ديك يعوعي في بيتنا

[عزيز عيسى]

اليوم من صباح الرحمن الدغش قمت من النوم أكابس في الضلمة..
عملت إزعاج شديد جدا لناس البيت وأنا أترنح متل السكران..
مرة أدقش في الحيطة ومرة في دواليب صغيرة موضوعة بالقرب من
دولاب الملابس بعد شوية أتصلح في وقفتي وأقول (تكس يرجع)..
أم الأولاد صحت مخلوعة من النوم وقالت: بسم الله الرحمن الرحيم
يا راجل مالك بتكابس في الضلام ذي المجنون؟..
إنت جاك أبو الكباس؟
قلت ليها بلؤم يا ولية عباس ولا أبو الكباس إنتي مالك بفتش على النور
أحسن ليك واصلي نومي في نومك.. وخليني في حالي..أكابس ذي ما عايز..
المهم بعد جهد جهيد وجدت النور وولعته وقلت ليها أحمدي ربك إني ما كسرت
ليك قزاز المرايا بتاعتك ولا قديت الحيطة ومرقت من الناحية الثانية برا الشارع.
بعد اللحظات العصيبة دي االراس إستعدل ودخلت الحمام وأخدت (دوش) دافيء
وجهزت حالي ولبست هدومي ومشيت جلست في الصالون وفتحت التلفزيون
أشاهد الأخبار على الـ سي إن إن (cnn) والمحطات المحلية..
بعد دقائق تذكرت مباريات كأس العالم وحولت القناة على محطة رياضية espn
وجدت يا دوب المباراة إبتدت بين منتخب كوريا ومنتخب بورجواي..
طبعا إتكيفت جدا قلت فرصة أشاهد جزء من المباراة قبل مغادرة البيت الى مكان عملي..
وفي أثنا مشاهدتي للمباراة سمعت صوت نغمات جرس عادية ترن منطلقة من منبه
إبنتي الصغيرة لأنها على موعد للحاق بدرس في الأدب الإنجليزي بإحدى الكليات الصيفية
في مدينة هيوستن..
قلت ليها: يا بت ما تقومي من النوم ما سامعه المنبه يرن؟
قالت لي حاضر يا بابا.
رن الجرس في المرة الاولى ولم توقفه إبنتي.. وبعد حوالي خمسة دقائق رن الجرس
مرة أخرى وأيضا لم توقفه وتنهض إبنتي من سريرها..
هي سامعة رنة جرس المنبه لكن كانت متكاسلة تقوم وعملت مطنشة.
في المرة الثالثة سمعت صوت ديك (يعوعي)..
أي والله ديك عديل وكمان يعوعي بطول حسه في بيتنا..
طبعا ما صدقت أضاني.. أدخلت أصبعي في واحدة من إضنيني وقعدت أصوت فيها
لغاية ما عملت (زنننننن) قلت: لا حولتن بالله العظيم..
أكيد المرا كلامها صحيح أنا لسه معاي أبو الكباس؟
مسحت عيوني كويس وتأكدت إني ما نائم ولا حاجتين..
وجدت صوت الديك حقيقي جد جد..
قلت يا ربي الديك إبن الذين دا هسع الجابو هنا داخل بيتنا شنو؟
وكمان جاء داخل من ياتو حته؟.. وكيف؟.. ويعوعي بالطريقة الغريبة دي ليه؟..
المهم الديك لسه صوته المزعج مستمر ويعوعي في آمان الله ويرتفع في كل مرة..
قمت جريت على المستودع بسرعة وفتشت على حاجة أشيلها ألطش بيها
الديك المزعج دا في لغاليغو الكبيرة دي وأوقفو من الصياح..
أو أمسكو من رقبتو وأخنقو أفطسو إرتاح منو والإزعاج الذي سببه لي..
ما لقيت حاجة مناسبة غير المقشاشة..
خطفتها وجيت جاري محل إنطلاق صوت الديك..
طلعت على الدور الثاني للبيت أفتش على الديك ما وجدته أبدا.. فتشت تحت السراير
والكراسي والترابيز برضو ما وجدت الديك إبن اللذينا دا ما لقيتو..
إختفى من الوجود خالص.. قلت أكيد دا يكون شيطان وبدأت أستعيذ بالله..
بعد شوية وأنا نفسي قايم بنتي رفعت راسها وقالت لي:
بابا إنت بتفتش على شنو؟.. قلت ليها إنت ما سمعتي صوت الديك البعوعي دا..
قعدت تضحك بطول حسها وقالت لي:
دا صوت المنبه بتاعي .. بيرن مرتين عادي وفي المرة الثالثة بيطلق
نغمة الديك المزعج مثل التي سمعتها..
غايتو أنا ما فضل لي إلا أمسك الديك أقصد المنبه وأضرب بيهو الواطة.
الله يلعن أبو التكنولوجيا ذاتو!!!.

[Jamal Elmahi]

الخواجه ود عيسي ...
الديك البعوعي دا يا حلاة شوربتو ...بدون تتعب في نتف الريش والذي منّو ...أعطن المنبه في حلة بريستو أم صفاره وخليهو علي نار هاديه لمدة تلاتين دقيقه لامن الحلّه تعوعي ...افتحا بشويش عشان الديك ما يطير وأضف قليلاَ من البهارات وشوية بخور تيمان لنفض الحر والشر والعوعاي ...علي وزن الهباباي ...والباباي ...
مشاققه ...
في الجداد الديوك يعوعن والجداد يكاكن ...وفي البني آدمين النسوان يعوعن ويكاكن والعيون حمره وشراره ....
الشوربه ياخواجه كان إنفردته بيها براك زي إنفرادت كريستيانو رولاندو ألبرتقالي ...إن شاء الله تنفعك قول آمين ....
بجيك صاد ...
ود الماحي

[بنت الرفاعي]

إزيك يا أخوي عزيز؟:)
التكنولوجيا دي فيها أشياء عجيبة!!
وما تقول بركة الجات على صوت الديك،
في أصوات وأصوات، وكمان في ناس تلقاهم مخصصين ناس بألفاظ عجيبة،
إذا مشيت السودان وجرّبت المواصلات أو حتى في الشارع، حتسمع العجب العجاب من الأصوات والرنات الغريبة وعجيبة!

[ود المطامير]

حبيبنا
الله يديك العافيه

خلّيت صباحنا ضحك وسرور وإبتسامه

ودا هو اللى إحنا محتاجين ليهو

همس يُنسّينا زخم الحياه وتعب الغربه

بمناسبة الديك .. مره ركبت البص حق الشرفه مدنى .. وكان عندى ديك شحماااان
ربطتو بره البص مع جداد ناس تانين .. قلت أبيعو وأشترى كفر وأضرب سمك بالطريقه الصاح وأرجع المطامير

وصلنا الملجه .. ونزلت ومشيت بهناك للبص مكان الديك .. ولا لقيت ديك ولا ريشه , طار وين ما عارف
وما كان عندى ولا حق الرجوع .. وضربنى الجوع هع هع هع .. غايتو .. دبرتها جاى جاى
لكن كلما أمشى مدنى تلقانى بعاين فى الشارع لحد مدنى أفتش ليهو

وأنا هسى نغمة موبايلى .. ديك بعوعى .. هع هع هع

[بت مارنجان]

عمو عزيز بركة في عوعاية الديك الجابتك وجابت جمال الماحي ....
قول للبنية دي غيري النغمة بصوت "غنماية:o" ...

[ود المطامير]

الخواجه ود عيسي ...
الديك البعوعي دا يا حلاة شوربتو ...بدون تتعب في نتف الريش والذي منّو ...أعطن المنبه في حلة بريستو أم صفاره وخليهو علي نار هاديه لمدة تلاتين دقيقه لامن الحلّه تعوعي ...افتحا بشويش عشان الديك ما يطير وأضف قليلاَ من البهارات وشوية بخور تيمان لنفض الحر والشر والعوعاي ...علي وزن الهباباي ...والباباي ...
مشاققه ...
في الجداد الديوك يعوعن والجداد يكاكن ...وفي البني آدمين النسوان يعوعن ويكاكن والعيون حمره وشراره ....
الشوربه ياخواجه كان إنفردته بيها براك زي إنفرادت كريستيانو رولاندو ألبرتقالي ...إن شاء الله تنفعك قول آمين ....
بجيك صاد ...
ود الماحي
هع هع هع هع

تعرف يا حبيب الملاييين

هنى الجداد متلّج ومسيييييييييييييخ نشاره بس

الواحده تلقاها مكرفسه فى التلاجه من سنة دو

والله يا حليل جداد بلدى .. نسك الديك ويحوم بينا الفريق كلو ونعمتو ونضبحو يقعد يفرفر ساعه

هنى الخروف نضبحو للضحيه ولأ أيّة مناسبه كراعو ما بجرها

[مدنيّة]

الخواجة شاشوق وود امي الاتنين مع بعض عندنا !!!؟؟؟

يامرحبا يامرحبا

والله والله الكنكلوجيا الجابتكم لينا الليلة دي ماقصرت معانا تب

والنبي فيكم كان تغيبوا تاني

-------------
اتاري من دخلت قلت النور الفي المنتدي دا شنوووو ؟؟ :cool:

[ود المطامير]

والله والله الكنكلوجيا الجابتكم لينا الليلة دي ماقصرت معانا تب

؟؟ :cool:

وش يهضم حقوق الآخرين
هع هع هع

[صلاح ودالطاهر]

