الزواج من الرجل الاجنبي والعكس!!! للنقاش ...

[الفخيييم]

سؤال دار بخلدي موجه للجنسين
في ظل اختلاف العادات والتقاليد
واحتمال انعدام الاستقرار بين رجل
اجنبي وانثي من بنات الوطن والعكس!!
هل يمكن ان تتزوجي من رجل اجنبي
وكذلك الرجل هل يمكن ان يتزوج من
امرأة اجنبية؟؟؟ وشكل اختلاف العادات
والتقاليد وبعض الظواهروالفوارق الاجتماعيه
التي قد تؤثر علي ضمان الاستقرار بين الطرفين...



تخريمه: نبقي في بلدكم سخنه وبلدنا باردة
وانا ماشي نيالا وبتاع وتجيب ليها شفع مصيرهم
يبقي في علم الغيب !!!!
وطماطمكم غالية ومطركم مرعب!!!

[الجندي المجهول]

حبيبنا الفخيييييييييييييييييم صباحك ورد وفل وياسمين

الزواج استقرار في المقام الاول

يعني تخيل انك تزوجت من اجنبية ( مع احترامنا وتقديرنا لهم ) وبغض النظر عن جنسيتها
سواء غربية ( انجليزية او فرنسية او خلافه ) او شرقية ( مصرية سورية مغربية ) او افريقية ( حبشية أو من بوركينا فاسو) فالامر هنا يختلف فباذن الله لو ربنا رزقك (بنين وبنات) ستحس انك في ورطة خاصة في التربية والعادات والتقاليد فهذا موضوع شائك جدا جدا

نصيحة : والله تتزوج اجنبية تندم ندم وتسف جنس تراب ( لوري كامل ما بحلك) سوداني وخليك سوداني ( اجانب نهي )

خليك مع بت بلدك ( وقرض على كدا) وساهم معنا اخي الكريم في ( فك البورة)

تخريمة : شايفك رجعت تاني تدور في موضوع العرس لكن شايفك خشيت المرة دي ( بالافرنجي)

لحن الختام : حبابا بت بلدي البتسند ضهري

جدعة : بالمناسبة اخر مرة كنا معزومين عشاء ( مع الوجيه محمد ابو زيد ) انا ومعتز الريح + المميز + عمر الجعلي وكان العشاء ( زغني ) واعرش على كدا

[مايسة]

الفخيم - يديك العافية

طبعا الزوااج من الاجنبية او العكس - موضوع صرااحة كبير جدا -

بس بيعتمد على شخصية الشخصين وطريقة تفكيرهم

يكفي قال تعالى : (يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ) .

وبنجيك تاااني - ننظر :cool:

[بنت الرفاعي]

ومع كل ذلك يبقى التساؤل:
ما الدافع الذي يجعل بناتنا وأولادنا يتزوجون بالأجانب والأجنبيات؟؟؟!!:confused:


الفخيم أخوي سحروك ولا شنو، ظهورك قلّ؟؟:rolleyes::)

[الشابى ضمره بخيت]

والله ماشاء الله يامايسا فى العرس دا بتحفظوا الايات تمام

[مايسة]

والله ماشاء الله يامايسا فى العرس دا بتحفظوا الايات تمام



:confused::confused::confused::confused::confused:

[مدنيّة]

ماعارفة
لكن اعتقد الواحد لو اتزوج من بلده افضل

---------------
الاجانب ديل ممكن لزوم الجنسية :cool:

[ود المطامير]

حبيبنا

فى أغنيه لكن التقول نسيتها ... المهم ... بتقول ... بت بلدى ذيّك ماااااااااااااااااااااااافى صح ؟

[بنت الرفاعي]

ماعارفة
لكن اعتقد الواحد لو اتزوج من بلده افضل

---------------
الاجانب ديل ممكن لزوم الجنسية :cool:


وبعد الجنسية؟؟؟؟!!!!

[مدنيّة]

وبعد الجنسية؟؟؟؟!!!!

