مافيا السكر - بيان جمعية حماية المستهلك

[محمد علي شقدي]

السلام عليكم
التقت الجمعية السودانية لحماية المستهلك مع ادارة شركة سكر كنانة
توصلت لعدة نقاط اهمها
لاتدفع اكثر من 120 فقط مائة وعشرون جنيها للجوال
بمعنى 120 قرش للرطل
اى مطالبة باكثر من المبلغ احضر فاتورة شراء معتمدة للجهات ادناه
نيابة المستهلك
ادارة المستهلك بالشرطة
شركة كنانة
جمعية حماية المستهلك

كذلك تم الاتفاق على عبوات جديدة صغيرة
1 كيلو 2 كليو 5 كليو 10 كيلو
ستنزل للاسواق فى رمضان
كل الجهود لحماية المستهلك المغلوب على امره

د0 يا سر ميرغني

[ahmed algam]

تم الفاء الرطل من الاسواق


ويتم التعامل بالكيلو


يعني تاني رطل مافي نهاااااائي

[محمد علي شقدي]

يعني يا احمد الله يعين الغلابه
بقى لزاما تستخدم الاله الحاسبه الفي الموبايل لتحويل الوحدات الماعندو يشخط في الارض الكيلو = 2 رطل وربع

وسوف يتم التحايل لارجاع الكره لملعب تقدير الظروف ويباع بربع الكيلو

تحياتي يا رجل وان شاء الله يكون في فعل واستجابه في ارض الواقع

[منى ليبيا]

الغريبة انه السكر بالخارج وهو مستورد من السودان يباع ب12 دينار هنا في ليبيا يعني كم وعشرين سوداني والمواطن مغلوب على امره في بلد انتاج السكر

[مدنيّة]

جمعية حماية المستهلك دي وين يامحمد ؟؟!!
اول مرة اسمع بيها


-----------------
غايتو احنا حاجة عندنا بتتهبش ماااااااااااافي واسالوا محمد عبدالله عبدالقادر

[محمد علي شقدي]

مني تسلمي ولك التحيه

السودان ده في مجره اخري اذا الامر بالحساب المنطقي

[محمد علي شقدي]

لكـ كل التقدير يا مدنيه

انا بعرف د - ياسر ميرغني رجل صاحب مواقف معروفه خصوصا قضية الدواء الشهيره

لكن طبعا من غير قانون يساند بتكون باظافر اطفال بتحفر في وادي من الصخور

ربنا يصلح الحال الوجع في كل مكان