للتماسيح الرحمة و لنا حسن العزاء !!!

[بدرالدين أحمد موسى]

أحداث هذه القصة حقيقية مع اختلاف السيناريو لأسباب أمنية ..

دلفت الى بيته الكائن بأحد أرقى أحياء العاصمة .. قابلنى جيش من الحرس .. أستوقفنى اثنان منهم .. و قدمت نفسى .. مواطن فى زيارة مسئول كبير آوى ... و بدعوة أحد ابنائه .

سمح لى بالدخول .. لفت انتباهى تلك الحديقة الغناء و التى احتملت أصنافا متنوعة من الأشجار .. و أنا فى حالة انتظار لمضيفى .. أصغر أبناء المسئول الكبير آوى .. لا حظت وجود قفص معدنى محكم الأغلاق فى منتصف الحديقة و يميل قليلا الى جهة اليسار .. تقدمت حتى شارفت على حافة القفص .. و شدنى مابداخله .. اذ تبين أن القفص يغطى بركة مياه أشبة ببركة السباحة .. قلت فى نفسى .. أبعد هذه الحراسة المشددة يوجد ما يهابه الرجل و أسرته ..

قادنى الفضول لأمعان النظر بداخل تلك البركة.. و اذا بشئ يتحرك فى القاع .. خفق قلبى خوفا ربما أو اندهاشا ..

و أنا فى تلك الحال .. فاذا برجل حسبته من الخدام . و هو كذلك .. جاء حاملا ( شوال) سمك .. فتح طاقة صغيرة .. و نادى بصوت لم آلفه على ذلك الشئ .. فاذا بتماسيح ثلاث .. حقيقة لا مجازا .. تتسابق للحصول على وجبتها ...

فى الجانب الآخر من العاصمة .. أوصلتنى الحافلة الى أحد أحياءنا مع كل الغبش الطيبين .. متحلقين حول ذلك ( الصحن) العتيق و هى نفس الوجبة المعتادة .. بوش الفول المصلح حسب ما تجود به جيوب المستهمين ...

قلت فى نفسى .. للتماسيح السمك و لنا حسن العزاء ...

[عوض صقير]

تمساح يربى تماسيح


دى قوة عين عديل كده يا بدر الدين ....

[الجندي المجهول]

صباح الخير يا الحبيب
التماسيح دي زمان كان بربيها (اللمين كابو) مايرنو /سنار

الان التماسيح بتربيها ،،،،،،،،،،،،،،، الباقي تموا خيال

تخريمة : اه لو اه تفيد مجروح

[mahagoub]

ده بصفى الاعداء فى حوض السباحه

[سواااح]

لينا الصبر بس ..

لكن سؤال ..

الصبر زاتو مش مفروض ان كمل من زمان ؟؟

[انور النور محمد]

بقولوا الما بلقى شبه المولى قبحوا يعني بكون مربيهم لشنو اكيد عشان اذكروه شبابو

وفعلا للتماسيح الرحمة ولنا حسن العزاء

[بدرالدين أحمد موسى]

تمساح يربى تماسيح


دى قوة عين عديل كده يا بدر الدين ....


تصور يا شيخ عوض .. لكم و لنا حسن البوش

[بدرالدين أحمد موسى]

صباح الخير يا الحبيب
التماسيح دي زمان كان بربيها (اللمين كابو) مايرنو /سنار

الان التماسيح بتربيها ،،،،،،،،،،،،،،، الباقي تموا خيال

تخريمة : اه لو اه تفيد مجروح

تميناها خيال و مضارفة الميمن على رقبته حسنة .

[بدرالدين أحمد موسى]

ده بصفى الاعداء فى حوض السباحه

و الله يا شيخ محجوب فى كلام بيتقال و كلام على قولة جيراننا ( ما نقدروش نقولوه )

[بدرالدين أحمد موسى]

لينا الصبر بس ..

لكن سؤال ..

الصبر زاتو مش مفروض ان كمل من زمان ؟؟

تبكى بس يا سوااح

[بدرالدين أحمد موسى]

بقولوا الما بلقى شبه المولى قبحوا يعني بكون مربيهم لشنو اكيد عشان اذكروه شبابو

وفعلا للتماسيح الرحمة ولنا حسن العزاء

أخير لينا فى بوشنا ده .. و لا ما كدى؟؟

[moh_alnour]

للتماسيح الرحمة و لنا حسن العزاء !!!

