من المعرض إليكم.

[بنت الرفاعي]

الإبداع ليس له أي شروط، لأنك بالبسيط ممكن تعمل شيء كبير، هذا جزء يسير من بعض ما تثبت وخرجت به من ذلك المعرض:
ولقيت برضو إنو ممكن أي شخص يبدع ويكون فنان، بس يكون حابِّي ومستمتع بما يعمله ويصنعه..

أخليكم من الكلام الكثير ده ولوسمحتوا شاركونا بآرائكم.:)

[بنت الرفاعي]

بعض من الأعمال اليدوية:

1- بلح مصنوع من السيراميك الفني.:)
2- مقاشيش:cool:

[ود المطامير]

بعض من الأعمال اليدوية:

1- بلح مصنوع من السيراميك الفني.:)
2- مقاشيش:cool:
رهيب والله رهيب
المقشاشه دى ... أم عمرو نفسها فيها

[المسافر]

الإبداع ليس له أي شروط، لأنك بالبسيط ممكن تعمل شيء كبير، هذا جزء يسير من بعض ما تثبت وخرجت به من ذلك المعرض:
ولقيت برضو إنو ممكن أي شخص يبدع ويكون فنان، بس يكون حابِّي ومستمتع بما يعمله ويصنعه..

أخليكم من الكلام الكثير ده ولوسمحتوا شاركونا بآرائكم.:)



لكن أبو قجيجة دي رهيب

[بنت الرفاعي]

علّاقات مصنوعة من الصوف بإبرة الكُرُشي.
طفّاية.
صندوق مُغطى بقشر البيض ومُلون بألوان خاصّة.

[بت مارنجان]

لكن أبو قجيجة دي رهيب


أجي ياخواني
ابو قجيجية دة وينو :confused:

[بت مارنجان]

مرام عايزة العلاقة الحمراء :o
بالله كتري لينا من التياب دي ياحلوة ...

عمل جميل ومتابعين يالسمحة وهاااااااااادي قعدة :o

[عبدالرحمن مدثر]

ياسلام
عمل جميل
فعلا البساطة بكون عندها سحر خاص واناقة
بالتوفيق يامرام
ومزيد من المعارض والابداعات




خربشة

المقشاشة دى دحين ماصغيرة شديد بتنفع لناس مزن وكدا

والله نظرى بقى فيهو مشكلة

دايرين لينا مقشاشة لمنقة دى

[بنت الرفاعي]

نوريكم بعض من التياب (اللي بيحبوها النسوان);)

[بنت الرفاعي]

التوب ده مشغول بالمرايات:)

[مايسة]

مراام

يديك العافية يا جميلة

والتصماميم حلوة وبسيطة

بس كدي المقاشيش دي انا جاياني غريبة كدا ماله :rolleyes:

مصنوعة وييين هي :cool::p

[النويري]

يا مرام عنوانك غريب شوية يعني من المعرض وليكم دي ما فهمنا أي معرض وين مكانو ومتين تاريخو وهل في إمكانية إرسال الطلبية عن طريق البريد حاجات ذي دي وإمكن في صفحة أنا ما شايفها ولا أنتو ما عايزين تبيعوا بضاعتكم

[بنت الرفاعي]

وده توب برضو:

[بنت الرفاعي]

رهيب والله رهيب
المقشاشه دى ... أم عمرو نفسها فيها
شكراً من ذوقك والله أخي ود المطامير.
تتفضلها طوالي.:)

[عبدالرحمن مدثر]

مابلقى لى جلابية على الله

[بنت الرفاعي]

لكن أبو قجيجة دي رهيب

أحجز التوب لزوم الشنطة وكدة.:rolleyes:;)
من ذوقك والله أخي المسافر.:)

[بنت الرفاعي]

مرام عايزة العلاقة الحمراء :o
بالله كتري لينا من التياب دي ياحلوة ...

عمل جميل ومتابعين يالسمحة وهاااااااااادي قعدة :o

إتفضليها طوالي يا عسل:)
حاضر.

