تمزيق أسفل الخريطة

[شبارقة]

الضو البلولة ...
ترزي طيب في باب شريف الشهير بجدة ...
سبعتاشر سنة عينو ما شافت البلد ..
والفاصل بينو وبينها شوية موية في بحر عرضو قووووووووووووول 200 كلم ...
تنسدل خلف كرسيه في المحل خريطة أنيقة للسودان ..
و جنيه سوداني بالحجم المكبر ...
الله يرجعنا لي بلدنا ....
هذا دعاؤه الذي لهج به لسانه ولا يزال يلهج به حتى شابت لحيته ...
زرته في الأيام القليلة الماضية ...
ـ الضو يا خوي المرة دي دايرك تفصل لي جلابية عرسان.
ـ خير !! داير تدبل ولا شنو؟
ـ أدبل ؟ هي واااحدة قادرين عليها خلي نجيب ليها أخت كمان..
رفعت ناظري للخريطة الأنيقة التي تقبع خلفة :
الضو ياخو تفتكر الخريطة دي حتتغير.
ـ تتغير ؟؟ كيف يعني.
ـ يعني زي ما قاعد تشرط في القماش بي مقصك دا حتشرط جزء من الخريطة؟؟
ـ آها ، قاصد انفصال الجنوب؟
ـ ايوه؟؟؟
ـ يا خوي خلي ينفصل حريقة فيهم ، غير أتعبو البلد و رجعونا مية سنة لي ورا ما عملو حاجة.
ـ يا خي حرام عليك والله، ما سمعت بي مثل علي ودطه (الانفصال شعار البخيل) ؟؟ والقدح الواحد !!
ـ قدح؟ هي فضل فيها قدح، عليك الله عاجباك حالنا هسي؟
ـ طيب لكن لو انفصل الجنوب برضو الغرب حينفصل!!
تنهد بعمق وارخى منظاره الطبي عن عينيه، قائلاً:
ـ يعني الوحدة سقتنا شنو غير المر؟ و الغربة و البهدلة ؟؟
خلينا نجرب الانفصال..
ـ طيب لو داير الانفصال قوم على حيلك واقطع بي مقصك اسفل الخريطة الوراك دي!!
ـ نظر الى باندهاش وصدمة ، وقال في حسرة والم:
ـ والله ما بيهون علي!!
وبدا الحزن في وجهه وهو يحاول ارخاء ناظريه عني ، وأعمل يديه في ماكينة الخياطة ..
همست في سري عجباً لنا ....

[صابرحسين]

تحياتي وتقديري أخي شبارقه

ما قاله أخونا الضو البلولة والله ما بهون علي هو تعبير صادق عن ما يدور بداوخلنا إتفقنا مع الحكومة أو إختلفنا معها وليس بنظرة إنتهازية وبترول وثروة وما إلى ذلك من المكاسب ولكن بنظرة أخوية لجزء أصيل من وطننا الغالي وخوفاً كما تفضلت من تقسيم البلاد في جميع الإتجاهات ، ولنا في نيفاشا عبرة لأن الكل يحاول إن يحقق نفس المكاسب التي حققها أخوتنا في الجنوب إبتداءً من تجمع الأحزاب وإنتهاءً بالحركات المسلحة ، نسأله تعالي القادر على كل شي إن يجنبنا الإنفصال وشره ،وأن يجمعنا في وطن واحد يسع الجميع ........

