إبتئـــس أنت في نَــدمي ..

[محمد حسين (المميز)]

حقيقة العنـوان هو صحيح ليس بالخطـأ

بالأمس كانت ابتسم انت في مدني

واليوم حالها لايسر

فحـال ندمي يحزن الاعـداء

كان هنــاك مدينه تسمى مدني

تعرف بالجمال والنضاره

كانت وجهة كل عريس وكل سائح وكل رياضي يبحث عن ماهو جميل

حقيقه مارايته خلال اكثر من شهرين في مدني

عباره عن قرية قديمه مدمره دمار حرب

شوارع الكارو يخاف يمشي فيها

تراب كانك في الحواشه

مباني تكاد تنهار على اصحابها((خصوصا في قلب السوق))

كآبه وبؤس يملأ وجه ابن المدينه

الشاطر منهم من هجرها واستوطن الخرطوم

المشكله كلنا بنكابر وبنقول مدني الجميله

كما ردد اجدادنا في الامس منذ عشرات السنين

تعال شوف المطره لمن تجي بيحصل شنو

الحياة تكاد تتعطل

عاوز تمشي مشوار يبقى احسن تشوف مركب

مويات وطين في كل مكان

اسوأ الشوارع هي الرئيسيه المهمه في قلب السوق

اما باقي الاحياء فحدث ولا حرج

ترع وخيران وفيران

والباعوض والضبان حل محل الطيـر

الكلام يطوووووووووووووول والمأســـــــاة تطــــووووووووووووول



ابتئــس فأنت في نـدمي

[الجندي المجهول]

الحبيب تكعيب ،،،، صباح الخير

انت تقول الحقيقة دون تزييف ولكن اخاف ان يأتي (أحدهم) ويقول لك





أنظر الى النصف الملئ من الكوب










نفسي اشوف هذا الكوب حتى أري النصف .... المملوء دا زاتو ...

باختصار (1+1) = 2

مع خالص الود ،،،،

تخريمة : في شكل سؤال ..
ما هو الفرق بين التغيير والتخدير واستراحة المحارب

انا زاتي ما عارف !!!

[محمود (أبو وضاح)]

قالوا أدوها شوية صبر ، صبرنا حتى مل الصبر من نفاق السياسيين ، وانتظرنا تباشير زيارة الصين وما أدراك ما الصين نخاف أن تكون (مواسير) فقط .
لك الله يا مدنى ، صراحة نوينا على مفارقتها والرحيل عنها (قولوا آمين) كان بتحبونا !!!

[esmat]

المميز حمد لله على السلامة
رغم حزنك لمفارقتك المدينة الغالية
سعيدون بحضورك الينا بخير وصحة

اها..
لاشك أن كل مدن السودان وخاصة في هذه الفترة
تعاني بعض الضعف في الطرق والصحة ..الخ
فهذا حال استمر لسنين عددا وقد عانت مدني منه
كأحد المدن التي دفعت ضريبة ذلك .. ولكن
حال المدينة بالرغم من ما قلت احسن من غيرها
فهناك مشاريع جاري تنفيذها من طرق واستثمارات
وفتح مجالات للاستثمار في المدينة فقد سمعنا في هذه
الفترة انه قد تم رصف كثير من الطرق - وافتتحت
الكثير من اماكن الترفيه العائلي وحدث تطوير ولو طفيف
في مجال الصحة والمستشفيات والكثير من الاجراءات الحكومية
تتم في المدينة دون الرجوع للعاصمة فهذا فيه تسهيل كبير
لمواطن الولاية ومازال العام جاري ..
ولكن لا بد لمواطني هذه الولاية الذين تشتتوا في كافة البلاد
من أن يحرصوا على أن يتم اكمال ما ينفع اهلهم لا ان
يتحسروا على ما فات وان يوحدوا كلمتهم ويكونوا جمعاً
ومؤتمراً يتشاوروا في حال مدينتهم .. سنعود

[مدنيّة]

كل من مر بهذا البوست ومن يمر به
ياريت يسأل روحه قدم شنو لندمي
عشان ماتبقي ندمي
وترجع تبقي مدني !

--------------
في بوست للاخر عمر الماحي في منتدي جمعية منتديات ودمدني للاعمال الانسانية والثقافية
بيتكلم فيه عن حال الانعاش
ومتطلبات بسيطة جدا يفتقر لها الانعاش
طب كدي تعالوا نوقد شمعة بدل ما نلعن الظلام واحنا قاعدين في مكانا
مرتاحين ومرطبين وضاربين المكفيات وشاربين الموية الباردة
ومنتظرين غيرنا يعمل عشان ترجع ندمي لمدني

----------------
تعالوا نتكاتف مع بعض ونقدم اللي بنقدر عليه
اقلاها نكون راضين عن انفسنا
ونحس اننا قدمنا حاجة لزول محتاج
من غير ما يعرف احنا منو
ومن غير ما نعرف هو منو
واكيد ربنا سبحانه وتعالي ح يكتبها لينا وح نكسب بيها خيرين الدنيا والاخرة

------------
اها رايكم شنو يا اولاد ندمي ؟!
عشان نرجع ونقول احنا اولاد مدني

-------------
دا بوست عمر الماحي
عليكم الله شوفوا التكلفة دي بسيطة قدر شنو ؟!