اولاً الواحد سعيد بعودتك يا عزيز يا لزيز وسعيد بعودت ودالماحي الرجل السمح حبابكما عشره بلاكشره ودي عائز ليها ضبيحه عديل كده........ ضحكتني يا خواجه من الصباح وزكرتني واحد صاحبي كفيلو موريهو نجوم الليل بالصباح اها مره كنت جالس معاهو في البيت اخر ونسات وضحك بعد شويه اسمع ليك كلب يهوهو وينبح بطول حسو وحاتك انا جني وجن الكلاب مما سمعت الكلب بيهو هو اضاني بقت ترقص وكرعاتي رجفن اها النبيح متواصل قلت لي صاحبي يازول الكلب شنو الجايبو في الشقه قال لي كلب شنو دي نغمة الموبايل اصلو خاتيها نغمه لي في بالي وبالك .........دحين ياخواجه اول ما عينوني في التدريس سمعت مدير المدرسة الله يطراهو بالخير الاستاذ عبدالرحمن مصطفي (جكسا) قال بمناسبة وصول المعلمون الجدد اليوم العزومه عندي ديوكلون وحاتك كنت مسطح مفتكر الاسم لفتيل ريحه اها عرفته العزومه بديك مدنكل وبالهناء والشفاء

مشاققه

تحياتي الي الاولاد وام العيال العائز تركبه التونسيه بطرطشك

[تغريدا]

اليوم من صباح الرحمن الدغش قمت من النوم أكابس في الضلمة..
عملت إزعاج شديد جدا لناس البيت وأنا أترنح متل السكران..
مرة أدقش في الحيطة ومرة في دواليب صغيرة موضوعة بالقرب من
دولاب الملابس بعد شوية أتصلح في وقفتي وأقول (تكس يرجع)..
أم الأولاد صحت مخلوعة من النوم وقالت: بسم الله الرحمن الرحيم
يا راجل مالك بتكابس في الضلام ذي المجنون؟..
إنت جاك أبو الكباس؟
قلت ليها بلؤم يا ولية عباس ولا أبو الكباس إنتي مالك بفتش على النور
أحسن ليك واصلي نومي في نومك.. وخليني في حالي..أكابس ذي ما عايز..
المهم بعد جهد جهيد وجدت النور وولعته وقلت ليها أحمدي ربك إني ما كسرت
ليك قزاز المرايا بتاعتك ولا قديت الحيطة ومرقت من الناحية الثانية برا الشارع.
بعد اللحظات العصيبة دي االراس إستعدل ودخلت الحمام وأخدت (دوش) دافيء
وجهزت حالي ولبست هدومي ومشيت جلست في الصالون وفتحت التلفزيون
أشاهد الأخبار على الـ سي إن إن (cnn) والمحطات المحلية..
بعد دقائق تذكرت مباريات كأس العالم وحولت القناة على محطة رياضية espn
وجدت يا دوب المباراة إبتدت بين منتخب كوريا ومنتخب بورجواي..
طبعا إتكيفت جدا قلت فرصة أشاهد جزء من المباراة قبل مغادرة البيت الى مكان عملي..
وفي أثنا مشاهدتي للمباراة سمعت صوت نغمات جرس عادية ترن منطلقة من منبه
إبنتي الصغيرة لأنها على موعد للحاق بدرس في الأدب الإنجليزي بإحدى الكليات الصيفية
في مدينة هيوستن..
قلت ليها: يا بت ما تقومي من النوم ما سامعه المنبه يرن؟
قالت لي حاضر يا بابا.
رن الجرس في المرة الاولى ولم توقفه إبنتي.. وبعد حوالي خمسة دقائق رن الجرس
مرة أخرى وأيضا لم توقفه وتنهض إبنتي من سريرها..
هي سامعة رنة جرس المنبه لكن كانت متكاسلة تقوم وعملت مطنشة.
في المرة الثالثة سمعت صوت ديك (يعوعي)..
أي والله ديك عديل وكمان يعوعي بطول حسه في بيتنا..
طبعا ما صدقت أضاني.. أدخلت أصبعي في واحدة من إضنيني وقعدت أصوت فيها
لغاية ما عملت (زنننننن) قلت: لا حولتن بالله العظيم..
أكيد المرا كلامها صحيح أنا لسه معاي أبو الكباس؟
مسحت عيوني كويس وتأكدت إني ما نائم ولا حاجتين..
وجدت صوت الديك حقيقي جد جد..
قلت يا ربي الديك إبن الذين دا هسع الجابو هنا داخل بيتنا شنو؟
وكمان جاء داخل من ياتو حته؟.. وكيف؟.. ويعوعي بالطريقة الغريبة دي ليه؟..
المهم الديك لسه صوته المزعج مستمر ويعوعي في آمان الله ويرتفع في كل مرة..
قمت جريت على المستودع بسرعة وفتشت على حاجة أشيلها ألطش بيها
الديك المزعج دا في لغاليغو الكبيرة دي وأوقفو من الصياح..
أو أمسكو من رقبتو وأخنقو أفطسو إرتاح منو والإزعاج الذي سببه لي..
ما لقيت حاجة مناسبة غير المقشاشة..
خطفتها وجيت جاري محل إنطلاق صوت الديك..
طلعت على الدور الثاني للبيت أفتش على الديك ما وجدته أبدا.. فتشت تحت السراير
والكراسي والترابيز برضو ما وجدت الديك إبن اللذينا دا ما لقيتو..
إختفى من الوجود خالص.. قلت أكيد دا يكون شيطان وبدأت أستعيذ بالله..
بعد شوية وأنا نفسي قايم بنتي رفعت راسها وقالت لي:
بابا إنت بتفتش على شنو؟.. قلت ليها إنت ما سمعتي صوت الديك البعوعي دا..
قعدت تضحك بطول حسها وقالت لي:
دا صوت المنبه بتاعي .. بيرن مرتين عادي وفي المرة الثالثة بيطلق
نغمة الديك المزعج مثل التي سمعتها..
غايتو أنا ما فضل لي إلا أمسك الديك أقصد المنبه وأضرب بيهو الواطة.
الله يلعن أبو التكنولوجيا ذاتو!!!.

أخوى عزيز عيسى السلام عليكم ورحمة الله نهارك سعيد وجميل متل القصة الحلوة دى ويعطيك العافية والله ضحكتنى شديد وكان جينا للتكنولوجيا بقدر مالها من سلبيات أيضاً لها إيجابيات يعنى مثلاً الديك دا (أقصد المنبه) أنا بعتمد عليه أعتماد كلى فى موضوع الصحيان دا خصوصاً الفجر يعنى العوعاى دا بفايدة فياخوى طول بالك على الديك دا وقول يارب دايماً هذه التكنولوجيا تهدينا وتساعدنا على معرفة الله وهدى نبيه الكريم ولاتلهينا وتقربنا للشيطان الرجيم
مشكووووووووووووووووووور وتقبل مرورى..............لك فائق أحترامى

[عوض صقير]

اليوم من صباح الرحمن الدغش قمت من النوم أكابس في الضلمة..
عملت إزعاج شديد جدا لناس البيت وأنا أترنح متل السكران..
مرة أدقش في الحيطة ومرة في دواليب صغيرة موضوعة بالقرب من
دولاب الملابس بعد شوية أتصلح في وقفتي وأقول (تكس يرجع)..
أم الأولاد صحت مخلوعة من النوم وقالت: بسم الله الرحمن الرحيم
يا راجل مالك بتكابس في الضلام ذي المجنون؟..
إنت جاك أبو الكباس؟
قلت ليها بلؤم يا ولية عباس ولا أبو الكباس إنتي مالك بفتش على النور
أحسن ليك واصلي نومي في نومك.. وخليني في حالي..أكابس ذي ما عايز..
المهم بعد جهد جهيد وجدت النور وولعته وقلت ليها أحمدي ربك إني ما كسرت
ليك قزاز المرايا بتاعتك ولا قديت الحيطة ومرقت من الناحية الثانية برا الشارع.
بعد اللحظات العصيبة دي االراس إستعدل ودخلت الحمام وأخدت (دوش) دافيء
وجهزت حالي ولبست هدومي ومشيت جلست في الصالون وفتحت التلفزيون
أشاهد الأخبار على الـ سي إن إن (cnn) والمحطات المحلية..
بعد دقائق تذكرت مباريات كأس العالم وحولت القناة على محطة رياضية espn
وجدت يا دوب المباراة إبتدت بين منتخب كوريا ومنتخب بورجواي..
طبعا إتكيفت جدا قلت فرصة أشاهد جزء من المباراة قبل مغادرة البيت الى مكان عملي..
وفي أثنا مشاهدتي للمباراة سمعت صوت نغمات جرس عادية ترن منطلقة من منبه
إبنتي الصغيرة لأنها على موعد للحاق بدرس في الأدب الإنجليزي بإحدى الكليات الصيفية
في مدينة هيوستن..
قلت ليها: يا بت ما تقومي من النوم ما سامعه المنبه يرن؟
قالت لي حاضر يا بابا.
رن الجرس في المرة الاولى ولم توقفه إبنتي.. وبعد حوالي خمسة دقائق رن الجرس
مرة أخرى وأيضا لم توقفه وتنهض إبنتي من سريرها..
هي سامعة رنة جرس المنبه لكن كانت متكاسلة تقوم وعملت مطنشة.
في المرة الثالثة سمعت صوت ديك (يعوعي)..
أي والله ديك عديل وكمان يعوعي بطول حسه في بيتنا..
طبعا ما صدقت أضاني.. أدخلت أصبعي في واحدة من إضنيني وقعدت أصوت فيها
لغاية ما عملت (زنننننن) قلت: لا حولتن بالله العظيم..
أكيد المرا كلامها صحيح أنا لسه معاي أبو الكباس؟
مسحت عيوني كويس وتأكدت إني ما نائم ولا حاجتين..
وجدت صوت الديك حقيقي جد جد..
قلت يا ربي الديك إبن الذين دا هسع الجابو هنا داخل بيتنا شنو؟
وكمان جاء داخل من ياتو حته؟.. وكيف؟.. ويعوعي بالطريقة الغريبة دي ليه؟..
المهم الديك لسه صوته المزعج مستمر ويعوعي في آمان الله ويرتفع في كل مرة..
قمت جريت على المستودع بسرعة وفتشت على حاجة أشيلها ألطش بيها
الديك المزعج دا في لغاليغو الكبيرة دي وأوقفو من الصياح..
أو أمسكو من رقبتو وأخنقو أفطسو إرتاح منو والإزعاج الذي سببه لي..
ما لقيت حاجة مناسبة غير المقشاشة..
خطفتها وجيت جاري محل إنطلاق صوت الديك..
طلعت على الدور الثاني للبيت أفتش على الديك ما وجدته أبدا.. فتشت تحت السراير
والكراسي والترابيز برضو ما وجدت الديك إبن اللذينا دا ما لقيتو..
إختفى من الوجود خالص.. قلت أكيد دا يكون شيطان وبدأت أستعيذ بالله..
بعد شوية وأنا نفسي قايم بنتي رفعت راسها وقالت لي:
بابا إنت بتفتش على شنو؟.. قلت ليها إنت ما سمعتي صوت الديك البعوعي دا..
قعدت تضحك بطول حسها وقالت لي:
دا صوت المنبه بتاعي .. بيرن مرتين عادي وفي المرة الثالثة بيطلق
نغمة الديك المزعج مثل التي سمعتها..
غايتو أنا ما فضل لي إلا أمسك الديك أقصد المنبه وأضرب بيهو الواطة.
الله يلعن أبو التكنولوجيا ذاتو!!!.