[abomazeen]

الضو البلولة ...
ترزي طيب في باب شريف الشهير بجدة ...
سبعتاشر سنة عينو ما شافت البلد ..
والفاصل بينو وبينها شوية موية في بحر عرضو قووووووووووووول 200 كلم ...
تنسدل خلف كرسيه في المحل خريطة أنيقة للسودان ..
و جنيه سوداني بالحجم المكبر ...
الله يرجعنا لي بلدنا ....
هذا دعاؤه الذي لهج به لسانه ولا يزال يلهج به حتى شابت لحيته ...
زرته في الأيام القليلة الماضية ...
ـ الضو يا خوي المرة دي دايرك تفصل لي جلابية عرسان.
ـ خير !! داير تدبل ولا شنو؟
ـ أدبل ؟ هي واااحدة قادرين عليها خلي نجيب ليها أخت كمان..
رفعت ناظري للخريطة الأنيقة التي تقبع خلفة :
الضو ياخو تفتكر الخريطة دي حتتغير.
ـ تتغير ؟؟ كيف يعني.
ـ يعني زي ما قاعد تشرط في القماش بي مقصك دا حتشرط جزء من الخريطة؟؟
ـ آها ، قاصد انفصال الجنوب؟
ـ ايوه؟؟؟
ـ يا خوي خلي ينفصل حريقة فيهم ، غير أتعبو البلد و رجعونا مية سنة لي ورا ما عملو حاجة.
ـ يا خي حرام عليك والله، ما سمعت بي مثل علي ودطه (الانفصال شعار البخيل) ؟؟ والقدح الواحد !!
ـ قدح؟ هي فضل فيها قدح، عليك الله عاجباك حالنا هسي؟
ـ طيب لكن لو انفصل الجنوب برضو الغرب حينفصل!!
تنهد بعمق وارخى منظاره الطبي عن عينيه، قائلاً:
ـ يعني الوحدة سقتنا شنو غير المر؟ و الغربة و البهدلة ؟؟
خلينا نجرب الانفصال..
ـ طيب لو داير الانفصال قوم على حيلك واقطع بي مقصك اسفل الخريطة الوراك دي!!
ـ نظر الى باندهاش وصدمة ، وقال في حسرة والم:
ـ والله ما بيهون علي!!
وبدا الحزن في وجهه وهو يحاول ارخاء ناظريه عني ، وأعمل يديه في ماكينة الخياطة ..
همست في سري عجباً لنا ....




شبارقة يا جميل ... مفعم أنت بمشاكل الوطن القارة
ما لقيت تعبير أجمل وأصدق على صحة الانفصال القادم
غير الكاركتــير أدناه ... الله يجنبنا شر الانفصالات آميييين

=======================

http://daralhayat.com/portalarticlendah/162682

=======================

[شبارقة]

http://daralhayat.com/files/imagecache/ksasubnew/files/rbimages/1279042237707117000.jpg

[عثمان جلالة]

والله ما بهون علينا يا شبارقه ... ربنا يلطف بالحال ؟؟

نحنا يا شبارقه أخوي الاتخرجنا من جامعة جوبا ح تعتبر شهادتنا من دولة تانيه ؟؟؟ الله يعين !!!
منور يا حبيب:)

[ساريه]

اخى شبارقه حسب قرأتى المتواضعه للواقع ارى بوضوح (( وجهة نظر )) أن فى الامر يد خفيه مدبره واخونا الجنوبيين ( العامه ) لا يريدون الانفصال او بالاحرى معظمهم لا يفهمون معنى الانفصال
التوعيه مهمه

[ياسر123]

التمزيق جاي جاي مسألة وقت ليس إلأ
أقرأ الاحداث جيداً
فترى بعينك بأن السودان منفصل
الله يعين

[ساريه]

التمزيق جاي جاي مسألة وقت ليس إلأ
أقرأ الاحداث جيداً
فترى بعينك بأن السودان منفصل
الله يعين

نحن بنتمنى العكس وهذا أضعف الايمان

[ياسر123]

نحن بنتمنى العكس وهذا أضعف الايمان

نتمنى و الله الوحدة لكن الله أعلم

[ابوحمودى]

نريد الوحدة حقيقة فاذا حدث انفصال فسوف نواجه جيش من النازحين من الجنوب لان الكل يعلم المشاكل القبلية فى جنوب السودان نسأل الله ان يجنبنا الفتن ما ظهر منها ومابطن