وجدتهم مجملين بالمساحيق: شرطة أمن المجتمع تضبط حفل عيد ميلاد لطلاب !!

[الجندي المجهول]

ضبطت شرطة أمن المجتمع حفل عيد ميلاد لمجموعة من الطلاب يرتدون ملابس خليعة ومجملين بالمساحيق، وكشفت مصادر أن شرطة أمن المجتمع تلقت معلومات من قاطني إحدى البنايات بمنطقة بانت بأمدرمان عن شقة يتردد عليها مجموعة من الصبيان يسببون الإزعاج العام، وقد أكدت الشرطة المعلومات التي وردت لها وقامت بمداهمة الشقة بإذن من النيابة المختصة وضبطت 19 طالباً بالمرحلتين الجامعية والثانوية وهم يرتدون أزياء خليعة ويضعون أحمر الشفاه والمساحيق النسائية. وبحسب صحيفة الأهرام اليوم قد عثر في أجهزة هواتفهم النقالة على أفلام فاضحة، ووجهت لهم النيابة اتهامات بمخالفة المادتين 152 ، 153 من القانون الجنائي.
منقوووووووول من موقع النيلين دوت كوم

معقولة الكلام دا عندنا والجابو شنو ؟
الحل ؟
من المسؤول عن هذا ؟

وانتهى كأس العالم وبدأت عندنا كاسات من نوع آخر !!!!!!!!

والمشكلة لن يكون البطل واحد كاسبانيا بل مجموعة من الابطال وبكل اسف غالبيتهم من ( الطلاب) ثانوي + جامعي ...

آآآه يا زمن ،،،،،

تحياتي للجميع من اولياء امور ( اباء وامهات واخوان كبار ومسؤولين في الدولة)

تخريمة: معيب زماننا والعيب فينا ................

ضربة حرة مباشرة : كل شئ اصبح اسهل من تناول كوب الماء في زمن يعاني فيه الناس كسب لقمة العيش وتفشيت فيه ظاهرت انعدم الحياء

[مايسة]

يا الجندي

ما تقرأ اخبار كتير احسن ليك - حا يجيك ورم ساااي (بعد الشر)

- الاسرة هي المسئول الاول والأخير في هكذا افعال

عدم مراقبة الاهالي للأبناء هى المصيبة الكبرى

ربنا يستر على الناااس بس :(

[الجندي المجهول]

يا الجندي

ما تقرأ اخبار كتير احسن ليك - حا يجيك ورم ساااي (بعد الشر)

- الاسرة هي المسئول الاول والأخير في هكذا افعال

عدم مراقبة الاهالي للأبناء هى المصيبة الكبرى

ربنا يستر على الناااس بس :(

اتحسر اختي مايسة على ضياع هوءلاء الشباب (مساحيق + مش عارف ايه) انحنا اجدادنا (المهدي ودقنة والنجومي وتراهاقا ) ولا ( علامة ) جد ( راغب علامة )

[بنت الرفاعي]

لاحول ولا قوة إلا بالله!!!
حتى التعليق الواحد بقى ماعارف يعلق يقول شنو،
لكن يا أخوي قصة الشقق دي ذكرتني قصة دي بالنسبة ليها هينة والله،
المفروض يكون في رقابات على الشقق ومؤجريها في السودان أو بشروط.

[الزبير محمد عبدالفضيل]

أشكرك أخي الجندي المجهول علي هذا النقل هذه العادات وردت لنا من الخارج وهذه هي أسباب الزلازل والمحن والكوارث هؤلاء شباب يتشبهون بالنساء

ولعنهم الرسول حين قال لعن الله المتشبهين من الرجال بالنساء ولعن المتشبهات من النساء بالرجال ونناشد امة المساجد واولاياء الامور وفي المدارس والجامعات

وفي المساجد بان يوجهوا الشباب من الجنسيين والاباء والامهات والمدرسين وشرطو الانضباط العام بأن هذه الاعمال لازم تسئصل من السودان بسرعه حتي لايضيع ركيزة الوطن وهم الشباب ومراقبة الشارع السوداني وخاصه الشقق المفروشه وتجمعات الشباب في جميع الاماكن نسأل الله الستر فوق الارض وتحت الارض ويم العرض عليه سبحانه

[ود المطامير]

حبيبنا وجندينا الحبيب
أمس بالليل كنت مساهر فى منتديات سودانيز أون لاين

وكان فى موضوع يتكلم فى الموضوع دا وصاحب الموضوع .. الظاهر معارضه ..

