رسالة آسرتني ... توجد أُسرة جميلة

[مدنيّة]

نسأل الله لنا ولكم المغفرة والرحمة والعتق من النار وقبول الصيام والقيام
وكل عام وأنتم بخير


(سلمي ، زوجة أخوك ياسر شرف الدين)

[مدنيّة]

ايام الجامعة قضينا فيها احلي ايام
وعندنا فيها اخوة وعلاقات لا تعوض ولا يمكن ان نجد غيرها في زمن المادة هذا الذي نعيشه
زمن المصالح ... زمن خد & هات

[بت أم درمان]

؟؟؟
وش مستعجل شديد
داير يفهم

[مدنيّة]

من ضمن الناس العلاقتي بيهم كانت مميزة وجميلة جدا
ياسر شرف الدين
علاقتنا بيها امتدت للبيوت
واصبحت "ماما النعمة" أمنا جميعا

[مدنيّة]

؟؟؟
وش مستعجل شديد
داير يفهم

هههههههههههههههههه
اجيب ليك برميل من مرمر يابنوتة ولاشنووو ؟؟!!

----------
عارفة يابنوتة
احلي حاجة لما تلقي ناس يتعاملوا معك بمنتهي الصدق والاخلاص والحب ، وهم ما منتظرين منك اي مقابل

------------
خليك قريبة ياعثل

[بت أم درمان]

اها ودي قعدة
ومتابعة بشغف

[مدنيّة]

كانت علاقة ومعاملة تتميز انها في الله ولله
اصبحت اسرة ياسر شرف الدين هي اسرتنا وخصوصا ونحن في غربة
كثيرا ما دعتنا ماما النعمة للتناول الغداء في "بيتنا" وهو ليس بعيدا عن الجامعة (يقضنون حي المهندسين)

[مدنيّة]

اها ودي قعدة
ومتابعة بشغف

تسلمي بنوتة

[مدنيّة]

فكنا نذهب زرافات ووحدانا لماما النعمة نتغدي ما الذ وطاب من صنوف الطعام ونعود ادراجنا ونتشتت كل منا يذهب لحال سبيله الي ان تجمعنا من جديد ماما النعمة

[مدنيّة]

تفرقت بنا السبل والمعيشة زي ما بيقولوا
واخر مرة ذهبت لماما النعمة والدة ياسر كان في زواج احدي اخوات ياسرقبل حوالي سبعة سنوات
ومنذ ذالك الوقت لم التقيهم
سبعة خلالها لم نتلق الا عبر مكالمات هاتفية وبعدها انشغلنا وانقطعت الاخبار

[مدنيّة]

في العيد وصلتني المسج الذكرتها في بداية البوست
جد آسرتني لاخر حد مدي
كون انهم مازالوا يتذكرون أسماء عبدالسلام
كون انه يبحثوا عن رقم هاتفي بعد ان ضاع منهم
كون انه توقع زوجة ياسر بكلمة "زوجة اخوك"

يالله
يالجمال هذه الاسرة

[مدنيّة]

كون انه احس اني زولة مهمة لاُناس لا تربطني بهم أي صلة دم احساس يعجز قلمي عن وصفه

[مدنيّة]

كان مفترض نمشي ليهم يوم الجمعة الفاتت دي لكن لظروف "والد ابو جمال شوية كان عنده حمي" لذلك لم نتمكن من الذهاب لهم
وكان مفترض اتصل عليهم عشان ابلغهم اعتذارنا

[مدنيّة]

وقبل ان اتصل
يأتيني اتصال من سلمي يخبرني ان الجميع في انتظارنا في البيت الكبير " الم اقل ليكم انها اسرة جميلة"
لحظتها "لم اجد ضفرا لادخل فيه"
اعتذرت لها وابلغتها سبب الاعتذار وحددت معاها موعد اخر

[مدنيّة]

اتصلت علي ماما النعمة لكي اعزيها في وفاة والدتها وابلغها اعتذاري
زي مابيقولوا مافضل ليها الا تطلع لي من الموبايل عشان تسلم علي وتبلغني شوقها لي
لما عرفت سبب اعتذارنا قالت لي "وصفي لينا بيتكم عشان نجي نشوف والد ابراهيم ونكفر ليه" الم اقل ليكم انها اسرة جميلة"

