دا المخوفنا زاااااتو

[ابو الامجاد]

والله يا عالم حاجات تحير راسنا ده طرشق عديل من التفكر ده عرس ولا حاجة تانية
اتعزمتا قبال فترة لعرس وكنت وقتتها فى اجازة فى الخرطوم وكان شى خرااافى وما تتخيلوا مهر العروس كم؟؟ بس تخيلو!!! حواالى 50 الف دولار ياربى العريس يكون شغال حرامى؟! لو حرامي زاتو ما قدر دا .
وشوفوا العرس كيف في صالة نادي التنس عالم تقول ما قاعدين معانا في السودان دا بزخ خيالي والفنان طة سليمان و صلاح ابن البادية
اللماهم مع بعض شنو زاتو ما عارف
عشان كدا البورة بقت أكيدة للفتيات من جنس الاشياء دى ..تلقا الواحدخايف يتقدم لحببتة ومن ما يدقس ويعمله يبدا الفلم المكسيكي شي فتح خشم وشي قفل خشم قولة الخير..سد المال ..دق الريحة...الحنة...الجرتق ويلم فيك ابوها يطالبك بمهر خرافى أو الام تتفلهم ليك عاوزة ستاير كيف وغرفة نوم كيف وعفش كيف والسفرة تكون من بيلليلة هوز وغرفة نوم من ابو الفاضل بلازا (الله يازيكم يا ناس الاثاثات كان ازيتونا ) والارضية تكون رخااام والبيت يكون ملك وامك وأختك ما يتدخلوا معاى فى الاختيااارات دى ...قايتو الواحد احتار اعمل شنو .
الله يجازي الكان السبب

وبرضو تقوللي تعال اتقدم لي انا يقدموني للكلاب انشاء الله

[ابو الامجاد]

قال ايه العريس المرتقب

أنا العريس المرتعيب عليكم الله الكلام ده ما يخلي الواحد ارتعيب

[معتز الريح]

قال ايه العريس المرتقب

أنا العريس المرتعب عليكم الله الكلام ده ما يخلي الواحد ارتعب

يا عريس .. قلت لي علو ليك نفسيات ..
عينة القلتو فوق ده موجود وكتير ..
لكن كمان في العايزين السترة ..
وعايزين راجل .. (عينة تعال بالعندك ....)
ونذكرهم بحديث رسولنا الكريم صلى الله عليه وسلم ..
" أقلهن مؤنة .. أكثرهن بركة"
وأبشر يا عريس ..

[ابو الامجاد]

والله يا معتز عينة تعال بالعندك دي ما لاقتني الا في الغنا

اي ياخ عليك الله زكرم

[esmat]

ابو الامجاد يا عريس
الاختيار والاقتناع دا مهم شديد
عشان تعال بالعندك دي تكون اساسية

[النويري]

يا أبو الأمجاد موضوعك جميل وحيوي وأساسي ومعايش لكثير من الشباب والشابات بس ما كل الأسر عايزة مهر 50 ألف دولار وسراميك وأبو الفاضل وحاجات ذي دي في بنات عايذات يتزوجوا يعني عايزين راجل يحبهم ويحترمهم ويقدرهم ودي السعادة بذاتها وهنالك ملايين من الأسر البسيطة والتي تقبل بك زوج بدون هذه المبالغات فدعها لأهلها وراجعلك تاني

[نزار حسن محمد]

ابو الامجاد والماضى العريقى
موضوعك جميل ذى بسمتك
وما تشيل هم الحلول راقده هبطرش
بس انت اتؤكل وكله بتم
والعرس بالفاتحه بس ما حلال
حـــــــــــــلال

[مدنيّة]

وبرضو تقوللي تعال اتقدم لي انا يقدموني للكلاب انشاء الله

http://www.sudaneseonline.com/db/attention/200_4e.gif



----------------
ابو الامجاد
اتقدم والعايزات السترة كتااااااااااارة
ربنا يقسم ليك بت حلال يارب

[abomazeen]

أبو الأمجاد يا عمك اسمع كلامي ده ... صدقني عاوز أديك نصيحة
اول حاجة ... رمضان مبارك وتقبل الله منّا ومنكم الصيام والقيام
تاني حاجــة ... الناس ديل بطمنــو فيك ســاااي يا حبيب ..
والله تتقدم لواحدة بالفاتحة وتعال بالعندك وعايزين راجل
يحرشو لك الكلبة ويـركبو لك وش لمن تعرف حاجة
ده كلامــي ختو حلق ولا اقول لك ركبو سلسل
قال ايه العريس المرتقب ... كلامك هنا واقعي
ورمضان كريم يا عريس ... أسمع كلام أخوك
مفلس نهي نهي ... نهي زندقي نهييي

[ابو الامجاد]

انتا عارف يا عصمت المشكلة ما في الاختيار والاقتناع كان علي دا هين اخوك محنك
المشكلة في الاهل كل زول عايز بيطريقتو ده غير البرتوكولات الما منها لزمة

[ابو الامجاد]

يا اخوي يا النويري اي نعم ما كلهم بس مصيبة اخوك وقع في الجزء التاني

[المكاشفى]

ههههههههههههههههههههه
يااااااااااااااااااااااااااااااااااااااااااااى
بس امسك فى كلام اخوى ابومازن ده
وقرط على كدى لكن قرط على اليد
ماتقوم تفوت الصاموله وتشبكنى
من المره دى وانا تانى مابجى

[بنت الرفاعي]

إن شاء الله الله يوفقك وتلقى واحدة هدية ورضية وماسكة دينها.
(لكن إنت يا أخوي ما تبالغ برضو)

ودعوتك على نفسك دي يا أخوي لو صادفت ملك تقول شنو؟؟!!!:(

[روبش]

ابو الامجاد ... اقول .. انت ما كويس كده مالك عايز تجيب لنفسك المشاكل والامراض

ولا اقول ::: انتظر الوقت البجي بكون فيهو ( الجري ) بالجد

[esmat]

يا ابو الامجاد هوي
ما تسمع كلام ابو مازن دا يازول
انت اختار وحنك واركب طوالي كلو
بتم لما تبدا وان شاء الله تلقى ليك
واحدة يا ابو الامجاد تقول ليك
انت قول الفي ضميرك وخلي باقي الكلام
بس اركز انت بعدين

[محب]

قال ايه العريس المرتقب

أنا العريس المرتعيب عليكم الله الكلام ده ما يخلي الواحد ارتعيب
ابو الامجاد بد التحية
كل عام وانت بخير وانشاء الله رمضان الجاي تكون في بيتك
قول امين
نصيتحي ليك العرس الزمن دا بقي حق الرجال البضبحوا الكديسة
فهمت كلامي
اوعي من لبس السلسل والخاتم
شفتا يا اخوي من اليوم الاول جيب السكين واضبح الكديسة واقطع الاصبع البلبسوا في الخاتم بس ابعد من محل السلسل
ويااخوي لو لبسوك سلسل خليهم لانك من مرحلة العريس بتكون في مرحلة دفع الدية
والله كمان الدية زي العرس واحد ملايييين = ملايييين
تسلم علي الموضوع الشيق الذي اصبح واقع معاش

[ابو الامجاد]

والله يا ناس الكلام دا حقيقي وهاجس وكابوس مخيف
يعني أنا من ما قررتا القرار دا نوم بعينبي ما شوفتو
مش من الهوي وما ادراك بس تفكير في الموضوع دا
ياخ انا ضعفتا في اسبوع 4 كيلو رمضان ما عمل فيني كدا