( بوست محجوز ) بشري ساااااارة

[أبوريلان]

بحبكم في الله
آآآآي والله
وصاني قال لي ما تنسي ناس البيت الكبير
.
.
.
.
.
.
.
.

بكرة أحلي

الي ذلك الحين في آمان الله .

[الجندي المجهول]

حبيبنا الغالي

وعلى لساني
بالله عليك
قول ليهو ....

So do i

تخريمة : اول ناس بجوك هنا طبعا ناس الشمار

وهم :
اول زول بجي بعدي .........

النشوفوا دا منو وليهو جائزة !!!!!

[أبوريلان]

حبيبنا الغالي

وعلى لساني
بالله عليك
قول ليهو ....

So do i

تخريمة : اول ناس بجوك هنا طبعا ناس الشمار

وهم :
اول زول بجي بعدي .........

النشوفوا دا منو وليهو جائزة !!!!!



جندينا الجائزة ليك أنت لأنك أول واحد دخل البوست
شكراً ياحبيب في الإنتظار وبكرة أحلي .

[بنت الرفاعي]

إن شاءالله دائماً بكرة أحلى والجاي بعده وبعده وبعده أحلى وأحلى.:)


يعني يا الجندي أخوي إلا الواحد يكون بتاع شمارات، ماممكن يسلم ولا يجامل؟؟!!!:rolleyes:
:D:D
أها إنت في أي صف؟؟؟!!!:rolleyes:

[بت أم درمان]

ناس بتمشى سنين طويلة
وناس بدون ما تمشى توصل
:o :o :o

وبكرا احلا

[أبوريلان]

إن شاءالله دائماً بكرة أحلى والجاي بعده وبعده وبعده أحلى وأحلى.


يعني يا الجندي أخوي إلا الواحد يكون بتاع شمارات، ماممكن يسلم ولا يجامل؟؟!!!

أها إنت في أي صف؟؟؟!!!






بإذن الله يا مرام بكرة أحلي وبعده
والجندي واقف في صف التفاؤل وببصم بالعشرة
ومتفائل يكون كأس العالم 2030م في السودان
وبكرة أحلي .

[أبوريلان]

ناس بتمشى سنين طويلة
وناس بدون ما تمشى توصل


وبكرا احلا



بت أم در سلام
كل المني في بكرة وبعده وأنتي في أتم صحة وعافية

انا السودان انا امدرمان




انا ام درمان لسان حالك اريتك تدرى بى حالى


انا الاقدرة احوالك وحوبك تدرى اوحالى


اقوم بى اعظم الادوار


واكون ساحة لى الزوار


وابقى البقعا لى الاحرار


واغزل عزة السودان


امـــــــ انا ـــــــدرمان


انا السودان انا الدور البزيد بلدى


انا البرعاك سلام وامان يا ولدى


انا امدرمان سليلت السيل قسمت الليل وبنت صباح


انا الولدونى بالتهليل وهلت فوقى غابه رماح


انا الــــ فى الشاطئ الغربى


سقوط غردون مها الحربى


انا النيل الطلب قربى


مزج بين كافت الالوان


امـــــ انا ــــدرمان


انا امدرمان انا الواحة ويج البسقى والعطشان


بروقى تضوى الواحة وتهدى السارب الضهبان


وردو وشدو فوق الناس


ونادو بقيت الاجناس


وبالتخدير بقيت مقياس


وبالتخدير بقيت ميزان


امـــــ انا ـــــدرمان


انا امدرمان نصرت الدين وكنت فدايه لى الاسلام


وروحو حولى ناس صادقين فداهم فى حياتى غرام


وزالو المبداء والفكرى


وقلدو اعظم الذكرى


ودخلو المدرسه الكبرى


ونالو شهادة الايمان


امــــــــ انا ـــــدرمان


انا امدرمان سقانى النيل رحيق العزه من كأ سه


انا البى مجدو كنت دليل واية وحده لى ناسه

[مدنيّة]

ياسلاااااااااااااام
ياسر
لو الفي بالي
تبقي دي بشارة ثمممممممممممممممممممممحة

ويارب يكون الفي بالي

[عزيز عيسى]

بحبكم في الله
آآآآي والله
وصاني قال لي ما تنسي ناس البيت الكبير

العزيز ياسر أبوريلان،

ياخي الله يبشرك بالخير محل ما تقبل.

