عاينو دي جديده كرت

[ابوالنور]

كلام ساااكت
مجنون بسأل في الدكتور قال ليهو لو جاوبتني ببقى شديد
الدكتور قال ليهو طيب اسأل
المجنون قال للدكتور المجنني
الشمس تطلع كبيره وبعدين تصغر والقمر يطلع صغير وبعدين يكبر
دي مش حالة تحلج الصامولة

من الاخر كده رايكم شنو في ؟

في ارتباط المرأة العسكرية بالرجل الملكي
انتهي
امشي اسوي لي كم حاجة كده
واجي اسال لي من كم حاجة كده

[المسافر]

كلام ساااكت
من الاخر كده رايكم شنو في ؟

في ارتباط المرأة العسكرية بالرجل الملكي
انتهي
[/COLOR][/SIZE][/FONT]



يا هو ده البحلج الصامولة زاتو

[بت أم درمان]

زي ارتباط مديرة الشركة بي الموظف عندها
يجيها بعد فترة انا ما بشتغل موظف عند مرتي
ويقدم استقالته
مش كدا
ولا قصدك شنو :confused:

[ابو جمانه]

والله يا ابو النور دى جديده فعلا ! لكن اقول ليك ( العسكريون للعسكريات ) واذا حصل اى دشمان الاثنين يعملو ساتر ..!!

[مدنيّة]

اعتقد لو معروف ومحدد التعليمات بتصدر من وين مابتبقي في مشكلة ؟؟!!!


--------------------
غايتو ياابوالنور عندك جنس محن

[ابوالنور]

يا هو ده البحلج الصامولة زاتو


مساهر الليل كلو .. يا ربي بفكر في موضوع .. الاحتلال الاسرائيلي .. الانفصال ...مجازر دارفور .. الخلل الجيني في الاستنساخ .. او ممكن هجرة طيور الجلمبوغ من سنترفاتنوكاتو الى ابرامنتشتشتوش .. المهم انو موضوع كبير و حيوي ..
و من الصباح قمت و من غير ما أتسوك كابست الكمبيوتر و توشك النت و طوالى على المنتدى راس و كتبت الموضوع ..
موضوع فخم .. مهم .. جذاب .. علمي .. له مدلولات ..
و مشيت أشوف حالي
جيت بليل
خشيتك المنتدى
لقيت في 2 تعليق على الموضوع

[ابوالنور]

زي ارتباط مديرة الشركة بي الموظف عندها
يجيها بعد فترة انا ما بشتغل موظف عند مرتي
ويقدم استقالته
مش كدا
ولا قصدك شنو :confused:

قصدي شريف تصدقي يا بت امدر

[بنت الرفاعي]

:D:D:D:D:D:D

ضحكتني بتعليقك.
:D:D:D:D:D


وزي ماقالت أختنا مدنيّة التعليمات من أين تصدر؟؟
وغير كدة لازم يكون في تفاهم بحيث أنها تفصل العمل عن المنزل،
وإلا قد تخسر حياتها الزوجية.

قلت المرأة العسكرية مشكلتها شنو يا أخوي:confused:؟؟؟!!!

[ابوالنور]

والله يا ابو النور دى جديده فعلا ! لكن اقول ليك ( العسكريون للعسكريات ) واذا حصل اى دشمان الاثنين يعملو ساتر ..!!



