مجاملات مع كمية من الهبالات

[المسافر]

أغلب الناس أصبحت تشتكي من كمية المجاملات التي تمر عليها في يومها ، يعني لازم كل يوم يكون في ( بكا ، عرس ، زيارة مستشفى . . . إلخ ) ، كنت قايل أنو القصة ما هي إلا عبارة عن (شكوى ) لأن الشعب السوداني بقى يشتكي أكتر من اللازم وما بعرف الحمد كلو كلو ، ولكن خلال الشهر الفات كلما أتصل بأخي أجده في الأوضاع دي ( جاي من بكا ، ماشي عرس ، هسه أنا في المستشفى ) ، وطبعا صدقت وأقتنعت بأن الحكاية واقع معاش .

لا أعرف الجديد في الموضوع شنو ، أمكن زيادة المعارف وحجم الأسر تضاعف وإنتشرت في كل الأماكن بسبب الضايقة المعيشية وظروف الحياة والهجرات العكسية.

بصراحة الجاملات ظاهرة إجتماعية راقية فيها كثير من الترابط والتكافل الإجتماعي ، وفي الواقع هي فعلا بتخفف كثير جداً في حالات الترح وعزوة في حالات الفرح ، علا نحن دائماً بنكتر المحلبية وبنعمل أي شيء بشكل مبالغ فيهو لمان نعكس هدفها ومدلولها ، يعني بدل ما يكون مواساة ودعم إجتماعي بكون عبء مادي ومعنوي لجميع الأطراف ، وخصوصا الناس البتجي تتكسر في البكيات والأعراس والمستشفيات أيام وليالي يتسامرون ليلاً ويغازلون نهاراً دون أدنى مراعاة لاي وضع .

فمثلاً ما هو الدعم الإجتماعي أو زيارة مريض الذي ذكرها رسول الله صلى الله عليه وسلم في 150 زائر في إحدى المشتشفيات الخاصة قاعدين في الواطة على إمتداد الشارع (قافلين الشارع ) في إنتظار عملية لقريبهم وإن مدة العملية (7) ساعات ، ولن يفيق المريض من البنج إلا بعد (24) ساعة ، وبعد ده كلو الزيارة ممنوعة نهائياً في المستشفى ، فماذا يستفيد أهل المريض أو المريض نفسه من هؤلاء ؟

أعتقد يجب ومن الضروري نستعمل عقولنا شوية في مجاملات وأن لا ننساق وراء عواطف أو مظاهر .

بالمناسبة في حنة وتوب نسائي أسمهم (بيت البكاء )

[المسافر]

أها سمعتو عوضية سكليب ولأ حنان ردحي
أها ديل قالو بأجروهم عشان يسخنن بيت البكاء
وطوال أيام البكاء وهن بسكلبن بنفس القوة دون
كلل ولا ملل ، أهل الميت بكونو مرتاحين شديد
من القصص دي ، حتى أمكن ما تعرفهم ، عشان
يتفرغو للحاجات التانية زي الحنة والونسة المفلهمة
ومن مفردات عوضية سكليب :

الليلة وينك إنتا يا الإسبليت هبوبك والهمر ركوبك
الليله وينك إنتا يا البنيت المقصورة وركبت النافورة
الليله وينك إنتا يا أب جيوب منفخة وأب عربية مصفحة
الليله يا حليلك يا زين الرجال ياملك الدولار يا البتستر الحال
الليله يا حليلك يا البتشيل من البنوك وتشتت قبال ما يلحقوك

فاصل ونواصل

[بت مارنجان]

المسافر صباح الخير
طبعآ انت برة وليس من رأي كمن سمع ..
وبيوت البكاء بقت ميتا وخراب ديار وكمان "كشف مافي"
لما يكون في بيت بكاء دة برنامج للاكل والشراب والونسة بدون
ادني مراعاة لحزن اهل الميت لفقدان المتوفي لهم
تعرف دي زاتها حسنة عشان اهل الميت مايركزو مع الزول المات
عندهم ويتلهو في الاكل والشراب ويجيبو التلج للموية
وطبعا الطباخ للاكل "زمان كان الاكل بجي من الجيران"
هسي الطباخ خيمتو بتدق اول شئ عشان يطبخ فيها ..

