ملائــكة الرحــمــة..لم يرحمــو؟!!!

[سودانية وافتخر]

بسم الله الرحمن الرحيم
والصلاة والسلام على اشرف المرسلين سيدنا محمد وعلى اله وصحبه اجمعين اما بعد..

السلام عليكم ورحمة الله وبركاته اعضاء ود مني الكرام..

بداية لا اعلم اذا كان لي حق بما سوف انثره هنا ام لا ؟ ام انه شي سابق لسني؟. لا ادري من اين جاءتني هذه الجرأة كي اتحدث في مثل هذه المواضيع ولكني كاي مواطنة سودانية تود الرفعة دائما لموطنها توده دائما ان يكون منارة يهتدي بي نورها السفن...

احبائي لا اريد ان اطيل في مقدمتي لان صلب الموضوع هو الاهم وحرصي على تقدم موطني هو ما دفعني لكتابة هذا الموضوع كما انني لست على علم اذا كان هناك من سبقني في كتابة موضوعي هذا ام لا..


حسناا..الموضوع وما فيه هي مشكلة مازالت ثائرة في السودان وازمة يبدو انها لن تنحل وهي مشكلة الاطباء السودانيين ... اضرابات كثيرة ومشاكل اكثر ومرضاء لم يجدو الا القلة لكي يداويهم..
احبائي اود اليوم بان افتح هذه الصفحة لنقاش عن الموضوع الخطييير كما اود الاجابة عن بعض الاسئلة التي تحيرني ايضا..

مارأيكم في هذا الموضوع بداية؟؟
وماهو الوضع الراهن في السودان(للقاطنين هناك)؟؟
وهل يوجد اطباء يعملون الان؟؟
واين وزارة الصحة من ذلك؟؟
واين الحكومة ايضا من ذلك؟؟
وماهذا الاسلوب الهمجي الذي يستخدمونه ضد المتظاهرين؟؟

اليس من حقهم التظاهر؟؟
اليس من حقهم رفع اجورهم؟؟

كل هذه اسئلة واكثر نود النقاش عنها في هذا البوست ونتمنى من الجميع المشاركة فالاطباء هم ملائكة الرحمة كما قالو..

وانا في انتظار مداخلاتكم وارائكم((معا لنسمو بموطنا ونجد لمشاكلنا حلا))

مع خالص التحاايا والاحتراام والتقدييير

[الفخيييم]

أسدل الستار أخيراً على قضية اضراب نواب الاختصاصين السودانيين، الذي امتد لشهور بالتضامن مع عملية الافراج عن الاطباء المعتقلين.
وكانت لجنة أطباء السودان قد عقدت اجتماعاً مطولاً مع أعضاء الجمعية الطبية ، والذي انبثق عنه رفع الاضراب في مقابل الافراج عن الأطباء المعتقلين وتحسين شروط الخدمة للاطباء. هذا وقد أكد اتحاد العمل موافقته على قرارات الاجتماع بالكامل والتوقيع على مذكرة بين لجنة الأطباء والجمعية.

هذا ما جاء في صحيفة الاسطورة عدد الأربعاء
الموافق / 16/06/2010م .

تخريمة : الطب مهنة انسانية ويجب وضع
ذلك في الاعتبار ثم من بعد المطالبة بالحقوق
بطرق افضل من الاضراب وكل ما يعيق مصلحة المواطن...
ده رأي الشخصي ..

[الزونية]

الأخوة الكرام...
لم يسدل الستار بعد على قضية الأطباء ..
ومازال المعتقلين قيد الإعتقال!!!
ومازال الإضراب مستمراً ...أخي فخيييم..
ولم يف الجانب الآخر بما يخصه من بنود الإتفاق المبرم ......

[سودانية وافتخر]

أسدل الستار أخيراً على قضية اضراب نواب الاختصاصين السودانيين، الذي امتد لشهور بالتضامن مع عملية الافراج عن الاطباء المعتقلين.
وكانت لجنة أطباء السودان قد عقدت اجتماعاً مطولاً مع أعضاء الجمعية الطبية ، والذي انبثق عنه رفع الاضراب في مقابل الافراج عن الأطباء المعتقلين وتحسين شروط الخدمة للاطباء. هذا وقد أكد اتحاد العمل موافقته على قرارات الاجتماع بالكامل والتوقيع على مذكرة بين لجنة الأطباء والجمعية.

هذا ما جاء في صحيفة الاسطورة عدد الأربعاء
الموافق / 16/06/2010م .


تخريمة : الطب مهنة انسانية ويجب وضع
ذلك في الاعتبار ثم من بعد المطالبة بالحقوق
بطرق افضل من الاضراب وكل ما يعيق مصلحة المواطن...
ده رأي الشخصي ..


اخي لم يسدل الستار بعد فلم تظل القضية ثائرة والاضرابات مستمرة .. فالمعتقل معتقل والمضرب مضرب.. فاين التنفيذ ومتى سوف يكون؟؟!!


اخي الفخييم احترم رأيك الشخصي فالفعل الطب مهنة انسانية ولكن اليس اولو الامر هم الذين يجب عليهم ان يهتمو اكثر بمصلحة الشعب؟!اليس الطبيب انسان مثله مثل غيره؟؟!!اليسه عليه واجبات؟؟!!

شاكرة لك مروركـ،

[سودانية وافتخر]

الأخوة الكرام...
لم يسدل الستار بعد على قضية الأطباء ..
ومازال المعتقلين قيد الإعتقال!!!
ومازال الإضراب مستمراً ...أخي فخيييم..
ولم يف الجانب الآخر بما يخصه من بنود الإتفاق المبرم ......


بالفعل اختي الزونية كل ما ذكرتيه صحيح..نتمنى من الله ان يعتدل حال وطننا الجميل..

شاكرة لكـ، مرورك عزيزتي

[سودانية وافتخر]

اين البقية؟؟ اليس هذا الموضوع يخص الجميع فهذه المشكلة ليست مشكلة الاطباء فقط بل ستصبح مشكلة شعب باكمله... وانا في انتظار مدخلاتكم لنقاش في هذه القضية..

[مايسة]

اين البقية؟؟ اليس هذا الموضوع يخص الجميع فهذه المشكلة ليست مشكلة الاطباء فقط بل ستصبح مشكلة شعب باكمله... وانا في انتظار مدخلاتكم لنقاش في هذه القضية..