يعني معترف يا ابو جمانه دا البحصل بعد
سنين شوية من الزواج
ايييك
الكلام دخل الحوش
شكرا على كلامك الحلو
وياحبيبنا هظر زي ما عايز
سيبك من كلام الناس
لو هظرت ولا ما هظرت برضو ح يقولو
برضو ح يقولو مجنون وطاشي شبكة
يالله عش وانتعش
نحن جينا هنا عشان ، نشتت مع الريااح
كل همومنا
ولا موش كده
واعتبر الموضوع موضوعك
دمت ، وسلمت للطله
يا رائع

[ahmed algam]

جنس محن ياابو النور


هو الشلاقة ليهوا شنو


مايشوف ليه وحدي ملكية سااااااي


من الحايمات زي الرقشااااااات كتااااار كتره



مشاء الله عليهم

[بورتبيل]

محنة زايدة شوية

ولا تقصد شنو ...؟؟؟

الفهم مقسم يا ابو الشباب .. اقطع لوحة المفاتيح دي لو زول فهمك غيري

تاني تعال بواحدة ذي دي - بس عايزنها قوية شوية (ذي شوت قادر كيتا مع منتخب ساحل العاج)

[خالد 000 ابقرجة]

كلام ساااكت
مجنون بسأل في الدكتور قال ليهو لو جاوبتني ببقى شديد
الدكتور قال ليهو طيب اسأل
المجنون قال للدكتور المجنني
الشمس تطلع كبيره وبعدين تصغر والقمر يطلع صغير وبعدين يكبر
دي مش حالة تحلج الصامولة

من الاخر كده رايكم شنو في ؟

في ارتباط المرأة العسكرية بالرجل الملكي
انتهي
امشي اسوي لي كم حاجة كده
واجي اسال لي من كم حاجة كده



ما عاوز أجاوب عليك يا أبو النور 000

بس عندي ملاحظة 000

المرأة العسكرية 000
بتبدأ برتبة صغيرة وكل يوم بتكبر 000
والراجل الملكي ببدأ ( 00000 ) وكل يوم بـ ( 00000)

يا ربي هو المسطول قال شنو ولا علي قولك يا ربي أنا وين 000

باص قون من بتاعات ود الريح 000

واحد ثقة قال شافك خالت في مستشفي الشرطة 000

[بت أم درمان]

الفهم مقسم يا ابو الشباب .. اقطع لوحة المفاتيح دي لو زول فهمك غيري




ما دي المشكلة هنا
انت فهمت شنو ؟؟؟

[ابوالنور]

اعتقد لو معروف ومحدد التعليمات بتصدر من وين مابتبقي في مشكلة ؟؟!!!


--------------------
غايتو ياابوالنور عندك جنس محن

انتي عارفة يا مدنيه اختي
لكي يكون العطاء مكتملا وان نجنى ثمارا ناضجة. فى النهاية هو امر يخضع للضمائر والعقول فكل صاحب عقل وضمير قادرا بالتاكيد على التمييز والسير فى الطريق الصحيح . قال تعالى: وعرضنا الامانة على السموات والارض فابين ان يحملنها واشفقن منهاوحملها الانسان انه كان ظلوما جهولا

كده حلينا من المحنة دي

[ابوالنور]

:D:D:D:D:D:D

ضحكتني بتعليقك.
:D:D:D:D:D


وزي ماقالت أختنا مدنيّة التعليمات من أين تصدر؟؟
وغير كدة لازم يكون في تفاهم بحيث أنها تفصل العمل عن المنزل،
وإلا قد تخسر حياتها الزوجية.

قلت المرأة العسكرية مشكلتها شنو يا أخوي:confused:؟؟؟!!!


مرام العسل حبابك وحاة الله
دائما يراودني شعور غريب بالإحساس بتعدديّة الطبقات ولم أتخيّل الخرطوم كالقاهرة أو بومباي حيث يسكن الفقير المدقع جارآ للغني الفاحش الثراء ولكن تبقي العذلة وجهآ للعملة نفسها حيث هنالك الأحياء الراقية الخاصة بالطبقات الغنيّة وهنالك أخري خاصة بالطبقات العادية وهكذا.. وغريبة كمان في بيت عرس أو في بيت عزاء تري النساء جالسات ينظرن بعضهن البعض من أعلي إلي أسفل وأول سؤال يطرحنه هو(إنتي من وين؟) ساكنين وين يعني. وللأسف المغزي من هذا السؤال هو لمعرفة إلي أيّ طبقة أنت أو أنتي تنتمي فإذا كان الجواب (من الرياض) بالله ناس منو جيرانا يعني والونسة تدق.. وإذا كان الجواب من (الصحافة) يقولوا ليك دي وين من شندي؟ وإذا كان من أمدرمان أو من الحاج يوسف يقولوا ليك لا حولا بتعملوا كيف مع زحمة الكبري الساعة تلاتة.. علي العموم حالة صعبة وبعض عقول فارغة فراغ حياتهم من الحميمية والتواصل والمعاني النبيلة.
اها عرفتي المشكلة يا مرام اختي

