لحظة لو سمحتوا

[zahid]

نقطة خمسة وخمسين سطر جديد ....

هل نحن فعلاً شعب كسلان ...؟؟؟!

الاجابة : نعم .

كَسرَة : مافي زول يزعل لأنو دي الحقيقة .

[نزار حسن محمد]

نقطة خمسة وخمسين سطر جديد ....

هل نحن فعلاً شعب كسلان ...؟؟؟!

الاجابة : نعم .

طيب يا زاهد الحل شنوا فى نظرك

[zahid]

أول مظهر من مظاهر هذا الكسل:

التسويف : السوداني بتطلب منو شئ و الاجابة في معظم الاحوال : مافي مشكلة. ولكن مشكلتنا دائما أننا نترك كل شئ ليوم غدٍ وممكن تكون الحاجة ضرورية جداً لكن تلاقي الجماعة يقولوا لك " العجلة تطير...يا اخي الدنيا فيها شنو الجاري ليها شنو ..يا اخي ماتصبر شوية ". يا جماعة الحاجة دي ضرورييييييية وبرضوا الحال في حالوا ....الحاجة البتتعمل في خطوة واحدة بنعملها في عدة خطوات.

[معتز الريح]

يازاهد يا حبيب ..
فتش في عاداتنا الغذائية ..
فلها ذنب في ذلك ..

[أشرف صلاح السعيد]

نقطة خمسة وخمسين سطر جديد ....

هل نحن فعلاً شعب كسلان ...؟؟؟!

الاجابة : نعم .

إجابة خاطئة .. تنك تنك .. أعد الإجابة بل السؤال أيضا .. تنك تنك .. التعميم هو سبب الخطأ .. تنك تنك .. هذه رسالة بنقطين و لك حق فى سطر جديد .. تنك تنك ..




كَسرَة : مافي زول يزعل لأنو دي الحقيقة .


سلام اخى زاهد ..
بكل الشعوب هناك النشيط و هناك الكسول .. و أصابع اليد ما متماثلة و لا ما كدا .. التعميم هو ما يؤدى للخطأ و علينا لإصلاح أى خلل كائن بيننا بتحديد المخطئين حتى لا نضع الجميع بموضع الإتهام فيكون تركيزنا على الدفاع لا على إيجاد الحل ..
هناك موجة إحباط لدى الكثيرين مما يدعوهم لعدم الإكتراث و لعل أحد المقولات التى يرددها كثير من موظفى الحكومة " هو الشغل بيخلص ؟؟".. مثل هذه الجملة البائسة مردها عدم توافق العائد من الوظيفة مع ما يقوم به الموظف و هى كتبرير له لعدم رميه بالكسل ..
كثير من مشاهد الكسالى التى تشاهدها بمجتمعنا تجدها و لربما بشكل أكبر بمجتمعات كثيرة و لكن نجح البعض من الشعوب الأخرى و خصوصا ببلاد الخليج من تسويق هذه الفكرة لأن السودانى منافس خطير له لما يتسم به من صفات حميدة كثيرة .. و لعل الماضى القريب و اكتفاء الغالبية من الناس ما جعل بعض دول الجوار و لفقره بذاك الحين يرانا كنا نحقق الراحة لأنفسنا بتطبيق مبدأ " ذل قرشك و لا تذل نفسك " ..
بس صدقنى فينا الكتير الزى الفل و اخير من كتير غيرنا ..

[zahid]

ابوسفروق ...راجع لك.

والله ياود الريح الدهون الكتيرة ووش الملاح ده ممكن يكون السبب.

[نزار حسن محمد]