والله عندي شعور وإحساس كبيرين بأن الشخص قائل الكلام فوق
إنسان لم ولن ينسى أهله وإخوانه حتى على سرير المرض
هو أخونا وحبيبنا الغالي وصاحب القلب الكبير المقرب الى قلوبنا
جميعاً أستاذنا صالح أبوشوارب..
نسأل الله أن يواليه بالعافية ويشفيه شفاءً تاماً ويعود إلينا مجدداً
وهو بكامل صحته وعافيته ولياقته البدنية العالية ونشاطه المعهود.

لك وله ولأفراد أسرته الكريمة مني أزكى التحيات العطرات.

http://www.funkytemple.co.za/Pictures/Animated%20roses%20heart.gif

[أبوريلان]

ياسلاااااااااااااام
ياسر
لو الفي بالي
تبقي دي بشارة ثمممممممممممممممممممممحة

ويارب يكون الفي بالي





بالك دائما صاحي ، أبشري أم جمال هو الفي بالك
وهو بدوره يشكرك علي السؤال عنه بإستمرار .

[أبوريلان]

بحبكم في الله
آآآآي والله
وصاني قال لي ما تنسي ناس البيت الكبير
العزيز ياسر أبوريلان،

ياخي الله يبشرك بالخير محل ما تقبل.

والله عندي شعور وإحساس كبيرين بأن الشخص قائل الكلام فوق
إنسان لم ولن ينسى أهله وإخوانه حتى على سرير المرض
هو أخونا وحبيبنا الغالي وصاحب القلب الكبير المقرب الى قلوبنا
جميعاً أستاذنا صالح أبوشوارب..
نسأل الله أن يواليه بالعافية ويشفيه شفاءً تاماً ويعود إلينا مجدداً
وهو بكامل صحته وعافيته ولياقته البدنية العالية ونشاطه المعهود.

لك وله ولأفراد أسرته الكريمة مني أزكى التحيات العطرات.




الخواجة عزيز اللذيذ

إحساسك لن يخيب يا خواجة
هو ذلك الرجل الذي ذكرته ولا أحب أن أضيف علي ما قلته فأنت نعم الصديق الوفي
الدائم السؤال عن أخوانك ولم ولن تنسي الناس ، ودي شيم أهل مدني وكفي .

لك التحايا والأشواق ولأسرتكم الكريمة .

[أبوريلان]

الحمدلله الذي بنعمته تتم الصالحات ، بفضل الله تعالي ودعواتكم المســتجابة تحسنت حالة حبيب الملايين وصاحب القلب الكبير وشعلة المنتديات وربانها ( صالح أبو شوارب ) ، هاتفته أول أمس وكان صوته يشع بهجة وسرور ، كان سعيد وفرحان وفي قمة السعادة وطالت المحادثة ولم تحلو من القفشـــات التي عودنا دائما أن يلطف بها الجو وهو صاحب إبتسامة لا تفارق محياه ، يحب الناس ودائم السؤال عنهم حتي وهو في أشد وأحلك الظروف ، أذكر عندما كان في طريقه لغرفة العمليات وهو علي النقالة وبالملابس الزرقاء وطبيب التخدير يقف فوق رأسه طلب مني أن أبلغ أي من الأخوان في المنتدي بأن ينزل خبر وفاة إبن الأخ عابدين حسن سليمان ( رضيع ) فنزلت دموعي وخبأتها عنه حتي أشجعه وهو مقبل علي عملية كبيرة وخطيرة في نفس الوقت ( هذا قليل من كثير ) لا يسعني الوقت أن أذكر بعض المواقف ولكن بإذن الله تأتي تباعاً ، بعد أن هاتفته وكان معه الحبيب تجاني ( أبو عبدالعزيز ) كان حضوراً للإطمئنان علي صحته وتأكيد حضور دعوة اليوم المفتوح والذي كتبت هذا البوست بخصوصه ، وقبل أن أنهي المحادثة وعدته بالزيارة مساء اليوم الثاني الإثنين ( أمس ) وقد كان ذهبت بعد صلاة العشاء وجلسنا لساعات طوال نتحدث ونتسامر ونتفاكر عن المنتديات وآخبار ست المدائن وتخللت الجلسة بعض الإتصالات من بعض الحبايب وبعض القفشات وسألني عن أخبار الكثير من الأعضاء والأصدقاء في الموقعين ، معليش أطلت عليكم بالمقدمة ولكن إليكم بالزبدة زي ما بقول أخواننا السسعوديين ، طلب مني الحبيب أبو شوارب أن أبشركم بالتقدم الملحوظ في صحته وعافيته وإنه تماثل للشفاء بنسبة كبيرة وهذا كله بفضل الله ودعواتكم وبقول ليكم ربنا ما يحرمنا منكم ومن دعواتكم المستجابة ويتقدم لكم جميعاً بالشكر والإمتنان أخوان وأخوات شيباً وشباباً كبارا وصغاراً في الموقعين ، كما طمأنه الطبيب المعالج بالتحسن الكبير والإستجابة للعلاج مما كان له الأثر الكبير في رفع روحه المعنوية ، وينتهز هذه السانحة ليعبر عن إمتنانه لكل الحضور بالمستشفي والمنزل والذين ما بخلوا بالسؤال عنه عبر الإتصالات مع الأسرة والرسائل وحتي الرسائل للبعض عبر الموقع كانت تصلني فأنتم أهلي وسندي بعد الله وأسأل الله تعالي الصحة والعافية لكم ولاولادكم ، ويقول لكم هو علي إطلاع علي كل ما يكتب علي موقعي مدني عبر الأسير .