[ابوالنور]

جنس محن ياابو النور


هو الشلاقة ليهوا شنو


مايشوف ليه وحدي ملكية سااااااي


من الحايمات زي الرقشااااااات كتااااار كتره



مشاء الله عليهم

عرس يا احمد اخوي ما برنامج رحلة

[ابوالنور]

محنة زايدة شوية

ولا تقصد شنو ...؟؟؟

الفهم مقسم يا ابو الشباب .. اقطع لوحة المفاتيح دي لو زول فهمك غيري

تاني تعال بواحدة ذي دي - بس عايزنها قوية شوية (ذي شوت قادر كيتا مع منتخب ساحل العاج)
اهو دي الحياة يا برتو وليك وحشة تصدق وزي ما قال اخونا جلال
إيقاع الحياة اصبح متسارعا ويصعب عليك أن تجمع ثوانيه ودقائقه من اجل ساعة صفاء روحي وزهني لتقضي بها لحظة من لحظات الفرح الحقيقي مع من تعرفه ويعرفك أو تربطك به علاقة صداقه أو أي علاقة – قد تلتقي يوميا مع الزملاء في مجال العمل ومع شريكك في مؤسستكما كل الفكر سيكون منصبا في العمل والتخطيط والبرامج وتعيش حالة تشتت زهني تطالع يوميا كل الصحف تفتح كل القنوات سيل من الأخبار وكثير من المستجدات في هذه الحياة حزن هنا وحزن هناك ليصبح الفرح بالمواسم والتقسيط – فقد الناس الاحساس بالجلوس ليتفكروا ويتفاكروا من خلال الفكر الانساني المتجرد من كل أنانيه وحب الذات لتكون مطامع الدنيا وملذاتها هي التي تقود الانسان
ولعه لو سمحت

[ود المطامير]

مشتاااااقين والله

أجمل شئ فى كتاباتك إنو القصه بتكون مخفيه بين الحروف

بالجد مبدع

لك تحياتى

[ابوالنور]

ما عاوز أجاوب عليك يا أبو النور 000


باص قون من بتاعات ود الريح 000



واحد ثقة قال شافك خالت في مستشفي الشرطة 000



تشريح موضوعى لواقع لن يغيره إلا رجل
يملك رأساً كمبيوتريه تعمل بطاقه نوويه
تكون قادره على تغيير وجه الحياه فى عقد من الزمن ...
ياخي عليك الله ما تجاوب وتريحيني معاك باقي اخوك رايح وكده
ياخي والله البركة الشفناك طيب

[محب]

والله انا مستغرب انو الناس دي بتجيب الكلام دا وين

اخوي ابو النور دا شنو دا مجنون ودكتور عسكري وملكي

دا مش زاتو البجنن

[ابوالنور]

