استفسار للجهة المسؤولة

[بت مارنجان]

سلام عليكم

لماذا فك تثبيت بوست "صرخة اطفال عن العام" !!!!!

[بت مارنجان]

ننتظر الرد حتي نفتي

[مايسة]

السلام عليكم يا جماعة


صراحة اول ما دخلته اليوم الصبح تفاجأت بفك البوستات


يا ريت بس توضيح بسيط من قبلكم -


يا جماعة -

في ملاحظة بسيطة - بالنسبة لنجم الشهر في كل شهر

على حسب علمي المفروض - يتم تثبيت البوست مباشرة بعد فوزه - وان يبقي مثبتا مدة شهر

الي ان يتم تثبيت البوست الفائز للشهر الذي بعده -

بس الملاحظ غير ذلك -

اذا في تغيير في الخطط - خبرونا :)

[بت مارنجان]

اذا في تغيير في الخطط - خبرونا :)


كدي نشوف البجي ويقولو ...

[بت مارنجان]

الظاهر انو البوست ياميوسة قالو بجهجه ويشل العملية التنظيمية بالمنتدي
قامو فكوه وقالو يخلوه ....
وزاد الصائم دة مااخل بالنظام ؟؟؟؟

[عبدالرحمن مدثر]

امشى وتعالى بكررررررره

[بت مارنجان]

امشى وتعالى بكررررررره

ان شاء الله تبقي علي بكرة ياابو مزن
مانبقي زي مكتب المعاشيين امشي وتعال

[بنت الرفاعي]

شيلوا الصبر يا حلوين، بعد شوية حيجوكم المسؤولين ويدلون بدلوهم وينزلوا بيانهم، ونفهم الحاصل!!!!:rolleyes:

(إن شاءالله):)

[مايسة]

امشى وتعالى بكررررررره

خليها الاسبوع الجاااي :(

[بت مارنجان]

اها المسؤول دة مافي ولا بيتشاورو اليخش منو؟؟؟

[عبدالرحمن مدثر]

بمناسبة الانتظار انا حاليا مبرررطع فى القاعة بتاعت الصداقة ديك

بمناسبة معرض البيت المثالى وكدا ..

ممكن استغل البوست دا كدعاية مجانية

[بنت الرفاعي]

امشى وتعالى بكررررررره


ان شاء الله تبقي علي بكرة ياابو مزن
مانبقي زي مكتب المعاشيين امشي وتعال



خليها الاسبوع الجاااي :(

معقولة قنعانين للدرجة دي؟؟؟!!!:confused::eek:
اليوم أنا متعشمة خير في المشرفين للرد.:)

[بت مارنجان]

ياريت الناس تفصل علاقتك بالعضو شئ والموضوع الحاصل في المنتدي شئ تاني
خليكم ناس عملييين

[بنت الرفاعي]

اها المسؤول دة مافي ولا بيتشاورو اليخش منو؟؟؟

غايتو في مسؤولين، الله أعلم موجودين لكن إذا كانوا موجودين كان ردوا ليك، أما الباقين (الله أعلم):rolleyes:

[بت مارنجان]

مرام الحلوة مشكورة علسي السندة والاهتمام ...
ابو مزن ليك مدة مابنتا غاتس في القاعة كان تدينا الو

بكرة ماشييين الترخيص انتهي وبقبضوني ناس الحركة :o

[معتز الريح]

ياريت الناس تفصل علاقتك بالعضو شئ ..
والموضوع الحاصل في المنتدي شئ تاني
خليكم ناس عملييين

مالك جاية زهجانة من الصباح كده ؟؟
أكيد مشرفين العام متفقين على مدة معينة للموضوع ..
وأنا ما بتكلم بلسانهم ..
لكن الاقتباس الفوق قدر ما شلتو وختيتو ..
ما فهمتو منو شي ..
---------------------------------
أنت قولي الشغل كتير وغالبك ..
تعالي اتفشي ساي ما عندنا أي اعتراض ..