وبهذه المناسبة السعيدة تعلن منتديات مدني نت وجمعية مدني الخيرية بالرياض عن قيام يوم مفتوح شكر للمولي عز وجل علي شفاء حبيبهم وكبيرهم ( صالح أبو شوارب ) كما قامت مجموعة من الشخصيات من جمعية ودمدني الخيرية بالرياض السباقة لعمل الخير وموقع مدني نت بزيارته في المنزل وقدمت له الدعوة ولأسرته كما طلبوا منه تقديم الدعوة لجميع معارفه وأصدقائه . وهو بدوره طلب مني أن أبشركم بشفاءه ثم بدعوته لكم جميعاً لتشـــاركوه الفرحة والبهجة كما شاركتوه المحنه التي ألمت به ولتطمئنوا علي صحته ويرجو من الجميع الحضور لأن المناسبة عظيمة ولن تتم إلا بجمعكم حوله وهذا ديدنكم ، كما أشار بأنه لايقبل أي عذر لأي شخص داخل مدينة الرياض والمناطق القريبة منها ويا ناس الدمام بلوا راسكم ، كما كان يتنمي حضور كل الأخوان بجدة ، وأفاد بأنه قام بدعوة بعض الشخصيات التي سوف تكون مفاجأة الحفل وهو بدوره يشكر كل من قدم له الدعوة ولم يخذله في القبول ، ويا صلاح الطاهر كتر من الأفلام لأن اللمة مميزة وما بتتكرر تاني والجمع كريم وناس مدني دائما مميزين في كل عمل ، والشكر والإمتنان للجنة اليوم المفتوح التي واصلت الليل بالنهار في إجتماعات متواصلة لإخراج هذا اليوم بالصورة المطلوبة .




المناسبة : يوم مفتوح ( شكر لله لشفاء صالح أبو شوارب ) ومناقشة بعض المواضيع التي تهم الموقع والجمعية .
المكــان : إستراحة الخزان مخرج (16) الدائري الشرقي ( يوجد رسم كروكي ) .
الزمـان : بعد صلاة الجمعة ويستمر حتي منتصف الليل .
البرنامج : فقرات شيقة أعدتها اللجنة المنظمة ولم تجهل أطفالنا أكبادنا من الفرحة بشفاء عمهم أبو شوارب .
الدعــوة : عامــــــــــــــــــــــــــــــــــــــــــــــة لكل الحبايب ( أسرية ) .


وصف لمكان الإحتفالية : تقع الاستراحه شرق الطريق الدائري الشرقي بمخرج 16 مرورا بالسكه حديد من وسط البلد ويمينك وزارة التجارة حتي الوصول الي الدائري الشرقي هايبر بنده علي يمينك تتجه شرقا ناحية السلي رابع اشارة بعد تخطي الدائري الشرقي هي اشارة أسواق العثيم منها يسار المبني الخامس علي اليمين (استراحة الخزان ) .





مع أمنياتنا للجميع بقضاء أمتع اللحظات وأسعدها وفرحتنا كبيرة بشفاء القامة صالح أبو شوارب وبكرة أحلي .


ملحوظة : طلب مني الحبيب أبوشوارب أن أضع هذا البوست في منتدي مدني ( البيت الكبير ) وقال لكم سوف يفتش علي مفتاحه الضائع ليدخل ويسطر لكم ما يجيش بخاطره تجاهكم ، الي ذلك الحين في رعاية الله وحفظه .