سلام اخى زاهد ..
بكل الشعوب هناك النشيط و هناك الكسول .. و أصابع اليد ما متماثلة و لا ما كدا .. التعميم هو ما يؤدى للخطأ و علينا لإصلاح أى خلل كائن بيننا بتحديد المخطئين حتى لا نضع الجميع بموضع الإتهام فيكون تركيزنا على الدفاع لا على إيجاد الحل ..
هناك موجة إحباط لدى الكثيرين مما يدعوهم لعدم الإكتراث و لعل أحد المقولات التى يرددها كثير من موظفى الحكومة " هو الشغل بيخلص ؟؟".. مثل هذه الجملة البائسة مردها عدم توافق العائد من الوظيفة مع ما يقوم به الموظف و هى كتبرير له لعدم رميه بالكسل ..
كثير من مشاهد الكسالى التى تشاهدها بمجتمعنا تجدها و لربما بشكل أكبر بمجتمعات كثيرة و لكن نجح البعض من الشعوب الأخرى و خصوصا ببلاد الخليج من تسويق هذه الفكرة لأن السودانى منافس خطير له لما يتسم به من صفات حميدة كثيرة .. و لعل الماضى القريب و اكتفاء الغالبية من الناس ما جعل بعض دول الجوار و لفقره بذاك الحين يرانا كنا نحقق الراحة لأنفسنا بتطبيق مبدأ " ذل قرشك و لا تذل نفسك " ..
بس صدقنى فينا الكتير الزى الفل و اخير من كتير غيرنا ..

الاستاذ اشرف اوفيت وكفيت

[zahid]

سلام اخى زاهد ..
بكل الشعوب هناك النشيط و هناك الكسول .. و أصابع اليد ما متماثلة و لا ما كدا .. التعميم هو ما يؤدى للخطأ و علينا لإصلاح أى خلل كائن بيننا بتحديد المخطئين حتى لا نضع الجميع بموضع الإتهام فيكون تركيزنا على الدفاع لا على إيجاد الحل ..
هناك موجة إحباط لدى الكثيرين مما يدعوهم لعدم الإكتراث و لعل أحد المقولات التى يرددها كثير من موظفى الحكومة " هو الشغل بيخلص ؟؟".. مثل هذه الجملة البائسة مردها عدم توافق العائد من الوظيفة مع ما يقوم به الموظف و هى كتبرير له لعدم رميه بالكسل ..
كثير من مشاهد الكسالى التى تشاهدها بمجتمعنا تجدها و لربما بشكل أكبر بمجتمعات كثيرة و لكن نجح البعض من الشعوب الأخرى و خصوصا ببلاد الخليج من تسويق هذه الفكرة لأن السودانى منافس خطير له لما يتسم به من صفات حميدة كثيرة .. و لعل الماضى القريب و اكتفاء الغالبية من الناس ما جعل بعض دول الجوار و لفقره بذاك الحين يرانا كنا نحقق الراحة لأنفسنا بتطبيق مبدأ " ذل قرشك و لا تذل نفسك " ..
بس صدقنى فينا الكتير الزى الفل و اخير من كتير غيرنا ..

أستاذنا أشرف لك التحية....أنا بعرف أنو في جزء من السودانيين نشيط ولكن اذا رجعنا بذاكرتنا كلنا للوراء فستجد أخي وأخوك في البيت أو ابن عمي أو ابن عمك أو ابن الجيران ...ستجد في نفسك شئ ضدهم بسبب ما تراه منهم من كسل وعدم اهتمام.

[محمد علي شقدي]

رب الاسرة في التفكير والكل في الراحه الشفقه تطير والمهله سمحه والقناعه كنز لا يفنى و بيئة الفسحه والتكافل تحيط بنا من كل جانب الكسرة بي مويه تكفي - عند التربالي والعامل الفتريته راقده الموظف لديه دفتر توفير
ده طبعا كلو كان زمان تغير الزمان و لم نتغير فالوقت مفتوح الذراعين للتاجيلنا لكل شئ والبعض لايزال في نفس العمود جنب الدكان وناصية الشارع يكسرون الفراغ بالمملل حتي بعد ان اخشوشنت الحياه وتجد البعض لايزال يحمل القدر مسؤلية كسله
الحل تغير السلوك الاستهلاكي الي سلوك انتاجي تتحمل الدوله في واقعنا جزء اكبر بفتح مجالات للعمل او الكف عن الجبايه لصالح تشجيع العمل الخاص و التركيز علي البرنامج العملي في المدارس كمساعد اساسي في التربيه علي الحركه

شكرا يا زاهد ولكـ التحيه

[zahid]