[سواااح]

الاخوات والاخوة المتداخلين ..
من اجل الحفاظ على المظهر الجمالي للمنتدي العام
فانه هناك العديد من الاجراءات التي تمت ولها بقية ..

بوست صرخة اطفال .. اساساً ليس موقعه المنتدي العام
ولكن تم تثبيته نسبة لطلب من الاخت بت مارنجان
وليس معني الموافقة على تثبيته انه سيبقي هنا للابد
ولكن لاعطاء الجميع فرصة للاطلاع على محتواه وقد كان لها ذلك
كما ان البوست اصبح خامد حيث اخر مشاركة به كانت يوم 13/6/2010م
وتم نقله للقسم الخاص بذلك ..

بالنسبة لنجم الشهر ..
سيتم فقط تثبيت البوست الذي يتضمن نتيجة البوست الفائز
وذلك لمدة اسبوع واحد فقط.

بامكان كل بوست ان يثبت نفسه بنفسه بالمداخلات والمشاركات
وليس بان لا يبارح مكانه من التثبيت.

بوست زاد الصائم هو مشروع تتبناه ادارة الموقع
وواضح هدف البوست من عنوانه للجميع.
وهو كذلك له فترته المرصودة له.

وللجميع فائق شكرنا وتقديرنا ،،

مشرفي المنتدي العام

[مايسة]

مبروك - مبروك

[بت مارنجان]

مالك جاية زهجانة من الصباح كده ؟؟
أكيد مشرفين العام متفقين على مدة معينة للموضوع ..
وأنا ما بتكلم بلسانهم ..
لكن الاقتباس الفوق قدر ما شلتو وختيتو ..
ما فهمتو منو شي ..
---------------------------------
أنت قولي الشغل كتير وغالبك ..
تعالي اتفشي ساي ما عندنا أي اعتراض ..

بالنسبة للاقتتباس الفوق دة :
"اختلاف الرأي لايفسد للود بين الناس"
يعني لمن اجي اكتب بوست واتكلم مع الشخص اللي حزف البوست او عدل شئ
ماياخد الموضوع بصفة شخصية ويزعل ويقولو قاصدني ...
وقع ليك !!!

بالنسبة للزهجة بالعكس المعنويات مرتفعة جدآ وجونا ماشاء الله مافي احلي منو
ومطرتنا مدورة من امس لغاية هسي مغيمة ورزاز ...

بالنسبة للشغل الليلة اجازة ياود الريح ...

[عبدالرحمن مدثر]

سواح صديق الامسيات الخضر

تحياتى ياغالى فى حتة فايتة على

او ابت تقع لى قدر ماحاولت

حتة مشروع تتبناه ادارة الموقع دى لان كل الافكار التى جاءت

من اعضاء هذا الصرح لها الاحقية بمثلية التعامل انا هنا ليس من اجل مقارنة

اما بخصوص البوست الخامد فانا على علم بان البوست متحرك بدليل الاستمارات التى تاتى

من قبل زوار واعضاء للمنتدى

ولان اساس الفكرة جاء من هنا

بين جنون ودالجعلى وظروفه الخاصة

وبين حكمة ابوقرجة

ورغبة بتنا والحاحها لان العمل انسانى فى المقام الاول

لا يبحث عن نجومية او شىء من هذا القبيل

حديثك مقنع

لكن البوست دا انحشر فى حتة كدا دايرة ليها مواصلات

وهدفنا الاول التواصل

[مايسة]

الاخوات والاخوة المتداخلين ..
من اجل الحفاظ على المظهر الجمالي للمنتدي العام
فانه هناك العديد من الاجراءات التي تمت ولها بقية ..

بوست صرخة اطفال .. اساساً ليس موقعه المنتدي العام
ولكن تم تثبيته نسبة لطلب من الاخت بت مارنجان
وليس معني الموافقة على تثبيته انه سيبقي هنا للابد
ولكن لاعطاء الجميع فرصة للاطلاع على محتواه وقد كان لها ذلك
كما ان البوست اصبح خامد حيث اخر مشاركة به كانت يوم 13/6/2010م
وتم نقله للقسم الخاص بذلك ..