الخواجه ود عيسي ...
الديك البعوعي دا يا حلاة شوربتو ...بدون تتعب في نتف الريش والذي منّو ...أعطن المنبه في حلة بريستو أم صفاره وخليهو علي نار هاديه لمدة تلاتين دقيقه لامن الحلّه تعوعي ...افتحا بشويش عشان الديك ما يطير وأضف قليلاَ من البهارات وشوية بخور تيمان لنفض الحر والشر والعوعاي ...علي وزن الهباباي ...والباباي ...
مشاققه ...
في الجداد الديوك يعوعن والجداد يكاكن ...وفي البني آدمين النسوان يعوعن ويكاكن والعيون حمره وشراره ....
الشوربه ياخواجه كان إنفردته بيها براك زي إنفرادت كريستيانو رولاندو ألبرتقالي ...إن شاء الله تنفعك قول آمين ....
بجيك صاد ...
ود الماحي

الخواجة وجمال الماحى ... مرة واحدة كده .... والله دى براها عاوزة ليها ذبيحة كاربة .... أولاً سعداء بهذه الطلة المفاجأة الرائعة بروعة كتاباتكم ومفرداتكم الجميلة .. وفى إنتظار الكثير والكثير منكم , على الأقل عاوزين تعويض عن فترة الغياب بمجموعة من الحاجات الحلوة المعروفة عنكم ... تحياتى لكم ولكل من معكم فى بلاد العم سام .. دمتم بخير ...

[خالد أحمد الصول]

ديك البطانة:
ستف الناس اللوري المتجه للمدينة عن آخره ... فجلس تاي الله الغلباوي جنب السواق بعد شكله طويلة عريضة فأصلا المحل القدام محجوز لي مرت الحكيم و بنتها و هن في طريقهن إلي المدينة لزيارة أختها سعاد التي عادت من الغربة في إجازة الصيف ... و نسبة لان تاي الله بتاع عصلجة و لا يختشي ولا يكن أدني احترام للحكيم الذي ما فتئ يطرده من ضل الشفخانة لانه عاطل ودائم الجلوس هناك و بين الفينة و الاخري يعاكس الزائرات للشفخانة ... ود الحديدة السواق حل المشكلة بأن أجلسه بجانبة و لكن مساعده حساده طقطق تاي الله القيمة مضاعفة و خيره بين النزول و الدفع الفوري فدفع خجلا بعد أن التفتت إليه بت الحكيم فائقة الجمال و قال في سره ... عشانك إنت يا حليوه ... يهون أب عشر و أب خمسة ... المهم ركب الناس بعد ذلك في صندوق اللوري متراصين و الشفت منهم ركب في الصندوق مدلدلا أرجله تكاد تصل الزجاج الأمامي ... أما الدجاج فقد تم درجه في قناية طويلة و ربط مدلدلا في جنبات اللوري ... وصل ود الحديدة بلورية الي المدينة و أسلتم كل راكب ما يليه من الدجاج و الديوك فكان أن أستلم ود الزريع ديكه أتجه به صوب المشترين و لسوء حظه لم يجد شاريا للديك فما منه إلا و أن عاد ال اللوري و ربطة في نفس القناية عائدا الي الحلة ... و في العصرية إجتمع كل دجاج الحلة علي الديك العجيب الذي ذهب الي المدينة و حضر في لوري ود الحديدة يسأله الدجاج في لهفة ... أها المدينة كيف... أوصفها لنا و أوصف شوارعها و بناياتها و الدجاج هناك كيف يعيش و كيف يأكل و يشرب ... فما كان من ديك البطانة إلا و أن أجابهم ... يا جماعة الله أنا ما عارف أي حاجة ولا شفت أي شيء في المدينة فقد شالوني مدلدل و جابوني مدلدل ....

مشاققة: الحلقة الجاية ديك العدة

[نزار حسن محمد]

هوووووى ياناس الحله ..
انا مكتول
فى ديك ودعيسى
ومشتهى شوربة ود الماحى

ياعين ياعنيه ياكافره يانصرانيه
عين الفتى بتقد الواطه
وعين الحسود فيها عووود

ضربة جزاء
انا مزنوق جنس زنقه فى الشغل
بس بجيكم برواقه
ود الصول ..انت قائل ديك العده
ده منوا ..زولا بتعرفه تب ساكن فى
جزيره وبكتل الكدايس

[أبوريلان]

الواحد ما مصدق وزي العندو أبو كباس بتاع عزيز اللذيذ
الخواجة وجمال الماحي مرة واحدة كدة
يعني ما خايفين تجينا صقطة قلبية
برجع برواقة ياحلوين .

[عزيز عيسى]

مشاققه ...
في الجداد الديوك يعوعن والجداد يكاكن ...وفي البني آدمين النسوان يعوعن ويكاكن والعيون حمره وشراره ....
الشوربه ياخواجه كان إنفردته بيها براك زي إنفرادت كريستيانو رولاندو ألبرتقالي ...إن شاء الله تنفعك قول آمين ...
ود الماحي


الله يجازي محنك يا ود الماحي غايتو المرا لو قعدت تكاكي وتعوعي
(اللله يكفينا شر الكاك والعيعيو) مافي حل غير إنك تنقلب كلب وتهوهو فيها
وتوقفها في حدها.. ما تنسى الكلب بيخوف الكديس..
بيني وبينك الجدادة لو قعدت تكاكي معناها الحكاية وراءها بيض..
على الأقل تمشي تخم البيض وتكون إستفدت منها..
لكن يلاقيك ديك شقي يقعد من الصباح الدغش يعوعي كمان لو صوته
غليظ وقبيح يكرهك النوم وعيشتك ذاتها..
ياخي في نوع ديوك الواحد تقول موصنو ولا مغالطنو ما عارف..
يعوعي بدون توقف..
ولو ما إتأكد إنه الناس النائمين كلهم صحوا ما يوقف عيعيو.
غايتو ذي دا ما في حل غير إنك تجري تمسكو وتفطسو خنق.
والديك العمل لي غلبة دا لو كان طلع حقيقي أخوك كان
قبضو ومعط ليهو ريشه وفكيتو في الشارع أشمت عليه
جداد الحلة.

http://www.kowulz.com/btrcani.gif

[محمد الجزولى]

ود حلتنا عزيز العزيز
بركه بالشوفه ياخى والبركه فى ديك المنبه
تعرف فى واحد جارنا عامل نغمة موبايلو صوت اذان عمك ربيع الله يرحمو
شفته التكلوجيا دى قديمه كيف
ياخى منور والله ومن اسى حاجز ليك ديوك مارنجان كلها

[عزيز عيسى]

إزيك يا أخوي عزيز؟:)
التكنولوجيا دي فيها أشياء عجيبة!!
وما تقول بركة الجات على صوت الديك،
في أصوات وأصوات، وكمان في ناس تلقاهم مخصصين ناس بألفاظ عجيبة،
إذا مشيت السودان وجرّبت المواصلات أو حتى في الشارع، حتسمع العجب العجاب من الأصوات والرنات الغريبة وعجيبة!



حباب دكتورة مرام كيفنك وكيف الأهل في الكاملين..

قبل أيام كنت بصلي مع واحد وفي أثناء الصلاة إنطلقت صوت نغمة
موسيقية جميلة جدا بتخلي الواحد يتمايل معاها..
بعد إنتهاء الصلاة الراجل إرتبك وإعتذر لي..
قلت ليهو يازول أهو صلاة ومعاها طرب..
والمرة الجاية حأعلق لي لافته أكتب عليها:
فضلاً أغلق الموبايل قبل الصلاة.
غايتو تكنولوجيا الموبايلات عيبها في النغمات المزعجة!!


http://www.designatom.com/_images/jumpingmobile.gif

[عزيز عيسى]

حبيبنا
الله يديك العافيه

خلّيت صباحنا ضحك وسرور وإبتسامه

ودا هو اللى إحنا محتاجين ليهو


ود المطامير الراجل الظريف
ياخي إنت أجمل إنسان وحبوب..
قلبك طيب وكلامك دائما جميل
الله يسعد صباحك ويخليك لينا يا رب..