قال ناس الحكومه ضد الثقافه والتطور .. وكلام يفقع المراره

ومشيت سريرى والمغصه كاتلانى

[أشرف صلاح السعيد]

يا معين أعين ..
عروض أزياء و مساحيق تجميل للجنسين و وصلنا لمساحيق الرجال وبالعروض الخاصة ..
اللهم نسألك السلامة و الإستقامة و الحكمة و الهداية ..
المسؤلية جماعية اخى الجندى .. أسرة و دولة و مجتمع ..

[روبش]

اخي الحبيب الجندي .. ليس لدي كلام او تعليق سواء ان اقول لهؤلاء ( ربنا يهديهم )

[نزار حسن محمد]

يا معين أعين ..
عروض أزياء و مساحيق تجميل للجنسين و وصلنا لمساحيق الرجال وبالعروض الخاصة ..
اللهم نسألك السلامة و الإستقامة و الحكمة و الهداية ..
المسؤلية جماعية اخى الجندى .. أسرة و دولة و مجتمع ..

بارك الله فيك يا اشرف جبته بيت القصيد

المسؤلية جماعية اخى الجندى .. أسرة و دولة و مجتمع ..

[مدنيّة]

ربنا يهديهم يامحمد يااخوي

[الجندي المجهول]

لاحول ولا قوة إلا بالله!!!
حتى التعليق الواحد بقى ماعارف يعلق يقول شنو،
لكن يا أخوي قصة الشقق دي ذكرتني قصة دي بالنسبة ليها هينة والله،
المفروض يكون في رقابات على الشقق ومؤجريها في السودان أو بشروط.

بتنا مرام تحياتي ،،،
فعلا مرات الكلام بقيف في الحلق من ( المرارة) ونسال الله السلامة ،،،

[الجندي المجهول]

أشكرك أخي الجندي المجهول علي هذا النقل هذه العادات وردت لنا من الخارج وهذه هي أسباب الزلازل والمحن والكوارث هؤلاء شباب يتشبهون بالنساء

ولعنهم الرسول حين قال لعن الله المتشبهين من الرجال بالنساء ولعن المتشبهات من النساء بالرجال ونناشد امة المساجد واولاياء الامور وفي المدارس والجامعات

وفي المساجد بان يوجهوا الشباب من الجنسيين والاباء والامهات والمدرسين وشرطو الانضباط العام بأن هذه الاعمال لازم تسئصل من السودان بسرعه حتي لايضيع ركيزة الوطن وهم الشباب ومراقبة الشارع السوداني وخاصه الشقق المفروشه وتجمعات الشباب في جميع الاماكن نسأل الله الستر فوق الارض وتحت الارض ويم العرض عليه سبحانه

اخي الزبير تحياتي ( وليك وحشة والله)
الخرطوم (ضربها زلزال خفيف) وما شعر بيهو الناس اخاف من الهزة العنيفة التي تاتي بالعالي واطي (وماالكوارث الطبيعية إلا ) بسبب ما يقترفه البشر من آثام وفجور ومجون ومخالفة المولى سبحانه وتعالى ( مساحيق كريمات ) ( عديمة الوالي ، خميس اديني حقنة ، الحقني، اظهار رقم ) المرة الجاية النيل زي كل سنة والبعديها بركان والبعديها ، انزال جوي ...... يا ناس اتقوا الله وخافوا الله ولا تتبعوا خطوات الشيطان ...

[الجندي المجهول]

حبيبنا وجندينا الحبيب
أمس بالليل كنت مساهر فى منتديات سودانيز أون لاين

وكان فى موضوع يتكلم فى الموضوع دا وصاحب الموضوع .. الظاهر معارضه ..

قال ناس الحكومه ضد الثقافه والتطور .. وكلام يفقع المراره

ومشيت سريرى والمغصه كاتلانى

حبيبنا ( مطمور) والله ليك وحشة عيدل كدا ياااخ
بالله بدل ما تساهر مع الزول ( الفقع مرارتك دا) اكان اديتني رنة ورفعت لي سلك وجريت معااا ونسة ما كان اخير ليك ياااخ
قال ثقافة ( انت متأكد) الثقافة بريئة من الناس ديل ( ومن قال ان الثقافة مربوطة ( بالتعري والكلام الفارغ ) غايتو الله يهديهنا ويهديه ،،،

تخريمة : تحياتي لكل ناس الجزيرة وخاصة للشخص الذي ( يترك دوامه يوم الثلاثاء) وياتي ليتونس معاااك وانت تحلف عليهو إلا يتعشى ( يا اخو البنات يالكلس ) يا عشا البايتات ...