أخي سوااح

اولا - مشكور بالرد -

ولكن توضيح بسيط - ما الضير اذا تم تثبيت البوست دائما

هذا شئ لا يوحي بخمول القسم ولا شئ -

الفكرة - انو المنتدي العام - متحرك واغلب الزوار والاعضاء يدخلون به

وهو واجهة المنتدى - لهذا الاعلان فيه لهذا الفعل النيل -

ويستطيع الزائر ان يلفت نظره بسهولة - فيدخل ويتم المقصود

ولو في طريقة كان الواحد زاااتو قال ليكم عمومهو على باقي الاقسام ويتثبت كمان
لا ارى اي ضير في ذلك

- بالنسبة لزاد الصائم - هو فعلا عمل خيري كبير - وفعلا حا ينتهي بانتهاء فترة رمضان







بالنسبة لنجم الشهر ..
سيتم فقط تثبيت البوست الذي يتضمن نتيجة البوست الفائز
وذلك لمدة اسبوع واحد فقط.

بامكان كل بوست ان يثبت نفسه بنفسه بالمداخلات والمشاركات
وليس بان لا يبارح مكانه من التثبيت.




شكرا للتوضيح - :)

[بت مارنجان]

العزيز سوااااح
الفضل لله سبحانه وتعالي علي هذا العمل الكبير وهذه المنظمة ....
لكن انت من سخره الله لنا لينجح هذا العمل ووصول الكم الكبير من استمارات العضوية
لهذه المنظمة ... لأنك من قمت بتجميع البوستات التي كانت موجودة بالقسم العام
للاخ"ودالجعلي" ودمجها مع البوست "صرخة اطفال" الذي كان ايضآ موجود بالقسم العام
وبوست الاخ "خالد علوني" الذي كان موجودآ ايضآ بالقسم العام ...
مشكور علي جهدك وربنا يكتبو ليك في ميزان حسناتك ....


بالنسبة للبوستات المرفقة كانت جميعها في القسم العام وليس منتدي آخر ...
وبالنسبة لتاريخ البوست القديم "الراكد" معلومة بسيطة لك اخي وللجميع
انه تصل بصورة يومية استمارات طلب عضوية بالمنظمة من زوار واعضاء بالمنتدي
لان القسم العام اكثر رواديه زوار وغير مسجلين للمنتدي ...
وايضآ الاعضاء اغلبيتهم يتمركزون بالقسم العام ...


وتاريخ البوست القديم هذا لايعني عزوف الناس عنه وعدم قرآته والمواكبة
والدخول فيه بدليل ماذكرته اعلاه ...

اما كان من الاجمل ومن باب احترام الاعضاء ارسال رسائل بفك التثبيت
ولا سياسة الامر الواقع اصبحت ملازمة لكم دائمآ ...
لم نعهدها منك اخي سواااح !!!!

هل بوست معني بعمل خيري يساهم في احتواء الاف الاطفال ولم شتاتهم
من الضياع وتأسيس عمل انساني بحت خارج عن السياسة والمصالح والاغراض
الشخصية يعطل مسيرة ونظام المنتدي !!!!!

سؤال !
ياتري لو كان منظمة اطفال الشوارع او الاطفال فاقدي الهوية من صميم عمل الادارة
او لو كانت ادارة المنتدي باشخاصها المعروفين ليهم يد في هذه المنظمة
هل كان سيتم فك هذا البوست "ورميه في منتدي الروابط" اللي مفروض يتقفل
لانو اصلا مافيهو شخص بيدخلو !!!!!!

[بت مارنجان]

حتي المنتديات اصبحت بحاجة الي واسطات "للمرؤوسين" عشان تمشي امورك !!!!

[بت مارنجان]

مبروك - مبروك


المباركة في شنو يالسمحة !!!!

[عاطف عولي]

العزيزة بت مارنجان .
لك التحية
المسالة في غاية البساطة واحد من الناس الفوق قال للمشرفيين شايف نص الصفحة بالأحمر فكوا التثبيت الكتير دا.
وهاك يا فك ولازم نرضي ام زين

[مايسة]

المباركة في شنو يالسمحة !!!!