بالنسبة لي حنة البكاء وتوب البكاء
اتذكرت موقف في وفاة والدي الله يرحمه
جاتنا مرة من زوجات اصدقاء والدي والله اظن طلعت من الكوفير
وجات علينا
دة كلو مامهم لما جات عزت وقعدت لابسة طقم من داماس
وكل شوية تعمل للتوب فرة كدة عشان نتفرج علي العقد اللابساه :(
وبيوت البكاء لأنها بقت هي المناسبة الوحيدة البتلم الناس
فالنسوان بقو من يسمعن بي موت جري علي الحنانة وآخر صيحة للتوب
ويجو يبكو ..

نسال الله السلامة

[محمد حسين (المميز)]

أغلب الناس أصبحت تشتكي من كمية المجاملات التي تمر عليها في يومها ، يعني لازم كل يوم يكون في ( بكا ، عرس ، زيارة مستشفى . . . إلخ ) ، كنت قايل أنو القصة ما هي إلا عبارة عن (شكوى ) لأن الشعب السوداني بقى يشتكي أكتر من اللازم وما بعرف الحمد كلو كلو ، ولكن خلال الشهر الفات كلما أتصل بأخي أجده في الأوضاع دي ( جاي من بكا ، ماشي عرس ، هسه أنا في المستشفى ) ، وطبعا صدقت وأقتنعت بأن الحكاية واقع معاش .

لا أعرف الجديد في الموضوع شنو ، أمكن زيادة المعارف وحجم الأسر تضاعف وإنتشرت في كل الأماكن بسبب الضايقة المعيشية وظروف الحياة والهجرات العكسية.

بصراحة الجاملات ظاهرة إجتماعية راقية فيها كثير من الترابط والتكافل الإجتماعي ، وفي الواقع هي فعلا بتخفف كثير جداً في حالات الترح وعزوة في حالات الفرح ، علا نحن دائماً بنكتر المحلبية وبنعمل أي شيء بشكل مبالغ فيهو لمان نعكس هدفها ومدلولها ، يعني بدل ما يكون مواساة ودعم إجتماعي بكون عبء مادي ومعنوي لجميع الأطراف ، وخصوصا الناس البتجي تتكسر في البكيات والأعراس والمستشفيات أيام وليالي يتسامرون ليلاً ويغازلون نهاراً دون أدنى مراعاة لاي وضع .

فمثلاً ما هو الدعم الإجتماعي أو زيارة مريض الذي ذكرها رسول الله صلى الله عليه وسلم في 150 زائر في إحدى المشتشفيات الخاصة قاعدين في الواطة على إمتداد الشارع (قافلين الشارع ) في إنتظار عملية لقريبهم وإن مدة العملية (7) ساعات ، ولن يفيق المريض من البنج إلا بعد (24) ساعة ، وبعد ده كلو الزيارة ممنوعة نهائياً في المستشفى ، فماذا يستفيد أهل المريض أو المريض نفسه من هؤلاء ؟

أعتقد يجب ومن الضروري نستعمل عقولنا شوية في مجاملات وأن لا ننساق وراء عواطف أو مظاهر .

بالمناسبة في حنة وتوب نسائي أسمهم (بيت البكاء )



يابتــاع المحــن .. صبـاحك وردي

تعرف نحن مجتمــع

اجتمـاعي جداا

عاطفـي جداا

شهم جداا

ضكراان جداا

مجامل جداا

فارغ جداا

عشان كده تلقانا نمسك الشي لمن روحو تمرق

تعصر البكا لمن يجيب الزيت

واي مناسبه يقصر الملح

[الجندي المجهول]

المسافر حبيبنا ،، صباح الخير يا فنان

بصراحة موضوعك جميل للغاية

وفعلاً اصبحت هذه المناسبات للتباهي والعرض وليس كسابق العهد بها

نعيب زماننا والعيب فينا ..... وانت عارف الباقي


تخريمة : نفسي احضر عرسك وخاصة فطور العريس ( الماخمج ) .................