يا نونة - تحياتي ليك - وتفكيرك سااابق سنك - ربنا يوفقك

رائي - وهو رائي شخصي كما تفضل الأخ الفخيم

بغض النظر عن كل شئ -

معروف ان الطب مهنة من اعظم وارفع وارحم المهن

ما ذنب الناااس - الشعب - المساكين - المرضي - الما عندهم قروووش عشان يمشو لمستشفيات وعيادات خااصة

ياخي السودان دا ما مليان مساااااااااااااااااكين لمن غلط زاااتو :(

اذا كااان حتي الطوارئي اضربو فيها

والنااس مااتت -


تعرفي - شفته خبر قبل شوية انو في قافلة من الاطباء توجهت الي غزه بالمعدات وبعض الاغذية -

هسه تقولي شنو في الحااصل دا ؟؟؟ :(

[سودانية وافتخر]

السلام عليكم ورحمة الله وبركاته
ساتكلم بلسان مواطن عادي ولست طبيبة.....
مع احترامي للجميع كما اسلفو الذكر ان: الطب مهنة انسانية .....
اجل هي مهنة انسانية وهم لم يقصروا يوما في هذا .....
اي شريحة من المجتمع تسهر الليالي لتخدم البشر وتعطي جل مالديها للناس ,تتنازل عن حقها في الاجازات والاعياد ولتكون عين ساهرة على صحة اخوانها اي شريحة غير الاطباء تتعامل مع الناس على كافة مزاجاتها وفي كل اوضاعها وبكل صدر رحب وابتسامة واسعة همها الاول والأخير زرع ابتسامة في وجه مريض والمساعدة في رفع البلاء عنه بمشئية الله تعالى وهذا غيض من فيض.....
أ ليس من حق هذا الانسان ان يكون له اسرة ,وليس من حقة ان يعيش حياة كريمة ليس من حقه ان يكون لديه منزل يأويه ان يعيش كما الاخرين هذا مايطلبه الطبيب الشريف يريد ان يعيش حياه كريمة ان يستطيع ان يرد بعض من جميل اهله الذين تعبوا معه كي يصل الى هذه المرتبة اخواني الاعزاء والشعب الكريم كل بيت بالتاكيد يحمل في طياته طبيب يدري بحجم معاناته وكم صبر عليها وهو الان لايريد سوا حقة لابد لكم من وقفة معه لابد من مد يد العون له.....
الانسانية يااعزائي ليست التنازل عن الحقوق......
الأنسانية صبرنا في مهنتنا الانسانية شجاعتنا في ان نقف بين الدماء والاحشاء صامدين ساعات طوال لنساعد في الشفاء....
الانسانية يااعزائي ان تنقذ مريض وتسكت الم ....
الانسانية ان تبدل صرخة ام ساعة المخاض بفرحة وان تحمل مولودها بين يديك....
الانسانية لب عملنا.....
ولكن الا لكل عمل جزاء ؟؟؟؟اليس من حقنا بعد العنا بعض من حياة كريمة؟؟!![/size[size="6"]]((احبائـي هذ الرسالة كتبتها اختي واحبت ان تشاركنا بها فهي بطبع متضامنة مع الاطباء كونها واحدة منهم))

[الجندي المجهول]

صباح الخير ،،،
بغض لنظر ،،،،

لا بد من لاهتمام بهذا المثلث لانه سبب النهضة لكل دول العالم
المثلث = الصحة التعليم الأمن = كلهم في مرتبة واحدة من حيث الأهمية

وعندي رجعة باذن الله ،،،

[بدر الدين محمد]

الاطباء الآن ليسو مثل عبد الرحيم ابو عيسى او سنهوري ..
الطيب الآن يترك مريضا حمله اهل الحي (مجانا)
واوقفوا اول سيارة اقلته الى الحوادث (بدون اجر)
وسهر امعه اهل الحي (على حساب عملهم وحياتهم)

لان الجميع اولاد بلد رجال

الاضراب ابان اشياء خطيرة ودخيلة على المجتمع ..
مثل ان يدير الطبيب ظهره لمريض ينزف وبعد قليل يسلم الروح

اصلا الذين يموتون بأخطاء الاطباء قد وسعوا الفجوة بين الطبيب الملاك وبين المواطن الاغبش واعدادهم كثر

والاطباء الآن ابناء المقتدرين كانو ناجحين ام فاشلين يدفعون بالدولار ليتخرج ابناءهم اطباء

والاطباء مرهقين جدا بسبب الجري المتواصل بين المستوصفات الخاصة وطبيعي ان تجلس امام طبيب لتحكي له عن مرضك لتجده يتثاءب ويكتب لك اي شئ (يجيب ليه القروش)

حكى لي صديق طبيب قال: لم اضرب وعند تنفيذ الاضراب وصتني احدى الطبيبات بحاله خاصة رجاء متابعتها فقط لانها في الجناح التجاري

وحكى لي ان المجاملة كانت اساس الاضراب (مثلا يخسي عليك يا دكورة فلانة ما جاملتينا في الاضراب)

ويتبارى المعارضون من قادة السياسيين في مخاطبة الاضراب ... ويوصوهم بالمواصلة

ويموت الناس في الحوادث

ويلجأ الناس في الحاج يوسف و مايو والثورة وامبدة (للمساعد الطبي فيجدون العلاج الذي لا يجدونه عند الطبيب)

[مايسة]

يا نونة - احترم ردك ورسالة اختك -

لكن - يا بتي - الانسانية انو عشان الدكتووور - يسد دينو لاهلو - الربوهو يقوم يقتل النااس او يتسبب في ذلك - دي الاخلاق كدا - دا الربوهو عليهو الاهل والمجتمع - - على حساب حاجات

هو اصلا الدكتوور دا مما اتختاار مهنة الطب دي اختارها على اي اساس

مش عشان يساعد الناااس في السراء والشدة - والمرض تحت اي ظرف من الظروف

مش المفروض يعاين للمريض دا على اساس انو بني آدم -مش يكونفي امس الحاجة ليهو - ويوليهو ضهرو -

الانسانية انو النااس تموووت قدام عيونهم - وهم مضربين عشان ما مرتااااحين - ومرتباتهم بسيطة

هم وينهم زااااتو الدكااترة - الدكااترة هاجرو سابو البلد - القاعدين ديل (ما كلهم طبعا) - جايبنها بالضرااع - اقصد بالفلوس - وحقل التجااارب - شغال في كل المشتشفيات -وكل يوم بنقرا لينا خبر يسد ليك نفسك من الطب - عندنا في السودان -

يعني هسه القافلة الطلعت دي وفيها الدكاااترة - ماشين عزة - هسه ناس مستشفي الخرطوم ديل ما زيي نااس غزة - ياخ انت ما تغطي قدحك اول - وبعدين قدح الباقين - او لو بتقدر الاتنين في وقت وااحد ممكن برضو -

لكن ما ممكن نسمع انو الدعم وبعض الدكاترة من دولة معينه جو عشان ينقذووونا - عيب والله عيب -

الموضوع كبير يا نونة شديد - ربنا يسهل بس - ويرحم النااس برحمتو الواسعة - ويحنن النااس على بعض

[بدر الدين محمد]