خليني ابارك يا هناية

ابكي زيك يعني ولا شنو

- ببارك لأنو القلناهو زماان كلو راح في شربة موية

- ببارك لأنو العمل الخيري بقى سلعة وبقى يغير من واجه المنتدى

- ببارك لأنو احنا مساااكين شديد - وقلبنا ابيض يا هناية :(

[سواااح]

العزيزة بت مارنجان .
لك التحية
المسالة في غاية البساطة واحد من الناس الفوق قال للمشرفيين شايف نص الصفحة بالأحمر فكوا التثبيت الكتير دا.
وهاك يا فك ولازم نرضي ام زين


حسبنا الله ونعم الوكيل

(( ما يلفظ من قول إلا لديه رقيب عتيد ))

تاكد من ما تكتب فانت محاسب عليه

[بت مارنجان]

لكن البوست دا انحشر فى حتة كدا دايرة ليها مواصلات

وهدفنا الاول التواصل


عليكم الله ركزو في الحتة دي ومادايرين لينا نقة كتيرة ...

[عاطف عولي]

حسبنا الله ونعم الوكيل

(( ما يلفظ من قول إلا لديه رقيب عتيد ))

تاكد من ما تكتب فانت محاسب عليه





الأخ العزيز سواااااااااح

لك الف تحية أنا أعي ما أقول وأقصد ما أقول وأعرف تمامآ ما ذكرته وقد كنت في موقع الأشراف كما تعلم وقد
مرت معي مثل ماذكرت تمامآ دون تحديد للأسماء الا اذا دخل ذلك الشخص من نفسه وقال نعم وجهة قبل ذلك وانا مسئول عن ما ذكرته وأمانة التكليف تستدعي ان لا أقول كل ما اعرف

[abomazeen]

العزيزة بت مارنجان .
لك التحية
المسالة في غاية البساطة واحد من الناس الفوق قال للمشرفيين شايف نص الصفحة بالأحمر فكوا التثبيت الكتير دا.
وهاك يا فك ولازم نرضي ام زين




الحبيب أبوروان .... تحية تقدير واحترام
لم نعهد منكم مثل هذا الأسلوب سابقاً
فما الجديد حتى تتهم الآخرين بذلك ...؟

[abomazeen]

خليني ابارك يا هناية

ابكي زيك يعني ولا شنو

- ببارك لأنو القلناهو زماان كلو راح في شربة موية

- ببارك لأنو العمل الخيري بقى سلعة وبقى يغير من واجه المنتدى

- ببارك لأنو احنا مساااكين شديد - وقلبنا ابيض يا هناية :(



أختنا مايسة تقديــر واحتــرام ...
كلامك بقى أقرب للألغاز منه إلى الصريح ...
أنا واحد من الناس ما عاارف اللي قلتيه زمااان وراح هو شنو ..؟
كدي قبل مباركتك الكر يمة وضحي بالتوثيق ما هو اللي راح في شربة موية
وكلامك أن العمل الخيري بـقى سلعة وبقــى يغير من واجــه المنتدى فهـو رد عليـك
من ناحيــة قلبك أبيــض وإنــك مسكيــنة دي أنا علـى نطاقــي الشخصــي مقتنــع بيها ..!

[مايسة]

أختنا مايسة تقديــر واحتــرام ...
كلامك بقى أقرب للألغاز منه إلى الصريح ...
أنا واحد من الناس ما عاارف اللي قلتيه زمااان وراح هو شنو ..؟
كدي قبل مباركتك الكر يمة وضحي بالتوثيق ما هو اللي راح في شربة موية
وكلامك أن العمل الخيري بـقى سلعة وبقــى يغير من واجــه المنتدى فهـو رد عليـكمن ناحيــة قلبك أبيــض وإنــك مسكيــنة دي أنا علـى نطاقــي الشخصــي مقتنــع بيها ..!




