المساعد الشخصي الرقمي

مشاهدة النسخة كاملة : سكرت خلاص ....؟؟ افتح البوست دا !!


ود سعدابى
24-06-2010, 02:38 PM
اها إنشاء الله الجراح خفت !!؟







عنوان ملطوش من رائعة ود الحفيان بالمنتدى الثقافى قصيدة الوصية الاخيرة



مع عبق العرقى يسافرون ويترنحون بين نصف كباية وكااااس كامل


مع دخااااان البنقو يتتاطيرون فى الهواء الطلق والنسيم العليل

يرون الناس صغاراً وما هم بصغار ولكن صغرة عقولكم

يرون الاخرين خفاااف وما هم بخفاف ولاكن وزن العقل الكان داخلهم اقل من وزن الريشة ودخان السجائر

يتجمعون بين زكريات الامس وصدمات ايامهم وخيبات ازمانهم لكى يهربون منها لى الحجيم

ويعتقدون انهم زاهبون لى فضاءات ارحب وعوالم تانية خالية من المشاكل
عوالم تصورها لهم كاسات الشراب ودخاخين البنقو !!





يا جماعة الليلة الخميس نسيتو ولا شنو ؟؟

ارحكم يااااخ احتمال اقدر ادفن اسايا فى عنقريب الانداية

حلووووووووم الليلة جينا وبرميلك ماااا بكفينا

الليلة جينا والبنقو ما بخلينا

جينااااك بكل تقلنا

رشييييييييي رشى يا فطومة


رشى العنقريب وفرشى الواطا !!


هاااك اخد نفس يااااخ واضرب الهم بالفرح

مش وجدااااان دى الشوكشتك اشارطتك تنساااها بمجرد ما تصل السجارة دى مرحلة الشوشاوه

واربطا بى كباية عرقى مكربة

وانسى الهموم !!



كرررررررع اخر رشفة من الكباية سرى العرقى مسرى الدم

تكالبت عليهو المحن

يلقاها من وجدااان ولا من العرقى

هسى فى داعى للطشمة دى ؟

بسجارة من بنقو نيالا الاصلى

عله يلحق قطر وجدان الرحل منه لعدم الكفاءة وتحمل المسؤلية

هو ماااا شى والسجارة ماااشة

لامن وصل الطفية رماااها تحت نعلينو

وعفصها بى كراعو

واداها جولة فى الحلة وعضلاتو تنذر بشكلة تلوح فى الافق يضرب دا ويمسك يبده الاخرى حيطة ناس عشه عله يستعيد توازنة ولا يمسك من الحيطة إلا روس البهايم الممسوح السنة المضت
يترتح ويدقش غنماية ناس التوم

ويلغلغ بلغة غير مفهومة

اااناا انا ما نسيتو ودعت الحبيب وجفيييييييييييييتو

يترنم بمقاطع ناقصة من اغنية جالت بخاطره الثمل

وهدييييك هديل تعاين ليهو من فوق الحيطة

وامها تتحسر على خالد الشاب المتزن المحترم كانو يستنجودن به عند الشدايد

الليلة شوفيهو كيييييييف

مخير الله !!! كائس البنجدو

يلاقيهو محمد امااام الجامع ويعترض طريقو

تعرف يا محمد هق ههههق

انا بتك سمااااح دى لو مااا عرستا الحلة دى بضبحا ججججججت

هق اااها قلت شنو ؟

يضرب محمد كف بكف على ما آل إلية حاله

يرد امشى يااا ولدى اتلم ربنا يهديييك

يصل بيته بمساعده من كهووول الحلة وحريمها وسط تلتلة ورفض بالذهااااب الى البيت

خلووووووووونى يااااخ مالكم معااانا

هههق فك ياااخ
مااا تفكها لينا خسرانين فيها قزازة وراس بنقو !!

تشيلو الحاجة من كتفو وفى نص العنقريب ترمى

وسط سييل من الشتائم
والكلام الفااارغ

وتتبتب عليهو لامن ينوم


ويصحى الصباح عادى زى الماعمل حاجة ولا ساط تاريخة بى كذبة

اسمها العرقى والبنقو



المشكلة بعد ما فكت

لا قدر يتفكا من الهم العليهو ولا قدر يتفكا من الشوشاوة البتحرق فى روحو

ولا العرقى السقى جروحو

خلاصة :

سكرت خلاص !!!
أها إنشاءالله الجراح خفت
وقبل تغرق
لِفاك بالنجده غطاسك ؟!
ولا تحاول تبرر ساي
مابتقنع ولا نفسك
ولابتقدر تسكِت مره حداثك
هداك شبح العدم واقف
وظنيتو بينادي عليك