[moh_alnour]

يا خالد ممكن أجامل ؟ أقصد ممكن أشارك في البوست ؟
كما ذكر المميز نحن شعب أجتماعي و متكافل و خدوم ، تجمعنا الأفراح و الأتراح
نفرح للأحباب و نحزن لحزنهم
و لكن في الآونة الأخيرة ولإنشغال الجميع بهموم المعيشة و الجرى وراء لقمة العيش
أصبحت هذه المجاملات في نطاق ضيق و للقرابة القريبة جدا ً
كما أن دخول الجوالات في الحياة جعلت منها وسيلة للمجاملات عِوضا ً عن السفر و التعب و الإرهاق الجسدي و المادي
عادة ً و في فصل الخريف تكثُر الملاريات و الأمراض كما أننا في موسم عيد الفطر و الذي تكثر فيه الأفراح
كل هذه ربما تكون أسباب لكثرة المجاملات في هذه الفترة

[المسافر]

المسافر صباح الخير
طبعآ انت برة وليس من رأي كمن سمع ..
وبيوت البكاء بقت ميتا وخراب ديار وكمان "كشف مافي"
لما يكون في بيت بكاء دة برنامج للاكل والشراب والونسة بدون
ادني مراعاة لحزن اهل الميت لفقدان المتوفي لهم
تعرف دي زاتها حسنة عشان اهل الميت مايركزو مع الزول المات
عندهم ويتلهو في الاكل والشراب ويجيبو التلج للموية
وطبعا الطباخ للاكل "زمان كان الاكل بجي من الجيران"
هسي الطباخ خيمتو بتدق اول شئ عشان يطبخ فيها ..

بالنسبة لي حنة البكاء وتوب البكاء
اتذكرت موقف في وفاة والدي الله يرحمه
جاتنا مرة من زوجات اصدقاء والدي والله اظن طلعت من الكوفير
وجات علينا
دة كلو مامهم لما جات عزت وقعدت لابسة طقم من داماس
وكل شوية تعمل للتوب فرة كدة عشان نتفرج علي العقد اللابساه :(
وبيوت البكاء لأنها بقت هي المناسبة الوحيدة البتلم الناس
فالنسوان بقو من يسمعن بي موت جري علي الحنانة وآخر صيحة للتوب
ويجو يبكو ..
نسال الله السلامة



صباح النور
فعلا نحن بنشوف حاجات بسيطة
والإجازة غالباً ما بكون فيها متسع
عشان تتعرف أكتر ، ولكن حتى الحاجات
البسيطة البنشوفها بقى فيها حاجات مؤسفة
وإن الغربة خلتنا نرى الأشياء بصورة مختلفة
أكثر وضوح وواقعية لذلك حتى الأِشياء الصغيرة
بنلاحظ ليها بوضوح كبير عكس الموجودين هناك .
والبزخ والمواراه وناس ( شوفوني ) بقت هي الوضع
العام ، وده أكبر دليل على قلة الفهم والإفراغ الفكري
وهذه الطريقة إن بقينا في هذه الحياة سوف نرى الأغرب
والأعجب في مقبل أيامنا .

[المسافر]

يابتــاع المحــن .. صبـاحك وردي
تعرف نحن مجتمــع
اجتمـاعي جداا
عاطفـي جداا
شهم جداا
ضكراان جداا
مجامل جداا
فارغ جداا
عشان كده تلقانا نمسك الشي لمن روحو تمرق
تعصر البكا لمن يجيب الزيت
واي مناسبه يقصر الملح



صباح الفل المميز
عارف نحن شعب بحاجة إلى شعب جديد
مرات بفكر بأننا إستعجلنا جداً خروج الإنجليز
وطرد المستعمر ، يا ريت لو كانوا موجودين
لغاية هسه .

