المساعد الشخصي الرقمي

مشاهدة النسخة كاملة : ذكاء الرئيس الامريكي بوش


aborawan
07-01-2005, 01:42 AM
السلام عليكم و رحمة الله و بركاته

اليكم هذه الحادثة التي ستعجب عندما تقرأها بذكاء بوش المتوقد ...

أراد بوش ان يعرف سر طول جلوس الملكه اليزابيث على عرش بريطانيا . فذهب بوش لزيارة الملكة اليزابيث و سألها :

شنو السر ورا كونك ملكة بريطانيا كل المدة دي ..؟؟

قالت ليه : لأني دايما بختار ناس أذكياء يشتغلو معاي .... ودقيقة اوريك الدليل !

قامت الملكة طوالي اتصلت علي توني بلير: توني, عايزه اسألك سؤال :

ود ابوك وامك بس ما اخوك ولا اختك ؟؟؟؟ من يكون ؟؟

قال بلير بثقه:

Its me !!

عجبت الفكرة المعلم ده ( بوش ) وقال يجربا مع ناس ادارته

اتصل بوش بديك تشيني ( نائب الرئيس ) ..

بوش قال ليه : يا ديك ( والله يا ديك دي حلوه صح :) ) أنا عندي سؤال

رد ليه وقال : اسأل سيدي الرئيس ..

اها بوش قال ليه : ود ابوك وامك بس ما اخوك ولا اختك ؟؟؟؟ من يكون ؟؟

احتار تشيني و ما عرف الإجابه !

وقال بتردد و ارتباك: سيدي الرئيس, ممكن تديني فرصه افكر في الإجابه !

قال بوش : OK

ذهب تشيني واجتمع بأعضاء الكونجرس وسألهم السؤال .

لكن ما لقى ولا زول عارف الاجابه ..!

واحد قاعد نص الجماعه والظاهر عليه تفتيحة شديد قال ليهم : نسأل كولن باول يمكن بعرف الإجابه ..

اتصلوا بكولن باول و سألوه : مستر باول, ود ابوك وامك بس ما اخوك ولا اختك ؟؟؟؟ من يكون ؟؟

قال باول بكل بساطه : Its me !!

طبعا الديك هنا اتكيف شديد وجرا جري على بوش وهو فرحان عشان عرف الاجابه

سيدي الرئيس, أنا عرفت الإجابه على سؤالك ...

الجواب هو كولن باول ..!!! ( والله فعلاً ديك

بوش قطع في المعلم ده كف كاااااارب ونهرو قائلا : يا غبي, خطأ ...

الجواب هو توني بلير ( طيب كان داك ديك ده يكون!!!!!!!! ) :D :D ):D
http://www.latef.net/Picture/files/eman-1105096121.jpg
الموضوع منقول علي شوية اضافات وتعديل في اللهجة النازل بيها الموضوع حبي واحترامي ليكم
marwa
07-01-2005, 12:01 PM
طيب كان داك ديك ده يكون!!!!!!!!
ههههههههههههههههههههه
ضياء الدين احمد
07-01-2005, 12:54 PM
والله يا ابو روان اكون جداده مغمضه
aborawan
07-01-2005, 09:42 PM
:D:D


مشكورين يا حلوين على المرور
أبوريلان
08-01-2005, 07:43 AM
وغباء بوش كيف يا أبو روان
LighT^RosE
08-01-2005, 08:09 AM
looooooooolz 7elwa ya m7med laken ya yaser alsora de ma wg3t glbi wlalahi:(
waheeb
08-01-2005, 08:49 AM
والله الرئيس طلع تفتيحه...



وبرضو تقولوا القبه تحتا فكي......
aborawan
08-01-2005, 09:19 AM
حبايبي الحلوين اهلاً جوني :):)

مشكورين حبايب قلبي على مروركم وتعليقاتكم
دمتم لي ولا عدمتكم
أبوبكرحامد
17-01-2005, 05:10 AM
شكراً أبوروان .......................

يحكى أن الرئيس بوش كان على متن طائرة أوشكت على السقوط وقام الطاقم بتوزيع سترة نجاة لكل راكب وتبقت سترتين فقط بينما بقى داخل الطائرة بوش ورجل كهل وطفل صغير ، وقد أصر الرئيس بوش على أخذ إحدى السترتين فماكان من الرجل الكهل إلا أن تنازل عن السترة للطفل بإعتبار أن المستقبل مازال أمامه ليحيا ، غير أن الطفل رفض إخذ السترة وأخرج سترةً أخرى ، وهنا اندهش الرجل ، فأخبره الطفل أنه احتفظ بسترته وأن الرئيس بوش أخذ شنطة الظهر " Back Bag " ظناً منه أنها سترة النجاة .

ود الماذون
خطاب العبيد
17-01-2005, 05:48 AM
ياأبوروان

واحد قالو فى الكنقو جاب سير ة بوش جوهو ناب ال ( FBI )

أعمل حسابك ...


الزو ل الشين
aborawan
17-01-2005, 09:46 AM
والله يا ابوبكر انعل ابو دي خوفه ياخي :):)


حبيبي خطاب مالك علي عليك الله يعني الواحد تاني ما ينوم ويقعد يدسدس عشان ما يعكشوهو :D:D كل شئ ولا الـFBI
waheeb
17-01-2005, 08:59 PM
والله الرئيس الامريكي ذكي بشكل ... دا ابو المفهوميه يا قدع...
aborawan
17-01-2005, 10:02 PM
مشكور يا وهبة على المرور
tota
17-01-2005, 10:45 PM
قالو بوش راكب الطائرة وبصحبته القرد الخاص بتاعو ،، المضيفة سألت الحيوان ده تبع منو؟ رد القرد بسرعة تبعي انا ده
أبوبكرحامد
17-01-2005, 11:50 PM
حلوة منك ياتوتة ..................

مزيداً من الإبداع.

مع مودتى

ود الماذون
حلوه واموره
18-01-2005, 09:14 PM
كاتب الرسالة الأصلية marwa
طيب كان داك ديك ده يكون!!!!!!!!
ههههههههههههههههههههه
aborawan
18-01-2005, 10:00 PM
مشكور يا حلوين على التعليق وعلى المرور ودمتم اخواناً
madaniboy
20-01-2005, 03:56 AM
هههههههههههههههههههه