اخوتي اعضاء منتديات أم المدائن ودمدني
بعد التحيه والتقدير
لقد لاحظت أثناء زيارتي لمستشفى ود مدني قسم الانعاش الذي يعتبر قسم طواري لحوادث الباطنيه
وفيه يقوم الطاقم الطبي بالاسعافات الاوليه لاستقرار حاله المريض الذي يأتي في حاله يرثى لها
لاحظت اخوتي عدم توفر ابسط مقومات الانعاش مثل النقالات والكراسي المتحركه والتي تساعد المواطنين
في تحريك مرضاهم من العربه الى داخل العياده ثم معمل التحاليل او قسم رسم القلب او الاشعه.
واذا نظرتم اخوتي منظر حمل المريض بطريقه (طب العصب) ستعرفون مدى اهميه النقاله والكرسي المتحرك
علما بان المريض في بعض الحالات ياتي ومعه فدا واحد من الاسره او الجيران او صديق.
لقد حز في نفسي هذا الوضع المحزن الذي دفعني للكتابه اليكم مناشدا أصحاب القلوب الرحيمه
وفاعلي الخير ان يقفواو وراء هذا العمل الانساني بتوفير بعض النقالات والكراسي المتحركه
لانعاش مستشفى ودمدني التي تقوم بانعاش مرضانا.
علما بان هنالك بعض الاسر في مدني يحتفظون بهذا النوع من الكرسي المتحرك كزكرى من المرحوم
او بعد شفاء مستعملها. فاتمنى ان يتم التبرع بها للانعاش لتكون صدقه جاريه انشاء الله.

اخوتي أحباء المنتدى بالداخل والخارج ارجو التفاعل مع هذا الموضوع الانساني
وفي ميزان حسناتكم انشاء الله.
تكلفه الكرسي المتحرك =من350جنيه الى 500جنيه
تكلفه النقاله بعجلات = 135 جنيه

فهل من مجيييييييب
دمتم

أضغط هنا للذهاب لبوست عمر الماحي (http://wadmadani.com/vb/showthread.php?36784-%C7%E1%C7%E4%DA%C7%D4-%ED%E4%C7%CF%ED%DF%E3-%ED%C7%E4%C7%D3-%E3%CF%E4%ED&p=528982#post528982)

[بت مارنجان]

ولكن لا بد لمواطني هذه الولاية الذين تشتتوا في كافة البلاد
من أن يحرصوا على أن يتم اكمال ما ينفع اهلهم لا ان
يتحسروا على ما فات وان يوحدوا كلمتهم ويكونوا جمعاً
ومؤتمراً يتشاوروا في حال مدينتهم ..


حمدلله عالسلامة محمد حسين
ومدني كتبت في بوست قبل سنتين "مدني انتهت"
وكتب عمر الماحي
وها أنت تكتب اليوم ...

كله كلام علي صفحات المنتدي
ماذا قدمنا نحن كأبناء لهذه الولاية !!!!
ارجو ان يترجم الكلام الي عمل يساعد هذه المدينة التي تحتضر ...
لا أن نظل "كالمصريين" الذين مازالو يبكون علي اطلال عبدالناصر
واهرامات الفراعنة ...

[سواااح]

كل من مر بهذا البوست ومن يمر به
ياريت يسأل روحه قدم شنو لندمي
عشان ماتبقي ندمي
وترجع تبقي مدني !

--------------
في بوست للاخر عمر الماحي في منتدي جمعية منتديات ودمدني للاعمال الانسانية والثقافية
بيتكلم فيه عن حال الانعاش
ومتطلبات بسيطة جدا يفتقر لها الانعاش
طب كدي تعالوا نوقد شمعة بدل ما نلعن الظلام واحنا قاعدين في مكانا
مرتاحين ومرطبين وضاربين المكفيات وشاربين الموية الباردة
ومنتظرين غيرنا يعمل عشان ترجع ندمي لمدني

----------------
تعالوا نتكاتف مع بعض ونقدم اللي بنقدر عليه
اقلاها نكون راضين عن انفسنا
ونحس اننا قدمنا حاجة لزول محتاج
من غير ما يعرف احنا منو
ومن غير ما نعرف هو منو
واكيد ربنا سبحانه وتعالي ح يكتبها لينا وح نكسب بيها خيرين الدنيا والاخرة

------------
اها رايكم شنو يا اولاد ندمي ؟!
عشان نرجع ونقول احنا اولاد مدني

-------------
دا بوست عمر الماحي
عليكم الله شوفوا التكلفة دي بسيطة قدر شنو ؟!





أضغط هنا للذهاب لبوست عمر الماحي (http://wadmadani.com/vb/showthread.php?36784-%C7%E1%C7%E4%DA%C7%D4-%ED%E4%C7%CF%ED%DF%E3-%ED%C7%E4%C7%D3-%E3%CF%E4%ED&p=528982#post528982)


اؤيد كلام مدنية في كل نواحيه
اعتقد ان الحكومة لها دور ولكنه سياخذ وقتا طويلا
ولكن اين دورنا نحن كابناء لمدني في ذلك ؟؟

[ahmed algam]

الاخ الغالي جدا

محمد حسين

حمد لله علي السلامة العودة

كلمك صحيح مية المية

بس لازم يكون في تحرك من ناحية اولاد ندمي

وزي ماقالت مدنية لازم نحنا اولاد ندمي نتحرك

حتي لو بي ابسط الاشياء

وان شاء الله ندمي حاترجع مدني





كلكم معانا عشان مدني تبقي مدني ....غير

[خالد الماحي]

كل من مر بهذا البوست ومن يمر به
ياريت يسأل روحه قدم شنو لندمي
عشان ماتبقي ندمي
وترجع تبقي مدني !