مخير عاااد
نزار حسن محمد
24-06-2010, 10:03 PM
ودسعدبى التحته الشجر كابى ..
ياخى دا بوست بطعم ام فتفت
بالله الواحد لاعرف انه طاشم ولا انه مسطول:p
ود سعدابى
25-06-2010, 01:17 PM
ودسعدبى التحته الشجر كابى ..
ياخى دا بوست بطعم ام فتفت
بالله الواحد لاعرف انه طاشم ولا انه مسطول:p

العزيز إلى نفسى جداً نزار حسن :

كيفنك آبوى علك طيب ياااخ ؟

بطعم ام فتفت ؟ ياااخ اول مره اعرف انك كنت بتعلب زمااان على تلك الكاسااات حد الثمالة !!
بهظر ياااخ
المهم ام فتفت ليها ارتباااك وثيق بالعرقى والمريسة
لتحديقة لو بتعرفها تعطى مفعول اكثر او تزيد من لزة الثمل !!
بتزكر لى نكتة كدا ليها علاقة بالاكل

يقال انو واحد كان مقيل يومو كل فى الانداية لحدى ما الواطه امست وقام داير يمش اول ما طلع من الانداية مسافة كم بيت كدا
عتر ووقع وطرش فى نفس اللحظة
واخدتو نومة لسوء حظو وقع جمب كديس ميت
اها لمن صحى قام يفرز فى طراشو

ضنب الخروف دا اكلتو فى بيت ناس كلتوم
والعسلية دى شربتها فى بيت ست النفر والربيت دا اكتلو عند عشة

اهااااااا المشكلة الكديس دا اكلتو وين ؟؟

شفت كيف !! الناس دى !!

المهم شاكر مرورك العميق والجزل

والاهم اليوم يصادف 26 /6 اليوم العالمى لمكافحة المخدرات معاً لكى نجل مدنى خالية من الكحوليات والمخدرات

ومدنى اجمل ومرروك بمثابة زيارة إليها


ود سعدابى
عبدالله محمد العقاد
25-06-2010, 11:08 PM
اها إنشاء الله الجراح خفت !!؟







عنوان ملطوش من رائعة ود الحفيان بالمنتدى الثقافى قصيدة الوصية الاخيرة



مع عبق العرقى يسافرون ويترنحون بين نصف كباية وكااااس كامل


مع دخااااان البنقو يتتاطيرون فى الهواء الطلق والنسيم العليل

يرون الناس صغاراً وما هم بصغار ولكن صغرة عقولكم

يرون الاخرين خفاااف وما هم بخفاف ولاكن وزن العقل الكان داخلهم اقل من وزن الريشة ودخان السجائر

يتجمعون بين زكريات الامس وصدمات ايامهم وخيبات ازمانهم لكى يهربون منها لى الحجيم

ويعتقدون انهم زاهبون لى فضاءات ارحب وعوالم تانية خالية من المشاكل
عوالم تصورها لهم كاسات الشراب ودخاخين البنقو !!





يا جماعة الليلة الخميس نسيتو ولا شنو ؟؟

ارحكم يااااخ احتمال اقدر ادفن اسايا فى عنقريب الانداية

حلووووووووم الليلة جينا وبرميلك ماااا بكفينا

الليلة جينا والبنقو ما بخلينا

جينااااك بكل تقلنا

رشييييييييي رشى يا فطومة


رشى العنقريب وفرشى الواطا !!


هاااك اخد نفس يااااخ واضرب الهم بالفرح

مش وجدااااان دى الشوكشتك اشارطتك تنساااها بمجرد ما تصل السجارة دى مرحلة الشوشاوه

واربطا بى كباية عرقى مكربة

وانسى الهموم !!



كرررررررع اخر رشفة من الكباية سرى العرقى مسرى الدم

تكالبت عليهو المحن

يلقاها من وجدااان ولا من العرقى

هسى فى داعى للطشمة دى ؟

بسجارة من بنقو نيالا الاصلى

عله يلحق قطر وجدان الرحل منه لعدم الكفاءة وتحمل المسؤلية

هو ماااا شى والسجارة ماااشة

لامن وصل الطفية رماااها تحت نعلينو

وعفصها بى كراعو

واداها جولة فى الحلة وعضلاتو تنذر بشكلة تلوح فى الافق يضرب دا ويمسك يبده الاخرى حيطة ناس عشه عله يستعيد توازنة ولا يمسك من الحيطة إلا روس البهايم الممسوح السنة المضت
يترتح ويدقش غنماية ناس التوم

ويلغلغ بلغة غير مفهومة

اااناا انا ما نسيتو ودعت الحبيب وجفيييييييييييييتو

يترنم بمقاطع ناقصة من اغنية جالت بخاطره الثمل

وهدييييك هديل تعاين ليهو من فوق الحيطة

وامها تتحسر على خالد الشاب المتزن المحترم كانو يستنجودن به عند الشدايد

الليلة شوفيهو كيييييييف

مخير الله !!! كائس البنجدو

يلاقيهو محمد امااام الجامع ويعترض طريقو

تعرف يا محمد هق ههههق

انا بتك سمااااح دى لو مااا عرستا الحلة دى بضبحا ججججججت

هق اااها قلت شنو ؟

يضرب محمد كف بكف على ما آل إلية حاله

يرد امشى يااا ولدى اتلم ربنا يهديييك

يصل بيته بمساعده من كهووول الحلة وحريمها وسط تلتلة ورفض بالذهااااب الى البيت

خلووووووووونى يااااخ مالكم معااانا

هههق فك ياااخ
مااا تفكها لينا خسرانين فيها قزازة وراس بنقو !!

