الفأر لمن يفتح ...بمشي متشتح

[أبوعمرو]

والفأر المقصود هنا ليس الفأر الكبير
وليس الذي شاخ وعاوده الحنين للصبا والتفتيحه
ببساطه
الفأر الصغير
حديث الولاده
وهاااااااااك ياتشتح
وجاااااااااااايكم
ماتمشوا بعيد

[معتز الريح]

منتظرين يا حجاج ..
نشوف الفار المفتح ده هبب شنو؟؟

[ابوالنور]

اللسان ليس عظماً ... لكنه يكسر العـظام

مصنقريييييين

[أحمد عمر ( MOODY )]

كفاية بس نلقى إسم أبوعمرو ..
عشان نقعد

نتفرشخ

و ننتظر

سماحة الكلام و حلاوة النضِم

أستاذنا الحجاج ... راجين جيتك ... و ريحة المطر

[مايسة]

وجاااااااااااايكم
ماتمشوا بعيد



جاء صاحب حكاياتنا :)

واهو قاعدين ومنتظرين الفار (ام سي سي)

[abomazeen]

ودي تكية جمب معتز ود الريح
شايفووو قاعاااد قداام تقول جــاااي الأول
عمنا أكيد هو فار صغير حفااااار .... مش كده

[أشرف صلاح السعيد]

سلام و شوق يا ابو عمرو و الجميع ..
يا اخى فارك دا قوّم لينا فارة من الإنتظار ..
يا اخوى فارك دا اتشتح بعد ما فتح و لا اتبخر من كتر ما اتمختر ؟؟..
منتظرين و الله يسترنا من أمراض الصنقرة .. يا حجاج وينك ؟؟..

[سواااح]

لو وشوش صوت الريح بالباب ..

يسبقنا الشوق .. قبل العينين

مرحباً .. ابا عمرو

وفي انتظار .. السرد

[esmat]

فار سنة تامنة يعني

[الجندي المجهول]

وما تقول امس الاربعاء كنا بنحضر في توم وجيري ( انا وساطع وليان وريماز) براااااااانا (قناة اسبيستون) للتذكير يعني وكدا

ابو عمرو حبيبنا تحياتنا واشواقنا منتظرين ( جيري ) وصباح الخير ،،،،

[أبوريلان]

فارك يا أبو عمرو مرسيدس عديل كده ، شوقتنا للقصة وحكاويك اللذيذة
نحن مع المنتظرين والجمهرة الكتيرة بتخلق بلبلة للحكومة أسرع لينا .

[الزبير محمد عبدالفضيل]

مرحبا ابو عمرو بعودتكم الي المنتدي ومنتظرين قصة السيد / الفأأأأأر

[أبوعمرو]

نعتذر عن التأخير
ولكل المتفرشخين والفارشين
نشوف حكاية الفأر المتشتح...
أو
المتشبح
وبالمناسبة الفأر دا (آدمي) وممكن يكون حوائي كمان
ماعارف حكاية (آدمي) دي فيها استعلاء ذكوري
عموما
الفأر بشري
وكان أعمي
خلقه مختلقه
يعني عميان منو وفيهو
وقووووووووووومي يا المرأه موتي

[أبوعمرو]

الفأر روحو طوووووووووووويله (روح جمل)
يعني الكديس يبعبص ويبعبص والفأر كاتل عويناتو
وروحو أبت تطلع
تاني تشتح ليك قدام كديس نمري؟
عشااااااااااان تعرف حاجه
وشك بقي زي الماصرين فيهو ليمونه
خلي روحك تتطلع

[أبوعمرو]

بمناسبة الروح الطوووووووووويله
حبوبتنا (رابحة بت عيسي) ديناصور العجائز في حلتنا عليها الرحمة توفيت في ثمانينيات القرن الماضي ... مرأه تساوي عشرة رجال من ناس الحلة ومائة من ناس البندر وآلاف اللبنانيين .... أشتهرت حبوبتنا رابحة بحراسة (الروح) دخولا وخروجا... تزامل الدايات عند الولادة وتلقن المتوفي عند الشهادة ... لذلك تساوي عندها الولادة والموت وما بينهما .... ومثلما تنتهر البكر في آلالام المخاض تزجر المحتضر عند خروج الروح وتتطالب بالثبات .
عندما ظهرت علامات الموت علي (الطريفي) زوج حبوبتنا رابحة وكان فارع القامة تم تمديده علي عنقريب من القد من جلد الجمل ... وعندما حشرجت الروح في حلقه اصبح يتألم ويتأوه ... نظرت اليه حاجه رابحه شزرا:
* آآراجل ... ماتخجل ما بتختشي ... ماااااااالك صغير ولا جاهل (الماشفتو شنو؟....الماضقتو شنو؟؟ )
وبالرغم من ذلك فقد قاوم (الطريفي) الموت لثلاثه ليال وفي الليلة الرابعة أمرت حبوبتنا رابحة بتحويل زوجها من عنقريب القد معلله ذلك بقولها:
(الراجل دا بالطريقة دي ما بموت ... حولوهو من عنقريب القد ده ...العنقريب دا مؤسر بجلد جمل ... والجمل روحو طويلة)

[عبدالرحمن مدثر]

هههههههههههههههههههههههههههههههههههههههههههههههههه هه

[ابراهيم]

هههههههههههههههه

والله صلحت لي يومي كيف!!

[عزيز عيسى]

أبو عمرو يا ألذ الناس..
ياخي حكاويك ليها طعم خاص..
تعال يا راجل كمل لينا حكاية الجقر بتاعك دا..
شفقتنا ذاتو! ;)

[أبوعمرو]

[quote=معتز الريح;511913]منتظرين يا حجاج ..
نشوف الفار المفتح ده هبب شنو؟؟[/font]
...
المثل القديم(الاعمي كان فتح بجيب لي أهلو مصيبه... وفي روايه ...نصيبه)... إلا أن الفأر خاصتي أصابته المصيبه في شخصه ...
تسلم ياودالريح وليك وحشه وأسفين ع التأخير

[عثمان جلالة]

حسيتك يا حبيبنا داير تسوقنا كده .. بـ روعتك المعهودة ... والمعفرة بريحة التراب والحبوبات والوطن .. وكأنك يا الحبيب سايقنا ... على مقارنة ما بين لبنان والسودان على ضوء الفضائح التي قام بها الأمن اللبناني مؤخرا .. والتي تؤكد ...أن الفار ... الفتح ممكن يمشي مشتح .. مع احترامنا للشعب اللبناني طبعا .. لكن هي المقارنة بين أكبر بلد عربي وأصغر بلد عربي .. اها بعد قصة حبوبتك دي الله يرحمها .. إتلخبت علي الإختساس شويه .. منتظرين يا حبيب :o

[ودالعمدة]

الفأر لمن يفتح ...بمشي متشتح
***
الفأر بشري
وكان أعمي
خلقه مختلقه
يعني عميان منو وفيهو
***
الفأر روحو طوووووووووووويله (روح جمل)
***
(الراجل دا بالطريقة دي ما بموت ... حولوهو من عنقريب القد ده ...
العنقريب دا مؤسر بجلد جمل ... والجمل روحو طويلة)


الرائع أبا عمرو

لحكاويك نكهة رائعة تمزج واقع اهلنا البسيط
بروح الابداع الادبى الراقى المشبع بالخيال

وفى انتظار العنقريب المؤسر بجلد الكديسة !!