وصلنا الملجه .. ونزلت ومشيت بهناك للبص مكان الديك .. ولا لقيت ديك ولا ريشه , طار وين ما عارف
وأنا هسى نغمة موبايلى .. ديك بعوعى .. هع هع هع
هههههه.. غايتو لو ما خايف الكضب الديك بتاعك دا خالد ودالصول
قال شافو حايم في حلة دوتو متا بدون ريش..
والحكمة طشمان للطيش وكمان بدوبي؟!!!
كدي أديهو الأوصاف يمكن يقدر يقبضوا ليك.

http://t0.gstatic.com/images?q=tbn:vOjc4fS9KhK_pM:http://www.theclayman.com/images/tough_chicken.jpg

[ود المطامير]

هوووووى ياناس الحله ..
انا مكتول
فى ديك ودعيسى
ومشتهى شوربة ود الماحى

ياعين ياعنيه ياكافره يانصرانيه
عين الفتى بتقد الواطه
وعين الحسود فيها عووود

ضربة جزاء
انا مزنوق جنس زنقه فى الشغل
بس بجيكم برواقه
ود الصول ..انت قائل ديك العده
ده منوا ..زولا بتعرفه تب ساكن فى
جزيره وبكتل الكدايس
هع هع هع هع

[ود المطامير]

ود المطامير الراجل الظريف
ياخي إنت أجمل إنسان وحبوب..
قلبك طيب وكلامك دائما جميل
الله يسعد صباحك ويخليك لينا يا رب..

هههههه.. غايتو لو ما خايف الكضب الديك بتاعك دا خالد ودالصول
قال شافو حايم في حلة دوتو متا بدون ريش..
والحكمة طشمان للطيش وكمان بدوبي؟!!!
كدي أديهو الأوصاف يمكن يقدر يقبضوا ليك.

http://t0.gstatic.com/images?q=tbn:vOjc4fS9KhK_pM:http://www.theclayman.com/images/tough_chicken.jpg
هع هع هع هع

أنا أصلو من البدايه كنت شاكى فى حبيب قلبى خالد الصول يكون مزمز بيهو فى قعده كاربه
هع هع هع هع

[ود المطامير]

ود المطامير الراجل الظريف
ياخي إنت أجمل إنسان وحبوب..
قلبك طيب وكلامك دائما جميل
الله يسعد صباحك ويخليك لينا يا رب..

هههههه.. غايتو لو ما خايف الكضب الديك بتاعك دا خالد ودالصول
قال شافو حايم في حلة دوتو متا بدون ريش..
والحكمة طشمان للطيش وكمان بدوبي؟!!!
كدي أديهو الأوصاف يمكن يقدر يقبضوا ليك.

http://t0.gstatic.com/images?q=tbn:vOjc4fS9KhK_pM:http://www.theclayman.com/images/tough_chicken.jpg

بس إياهو زاتووووووو
هع هع هع

[عزيز عيسى]

عمو عزيز بركة في عوعاية الديك الجابتك وجابت جمال الماحي ....
قول للبنية دي غيري النغمة بصوت "غنماية:o" ...

بتنا بت مارنجان كيفنك يا بت أهلنا الطيبين..

ذكرتيني كلمات الشاعر المخضرم الذي قال:

كلما نزرع الحب أزهار وورود
تجي الغنماية تاكلها تاني

غايتو لو البت غيرت النغمة بصوت (غنماية) أول حاجة
بعملها بجري على هدومي ألملمن.. ويا دار ما دخلك شر!!

قالوا لي غنم الحلة الكان حايمات في الشوارع زمان
بكل حرية عدمن الحبة من أكل أكياس النايلون..
كان عايشات شبعانات مبسوطات في أمان الله
لكن العولمة خلتن يتركن أكل الدلاقين. يستاهلن.
أنا ما عارف ليه أنحنا ما قادرين نفرق بين الغنم والعنزات؟!!.

[عزيز عيسى]

[/SIZE]

هههههه.. ذكرتني يا ود المطامير واحد كدا زولا شقي وحريف من أولاد حارتنا
مجنن الخواجات فريزين القطن زمان..
كان متلح خواجة إغريقي مربي ليهو جداد كثير .. في كل مرة يشيل معاهو مصران خروف
طويل ويطلع في الحيطة ويرمي للجداد.. وبمجرد الديك أو الجدادة تبلغ المصران
يقوم ينفخ المصران والجدادة تختنق وتقع تفرفر في الواطة وما تقدر تكورك
يقوم أخينا يجري يقبض الجدادة ويجري على بيتهم يضبحها
ويطبخها ويأكلها لغاية ما عمل ليهو جضيمات من أكل الفراخ الكثير. ;)
الخواجة لاحظ إنه الجداد في نقص شديد وما قدر يعرف السبب..
يوم شرك ليهو و خلاهو لغاية ما رمى المصران وتلب من الحيطة علشان
يمسك الجدادة في اللحظة ديك هجم عليهو الخواجة وقبضوا..
طبعا بلهجته العجمية قاليهو: والله الليلة ذي ما خنقت جداد بتاعي
بمصران بتاعك دي إلا كمان نخنقيكي بيهو.
أخينا قعد يكورك يحلف في الخواجة ويفتش في الطريقة التخارجو.
في النهاية الخواجة قال ليهو: أنا هسع نخليكي لكن يابت الكلب
تاني تجي هنا نطوخيكي بالرصاص.

[عزيز عيسى]

الخواجة شاشوق وود امي الاتنين مع بعض عندنا !!!؟؟؟
يامرحبا يامرحبا
والله والله الكنكلوجيا الجابتكم لينا الليلة دي ماقصرت معانا تب
والنبي فيكم كان تغيبوا تاني
اتاري من دخلت قلت النور الفي المنتدي دا شنوووو ؟؟ :cool:

أم جمال كيف حالك وإبراهيم وباقي الأسرة..
إن شاء الله كلكم طيبين ومبسوطين.
والله الشوق بحر..
أحكي ليك قصة غريبة جدا حصلت أمبارح لموبايل المدام..
قبل يومين مشت السوبر ماركت ومعاها واحدة صحبتها
وبعد إشترن حوائج للبيت مشت على السيارة
وفتحت الكبوت ووضعت الحوائج ورجعوا البيت..
وفي لحظة إنزال الحوائج نسيت وتركت تلفونها الجوال
على الصدام الخلفي وقفلت الكبوت ودخلت البيت..
الجوال كان على الصدام لغاية الصباح ومافيش ولا واحد
من الناس المارة لاحظ ليهو مع إنو غالي الثمن..
ثاني يوم من الصباح ركبت السيارة وذهبت لمقابلة
الدكتورة في العيادة..
أوقفت سيارتها في موقف السيارات ونزلت مشت على
العيادة و دخلت جلست منتظرة دورها..
إتصلت بيها من المكتب وكان تلفونها بيرن لكن ما بترد ..
في اللحظة اللي كان بيرن فيها الموبايل صادف مرور
ساعي بريد وسمع رنة الموبايل وهو على الصدام..
طبعا عرف إنه الشخص صاحب السيارة نسى تلفونه..
والله راجل كثر خيره رفع الجوال ورد علي قال لي
أنا وجدت التلفون في المستشفى الفلاني على صدام
السيارة.. قلت ليهو دا تلفونا وزوجتي الآن في نفس
المستشفى..
قال لي أنا مستعجل وسأتركه عند الإستعلامات..
إتصلت بزوجتي وقلت ليها تلفونك وين؟
قعدت تغالط فيني قالت لي: تأخرت ونسيتو في البيت.
قلت ليها لا تلفونك في المستشفى ومن فضلك
أمشي إستلميهو من الإستعلامات.
وفعلا زوجتي ذهبت الى الإستعلامات وإستلمت
تلفونها وحكيت ليها فيما بعد كيف وجد..
المهم كل ما في الأمر إنه التلفون دا جالس على
صدام السيارة لمدة يوم كامل ما فيش ولا واحد
شافو.. والشيء الأغرب إنه ما سقط على الأرض
بعد كل المشاورير دي.
آسف على الإطالة.

[محمد حسين (المميز)]

ياســـــــــــــلام

قـــــــــــول للزمــــــــان
اررررررجــــــع يا زمـــــــــان


:rolleyes::rolleyes:


معقـوله بس

عمنا عزيز عيسى

واستاذنا ودالمـاحي



انشالله اخر غيــــــاب

[ود المطامير]

هههههه.. ذكرتني يا ود المطامير واحد كدا زولا شقي وحريف من أولاد حارتنا
مجنن الخواجات فريزين القطن زمان..
كان متلح خواجة إغريقي مربي ليهو جداد كثير .. في كل مرة يشيل معاهو مصران خروف
طويل ويطلع في الحيطة ويرمي للجداد.. وبمجرد الديك أو الجدادة تبلغ المصران
يقوم ينفخ المصران والجدادة تختنق وتقع تفرفر في الواطة وما تقدر تكورك
يقوم أخينا يجري يقبض الجدادة ويجري على بيتهم يضبحها
ويطبخها ويأكلها لغاية ما عمل ليهو جضيمات من أكل الفراخ الكثير. ;)
الخواجة لاحظ إنه الجداد في نقص شديد وما قدر يعرف السبب..
يوم شرك ليهو و خلاهو لغاية ما رمى المصران وتلب من الحيطة علشان
يمسك الجدادة في اللحظة ديك هجم عليهو الخواجة وقبضوا..
طبعا بلهجته العجمية قاليهو: والله الليلة ذي ما خنقت جداد بتاعي
بمصران بتاعك دي إلا كمان نخنقيكي بيهو.
أخينا قعد يكورك يحلف في الخواجة ويفتش في الطريقة التخارجو.
في النهاية الخواجة قال ليهو: أنا هسع نخليكي لكن يابت الكلب
تاني تجي هنا نطوخيكي بالرصاص.
هع هع هع
والله دى نظريه بالطريقه الصاح
وح أطبقها فى أبوسفروق

هع هع هع
والله يا الحبيب .. كتلتنا بالضحك

[Jamal Elmahi]

عمو عزيز بركة في عوعاية الديك الجابتك وجابت جمال الماحي ....
قول للبنية دي غيري النغمة بصوت "غنماية:o" ...

بت مارنجان حبابك ...
ضميناك لي لستة إجازة الخريف ...أرجينا في حلة حسن ...أندروبل ود المأذون كان النفوس إتطايبت بشيل ألف ...