يا نونة - احترم ردك ورسالة اختك -

لكن - يا بتي - الانسانية انو عشان الدكتووور - يسد دينو لاهلو - الربوهو يقوم يقتل النااس او يتسبب في ذلك - دي الاخلاق كدا - دا الربوهو عليهو الاهل والمجتمع - - على حساب حاجات

هو اصلا الدكتوور دا مما اتختاار مهنة الطب دي اختارها على اي اساس

مش عشان يساعد الناااس في السراء والشدة - والمرض تحت اي ظرف من الظروف

مش المفروض يعاين للمريض دا على اساس انو بني آدم -مش يكونفي امس الحاجة ليهو - ويوليهو ضهرو -

الانسانية انو النااس تموووت قدام عيونهم - وهم مضربين عشان ما مرتااااحين - ومرتباتهم بسيطة

هم وينهم زااااتو الدكااترة - الدكااترة هاجرو سابو البلد - القاعدين ديل (ما كلهم طبعا) - جايبنها بالضرااع - اقصد بالفلوس - وحقل التجااارب - شغال في كل المشتشفيات -وكل يوم بنقرا لينا خبر يسد ليك نفسك من الطب - عندنا في السودان -

يعني هسه القافلة الطلعت دي وفيها الدكاااترة - ماشين عزة - هسه ناس مستشفي الخرطوم ديل ما زيي نااس غزة - ياخ انت ما تغطي قدحك اول - وبعدين قدح الباقين - او لو بتقدر الاتنين في وقت وااحد ممكن برضو -

لكن ما ممكن نسمع انو الدعم وبعض الدكاترة من دولة معينه جو عشان ينقذووونا - عيب والله عيب -

الموضوع كبير يا نونة شديد - ربنا يسهل بس - ويرحم النااس برحمتو الواسعة - ويحنن النااس على بعض

نعم ابنتنا مايسة .. ذكرتينا غزة ايام القصف بقنابل الفسفور ..... وهنا نحيي اطباءنا الذين ضربوا المثل في الفداء وذهبوا هنالك وتم حجزهم في رفح وساهموا بلا اجر بل اجر الله وثوابه

[الزونية]

السلام عليكم ورحمة الله وبركاته
ساتكلم بلسان مواطن عادي ولست طبيبة.....
مع احترامي للجميع كما اسلفو الذكر ان: الطب مهنة انسانية .....
اجل هي مهنة انسانية وهم لم يقصروا يوما في هذا .....
اي شريحة من المجتمع تسهر الليالي لتخدم البشر وتعطي جل مالديها للناس ,تتنازل عن حقها في الاجازات والاعياد ولتكون عين ساهرة على صحة اخوانها اي شريحة غير الاطباء تتعامل مع الناس على كافة مزاجاتها وفي كل اوضاعها وبكل صدر رحب وابتسامة واسعة همها الاول والأخير زرع ابتسامة في وجه مريض والمساعدة في رفع البلاء عنه بمشئية الله تعالى وهذا غيض من فيض.....
أ ليس من حق هذا الانسان ان يكون له اسرة ,وليس من حقة ان يعيش حياة كريمة ليس من حقه ان يكون لديه منزل يأويه ان يعيش كما الاخرين هذا مايطلبه الطبيب الشريف يريد ان يعيش حياه كريمة ان يستطيع ان يرد بعض من جميل اهله الذين تعبوا معه كي يصل الى هذه المرتبة اخواني الاعزاء والشعب الكريم كل بيت بالتاكيد يحمل في طياته طبيب يدري بحجم معاناته وكم صبر عليها وهو الان لايريد سوا حقة لابد لكم من وقفة معه لابد من مد يد العون له.....
الانسانية يااعزائي ليست التنازل عن الحقوق......
الأنسانية صبرنا في مهنتنا الانسانية شجاعتنا في ان نقف بين الدماء والاحشاء صامدين ساعات طوال لنساعد في الشفاء....
الانسانية يااعزائي ان تنقذ مريض وتسكت الم ....
الانسانية ان تبدل صرخة ام ساعة المخاض بفرحة وان تحمل مولودها بين يديك....
الانسانية لب عملنا.....
ولكن الا لكل عمل جزاء ؟؟؟؟اليس من حقنا بعد العنا بعض من حياة كريمة؟؟!)..




[SIZE="4"]
[COLOR="red"]بالأمس كتبت رداً عن موضوع إنسانية الطبيب..
وحقيقة قمت بإلغاء المشاركة.....
ولكنني وجدت بين سطورك كلمة حق
لأنها أعطت الطبيب حقه في أن يعيش كريماً...
وليعلم ألجميع إن الإضراب الحالي لم يكن معلن أصلا
وإنما جاء نتيجة لأسلوب العنف والضرب والذي قوبل به
تجمع الأطباء..بمستشفى الخرطوم بعد أن منعو من دخول الميز..
القضية الآن قضية كرامة وإهانة وتعذيب..
والمطلب الآن هو فك أسر الأطباء المحتجزين ..
ثم فك الإضراب عن الطوارئ...
وترفض جهات الإختصاص ذلك..
لماذا ترفض جهات الإختصاص؟؟
وفي يدها كل شيئ....
إين الإنسانية هنا؟؟؟؟؟؟؟؟؟؟؟؟

ناهيك عن مطالب الأطباء والتي هي حق..

[الزونية]

يا نونة - احترم ردك ورسالة اختك -

لكن - يا بتي - الانسانية انو عشان الدكتووور - يسد دينو لاهلو - الربوهو يقوم يقتل النااس او يتسبب في ذلك - دي الاخلاق كدا - دا الربوهو عليهو الاهل والمجتمع - - على حساب حاجات

هو اصلا الدكتوور دا مما اتختاار مهنة الطب دي اختارها على اي اساس

مش عشان يساعد الناااس في السراء والشدة - والمرض تحت اي ظرف من الظروف

مش المفروض يعاين للمريض دا على اساس انو بني آدم -مش يكونفي امس الحاجة ليهو - ويوليهو ضهرو -

الانسانية انو النااس تموووت قدام عيونهم - وهم مضربين عشان ما مرتااااحين - ومرتباتهم بسيطة

هم وينهم زااااتو الدكااترة - الدكااترة هاجرو سابو البلد - القاعدين ديل (ما كلهم طبعا) - جايبنها بالضرااع - اقصد بالفلوس - وحقل التجااارب - شغال في كل المشتشفيات -وكل يوم بنقرا لينا خبر يسد ليك نفسك من الطب - عندنا في السودان -

يعني هسه القافلة الطلعت دي وفيها الدكاااترة - ماشين عزة - هسه ناس مستشفي الخرطوم ديل ما زيي نااس غزة - ياخ انت ما تغطي قدحك اول - وبعدين قدح الباقين - او لو بتقدر الاتنين في وقت وااحد ممكن برضو -

لكن ما ممكن نسمع انو الدعم وبعض الدكاترة من دولة معينه جو عشان ينقذووونا - عيب والله عيب -

الموضوع كبير يا نونة شديد - ربنا يسهل بس - ويرحم النااس برحمتو الواسعة - ويحنن النااس على بعض...