--------------
في بوست للاخر عمر الماحي في منتدي جمعية منتديات ودمدني للاعمال الانسانية والثقافية
بيتكلم فيه عن حال الانعاش
ومتطلبات بسيطة جدا يفتقر لها الانعاش
طب كدي تعالوا نوقد شمعة بدل ما نلعن الظلام واحنا قاعدين في مكانا
مرتاحين ومرطبين وضاربين المكفيات وشاربين الموية الباردة
ومنتظرين غيرنا يعمل عشان ترجع ندمي لمدني

----------------
تعالوا نتكاتف مع بعض ونقدم اللي بنقدر عليه
اقلاها نكون راضين عن انفسنا
ونحس اننا قدمنا حاجة لزول محتاج
من غير ما يعرف احنا منو
ومن غير ما نعرف هو منو
واكيد ربنا سبحانه وتعالي ح يكتبها لينا وح نكسب بيها خيرين الدنيا والاخرة

------------
اها رايكم شنو يا اولاد ندمي ؟!
عشان نرجع ونقول احنا اولاد مدني

-------------
دا بوست عمر الماحي
عليكم الله شوفوا التكلفة دي بسيطة قدر شنو ؟!





أضغط هنا للذهاب لبوست عمر الماحي (http://wadmadani.com/vb/showthread.php?36784-%C7%E1%C7%E4%DA%C7%D4-%ED%E4%C7%CF%ED%DF%E3-%ED%C7%E4%C7%D3-%E3%CF%E4%ED&p=528982#post528982)

سلامي وتحياتي وبالجد ما أظن في واحد من اولاد مدني يمر علي الكلام ده وما يقيف عليه وياريت المنتدي يكون عندو دور اكبر في تقديم الخدمات والمساعدات عن طريق التواصل بين الاعضاء في الداخل والخارج وياريت يتم وضع اليه ونحن جاهزين والله ونبشركم تم الان توفير عدد 4 كراسي معاقين موجوده طرفنا في انتظار ترحيلها لمدني الحبيبه

[الباشا السوداني]

[QUOTE=مدنيّة;529065][FONT="Courier New"][COLOR="red"]

--------------

طب كدي تعالوا نوقد شمعة بدل ما نلعن الظلام واحنا قاعدين في مكانا
مرتاحين ومرطبين وضاربين المكفيات وشاربين الموية الباردة
ومنتظرين غيرنا يعمل عشان ترجع ندمي لمدني




[SIZE="7"]يا ربي المرتاحين الضاربين الترطيبة كم ........... والعدمانيين الضاربم الفقر والمسغبة كم ديل اعملوا شنو غير الفرجة دة لو لقو وقت للفرجة من عنت الحياة ومجابهة البؤس المعشش في بيتوتم

دي سياسات دولة
ومسؤولية والي محاسب يوم القيامة على الرعية

[محمد حسين (المميز)]

الحبيب تكعيب ،،،، صباح الخير

انت تقول الحقيقة دون تزييف ولكن اخاف ان يأتي (أحدهم) ويقول لك





أنظر الى النصف الملئ من الكوب










نفسي اشوف هذا الكوب حتى أري النصف .... المملوء دا زاتو ...

باختصار (1+1) = 2

مع خالص الود ،،،،

تخريمة : في شكل سؤال ..
ما هو الفرق بين التغيير والتخدير واستراحة المحارب

انا زاتي ما عارف !!!



الحبيب ود ندمي

مأساتنـا كبيـــــــــــــــره زي مساحة بلدنا

يمكن البعض يقول نحن بنكتب وبس

لكن احيانا الكتابه هي اساس لما هو اكبر

اتمنى البوست ده يكون حجر اساس لعودة مدينـة كان اسمهـا


ودمـــدني؛؛

[محمد حسين (المميز)]

قالوا أدوها شوية صبر ، صبرنا حتى مل الصبر من نفاق السياسيين ، وانتظرنا تباشير زيارة الصين وما أدراك ما الصين نخاف أن تكون (مواسير) فقط .
لك الله يا مدنى ، صراحة نوينا على مفارقتها والرحيل عنها (قولوا آمين) كان بتحبونا !!!


ابووضـّــاح

اتمنى كما الجميع يتمنى ان تثمر هذه الزياره الى الصين الى تنفيـذ كل ما ذكر

من استثمارات وانشاءات وسفلته وتعمير ونهوض بالولايه

ولكن ليس كل المطالب بالتمني

ياما سمعنا وياما قالو اتعاقدنا واتفقنا

وحنسوي وحنعمل

وكله طلع فشوووووووووووش



ابووضاح
تحيـّــــاتي؛؛

[محمد حسين (المميز)]

المميز حمد لله على السلامة
رغم حزنك لمفارقتك المدينة الغالية
سعيدون بحضورك الينا بخير وصحة

اها..
لاشك أن كل مدن السودان وخاصة في هذه الفترة
تعاني بعض الضعف في الطرق والصحة ..الخ
فهذا حال استمر لسنين عددا وقد عانت مدني منه
كأحد المدن التي دفعت ضريبة ذلك .. ولكن
حال المدينة بالرغم من ما قلت احسن من غيرها
فهناك مشاريع جاري تنفيذها من طرق واستثمارات
وفتح مجالات للاستثمار في المدينة فقد سمعنا في هذه
الفترة انه قد تم رصف كثير من الطرق - وافتتحت
الكثير من اماكن الترفيه العائلي وحدث تطوير ولو طفيف
في مجال الصحة والمستشفيات والكثير من الاجراءات الحكومية
تتم في المدينة دون الرجوع للعاصمة فهذا فيه تسهيل كبير
لمواطن الولاية ومازال العام جاري ..
ولكن لا بد لمواطني هذه الولاية الذين تشتتوا في كافة البلاد
من أن يحرصوا على أن يتم اكمال ما ينفع اهلهم لا ان
يتحسروا على ما فات وان يوحدوا كلمتهم ويكونوا جمعاً
ومؤتمراً يتشاوروا في حال مدينتهم .. سنعود


تسلم من كل شر يا عصمت

وشوقنا بحر وحاتك


بالنسبه لكلامك انه تم انشاء بعض الطرق ورصف اخرى وافتتاح بعض الاماكن الترفيهيه

ده يعتبر تقدم بنسبة جزء من مليــــــــــــــــــــــار في الميه

لانه الولايه تحتــــــــاج الى بناء من اول وجديد

المدينه ياسيدي لا يمكن مقارنتها حتى بالقرى

كل الخدمات رديئه

مويه - كهرباء - صحه -الخ....