[Jamal Elmahi]

الخواجة شاشوق وود امي الاتنين مع بعض عندنا !!!؟؟؟

يامرحبا يامرحبا

والله والله الكنكلوجيا الجابتكم لينا الليلة دي ماقصرت معانا تب

والنبي فيكم كان تغيبوا تاني

-------------
اتاري من دخلت قلت النور الفي المنتدي دا شنوووو ؟؟ :cool:


العزيزه ست البنات ...
الشوق شاقق بينا مشاققة ضهبان ....وين الحي بيك يابت أمي !!!
كان مغالطاني أسعلي الخواجه ..وحاة أب كبس إتصلنا عليك سوّي ورفعتي لينا قزاز عربيتك الجديده قلنا أمكن بتجربي فيهو ...آآآي شفتي يوم قلبك فرّاك داك ياهو دا زاتو اليوم الضربنا ليك فيهو ...المس كول الزي عوعاية الديك دي ياهو حقتنا ...أنا قلته كان ما عرفتينا علي الاقل كان عرفتي الديك العوعاي داك ....
مشاققه ...
ليك وحشه يا بت أمي لامن الواحد داير يطالب بحق تقرير المصير .....
ود الماحي

[Jamal Elmahi]

اولاً الواحد سعيد بعودتك يا عزيز يا لزيز وسعيد بعودت ودالماحي الرجل السمح حبابكما عشره بلاكشره ودي عائز ليها ضبيحه عديل كده........ ضحكتني يا خواجه من الصباح وزكرتني واحد صاحبي كفيلو موريهو نجوم الليل بالصباح اها مره كنت جالس معاهو في البيت اخر ونسات وضحك بعد شويه اسمع ليك كلب يهوهو وينبح بطول حسو وحاتك انا جني وجن الكلاب مما سمعت الكلب بيهو هو اضاني بقت ترقص وكرعاتي رجفن اها النبيح متواصل قلت لي صاحبي يازول الكلب شنو الجايبو في الشقه قال لي كلب شنو دي نغمة الموبايل اصلو خاتيها نغمه لي في بالي وبالك .........دحين ياخواجه اول ما عينوني في التدريس سمعت مدير المدرسة الله يطراهو بالخير الاستاذ عبدالرحمن مصطفي (جكسا) قال بمناسبة وصول المعلمون الجدد اليوم العزومه عندي ديوكلون وحاتك كنت مسطح مفتكر الاسم لفتيل ريحه اها عرفته العزومه بديك مدنكل وبالهناء والشفاء

مشاققه

تحياتي الي الاولاد وام العيال العائز تركبه التونسيه بطرطشك

ود الطاهر حبابك ...حباب أخوي ...
أريت حالك زين ونعلّك طيب ...ساعلين منّك والله لكن مابتدي حريف ...
تحياتي للاسره الكريمه ...

[Jamal Elmahi]

الخواجة وجمال الماحى ... مرة واحدة كده .... والله دى براها عاوزة ليها ذبيحة كاربة .... أولاً سعداء بهذه الطلة المفاجأة الرائعة بروعة كتاباتكم ومفرداتكم الجميلة .. وفى إنتظار الكثير والكثير منكم , على الأقل عاوزين تعويض عن فترة الغياب بمجموعة من الحاجات الحلوة المعروفة عنكم ... تحياتى لكم ولكل من معكم فى بلاد العم سام .. دمتم بخير ...
سعادة المستشار ود صقير حبابو ...وحباب العزيز تيرابو ....
ضهرنا كان أعوج لامن الشاسيه مفتول ...معافرين إستعدال الشاسيه لنحظي بلقاء الاحبه ...فتلت الشاسيه لم تأثر في الذاكره في عامره بيكم ....
بجيكم صاد
ود الماحي

[بت مارنجان]

بتنا بت مارنجان كيفنك يا بت أهلنا الطيبين..

ذكرتيني كلمات الشاعر المخضرم الذي قال:

كلما نزرع الحب أزهار وورود
تجي الغنماية تاكلها تاني

غايتو لو البت غيرت النغمة بصوت (غنماية) أول حاجة
بعملها بجري على هدومي ألملمن.. ويا دار ما دخلك شر!!

قالوا لي غنم الحلة الكان حايمات في الشوارع زمان
بكل حرية عدمن الحبة من أكل أكياس النايلون..
كان عايشات شبعانات مبسوطات في أمان الله
لكن العولمة خلتن يتركن أكل الدلاقين. يستاهلن.
أنا ما عارف ليه أنحنا ما قادرين نفرق بين الغنم والعنزات؟!!.


هههههههههههههههه
ياعمو عزيز ياحليل الغنمايات ماتعرفن انقرضن ولا ماتن ؟؟
انت ماوصلك خبر اكياس النايلون الممنوعة يكونن هسي بقن ياكلن الظلط ..

حليل الغنم والبقر والاندروبل والطاحونة
وحليل عزيز عيسي القاعد في امريكا ...

[بت مارنجان]

بت مارنجان حبابك ...
ضميناك لي لستة إجازة الخريف ...أرجينا في حلة حسن ...أندروبل ود المأذون كان النفوس إتطايبت بشيل ألف ...


طواااااااااااالي ياود الماحي ...
ومارنجان تنور من المصانع لغااااااااااااااااااااااااااااااااااااااااااااية الكمبو ولفة بركات ...

نحن بنركب في الاندروبل نمشي الحدايق :o
بس المطرة ماتزرنا :o

[مايسة]

اولا - حمد لله على السلالالامة

استمتعته بكل الحدوتة بتاعت الديك دي -

لكن كان تمسك المنبه دا - وتكسرو بس

تكنولجيا غااايتو

تحياتنا للخواجات كلهم -

موبايل زوجتك كمان - حيرني صرااحة - قااعد في الصدام وزل هبشو مااافي

غايتو يا ناااس السودان حليلنا بالجد - دا الكحل جوا عينك بيشيلو :cool:

[عزيز عيسى]

دي عائز ليها ضبيحه عديل كده........

ود الطاهر العجيب ياخي والله مشتاقين..
غايتو إلا تضبح لينا ديك ويجي ود الماحي ينط فوقو أربعة وعشرين مرة..


بعد شويه اسمع ليك كلب يهوهو وينبح بطول حسو وحاتك انا جني وجن الكلاب مما سمعت الكلب بيهو هو اضاني بقت ترقص وكرعاتي رجفن
هههههه.. بعد دا لو جيت ماري بشارع بيتنا أو عايز تسلم علينا نقوم نحرش ليك كلب الجيران.. كدي شوف حلاتو كيف؟

http://blogs.law.harvard.edu/doc/files/2008/06/samdog.jpg


دحين ياخواجه اول ما عينوني في التدريس سمعت مدير المدرسة الله يطراهو بالخير الاستاذ عبدالرحمن مصطفي (جكسا) قال بمناسبة وصول المعلمون الجدد اليوم العزومه عندي ديوكلون وحاتك كنت مسطح مفتكر الاسم لفتيل ريحه اها عرفته العزومه بديك مدنكل وبالهناء والشفاء
ههههههه... أستاذ عبدالرحمن سطح بيك..
وإنت طلعت كيشة ساكت.. راندوك الأساتذة دا برضك ما قدرت تنقشو؟
أها أكلت معاهم الديوكلون ولا أدوك ريحة إتريحت؟
أنا لو كنت معاهم كان رشيتك بريحة فلور دمور وأخليك تتخارج. :confused:

[عزيز عيسى]

أخوى عزيز عيسى السلام عليكم ورحمة الله نهارك سعيد وجميل متل القصة الحلوة دى ويعطيك العافية والله ضحكتنى شديد وكان جينا للتكنولوجيا بقدر مالها من سلبيات أيضاً لها إيجابيات يعنى مثلاً الديك دا (أقصد المنبه) أنا بعتمد عليه أعتماد كلى فى موضوع الصحيان دا خصوصاً الفجر يعنى العوعاى دا بفايدة فياخوى طول بالك على الديك دا وقول يارب دايماً هذه التكنولوجيا تهدينا وتساعدنا على معرفة الله وهدى نبيه الكريم ولاتلهينا وتقربنا للشيطان الرجيم
مشكووووووووووووووووووور وتقبل مرورى..............لك فائق أحترامى
أختي تغريد.. وعليكم السلام ورحمة الله وبركاته..
كيفنك ولعلك طيبة والأهل كلهم بخير يا بت أمي.
التكنلوجيا مو رافضنها لكن يشيلوا منها النغمات بتاعة الديوك دي..
إنتي عارفة الديك لو فتح خشمو وقعد يعوعي وما فيش حد ينهرو
أو يقول ليهو (كر) بيأخذ راحته بالكامل ويعوعي ذي ما عايز.
مرات الواحد بيكون نعسان وعايز يواصل نومة حلوة كدة خاصة
نومة الصباح.. فجأة يسمع صوت ديك يعوعي؟
طبعا حيعكر عليه مزاجه ومافي حل غير إنه يعطي المنبه
خبطة يكسرو حته حته.
مع خالص ودي وتقديري.

[عزيز عيسى]

الخواجة وجمال الماحى ... مرة واحدة كده .... والله دى براها عاوزة ليها ذبيحة كاربة .... أولاً سعداء بهذه الطلة المفاجأة الرائعة بروعة كتاباتكم ومفرداتكم الجميلة .. وفى إنتظار الكثير والكثير منكم , على الأقل عاوزين تعويض عن فترة الغياب بمجموعة من الحاجات الحلوة المعروفة عنكم ... تحياتى لكم ولكل من معكم فى بلاد العم سام .. دمتم بخير ...

