كيف تخطب بطيخة

[درديري كباشي]

اكثر شئ كان محيرني في باعة البطيخ هنا في السعودية ويمكن في السودان .. هو انه يختار بطيخة حمراء حمرة داكنة ومغرية ويفتحها ويضعها كعرض للزبائن .. لكن ما يحيرني هو كيف يختار البطخاني ( اذا جازت التسمية ) هذه البطيخة من بين عشرات البطيخات وتطلع حمراء بهذه الصورة .. وطبعا ليس من المنطق ان نقول انه جرب وفتح عدة بطيخات واختار من ضمنها هذه الحمراء والا العملية ستكون خسارة بالنسبة له لا تعوض .. .. اذا هل لباعة البطيخ مواصفات خاصة لاختيار البطيخة ذات الحمرة والحلاوة ام هو حدس أي لعبة حظ وأيضا ليس من المنطق انه كل يوم يفتح بطيخة للعرض عشوائية وتطلع بهذه الحمرة.. كنت كثير من المرات تأتيني رغبة في ان اشتري بطيخة العرض نفسها ولا اعرض حظي للامتحان في اختيار بطيخة مقفولة .. ونلاحظ حتى كلمة بطيخة مقفولة أصبحت مضربا للمثل في الأشياء المجهولة المحتوى مما يدل على ان خارج البطيخة لا ينبئ عما بداخلها ابدا . وحتى لا توجد قاعدة مثلا تتعلق بالحجم او اللون فليس بالضرورة ان تكون البطيخة الضخمة الداكنة الخضرة ان تكون حمراء وحلوة الدواخل .. وكذلك لا الصغيرة وذات اللون الأخضر الفاتح يدل على شئ مما بداخل البطيخة .. وبعضها كروي بحت وبعضها بيضاوي وكذلك البعض اما بلون واحد صافي او مقلمة .وكلها تشترك في انها مجهولة الدواخل ..
وانا في هذا الموضوع غلبني الصبر مرتين المرة الاولى لم استطع ان اصبر على الحيرة التي جعلتني اسال احد باعة البطيخ انه كيف يختار بطيخة العرض من دون البطيخات التي يملكها وتطلع حمراء من دون بطيخات الزبائن .. وعندما افشى لي بائع البطيخ السر ظللت اكتمه زمننا طويلا واستخدمه لنفسي حتى ظن كثير من الناس إني محظوظ جدا في اختيار البطيخة .. وكثير ما كان يرشحني الزملاء والأصدقاء في خطبة بطيخة لهم واختارها فعلا ويحتاروا في توفيقي وحظي المتخصص في البطيخ فقط .. والمرة الثانية ها انأ ذا ألان لا استطيع كتم السر وسابوح به لان كتم السر اثقل من كتم النفس في بعض الاحيان .. مع اعتذاري لباعة البطيخ لان هذا السر سيحيل كثير من البطيخ الذي يضمر نية بيضاء الى سلة المهملات ..
لقد قال لي بائع البطيخ ان السر يكمن في الطرق على البطيخة .. وهي عادة يفعلها كثير من الزبائن ولا يعرفون لها معنا انما هي عادة متوارثة لكن الطرقة سرها كالتالي ..انت تختار اربعة بطيخات مثلا وتبدا تطرق عليها وتسمع الطرق .. البطيخة الأكثر كتما للصوت هي الأحلى والأحمر من بين الأربعة .. يعني مثلا لكي اقرب لكم طريقة شرحه بمثل من عندي تخيل امامك نوبة ( الطبلة الضخمة التي يستخدمها الصوفية ) وعندك طار وعندك طبل وعندك شتم الذي يستخدم ايضا في الغناء الشعبي .. اذا طرقت على الاربعة سيكون الأرفع صوتا هو الشتم ..
وعندما سالت عن السر الذي يجعل البطيخة الأرفع صوتا هي الأحلى .. قال بسبب السكر هو الذي يجعل الصوت كاتم .. يعني لو حولنا هذه النظرية لمقاييس علمية انه البطيخة التي داخلها كمية السكر اعلى اذا هي الأكثر كثافة من الداخل وبالتالي هي التي تكتم صوت الطرق أكثر وبالتاكيد السكر هو المادة الحمراء نفسها داخل البطيخة ..
ببساطة هذه هي النصيحة البطيخية وفتكم بعافية لاني ناوي اليوم اشتري بطيخة كاتم صوت تماما ..

