يلا تعالو نتعرف على ضيفتنا الاسبوع ده

[aborawan]

عضوة دائما ما نجدها في كل الاقسام حتى في المنتدى الرياضي نجدها تشارك فالتحية لك عضوتنا مروه


ويلا كالعاده البطاقة الشخصية ونسال الله لك التوفيق ودمتي اختا

[marwa]

شكرا ابو روان على هذا الكرسى الساخن
وشكر لكل عضو بالمنتدى وكل سنه وانتو طيبين
وجعل العام الجديد عام خير وسلام لكافه الشعب السودانى والمسلمين
الاسم : مروه احمد سالم
العمر : 19 سنه
طالبه صيدله جامعة هنري فورد ( امريكا )

[أبوريلان]

يا مروه كل سنة وإنتى طيبه بمناسبة رأس السنة الميلاديه

مروه سؤالى الأول أنتى مقيمة أصلا فى أمريكا ولا الدراسة هى السبب ؟
لماذا إخترتى دراسة الصيدلة وماهو الدافع لهذه الدراسة بالذات ؟
بعد التخرج إنشاء الله إذا تقدم لكى عريس ووافقتى عليه وطلب منك عدم العمل هل توافقى على طلب زوجك ؟
كيف تعرفتى على منتدى مدنى ؟ وماهو الشىء اللفت إنتباهك أول ما شاركتى بهذا المنتدى ؟ وما هو العضو أو العضوه الذى أخترتيه صديق أو صديقه بالمنتدى ؟
ماشاء الله عليك يا مروه همتك فى المنتدى مشهود لها وفى كل المنتديات مشاركة ربنا يديك العافية وسؤالى ماهو المنتدى الذى تجدى فيه نفسك ولماذا ؟
مشكوره مروه وأتمنى لكى التوفيق والسداد فى مشوارك التعليمى .

[marwa]

tslam a'7oy myrelan
اسباب وجودى فى امريكا هى الدراسه
اسباب دراستى صيدله لانها دراسه بسيطه وملائمه للبنات
اما بالنسبه للزواج لن اوافق على طلبه(الزواج قسمه ونصيب)
اما معرفتى بمنتدى ود مدنى عن طريق جريده الراى العام, اول ما لفت انتباهى فيها هى مواضيع الاعضاء الرائعه, اما صديقي بالمنتدى فجميع الاعضاء ومواضيعهم اصدقاء لى
اما المنتدى الذي اجد فيه نفسى منتدي ود مدنى لانى اجد فيه ما يجب على معرفته علما بانى مشتركه بمنتدى ود مدني فقط
وشكرا لك وانا فعلا فى امس الحوجه للدعوات خاصه و انا فى بدايه مشوارى الجامعى:)

[ابراهيم]

الأخت مروة لكى التهنئة مسبقاً بحلول عام 2005م ثم التهئنة بجلوسك على الكرسي الساخن والذي اتمنى أن يكون دافئاً في شتاء هذه الأيام.

سؤال أول:
بما أنك من الطيور المهاجرة ماذا تعني لكى (الغربة)؟

سؤال ثاني:
ما أعجبك في امريكا ومالم يعجبك؟


سؤال ثالث:
ما هو وجه التشابه بين الكمبيوتر والتاكسي والحفرة ؟

أتمنى أن ألا أكون قد اثقلت عليك

تحياتي
:p :p :p

[marwa]

وانت طيب يا ابراهيم
الغربه اسوء مرحله مريت بيها في حياتى وانشاء الله اكون استفدته منها
الشى العجبنى فى امريكا كل شى منظم وكل زول فى حالو والما عجبنىانو الناس بتمرق من الصباح للشغل وبتجى باليل ذى الما عندهم شى فى الدنياما بعرفوا دين ولا حاجه
والله وجه الشبه دا ما عرفتو قاعده ساعتين بفكر .
امكن الثلاثه بخزنو فيهم
لا لامافى اى تقله بالعكس والله الاسئله كلها جميله

[waheeb]

الأخت مروه..

كل سنه وانت طيبه..

سؤالي الاول: وين عنوانك في السودان؟

سؤالي الثاني: هل الاسره في امريكا ام ذهابك للدراسه فقط؟

اما سؤالي الاخير : ما مدي علاقاتك بزملائك من الجنسين ؟ وهل مر بك موقف محرج؟..

تحياي مع تمنياتي لك بالتوفيق والسداد..
وصيتي ابقي عشره علي المبادئ.

[عماد الصادق]

الإبنة .. مروة
تحياتي .. وربنا يحفظك .. ويحقق الأماني

ما شاء الله عليك .. الواحد دايما بيطلع على مشاركاتك
بس كان في صعوبة عشان دايما بتكتبي بالحروف اللاتينية
وهسه شايف الوضع تغير ..

بعدين بالله دراسة الصيدلة بسيطة .. ما معاك أنا في بساطتها
لكن مناسبة دي صاح 100% ..

هل الجو العام للدراسة بالنسبة للبنات عموماً مريح .. يعني في السكن بالذات ..

وفي المعايش الأخرى ..