لك التحية ابو مازن

ليس كلامي بالغاز - كلامي واضح جدا - طالبت فقط بان يضعو الناس في الصورة باختصار شديد - في كل جديد يطرأ .

أما بخصوص الفقرة الظللتها - لم افهم قصدك - (ارجو التوضيح)!!

[بت مارنجان]

هههههههههههههه
والله ضحكتوني شديد ...

جبتوها من فوق عدييييييييييييييييييييييييل ...
جزاكم الله خير ياناس ...

[مايسة]

هههههههههههههه
والله ضحكتوني شديد ...

جبتوها من فوق عدييييييييييييييييييييييييل ...
جزاكم الله خير ياناس ...

يا جماعة - الخير


الحكاية شنو - والله تحيرو الواحد زاااتو -

يعني هو العمل الخيري انواع ولا شنو ؟؟



بوست صرخة - بوست جميل وهادف وذات أهمية كبيرة جدا

وعمل خيري - سيجد ان شاء الله في يوم من الايام - صدى واسع جدا - لما سيقدمه


والصفحة الرئيسية بتشيل اكتر من تثبيت - - يديكم العافية

ما تمسكو لي في القوانين الوضعية - دي قوانين الناس عاملاها يعني ممكن تغير فيها - وتطوعها على حسب الحوجة -


ختو الرحمن كدي في قلبكم - وقولو بسم الله

[مايسة]

هههههههههههههه
والله ضحكتوني شديد ...

جبتوها من فوق عدييييييييييييييييييييييييل ...
جزاكم الله خير ياناس ...


في رائي المتواضع بت مارنجان

انسحبي أحسن - من الموضوع - :(

[عاطف عولي]

الحبيب أبوروان .... تحية تقدير واحترام
لم نعهد منكم مثل هذا الأسلوب سابقاً
فما الجديد حتى تتهم الآخرين بذلك ...؟




الحبيب أبو مازن

أنا لا أتهم أحد لكن هذا الأسلوب متبع في إدارة المنتدي وأديك ليها علي بلاطة كدي عندما كنت مكلف بالأشراف في هذا المنتدي أتصل علي واحد من الجماعة الفوق وقال لي بالحرف الواحد شايف نص الصفحة بالأحمر فكوا التثبيت دا شوية.
وعلي ذلك قيس فأذا حدثت مرة ما الذي يمنع تكرارها مرات ومرات.
وأنا ما شايل علي أحد وما عندي مشكلة والحمد لله مع أحد ولا أتعمد عكننة أحد ولكن الصامت عن الحق شيطانآ أخرس ولا مش كدي يا الحبيب؟

[معتز الريح]

عندما كنت مكلف بالأشراف في هذا المنتدي أتصل علي واحد من الجماعة الفوق
وقال لي بالحرف الواحد شايف نص الصفحة بالأحمر فكوا التثبيت دا شوية.
وعلي ذلك قيس فأذا حدثت مرة ما الذي يمنع تكرارها مرات ومرات.

أخي عاطف ..
طلب منطقي ووضع طبيعي جداً وحصل كتير عندما كنا مشرفين ..
مع عدم علمي أنو ده منو من الناس الفوق
ولكن متأكد أنه طلب ذلك رجاء وليس أمر
والتثبيت وعدمه بيد مشرف القسم ..

------------------------------------
رجاء تذكر لينا اسم المتصل من الناس الفوق ..
الذي كلف نفسه اتصالاً لينبه إلى أمر محمود ..
عشان نشكره على متابعته وهمته وشعوره بالمسئولية نحو المنتدى ..

[عاطف عولي]

أخي عاطف ..
طلب منطقي ووضع طبيعي جداً وحصل كتير عندما كنا مشرفين ..
مع عدم علمي أنو ده منو من الناس الفوق
ولكن متأكد أنه طلب ذلك رجاء وليس أمر
والتثبيت وعدمه بيد مشرف القسم ..