مايسة لك التحية...
ولي سؤال ؟؟؟ انت في السودان؟؟؟
وأحييك على نقدك والذي لعمري في صالح الطبيب...
مهنة الطب في السودان متى كانت من المهن المهانة..
ومتى كان الطبيب فاشلا في أداء دوره المنوط به ..
ومتى كثرت أخطاء الأطباء..؟؟؟؟؟؟؟؟؟؟؟؟؟؟؟؟؟؟؟؟
هل تعلمين سيدتي أن هذا الإضراب لم يكن ليعلن بهذا الشكل ويكون إضراب عن الحوادث أيضا إلا بسبب الإهانة التي تعرض لها الأطباء من إعتقالات وتعذيب وضرب في شوارع الخرطوم وأمام أعين الناس...
ياسيدتي المطالب التي كان يطالب بها الأطباء كانت في صالح المواطن الفقير أولا وأخيرا المطالب كانت تتحدث عن مجانية العلاج والتي بسبب عدم تحقيقها لايستطيع المواطن تلقي العلاج في المستشفى وقد يموت البعض لولا صناديق المساعدة التي يكونها الأطباء الصغار من إمتياز ونواب لمساعدة مرضاهم... من المطالب أيضا تحسين بيئة العمل بمعنى أن يكون هناك التدريب الكافي للأطباء وتوفير رواتب للأخصائيين تكفيهم حتى لا يضطروا للعمل صباح ومساء في العيادات ويغفلوا عن تدريب من هم أقل منهم خبرة.... ولعلمك الذين يسافرون خارج البلد إما أن يكونوا من ذوي الوساطات العالية وإما أن يكون من ذوي الأموال الذين يستتطيعون تحمل أعباء الدراسة في الخارج أما الذين بقوا هنا فهم أبناء هذا الشعب والذين أجبروا على تحمل هذا الوضع المزري الذي يعيشون فيه ولو كنتي طبيبة وفي السودان لعلمتي عن ماذا أتحدث المشاكل والمعاناة كبيرة ولا يمكن سردها في سطور وهي غير قابلة للإختصار لأن قصة كل طبيب تختلف عن الآخر وكلها قصص مؤلمة تحمل في طياتها الإهانة وعدم إحترام نجباء هذا الوطن شئنا أم أبينا...
وطفح الكيل....
ولم يكن هناك سبيل للسكوت ..
على كل هذا التردي..

إحتراماتي....

[سودانية وافتخر]

صباح الخير ،،،
بغض لنظر ،،،،

لا بد من لاهتمام بهذا المثلث لانه سبب النهضة لكل دول العالم
المثلث = الصحة التعليم الأمن = كلهم في مرتبة واحدة من حيث الأهمية

وعندي رجعة باذن الله ،،،

صباح النور ياهلا

فالفعل اخي فبناء على هذا المثلث الذي ذكرته اعلاه تقوم الدول..

ونحن في انتظار رجعتــك

[المسافر]

بسم الله الرحمن الرحيم
والصلاة والسلام على اشرف المرسلين سيدنا محمد وعلى اله وصحبه اجمعين اما بعد..

السلام عليكم ورحمة الله وبركاته اعضاء ود مني الكرام..

بداية لا اعلم اذا كان لي حق بما سوف انثره هنا ام لا ؟ ام انه شي سابق لسني؟. لا ادري من اين جاءتني هذه الجرأة كي اتحدث في مثل هذه المواضيع ولكني كاي مواطنة سودانية تود الرفعة دائما لموطنها توده دائما ان يكون منارة يهتدي بي نورها السفن...

احبائي لا اريد ان اطيل في مقدمتي لان صلب الموضوع هو الاهم وحرصي على تقدم موطني هو ما دفعني لكتابة هذا الموضوع كما انني لست على علم اذا كان هناك من سبقني في كتابة موضوعي هذا ام لا..


حسناا..الموضوع وما فيه هي مشكلة مازالت ثائرة في السودان وازمة يبدو انها لن تنحل وهي مشكلة الاطباء السودانيين ... اضرابات كثيرة ومشاكل اكثر ومرضاء لم يجدو الا القلة لكي يداويهم..
احبائي اود اليوم بان افتح هذه الصفحة لنقاش عن الموضوع الخطييير كما اود الاجابة عن بعض الاسئلة التي تحيرني ايضا..

مارأيكم في هذا الموضوع بداية؟؟
وماهو الوضع الراهن في السودان(للقاطنين هناك)؟؟
وهل يوجد اطباء يعملون الان؟؟
واين وزارة الصحة من ذلك؟؟
واين الحكومة ايضا من ذلك؟؟
وماهذا الاسلوب الهمجي الذي يستخدمونه ضد المتظاهرين؟؟
اليس من حقهم التظاهر؟؟
اليس من حقهم رفع اجورهم؟؟
كل هذه اسئلة واكثر نود النقاش عنها في هذا البوست ونتمنى من الجميع المشاركة فالاطباء هم ملائكة الرحمة كما قالو..
وانا في انتظار مداخلاتكم وارائكم((معا لنسمو بموطنا ونجد لمشاكلنا حلا))
مع خالص التحاايا والاحتراام والتقدييير



والله بصراحة كده
كان اشتغلوا ولا ما أتشغلوا
كل واحد ما بفرق كتير
لأن أخطاءهم بقت كثيرة
جداً أحسن يبقى موت
قضاء وقدر أحسن ومن يبقى
خطأ طبي شنيع .

[مايسة]

الزوينة سلامات وصباحك هادئ ان شاء الله

لست في السودان - ولكن لا اري هناك فرق ان كنت داخله او خارجه - عشت داخله منذ نعومة اظافري الي ان استطعت ان اميز الصح من الخطأ - دخلت المستشفيات - مريضة وزائرة - عولجت عن طريق الاطباء السودانيين -

لهم مليون تحية - لا استطيع ان انقص من قدرهم (وان كان فيهم من لا يستاااهل اصلا ان نطلق عليه هذا اللقب)

كلامي كله - محظووور في الا يوجد طريقة اخري غير الاضراب لمعالجة هذه المشااكل - (اهناااك داعي ان يدفع المريض او المواطن الفقير الثمن - اعمره تافهه لهذه الدرجة - وان كان ما حصل لمصلحته هو -
مجانية العلاج لا تتوفر بين يوم وليلة وكلنا نعرف الصندوق القومي للتأمين الاجتماعي -