عيونك الأجمل لأنها شافت العمل جميل.
وخليك معانا وماحتندمي، ومشكورة أختي بت مارنجان.:)

[بنت الرفاعي]

وللرجال برضو حاجة بسيطة كدة: عِمّة (أكيد الشباب هنا مابيلبسوها):rolleyes::D

[مايسة]

المسااافر تعال

شيلة جااااهزة

جيب معااك الفخيم وباقي العزاابة :cool:

[مدنيّة]

مرام الفيزا وخليناها

شوفي لينا توب من التياب الثمحة دي ياخ


-----------------
نويري ما تخليك مواكب ياخ عشان تفهم العناوين المامفهومة للزول المامواكب "ياخ المعرض دا طارت فيه فيز

"فيز دي جمع فيزا يامرام عشان الاختساس وكدا" :cool:

[مدنيّة]

المسااافر تعال

شيلة جااااهزة

جيب معااك الفخيم وباقي العزاابة :cool:

ميسو يامنقة ازيك

طولنا منك والسكة لمتنا قلنا نسلم عليك

مرام معليش لانحراف البوست عن مضمونه "وش عنده ضمير"

[المسافر]

المسااافر تعال

شيلة جااااهزة

جيب معااك الفخيم وباقي العزاابة :cool:



كان قصدك على المقشاشة ما في مشكلة
عندنا كتاااااااااااااااااااااااااااااااااااااااااااااااا ااااااار



تخريمة :
متاسف يا مرام والله حاجات خطيرة
يا ريت تشوفي لي دستة وترسليهم لي

[بنت الرفاعي]

ياسلام
عمل جميل
فعلا البساطة بكون عندها سحر خاص واناقة
بالتوفيق يامرام
ومزيد من المعارض والابداعات


من ذوقك يا أخوي، جمعاً إن شاءالله، وآآآآمين.
خربشة

المقشاشة دى دحين ماصغيرة شديد بتنفع لناس مزن وكدا

والله نظرى بقى فيهو مشكلة

دايرين لينا مقشاشة لمنقة دى

لا يا أخوي نظرك سليم والحمدلله وفعلاً هي صغيرة وأهدي منها لمزونة، وصغيرة لأنها معمولة باليد، لكن الأساس من مقشاشة عادية، شفت الفن ده كيف وبرضو من حاجة بسيطة.:)

قد لا أجد حروفاً مناسبة أصيغ بها كلاماً أهديه إليك وإليهم، وإذا وجدته فحتماً هو في حقكم لن يساوي إلا القليل والقليل،
مع كل الود والتقدير وأجمل باقات الورد لك أخي عبدالرحمن مدثر:).

[بنت الرفاعي]

مراام

يديك العافية يا جميلة

والتصماميم حلوة وبسيطة

بس كدي المقاشيش دي انا جاياني غريبة كدا ماله :rolleyes:

مصنوعة وييين هي :cool::p

الله يعافيك يا راقية.
وأكيد إذا ما كان ذوقك حلو ما كنتِ شفايهم حلوات كدة.:rolleyes:

المقاشيش دي يا ستي صنع يدوي، يعني تجيبي مقشاشة من اللي عندك في البيت (مايكون بتعتمدي على المكنسة الكهربائية وبس؟!;)) وتطلعي من السعف اللي فيها، وتبليهو في موية، وبعديها تجي تقصيهو بالطول اللي عايزاهو، وبالعرض علشان يناسب الحجم الصغير، وبعدها تعقدي طرف واحد من كل واحدة علشان يديك الشكل الفوق، وبعد ما تجمعيهم وتلفيهم بالخيط تجيبي صمغ وتصبي منو حبة فوق المعقودات علشان يكون متجمع مع بعض. (جربيهو للبنيات);)

لك أجمل الود وأنقاه أختي مايسة:).

[بنت الرفاعي]

يا مرام عنوانك غريب شوية يعني من المعرض وليكم دي ما فهمنا أي معرض وين مكانو ومتين تاريخو وهل في إمكانية إرسال الطلبية عن طريق البريد حاجات ذي دي وإمكن في صفحة أنا ما شايفها ولا أنتو ما عايزين تبيعوا بضاعتكم

الظاهر أنك ماقرأت بوست الدعوة عامة في منتدى الإقتراحات والمناسبات:rolleyes::).
إذا في حد طالب عمل أكيد بيكون في إمكانية زي دي.

لك خالص التحايا والتقدير أخي النويري.:)

[بنت الرفاعي]

مابلقى لى جلابية على الله





مع الأسف لا، لكن عمّة أو شال بينفعوا؟؟!!:rolleyes::)

[بت مارنجان]

مقاشيشكم استايـــــــــــــــــــــل ياهناية :o

[بنت الرفاعي]

وللبنات والشابات نصيب برضو (ولمن يودون من النساء أيضاً)
عباية وطرحتها.
طرحة بدون عباية.