رب الاسرة في التفكير والكل في الراحه الشفقه تطير والمهله سمحه والقناعه كنز لا يفنى و بيئة الفسحه والتكافل تحيط بنا من كل جانب الكسرة بي مويه تكفي - عند التربالي والعامل الفتريته راقده الموظف لديه دفتر توفير
ده طبعا كلو كان زمان تغير الزمان و لم نتغير فالوقت مفتوح الذراعين للتاجيلنا لكل شئ والبعض لايزال في نفس العمود جنب الدكان وناصية الشارع يكسرون الفراغ بالمملل حتي بعد ان اخشوشنت الحياه وتجد البعض لايزال يحمل القدر مسؤلية كسله
الحل تغير السلوك الاستهلاكي الي سلوك انتاجي تتحمل الدوله في واقعنا جزء اكبر بفتح مجالات للعمل او الكف عن الجبايه لصالح تشجيع العمل الخاص و التركيز علي البرنامج العملي في المدارس كمساعد اساسي في التربيه علي الحركه

شكرا يا زاهد ولكـ التحيه

ود شقدي ...سلمت يداك على هذا الوصف الدقيق وهذه القرآءة الرائعة لواقعنا.

[رحوبه]

[QUOTE=zahid;514437]نقطة خمسة وخمسين سطر جديد ....

هل نحن فعلاً شعب كسلان ...؟؟؟!

الاجابة : نعم .
حقيقي كلامك صح بس انا في رأي انو سبب الكسل هو عدم النظام وعدم الرغبه
عدم النظامك: الواحد ما عارف يعمل شنو وله شنو فبخلي كل الحاجات تضرب تقلب
وعدم الرغبه : لانو الواحد 80% من الحاجات المفروض يعملو بكون ما عندو رغبه فيها فبس بخليها
لكن كسل من باب الكسل نفسو دي نادره

[zahid]

[quote=zahid;514437]نقطة خمسة وخمسين سطر جديد ....

هل نحن فعلاً شعب كسلان ...؟؟؟!

الاجابة : نعم .
حقيقي كلامك صح بس انا في رأي انو سبب الكسل هو عدم النظام وعدم الرغبه
عدم النظامك: الواحد ما عارف يعمل شنو وله شنو فبخلي كل الحاجات تضرب تقلب
وعدم الرغبه : لانو الواحد 80% من الحاجات المفروض يعملو بكون ما عندو رغبه فيها فبس بخليها
لكن كسل من باب الكسل نفسو دي نادره



بضيف كمان لكلامك أخت رحوبة "اللامبالاة" فنحن فعلاً لايهمنا شئ تلاقي الجماعة يقولوا ليك (أنسى ...أعمل نايم...طنش) لغاية ما الفاس تقع في الراس وبرضوا الواحد مايهمو شئ.

[روبش]

نقطة خمسة وخمسين سطر جديد ....

هل نحن فعلاً شعب كسلان ...؟؟؟!

الاجابة : نعم .

كَسرَة : مافي زول يزعل لأنو دي الحقيقة .

اخي زاهد
اديك العافيه ...
الما بكسلنا شنو إذا كان جوال العيش فيهو الف ضريبة غير الزكاة ...
الما بكسلنا شنو إذا كان شارع مدني الخرطوم فيهو مليون نقطه تفتيش ...
الما بكسلنا شنو إذا كان ثلاثة ارباع الشعب السوداني مصابون بالملاريا ...
الما بكسلنا شنو إذا كان سنوياً معظم الخريجيين من الجامعات عاطلين بلا عمل ...
الما بكسلنا شنو إذا كان شوارعنا متهالكه وغير صالحه للمشي...
الما بكسلنا شنو إذا كان رصيد عداد الكهرباء بتعبأ يومياً ....
الما بكسلنا شنو وناس دارفور والشرق والجنوب عايزين نصيبهم من السودان ....
وبعد ده ما عايزنا نكسل يا زاهد

أقول :::: الكسل داخلياً ولا خارجياً حدد

[ود المطامير]

كيف كسلانين يا زاهد يا أخوى

والسودان فاز فى مسابقة الجرى 800 متر بفرنسا


أكان كسلانين هسى كان ... كاكى جا الأول ؟
هع هع هع

[zahid]

كيف كسلانين يا زاهد يا أخوى

والسودان فاز فى مسابقة الجرى 800 متر بفرنسا


أكان كسلانين هسى كان ... كاكى جا الأول ؟
هع هع هع


هع هع هع هييييع ....ده جري خوف ساي...اظنو كاكي ده لما شاف الملعب ده فتح فتح شديد.