مستشارنا العزيز ود صقير.. ياخي والله الشوق مطر عديل..
مسألة الذبيحة دي لازم تتفقوا إنت وودالطاهر عليها..
يعني ما تخمونا تقولوا تضبحوا لينا ديوك أو ديكلون..
لو عايزين تذبحوا لينا من ديوك فقيه الطاعمة ديك أنا
ما عندي مانع.. لكن البقنع الديك الثاني (ود الماحي) شنو؟
والله يا عوض بتمنى إنو ربنا يجمعنا بيكم مرة أخرى
في أم المدائن مثل المرة السابقة وأقابل كل الناس
الجميلين من أمثالك ونسعد بلقائكم.
مع خالص مودتي وإحتراماتي وتقديري يا راجل يا ملك.
وتحياتنا للعائلة.

[عزيز عيسى]

ديك البطانة:
يا جماعة الله أنا ما عارف أي حاجة ولا شفت أي شيء في المدينة فقد شالوني مدلدل و جابوني مدلدل ....
مشاققة: الحلقة الجاية ديك العدة
خالد ود الصول الله يجازي محنك والله ضحكت لمان دموعي جرن..
كثير من الجداد المدلول (راس تحت وكرعين فوق) في اللواري
عند نهاية الوصول بيكون ثلاثة أربعة ماتوا..

طبعا أخينا ودالمطامير عندو ديك رائح منو في مدني..
التيمان شافوهو يقابض في جداد أم سويقو وكل مرة يقول
ياهو ديكي لا ما ياهو.. الزول دا ألحقوه قبل ما يوصل الدباغة
لو مسك ليهو ديك ومشى بيهو وعدى كبري حنتوب
عنكشة ساي الفلاتة يتابعوه للقضارف.

كدي شوفوا ليهو ديك تعوضوه بيهو بدلا
عن ديكو الرائح.. ود المطامير.. الله يجمعك بديكك..

أها أنا من هسع منتظر الحقة الجاية عن ديك العدة..

[ود المطامير]

خالد ود الصول الله يجازي محنك والله ضحكت لمان دموعي جرن..
كثير من الجداد المدلول (راس تحت وكرعين فوق) في اللواري
عند نهاية الوصول بيكون ثلاثة أربعة ماتوا..

طبعا أخينا ودالمطامير عندو ديك رائح منو في مدني..
التيمان شافوهو يقابض في جداد أم سويقو وكل مرة يقول
ياهو ديكي لا ما ياهو.. الزول دا ألحقوه قبل ما يوصل الدباغة
لو مسك ليهو ديك ومشى بيهو وعدى كبري حنتوب
عنكشة ساي الفلاتة يتابعوه للقضارف.

كدي شوفوا ليهو ديك تعوضوه بيهو بدلا
عن ديكو الرائح.. ود المطامير.. الله يجمعك بديكك..

أها أنا من هسع منتظر الحقة الجاية عن ديك العدة..
هع هع هع
وحات الله أنا ليوم الليه زعلان عليهو

وبفتش ليهو .. سمين وسمح وعلاعلو تقول يا غربتى

[عزيز عيسى]

هوووووى ياناس الحله ..
انا مكتول
فى ديك ودعيسى
ومشتهى شوربة ود الماحى

أبوسفروق..
ود الماحي حالف يطلع من الديك شوربة كاربة
وقطع محمرة..
والراس يعملو (نيفة) والأرجل (كوارع)..
وأنا حالف أعمل منو زغني.. والريش مخدة..
والصوت نغمة هدية مني للموبايل حقك. :rolleyes:
إنت بس كيف تقدر تصطادوا لينا بالسفروق
بتاعك..

[عزيز عيسى]

الواحد ما مصدق وزي العندو أبو كباس بتاع عزيز اللذيذ
الخواجة وجمال الماحي مرة واحدة كدة
يعني ما خايفين تجينا صقطة قلبية
برجع برواقة ياحلوين .

ياسر أبو ريلان كيف حالك وأحوالك
والله مشتاقين.
إن شاء الله ما يجيك أبوكباس ذي بتاعي دا..
حيخليك تكسر العدة في البيت..
أخوك عنده عادة ملازماهو من زمن..
ياخي كلما أدخل المطبخ لازم أكسر لي
كباية ولا صحن.. غايتو أتعقدت عديل..
صاحبك برهوته ضاربو السقط من السنة
الماضية.. ولحدي الآن بتغطغط بالبطاطين..
أما ود المبارك مفكر يعمل ليهو طيارة
علشان يركبها ويجيكم بيها في الرياض
وقال الاخوان رايت أحسن منو في شنو؟

[عزيز عيسى]

ود حلتنا عزيز العزيز
بركه بالشوفه ياخى والبركه فى ديك المنبه
تعرف فى واحد جارنا عامل نغمة موبايلو صوت اذان عمك ربيع الله يرحمو
شفته التكلوجيا دى قديمه كيف
ياخى منور والله ومن اسى حاجز ليك ديوك مارنجان كلها

قريبي وود حلتنا ود الجزولي..
إني أشم فيك رائحة مارنجان وأهلنا الحنان في مارنجان السودان..
يا سلام ذكرتنا ناس عم ربيع وعم مصطفى الخليفة الله يرحمهم..
والله صاحبك ما قصر إنو يعمل نغمة موبايلو صوت آذان لعم ربيع
وهذا دلالة على حبه وتعلقه بأهل مارنجان الناس الطيبين.
وبالله لو ربنا رفع القدم ومشيت مارنجان سلم لي
عليهم كلهم وعلى كل الديوك البتعوعي هناك.
تسلم.. مع فائق تحياتي وتقديري.

[عزيز عيسى]

ياســـــــــــــلام
قـــــــــــول للزمــــــــان
اررررررجــــــع يا زمـــــــــان
:rolleyes::rolleyes:
معقـوله بس
عمنا عزيز عيسى
واستاذنا ودالمـاحي
انشالله اخر غيــــــاب
المميز يا مميز.. كيفك يا محمد وإن شاء الله تكون بخير..
والله مشتاقين ليكم ولي قفشاتك الظريفة
عدنا والعود أحمد
ونأمل أن يعود المنتدى الى بريقه السابق.
مع خالص ودي وتقديري.

[عزيز عيسى]

هع هع هع
والله دى نظريه بالطريقه الصاح
وح أطبقها فى أبوسفروق

هع هع هع
والله يا الحبيب .. كتلتنا بالضحك

يعني يا ود المطامير حترمي ليهو المصران؟!!!
هههههه... الله يجازي محنك.
عارفك بتسويها إنت.
أبوسفروق.. أعمل حسابك أوعك تدخل الجزيرة.;) ;)

[عزيز عيسى]

أندروبل ود المأذون كان النفوس إتطايبت بشيل ألف ...
هو ود المأذون لطش اللندروبل حق مهيرة متين؟!!
الزول دا آخر مرة كان شايفو متشعلق وراء اللندروبل..
ويتاوق يمين وشمال ذي الرايح ليهو ديك.

[عزيز عيسى]

حليل الغنم والبقر والاندروبل والطاحونة

ويا حليل مشروع الجزيرة ذاتو..
الله يجازي الكان السب وفرق الناس.
ويا حليلي أنا وا شريري أنا
يا حليلك يا بلدنا.

[عزيز عيسى]

اولا - حمد لله على السلالالامة
استمتعته بكل الحدوتة بتاعت الديك دي -
لكن كان تمسك المنبه دا - وتكسرو بس
تكنولجيا غااايتو
تحياتنا للخواجات كلهم -
موبايل زوجتك كمان - حيرني صرااحة - قااعد في الصدام وزل هبشو مااافي
غايتو يا ناااس السودان حليلنا بالجد - دا الكحل جوا عينك بيشيلو :cool:

مرحبتين حبابك يا مايسة..
المشكلة إنو صوت النغمة طلع من الموبايل
يعني لو كسرت الموبايل حأضطر إشتري ليها واحد ثاني
ولو المنبه كان كسرتو حته حته..
وموبايل زوجتي حيرنا كلنا..
وبرضو ما حتصدقي لو قلت ليك السيارة طلعت كبري ونزلت منه
والموبايل برضو معنكش ما وقع أبدا..

[نزار حسن محمد]

عووووووك يالخواجه
وحاة شيخى ابو عصايا
ود الماذون صلح الاندروبر
وكب ليه جالون بنزين من طرمبة الشاطى
وربط الشال فى نص راسه ..
وقال منتظر بس الاندروبر يسخن
وبلحقنا ..
وانا جايب معى فردة كوتشينه
انت بس عليك البرش..
قال هو زميله ود الماحى
عندك تمباك ولا اجيب معاى

[ود المطامير]

يعني يا ود المطامير حترمي ليهو المصران؟!!!
هههههه... الله يجازي محنك.
عارفك بتسويها إنت.
أبوسفروق.. أعمل حسابك أوعك تدخل الجزيرة.;) ;)
حبيبنا
ياخى أبوسفروق دا أنا قدر ما دردقتو يجينى فى الجزيره وهو حاااارن

فرشت ليهو الشارع بساط

والأكل بوفيه مفتوح

وحلفت ليهو نعمل فلم كاوبوى .. نضبح غزال ونعملو فى سيخه وندورو فوق الجمر

فى السهله على الشاطى والدنيا قمر 14

و( العصاير ) ألوان وأشكال

أهاااا ... ليوم الليله مستنيهو
هع هع هع

[ود المطامير]

عندك تمباك ولا اجيب معاى
بتسف ؟؟؟ يعععععععععععع

[نزار حسن محمد]

بتسف ؟؟؟ يعععععععععععع

هوووى انت مابرد عليك ..
تعال بتلقى الرد فى اضانك من اذاعة جزيرة الشواطين..
قال بتسف قال ...