تخريمه:- بطلت غسيل العده ولا لسه؟؟:p
عاوزين نتلاقى ياخ مشتاقين..:D

[محمد حسين (المميز)]

كل من مر بهذا البوست ومن يمر به
ياريت يسأل روحه قدم شنو لندمي
عشان ماتبقي ندمي
وترجع تبقي مدني !



انا اقول ليك عن نفسي قدمت شنو لنـدمي

انا جملت منظر بيتي انا نورت قدام شارع بيتي باضاءه تكاد تنور نصف الشارع

المظلم

انا سعيت بان انير شارع بيتنا من مالي الخاص باحضار لمبات للاعمده

ومشيت وطلعت ونزلت وبررررررررررضو ما نوروها

انا ردمت الحفر اللي في الشارع المؤدي الى بيتنا


وده كلللللللله مابيظهر لانه مابيفيد ولا بيكفي لانه دي امكانيات كل فرد الخاصه

الوضع عاوز قوة جباره

عاوز قروش حقت بترول

مادعم بتاع نفر ولا نفرين

ماتقولي لي انا ولا انت ولا المغتربين كلهم حنقدر نبني مدينتنا

حتى لو دفعنا ما دفعنا

نحن نقدر نساعد مريض نجيب نقالات زي ماذكر ودالماحي

لكن مابنقدر نرصف الشوارع ولا نسفلتها

ولا حنشيد المراكز التجاريه ولا حنقدر نرخص اسعار المواد الاستهلاكيه

ولا حنقدر نرخص سعر البنزين ولا الديزل

ولا حنقدر ننزل سعر الجمارك

ولا حنقدر نخفض العلاج

ولا حنقدر ننضف الشوارع من التراب والاوساخ


عرفت صعب انا وانت وغيرنا ننهض بمـدني ليــه؟؟



آسف لو كلامي محبــط لكن دي الحقيقه المـرّه..



--------------[quote=مدنيّة;529065]
في بوست للاخر عمر الماحي في منتدي جمعية منتديات ودمدني للاعمال الانسانية والثقافية
بيتكلم فيه عن حال الانعاش
ومتطلبات بسيطة جدا يفتقر لها الانعاش
طب كدي تعالوا نوقد شمعة بدل ما نلعن الظلام واحنا قاعدين في مكانا
مرتاحين ومرطبين وضاربين المكفيات وشاربين الموية الباردة
ومنتظرين غيرنا يعمل عشان ترجع ندمي لمدني

----------------
تعالوا نتكاتف مع بعض ونقدم اللي بنقدر عليه
اقلاها نكون راضين عن انفسنا
ونحس اننا قدمنا حاجة لزول محتاج
من غير ما يعرف احنا منو
ومن غير ما نعرف هو منو
واكيد ربنا سبحانه وتعالي ح يكتبها لينا وح نكسب بيها خيرين الدنيا والاخرة

------------
اها رايكم شنو يا اولاد ندمي ؟!
عشان نرجع ونقول احنا اولاد مدني

-------------
دا بوست عمر الماحي
عليكم الله شوفوا التكلفة دي بسيطة قدر شنو ؟!




تعرفي يا مدنيه الزول بيقدم من غير مايقول عشان الاجر

وانا الحمدلله مامقصر نهائيا في الحته دي

يعني ما ضارب الكندشه وبكتب

وبررررضو حأدعم باذن الله

لكن برررررررضو المشكله قائمه

يعني ممكن نحل مشكلة عشره عشرين اومية نفر بحكاية النقاله والكرسي

لكن في ملايين ينتظرو الفرج



أضغط هنا للذهاب لبوست عمر الماحي (http://wadmadani.com/vb/showthread.php?36784-%c7%e1%c7%e4%da%c7%d4-%ed%e4%c7%cf%ed%df%e3-%ed%c7%e4%c7%d3-%e3%cf%e4%ed&p=528982#post528982)


---------------
-------------------



مدنيــّـــــــــــه تحيـــاتي وشكراا على المداخله القيـّــمــــــــه;)

[محمد حسين (المميز)]

حمدلله عالسلامة محمد حسين
ومدني كتبت في بوست قبل سنتين "مدني انتهت"
وكتب عمر الماحي
وها أنت تكتب اليوم ...

كله كلام علي صفحات المنتدي
ماذا قدمنا نحن كأبناء لهذه الولاية !!!!
ارجو ان يترجم الكلام الي عمل يساعد هذه المدينة التي تحتضر ...
لا أن نظل "كالمصريين" الذين مازالو يبكون علي اطلال عبدالناصر
واهرامات الفراعنة ...