ما دي المشكلة هنا



انت فهمت شنو ؟؟؟


وعشان ما أكون
مجنون…..
وعشانك انتى ببقي فكي الم الحلة
والفرقان …
أشوف الخيرة للمحتار وأسوى البخرة
للمرضان …
عشان ترضى وتقربي لي … تقول لي
شوف حويلتى شنو ؟؟
ترضى على أبوك الشيخ …
بركاتك …
بركاتك ابوى الشيخ ..
واتغاباك أقول ليكى انتى منو ؟؟
تقولى لى فلانة يا شيخنا …
أقول ليكى انتى مبرودة .. تقولى لى لا لا
ابوى الشيخ …
اقول ليكى انتى مرضانة .. تقولى لى لا
لا ابوى الشيخ …
اقول ليكى انتى دايرة شنو ؟؟
اقول ليك ابوى الشيخ بدور لى عريس
يكون غنيان ..
قبيلة وعيلة .. يجيب الشيلة … يعزم
الحلة والجيران …
وبنهر اقولك طلبك غالى يا بنية …
شوفيلك خيارا تانى …
اقول ليك مالو يا شيخنا , اكان نقصت
يكون معدوم يكون فقران ..
واقولك مالو يا بنية رسولنا قال تسوى
الريحة للفقران عشان يغنا ..
اقول ليك عاد ابوى الشيخ كلام رسولنا
ما بنابا قول معناهو ؟؟
احمد ربى فى سرى فى حمدوا مية
مرة …
واجيب الطش واسوى بخور وقول
ماثور …
اقولك بس يا بنية خلاص لقيت الزول …
اقول ليك …
انجدنى ابوى الشيخ وطمنى…
اصلو وفصلو, طولوا وقصروا . اسمو
منو ؟؟
اقول ليك اصبرى شوية يا بنية على
ابوك الشيخ … عريسك جاى بجيك فى
البيت
وهو بعزك وحات عينيك .. وحات لونك
وحات خديك …
متيم بيك وهايم بيك ومجنون فيك …
وتقومى على فرحانة بياضك
يا شيخنا …
اقول ليك لا لا يا بنية بياضى اذا شلتو
واكتنفيت …
بياضى انا شلتو من فرحك ومن
الضحكة فى عينيك …
وسؤالى صغير يا بنية اتاسف قولك كان
انا جيت عريسا ليك …
وتنكسفى براحة .. تقولى لى موافقة
يا شيخنا هو لاقية انا اكون عروسا
ليك ….
واقوم فرحان يقوم الطش يعتر لى
واللالوبة تزلقنى وينقلب البخور فينى
يولع فوقى يكوينى …
واقوم مفزوع القى الدنيا دابا صباح

[التيمان]

ياها المرة لو بقت لواء

وياهو البيت والدق لو بقت رئيس جمهوريه

وكفايه يابنى متجيب الهوى

[عوض صقير]

عاين ...

كلها كده مع بعضها بتشكل لوحة تشكيلية بتعبر عن الألفية العاشرة أو القبلها .. يعنى خليك قريب .. وما تتردد ...

[ابوالنور]

مشتاااااقين والله

أجمل شئ فى كتاباتك إنو القصه بتكون مخفيه بين الحروف

بالجد مبدع

لك تحياتى

يمكنك ان تتذوق مثل هذه الاشياء في خفية ، الاشياء المتأرجحة مابين الفراغ الذي يعقبه امتلاء ، والفراغ الذي يجئ بشاكلة الاشياء المفرودة على عجينة الفراغ ذاته.. في الحالتين تكون الفقاعات هي مادة التارجح .. او تتذوقوا طعما لا تستطيعون ان تضبطوا نكهته . شيئا اقرب الى الطعميه يقف هكذا متحديا على حواف ذائقتكم ، ولا تستيطعيون الفكاك منه او حتى وصفه .
يا حبيبنا

[أحمد عمر ( MOODY )]

انتي عارفة يا مدنيه اختي
لكي يكون العطاء مكتملا وان نجنى ثمارا ناضجة. فى النهاية هو امر يخضع للضمائر والعقول فكل صاحب عقل وضمير قادرا بالتاكيد على التمييز والسير فى الطريق الصحيح . قال تعالى: وعرضنا الامانة على السموات والارض فابين ان يحملنها واشفقن منهاوحملها الانسان انه كان ظلوما جهولا