[بنت الرفاعي]

المسااافر تعال

شيلة جااااهزة

جيب معااك الفخيم وباقي العزاابة :cool:

وما تقولي كمان عندهم نيّة الزواج.:rolleyes::D

[بنت الرفاعي]

مرام الفيزا وخليناها

شوفي لينا توب من التياب الثمحة دي ياخ


-----------------
نويري ما تخليك مواكب ياخ عشان تفهم العناوين المامفهومة للزول المامواكب "ياخ المعرض دا طارت فيه فيز

"فيز دي جمع فيزا يامرام عشان الاختساس وكدا" :cool:


معقولة الفيزا تخليها؟!
ما مشكلة إختاري ليك توب، خلينا نشوف أرقى توب حتختاريهو لأنك راقية.:)

ما تخافي فهمتها:rolleyes::D;)

لك ألق الصفاء ونقاء الود أختي مدنيّة.:)

[بنت الرفاعي]

ميسو يامنقة ازيك

طولنا منك والسكة لمتنا قلنا نسلم عليك

مرام معليش لانحراف البوست عن مضمونه "وش عنده ضمير"

أحياناً الإنحرافات كما سميتيها، تزيد من ألق البوست، واللي هو أكيد متألق بوجودكم. :)

[بنت الرفاعي]

كان قصدك على المقشاشة ما في مشكلة
عندنا كتاااااااااااااااااااااااااااااااااااااااااااااااا ااااااار

:D:D:D:D:D
زي ديل بالضبط؟!!!:rolleyes:

تخريمة :
متاسف يا مرام والله حاجات خطيرة
يا ريت تشوفي لي دستة وترسليهم لي

متأسف على شنو يا أخوي؟؟!!:rolleyes::confused:
من ذوقك، إختار ما تريد، ولما تبقى عليهم أرسلهم ليك، وإذا كمان عزمتنا أوصلهم ليك شخصياً.:o:)

[نزار حسن محمد]

يابتى يامرام
بدور ليه جلابيه جناح ام جكو ..وعمه سويسريه
واهم شى عمك ود الطاهر ما يشوفه

[بنت الرفاعي]

مقاشيشكم استايـــــــــــــــــــــل ياهناية :o

شفتي كيف؟؟:d
تصدقي إنهم مفروض يكونوا علاقات؟!!;)

[بنت الرفاعي]

يابتى يامرام
بدور ليه جلابيه جناح ام جكو ..وعمه سويسريه
واهم شى عمك ود الطاهر ما يشوفه

هلا والله هلا بعمنا نزار حسن، لك خالص التحايا:).
تتفضل طوالي، عمي ود الطاهر كان ما شافها وما عجبتو تبقى مشكلة!!! بعدين يزعل وكدة، (ولّا أحسن يشوفها بعد ما تقشر بيها؟؟!!!);)

(بمناسبة جيتك لينا، أخونا إن شاءالله بخير؟؟!):(

[حنونة.]

مرام سلامااااااااااااااااات وكيفك مع هذا الجمال وتلك الاناقة معرضكم لذييييييييييييييييييييييييييييييييييييذ بالله لوسمحت احجزى لى الثوب الظهرى مشكل بالاصفر ياخى ده رهيب بالجد كل الثياب روعه ولكنه اروعها اما عن الاعمال اليدوية حلوة والمقاقيش دى بتذكرنى مدينة الابيض والسعف الملون والاعمال اليدوية الجميلة

[روبش]

يا مرام .. انا حاجز مقشاشتين لعمتي لزوم النظافة وكده
وحرررررررررررررررررررررررررررررررررررررررررررررررر ن يا مرام ما تدفعي حقها
هع نحن ناس واجب ساي

[بت مارنجان]

ماعندكم تياب حرير ربط ؟؟؟
او تياب تطريز هندي ؟؟؟

[روبش]

يا مرام .. ما عندكم تياب ( اعارة )

[بنت الرفاعي]

مرام سلامااااااااااااااااات وكيفك مع هذا الجمال وتلك الاناقة معرضكم لذييييييييييييييييييييييييييييييييييييذ بالله لوسمحت احجزى لى الثوب الظهرى مشكل بالاصفر ياخى ده رهيب بالجد كل الثياب روعه ولكنه اروعها اما عن الاعمال اليدوية حلوة والمقاقيش دى بتذكرنى مدينة الابيض والسعف الملون والاعمال اليدوية الجميلة

وعليكم السلاماااااااااات، تمام الحمدلله.
يا الله من ذوقك والله، وأكيد ما بقامتك، حاضرين للحجز، والروعة منكم وإليكم، إن شاءالله تكوني بتعرفي تعملي زيهم؟؟؟!!!:rolleyes:;)

لكِ أنقى وعاطر التحايا أختي حنونة:).