مارنجــــــــــو ازيك
انت مفروض تغيري لبت الخرطوم:p


بالنسبه مانكتبه على صفحات المنتدى هو اضعف سلاح في يدنا الان

انت بتقولي عاوزه نترجم الكلام الى عمل يساعد المدينه

طيب تفتكري لو دفعنا انا وانت وغيرنا على قدر مانستطيع

نقدر نسفلت كيلو واحد من شوارع مدني

نقدر نحارب الباعوض والذباب اللي حل محل الطير في المدينه

نقدر نبني مستشفى كامل متكامل بمواصفات تلبي حاجة المجتمع


بعدين سؤال

ناس الخرطوم ديل ناس ونحن اكياس جوافه ولا شنو؟؟:confused:

عمرو ليهم وبنو ليهم ونضفو ليهم من غير مايقولو بغم



مارنجــــــو
تحيــــــــاتي؛؛

[محمد حسين (المميز)]

اؤيد كلام مدنية في كل نواحيه
اعتقد ان الحكومة لها دور ولكنه سياخذ وقتا طويلا
ولكن اين دورنا نحن كابناء لمدني في ذلك ؟؟


سوااااااااح
ازيك ياراقي

ياسيدي الحكومه ليس لها دور بل لها واااااااجب

فما عند الحكومه هو حقنــا

ويجب ان ننتفع منه

ولو نسينا الحكومه وقلنا نعمل برانا يبقى كل سنه وانتم طيبين

لانه فعلا الحكومه حتطنــش مرررررره وحده

[محمد حسين (المميز)]

الاخ الغالي جدا

محمد حسين

حمد لله علي السلامة العودة

كلمك صحيح مية المية

بس لازم يكون في تحرك من ناحية اولاد ندمي

وزي ماقالت مدنية لازم نحنا اولاد ندمي نتحرك

حتي لو بي ابسط الاشياء

وان شاء الله ندمي حاترجع مدني





كلكم معانا عشان مدني تبقي مدني ....غير



يابوحميـــــد

كلامك جميــل ومحسـوس

لازم نبقى يد واحده لكن لازم الحكومه تكون معانا

ياجمـاعه المتطلبات

كثيــــــــــــره

وكبيـــــــــــره


وربنا يسهـل

[محمد حسين (المميز)]

سلامي وتحياتي وبالجد ما أظن في واحد من اولاد مدني يمر علي الكلام ده وما يقيف عليه وياريت المنتدي يكون عندو دور اكبر في تقديم الخدمات والمساعدات عن طريق التواصل بين الاعضاء في الداخل والخارج وياريت يتم وضع اليه ونحن جاهزين والله ونبشركم تم الان توفير عدد 4 كراسي معاقين موجوده طرفنا في انتظار ترحيلها لمدني الحبيبه



اخونا خالد الماحي

لك التحيه

والشكر على هذه الكلمات والوقفه مع مدني

انا معاك من اجل التواصل والتكاتف من اجل انقاذ ما يمكن انقاذه

واتمنى ان ترى وتسمع حكومتنا ما يفعله ابناء هذه المدينه تجاهها

يمكن يحرك فيهم شعره

[محمد حسين (المميز)]

[quote=مدنيّة;529065][font="courier new"][color="red"]

--------------



دي سياسات دولة
ومسؤولية والي محاسب يوم القيامة على الرعية[/center]


يابـــــــــــاشـــــا

انت جبت المفيـــــد

اتمنى ان يعرف الوالي هذه الكلمـات

[معتز الريح]

حمدلله على سلامة العودة ..
------------------
وما حب الديار شغفن قلبي ..
ولكن حب من سكن الديار ..
ومدني هي مدني .. ولن تصبح يوماً ندمي ..
شفت ناسها كيف؟؟ شفت اهلها كيف؟؟ ..
ودوما شأنها مرفوع بساكنيها ..
وليس بعمارها .. الذي نتمنى أن يكون بروعة اهلها ..
---------------------------------
في ذمتك ناس مدني ما حلوين وطيبين ؟؟

[محمد حسين (المميز)]

حمدلله على سلامة العودة ..
------------------
وما حب الديار شغفن قلبي ..
ولكن حب من سكن الديار ..
ومدني هي مدني .. ولن تصبح يوماً ندمي ..
شفت ناسها كيف؟؟ شفت اهلها كيف؟؟ ..
ودوما شأنها مرفوع بساكنيها ..
وليس بعمارها .. الذي نتمنى أن يكون بروعة اهلها ..
---------------------------------
في ذمتك ناس مدني ما حلوين وطيبين ؟؟



تسلم ياعوزه ياخ من كل شر

تعرف كلامك ده خلاني اتبسـّــم براااااااااي بحنيـّــه:o

فعــلا مدني فيها ناس يختلفو عن باق المدن


لكن تعرف حال مدني وناسها

كأنمــــا هي

انســان جميـل الروح وسيم الوجـه طويل القـامه جميل الشعر

لكن ظروفه سيئه وهدومه مشرطه ووسخانه وشعره منكوش

لو اتوفرت ليه الظروف المناسبـه حيبقى ماليهــو مثيـل ولا شبيــه



ودالريح نتـلاقى عن قريب ؛؛

[الجندي المجهول]

حمدلله على سلامة العودة ..
------------------
وما حب الديار شغفن قلبي ..
ولكن حب من سكن الديار .. ؟؟

ماكان مرقتها في امدرمان ,,,, يا معتز كبير

[بت مارنجان]

مارنجــــــــــو ازيك
انت مفروض تغيري لبت الخرطوم:p


بالنسبه مانكتبه على صفحات المنتدى هو اضعف سلاح في يدنا الان

انت بتقولي عاوزه نترجم الكلام الى عمل يساعد المدينه

طيب تفتكري لو دفعنا انا وانت وغيرنا على قدر مانستطيع

نقدر نسفلت كيلو واحد من شوارع مدني

نقدر نحارب الباعوض والذباب اللي حل محل الطير في المدينه

نقدر نبني مستشفى كامل متكامل بمواصفات تلبي حاجة المجتمع


بعدين سؤال

ناس الخرطوم ديل ناس ونحن اكياس جوافه ولا شنو؟؟:confused:

عمرو ليهم وبنو ليهم ونضفو ليهم من غير مايقولو بغم



مارنجــــــو
تحيــــــــاتي؛؛

لما انت تساهم وانا اساهم ويجي غيرنا وغيرنا ووووو
هسي مدني دي كوووووووولها مامغتربين سواء محلييين "داخل السودان"
او خارجها ...
كل شخص يبدأ ولو انتظرنا والي او حكومة ياها الاحتضرت صحي صحي

يغيرو اسمي لي لي بت الخرتوم :mad::mad:

وبعدين نحن ساكنين محل الرئيس بنوم والطيارة بتقوم لازم يجيهونا :o:o

[بنت الرفاعي]

يا ربي الحكومة دورها شنو؟؟!!
والضرائب والدمغات وتعب المُغتربين و.......و..........إلخ!!
(في الوقت الراهن ما في طريقة نقول البترول!:()
بتمشي وين أو بتعود لي منو؟؟!!