معك فيما قلتيه - ولكنى انظر الي الموضوع من ناحية انسانية فقط فقط -

يعني المواطن دا يلقاها من وين ولا من وين -

اتخيلي بس انك تمشي المستشفي في حالة صعبة جدا - ومنتظرة بس حد (دكتور) يجي يعاينك عشان ينقذك من موت محقق لك او لطفل رضيع - ويموت هذا الطفل او الشخص - ما هو شعورك في هذه اللحظة - واظن بأن حالات كهذه حدثت فعلا -

فقط اتكلم من هذه الزاوية - عمر البني آدم غاااالي جدا - وهي الدنيا دي كلها شنو اصلا -

واظن ان اي طبيب عند اداءه القسم كان يعرف بأن هذه المهنه صعبة جدا - ولكن الجزاء عند الله قبل الحكومة ولا غيرو -

اما ما قلته عن تصرف الحكومة عن الاسلوب الذي تضدهم - لا شك بأنه اسلوب غير حضااري ابدا ولا يمت للانسانية بصلة -

ولكن ايضا الخاااسر الوحيد - هو المواطن المسكين - وليس اي مواطن فقط المسكين

احترااماااتي ليك ايضا

[ABUZAID]

حليلك يا النزير
تشقى طول عمرك

تساهر الليالي
بطول الليالي

ونفرح بيك لانك دخلت طب
وابوك باع القدامو والوراه
عشان يقدر يصرف علي دكترتك

واتخرجت
وهاك يا زغاريد
واتوظفت
واشتغلت
واصحى يا النزير
عارفاك يا ولدي جيت قبل شوية من المستشفى تعبان

لكن خالتك عديلة عيانة

قوم ياولدي الله يرضى عليك
ويمشي النزير يشوف حاجة عديلة نص الليل
ويجري يشوف ليه جارا عندو عربية عشان يصل اقرب صيدلية
ويشتري منها العلاجات
ويقعد معاها للصباح
ومايرجع منها الا عشان يجهز ويمشي شغلو
وعافية منك ياولدي

والشغل طول اليوم
في اسوأ بنيات علاجية
600 جنيه
اكل وشراب ومواصلات ومجاملات واجتماعيات
وعلاجات الجيران وعيانين ما لاقيين يدفعو حق العلاج
وما خفى اعظم
وصل عمرو كم وتلاتين سنة
فلانة زهجت من طول الخطوبة
كانت فرحانة زمان
خطبها دكتور
الدكتور ده مالاقي روحو


ولما يطالب بي زيادة راتبو
وبالسنوات يجهلو امرو

يطلع في مسيرة سليمة غاية الادب والاحترام

يظهر ليه

( الجنجاويد )
الياما ادبو شعوب
وقهروا الاعداء
وارهبو عدو الله

وهاك يا ضرب . .
واهانة وقلة ادب

برضو النزير غلطان

في غمضة عين
تناسى الشعب ما قدم النزير

غلطان المرحوم

العنف لا يولد الا العنف

وسياسة الضرب للتخويف
لا تجدي مع الجميع

يا البتلوم النزير

شوف منو البيستحق اللوم


تحيااااااااااااااتي

[بنت الرفاعي]

يا البتلوم النزير

شوف منو البيستحق اللوم


تحيااااااااااااااتي


وبعد مايشوفوا منو البيستحق اللوم،
بيتضاروا وبيتضاهوا وحيجيبوا اللائم الأساسي ويبقى هو الملام
و
نعود تاني من حيث بدأنا!!!!:(.
وسيظل المسلسل في دور العرض لعدة مواسم (إن شاءالله ما تطول) !!!!!

[مايسة]

يا البتلوم النزير

شوف منو البيستحق اللوم


تحيااااااااااااااتي



لا احد يستطيع ان يلوم النزير اخي ابو زيد

ولكن هذه المخااطرة كبيرة جدا - فهم جبابرة -

اذا كاننت النتيجة مضمونة - اقول ليك فليضربو الي حين - ولكن بالعكس

الطب من المهن التي لا يمكن نقوم بالاضراب فيها - يا جمااعة هو طب طب طب -

[بنت الرفاعي]

مجانية العلاج لا تتوفر بين يوم وليلة وكلنا نعرف الصندوق القومي للتأمين الاجتماعي -

أختي مجانية العلاج ده مطلب الليلة ولا أمس؟؟؟
الوزيرة السابقة بدأت بقرار مجانية العلاج لحالات عديدة، ولكن هل طُبِّق القرار؟؟؟
ولما طُبق طُبق بشكل فاتر جداً، وبعدين حصل سمعتو بمستشفى حكومي بالإسم بس؟؟؟!!!!معك فيما قلتيه - ولكنى انظر الي الموضوع من ناحية انسانية فقط فقط -

يعني المواطن دا يلقاها من وين ولا من وين -
هنا أنا معاك، صراحة في أنو الأطباء كان يتصرفوا تصرف جيد تجاه الحالات المستعجلة (لكن هل من المعقول الأطباء ديل كلهم خلوا بعض المرضى يموتوا؟؟؟، لو فرضنا إنو الظلم اللاحق بهم أعمى قلوبهم مرة واحدة، مافي 3 4 5 10 حنوا على الباقين؟؟؟؟ ما بصدق؟؟؟؟)


ومن ناحية أخطاء الأطباء ما بننكر إنها موجودة، وخطأ طبي بسيط لو ما أدى إلى الوفاة، يفشِّل العلاج، وأنا وبعض من زملائي صراحة كنا بنعاني من أخطاء بعض الأطباء أيام الجامعة لما كنا بنتدرب في المستشفيات (ومع الأسف إنها مرات بتكون أخطاء عدم انتباه منهم)،
وعادي مرات نرجع المريض للدكتور ونقول ليهو خلي الدكتور يصحِّح المكتوب!!!!! وده موضوع آخر أحكيه في يوم آخر إن شاءالله.
وبالمقابل في أطباء ماشاءالله عليهم شطارة مالها حدود.

الله يهون.

[الزونية]

الزوينة سلامات وصباحك هادئ ان شاء الله

لست في السودان - ولكن لا اري هناك فرق ان كنت داخله او خارجه - عشت داخله منذ نعومة اظافري الي ان استطعت ان اميز الصح من الخطأ - دخلت المستشفيات - مريضة وزائرة - عولجت عن طريق الاطباء السودانيين -

لهم مليون تحية - لا استطيع ان انقص من قدرهم (وان كان فيهم من لا يستاااهل اصلا ان نطلق عليه هذا اللقب)

كلامي كله - محظووور في الا يوجد طريقة اخري غير الاضراب لمعالجة هذه المشااكل - (اهناااك داعي ان يدفع المريض او المواطن الفقير الثمن - اعمره تافهه لهذه الدرجة - وان كان ما حصل لمصلحته هو -
مجانية العلاج لا تتوفر بين يوم وليلة وكلنا نعرف الصندوق القومي للتأمين الاجتماعي -