الأخ معتز أذا كان الأمر طبيعي وأنا ذكرت شي طبيعي أذا ذلك لا يستدعي منكم الرد لانه شي طبيعي اما اذا قمت بالرد فذلك يعني أنه شي غير طبيعي وتريد تبريره وأنا عارفك لا تحب التبرير وتتعب منه شديد جدآ

------------------------------------
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

رجاء تذكر لينا اسم المتصل من الناس الفوق ..
الذي كلف نفسه اتصالاً لينبه إلى أمر محمود ..
عشان نشكره على متابعته وهمته وشعوره بالمسئولية نحو المنتدى ..

خلاث هو قام بشي طبيعي ولا يحتاج الي شكر والشكر يكون الي من قام بعمل غير طبيعي اي فوق العادة وليس المقصود هنا بغير الطبيعي الشاذ. حتي يستقيم الحديث الذي اري ان الكفتين الاولي والثانية بعد النقط غير متوازنة

[عثمان جلالة]

حبيبنا عاطف .. نرجو عدم التهرب في حديث الشفافية والوضوح الذي كتبت من أجله بوستا يحمل ذات المعنى من من الناس الفوق القال ليك الكلام ده عشان ما يفقد البوست قيمته ويبقى حديث الألغاز !!!.

كنت أود أن أعود لـ حديثك هناك لأكمل حديثي كما طلبت أنت بشفافية ووضوح .. ولكني أرى أ ن هذا الحديث قد تحول لغموض .. ورؤية ضبابية يجعلني أتوه في تفاصيله

أعود لأقول إذا كان هم من قال تنظيم الشكل .. فهو يشكر على ذلك ... ولكن هل سردك لهذا المثال من ذات المنطلق ؟؟ أم أنك قد سقته لسبب آخر ؟؟

الشيء الذي ما زلت متأكدا منه تماما أن مشرف القسم له الحق فقط هو ومن معه في تنظيم قسمه

وآخيرا عزيزي من هم الناس الفوق ؟؟؟ وكيف السبيل للطلوع إليهم؟؟

[nehroo]

وآخيرا عزيزي من هم الناس الفوق ؟؟؟ وكيف السبيل للطلوع إليهم؟؟

أخي العزيز جلالة .. لك وللأخ معتز التحية
وإنتوا الأتنين من الناس الفوق ..
ومشكور حضوركم في هذا البوست

فقد طلبت صاحبة البوست الأخت بت مارنجان
الإجابة على تساؤل محدد دعاها لفتح هذا البوست
أرى من الأوجب الرد على تساؤلها (أساس البوست)
قبل الدخول في معترك مع شخص آخر ..
ولكم شكري

نهرو

[esmat]

بوست غريب وما جعله كذلك ما جاء على لسان البعض
معلوم لدى الكل التسلسل الهرمي لكل جهة إدارية
فإذا قامت جهة عليا بتكليف من هم على رأس العمل
بفك تثبيت بوست أو بوستات أو تنظيم قسم او غير ذلك
فهذا يعني اهتمام الجهات العليا بالمنتدى عامة
وعندما تأتي بالتكليف فذلك يعني التشاور في الامر
فإن الجهات العليا لا يعجزها عمل ما تريد بنفسها
فأنظر إنها قد قامت بالإتصال فذلك يعني مساحة كافية
للتشاور والسؤال لفعل الامر من عدمه فهذا شيء نحمده
لها ولا مقابل لها / ولهم من اجل ذلك

سؤال البوست/الاخت بت مارنجان سؤال مشروع
نتمنى الإجابة عليه / بالرغم من أن الاخ سواح قد
اجاب

[بت مارنجان]

بسم الله الرحمن الرحيم
الاخوة الاعضاء المتداخلين
هذا البوست انشئ لأجل غرض معين وهو تساؤل عن بوست
"صرخة اطفال"
لكننا نري ان البوست قد اخذ منحي بعيدا عن استفساري الرجاء من الاخوة الاعضاء الالتزام
بسؤالي "لماذا فك الثبيت" وقد تمت الاجابة عن الاستفسار ...
الرجاء وقف هذه المواضيع هنا ومناقشتها في مكان آخر ...