[ABUZAID]

كل الاحترام
للاخت مرام
وكل المشاركين

روعة المكان والزمان
واكيد روعة التوب السوداني
والملحقات


لكن السؤال المهم بالنسبة لينا


الشرتيت

يعني التياب دي بي كم ؟ ؟ ؟


والكاش يقلل النقاش

على جنب :

اخاف تنزلي تفاصيل الاسعار

بوستك ده ما يزورو الا الجانب النسائي


تحيااااااااااااتي

[بدر الدين محمد]

الإبداع ليس له أي شروط، لأنك بالبسيط ممكن تعمل شيء كبير، هذا جزء يسير من بعض ما تثبت وخرجت به من ذلك المعرض:
ولقيت برضو إنو ممكن أي شخص يبدع ويكون فنان، بس يكون حابِّي ومستمتع بما يعمله ويصنعه..

أخليكم من الكلام الكثير ده ولوسمحتوا شاركونا بآرائكم.:)

اعمال جميلة ومفيدة للاخوات
والجميل عكسها هنا .. مع الشكر

[بنت الرفاعي]

يا مرام .. انا حاجز مقشاشتين لعمتي لزوم النظافة وكده
وحرررررررررررررررررررررررررررررررررررررررررررررررر ن يا مرام ما تدفعي حقها
هع نحن ناس واجب ساي

هلا بناس الدوحة، المعرض ما جنبكم؟؟؟!!!
:D:D:D إتفقنا، ممكن تشتري ليها معاك توب؟؟؟!!

لك خالص التحايا أخي روبش.:)
:rolleyes::D:cool::p

[بنت الرفاعي]

ماعندكم تياب حرير ربط ؟؟؟
او تياب تطريز هندي ؟؟؟

حتى ولو مافي نجيب ليك, لكن التطريز ده مامعانا لأنو الشغل الفات ده كلو رسم يدوي وتلوين(طباعة) من دون أي ماكينات ،(أقول ليك سر؟: في فكرة فيها مزج للطباعة مع التطريز:rolleyes:).

[بنت الرفاعي]

يا مرام .. ما عندكم تياب ( اعارة )

جرّب لو سمحت تزور المعرض يمكن تلقى:rolleyes:;)

[بنت الرفاعي]

كل الاحترام
للاخت مرام
وكل المشاركين


روعة المكان والزمان
واكيد روعة التوب السوداني
والملحقات



لكن السؤال المهم بالنسبة لينا



الشرتيت


يعني التياب دي بي كم ؟ ؟ ؟


والكاش يقلل النقاش


على جنب :
اخاف تنزلي تفاصيل الاسعار
بوستك ده ما يزورو الا الجانب النسائي




تحيااااااااااااتي


هلا باللي زارنا.:)
وبالتأكيد الروعة لا تكتمل إلا بكم.

الأسعار على حسب التوب والشكل (ماتخاف أغلى توب إشتروهو:rolleyes::D)،
وعادية.
حلوة مايزورو إلا الجانب النسائي دي:D
(العمم معاك كيف يا أخوي؟؟):rolleyes::confused:

لك كل الود والتقدير أخي ABUZAID.:)

[محمد علي شقدي]

مرام ابداع

بوست رايق ومريح

شوف الابداع دائما ممتع

لكـ كل التقدير

[بنت الرفاعي]

اعمال جميلة ومفيدة للاخوات
والجميل عكسها هنا .. مع الشكر

أخي الفنان ما أعطيتنا رأيك بدقة، وبالذات في طريقة الرسم والتلوين، (للأخوات بس؟؟؟!!!!):rolleyes::confused:
والأجمل هو مروركم هنا.