معك فيما قلتيه - ولكنى انظر الي الموضوع من ناحية انسانية فقط فقط -

يعني المواطن دا يلقاها من وين ولا من وين -

اتخيلي بس انك تمشي المستشفي في حالة صعبة جدا - ومنتظرة بس حد (دكتور) يجي يعاينك عشان ينقذك من موت محقق لك او لطفل رضيع - ويموت هذا الطفل او الشخص - ما هو شعورك في هذه اللحظة - واظن بأن حالات كهذه حدثت فعلا -

فقط اتكلم من هذه الزاوية - عمر البني آدم غاااالي جدا - وهي الدنيا دي كلها شنو اصلا -

واظن ان اي طبيب عند اداءه القسم كان يعرف بأن هذه المهنه صعبة جدا - ولكن الجزاء عند الله قبل الحكومة ولا غيرو -

اما ما قلته عن تصرف الحكومة عن الاسلوب الذي تضدهم - لا شك بأنه اسلوب غير حضااري ابدا ولا يمت للانسانية بصلة -

ولكن ايضا الخاااسر الوحيد - هو المواطن المسكين - وليس اي مواطن فقط المسكين

احترااماااتي ليك ايضا ...


الغالية مايسة..
لك التحية...
وصدقيني يامايسة تفرق كتيير كونك في السودان أو خارجه...
فهنا المعاناة والبحث عن المفقود دوماً...
وهنا لا وجود لمعنى مستشفى إلا ( الخاص)..
وصدقيني أن قلت لك ن المريض المسكين يقوم بشراءكل شيئ حتى الشاش والحقنة...
مطالب الأطباء ليست فقط لزيادة الرواتب ..وإنما لتحسين بيئة العمل..ومجانية العلاج للمواطنين..
وصدقيني إن قلت لك إن الأطباء( عديمي الرحمة والأنسانية )هم من يتكفلون بذوي الحاجة من المرضى
بعمل (sharing)....
أين المواطن من مطالب الأطباء والتي تخصه؟؟؟؟ متفرج؟!...
والمستشفيات الآن تعمل يامايسة..
الأخصائيين
الأطباء التابعين للشرطة...والجيش....
وأطباء الإلزامية....
وأطباءآخرون مستفيدين .......

...........
فهم القضية وإعطائها منطق العقل ...نصف الحل....
هو طب طب طب .
وإن كان هو بهذه القدسية..
لما يكون في أدنى المراتب..
....................
الحق أقوى....
...............
إحتراماتي مايسة

[روبش]

عليكم الله الفرق شنو بين الطبيب والميكانيكي
اللهم إلا التعليم ومرات بتلقى الميكانيكي متعلم وخريج جامعه لكن الظروف هي التي اجبرته ...
الانسان .... والسيارة
الانسان يحتاج للعلاج ويشتري الادوية وكل ما يتعلق بعلاجه ...
السيارة تحتاج لاسبيرات لكي تتصلح وصاحبها يشتري الاسبير ..
الانسان يدفع في كلا الحالتين ..
وفي النهاية الانسان يظل المرض فيهو رغم مقابلة الطبيب ورغم شرائه لكل شيء...
والسيارة يصينها الميكانيكي ويأخذ مصنعيته رغم ان الاسبير على صاحب السيارة وفي النهاية السيارة تسيير على احسن وجه...

والمرض لا يزال بداخل الانسان

اخوتي ::: عذرا لهذه المقارنة ولكن الحال في بلدي يغني عن السؤال خاصة في مسألة الطب

[مايسة]

الزونية ومرام - يديكم العافية يا رب

جاوبي على سؤالي يا الزونية على شعورك كيف لما يحصل ليك انتي كدا - والاطباء مضربين :(

على العموم - وانا طبعا بتكلم عن رائي شخصي بحت - يخضع للصواب والخطأ اكيد

الحال والوضع الطبي في السودان عموما - تعبااان شديد

ومن الحكومة طبعا -

امسكو بس في كلمة انسانية دي - دا قصد ي باختصااار شديد

وطالما الطب اصبح يقااااس بالمادياات - فمنو العوض وعليهو العوض -

- بس يا ريت لو كان في طريقة تاانية غير الاضراب دا -

وكويس انك قلتي انو المستشفياات شغاالة - ربنا يهون ويسهل لكل النااس - ليكم احتراماتي



تخريمة: يااخ انا لمن امشي السودان بعاني جنس معاناة بس عشان اقابل لي دكتتووور - وفي خاااص وبقرووشي - مرة الدواء غلط - ومرة الدكتوور شخص غلط - ومرة حقنة وجرعة زائدة -ومرة الدكتوور زااتو شاكة فيهو كيف جااب الشهادة بتاعتو دي - الله يهون يا الزوينة بس :(

[الجندي المجهول]

بغض النظر يا اخواني وعشان ما ندفن الرؤوس في الرمال .....

نعرف ان الحكومة عندها فلوس وبتصرف صرف بزخي وتصر صرف من لا يخشى الفقر لماذا لا تدفع للاطاء اجورهم أو بالأحرى لا تنفذ لهم مطالبهم .....

عشان نكون ناس عملين ونتكلم في السليم لا بد ان تكلم وراسنا مرفوع فوووق مش مدفون داخل الرمال ......


تلقى الواحد ينهب 10 او 15 مليار يلا اها قدر دا في كم واحد احسبها وادي الطبيب حقوا وارمي للبحر نصوا ورجع لي ابوك حقوا ؟؟؟

لا داعي لدفن الرؤوس في الرمال ....

وربنا يصلح الحال ،،،،

[ABUZAID]

لا احد يستطيع ان يلوم النزير اخي ابو زيد

ولكن هذه المخااطرة كبيرة جدا - فهم جبابرة -

اذا كاننت النتيجة مضمونة - اقول ليك فليضربو الي حين - ولكن بالعكس

الطب من المهن التي لا يمكن نقوم بالاضراب فيها - يا جمااعة هو طب طب طب -

الاخت الكريمة
مايسة

كل الاحترام

فهم جبابرة



وعلى حسب فهمي للعبارة


قالوا لفرعون مين الفرعنك

تحياااااااااااااااتي

[الفخيييم]

قبل فترة قصيرة قدم الدكتور الفذ
القامة عبد اللطيف البوني نماذج
واستطلاعات مع بعض المواطنين(قناة النيل الازرق)
حول نظرة الطبيب لعامة الشعب ،اغلبهم اجمعوا علي ان الاطباء
غير متواضعين ونظرتهم مادية ويتعاملون بتعالي لا مبرر له!!!
ويعتبر كل همهم جمع المال ولا شيئ سواه ونحن كمواطنين
نعلم ذلك جيدا العيادات الخاصةوالارقام الفلكيه من اجل ان تحجز
لمقابلة الأخصائي بعيداً عن الانسانيةوما اضرابهم ببعيد عن الاذهان دون مراعاة
للمواطن المغلوب علي أمره ناسين ان الطب مهنة انسانية ، بصرف النظر عن حقوقهم واختلافهم
مع الحكومة في بعض الامور التي يتضرر منها المواطن ...