[صابرحسين]

يا ربي الحكومة دورها شنو؟؟!!
والضرائب والدمغات وتعب المُغتربين و.......و..........إلخ!!
(في الوقت الراهن ما في طريقة نقول البترول!:()
بتمشي وين أو بتعود لي منو؟؟!!

يعملو شنو يا نجمتنا الناس ديل مساكين وصرفهم عالي جداً والأسعار نار يعني المسئول يغير العربية ولا يصلح الشارع ولا يوقف العمل في البناء لخاطر صيانة المستشفى لو ما الضرائب والدمغات وإيرادات المغتربين والبترول الناس الهباشين ديل كان ساروا على جماجمنا ليحققوا أهدافهم العليافي تدمير هذه المدينة التي نحبها ونعشقها...
والتحية لك أخي المميز لفتح هذا البوست وكل عام وأنتم بخير .....

[محمد حسين (المميز)]

يا ربي الحكومة دورها شنو؟؟!!
والضرائب والدمغات وتعب المُغتربين و.......و..........إلخ!!
(في الوقت الراهن ما في طريقة نقول البترول!:()
بتمشي وين أو بتعود لي منو؟؟!!



هـــــــــــــــل من مجيــــــــب
:confused::confused::confused:

[محمد حسين (المميز)]

يعملو شنو يا نجمتنا الناس ديل مساكين وصرفهم عالي جداً والأسعار نار يعني المسئول يغير العربية ولا يصلح الشارع ولا يوقف العمل في البناء لخاطر صيانة المستشفى لو ما الضرائب والدمغات وإيرادات المغتربين والبترول الناس الهباشين ديل كان ساروا على جماجمنا ليحققوا أهدافهم العليافي تدمير هذه المدينة التي نحبها ونعشقها...
والتحية لك أخي المميز لفتح هذا البوست وكل عام وأنتم بخير .....



ولك مني الف تحيه اخي صابر على المشاركه

[خالد الماحي]

اخونا خالد الماحي

لك التحيه

والشكر على هذه الكلمات والوقفه مع مدني

انا معاك من اجل التواصل والتكاتف من اجل انقاذ ما يمكن انقاذه

واتمنى ان ترى وتسمع حكومتنا ما يفعله ابناء هذه المدينه تجاهها

يمكن يحرك فيهم شعره
الاخ المميز لا شكر علي واجب وربنا يعيين الجميع ويقدرنا والحمد لله تم الاتصال علي من بعض الاخوان ولديهم الرغبة في المساهمة وجاري التركيز علي موضوع الكراسي المتحركة والنقالات وانشالله قريبا جدا تتحرك الدفعة الاولي وعبركم الشكر موصول لكل من الجندي المجهول والاخ بدرالدين الطائف والاخ عبدالله عراقي والاخ محب والاخ مساعد والاستاذه مدنيه

[ABUZAID]

يا شباب

الظاهر الحق ما بيجي الا . . .

زي ما قال اخونا داك . . .

نبقى زي ناس الشرق . . .

ونرسل رسالة شديدة اللهجة . . .

الى المشير البشير واخرون

عشان يحصل الاهتمام بالمدينة . . .

وتبقى مدني زي بورتسودان

وفيهم من يخالف مثل هذا الرأى . . .
مدعيا الوطنية

حليل وطن الجدود
وشاى الغزالتين


والبحير اكتر . . .

الكهرباء قاطعة طول اليوم
مع بشريات قبل كذا شهر بسد مروي
السد السد

تحياااااااااتي

[محمد حسين (المميز)]

يا شباب

الظاهر الحق ما بيجي الا . . .

زي ما قال اخونا داك . . .

نبقى زي ناس الشرق . . .

ونرسل رسالة شديدة اللهجة . . .

الى المشير البشير واخرون

عشان يحصل الاهتمام بالمدينة . . .

وتبقى مدني زي بورتسودان

وفيهم من يخالف مثل هذا الرأى . . .
مدعيا الوطنية

حليل وطن الجدود
وشاى الغزالتين


والبحير اكتر . . .

الكهرباء قاطعة طول اليوم
مع بشريات قبل كذا شهر بسد مروي
السد السد

تحياااااااااتي




الحبيب

كلام موزووووووون

لكن من القـائل;)

[بت أم درمان]

الزول دا كل ما يمشي البلد اجازة
يجي يعمل لينا بوست بالشكل دا
تقول الناس ناقصة احباط

يعني انت يا المميز خلال سنة متخيل ان الوضع ح يتحسن
يعني ما بين الاجازة والتانية مثلا
دا السودااااان

[محمد حسين (المميز)]

الزول دا كل ما يمشي البلد اجازة
يجي يعمل لينا بوست بالشكل دا
تقول الناس ناقصة احباط

يعني انت يا المميز خلال سنة متخيل ان الوضع ح يتحسن
يعني ما بين الاجازة والتانية مثلا
دا السودااااان