[الجندي المجهول]

يا معين أعين ..
عروض أزياء و مساحيق تجميل للجنسين و وصلنا لمساحيق الرجال وبالعروض الخاصة ..
اللهم نسألك السلامة و الإستقامة و الحكمة و الهداية ..
المسؤلية جماعية اخى الجندى .. أسرة و دولة و مجتمع ..

سيد الركشة ( حبيبنا) والله ببصم معاااك بالعشرة كمان ( وبصمة العين زاتو)

[الجندي المجهول]

اخي الحبيب الجندي .. ليس لدي كلام او تعليق سواء ان اقول لهؤلاء ( ربنا يهديهم )

حبيبنا ( جوزيف بلاتر ) فعلا اسال الله يهدينا ويهديهم ...

[الجندي المجهول]

بارك الله فيك يا اشرف جبته بيت القصيد

المسؤلية جماعية اخى الجندى .. أسرة و دولة و مجتمع ..

اخونا الكبير ( اب سفرووووووووق) اتمنى ان ( يشتغل السفرووووق ) بتاعك دا بعد كدا

[moh_alnour]

إذا اُصيب القومٌ في أخلاقهم فأقِم عليهم مأتما ً و عويلا
فإنما الأممٌ الأخلاق ما بقيت فإن هُموا ذهبت أخلاقهم ذهبوا
نسأل الله السلامة و العافية
اللهم جنبنا شر الفتن ما ظهر منها و ما بطن



وجدتهم مجملين بالمساحيق : شرطة أمن المجتمع تضبط حفل عيد ميلاد لطلاب !!

no comment

[الجندي المجهول]

ربنا يهديهم يامحمد يااخوي


اختنا مدنية فعلاً نسال الله الهداية لنا ولهم

تخريمة : في مشجع من ناس هولندا بعد انتهت الكورة رفع لافتة مكتوب عليها ( اخطبوط للبيع) اشارة للاخطبوط ( بول) الذي تنبأ بنتيجة مباراة ( اسبانيا الجندي المجهول ضد هولندا مدنية ) وتسلمي ،،،،

[ود المطامير]

حبيبنا ( مطمور) والله ليك وحشة عيدل كدا ياااخ
بالله بدل ما تساهر مع الزول ( الفقع مرارتك دا) اكان اديتني رنة ورفعت لي سلك وجريت معااا ونسة ما كان اخير ليك ياااخ
قال ثقافة ( انت متأكد) الثقافة بريئة من الناس ديل ( ومن قال ان الثقافة مربوطة ( بالتعري والكلام الفارغ ) غايتو الله يهديهنا ويهديه ،،،

تخريمة : تحياتي لكل ناس الجزيرة وخاصة للشخص الذي ( يترك دوامه يوم الثلاثاء) وياتي ليتونس معاااك وانت تحلف عليهو إلا يتعشى ( يا اخو البنات يالكلس ) يا عشا البايتات ...
حبيبنا الغالى
الشوق بحووووووور
وحات الله .. والله مسكت الموبايل علشان أضرب ليك

لكن قلت إحتمال تكون نائم علشان الوقت متأخر

تعرف ؟ فى واحد عمّك كدا فى سودانيز أولاين جضّم لصاحبنا بالطريقه الصاح ( إتكيفت منو )

أما صاحبنا حق يوم الثلاثاء ) هع هع هع

[راشد ود الجيلي]

حبيبنا وجندينا الحبيب
أمس بالليل كنت مساهر فى منتديات سودانيز أون لاين

وكان فى موضوع يتكلم فى الموضوع دا وصاحب الموضوع .. الظاهر معارضه ..

قال ناس الحكومه ضد الثقافه والتطور .. وكلام يفقع المراره

ومشيت سريرى والمغصه كاتلانى
انا مرة في صلاة الجمعة الامام يتكلم عن لبس البنات الغير محتشم وقال بالحرف الواحد المسوؤل الاول والاخير حكومة الانقاذ بعد ما الصلاة انتهت توجهت اليه وتحدثت معه من باب النصح وان هذه المسائل المسوؤل الاول الاسرة والثاني الحكومة لان رب الاسرة هو المسوؤل عن هذه البنت وهي تخرج من امامه فلا يوبخها ولا يتكلم وبعد الكلام معه قال لي انت احدهم يعني ناس الحكومة وضحكت وذهبت وانا ذكرت هذه القصة لان السمؤلية في المقام الاول للبنت امها ثم ابيها ثم اخوانها واخواتها في المنزل وبعد ذلك ياتي النظام العام
نسأل الله السلامة