[المسافر]

المسافر حبيبنا ،، صباح الخير يا فنان
بصراحة موضوعك جميل للغاية
وفعلاً اصبحت هذه المناسبات للتباهي والعرض وليس كسابق العهد بها
نعيب زماننا والعيب فينا ..... وانت عارف الباقي
تخريمة : نفسي احضر عرسك وخاصة فطور العريس ( الماخمج ) .................



عزيزنا
بمناسبة نعيب زماننا والعيب فينا
قبل فترة جاني صديقي كان لي
قريبتي في المستشفى وضعت
لازم تمشي معاي ، أها إنفصمت
فيهو لأني ما مقتنع أساسا الواحد يمشي
لواحدة وضعت.

بمناسبة التخريمة
أبشر وأمكن فطور العريس يكون من ( بيتزا هت )
عشان المغتربين بس .

[المسافر]

يا خالد ممكن أجامل ؟ أقصد ممكن أشارك في البوست ؟
كما ذكر المميز نحن شعب أجتماعي و متكافل و خدوم ، تجمعنا الأفراح و الأتراح
نفرح للأحباب و نحزن لحزنهم
و لكن في الآونة الأخيرة ولإنشغال الجميع بهموم المعيشة و الجرى وراء لقمة العيش
أصبحت هذه المجاملات في نطاق ضيق و للقرابة القريبة جدا ً
كما أن دخول الجوالات في الحياة جعلت منها وسيلة للمجاملات عِوضا ً عن السفر و التعب و الإرهاق الجسدي و المادي
عادة ً و في فصل الخريف تكثُر الملاريات و الأمراض كما أننا في موسم عيد الفطر و الذي تكثر فيه الأفراح
كل هذه ربما تكون أسباب لكثرة المجاملات في هذه الفترة


أخونا محمد نور
حمدلله على السلامة

بغض النظر عن حجم المجاملات وأسباب
إزديادها لا يوجد مبرر أن تتجاوز المعقول
والغرض المرجو منها ، واحد من الأخوان
بحكي لي لما يكون عندهم زول راقد في المستشفى
بقوموا يأجروا 2 بص حجم عائلي وكم هايس
عشان يشمو للزيارة المريض ، يعني أمثال هؤلاء
حيكونوا عبء على الطريق وعلى المستشفى
وعلى المريض ، وكهذا باقي الأمور .

[بنت الرفاعي]

بينما نحن نرى تلك المُجاملات بهذه الصورة، يفتقدها البعض ويتمناها بالرغم من كل ذلك!!!

و


:)العز أهل:)

[مايسة]

المسافر -

تحياتي

لو ما حصل كدا - كدي بس أشرح لي حا نكووون كيف سودانييييين

[محمود (أبو وضاح)]

هناك الكثير المثير الخطر فى مسألة المجاملات خاصة فى مناسبات الأتراح (البكيات) وكده ، سواء كانت للرجال أو النساء أما الصبايا على قول أهلنا اللبنانيين فهم لهم طقوس تحير وتجبرك على التعليق ، وبصراحة الموضوع عايز حوارات وندوات وتثقيف (اجتماعى وأحيانا صحى) خاصة للناس المجاملين بالمستشفيات وكده .
نحتاج لوقفة صادقة لنتدارس ايجابياتنا وسلبياتنا لننطلق لمفاهيم جديدة وممارسات رشيدة فى حياتنا اليومية .
لك التحية على الطرح الجاد للموضوع ومزيد من الرؤى والتناول.

[المسافر]

بينما نحن نرى تلك المُجاملات بهذه الصورة، يفتقدها البعض ويتمناها بالرغم من كل ذلك!!!