يطلع الجواز http://www.sudaneseonline.com/db/attention/200_4e.gif

[روبش]

الفخييييييييييييييييييييييييم ... طيب ( البغطي القدح منو )

[روبش]

عمتي ... وبعد الجواز .. يعمل شنو تاني

[روبش]

يا الفخيييييييييييييييييم أخوي ... ممكن الواحد يتزوج اجنبية ( إعارة )

[الفخيييم]

حبيبنا الفخيييييييييييييييييم صباحك ورد وفل وياسمين

الزواج استقرار في المقام الاول

يعني تخيل انك تزوجت من اجنبية ( مع احترامنا وتقديرنا لهم ) وبغض النظر عن جنسيتها
سواء غربية ( انجليزية او فرنسية او خلافه ) او شرقية ( مصرية سورية مغربية ) او افريقية ( حبشية أو من بوركينا فاسو) فالامر هنا يختلف فباذن الله لو ربنا رزقك (بنين وبنات) ستحس انك في ورطة خاصة في التربية والعادات والتقاليد فهذا موضوع شائك جدا جدا

نصيحة : والله تتزوج اجنبية تندم ندم وتسف جنس تراب ( لوري كامل ما بحلك) سوداني وخليك سوداني ( اجانب نهي )

خليك مع بت بلدك ( وقرض على كدا) وساهم معنا اخي الكريم في ( فك البورة)

تخريمة : شايفك رجعت تاني تدور في موضوع العرس لكن شايفك خشيت المرة دي ( بالافرنجي)

لحن الختام : حبابا بت بلدي البتسند ضهري

جدعة : بالمناسبة اخر مرة كنا معزومين عشاء ( مع الوجيه محمد ابو زيد ) انا ومعتز الريح + المميز + عمر الجعلي وكان العشاء ( زغني ) واعرش على كدا


جندينا ارجنتينا صباحك باسطة،،،،
شنو شبكتني نصايح كده؟؟؟
انا مع المنتجات المحلية والمحلي
داخل (مدني) وعطبرة ذاتو نسبة
للانسجام الناجم والتناغم بين افراد
الوطن الواحد لذا ضمانا لاستقرار اسري
منقطع النظير لابد من وضع ارضية صلبة
لانطلاقة ممتازة في سبيل تكوين اسرة
خالية من البوتاسيوم واي شكل من اشكال
الاختلاف الذي يهدد ضمان الاستقرار!!!


تخريمه:زغني ده في اثيوبيا ولا وين؟؟؟
عموما لمتكم جميلة وربنا يلمنا واياكم ...
خشيت بالافرنجي دي حلوة عجبتني!!!
واجيك بالدارجي الفصيح بلدنا بس ولا
عزاء للاجانب عربا كانوا او اعاجم...
هاك لحن الختام ده :حبيبة قلبي
يا سودانية يا اسمي معاني لزول
بيعاني يا ود ضكران يا بت دغرية ..
بس ربك يسهل وتنخفض اسعار
الطماطم في زمن الطمام!!!

[الجندي المجهول]

عمتي ... وبعد الجواز .. يعمل شنو تاني

أكيد حا يعمل البطاقة الشخصية

[الجندي المجهول]

الفخييييييييييييييييييييييييم ... طيب ( البغطي القدح منو )

القدح بغطيهو ( موسى الزومة) مش بيلعب باك ؟

[الفخيييم]

الفخيم - يديك العافية

طبعا الزوااج من الاجنبية او العكس - موضوع صرااحة كبير جدا -

بس بيعتمد على شخصية الشخصين وطريقة تفكيرهم

يكفي قال تعالى : (يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ) .

وبنجيك تاااني - ننظر :cool:

اختنا مايسة تحياتي ،،،
ياخ المشكلة في انو
في صعوبة بالغة في
التوصل لاتفاق مستقبلي
بين طرفين من دول مختلفة
مهما كانت طريقة تفكيرهم مثالية
يبقي المحك في الانسجام وتنفيذه
علي ارض الواقع في ناس ما عندهم
استعداد يشوفوا اجانب خليك من يكون
بيناتهم ونسات وتدخل في خصوصيات
ووصول لتناغم واتفاق وخلافه ...


تخريمه: بنات البلد مهما واجهنا
من تنظيرات تياب ضيقه وشكتو ما
عارفها عاملة كيف اقلاها بنتفاهم
في النهاية ولا شنو؟؟؟
في انتظار تنظيراتك ما تتأخري ...