أتمني لك التوفيق .. والسداد

أبوأشواق

[admin]

مروة
عليك الله امريكا سمحة ولا كعبة؟
سؤال مبهم صاح .. انا قصدي بالنسبة لحياة العائلة والاسرة .. يعني ببساطة لو الزول جايتو فرصة هو واسرتو انو يجيكم هناك بتنصحيهو يجي ولا لا؟

[marwa]

الاخ وهيب وكل سنه وانت طيب
عنوانى في السودان : الخرطوم............
ما كل الاسره فى امريكا وانا هنا للدراسه
اما المواقف المحرجه دى كتيره بالكوم اسكت ساكت بس خليها

[marwa]

الاخ عماد
اسفه على كتابتى باللاتينى لكن اعزرنى عشان الكمبيوتر ما بكتب عربى وانا الان بكتب بالكيبورد العربى الفى المنتدى
ايوه مريحه لكن غاليه وانا هسه مع اختى

[marwa]

المثقفadmin
امريكا كعبه لو عايز تجيها تعال زياره بس
السودانيين المتربين هنا تربيه عجيبه غابت عنهم صفات الكرم لو جيتهم فى بتهم يمشو يخلوك
اليقول ليك اتا ا سودانى اليقول لو جبت سيره السوان بنتحر غايتو حاجات ذى دى

[madaniboy]

تم تعديل الرسالة الأصلية بواسطة aborawan
نرجو الالتزام بقوانين المنتدى

[خطاب العبيد]

الا خت العزيزه مروى ****

كيف حالك بما أنك فى بلاد الغربة إمكن تكونى عانيتى من الغربة زينا نحن الشباب فى الغربة ماهو أصعب موقف مربيك فى الولايات المتحده الامريكية ؟
وماهى الطريقة التى إتخارجتى بيها من هذا الموقف ؟

أما بالنسبة للزواج ****
إذا طلب منك أن تتركى العمل لماذا ترفضين إذا كان زوجكى قادرا على كل مصاريفك هذا إذا كانت قسمتك مع مثل هذا النوع من الرجال (كما فى معنى الحديث لرسول الله (ص) لوكان السجود لغير الله لأمرة المرأة أن تسجد لزوجها )

الزول الشين

[HaSsOoN]

الى الاخت مروه بتمنى ليكي دوام الصحه والعافيه وكل سنه وانتي طيبه وربنا يوفقك ويرجعك سالمه الى الوطن وربنا يصبرك في غربتك ونحنا زاتو بنعاني زي ماانتي بتعاني وعارفين الغربه مره ومؤلمه وشدي حيلك في الدراسهههه


حسووووووووووووووون

[marwa]

الاخ فاقد حنان
ما فهمت رسالتك
الاخ خطاب العبيد
اصعب حاجه مريت بيها اللغه بتاعتهم دى بتكلموا سريع وبياكلو ا لكلام وانا كنت ما فاهمه حاجه يتكلمو معاى اقول ليهم yesوتجى تتلع جاجه تانيه
اما بالنسبه للعمل لمشكله ما فى للمصاريف لكن غايتو لو فى السودان بستحمل لكن لو هنا ما بقدر لانو ممكن تلقانى جنيت
الاخ حسوووووووووون
وكل سنه وانت طيب والسنه الجايه ذى ما عاوز:)

[خطاب العبيد]

الاخت مروى الله يوفقك وتلقى كل العايزاهو فى الدنيا وإديك راجل على حسب طلبك (بالمناسبة فى مكتب عندنا هنا فى قطر بقدم خدمات زى دى ) لو عايزه ممكن نساعدك .

بعدين دى بعض الكلمات التى سوف تساعدك فى التحدث مع الخواجات ديل .
أى سؤال إسئلوك ليه قولى ( ظنيتك 75 **you signal2 are you غايتو شوية خرابيط بتاعت اهل العوض .

مشكورا على الرد ولكى كل الاحترام والتقدير وأتمنى ان تكونى سفيرة لحواء العربية والسودانية خاصة وان نسمع عنك كل مايسر ويفرح القلب وربنا معك

الزول الشين
ابو الدهب2

[مهيرة]

Marwa
حبيبتي

لقيتي منتدي ود مدني كيف وانتي في امريكا
ماهي علاقتك بي مدني

بتعرفي ( الداندرما )


الله يخليك

[marwa]

تسلم خطاب
وانت انسان فعلا تستحق الاحترام والتقدير واكترمن كدا
الغاليه المبدعه مهيره
لقيت المنتدي فى الصفحه بتاعت الراى العام
علاقتى بى مدنى انو امى من هناك
اما الداندرما دى اصلو ما عرفتها هى شنو
وانت يا مهيره وين بره السودان
وشكرا ليكم

[marwa]

75 **you signal2 are you
english tamam

[ابراهيم]

حمامة زاجل استقرت على نافذتك تحمل رسالة من مجهول فمن تتمنى ان تكون...؟؟


قطعة فحم صغيرة وجدار نظيف ماذا سترسمي عليه ,,وماذا ستكتبي تحت الصورة...؟؟


أكبر القطر ولا اغرق البحر؟

[marwa]

الرائع ابراهيم
اتمنى ان تكون الرساله من مدير الجامعه يعلن تخرجى من الجامعه وعودتى لوطنى
اما ما سارسمه حمامه السلام واكتب تحتها سلام دائم للسودان
أكبر القطر ولا اغرق البحر؟غايتو الاتنين بسافروا بيهم