و


:)العز أهل:)



فعلا هي غير متوفرة إلى في السودانيين فقط
وهي جيدة أحيانا ولما تكون معقولة وفي وقتها
بس نحن ما دائماً بتلزم بكل محاسنها ومزاياها

[الدكتور]

انا صاحبي جا من السعودية اتخيل عمل حنتو في نادي
يحليل الحيشان وناس العروس عزموا حفلة في نادي

انت عارف انا مرة صرفت المرتب مشيت البيت اتصلو عليا قالو ليا جيب معاك خروف العيد اشتريتو ب 350 الف ودفعت في المناسبات قدرا طبعا دكترة ناس الكشف لو دفعت اقل من خمسين بعاينو ليك من تحت لفوق انا مرتبي 570
هشتك بشتك

[المسافر]

المسافر -

تحياتي

لو ما حصل كدا - كدي بس أشرح لي حا نكووون كيف سودانييييين


والله ما مايسة بالمنطق كده أغلب الناس
بتكون فاهمة بس برضو من عيوبنا أننا
لوامين جداً ، والواحد يقول ليك
فلان ده ما جاني في كده عشان
كده أنا مابسلم عليهو ، يعني
بصراحة القصة الظاهر عليها
خربانة خربانة .

[المسافر]

هناك الكثير المثير الخطر فى مسألة المجاملات خاصة فى مناسبات الأتراح (البكيات) وكده ، سواء كانت للرجال أو النساء أما الصبايا على قول أهلنا اللبنانيين فهم لهم طقوس تحير وتجبرك على التعليق ، وبصراحة الموضوع عايز حوارات وندوات وتثقيف (اجتماعى وأحيانا صحى) خاصة للناس المجاملين بالمستشفيات وكده .
نحتاج لوقفة صادقة لنتدارس ايجابياتنا وسلبياتنا لننطلق لمفاهيم جديدة وممارسات رشيدة فى حياتنا اليومية .
لك التحية على الطرح الجاد للموضوع ومزيد من الرؤى والتناول.




تحياتي محمود
ملاحظة أخرى بأنه هناك فراغ فكري
مريع منتشر ، وكذلك إنتشرت حكاية
القطعية والشمارات والقوالات والفتن
لذلك فإن مكان المجاملات أصبح
مرتع لهذه الأمور ، وأعتقد بأن
التثقيف مفروض يشتمل على
مواضيع متعددة وللرجال والنساء
على السوا .

[المسافر]

انا صاحبي جا من السعودية اتخيل عمل حنتو في نادي
يحليل الحيشان وناس العروس عزموا حفلة في نادي

انت عارف انا مرة صرفت المرتب مشيت البيت اتصلو عليا قالو ليا جيب معاك خروف العيد اشتريتو ب 350 الف ودفعت في المناسبات قدرا طبعا دكترة ناس الكشف لو دفعت اقل من خمسين بعاينو ليك من تحت لفوق انا مرتبي 570
هشتك بشتك




الدكتور
يعني بكل الحسابات مجاملاتنا غير منطقية
وغير مدروسة ، فعلا شيء جميل المساهمة
والمشاركة بس بالطريقة دي إنت ضغطت على نفسك
وعلى أهل بيتك وهذا حسب الشرع حرام فالأولى نفسك
وكمان أكيد صديقك ده ما محتاج للحروف ده .
لك زي ما قلت كده ووووووووب وكده وووووبين .

[الدكتور]

بقت كدا اوووووببييييين وكدا كمان اووووببييييين

[همسات]

السلام عليكم اخي
العنوان جميل
والموضوع مهم
المجامله عاده سودانيه جميله
جدا ونحنا في بلد الغربه فاقدنها شديد والله
بس المامعقول انو المجامله تبقي شي تاني ويتغير فيها الاحساس
احساس المجامله
واحساس شوفوني
وده الاحساس البقي اهم من المجامله زاتو
انا بجيك اجاملك اقيف معاك في محنتك واخفف عنك
لكن هسه تعال شوف
والله راجلي السنه الفاتت لما جا من دبي جاب لي معاهو الطقم ده
والكلام ده في بيت البكاء اتخيل
والباقي تمو براااااكم