تشيلو الحاجة من كتفو وفى نص العنقريب ترمى

وسط سييل من الشتائم
والكلام الفااارغ

وتتبتب عليهو لامن ينوم


ويصحى الصباح عادى زى الماعمل حاجة ولا ساط تاريخة بى كذبة

اسمها العرقى والبنقو



المشكلة بعد ما فكت

لا قدر يتفكا من الهم العليهو ولا قدر يتفكا من الشوشاوة البتحرق فى روحو

ولا العرقى السقى جروحو

خلاصة :

سكرت خلاص !!!
أها إنشاءالله الجراح خفت
وقبل تغرق
لِفاك بالنجده غطاسك ؟!
ولا تحاول تبرر ساي
مابتقنع ولا نفسك
ولابتقدر تسكِت مره حداثك
هداك شبح العدم واقف
وظنيتو بينادي عليك

مخير عاااد








هههههههههههههههههههههههه

و الله وجدان ما ليها حق


ابداع ود سعدابي و الشكر على البوست الرائع اللي ارغمني على المشاركة رغم الاطلاع اليومي على المنتدى

أذكر في جلسة عصرية في الفريق و تحت شجر دقن الباشا جلسنا شلة نحلل و نشرح اسباب أدمان كثير من شباب الفريق للعرقي
فبدانا بفلان و كان مستشارنا اكبرنا سنا و من هو جليس لهؤلاء المرهفين
و كلمة مرهفين لانه في اعتقادي الشخصي انه هؤلاء الشباب اصحاب قلوب مرهفة عجزت على مواجهة بعض الظروف القاسية فكان الهروب لفطومة و اخواتها
صاحبنا المستشار و قال عن فلان عنده مشكلة مع مرته
و قلنا ليه فلان
المستشار فلان عنده مشكله مع اخوه اكل قروشه

و فلان قال فلان طبعا ادوه شاكوش من النوع ابوكديس و فلانه السافرت ابوظبي دي كانت جكسايتو

و فلان وفلان

و ختمنا

و طيب فلان

المستشار فلان والله حسب علمي ما عنده مشكلة و انما عامل مشكلة لروحو براهو

فضحكنا من تعليق المستشار على اخر واحد و كان تعليقه ابداع كبوستك هذا ودسعدابي

تحياتي
نزار حسن محمد
26-06-2010, 02:24 AM
المبدع المطبوع ودسعدابى التحته الشجر كابى
اليوم العالمى لمكافحة المخدرات
معاً لكى نجعل مدنى خالية من الكحوليات والمخدرات
المليون خطوه بتبداء بخطوه..

لكن الرسول فيك اسمع دى
المسطول عمل عملية تجميل
داخل على ناس بيتم
قال ليهم تصدقوا ماعرفتكم؟؟؟!!
عبدالرحمن مدثر
26-06-2010, 02:54 AM
سعدابى

وحرفه الجميل

اسواء شىء ياصديقى ان تهرب من واقع الى فجيعة اكبر

ودا حال معظم شباب اليوم

ودولتنا اسلامية

وشوال السكر ب200 جنية

انت عارف انا بتسكرنى حروفك دى

لابحتاج لبتاعت نيالا

ولا بتهزنى هديل
ود سعدابى
26-06-2010, 01:15 PM
هههههههههههههههههههههههه

و الله وجدان ما ليها حق


ابداع ود سعدابي و الشكر على البوست الرائع اللي ارغمني على المشاركة رغم الاطلاع اليومي على المنتدى

أذكر في جلسة عصرية في الفريق و تحت شجر دقن الباشا جلسنا شلة نحلل و نشرح اسباب أدمان كثير من شباب الفريق للعرقي
فبدانا بفلان و كان مستشارنا اكبرنا سنا و من هو جليس لهؤلاء المرهفين
و كلمة مرهفين لانه في اعتقادي الشخصي انه هؤلاء الشباب اصحاب قلوب مرهفة عجزت على مواجهة بعض الظروف القاسية فكان الهروب لفطومة و اخواتها
صاحبنا المستشار و قال عن فلان عنده مشكلة مع مرته
و قلنا ليه فلان
المستشار فلان عنده مشكله مع اخوه اكل قروشه