[مايسة]

العنوااان مباالغة طبعا

انت قصدك تخطب ولا تختاااار


غايتو كتر خيرك في البطيخ

ومن دربي دا وعلى البطيخاتي - اختار لي بطيخة صاااااامته :)

[درديري كباشي]

العنوااان مباالغة طبعا

انت قصدك تخطب ولا تختاااار


غايتو كتر خيرك في البطيخ

ومن دربي دا وعلى البطيخاتي - اختار لي بطيخة صاااااامته :)

طبعا انا فاصد تختار لكن لو سميت الموضوع تختار ما كان في حد فتحوا حيقولوا يعني نحن كمان فاضين لدرس البطيخ ..

[درديري كباشي]

هذا الموضوع كنت كتبته من اسبوعين تقريبا على منتدى الازاعة السودانية ..

وقد تم نقله لاحدى المنتديات المصرية .. ولكن المصريين بروحهم المرحة حولوه لشيء مختلف ..

اولااااا ياجماعه وقبل اى حاااااااااجة فيكى يافتكاااااات

عاوزة اقول ان الموضوع منقوووووول .. من منتدى سودانى وتعبت فى نقله كتابة.. وتحيه جامدة لاهل السودان وعقولهم المفكرة وكتابهم بصراحه ياجماعه الناس دى قمة قمة قمممة فالاخلاق والطيبة والاسلوب الراقي والعقل

كتبه الاستاااذ ........درديري كباشي .... وياريت لو اتنقل لاى منتدى تانى يتكب اسمه عشان مايبقاش حرام .. اللهم بلغت اللهم فاشهد.. اعذرنى استاذ درديري .. لازم اكتب النصيحه للناس واحنا فى عز البطييييييخ هههههههه

ــــــــــــــــــــــــــــــــــــــــــ
لقد قال لى بائع البطيخ ان السر يكمن فى الطرق على البطيخة وهي عاده ما يفعلها كثير من الزبائن ولايعرفون لها معنى.. انما هي عاده متوارثة لكن الطرقة سرها كالتاااااااااالى:





















انت تختار اربعه بطيخات مثلا .. تطرق عليهم وتسمع الطرق.. البطيخة ااكثر كتما للصوت هى الأحلي والأحمر من بين الاربعة .. يعنى مثلا اقرب لكم بمثال طرقه شرحه بمثال من عنــده ... تخيل امامك نوبة( الطبلة الضخمة التى يستعملها الصوفية) وعندك طار وعندك طبل وعندك شتم الذى يستخدم فالغناء الشعبي (لديهم) اذا طرقت على الاربعه سيكون الارفع صوتا هو الشتم

وعندما سالت عن السر الذى يجعل البطيخة الارفع صوتا هي الأحلي.. قال بسبب السكر هو الذى يجعل الصوت كااااااااتم ..
يعنى لو حولنا هذه النظرية لمقاييس علمية .. انه البطيخة التى داخلها كمية السكر اعلى هي اكثر كثافة من الداخل وبالتالى هي التى تكتم صوت الطرق اكثـــــر
وبالتاكيد السكر هو المادة الحمراء نفسها دااخل البطيخة

اذا البطيخة للى نشتريها لازم تكون كاتمة الصوووت ..
هذه نصيحه الاستاذ دردديري ولو اشتريتوا بطيخة كاتمة الصووت وطلعت مش حلووة يبقي لكم بطيخه عنده هههههههههههه

جوعتووووونى نفسي اكل بطيخ دلوقتى وياسلااااام لو كانت ساقعه واحنا فى عز الحر كداا

اعمل فيكم ايه دلووووقتى ههههههههه
بالف هناا ياحبيباااتى

[صلاح ودالطاهر]

اولا الف حمدا علي السلامه يا حبيب


انت عارف يا الدرديري قصة البطيخه دي محيراني ياخي انت مبدع

[محمد حسين (المميز)]

استـاذنا درديري

طلعت بطخنجي نمبر ون;)

تحيـــــــــاتي

[مدنيّة]

الديرديري "غايتو اسمك دا بتعبني كيف؟ هههههههههههههه"

البتيخ عندكم والله

----------------
اكتر حاجة عجبني المصري العنده ذمة نقل الموضوع وكتب اسمك قال عشان مايبقي النقل حرام
جد ياخ ماحاجة ساهلة الزول يشيل مجهود زول

[عزيز عيسى]

الزول (الكتاب) والله غلبني أشكلها.. أستاذنا الدرديري كباشي..
وذي ما قالت مدنية ياخي تعبت في كتابة إسمك..