[ود المطامير]

والله يا حبيب الشعب عزيز
حكاية الموبايل حق المدام على التصادم دى بقت على مره كدا

قبل فتره سمعنا خبر إنو موظفين بلدية أبوظى اللى فنشوهم سنة 2007 عندهم باقى حرابيش فى الحقوق
أخوك طوالى جرّ خط طويل ويا أبوظبى وبلديتها جاك بلا ... جاك ود الخلا

وقفت قدام الموظف .. وحات الله قبلما أفتح خشيمى الشليق دا سألنى ... رقم توظيفك كم ؟

قلبى فرّانى .. قلت لنفسى ... أمك .. الإشاعه حقيقيه .. أديتو رقمى .. ضرب الكمبيوتر وبعد شويه ناولنى شيك

عاينت ليهو كدا أصلو ما صدقت

جنس خرتمياااات تفتح النفس .. هع هع هع

أهااا ... أول شئ مشيت مطعم سودانى .. والله ضربت ليك مفروكه بكسره وشطه وصلطه حاجه ما تخلص

وختيت سفّه مدنكله ومشيت على محلات الموبايلات وكان ... ال n95 طالع جديد ب 2200
وإشتريتو لأم عمرو وكانت جايه من السودان فى نفس اليوم وفى نفس اليوم كان عيد ميلاد ولأ بقولوا شنو ؟
المهم تاريخ زواجنا .. وحات الله إشتريت الموبايل ودفعت خمسميه ورا خمسميه
وجات هى وعصافيرها .. طوالى بعد السلام أديتها الموبايل هديه مع أمنياتى لها بحياه سعيده وكدا

بعد إسبوع الولد الصغيرونى جو السودان غيّر معاه ومشينا المستشفى .. أم عمرو ختّت الموبايل فى راس السياره .. وأنا طبعا إشتريت ليهو بيت جلد وفيه مغنطيس صغيرونى حق قفل الباب

وحات الله حمنا المستشفى وغياثى والموبايل مكنكش فوق راس السياره

لحد ما دورية مرور جروا لى نور ونبهونى إنو فى موبايل فوق السياره
شُفت كيف ؟؟

[أبوبكرحامد]

عووووووك يالخواجه
وحاة شيخى ابو عصايا
ود الماذون صلح الاندروبر
وكب ليه جالون بنزين من طرمبة الشاطى
وربط الشال فى نص راسه ..
وقال منتظر بس الاندروبر يسخن
وبلحقنا ..
وانا جايب معى فردة كوتشينه
انت بس عليك البرش..
قال هو زميله ود الماحى
عندك تمباك ولا اجيب معاى

أبو فايزة والله عندى زحمة شغل بس عشان وعدتك الصباح أها قول جاكم بلا ، ديك هيوستن بيجى بعد رنتين ، يعنى الديك بتاعكم يا خواجة بيسوى مسكول قبل ما إتصل ولا شنو .
غايتو ديكاً جاب ود الماحى والناس الحلوين أصلو ديك ما ساهل ، كدى بمشى البيت بتغدا وبجيكم صاد إن الله مدّ فى العمير.

[صلاح ودالطاهر]

أبو فايزة والله عندى زحمة شغل بس عشان وعدتك الصباح أها قول جاكم بلا ، ديك هيوستن بيجى بعد رنتين ، يعنى الديك بتاعكم يا خواجة بيسوى مسكول قبل ما إتصل ولا شنو .
غايتو ديكاً جاب ود الماحى والناس الحلوين أصلو ديك ما ساهل ، كدى بمشى البيت بتغدا وبجيكم صاد إن الله مدّ فى العمير.

عاد يا ود عيسي ديكك ده ديك الهنا والسرور الجاب لينا ودالمازون وحاة شيخي ديكك ده خلي التايه بت عجرم تغني الليل كلو

ديكو ... ديكو .............. الكورك بي فريكو .............. ونططت بعويكو

عاد يادفعه نحن علينا البرينسات وانت عليك المنفله ويا سايق العظمه سوقني معاك



مشاققه

ودالماذون آزول حبابك واليوم السعيد الليله جابك

[عزيز عيسى]

عووووووك يالخواجه
وحاة شيخى ابو عصايا
ود الماذون صلح الاندروبر
وكب ليه جالون بنزين من طرمبة الشاطى
وربط الشال فى نص راسه ..
وقال منتظر بس الاندروبر يسخن
وبلحقنا ..
وانا جايب معى فردة كوتشينه
انت بس عليك البرش..
قال هو زميله ود الماحى
عندك تمباك ولا اجيب معاى

أبوسفروق.. يازول أنا قلت ليك اللندروبل حق مهيرة
ما سمعتها شكت إنو عطلان..
ود المأذون بيكون لقى ليهو لاندروبل من النوع الخردة
المعسكرات في حوش بركات من سنة دو..
وعايز يعمروا علشان يقشر بيهو..
أما زولك ود الماحي متعود يأخذ (السيك) في الوست..
غايتو أنا ما بلعب مع زول متعود يأخذ سيك
ومافي طريقة يغلبونا أنا وأنت حتى ولو ود المأذون
ناولو الكيس وعلمو سف السعوط.

[عزيز عيسى]

حبيبنا
ياخى أبوسفروق دا أنا قدر ما دردقتو يجينى فى الجزيره وهو حاااارن
أهاااا ... ليوم الليله مستنيهو
هع هع هع
يا ود المطامير.. لو عايز تدرق صاحبك أبوسفروق قول ليهو
عندنا نية نبني لينا مسجد.. حيجيك طيران ويجب ليك معاهو إمام للمسجد
وكمان ديك من محلات الفروج..
إنت كمان جزيرتكم الكلها قطط وكلاب دي يدخلوها كيف؟ ;)

[عزيز عيسى]

أها قول جاكم بلا ، ديك هيوستن بيجى بعد رنتين ، يعنى الديك بتاعكم يا خواجة بيسوى مسكول قبل ما إتصل ولا شنو .
غايتو ديكاً جاب ود الماحى والناس الحلوين أصلو ديك ما ساهل ، كدى بمشى البيت بتغدا وبجيكم صاد إن الله مدّ فى العمير.
بالله دي حالتو عيعيوه واحدة من الديك صحت ود المأذون وجابتو يكابس مكابسة..
شفت ديوك هيوستن صوتها وصل وين؟!!
الظاهر عليك ماشي تتغدي بديك كارب..
جيب لينا معاك شوربة.. إن شاء الله مرقة دجاج
لبرهوته لأنه من دخل كندا ما ضاق شوربة ديك..
والديك الجابك دا نشحد الله ونقول يارب عيعوتو تجيب لينا الباقين..
أستاذنا صالح أبو شوارب
وأستاذنا أبوالمهتدي
وأستاذنا محمد يوسف
وحبيبنا أمير عبدالباقي
وحبيبنا الزمن المريح
وأحبابنا أولاد عشرية

وتاني منو حأتذكرهم المرة الجاية..

ياخي والله سعيدين جدا بالشوفة يا ود المأذون.

http://avatars.qkype.com/free-avatars/avatars/animated_214/chicken_funny_walk_animated_avatar_100x100_26127.g if

[عزيز عيسى]

عاد يا ود عيسي ديكك ده ديك الهنا والسرور الجاب لينا ودالمازون وحاة شيخي ديكك ده خلي التايه بت عجرم تغني الليل كلو
ديكو ... ديكو .............. الكورك بي فريكو .............. ونططت بعويكو
عاد يادفعه نحن علينا البرينسات وانت عليك المنفله ويا سايق العظمه سوقني معاك


يا ود الطاهر.. التاية بت عجرم بتعرف تعوعي وترقص متل الرقيص دا؟

http://www.bottomburps.co.uk/funny%20animated%20chicken.gif

[Jamal Elmahi]

أبو فايزة والله عندى زحمة شغل بس عشان وعدتك الصباح أها قول جاكم بلا ، ديك هيوستن بيجى بعد رنتين ، يعنى الديك بتاعكم يا خواجة بيسوى مسكول قبل ما إتصل ولا شنو .
غايتو ديكاً جاب ود الماحى والناس الحلوين أصلو ديك ما ساهل ، كدى بمشى البيت بتغدا وبجيكم صاد إن الله مدّ فى العمير.

ود المأذون حبابك ...
غايتو الديك الجاب الناس لينا كان ما جابك ...الخواجه كان جدعنا ليهو المصران ونفخناهو قربه ...
اللندروبل أخبارو شنو ...غايتو مقرطين عليهو في إجازة الخريف ...
أها محصّل غدا ود المأذون الماخمج وبجيكم صاد ...

[عثمان جلالة]

بوست بطعم شوربه الديك ياااااااااااااخ ... والحضور المشتهنهم ديل .. زي البهارات في الشوربه .. بوست قراهو يا الخواجه عزيز ... وبعد تنتهي راك تقول .. بالهنا والشفا .. وأرقد يا ديك ههههههه:o:o

[ود المطامير]

ود الصول ..انت قائل ديك العده
ده منوا ..زولا بتعرفه تب ساكن فى
جزيره وبكتل الكدايس
أستاذ
أستاذ
أيوه تبرع تبرع

أبوسفروق اللذيذ دا لو لميت فيهو بديهو عكاز والله

مع الإعتزار لمدرسة المشاغبين السودانيه

[عزيز عيسى]

بوست بطعم شوربه الديك ياااااااااااااخ ... والحضور المشتهنهم ديل .. زي البهارات في الشوربه .. بوست قراهو يا الخواجه عزيز ... وبعد تنتهي راك تقول .. بالهنا والشفا .. وأرقد يا ديك ههههههه:o:o
ههههههه إنت يا دوب جيت بعد ما الجماعة خنقوا الديك وشربوا شوربتو..
إنت يا عثمان أكيد ود المطامير رمى ليك المصران. ;)
يعلم الله ليكم وحشة ومشتاقين لحكاويكم الجميلة.