[عبدالله محمد العقاد]

الحبيب ابوريلان

والله اسعدتنا ايما سعادة بهذا الخبر و ندعوا الله ان يشفي حبينا و حبيب الكل صاحب القلب الكبير استاذنا ابوشوارب و ان يتمم عليه صحته و عافيته
فنحن كلنا ابوشوارب ان شالله
و اصالة عن نفسي و نيابة عن حبيبنا ابوشوارب اشكر كل من دعاء له او زاره في بيته العامر او المستشفى او ساله عنه بالتلفون
و اشكر كل الشباب هنا و خاصة طيبة القلب الاخت مدنية التي ما ان يصبح صباح الا تبدا بالدعاء لحبيبنا ابوشوارب

بشرك الله بالخير اخي ياسر

[ود المطامير]

قُل له يا الحبيب على لسانى
هو الأجمل هو الأروع وهو الأحلى
فمنذ أن رأيته خلالك هاهنا
عرفت كما كنت أعرفه كم هو أغلى ؟

[أبوريلان]

الحبيب ابوريلان

والله اسعدتنا ايما سعادة بهذا الخبر و ندعوا الله ان يشفي حبينا و حبيب الكل صاحب القلب الكبير استاذنا ابوشوارب و ان يتمم عليه صحته و عافيته
فنحن كلنا ابوشوارب ان شالله
و اصالة عن نفسي و نيابة عن حبيبنا ابوشوارب اشكر كل من دعاء له او زاره في بيته العامر او المستشفى او ساله عنه بالتلفون
و اشكر كل الشباب هنا و خاصة طيبة القلب الاخت مدنية التي ما ان يصبح صباح الا تبدا بالدعاء لحبيبنا ابوشوارب

بشرك الله بالخير اخي ياسر





الحبيب العقاد
حضورك مهم جداً وضروري لمناقشة بعض المواضيع .

[أبوريلان]

قُل له يا الحبيب على لسانى
هو الأجمل هو الأروع وهو الأحلى
فمنذ أن رأيته خلالك هاهنا
عرفت كما كنت أعرفه كم هو أغلى ؟




الحبيب عروة
فاكهة مدني ، أبشر بالخير سوف تصل لأبوشوارب
وأنت الأحلي والأطعم والأمثل .

[عوض صقير]

أبوريلان الأنسان

سعادة غامرة إنتابتنى وأنا أرد إتصال من الحبيب صالح أبو شوارب وسماع صوته الذى يبشر بتحسن صحته

ألف حمدلله على سلامتك حبيبنا أبوشوارب ونسأل الله أن يديم عليك نعمة الصحة والعافية

البيت الكبير يفتقدك بشدة ويفتح ذراعيه فى سعادة لأستقبالك


تشكر حبيبنا أبوريلان ...

[صلاح ودالطاهر]

ابوها الله يبشرك بالجنه والف حمداً علي سلامة الحبيب والافلام بكثر

[صلاح ودالطاهر]

http://www.youtube.com/watch?v=FSsIB2YV3jo

[نزار حسن محمد]

ياسر عبد الرحمن الله يبشرك بالخير على هذا الخبر الجميل
بلغ المحبوب سلامى وكل اشواقى واحترامى
ونحن على احر من الجمر وفى انتظار صور تكريم القامه
صالح ابوشوارب..

[مدنيّة]

نجيب ليه المفتاح الضائع لغاية عنده في البيت يا ياسر "بث ادينا خبر"
عمنا صالح عزيز جدا علينا وكبيرنا من ماجينا هنا ولغاية الان ودوما يارب

ربنا يمتعه بالصحة والعافية

[صلاح ودالطاهر]

http://www.youtube.com/watch?v=y1GEVzjEwgs

[صلاح ودالطاهر]

http://www.youtube.com/watch?v=67qYouP6y4Q

[مايسة]

خبر جميل جدا والله

ربنا يديهو الصحة والعافية يا رب

ولمة سعيدة ليكم وان شاء تقضو احسن الاوقات :)

[أبوريلان]

أبوريلان الأنسان

سعادة غامرة إنتابتنى وأنا أرد إتصال من الحبيب صالح أبو شوارب وسماع صوته الذى يبشر بتحسن صحته

ألف حمدلله على سلامتك حبيبنا أبوشوارب ونسأل الله أن يديم عليك نعمة الصحة والعافية

البيت الكبير يفتقدك بشدة ويفتح ذراعيه فى سعادة لأستقبالك


تشكر حبيبنا أبوريلان ...




مستشارنا الخلوق عوض صقير
بالأمس لم تخيب ظننا فيك ويوم الجمعة سوف يكون شاهد علي حسن نيتك
عرفناك طيب القلب حليم والرجال معادن والمابعرفك يجهلك ، أبو شوارب كذلك
كان سعيداً جداً جداً وهو يهاتفك ويخطف الجوال من يدي ويتداخل في ما دار
من حوار بيننا لحبه لعمل الخير وجمع الناس وخلق الإلفة والتوادد والتراحم
هو كذلك يفتقد البيت الكبير وسوف يضيء أركانه من جديد وبكرة أحلي .