الأسبوع الماضي ذهبت الى مكان مشهور عندنا هنا في هيوستن وإشتريت لي
بطيخة من النوع بدون حب.. طلعت لذيذة بشكل.
طبعا المسألة أصبحت كالعادة لازم الواحد قبل ما يشتري يطقطق البطيخة
ويعمل فيها خلاص الود عزال في البطيخ، مع إني لاحظت الخواجات أيضا
بيتبعوا نفس الأسلوب قبل شراء البطيخ..
المهم البطيخة طلعت حمراء وحلوة شديد وأعتقد السبب لأنها أحضرت
في نفس اليوم طازة من المزرعة..
كنت في البداية متوقع البطخانجية بيسبغوا البطيخة بلون أحمر لجذب الزبائن..
لكن إكتشفت من الأسرار والمعلومات التي دليتنا عليها في (خطبة) البطبيخ
أن المسألة فيها (حرفنة) ولديها علاقة بسماع صوت معين عند الطرق
للفوز ببطيخة حمراء وحلوة.

تعجبني كتاباتك الطاعمة بمذاق البطيخ الحلو.

مشاققة من مشاققات ود الماحي:

ود الماحي عنده مواقف طريفة جدا (تموت من الضحك) مع البطيخ الملون..
يا ريت يدخل هنا ويحكيها بنفسه..

http://i516.photobucket.com/albums/u329/Winds0fCreation/random%20shit/watermelonAnimated.gif

[ود سعدابى]

الدرديرى كيفنك ؟

اها حكاية البطيخ دى زكرتنى زمن الطفولة

الواحد عشااان يحفزوه للقراية ابوى كان بقول لينا السنة دى البجيب نتيجة مشرفة بسوقو مدنى وبشترى ليهو عجل دبل وبطيييييخ مع انو البطيخ بنزرعو فى الحواشة لاكن نكهة بطيخ مدنى ليهو طعم خاااص لانو دخل السوق والبندر زى ما بقولو

واول ما لفت انتباهى فى شراء البطيخ عند والدى هو الطرق على البطيخة واختيارها

ودايما ما بتطلع حللللللللللللوة وحممممراااااااااا :d

وقدر ما قلدتا الطريقة دى ما نجحت

لاكن بينى وبينك

فى ارتباط وجدانى مع البطيخ وسيدو

على حسب راى

اها شنو ليك ؟

مع كووووم من بطيخ الود الاحمر اللزيز

[Jamal Elmahi]

الوجيه ود كباشي ...إب تقابه للغاشي والماشي ...
نظرية خطبة البطيخ دي برضو بتظبط في خطبة الجكس ...أم صوتاَ زي النوبه تختاها بس أكيد وشها ينعل قفاها إلاّ من رحم ربي ...وأم صوتاَ رقيق زي نانسي عجرم بتكون حلا وحمار ...الحاء مفتوحه ياخوانا ما تجننونا ...
مشاققه ...
يا بو الشباب قلته لي تخصص خطبة بطيخ ...ياخي ما توسّع مجال التخصص كان حليت لينا أزمة البايركس ينوبك ثواب ....
بجيك صاد ...
ود الماحي

[درديري كباشي]

والله انا كان عارف بيع البطيخ عندكم حلوا كدا يا ناس مدني ما كان جيت فرشت هنا من زمان ..

كمان انتو قاعدين تبالغوا يعني نظرية خطبة البطيخة لو طبقناها في خطبة البايركيس زي ما قلتوا ما حا تكون مصيبة تخيلوا العريس يدخل لابو البنات .. ممكن يا عمنا تورينا العينات العندك ..
ابشروا ابشروا . تعالن يا بنات .. ويقوم سيادة العريس بالخبط على راس البنات الاخوات في الراس .. والصوتة رقيق وناعم زي نانسي عجاج زي ما اخونا ( انا ما قلت الكلام دا) دي تاخها وانت مغمد .. وبالطريقة دي يصفى البايركس على خشونة في اليدين وخشونة في الصوت .. تاني البنات بدل الكريمات ولخبطات الوجه يلجاوا الى تنعيم الصوم والا تاني يفتحوا فروع في الاقاليم والاحياء لمعهد الموسيقى .. ولا رايكم شسنو في الخطبة البطيخية دي كمان ..

[درديري كباشي]

والله انا كان عارف بيع البطيخ عندكم حلوا كدا يا ناس مدني ما كان جيت فرشت هنا من زمان ..

كمان انتو قاعدين تبالغوا يعني نظرية خطبة البطيخة لو طبقناها في خطبة البايركيس زي ما قلتوا ما حا تكون مصيبة تخيلوا العريس يدخل لابو البنات .. ممكن يا عمنا تورينا العينات العندك ..
ابشروا ابشروا . تعالن يا بنات .. ويقوم سيادة العريس بالخبط على راس البنات الاخوات في الراس .. والصوتة رقيق وناعم زي نانسي عجاج زي ما اخونا ( انا ما قلت الكلام دا) دي تاخها وانت مغمد .. وبالطريقة دي يصفى البايركس على خشونة في اليدين وخشونة في الصوت .. تاني البنات بدل الكريمات ولخبطات الوجه يلجاوا الى تنعيم الصوم والا تاني يفتحوا فروع في الاقاليم والاحياء لمعهد الموسيقى .. ولا رايكم شسنو في الخطبة البطيخية دي كمان ..