[zahid]

المشاركة الاصلية بواسطة روبش :
زاهد
اديك العافيه ...
الما بكسلنا شنو إذا كان جوال العيش فيهو الف ضريبة غير الزكاة ...
الما بكسلنا شنو إذا كان شارع مدني الخرطوم فيهو مليون نقطه تفتيش ...
الما بكسلنا شنو إذا كان ثلاثة ارباع الشعب السوداني مصابون بالملاريا ...
الما بكسلنا شنو إذا كان سنوياً معظم الخريجيين من الجامعات عاطلين بلا عمل ...
الما بكسلنا شنو إذا كان شوارعنا متهالكه وغير صالحه للمشي...
الما بكسلنا شنو إذا كان رصيد عداد الكهرباء بتعبأ يومياً ....
الما بكسلنا شنو وناس دارفور والشرق والجنوب عايزين نصيبهم من السودان ....
وبعد ده ما عايزنا نكسل يا زاهد

أقول :::: الكسل داخلياً ولا خارجياً حدد

-------------------------------------------------------------------

والله ياخوي روبش كسلتني عديل كده ...يا اخي متخليها مستورة شوية.

[عثمان جلالة]

هو ليس كسل عزيزي زاهد .. الصحيح أن كل ما في الأمر .. إحبااااااااااط

نحنا يا زاهد أولاد مزارعين ... كنا زمان لامن ننتهي من المدرسة ... طوالي بنجدع الشنطه وبنشيل الطوريه .. وعلى الحواشه طوالي .. وما ببنتظر حتى يقولوا لينا أمشوا .. تفتكر ليييييييييه ؟؟ لأنو كان في حساب فردي .. وحساب فردي تعني أن قروشك وقروش جارك بعد الحصاد ح تكون حسب إنتاجك .. نمت ما بتصرف حاجه .. إجتهدت بتعوض تعبك .. بالكاش .. لكن أسي ليك علي كان لقيت واحد شايل طوريتو وماشي علي الحواشه .. ح أقول ليه بدل تتعب في الفاضي .. تعال نلعب كشتينه أخير ليك :(

وقس على ذلك ... أحباط لدى الخريجين .. العاطلين بدون عمل .. لدرجة إنو الطالب بقى يفكر إنو أحسن ليهو يسجلوهو في الهلال أو المريخ .. بدل يخش جامعة الخرطوم ... احباط .. حتى في صوت شفع الروضه .. وهم بقولوا نشيد الصباح.

طبعن أنا أتفق مع عدم .. التعميم .. لأنو قرايتي دي لواقع أنا معايشو ممكن يكون مختلف في مناطق أخرى من الوطن العزيز.

لك الود،،،،،

[zahid]

هو ليس كسل عزيزي زاهد .. الصحيح أن كل ما في الأمر .. إحبااااااااااط

نحنا يا زاهد أولاد مزارعين ... كنا زمان لامن ننتهي من المدرسة ... طوالي بنجدع الشنطه وبنشيل الطوريه .. وعلى الحواشه طوالي .. وما ببنتظر حتى يقولوا لينا أمشوا .. تفتكر ليييييييييه ؟؟ لأنو كان في حساب فردي .. وحساب فردي تعني أن قروشك وقروش جارك بعد الحصاد ح تكون حسب إنتاجك .. نمت ما بتصرف حاجه .. إجتهدت بتعوض تعبك .. بالكاش .. لكن أسي ليك علي كان لقيت واحد شايل طوريتو وماشي علي الحواشه .. ح أقول ليه بدل تتعب في الفاضي .. تعال نلعب كشتينه أخير ليك :(

وقس على ذلك ... أحباط لدى الخريجين .. العاطلين بدون عمل .. لدرجة إنو الطالب بقى يفكر إنو أحسن ليهو يسجلوهو في الهلال أو المريخ .. بدل يخش جامعة الخرطوم ... احباط .. حتى في صوت شفع الروضه .. وهم بقولوا نشيد الصباح.

طبعن أنا أتفق مع عدم .. التعميم .. لأنو قرايتي دي لواقع أنا معايشو ممكن يكون مختلف في مناطق أخرى من الوطن العزيز.

لك الود،،،،،


والله يا جلالة الكاش ده لابد منه ...بدون فلوس مافي نشاط ومافي حماس ومافي رغبة ومافي التزام كمان.