تخريمة: شهادة عربية +عدم كفاءة+واسطة=اجازتك في المجلس الطبي!!!
الناتج هو موت بالجملة نتيجة للاخطاء الشنيعه التي ارتكبوها هؤلاء
والاسر الفقيرة لا حول لها ولا قوة تشكي لطوبي الارض جراء ضياع
ابنائهم من تلك الاخطاء الساذجة!!!
وبرضو تقول لي اضراب وكلام فارغ !!!

[مدنيّة]

انتو ما بتقولوا لي في بوست مولع بهنا لية ؟؟؟ :mad:


----------------
كدي سين سؤال
الناخد مثال "النذير" القاله ابوزيد دا

لو الندير قاعد في المستشفي معتصم مع زملاءه
وعرف انه في مريض في حالة خطرة جدا
وقال "اسف ما ح اخت يدي فيه لاني مضرب"

بعد شوية النذير دا عرف انه المريض دا اخوه / ابوه / امه / اخته / ............
مش ح يجري جري عشان يسعفه؟!!
طب لية ؟؟
عشان جاءه في لحمه الحي ؟؟!!
طب مااي مريض هو اللحم الحي لناس تانين
هل المبادئ بتتجزأ ؟؟
البخلي النذير يسعف لحمه الحي ويضرب عن مساعدة الاخرين شنو؟؟!!

----------------
حكت طبيبة "غير مضربة"
انه صاحبتها طبيبة مضربة اخذت اختها وهي في حالة وضوع وعندها نزيف لاحدي المستشفيات
الاطباء حلفوا ما يختوا ايدهم فيها وقالوا احنا مضربين
الاخت اضطرت انها تسعف اختها برااااها "مع انها ما شغالة في المستشفي دي"
وطلعت برة للاطباء المضربين المتجمعين وقالت ليهم انا من دربي دا ماشة افك الاضراب

-------------
يااخونا حياة الانسان غالية جدا
عارفين لية ؟
لانها حياة واحدة
لو راحت ما بتتعوض تاني

-------------
القروش بتمشي وبتجي ، حياة الانسان لو مشت البجيبها شنو تاني؟؟!!

----------------
اي زول بيقول هو مع اضراب الاطباء يسال نفسه سؤال واحد بث
زي ماقالت مايسة
لو جاءك في لحمك الحي الاضراب دا ح تشجعه وتقيف معه زي ماواقف انت هسي ؟!!!
-------------------

مع اقناعتي التامة بضرورة حل مشاكل الاطباء


-----------------
تنبيه هام جدا : اي اخطاء املائية بعتذر عنها وياريت لو تغفروها لي لاني مشغولة وماراجعت الكتبته "بيدي لا بيد عمرو" :cool:

[بت أم درمان]

يا جماعة الاطباء ما غلطو بانهم اضربو لتحسين اوضاعهم
الحكومة هي الغلطانة لانها تركت الاضراب يستمر كل المدة دي
كان احرا بحكومتنا ان تتصرف على طول من تالت يوم للاضراب
عشان تحل المشاكل المطروحة خاصة ان المشاكل المطروحة
كمان في مصلحة المرضى وليس الاطباء فقط
كلام بالمنطق والعقل
ترك الحكومة الاضراب يستمر كل الفترة دي لسياسة يعلموها هم

شفتو اضراب طيايري لوفت هانزا الالمانية حصل فيهو شنو
لمن اضربو الطيارين عن ممارسة مهنتهم سببو في خسائر فادحة لشركة الطيران
بتخلف عدد من الرحلات وكله عشان تحسن الشركة اجورهم وبالفعل حصل

ليه عندنا ما يحصل كدا ليه حكومتنا تعاند المضربين ؟
ليه ما يكون في تجاوب بطريقة افضل من الاعتقالات والسجن والممارسات السيئة
ليه ما يتناقش الموضوع بسرعة
دي مهنة ما مفترض يستمر فيها الاضراب اكثر من ثلاثة ايام

[الزونية]

والله بصراحة كده

كان اشتغلوا ولا ما أتشغلوا

كل واحد ما بفرق كتير

لأن أخطاءهم بقت كثيرة

جداً أحسن يبقى موت

قضاء وقدر أحسن ومن يبقى

خطأ طبي شنيع ....






المسافر لك التحية...

عشان أجي معاك في الخط...

سؤالي...هل كان الطب والطبيب السوداني هكذا..

الإجابة لا وألف لا..

من الذي قاد هذه المهنة لهذا التردي..

أنا أقول لك...

كثرة كليات الطب والتي خرجت الكثير من الأطباء

بدون كفاءات وتدريب..



( وهذا ماطالب به الأطباء الآن)التدريب.......

ياجماعة مطالب الأطباء ليست زيادة رواتب فقط)

وفي كل مداخلاتي أشرت لذلك)..

ياجماعة التدريب ....البعثات...... ربط الطبيب بالعالم من خلال المؤتمرات

وغيرها والتي لا يحظى بها الأ من له ظهر....

ياجماعة مافي تدريب كاااااااااااااااااااااافي ..

الأخصائيين ليل نهار في عياداتهم ..طالب الأطباء بزيادة أجور الأخصائيين حتى لا يضطرو للعمل

ليل نهار بعياداتهم الخاصة.....

وهم من يتلقى طلاب الإمتياز منهم المعلومة والتدريب...

الطلب دة منطقي والا لا؟؟؟؟؟؟؟





الزونية ومرام - يديكم العافية يا رب



جاوبي على سؤالي يا الزونية على شعورك كيف لما يحصل ليك انتي كدا - والاطباء مضربين



في مستشفيات شغالة حسب ماأوضحت لك من قبل..

ومن هم الذين يعملون......

على العموم - وانا طبعا بتكلم عن رائي شخصي بحت - يخضع للصواب والخطأ اكيد



الحال والوضع الطبي في السودان عموما - تعبااان شديد



ومن الحكومة طبعا -



امسكو بس في كلمة انسانية دي - دا قصد ي باختصااار شديد



وطالما الطب اصبح يقااااس بالمادياات - فمنو العوض وعليهو العوض -



- بس يا ريت لو كان في طريقة تاانية غير الاضراب دا -



وكويس انك قلتي انو المستشفياات شغاالة - ربنا يهون ويسهل لكل النااس - ليكم احتراماتي







تخريمة: يااخ انا لمن امشي السودان بعاني جنس معاناة بس عشان اقابل لي دكتتووور - وفي خاااص وبقرووشي - مرة الدواء غلط - ومرة الدكتوور شخص غلط - ومرة حقنة وجرعة زائدة -ومرة الدكتوور زااتو شاكة فيهو كيف جااب الشهادة بتاعتو دي - الله يهون يا الزوينة بس ....