[مدنيّة]

اسرة جعلتني اعرف

جميل ان نجد من يشترينا والاجمل ان نتمسك به ولا نبيعه مهما كان التمن

[همسات]

الله الله
ماأروعك مدنيه
ماذا اقول وانا
احس اي كلمه واي حرف كتبتيهو
عن هذه الاسره
حتي ادمعت عيوني
اختي الغاليه
املك مثل هذه الاسره
وظروف الحياه بعدتني عنهم
ولكنهم دوما في خاطري
الحمد لله الذي وهبنا هذا
والحمد لله عليهم كثيرا
والتحيه لهم جميعا
وكل الاحترام
وجزاك الله خيرا كثيرا

[محمد حسين (المميز)]

يالجمــــالهم وجمـال وصفك وجمـــــال كتابتك يا أم جمــــال

فعلا من النادر في هذا الزمان والمكـان ان تجدي من يسـأل

عن الماضي

فهذا الزمان كل شخص يجري ويلهث وراء لقمة العيش لابناءه واسرته



تحيـــــــــاتي ؛؛؛

[محمد الجزولى]

هذه هى اصالة مجتمعنا التى كدنا ان نفقدها
نفوس طاهرة نقية .. وصفاء سريرة لا يوجد فى كل المجتمعات
وحب لله خالى من كل المصالح
الحمد لله انه لا زال كثير من الشعب السودانى يمتلك هذه الخصال النبيلة
هنيئا لكما يا مدنية بهذه الاواصر الممتدة

[سواااح]

ما ينبع من القلب .. يبقي في القلب ..

كثيرون يمرون على خارطة القلب

ولكن نتمسك بمن يتركون نبضة ونقش ....

[خالد أحمد الصول]

أعرف هذا الإحساس جدا أبنتي أسماء .. و أكاد أن ألمسه ... فقد كنت قد عملت في السعودية لمدة أقل من 4 سنوات قليلا ... وكجل هذه الفترة كنت أسكن وحدي و أمشي و حدي و أنوم وحدي و كأنني الصحابي الجليل أبا ذر الغفاري ... كل يومي موزع بين العمل و البيت ... و في أواخر أيامي في الرياض تعرفت علي المهندس المرحوم خالد ميرغني وهو من أبناء الحلاوين من قرية الولي ... تعرفت عليه فتبدلت حالي من الكآبة الي السعادة و سكنت معه و كان يرحمه الله نعم الأخ و الصديق ... ما كنت سأقرر الرجوع للسودان لو كنت عرفته قبلا ... حضرت السودان قبله و ما أن ذرت عائلته حتى أصبحت أهلي و عشيرتي ... و مرت الايام فحضر المرحوم مريضا ... فكنت و أسرتي دائم الذهاب إليهم حتى وآفته المنية وسط أبنائه فأوصاني عليهم خيرا ... بعد انتهاء أيام المأتم إذا بزوجته تسلمني ماكينة خياطة التي كنت أنوي آنذاك و أنا بالرياض شراؤها الي أنه أوعدني أنه سيحضرها لي معه في إجازته القادمة ... وعد فأوفي ... نعم كنت أنتابع كل صغيرة و كبيرة في أسرته و أتفقد حاله بصورة منتظمة و مرات عديدة أذهب بأسرتي لقضاء عطلة العيد بينهم ... و مرت الأيام و السنون و ما فتر حبي لهم و لكن وهن العظم وأشتعل الرأس شيبا و كبرت أسرتي و كبرت معها المشاكل فأخذتنا الدنيا و بقيت أتذكرهم عندما يتصلوا علي هاتفي

[بت مارنجان]

كان مفترض نمشي ليهم يوم الجمعة الفاتت دي لكن لظروف "والد ابو جمال شوية كان عنده حمي" لذلك لم نتمكن من الذهاب لهم
وكان مفترض اتصل عليهم عشان ابلغهم اعتذارنا