[esmat]

نسأل الله أن يمتعه بالصحة
والعافية دائماً وابدا ان شاء الله
والف حمد الله على السلامة
عمنا ابو شوارب
ليتنا كنا حضوراً

[أبوريلان]

ابوها الله يبشرك بالجنه والف حمداً علي سلامة الحبيب والافلام بكثر




المربي صلاح الطاهر
تسلم يا الحبيب
وينك أمس توعدنا وتخلف بالصورة ، خلاص ما تبرر لينا جيب معاك عشرة أفلام جديدة وتعال
وما تنسي ناس عصام عموش والبقية .

[بنت الرفاعي]

الحمدلله والشكر لله.:)
نتمنى له الشفاء التام والعمر الطويل.
وكل التحايا الأنيقة له.:)

[أبوريلان]

ياسر عبد الرحمن الله يبشرك بالخير على هذا الخبر الجميل
بلغ المحبوب سلامى وكل اشواقى واحترامى
ونحن على احر من الجمر وفى انتظار صور تكريم القامه
صالح ابوشوارب..




نزار ود عمي حسن
سلام وصل تب ، لكن كُنا عشمانين في تلبية الدعوة
وجمرك ده شهيتنا في شية الجمُر
بلغنا محمد أناقة يكتر من أفلام الكوداك عشان يغطي الحفل .

[النويري]

أبو ريلان مشكور على هذه البشارة الطيبة وعمنا أبو شوارب ربنا يديه الصحة والعافية وكلنا حضور إنشاء الله وما أجمل اللمة في مثل هذه المناسبة

[محمد الجزولى]

العزيز ابو ريلان
بشرك الله بالخير ومشكور على هذا الخبر الجميل
ونقول لاخونا صالح حمد لله على السلامة ورينا ينعم عليك بنعمة الصحة والعافية

[عوض صقير]

أبوريلان الأنسان

سعادة غامرة إنتابتنى وأنا أرد إتصال من الحبيب صالح أبو شوارب وسماع صوته الذى يبشر بتحسن صحته

ألف حمدلله على سلامتك حبيبنا أبوشوارب ونسأل الله أن يديم عليك نعمة الصحة والعافية

البيت الكبير يفتقدك بشدة ويفتح ذراعيه فى سعادة لأستقبالك


تشكر حبيبنا أبوريلان ...




مستشارنا الخلوق عوض صقير
بالأمس لم تخيب ظننا فيك ويوم الجمعة سوف يكون شاهد علي حسن نيتك
عرفناك طيب القلب حليم والرجال معادن والمابعرفك يجهلك ، أبو شوارب كذلك
كان سعيداً جداً جداً وهو يهاتفك ويخطف الجوال من يدي ويتداخل في ما دار
من حوار بيننا لحبه لعمل الخير وجمع الناس وخلق الإلفة والتوادد والتراحم
هو كذلك يفتقد البيت الكبير وسوف يضيء أركانه من جديد وبكرة أحلي .

حبيبنا أبو ريلان .... قدرك وقدر الحبيب أبوشوارب على العين والرأس .... وفرحتنا بشفاءه كبيرة تجعلنا بإذن الكريم أول الحضور ..

[أبوريلان]

نجيب ليه المفتاح الضائع لغاية عنده في البيت يا ياسر "بث ادينا خبر"
عمنا صالح عزيز جدا علينا وكبيرنا من ماجينا هنا ولغاية الان ودوما يارب

ربنا يمتعه بالصحة والعافية





أم جمال ما بتقصري تب عارفك بت رجال ( ومفتاحك وصل )
وإن شاء الله أيام وتشوفي أبو شوارب في العام .

[أبوريلان]

خبر جميل جدا والله

ربنا يديهو الصحة والعافية يا رب

ولمة سعيدة ليكم وان شاء تقضو احسن الاوقات





الأخت ما يسة
الله يبارك في أيامك ويديك الصحة والعافية
واللمة والله كنا نتمني كل الأخوان والأخوات في المنتدي
حضوراً ويكون ملح وملاح .

[أبوريلان]

نسأل الله أن يمتعه بالصحة
والعافية دائماً وابدا ان شاء الله
والف حمد الله على السلامة
عمنا ابو شوارب
ليتنا كنا حضوراً




العريس عصمت
مشتااااااااااقين ياخ وينك الرياض تسأل عنك
ودي مناسبة كان تجي تقضي يومين وتغير جو
وتحضر اللمة الكبيرة ، الجايات أكتر من الرايحات .