بتلقي خشمك للماسورة

شكيت انك درست في الراهبات وطلعت دارس في مدرسة ما فيها سبورة

انا اتغشيت فيك يا المتفرق بين الدش والطشت والنافورة

تخريمة : اللحن عليك يا دكتورة والجيتار على الحبيب معتز الريح

مع اللفة : البلد كلها ماشة على انها تبقى ماسورة ( إلا من رحم ربي )

كضباً كاضب !!!!

[سواااح]

الله يبعدنا من المواسير وموسرة الآخرين.





موسرة دي كرت كرتونة
وكده انتي بديتي تدخلي الفورمة.

[مدنيّة]

الزول دة قاصد وارغو

غايتو لو قاصد ماسورة زي وارغوا يكون انتهي منه

---------
اول مرة اسمع بيها دي يامرام

----------
غايتو اهلك ديل شايلة حسهم في العام الاسفيري
تتونسي معاهم بهناك
وتجي تفتيهم هنا :p

[mahagoub]

المواسير
ثم البواسير
وحبيبى لازم السرير
وكلام فى الهجايص
اللقاويس ده بدوها المصريين وشب فيها كل تافه من جماعتنا

[ياسر123]

حبك كان لي اسطورة انت طلعت لي ماسورة
تخرخر صوتها زي صوتك شغال طول الليل شاخورة
لونك شين صوتك تخين يا اب فاخورة
كنت قايلاك موية في نافورة
لقيتك قاعد و ماسك ليك ماسورة




امكن تكون دي مقاطع القصيدة
هههههههههههههههههههه

[بنت الرفاعي]

موسرة دي كرت كرتونة
وكده انتي بديتي تدخلي الفورمة.

:d:d
:):)
و ده دخول جيِّد ولّا سيء؟!:d:)

[بنت الرفاعي]

غايتو لو قاصد ماسورة زي وارغوا يكون انتهي منه
:d:d:d
:):):)
---------
اول مرة اسمع بيها دي يامرام
العدد زاد لـِ 4 (و حالتك في السودان؟!:rolleyes:;))

----------
غايتو اهلك ديل شايلة حسهم في العام الاسفيري
تتونسي معاهم بهناك
وتجي تفتيهم هنا :p




:d:d
هُم جزء من المُجتمع، وبيتونسوا عن ما فيه سواء إيجابي أو سلبي (دي الحالة يا أُختي أنِّي بجيب ليكم 1% من ما يعرضونه ويُناقشونه في جلساتهم:d)، وأنتم بتشاركوني بآرائكم،
وتزيدوا من علمي وتنويري بما لديكم.:)

[بنت الرفاعي]

المواسير
ثم البواسير
وحبيبى لازم السرير
وكلام فى الهجايص
اللقاويس ده بدوها المصريين وشب فيها كل تافه من جماعتنا

:D:D:D
:):):)
لكن يشبّوا قدُر ده؟؟:confused:

الله يهديهم ويهدينا أجمعين.:)

[بنت الرفاعي]

حبك كان لي اسطورة انت طلعت لي ماسورة
تخرخر صوتها زي صوتك شغال طول الليل شاخورة
لونك شين صوتك تخين يا اب فاخورة
كنت قايلاك موية في نافورة
لقيتك قاعد و ماسك ليك ماسورة




امكن تكون دي مقاطع القصيدة
هههههههههههههههههههه

:d:d:d:d
:):):):)

مقاطعها نوعاً ما حلوة وبتشرح شيء من الواقع المُعاش، ويا ليت إذا يهدوها للفُرق وبعض من ناس الحكومة.:)

[بنت الرفاعي]

غايتو جنس مُبالغات!:confused::eek::(
يا بعضاً مِن مَن أحسبهم سودانيين!!



الإبداع بدأ ينضب ولّا شنو؟؟!!

ولّا يكون

الفهم بدأ بالتلاشي،
ولّا
المنطق ظللوهُ؟؟؟

:(:(:(
:confused::confused::confused:
:eek::eek::eek:

[mahagoub]

:D:D:D
:):):)
لكن يشبّوا قدُر ده؟؟:confused:

الله يهديهم ويهدينا أجمعين.:)


والبعيش ياما يشوف
اقصد ياما يسمع