لك كل التحايا الأنيقة أخي بدر الدين محمد.:)

[بنت الرفاعي]

مرام ابداع

بوست رايق ومريح

شوف الابداع دائما ممتع

لكـ كل التقدير

حيث يتواجد الإبداع تتواجدون وحتما سنتواجد إن شاءالله:)

ولك أيضاً كل التقدير والشكر مع باقات ورد أنيقة أخي محمد علي.:)

[بدر الدين محمد]

حيث يتواجد الإبداع تتواجدون وحتما سنتواجد إن شاءالله:)

ولك أيضاً كل التقدير والشكر مع باقات ورد أنيقة أخي محمد علي.:)

بالتفصيل يا مرام

هذه المنتجات الجميلة تدخل في عدة تخصصات اولا تصميم وطباعة المنسوجات في التياب ودي بتتم بي حاجة اسمها الشاشة الحريرية silk skreen وهو النوع الشائع من معالجة التياب

اما البلح والمقاشيش فهناك مجلة لديها باب متخصص بعنوان اصنعيها بنفسك وهي مجلة اسرتي وتعمل فيها سكرتيرة تحرير ابنتنا وعضو المنتدى (مريم الاخرى) تقوم بعرض الاعمال من هذا النوع والتي تتم بخبرات في تخصص الخزف والنحت والمشغولات اليدوية

وخليك فنانة على طول......

[بنت الرفاعي]

بالتفصيل يا مرام

هذه المنتجات الجميلة تدخل في عدة تخصصات اولا تصميم وطباعة المنسوجات في التياب ودي بتتم بي حاجة اسمها الشاشة الحريرية silk skreen وهو النوع الشائع من معالجة التياب

اما البلح والمقاشيش فهناك مجلة لديها باب متخصص بعنوان اصنعيها بنفسك وهي مجلة اسرتي وتعمل فيها سكرتيرة تحرير ابنتنا وعضو المنتدى (مريم الاخرى) تقوم بعرض الاعمال من هذا النوع والتي تتم بخبرات في تخصص الخزف والنحت والمشغولات اليدوية

وخليك فنانة على طول......

مشكور أخي بدر الدين لكن الشغل اللي إنت ذكرتو ده غير عن الطريقة التي تم عمل التياب السابقة بها، يعني مافي أي تدخل للتكنولوجيا فيها.

ماشاءالله وتبارك الإله، عليهم، والأعمال اليدوية اللي عرضتها دي أبسط الأعمال، في أعمال أكبر وأرقى وطريقة عملها أصعب منها، لكنني لم أصورها علشان كدة ماعرضتها (وإن شاءالله أصوِرها):).

[النويري]

مرام الفيزا وخليناها

شوفي لينا توب من التياب الثمحة دي ياخ


-----------------
نويري ما تخليك مواكب ياخ عشان تفهم العناوين المامفهومة للزول المامواكب "ياخ المعرض دا طارت فيه فيز

"فيز دي جمع فيزا يامرام عشان الاختساس وكدا" :cool:


طارت وين الفيز دي عندنا مكتب إستقدام لكل الدول العربية والخليجية بأقل الأسعار قصرنا ماكم وبعدين نحن مع كأس العالم دا ما شايفين لا تياب ولا غيرو بس كأس العالم إنشاء الله يا مدنية بعد المواكبة دي تشتري ما تكون فلهمة ساي ههههههههههههههههه

[محمد الجزولى]

عينى بارده
والله قمة الابداع اختى مرام
ذوق وحس عالى فى اختيار التصاميم
تهانينا اختى مرام ومزيدا من الابداعات

[بنت الرفاعي]

عينى بارده
والله قمة الابداع اختى مرام
ذوق وحس عالى فى اختيار التصاميم
تهانينا اختى مرام ومزيدا من الابداعات

الله ما ضرَّاك إن شاء،
والمبدع هو من يرى الإبداع ويُحسهُ مثلكم،
ونأمل المزيد من التقدم، إن شاءالله.

كل الفل والياسمين عطرهما الفواح يصلك قبل وصول التحايا اللتي معهما مني إليك أخي محمد الجزولي.:)

[ود المطامير]

أنا اليومين دول قطعت النت من البيت
عشان أم عمرو ماتشوف الحاجات السمح دى وتشبكنى كلم ... مرام .. ترسل بالدى إتش إل

وأخوك مفلّس

عليك الله يا .. مرام ضايرى موضوعك دا بجاى بجاى

[ابووضاح]

الإبداع ليس له أي شروط، لأنك بالبسيط ممكن تعمل شيء كبير، هذا جزء يسير من بعض ما تثبت وخرجت به من ذلك المعرض:
ولقيت برضو إنو ممكن أي شخص يبدع ويكون فنان، بس يكون حابِّي ومستمتع بما يعمله ويصنعه..