بت ام در

والله مشتاقين

ياخ ما احباط ولا شي
ومعليش لو اثرت على مشاعرك وسببت ليك الاحباط

لكن لازم نتكلم ونقول عسى ان يقرا ويسمع صوتنا من له قلب يخاف الله

كل مره بشوف مآسي جديده في مدني الحبيبه

عشان كده بجي بحكيها عشان نشوف الحل شنو

عشان المسؤولين يتحركو

ماتفتكري انهم ما بيقرو كلامنا ولا بيسمعو

بالعكس بيقرو وبيشوفو واكيد بعض من كلامنا حيجيب نتيجه في يوم من الايام



بت ام در
تحيـــــــــاتي ؛؛

[ABUZAID]

الحبيب

كلام موزووووووون

لكن من القـائل;)



لكن من القـائل


خلينا نقول . . .
صرح مسئول كبير . . .
( طلب عدم ذكر اسمه )

خلي الراجل يتهنى باجازته يا حبيب
ويجي بالسلامة

[ضياء الدين احمد]

والله البزعل مش حال مدني بس حال انسان مدني زمان والله بتلقي الناس وشباب مدني اولاد نايريين ومفرهدين يعني تحس بالنشاط والحيوية فيهم لكن هسع زي ماقال ود خالتنا شباب مدني كلهم شيب وصلع ووجوه شاحبه وكئيبه وفعلا والله لقينا ناس غبنا عنهم سنين بسيطه لكن الواحد لو ما اتكلم معاك امكن ماتعرفو ياحليل زمان نلقاهم في الاستاد بالعصر او مركز الشباب وبالمساء تلقاهم في نادي الجزيره او في مناسابات خاصة يعني شخص واحد ممكن تصادفو في يوم واحد اربعه مرات في اماكن واوقات مختلفه واكون هو من حي مايو مثلا وانت من بانت اه ثم اه يامدني والله ادي العافيه بس يامحمد حسن

[بنت الرفاعي]

بالعكس بيقرو وبيشوفو واكيد بعض من كلامنا حيجيب نتيجه في يوم من الايام



اللهم آمين.:)

[مايسة]

تصدق انا بتاعت مشاااكل :rolleyes:

عايزة اقول
ليه بس كدا بس كدا بس

ليه ما يشاكلووووك زي ما شاااكلونا بهناااااك احنا - :(

ولا في خياااار وفقوووووس :cool:

ما نفس المكتوب هنا اتكتب هنااااك كمان قبليهو - :p


غايتو جنس غايتو (سلفة يا مدنية لحد بعدين بث)

[عمرالماحي]

الاخ المميز لا شكر علي واجب وربنا يعيين الجميع ويقدرنا والحمد لله تم الاتصال علي من بعض الاخوان ولديهم الرغبة في المساهمة وجاري التركيز علي موضوع الكراسي المتحركة والنقالات وانشالله قريبا جدا تتحرك الدفعة الاولي وعبركم الشكر موصول لكل من الجندي المجهول والاخ بدرالدين الطائف والاخ عبدالله عراقي والاخ محب والاخ مساعد والاستاذه مدنيه
اخي خالد الماحي
لك التحيه للاخوه الذين معك
ونشكر مجهوداتكم بخصوص موضوع الانعاش
وستجدوننا رهن اشارتكم لتكملت هذا المشروع بنجاح
جعله الله في ميزان حسناتكم
تخريمه(بالمناسبه اخويي الاكبر اسمو خالد الماحي)

[محمد حسين (المميز)]

تصدق انا بتاعت مشاااكل :rolleyes:

عايزة اقول
ليه بس كدا بس كدا بس

ليه ما يشاكلووووك زي ما شاااكلونا بهناااااك احنا - :(

ولا في خياااار وفقوووووس :cool:

ما نفس المكتوب هنا اتكتب هنااااك كمان قبليهو - :p


غايتو جنس غايتو (سلفة يا مدنية لحد بعدين بث)



يا اخت

البص ده ماشي مايو طرف ما ماشي الدباغه

هاك ياخ انزلي:p

[محمد حسين (المميز)]

والله البزعل مش حال مدني بس حال انسان مدني زمان والله بتلقي الناس وشباب مدني اولاد نايريين ومفرهدين يعني تحس بالنشاط والحيوية فيهم لكن هسع زي ماقال ود خالتنا شباب مدني كلهم شيب وصلع ووجوه شاحبه وكئيبه وفعلا والله لقينا ناس غبنا عنهم سنين بسيطه لكن الواحد لو ما اتكلم معاك امكن ماتعرفو ياحليل زمان نلقاهم في الاستاد بالعصر او مركز الشباب وبالمساء تلقاهم في نادي الجزيره او في مناسابات خاصة يعني شخص واحد ممكن تصادفو في يوم واحد اربعه مرات في اماكن واوقات مختلفه واكون هو من حي مايو مثلا وانت من بانت اه ثم اه يامدني والله ادي العافيه بس يامحمد حسن



ضياءالدين

اللـه في

وحيجي اليوم اللي ترجع مدني وناسها زي زمان

[محمد حسين (المميز)]

1/10/2010
كادت أن تنتهي سفلتت شارع مظلة خالدة و أعتقد أنهم يعدون لسفلتت شوارع جديدة في المدينة ... هل تمهيد الشوارع الداخلية للسوق بداية لسفلتت السوق ...