و فلان قال فلان طبعا ادوه شاكوش من النوع ابوكديس و فلانه السافرت ابوظبي دي كانت جكسايتو

و فلان وفلان

و ختمنا

و طيب فلان

المستشار فلان والله حسب علمي ما عنده مشكلة و انما عامل مشكلة لروحو براهو

فضحكنا من تعليق المستشار على اخر واحد و كان تعليقه ابداع كبوستك هذا ودسعدابي

تحياتي





ود العقاد ياااخ فلان دا باااالغ عدييييل يعنى لاعندو مشكلة ولا عندو شاكوش بس بحب يتظاهر بى انو بتاع البتاااع دا !؟

ياااخ تحليلك دا قيمة براهو قلت لى مرهفين عشان كدا قالو احسن ناس فتومة والرهيفة التنقد !!

اشكر حرفك هنا واشكر تواجدك الغالى واستقطاعك من زمنك الذى اضاف نكهة الى البوست كا التى
تُضيفها الشية لشارب البقنية !!

عميق مودتى وتيبار من خمر الصداقة

ود سعدابى
ود سعدابى
26-06-2010, 01:32 PM
المبدع المطبوع ودسعدابى التحته الشجر كابى
اليوم العالمى لمكافحة المخدرات
معاً لكى نجعل مدنى خالية من الكحوليات والمخدرات
المليون خطوه بتبداء بخطوه..

لكن الرسول فيك اسمع دى
المسطول عمل عملية تجميل
داخل على ناس بيتم
قال ليهم تصدقوا ماعرفتكم؟؟؟!!


النزار قلت داير تطبق الكأس اقصد البوست !!:d

والمليون خطوة بتبداه قطوة وعزيمة انحنا بنشوف النجوم بعيده دا لو حسبنا مسافتا لاكن لو عملنا عشان نصلها بنصل فى اقل من ثوانى
المهم العزيمة مش زمااان كان الزهاب لى القمر اشبه بالخرافة ؟ شوفوالليلة اضحى حقيقة كيف

ممكن عادى نجعل مدنى خالية من الكحوليات والمسكرات جميعها بغض النظر عن المكافحة البدائية بضرب الاوكار والمداهمات الرعناء التى تقوم بها شرطة امن المجتمع لن ننجح لو اتبعنا هذه الطرق
الافضل ان نكرس جهودنا فى وسائل اخرى وهى كثيرة

ونكتتك زى العسلية البحبسو بيها السكرة

وهاااااااك دى
ليها علاقة بكلامى اعلاه

واحد جنو سكر ربنا جاد عليهو بى بحبوحة قروش وقال داير يحج اها صادف ست العرقى فى مكة
حلفا قدام الكعبة انو تانى ما تزيدو موية !!

لك من الود برميل ومن الريد هينين ومن الشكر انداية تعمل 24 ساعة

ولك ما يعترينى من فرح تعقيبك وإطراءك

ود سعدابى
ود سعدابى
26-06-2010, 01:42 PM
سعدابى

وحرفه الجميل

اسواء شىء ياصديقى ان تهرب من واقع الى فجيعة اكبر

ودا حال معظم شباب اليوم

ودولتنا اسلامية

وشوال السكر ب200 جنية

انت عارف انا بتسكرنى حروفك دى

لابحتاج لبتاعت نيالا

ولا بتهزنى هديل


عبدالرحمن مدثر

الليلة زارنا الهنا
وينك ياااخى بجد واحشى حرفك البهى
تعرف يا حن


الواقع هو واقع رضينا ولا ابينا
هو واقع اعترفنا او انكرنا هو واقع ..!!
قد يكون لا يحمل من السوء والقوّة ما يوثّر به علينا او يجعلنا نفكر في مقاومته او الهروب منه او حتى الاستسلام له
وقد يكون فيه من السوء والقوة ما يجعلنا نتضرر منه ولا نقوى على إزالته او تغييره او حتى الحد من إضراره بنا وعلينا

هو واقع بنفاقمو او بنضاعفو بالهروب منه
الى اشياء لا تنفعنا
لن نستطيع الهروب منه لو غمسنا انفسنا من راسنا لى اقمس ارجلنا فى براميل العرقى ولو سكنا عبااار المريسة
واستنشقنا دخاان البنقو بدل الاوكسجين
لن نستطيع تغير الواقع بهذه الاشياء الافضل ان نتعامل معه على انه واقع

تعرف السخانة وصلت مرحلة ان يستازنك نهير العرق لكى يخالج وجنيك
وانا مداخلتك دى
زييي المنديل البمسح نهير العرق من جبهتى !!
وشااكر مرورك الهفيف

ولك من الحب منتهاه ومن الريد مبتغاها

خوالص الامنيات يا عبد الرحمن

ود سعدابى