<OBJECT id=VIDEO style="WIDTH: 400px; HEIGHT: 65px" type=application/x-oleobject classid=CLSID:6BF52A52-394A-11d3-B153-00C04F79FAA6><PARAM NAME="URL" VALUE=http://rx1.freesfx.co.uk/mp3s/2/1217_1253396236.mp3><PARAM NAME="rate" VALUE="1"><PARAM NAME="playCount" VALUE="1"><PARAM NAME="autoStart" VALUE="true"><PARAM NAME="loop" VALUE="true"><PARAM NAME="volume" VALUE="100"><PARAM NAME="uiMode" VALUE="full"><PARAM NAME="fullScreen" VALUE="0"><PARAM NAME="_cx" VALUE="9260"><PARAM NAME="_cy" VALUE="7938">
<EMBED type="application/x-mplayer2" height="45" width="400"
pluginspage="http://microsoft.com/windows/mediaplayer/en/download/"
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="true" designtimesp="5311" loop="true"></EMBED></OBJECT>

[عزيز عيسى]

أشحد الله عيعيوة ديكي دا تجيب كمان الناس الحلوين:

جنابو أمير عبداللطيف
وأستاذنا عمر غلام الله 114
أولاد حينا أهلي وأحبابي محمد السني وأبورجاء وود عولي
والشاعر الشيخ (شيكو) وودمارنجان وشبارقة..
والناس الفنانين ديل: محمد أبوروان.. وخالد حمد موسى.. عثمان فرح (سامبا)..
سواح.. وعبدالمنعم (زول فرده)..
والزول المهذب جدا الزبير محمد عبدالفضيل (السفير)..
وحبايبنا الغائبين من زمن جنابو الرشيد.. وجنابو ود العركي.. ياسر فقيري.. وضياء الدين أحمد..
ومازن (مزوني).. وخطاب العبيد.. أبوزيد محمد نور..
وتاني منو؟.. عليكم الله أعذرونا أصلو الذاكرة أصبحت خربة لكن كلكم في البال...

[ابراهيم]

جدي خميس الله يرحمه كان لو عملت غلط

بقول انت ديك ولا شنو؟

وطبعاً افضل لي اكون "شنو" بدل اكون "ديك" اعوعي وابقي شوربة

واضيع في متاهة الافران

بوست بي طعم الكنتاكي الفي المهندسين يا ود الماذون

سلام من قلب يحبكم ومشتاق لكم


واهديكم عبر هذا البوست أغنية "في الليلة ديك"

[أحمد عمر ( MOODY )]

هع هع هع هع

تعرف يا حبيب الملاييين

هنى الجداد متلّج ومسيييييييييييييخ نشاره بس

الواحده تلقاها مكرفسه فى التلاجه من سنة دو

والله يا حليل جداد بلدى .. نسك الديك ويحوم بينا الفريق كلو ونعمتو ونضبحو يقعد يفرفر ساعه

هنى الخروف نضبحو للضحيه ولأ أيّة مناسبه كراعو ما بجرها



ود المطامير : نهارك سوداني سعيد
خروف الضحية ده .. عليك آمان الله من ما يدوك ليهو في الكيس
يطلعوهو ليك من نفسك

[أحمد عمر ( MOODY )]

الخواجة عزيز : يديّك العافية .. و أنت تعود معطراً أرجاء المكان
و البركة في الديك الجابك لينا .. وجاب باقي الناس الحلوين

إلاّ بيني بينك نومة الصباح دي دايرة ليها قفص جداد كامل العدة والعتاد
عشان تقوم ... و بعد تفتِّح تقعد في نص السرير زي ود سنة أولى
تفتش ليك في عذر عشان تمشي الدوام متأخر

[عاطف عولي]

والله اشرقت الانوار وحلت البركة اتنين مرة واحدة وفي قفا بعض الخواجة وود الماحي
والله بلاكم الدار مسيخة جنس مساخة وبالمناسبة لمن جيت اكتب الرد برضو ديكم عوعا والله العظيم اها دا انس ولا جنس؟

[عزيز عيسى]

جدي خميس الله يرحمه كان لو عملت غلط
بقول انت ديك ولا شنو؟
وطبعاً افضل لي اكون "شنو" بدل اكون "ديك" اعوعي وابقي شوربة
واضيع في متاهة الافران
بوست بي طعم الكنتاكي الفي المهندسين يا ود الماذون
سلام من قلب يحبكم ومشتاق لكم
واهديكم عبر هذا البوست أغنية "في الليلة ديك"

هههههه.. إنت برضك جيت يا (الديك)

ياخي ود المأذون دا جانا خطف الديك وجرى بيهو
أحتمال ضبح الديك وشرب الشوربة ومسح شنباتو وزاغ.

عارف يا برهوتة أجدادنا ديل كانوا مستهبلين..
ذكرتني عمنا الله يرحمه كان كلما تصعب عليه
حاجة يقول ليك الحاجة دي عصلجت معاي
وفي كلمة تانية برضو كان بيحب يرددها دائما
خايف تجيب لي الهواء غايتو إنت مسعول منها..
مرة جابوا ليهو ديك يضبحو وهو ما بحب ضبح
الجداد.. قال أظرط حاجة في الدنيا دي ضبح
الجداد ما تعرف تمسكها من وين؟..
أنحنا كنا صغار نقعد نضحك في الكلمة دي.

أسعدتنا طلتك يا برهوتة ياخ.
طيب وين أغنية (في الليلة ديك)..؟

بسأل عن الرجل الظريف والمضحك جدا أستاذنا أبوحراز..

[عاطف عولي]

أشحد الله عيعيوة ديكي دا تجيب كمان الناس الحلوين:

جنابو أمير عبداللطيف
وأستاذنا عمر غلام الله 114
أولاد حينا أهلي وأحبابي محمد السني وأبورجاء وود عولي
والشاعر الشيخ (شيكو) وودمارنجان وشبارقة..
والناس الفنانين ديل: محمد أبوروان.. وخالد حمد موسى.. عثمان فرح (سامبا)..
سواح.. وعبدالمنعم (زول فرده)..
والزول المهذب جدا الزبير محمد عبدالفضيل (السفير)..
وحبايبنا الغائبين من زمن جنابو الرشيد.. وجنابو ود العركي.. ياسر فقيري.. وضياء الدين أحمد..
ومازن (مزوني).. وخطاب العبيد.. أبوزيد محمد نور..
وتاني منو؟.. عليكم الله أعذرونا أصلو الذاكرة أصبحت خربة لكن كلكم في البال...


ديكك يا الخواجة ما ديك السرور جابنا من اخر الدنيا ولمانا بالناس الحلوين الفاقدنهم سنين ودنين زي ما بتقول حبوبتي

[عزيز عيسى]

إلاّ بيني بينك نومة الصباح دي دايرة ليها قفص جداد كامل العدة والعتاد
عشان تقوم ... و بعد تفتِّح تقعد في نص السرير زي ود سنة أولى
تفتش ليك في عذر عشان تمشي الدوام متأخر
أحمد عمر كيف حالك ياخ،
نومة الصباح مافي أحلا منها..
في ناس الواحد بيكون نعسان نعسة شديدة
ولو جابوا ليهو القفص كلو ديوك ما يصحى..
إنتو يا ناس الإمارات الواحد فيكم ما يشوف الديك
إلا وهو على الشواية.. ;)

[عزيز عيسى]

والله اشرقت الانوار وحلت البركة اتنين مرة واحدة وفي قفا بعض الخواجة وود الماحي
والله بلاكم الدار مسيخة جنس مساخة وبالمناسبة لمن جيت اكتب الرد برضو ديكم عوعا والله العظيم اها دا انس ولا جنس؟
ههههه.. ودعولي الممسوخ الله يجازي محنك..
كتلتني بالضحك..
غايتو ما فضل لي إلا أعوعي بنفسي علشان تظهر..
يمين سعدت جدا بمشاهدة توقيعك من ضمن الحضور..
ورجعتك دي ذاتها عايزه ليها ديك مشوي وشوربة كاربة..
أها أنا وودالماحي اللتين رجعنا في قفص واحد..
أقصد في وقت واحد..
الديك بتاعنا دا يعوعي الوقت كلو كرهني الدخول ذاتو.. كلما
أحاول أعمل أي حاجة يقعد يعوعي.. ما عارف حكايته شنو؟
كدي تعال حوحي معاي جاي جاي كان نقدر نقبضو
ود اللذينا دا.
غايتو دا إلا نحرش ليهو عمك (أركب) يقبضوا لينا. :cool:

[عزيز عيسى]

ديكك يا الخواجة ما ديك السرور جابنا من اخر الدنيا ولمانا بالناس الحلوين الفاقدنهم سنين ودنين زي ما بتقول حبوبتي
حبوبتك منو يا ود عولي..
أوع تكون تركانة.. تتذكر تركانه؟ (الله يرحمها)..
ديك يجيبك إنت ويجيب برهوته وناس عزاز علينا
ويخلي ود المأذون يظهر ثم (يطفش) في ظروف
غامضة دا ما ديك نصاح.

[عوض صقير]

أبو فايزة والله عندى زحمة شغل بس عشان وعدتك الصباح أها قول جاكم بلا ، ديك هيوستن بيجى بعد رنتين ، يعنى الديك بتاعكم يا خواجة بيسوى مسكول قبل ما إتصل ولا شنو .
غايتو ديكاً جاب ود الماحى والناس الحلوين أصلو ديك ما ساهل ، كدى بمشى البيت بتغدا وبجيكم صاد إن الله مدّ فى العمير.

يا جماعة هوى .. واحدة واحدة علينا .... عزيز عيسى .... جمال الماحى ..... ود المأذون .... ده ثلاثى أهزم بيهو البرازيل والأرجنتين (ده بمناسبة كأس العالم طبعاً) .... حبيبنا وأستاذنا ود المأذون الحاجة لوجودكم بيننا هنا أصبحت أكثر من ماسة ..

[عاطف عولي]

حضور زاهي وجميل والناس الحلوين ما يلمهم الا الحلو وانت كلك حلو

وراجيك لبوست حلو زيك يا خواجة حول ذكريات مارنجانية بشرط تفتحوا انت وليك علي أكون جناح يمين وهاك يا عكسات زي عكسات المراحيم عبد العظيم أرب ومجيد قسم