[الفخيييم]

ومع كل ذلك يبقى التساؤل:
ما الدافع الذي يجعل بناتنا وأولادنا يتزوجون بالأجانب والأجنبيات؟؟؟!!:confused:


الفخيم أخوي سحروك ولا شنو، ظهورك قلّ؟؟:rolleyes::)



مرام مرحبتين حبابك
الناس دي يكون بيفضلوا اللون؟؟؟
واحيانا تغيير بفهم بعض الاقلية!!!


تخريمة: والله عمك بقي مشغول بصورة
خليها ساي خصوصا بعد نقلونا بوركينافاسو دي!!!

[الفخيييم]

والله ماشاء الله يامايسا فى العرس دا بتحفظوا الايات تمام

مالو العرس يا ابو الشباب
ما عمل خير وفي النهاية
كلو في اطار موضوعنا ...
لكن انت ما افتيت في لب
الموضوع ومداخلتك لا طعم
لها ولا رائحه فارجو الالتزام
بلب الموضوع او التنحي
بعيدا دون ادني احراج لشخصكم
الضعيف ولا شنو؟؟؟؟!!!!

[بنت الرفاعي]

يطلع الجواز http://www.sudaneseonline.com/db/attention/200_4e.gif



وبعد مايطلع الجواز ويبقى من أهل البلد؟؟؟

ونفرض قال راجع السودان؟؟؟

ما المصير؟؟؟!!!!

[الفخيييم]

ماعارفة
لكن اعتقد الواحد لو اتزوج من بلده افضل

---------------
الاجانب ديل ممكن لزوم الجنسية :cool:

والجنسية لزومها شنو؟؟؟
الزواج من بلدك مافي زيو...


تخريمة: معانا ولا مع غانا؟؟؟

[الفخيييم]

الفخييييييييييييييييييييييييم ... طيب ( البغطي القدح منو )

ابو القدح ياروبش لو طلع
لئيم وده وارد افضل من
الاجانب ولا شنو؟؟؟

[الفخيييم]

عمتي ... وبعد الجواز .. يعمل شنو تاني

عمتك دي طالعه للوصيفاب
بيدو الجنسيه من المطار
وجنهم جواز وتجنيس ...

[الفخيييم]

يا الفخيييييييييييييييييم أخوي ... ممكن الواحد يتزوج اجنبية ( إعارة )

حلوة اعارة دي يا روبش
المشكلة تطلع (وارغاوية)!!!

[الفخيييم]

حبيبنا

فى أغنيه لكن التقول نسيتها ... المهم ... بتقول ... بت بلدى ذيّك ماااااااااااااااااااااااافى صح ؟

ود المطامير ياخ انا سميتك
الرجل المبتسم وواسع الصدر..
صااااااااااااااح بت البلد بس...

[الجندي المجهول]

وبعد مايطلع الجواز ويبقى من أهل البلد؟؟؟

ونفرض قال راجع السودان؟؟؟

ما المصير؟؟؟!!!!
وما المصير إلا فيلم مصري

او في البال اغنيتين
المصير للراحل المقيم عثمان حسين
في حياتي قبلك انت عشت قصة حب قاسية
لسه ما زالت في قلبي زكرياتا المرة باقية
لما هليت في وجودي وقلت بيك سعادتي باقية
لكن انت هدمت املي بعد عشرة نبيلة سامية

او الراحل المقيم ابراهيم عوض - المصير

ليه تقول لي انتهينا ونحنا يادوب ابتدينا

اها تاني الله اعلم اكون بعرف لي مصير

[الفخيييم]

أكيد حا يعمل البطاقة الشخصية

يا جندينا ارجنتينية كيف؟؟؟
اقلاها تنجب مواهب وكده!!!

[الجندي المجهول]

يا جندينا ارجنتينية كيف؟؟؟
اقلاها تنجب مواهب وكده!!!