مستغرب مالك يا بدر الدين ؟
يمكن التماسيح دي طالبا فطورا ديليفري من أم سويقو أو حسن جاد الله
و أنت طالب فطورك من كشك فهنيئا ً لكما كل إمرئ يأكل زاده :cool:

[مدنيّة]

يااخوانا كل زول برزقه

[بدرالدين أحمد موسى]

مستغرب مالك يا بدر الدين ؟
يمكن التماسيح دي طالبا فطورا ديليفري من أم سويقو أو حسن جاد الله
و أنت طالب فطورك من كشك فهنيئا ً لكما كل إمرئ يأكل زاده :cool:

ما يؤلمنا يا حبيبنا الغالى أن يعد كلب الصيد فى الفرسان .. و برضه !!!

[بدرالدين أحمد موسى]

يااخوانا كل زول برزقه

لا اعتراض مطلقا ... و قد هانت الزلابية حتى أكلها بنو النضير .

[بت أم درمان]

انا الدايرة أفهمه الحكمة والغرض شنو من تربية التماسيح

[همسات]

لينا الصبر بس ..

لكن سؤال ..

الصبر زاتو مش مفروض ان كمل من زمان ؟؟

البعرفو بعد الصبر الانفجار
وينو الانفجار ده
مااااافي لاننا ضعفاء
والضعيف مابياكل عيش مع ديل

[همسات]

والله ا خير لينا فولنا عاجبنا
ويوم القيامه قررررب

[محمد حسين (المميز)]

طبعــا يا بدرالدين

حكاية تربية التمـاسيح دي

بقت نظام برستيج وموضه وشعار للهيمنه والقوة

يعني رمز للجبروت وكده

لكن ليك يوم يا ظــــــــــــالم

[الباشا السوداني]

مرة جا تمساح في الجامع انبطح
انتو التماسيح ديل مسلمين

[بدرالدين أحمد موسى]

انا الدايرة أفهمه الحكمة والغرض شنو من تربية التماسيح

يا بت أمدرمان مافى حكمة .. و الغرض الوجاهة و الفشخرة ..و خلونى فى شجونى

[بدرالدين أحمد موسى]

البعرفو بعد الصبر الانفجار
وينو الانفجار ده
مااااافي لاننا ضعفاء
والضعيف مابياكل عيش مع ديل

انفجار شنو.. يا همسة .. مع البوش ده .. و شكرا للمداخلة

[بدرالدين أحمد موسى]

والله ا خير لينا فولنا عاجبنا
ويوم القيامه قررررب

أيوه يا همساااااات .. خلينا فى فولنا كان لقيناهو مع زيادات الجمارك دى .

[بدرالدين أحمد موسى]

طبعــا يا بدرالدين

حكاية تربية التمـاسيح دي

بقت نظام برستيج وموضه وشعار للهيمنه والقوة

يعني رمز للجبروت وكده

لكن ليك يوم يا ظــــــــــــالم

ليك يوم يا ظالم .. يا ظالم يا ظالم ...( سيد زيان )

[بدرالدين أحمد موسى]

مرة جا تمساح في الجامع انبطح
انتو التماسيح ديل مسلمين

يا باشا تمساحك دى بيكون رفيق مسلم !

[mahagoub]

و الله يا شيخ محجوب فى كلام بيتقال و كلام على قولة جيراننا ( ما نقدروش نقولوه )

انت قول البتقال وخلى الما بتقال علينا

[بنت الرفاعي]

يا بت أمدرمان مافى حكمة .. و الغرض الوجاهة و الفشخرة ..و خلونى فى شجونى


:eek::eek:
:confused::confused:
بالله دي آخر موضات الوجاهة والفشخرة؟؟؟:confused:
(ما لقوا غير التماسيح، وهو أساساً الفشخرة لزومها شنو؟؟!!!):confused:
سُبحان الله.

[الجندي المجهول]

يااخوانا كل زول برزقه

اي والله كلامك صاااح مافي شك وخاصة عندما يكون رزقه هذا حلالاً ومن عرق جبينه ....

[أبوريلان]

مرة جا تمساح في الجامع انبطح
انتو التماسيح ديل مسلمين

سمعنا تحت تحت قالوا أنصار سنة !!!

قلت لي سمك عديل كده يابدرالدين ، ياكلوا الحمت رمت إن شاء الله ، الناس مالاقيه كسرة بموية .

[الجندي المجهول]

بالمناسبة التماسيح ذاتها انواع وعلى سبيل المثال لا الحصر

1/ العشاري
2/ تمساح اب كبلو
3/ تمساح الدميرة
4/ تمساح مشجع المريخ والفريق القومي
5/ تمساح (.....) انت وخيالك .....

تخريمة : لا نرحب بذوي الخيال الخصب الواسع (شديد)

[naz_imam]

غلطان انت البوديك جنس البيوت دي شنو