اتصلت علي ماما النعمة لكي اعزيها في وفاة والدتها وابلغها اعتذاري
زي مابيقولوا مافضل ليها الا تطلع لي من الموبايل عشان تسلم علي وتبلغني شوقها لي
لما عرفت سبب اعتذارنا قالت لي "وصفي لينا بيتكم عشان نجي نشوف والد ابراهيم ونكفر ليه" الم اقل ليكم انها اسرة جميلة"

اها دة اسمو شنو هسي :confused:
هسي انتي كدي ركزي وحددي لينا العيان منو بالظبط !!!
عشان نكفر ياخ وكدة :o
اصحي يابريش :o:o:o

[مايسة]

اها دة اسمو شنو هسي :confused:
هسي انتي كدي ركزي وحددي لينا العيان منو بالظبط !!!
عشان نكفر ياخ وكدة :o
اصحي يابريش :o:o:o


النفوس الطيبة - تفضل طيبة يا مدنية

---------------

بت مارنجان انتي نعسانة شكلك - قالو ليك والد ابو جمال بمعني

ولدها جمال - والده ابراهيم - والد ابراهيم -

غايتو الفهم قسم - ولا الواحد لما يكون ماكل فول :o:cool:

[بت أم درمان]

بختهم بيك
وبختك بيهم
زي ديل امسكي فيهم قووووي
لانهم نادرين جدا في زمننا دا

[mahagoub]

ربنا يديمها محبه والفه طول الدهر

[النويري]

والله يا مدنية ناس ذي ديل حقو تمسكي فيهم قوي لأنهم عملة نادرة في الزمن دا

[بنت الرفاعي]

جميل أن يكون لدينا من يهتم بنا ويعاملنا كأخوته، ويزيد من سعادتنا في هذه الدنيا.

الله يحفظ علاقتكم ويمدها أكثر وأكثر.:)

[مدناوية]

هنيئاً لكِ يا مدنية .. بمثل هذه الأسرة المليئة بالجمال ..

في هذا الزمن الذي نعيش فيه .. من النادر أن نجد مثل هذه المشاعر ..

نابعة من الأعماق .. وصادقة بدون مقابل ...

[الجندي المجهول]

اصدق المحبة اذا كانت خالصة لله سبحانه وتالى وخالية من أي (مصالح) ......
لان المحبة من اجل المصلحة تنتهي بانقضاء المصلحة - ولكن المحبة في الله تدوم لان الله حي دائم ....

[تغريدا]

غاليتى نهارك تعطره رائحة الفل والياسمين وماأجملها من أخوة نقية مكمنها القلب ويجسدها صدق الأحساس أدامها الله عليك من نعمة

[معتز الريح]

التواصل بين الناس أصبح نادراً في ظل ظروف كثيره
من بينها سرعة إيقاع الحياة .. والالتزامات المعيشية الكثيرة ..
ولكن من يذكرك بعد غياب .. فهو أصيل ومحبته صادقة ..

[مدنيّة]

حتي ادمعت عيوني


تصدقي ياغالية نفس شعوري لما وصلتني المسج !

------------
ممنونة لتواجدك

[مدنيّة]

يالجمــــالهم وجمـال وصفك وجمـــــال كتابتك يا أم جمــــال

فعلا من النادر في هذا الزمان والمكـان ان تجدي من يسـأل

عن الماضي

فهذا الزمان كل شخص يجري ويلهث وراء لقمة العيش لابناءه واسرته



تحيـــــــــاتي ؛؛؛

الجمال جمال الاسرة الجميلة دي
وجمال مرورك يالمميز وردودك المميزة

-------------
مع جرينا وراء لقمة العيش
بننسي حاجات حلوة كتيرة
-----------
شكرا المميز

[مدنيّة]

هذه هى اصالة مجتمعنا التى كدنا ان نفقدها
نفوس طاهرة نقية .. وصفاء سريرة لا يوجد فى كل المجتمعات
وحب لله خالى من كل المصالح
الحمد لله انه لا زال كثير من الشعب السودانى يمتلك هذه الخصال النبيلة
هنيئا لكما يا مدنية بهذه الاواصر الممتدة

ماكدنا نفقدها يا جزولي
اخشي اننا فقدناها وانتهينا

-----------
شكرا جزولي

[مدنيّة]

ما ينبع من القلب .. يبقي في القلب ..