دا يبقى اسمه عهد التغيير

خلاص انا بعرف بت خالة ميسي ما شاء الله عليها ( عسل بس ) اها اكلمها ليك مع اني شايف بن زيما خاتي عينو عليها لكم اخوك علاقتو بي ميسي مية مية وبخليهو يقنعها ليك خاصة وانك تحب اللون الازرق ( المشتق من التانجو)

تخريمة : لو ختوك بين خيارين

تتزوج ( سودانية مريخابية ) ولا ( مصرية هلالابية ) انا عارف احلاهما مر بالنسبة ليك لكن ياريت تختار لينا واحدة ؟

[الفخيييم]

دا يبقى اسمه عهد التغيير

خلاص انا بعرف بت خالة ميسي ما شاء الله عليها ( عسل بس ) اها اكلمها ليك مع اني شايف بن زيما خاتي عينو عليها لكم اخوك علاقتو بي ميسي مية مية وبخليهو يقنعها ليك خاصة وانك تحب اللون الازرق ( المشتق من التانجو)

تخريمة : لو ختوك بين خيارين

تتزوج ( سودانية مريخابية ) ولا ( مصرية هلالابية ) انا عارف احلاهما مر بالنسبة ليك لكن ياريت تختار لينا واحدة ؟

والله يا جندينا بما انو يحق
للرجل المسلم ان يتزوج
كتابية نظرا لقدرته علي
التأثير عليها فأكيد افضل
السودانية المريخابية !!!
وبدون ما اجتهد ح تقلب براها
ولا قالت لي انا ما بحب الكورة
السودانية نظراً لنتائج فريقها
الضعيفة وضرب الهلال ليهم !!!


تخريمه: اقلاها بنقدر نتناكف
بلغة معروفة لدينا ولا شنو؟؟؟
مصرية تشبكك يا لهوي وطعمية
وكشري وجوطة وزحمة !!!

[مدنيّة]

عمتي ... وبعد الجواز .. يعمل شنو تاني


وبعد مايطلع الجواز ويبقى من أهل البلد؟؟؟

ونفرض قال راجع السودان؟؟؟

ما المصير؟؟؟!!!!

غايتو ياناس الدوحة بري منكم

لما قلت موضوع الجنسية دا قلته ومعه الوش اللابس النضارة المعني انه مزاحا

معقولة بث في زول "فاهم وعاقل" يتزوج عشان "ايقدر يطلع ليه ورقة"؟!!

اها ماكنت فاكرة انه المزحة دي ح تكبر للدرجة دي ونطلع بيها كل الارواق الرسمية هههههههههههههههههههههههه

مرام جيبي لينا ياخ برميل الصبر داك :cool:

[روبش]

مسعول من الخير ... يا الفخييييييييييييييييييييم .. زوجة المرحوم عملوا معاها شنو

اقول ::::: انا اقترحت على ابو اسيل يقوم بالواجب

[بنت الرفاعي]

وما المصير إلا فيلم مصري

او في البال اغنيتين
المصير للراحل المقيم عثمان حسين
في حياتي قبلك انت عشت قصة حب قاسية
لسه ما زالت في قلبي زكرياتا المرة باقية
لما هليت في وجودي وقلت بيك سعادتي باقية
لكن انت هدمت املي بعد عشرة نبيلة سامية

او الراحل المقيم ابراهيم عوض - المصير

ليه تقول لي انتهينا ونحنا يادوب ابتدينا

اها تاني الله اعلم اكون بعرف لي مصير

بس؟؟؟؟!!!:confused::rolleyes:
أها إن شاءالله عرفت مصير الأرجنتين؟!:cool:


بيحصل شنو لو في يوم عرفنا مصيرنا؟؟!!!
هل سنُغير ونتغير ولا كما نحن سنكون؟؟!!

[بنت الرفاعي]

غايتو ياناس الدوحة بري منكم

لما قلت موضوع الجنسية دا قلته ومعه الوش اللابس النضارة المعني انه مزاحا

معقولة بث في زول "فاهم وعاقل" يتزوج عشان "ايقدر يطلع ليه ورقة"؟!!

اها ماكنت فاكرة انه المزحة دي ح تكبر للدرجة دي ونطلع بيها كل الارواق الرسمية هههههههههههههههههههههههه

مرام جيبي لينا ياخ برميل الصبر داك :cool:




:D:D:D:D
بري بالنص:rolleyes::D:D:D

يعني ماعارفة أنو في بعض اللي بيتزوجوا بأجنبيات بيتزوجوهن علشان الجنسية؟؟؟
وكلامك حتى ولو كان مزاحاً، فهو مع الأسف حقيقة، وفي الكثير من القصص اللي سمعناها عن ناس كدة!!!!!!