عمل جميل في غاية الابداع تسلم ايدك اختي مرام
تخريمة : ود المطامير بتحش الخضره ولا المقاشيش تشتغل

هيع هيع هيع هييييييييييييييييييييييييييع

[ahmed algam]

ماشاء الله


اختنا مرام


اعمال جميلة توحي بجمال دواخل

صانعيها


سلمت ايدك

[المسافر]

أنا اليومين دول قطعت النت من البيت
عشان أم عمرو ماتشوف الحاجات السمح دى وتشبكنى كلم ... مرام .. ترسل بالدى إتش إل

وأخوك مفلّس

عليك الله يا .. مرام ضايرى موضوعك دا بجاى بجاى





هههههههههههههههههههه
انت لكن بتقدر على كده
تلاقيك قاعد تتكبكب ، وتقول ليها شوفي ده حلو عليك وده يجنن عليك
نوعيتك دي أنا عارفا كويس ، قال بقدر يقطع نت قال !!!!!!!!!!!!!!!!!!!!!!

[مدناوية]

ما شاء الله يا مرام بالإنقليزي ...

حاجة تمام ...


مزيد من الإبداعات .. والتطورات ..

[بت أم درمان]

تمام
حاجت حلوة شديد خاصة التياب
المشغول بالمرايات دا راقي شديد
لكن ما فهمت كيف يعني مشغول بالمرايات

[بنت الرفاعي]

أنا اليومين دول قطعت النت من البيت
عشان أم عمرو ماتشوف الحاجات السمح دى وتشبكنى كلم ... مرام .. ترسل بالدى إتش إل

وأخوك مفلّس

عليك الله يا .. مرام ضايرى موضوعك دا بجاى بجاى

:D:D:D:D:D
خليها تتفرج يا أخوي، وبما إنك مفلس (كيف مفلِّس و عاوز تشتري قطعة أرض ماشاءالله؟؟؟!!!! دي المدام ياخوي:rolleyes:)
خليها تتفرج (الفرجة بقت بقروش؟؟!):D

[esmat]

اعمال جميلة يامرام
وتصاميم ابداع

----

[بنت الرفاعي]

عمل جميل في غاية الابداع تسلم ايدك اختي مرام
تخريمة : ود المطامير بتحش الخضره ولا المقاشيش تشتغل

هيع هيع هيع هييييييييييييييييييييييييييع

يعطيك العافية أخي أبو وضاح ومشكور، والله يسلمك، مع صافي التحايا لك.:)

[بنت الرفاعي]

ماشاء الله


اختنا مرام


اعمال جميلة توحي بجمال دواخل

صانعيها


سلمت ايدك

الله ما ضراك أخي ahmed algam، وتعليقك يوحي بذوقك العالي (ماشاءالله).
الله يسلمك.

لك عاطر التحايا والتقدير.:)

[بنت الرفاعي]

هههههههههههههههههههه
انت لكن بتقدر على كده
تلاقيك قاعد تتكبكب ، وتقول ليها شوفي ده حلو عليك وده يجنن عليك
نوعيتك دي أنا عارفا كويس ، قال بقدر يقطع نت قال !!!!!!!!!!!!!!!!!!!!!!

:D:D:D:D:D
ويقول لي أضايرو!!!؟؟:rolleyes::eek::D:D
(يمكن ده حنك ليها (بالفلس);)
:D:D:D

[بنت الرفاعي]

ما شاء الله يا مرام بالإنقليزي ...

حاجة تمام ...


مزيد من الإبداعات .. والتطورات ..





الله ماضرّاك، من ذوقك والله،
آميييين يارب.

لك كل الود مع أجمل باقة ورد أختي مدناوية.:)

[بنت الرفاعي]

تمام
حاجت حلوة شديد خاصة التياب
المشغول بالمرايات دا راقي شديد
لكن ما فهمت كيف يعني مشغول بالمرايات

حلوة عيونك يا أختي،
المشغول بالمرايات ده يا ستي مرايات عدييل لكن مقطَّعة قطع صغيرة ومخيّطة في التوب، لكن الخياطة بطريقة حرّيفة(ماشاءالله).

لك أنقى الود مع أجمل باقات الورد أختي بت أم درمان.:)

[بنت الرفاعي]

اعمال جميلة يامرام
وتصاميم ابداع

----

مشكور أخوي عصمت ويعطيك العافية، وده من ذوقك.

لك صافي التحايا مع كل الود والتقدير أخي esmat:).