ما يحدث في الافلام المصرية اصبح يحدث في ارض الواقع بالسودان

[الجندي المجهول]

مثل المتهمون الـ4 في قضية إغتيال رجل الأعمال كمال بابكر نهار الاخ غير الشقيق لوزير الاثار والسياحة الدكتور احمد بابكر امس تفاصيل الجريمة التي ارتكبوها في حق المجني عليه داخل منزله بمدينة المهندسين بامدرمان ، واشارت الإعترافات التي أدلى بها الاربعة لوضع زوجة المجني عليه في دائرة الاتهام من خلال مساعدات قدمتها لهم لتنفيذ الجريمة . وكان كمال نهار قد عثر عليه ميتاً وقد اوثق الجناة يديه وساقيه بالحبال وخنقوه بعمامته حتى وفاته وهي نفس العمامة التي استخدموها في تكميم فمه وبحسب صحيفة الاهرام اليوم يرجح التحري ان المتهين قد دخلوا المنل بناء على مكالمة تلقوها حددت زمن دخولهم . [هذا الخبر منقووووووووووووول]

تعليق على الخبر ،،،،
وبعد معاينة بعض المواضيع ذات الصلة وخاصة موضوع عرض الازياء الاخير ( تذكرت عبدة الشيطان ) في مصر ،،
وعندما قرأت خبر انتحار الفتاة باميدة بسبب حملها سفاحاً من زميل لها تزوجها عرفياً ( تذكرت الزواج العرفي في المسلسلات المصرية )
وعندما قرأت خبر قتل ( نهار ) الله يرحمه وتشير بعض الاتهامات إلى زوجته في اشتراكها في هذه الجريمة ( تذكرت ايضاً ( فيلم مصري ) تحاول الزوجة قتل زوجها للتخلص منه ( وتستطيع في ذلك )

جلست مع نفسي فقط لمدة دقيقتين ( وطلعت بنتيجة)

هل ما تنتجه السينما المصرية أو التلفزيون المصري ( يمثل الواقع السوداني )

تخريمة : يا ناس انت الحاصل شنو في البلد دي دي كل يوم فيلم جديد
فترنا من الزواج العرفي
فترنا من الاطفال حديثي الولادة
فترنا من الانتحارات بالجملة
فترنا الجرائم بين الطلاب في الجامعات
فترنا
والله العظيم فترنا
البلد دي ماشة لي وين وبالله عليكم راجعوا بوست الاخ ( علوني ) شوفوا الكارثة ؟

مجرد سؤال : لاني زول اجتماعي وبواصل الناس عاوز امشي بيت ( العزاء) الخاص بالقيم والاخلاق السودانية ولكن ما عارف العنوان بالله من يعرف العنوان يدلني ( حتى اقوم بالواجب )

[مدنيّة]

مااظني تلقي ليك عنوان عشان تمشي تقدم واجب العزاء يا الجندي
فقدنا الاحساس باي شئ


-------------
شئ مقزز جدا

[محمد حسين (المميز)]

للضمــــــــــان وكده:p


ماااااااااافي داعي نسـل لسـانا تاني في المصرييـن كان دي حالتنا كده

ولانه النيل جاري بيناتنا:p



المصريين لانهم وصلو 80 مليون بلاويهم كتيره
ونحن اربعين مليون يعني نصهم وريحتنا ضربت
لوبقينا قدرهم نهجج العالم يعني:confused:

[عوض صقير]

جنديا الحبيب

الفساد ... والقيم والأخلاق .. ما بقعدوا فى حتة واحدة ...