كده حلينا من المحنة دي


تصحيح الآية الكريمة - الآية (72 ) من سورة الأحزاب


(( إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَنْ يَحْمِلْنَهَا وَأَشْفَقْنَ مِنْهَا وَحَمَلَهَا الْإِنْسَانُ ۖ إِنَّهُ كَانَ ظَلُومًا جَهُولًا ))

[أحمد عمر ( MOODY )]

يا أخوانا أبو النور ده ما يعمل ليكم فيها رايح و ما عارف روحو وين
أبو النور ده أعقل زول

باص قون : أبو النور تتذكر الكتاب الأديتني ليهو أقراهو
بتاع حكمة المجانين



قوووون من تسلل واااااضح
سلّم لي على النشيشيبة شجرة .. شجرة و حجر .. حجر

[ابوالنور]

والله انا مستغرب انو الناس دي بتجيب الكلام دا وين

اخوي ابو النور دا شنو دا مجنون ودكتور عسكري وملكي

دا مش زاتو البجنن

جلست لوحدي لا جليس معي غير كيبورتي
ودمعتي وحزني
الا من اشكو حزني والا من اخفي دمعتي
والا من افتح قلبي
لقد تاهت بسمتي
فدعني احكي محب اخي

[ابوالنور]

ياها المرة لو بقت لواء

وياهو البيت والدق لو بقت رئيس جمهوريه

وكفايه يابنى متجيب الهوى

انت عارف يا توم
اهم اسباب احباطي
متطلبات العيد والايجار والكهربا والموية والبامبرزوالميزانية العاملة زي شملة منو مابعرفوا داك الهي تلاتية وقدها رباعي
والله معضلة لو جا انشتاين ما حيلها

[ابوالنور]

عاين ...

كلها كده مع بعضها بتشكل لوحة تشكيلية بتعبر عن الألفية العاشرة أو القبلها .. يعنى خليك قريب .. وما تتردد ...

عاين
الاحساس بالامل برغم الصعاب والاحباط سيؤول بنا الامر الي العثور علي طريق السعادة ,وسوف تكون هذه العملية مصحوبة بأزمات قد تكون احيانا طاحنة ولكن في النهاية سوف تودي الي نفس الهدف وهو ان نحقق امالنا العراض ونتجه نحو اتمام قدر الانسان وعندما يتم استكمال كل شيء تظهر المشكلة الوحيدة والخطيرة وهي طعم الحياة

[ابوالنور]

تصحيح الآية الكريمة - الآية (72 ) من سورة الأحزاب


(( إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَنْ يَحْمِلْنَهَا وَأَشْفَقْنَ مِنْهَا وَحَمَلَهَا الْإِنْسَانُ ۖ إِنَّهُ كَانَ ظَلُومًا جَهُولًا ))

شكرا للتعديل وان شاءالله في ميزان حسناتك

[ابوالنور]

يا أخوانا أبو النور ده ما يعمل ليكم فيها رايح و ما عارف روحو وين


أبو النور ده أعقل زول


باص قون : أبو النور تتذكر الكتاب الأديتني ليهو أقراهو
بتاع حكمة المجانين




قوووون من تسلل واااااضح
سلّم لي على النشيشيبة شجرة .. شجرة و حجر .. حجر وطوبة طوبة


تكون قاعد لا بيك ...ولا عليك
تقع في راسك طوبة....
شويتين ....وتكتشف انها مااا كانت طوبة
كان.....
لوح تلج....
في عز الحر....
وبعدين تحتار....
هي طوبة....والا لوح تلج...
طيب تعرف كيف ؟؟
لو عرفت اوعو تخزلني ...
ولو فهمت ......منتظرك

سلامك وصل يا باشمهندس

[esmat]

قناتكم دي ترددها

[ابوالنور]

قناتكم دي ترددها

اني اقرق اقرق اقرق جمبلق جمبلق جمبلق