:rolleyes::rolleyes::rolleyes:

هذا الاقتبــاس من البوست الرائــع ودمدني هذا الصبــاح للأستــاذ الأروع خـالد الصــول

الذي عهدناهو ديمه مهموم بأمر ودمدني ومواطنها







في اعتقـادي خطـــــــوه جميلــــه جدا جدا

نتمنى ان تكتمل

ويبقى ده بداية الانطــلاق لاصـلاح ما افسـده الدهر والمسـؤوليـن
بالمدينــــــــــــــــة

[خالد الماحي]

اخي خالد الماحي
لك التحيه للاخوه الذين معك
ونشكر مجهوداتكم بخصوص موضوع الانعاش
وستجدوننا رهن اشارتكم لتكملت هذا المشروع بنجاح
جعله الله في ميزان حسناتكم
تخريمه(بالمناسبه اخويي الاكبر اسمو خالد الماحي)
الاخ عمر الماحي تحياتي واذا في جهد اكيد منسوب ليكم ولي طرحكم للموضوع وربنا يوفق الجميع
وتخريمتك حلوه ،،، وكلنا اخوانا بس ماتحكها

[ABUZAID]

كنت من اول المعارضين لتسمية البوست
خصوصا كلمة ( ندمي )

ولكن . . .
وحزنا على مدينتي
واسفا على ما الت اليه احوالها
وبكاء على اطلال الماضي القريب


اتمني ان لا تكون الدموع هى عزاء الرجال الاخير
واشفاقا على مستقبل قاتم


فهل نأمل في انتفاضة المدينة ! ! !

وهل نتوقع انفصال للجنوب . . .
بعد انفصال الجنوب ! ! !

[ابو لوزة]

كنت من اول المعارضين لتسمية البوست
خصوصا كلمة ( ندمي )

ولكن . . .
وحزنا على مدينتي
واسفا على ما الت اليه احوالها
وبكاء على اطلال الماضي القريب


اتمني ان لا تكون الدموع هى عزاء الرجال الاخير
واشفاقا على مستقبل قاتم


فهل نأمل في انتفاضة المدينة ! ! !

وهل نتوقع انفصال للجنوب . . .
بعد انفصال الجنوب ! ! !



والله يا ابو زيد يا اخوي اي واحد يجي من بلدنا ديك
يجي بطنو طامة وخاصة لو سافر الي البندر
ومدني اصبحت عبارة عن قرية كبيرة
ربنا يستر علينا

[الزبير محمد عبدالفضيل]

حمدلله علي سلامة الوصول اخي محمد وفعلاأنت فتحت صفحه هي هي تهم جميع مواطني ودمدني والجزيره والمسؤوليه الاولي حكومة الولايه والثانيه علي
أبناء ندمي وبتفاعلهم سوف ترجع مدني الجميله باذن الله وكلام الاخت مدنيه عين العقل ونتمني التعاون من الجميع

[محمد حسين (المميز)]

كنت من اول المعارضين لتسمية البوست
خصوصا كلمة ( ندمي )

ولكن . . .
وحزنا على مدينتي
واسفا على ما الت اليه احوالها
وبكاء على اطلال الماضي القريب


اتمني ان لا تكون الدموع هى عزاء الرجال الاخير
واشفاقا على مستقبل قاتم


فهل نأمل في انتفاضة المدينة ! ! !

وهل نتوقع انفصال للجنوب . . .
بعد انفصال الجنوب ! ! !



صديقي الرائع ابوزيـد

أتمنـى أن تسـرد لنـا ماعشتـه ورأيته خلال الفترتين التي قضيتهـا في الاجازه

التي امتـدت لأكثـر من شهـر

الفترتين التي بالتأكيـد عشت فيهم بين فصلين او دولتيـن او قارتين

او عالميـن

بين عالم مدينتنا البائسـه الهـزيلـه

وبين عالم مايسمـى بالخـرطـوم وما رأيته وعشتـه في هذه الفتره

[محمد حسين (المميز)]

حمدلله علي سلامة الوصول اخي محمد وفعلاأنت فتحت صفحه هي هي تهم جميع مواطني ودمدني والجزيره والمسؤوليه الاولي حكومة الولايه والثانيه علي
أبناء ندمي وبتفاعلهم سوف ترجع مدني الجميله باذن الله وكلام الاخت مدنيه عين العقل ونتمني التعاون من الجميع



الأستـاذ الزبير

أتمنـى أن تشـاركنـا برأيك في مايجري بمدني وكيفية الخروج من ما آل اليه حال المدينه ومواطنها

وكذلك اتمنى ان تشاركنا في توصيل مايسمو اليه هذا البوست

في توضيح اننا لا نريد سوى رفعة مدينتنا وليس تشويه صورتها

كما يعتقد البعـض ..

[علي النعيم محمد نور]

مميزنا الحبيب . . . رد الله غربتك.
اليوم يمكن أن تقول أبتسم أنت في ودمدني. . . وأنا أشاهد إكمال السفلته للشوارع الداخلية للمدينة وتري عن كثب الأليات مرابطة بشوارع دردق ومايو طرف . . . ووضع العلامات المضئة علي شارع مايو (مظلةخالدة)والشارع الجديد العرضي (الزمالك أركويت)وكذلك الفواصل البيضاء بين المسارين.
أبتسم وأنت تستعد لإجازتك القادمة.

[nehroo]

طموحنا لعودة ودمدني كما كانت ..
إن تم حصره في شارع ظلط
تصبح مشكلة
ونحن نشاهد كل البنيات منهاره فيها
كم هم العطالة في المدينة
من مشردين وشباب خريجين لا يجدون عملاً
يفترشون ظلال الجدران في حلقات الونسة
مدينة أصبح جل شبابها تائهون
ومن يفوز بوظيفة جيدة يصبح سائق ركشة
مصانعها كلها متعطة
ولا نريد أن نتحدث عن العلاااااج
هل سمعتم عن دعم حكومي أسعدكم لمستشفى مدني؟
صحة بيئة منتهية و ..... و .......

شارع الظلط مهم
ولكنه نقطة في بحر من الطلبات لترجع مدني

[الجندي المجهول]

فوووووووووووووق