[الجندي المجهول]

مااظني تلقي ليك عنوان عشان تمشي تقدم واجب العزاء يا الجندي
فقدنا الاحساس باي شئ


-------------
شئ مقزز جدا

والله دي بالجد مشكلة وما نسمع عنه وما نراه لا يتماشى اطلاقاً مع ما تربينا عليه ،،،

نرفع اكفنا تضرعاً للمولى عز وجل أن يهدينا وان يثبت الايمان في قلوبنا

[محب]

كلام اجنن ؟؟؟؟؟؟؟؟؟؟؟

[الجندي المجهول]

للضمــــــــــان وكده:p


ماااااااااافي داعي نسـل لسـانا تاني في المصرييـن كان دي حالتنا كده

ولانه النيل جاري بيناتنا:p



المصريين لانهم وصلو 80 مليون بلاويهم كتيره
ونحن اربعين مليون يعني نصهم وريحتنا ضربت
لوبقينا قدرهم نهجج العالم يعني:confused:

يا باشا والله للبنشوفوا دا ( كله لاحق بعضو)

بس هم على اكتر شوية ( نسبة لتعدادهم السكاني ) اكتر من 80 مليون نسمة وانحنا يادوب32 مليون نسمة
لكن بالطريقة دي ( 3-5-2) حا نهزم اي فريق وحا تلقانا الاول وحا نكون مضرب مثل واخاف ان يأتي يوم ويقولوا علينا ( والله السودان فات القداموا والقبلوا ) وحقوا نصحى من هذا الوهم الكبير .... قبل ما تقع الفاس في الراس .... ( دا كان ما وقعت )

[الجندي المجهول]

جنديا الحبيب

الفساد ... والقيم والأخلاق .. ما بقعدوا فى حتة واحدة ...

كلامك صاح الصاح ،،،،،،،،

[الجندي المجهول]

كلام اجنن ؟؟؟؟؟؟؟؟؟؟؟

اجنن بس الشوية دي !!!!!!!

[صلاح ودالطاهر]

نعيب زماننا والعيـب فينـا وما لزماننا عيـب سوانـا
ونهجوا ذا الزمان بغير ذنبٍ ولو نطق الزمان لنا هجانـا
وليس الذئب يأكل لحم ذئبٍ ويأكل بعضنا بعضا عيانـا

[سروية]

انتشر الفساد في البر والبحر بما كسبت ايدي الناس

الله انا نساللك الستر في الارض وتحت الارض ويوم العرض

الاخ الجندي المجهول زي ماقال اخوي عوض صقير الفساد والقيم والاخلاق مابتواجدو في مكان واحد

[تغريدا]

الجندى الهمام لك التحيو والأحترام ولا تستغرب مايحدث فى هذا الزمان نسأل الله اللطف بنا والأحسان وعالم عجييييييب وغرييييييييب
تقبل مرورى

[أبوريلان]

تعرف يا الجندي

العيار فلت ومافي علاج تاني ، كل البنقدر نقولوا ربنا يسترنا ويستر علي أمة محمد

لكن الخوف عليك من الضغط والسكري لأنك مهموم بهموم السودان .

[أحمد عمر ( MOODY )]

الجندي يا أخوي .. مشكلتنا أنّو علاقتنا بالدّين بقت عبارة عن أداء العبادات
و نسينا أو تناسينا .. أن الدين الإسلامي عقيدة و أسلوب حياة

اللّهم ردنا إليك رداً جميلاً



لحن الختام : راجين جيتك

[الجندي المجهول]

نعيب زماننا والعيـب فينـا وما لزماننا عيـب سوانـا
ونهجوا ذا الزمان بغير ذنبٍ ولو نطق الزمان لنا هجانـا
وليس الذئب يأكل لحم ذئبٍ ويأكل بعضنا بعضا عيانـا

والله يا استاذ البلد فقدتك وبي وراك انفلتت وبقت ماشة ( على حل شعرها ) كدا يعني ( اهو )

[الجندي المجهول]

انتشر الفساد في البر والبحر بما كسبت ايدي الناس

الله انا نساللك الستر في الارض وتحت الارض ويوم العرض

الاخ الجندي المجهول زي ماقال اخوي عوض صقير الفساد والقيم والاخلاق مابتواجدو في مكان واحد

بتنا سروية تحياتي ،،،

والله بقينا نخاف من يوم بكرة لانه كل يوم في مفاجاة ( الله يسترنا بس )

[الجندي المجهول]