كثيرون يمرون على خارطة القلب

ولكن نتمسك بمن يتركون نبضة ونقش ....

فعلا ياسواح

-----------
شكرا عميقا

[مدنيّة]

أعرف هذا الإحساس جدا أبنتي أسماء .. و أكاد أن ألمسه ... فقد كنت قد عملت في السعودية لمدة أقل من 4 سنوات قليلا ... وكجل هذه الفترة كنت أسكن وحدي و أمشي و حدي و أنوم وحدي و كأنني الصحابي الجليل أبا ذر الغفاري ... كل يومي موزع بين العمل و البيت ... و في أواخر أيامي في الرياض تعرفت علي المهندس المرحوم خالد ميرغني وهو من أبناء الحلاوين من قرية الولي ... تعرفت عليه فتبدلت حالي من الكآبة الي السعادة و سكنت معه و كان يرحمه الله نعم الأخ و الصديق ... ما كنت سأقرر الرجوع للسودان لو كنت عرفته قبلا ... حضرت السودان قبله و ما أن ذرت عائلته حتى أصبحت أهلي و عشيرتي ... و مرت الايام فحضر المرحوم مريضا ... فكنت و أسرتي دائم الذهاب إليهم حتى وآفته المنية وسط أبنائه فأوصاني عليهم خيرا ... بعد انتهاء أيام المأتم إذا بزوجته تسلمني ماكينة خياطة التي كنت أنوي آنذاك و أنا بالرياض شراؤها الي أنه أوعدني أنه سيحضرها لي معه في إجازته القادمة ... وعد فأوفي ... نعم كنت أنتابع كل صغيرة و كبيرة في أسرته و أتفقد حاله بصورة منتظمة و مرات عديدة أذهب بأسرتي لقضاء عطلة العيد بينهم ... و مرت الأيام و السنون و ما فتر حبي لهم و لكن وهن العظم وأشتعل الرأس شيبا و كبرت أسرتي و كبرت معها المشاكل فأخذتنا الدنيا و بقيت أتذكرهم عندما يتصلوا علي هاتفي

شعور جميل جدا يااستاذنا لما الزول يلقي ليه اسرة تانية مع اسرته الاولي

-----------
عليك الله ما تقصر مع اسرة صاحبك
عارفة جري الحياة وكدا
لكن حاول علي قدر ما تقدر حتي لو تلفونات

-----------
شكرا استاذنا

[مدنيّة]

اها دة اسمو شنو هسي :confused:
هسي انتي كدي ركزي وحددي لينا العيان منو بالظبط !!!
عشان نكفر ياخ وكدة :o
اصحي يابريش :o:o:o

شنو الانصرافية دي يابت ؟!! ههههههههههههههههههههه

-------------
اها للتوضيح
الكان عيان هو والد زوجي
في الكتابة لاني بكتب باحساس وكدا ماانتبهت للخطأ الوارد اعلاه
اها ان شاء الله وضحت! هههههههههههههههه

[مدنيّة]

النفوس الطيبة - تفضل طيبة يا مدنية



فعلا حبيبة

---------
شكرا ميسو

[مدنيّة]

بختهم بيك
وبختك بيهم
زي ديل امسكي فيهم قووووي
لانهم نادرين جدا في زمننا دا

فعلا والله بختي بيهم يابنوتة
ناس قمة في الروعة والاصالة

---------------
شكرا بنوتة

[مدنيّة]

ربنا يديمها محبه والفه طول الدهر

اللهم آمين ياعمو محجوب

------------
شكرا عمو محجوب

[مدنيّة]

والله يا مدنية ناس ذي ديل حقو تمسكي فيهم قوي لأنهم عملة نادرة في الزمن دا

فعلا والله يانويري
عملة نادرة وصعبة في زمنا دا

----------
شكرا نويري

[بحيرى]

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآه
لو آآآآآآآآآآآآآآآآه تفيد مجروح
اختى كم نحن فى اشد الحوجة الى الصداقة القوية ولكن ما اصعب ان ............. من اعز الاصدقاء بل اعز الاخوان .
لقد لمستى جرحاً كاد ان ينسى لا يلتئم .