[عوض صقير]

ودكباشى الحبيب

يوم جمعة طالعين من المسجد إتجهت إلى بتاع البطيخ , وطبعاً أخوك عامل حريف أمسك البطيخة أضربها وأفكها وأمسك أختها وهكذا لغاية ما أخترت لى واحدة ,, واحد سعودى الظاهر عليهو كان مراقبنى وبعد ما أخذت البطيخة طلب منى أن أختار له بطيخة وأخوك طبعاً ماكذب عمل فيها حريف وكررت نفس العملية وأخترت له واحدة ... ونفس الشخص قابلنى بعد يومين وشكرنى شديد لأن البطيخة طلعت حمراء وحلوة وحاول معرفة طريقة الأختيار .... المهم فى الموضوع أن البطيخة التى أخترتها لى طلعت أبيض من الدبلان ...

( موضوع رائع ويحمل النكهة الدرديرية الخاصة )

[أبوريلان]

أزيك يا خاطب البطيخ

تعرف يا درديري ويا ود كباشي ، أنت بقيت حريف في كل حاجة ما نسحرك ، لو قلنا الجزارة مصاحب الجزار ، لو قلنا السمك مصاحب السماكة ، لو قلنا .......... وسمح القول في خشم سيدو ، تعرف أنا ما بعرف أختار أقصد ما بعرف أخطب بطيخه خالص وأول ما أصل بتاع البطيخ بقول ليهو إختار لي بطيخة حلا وحمار علي السكين ( وطبعاً علي السكين ده مصطلح يا درديري يستعمله البطاخين بكثرة ، أها زولك بتكتل ليهو الدش في يدو لازم يختار بطيخة حلوة وحمراء اللون ، سبحان الله أمس أول مرة أشتري بطيخة بدون ما أفتحها وأنا طالع من المسجد .

لكن الخطوبة ما عندك ، أسمع بعدين وأنت طالع من المكتب تعال معاي دايرك تخطب لي .

[ahmed algam]

لكن الخطبة ماعندك يادرديري كباشي

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!

والله اول مرة اشوف لي مصري امين باشكل دا

مع الاعتزار للاشقاء المصرين ((ماكلهم كده))

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!


وماتقول انو رمضاااااااااااااااان جاي علي الابواب

والبطيخ حايكون اخخخخخخخخخخخخخخخخخ

جوعتنا من حسي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!


http://center.jeddahbikers.com/uploads/jb12775408461.jpg (http://games.jeddahbikers.com/)

[بنت الرفاعي]

ماشاءالله خُطبة ممتازة وفتاة جيدة ;)

بمناسبة البطيخ:
لاحظت أنو بعض الأجانب وبعض الجنسيات الأخرى مابيشتروا البطيخة كاملة!!!!:eek:
(نظام بيشتروا قدر أكلهم)!!! الواحد عادي تلقاه شايل نصف بطيخة في كيس وماشي؟؟؟:confused:
واحدة شوف عينها قالت حتى أنواع الفواكه الأخرى بيشتروها بالعدد (مازينا بالكيلو ال 1 و2 و3!!!):D


أخوي درديري ماجبت لينا خبر الجزار تاني؟؟؟!

[الجندي المجهول]

بصراحة ومع كمية السخانة المتوفرة هذه الايام بجدة ولان الموضوع بصراحة فتح ( شهيتي للبطيخ ) ومع نهاية الدوام سوف اذهب لأقرب سوق بطيخ في جدة لطلب ( ود بطيخة حمراء) ويا درديري كباشي اسال الله ان يمتعك بالصحة والعافية ( والبطيخ الحلو)

تخريمة : ياخ البطيخ دا عالم جميل ( وخاصة ان لونه احمر )

[درديري كباشي]

سعادة المستشار عوض صقير والجندي المجهول ابو الامين .. واحبيبنا ياسر ابو ريلان

وولدنا احمد علقم .. لكن البطيخ ما عندك .. دا زارعنه في مدرسة خاصة ولا شنو .. بمناسبة الشهادة وكدا ..

[ابوالنور]

بصراحة الموضوع ده عبني ياخ

[ahmed algam]

عجب شديد


شكرا ابو النور

[آلاء عبد الرحمن]

البوست داير عكاشة

بث

[ahmed algam]

البوست داير عكاشة

بث


ههههههه

عكاشة رايحة ليهو بطيخة لي حسي

[ابوالنور]

عجب شديد


شكرا ابو النور

جنس عجب هو يااحمد