إنتِ لسّة ما شلتي البرميل (مش كانوا برميلين؟!):rolleyes:
:D:D:D:D:D

[مايسة]

الفخيم - صباحك

اها الننظر ليك شوية

وتنظريتي دي طبعا رائي الشخصي


زواج الاجنبي او العكس عنده محااسن ومساوئ

من المحاسن - تجديد يااخ - دم جديد - تطلع ليك اشكاال حلوة -دا طبعا اذا كان الدولة الاخترتها لون وشعر وبشرة وحاجات جميلة -
تجدد ثقافات ياخ واختلاط جميل بيكون -

ترتاح زاااتو من التوب والحاجات بتاعتنا الما عندها معني دي:cool:

اها المساوئ باختصاار شديد طبعا -

تصحي من الصباااح يوم - لا تلقي عيالك ولا شئ - اختفو في ظروووف غاامضة فجاأة كدا - وتقعد تتحسر بعدين وتقول اخير جداد بلدي :cool::(

[الفخيييم]

مياسة نهارك باسطة ،،،،
تم رفض المقترحات والتنظيرات اعلاه للآتي:
يمكننا التجديد من قبائل السودان المختلفة
يعني للبحث عن اللون والشعر عليك الزواج
من فريق (الحلبه) اقلاها متشبعين بالعادات
السودانية ويمكننا التناغم معهم وضمان استقرار
لفلذات اكبادنا ، اما بخصوص التنحي عن التياب
والدهب والكشكشة الما ليها لازمة دي ساهلة
يمكن ان نتفق عليها قبل مراسم الزواج بداعي
المبادئ التي تتماشي وفكر العريس ولا شنو؟؟


تخريمه:جداد بلدنا ولا كنتاكي الناس!!!
هسي تلاقيك جنك تياب مطرز وحرير وسويسري!!!
قال ما ليها لازمة قال اوعك تكوني من الجماعه
البيقولو التياب ضيقة ؟؟؟
لو ما التياب دي كان المسافر اتزوج !!!
هسي انا قلت معرض مرام !!!

[مايسة]

ههههههههه

الكنتاكي دا حلو صراحة

عليك به

ياخ ما تقعد تعمل لينا فتاوى - زواج الاجانب بقي ظاااهرة منتشرة جدا

احنا السودانيين بس عندنا العقدة دي - اما الجنسيات التانية بيعرسو اي جنس تااني - مغربي مع مصرية

تونسية مع جزائرية

اي خلطة يعني -

دا احنا فهمنا المغللوووووط دا زاااتو المرجعنا لورا يااخ (مجرد رائي)

تخريمة : عندي اربعة تياااب بس :):o

[أبوريلان]

يا الفخيم أزيك

مرات بكون الزواج عشان حفظ النفس من الوقوع في الخطيئة وخاصة لطلاب العلم وأحياناً بكون بزنس وممكن يكون شهوة وومكن يكون لرد الجميل وممكن للحماية ، لكن الغالب الأعم مصالح .

[ود سعدابى]

ابو امنة حامد قال بنحب من بلدنا وما بره البلد سودانية تهوى عاشق ود بلد


من حيث الشرع يجوز الزواج من شتى الجنسيات والاديان بالنسبة للرجل

اما البت ممكن تتزوج من شتى الجنسيات المسلمة

وبجيك راحع يااا الفخيييييم

[الجابرابى]

الزواج من اجنبى للسودانيه مشكله كبيره خاصة فى اختلاف العادات واللغه وتداخل الاسر فى السودان لايوجد فى اى مكان والزوج الاجنبى داير يعيش مع زوجته فقط يعنى اهلها ماداير تواصل معاهم وهناك فئه اخرى تتزوج فترة وجودها بالسودان وعند انتهاء فترته بالسودان ارجع لبلده واغلبهم بخرج بدون عوده ومابالك اكون عندهم اطفال