الجندى الهمام لك التحيو والأحترام ولا تستغرب مايحدث فى هذا الزمان نسأل الله اللطف بنا والأحسان وعالم عجييييييب وغرييييييييب
تقبل مرورى

الكاتبة اختنا تغريد عبد العظيم ،، تحياتي


الدهشة نفسها اصابتها الدهشة لما يحدث ( وما سيحدث) وربك يجب العواقب سليمة بس

[الجندي المجهول]

تعرف يا الجندي

العيار فلت ومافي علاج تاني ، كل البنقدر نقولوا ربنا يسترنا ويستر علي أمة محمد

لكن الخوف عليك من الضغط والسكري لأنك مهموم بهموم السودان .

والله يا حبيبنا احب مكان وطني السودان
وبلادي وان جارت علي عزيزة واهلي وان ضنو علي كرام

بس ورينا نعمل شنو غايتو احلنا الحلا بله ،،،،،،

نسال الله السلامة ،،،

[الجندي المجهول]

الجندي يا أخوي .. مشكلتنا أنّو علاقتنا بالدّين بقت عبارة عن أداء العبادات
و نسينا أو تناسينا .. أن الدين الإسلامي عقيدة و أسلوب حياة

اللّهم ردنا إليك رداً جميلاً



لحن الختام : راجين جيتك

أحمد عمر ( مودي ) حبيبنا كيف اخبارك

والله ما قلت إلا الحق وببصم معاك بالعشرة ،،،،،

والله انا في شوق لا يوصف لرؤياكم التي ترد الروح ( يار وح الروح )

[بنت الرفاعي]

!!!!!!!!!!!!!!!!!!!!!!!!!!!!!!!!!!
:eek::eek::eek::eek::eek:
:(:(:(:(:(:(:(:(:(:(:(:(:(:(
و
بس:(

[ahmed algam]

http://center.jeddahbikers.com/uploads/jb12778290681.jpg (http://games.jeddahbikers.com/)

[محمد علي شقدي]

اخشى ان المجتمع يكفر بالشعارات الزائفه

ويعكس الوجه القبيح للانا والطوفان من بعدي

تحياتي يا الجندي وربنا يزيل العوج

[مدناوية]

نسأل الله السلامة والعفو والعافية ..

والسترة في الدارين ...




كل يوم بنسمع وبنشوف مصيبة جديدة ...

ياربي أخرتها حتكون شنو؟؟؟

[الفخيييم]

أوقفت الشرطة بولاية الخرطوم أمس «الاثنين» زوجة رجل الأعمال القتيل «كمال بابكر نهار»، الأخ غير الشقيق لوزير الآثار والسياحة «أحمد بابكر نهار»، كمتهمة أساسية في جريمة قتل زوجها داخل منزله بحي المهندسين بأم درمان.
وقدمت المتهمة (أ ـ ي ـ س) في العقد الثالث من العمر اعترافها القضائى أمام قاضي محكمة أم درمان جنوب مع ثلاثة شبان نفذوا الجريمة لحسابها.
وكشفت مصادر أن المتهمة تعرفت على المتهم الثاني (ع ـ أ) الذي يعمل فني سراميك من خلال عمله داخل منزلهم وخططا سوياً بمساعدة (أ ـ ج ـ م) و(أ ـ م ـ ح) لقتل المجني عليه، وبحسب المصدر فإن المباحث الجنائية بولاية الخرطوم توصلت لتلك الحقائق بعد ضبطتها لجهازيْ موبايل يخصان القتيل مع أحد المتهمين وعُثر أيضاً على اتصال بينه وزوجة القتيل مما دعا الشبهات لتحوم حولها وبمباشرة التحقيق معها حول الحادثة اعترفت بمشاركتها فيها وأكمل التحري ملف القضية بتسجيل اعترافات قضائية للمتهمين الأربعة بينهم الزوجة نفسها بجانب تمثيل جريمتهم.

تخريمة: في اطار دعم المونتاج لفيلم
حبيبنا الجندي والقادم افظع !!!