مايسة ياغالية..

والله الكلام ده كلو من أجله أضرب الأطباء

ولا زلت أقول إن مطالب الأطباء في صالح المريض

والمواطن...ولكن الإعلام توه القضية..

والناس لا تبحث عن الحقائق..

ليها بالظاهر ولو كان خطأ....

وعدم إلمام المواطن بمايحدث

مشكلة..

وعدم معرفة المواطن لحدود الواجبات والحقوق



مليون مشكلة..



إحتراماتي

[ABUZAID]

صحي . . .



غلطان الدكتور


مقولة على لسان الدكتور

بخت اللوم على نفسي
واقول اكيد انا الغلطان


يا ناااااااااس . . .
مادام حياة الانسان غالية للدرجة دي . . .

يبقى . . .
راعوا واكرموا من يرعي حياة الانسان
قيموه شوية

وللا ياها حكاية الشعب السوداني . . .

البيحكم بالعاطفة وخلاص ! ! !


حيرتونا عديل كده

[الزونية]

انتو ما بتقولوا لي في بوست مولع بهنا لية ؟؟؟ :mad:



----------------
كدي سين سؤال
الناخد مثال "النذير" القاله ابوزيد دا

لو الندير قاعد في المستشفي معتصم مع زملاءه
وعرف انه في مريض في حالة خطرة جدا
وقال "اسف ما ح اخت يدي فيه لاني مضرب"

بعد شوية النذير دا عرف انه المريض دا اخوه / ابوه / امه / اخته / ............
مش ح يجري جري عشان يسعفه؟!!
طب لية ؟؟
عشان جاءه في لحمه الحي ؟؟!!
طب مااي مريض هو اللحم الحي لناس تانين
هل المبادئ بتتجزأ ؟؟
البخلي النذير يسعف لحمه الحي ويضرب عن مساعدة الاخرين شنو؟؟!!

----------------
حكت طبيبة "غير مضربة"
انه صاحبتها طبيبة مضربة اخذت اختها وهي في حالة وضوع وعندها نزيف لاحدي المستشفيات
الاطباء حلفوا ما يختوا ايدهم فيها وقالوا احنا مضربين
الاخت اضطرت انها تسعف اختها برااااها "مع انها ما شغالة في المستشفي دي"
وطلعت برة للاطباء المضربين المتجمعين وقالت ليهم انا من دربي دا ماشة افك الاضراب

-------------
يااخونا حياة الانسان غالية جدا
عارفين لية ؟
لانها حياة واحدة
لو راحت ما بتتعوض تاني

-------------
القروش بتمشي وبتجي ، حياة الانسان لو مشت البجيبها شنو تاني؟؟!!

----------------
اي زول بيقول هو مع اضراب الاطباء يسال نفسه سؤال واحد بث
زي ماقالت مايسة
لو جاءك في لحمك الحي الاضراب دا ح تشجعه وتقيف معه زي ماواقف انت هسي ؟!!!
-------------------

مع اقناعتي التامة بضرورة حل مشاكل الاطباء


-----------------
تنبيه هام جدا : اي اخطاء املائية بعتذر عنها وياريت لو تغفروها لي لاني مشغولة وماراجعت الكتبته "بيدي لا بيد عمرو" :cool:

..

مدنية لك التحية...
كل معَرض للمرض ..
وكل معَرض للمصائب ..
إنما لا تحل المشاكل بالعواطف..
وماذنب دكتور عبد الهادي والذي ضرب على رأسه حتى صار يهزئ...
المشكلة أخذت أبعاد..
ينبغي من جهات الإختصاص معالجتها بالحمكة والتدبر ومراعاة المرضى...
وليس بالتعنت ..والتبخيس والضرب..
وعندما أقسم الطبيب قسم أبوقراط..
كان ذلك الواجب..
إنما أين الحقوق..
وأين
وأين..
وأين حق المريض..
وللرجوع لمشاركة بت أمدرمان..
مطالب الأطباء ليست للطبيب فقط
إنما لصالح المريص ولتحسين المستشفيات
والتدريب وبيئة العمل.....
وكان بإمكان جهات الإختصاص إحتواء الأزمة..
وماكان للإضراب أن يستمر كل هذه المدة..
اليست الدولة مسئولة عن المواطن أيضاً...
فالحل بيد جهات الإختصاص...
فقط فك المعتقلين من قيد التعذيب..
وفي حينه يفك الإضراب عن الطوارئ....

إحتراماتي...

[مدنيّة]

يا جماعة الاطباء ما غلطو بانهم اضربو لتحسين اوضاعهم
الحكومة هي الغلطانة لانها تركت الاضراب يستمر كل المدة دي
كان احرا بحكومتنا ان تتصرف على طول من تالت يوم للاضراب
عشان تحل المشاكل المطروحة خاصة ان المشاكل المطروحة
كمان في مصلحة المرضى وليس الاطباء فقط
كلام بالمنطق والعقل
ترك الحكومة الاضراب يستمر كل الفترة دي لسياسة يعلموها هم

شفتو اضراب طيايري لوفت هانزا الالمانية حصل فيهو شنو
لمن اضربو الطيارين عن ممارسة مهنتهم سببو في خسائر فادحة لشركة الطيران
بتخلف عدد من الرحلات وكله عشان تحسن الشركة اجورهم وبالفعل حصل

ليه عندنا ما يحصل كدا ليه حكومتنا تعاند المضربين ؟
ليه ما يكون في تجاوب بطريقة افضل من الاعتقالات والسجن والممارسات السيئة
ليه ما يتناقش الموضوع بسرعة
دي مهنة ما مفترض يستمر فيها الاضراب اكثر من ثلاثة ايام

بنوتة ياغالية
حياة الانسان ما خطوط طيران او لوفت هانزا

--------------
الاطباء اخطأوا مليون مرة لما اضربوا عن الطوارئ

------------

قلت في ختام كلامي انه يجب حل مشاكل الاطباء
وقلته في الختام
عشان كلامي القلته الاول دا هم مهمة الطبيب الانسانية

[الجندي المجهول]

يا جماعة الاطباء ما غلطو بانهم اضربو لتحسين اوضاعهم
الحكومة هي الغلطانة لانها تركت الاضراب يستمر كل المدة دي
كان احرا بحكومتنا ان تتصرف على طول من تالت يوم للاضراب
عشان تحل المشاكل المطروحة خاصة ان المشاكل المطروحة
كمان في مصلحة المرضى وليس الاطباء فقط
كلام بالمنطق والعقل
ترك الحكومة الاضراب يستمر كل الفترة دي لسياسة يعلموها هم

شفتو اضراب طيايري لوفت هانزا الالمانية حصل فيهو شنو
لمن اضربو الطيارين عن ممارسة مهنتهم سببو في خسائر فادحة لشركة الطيران
بتخلف عدد من الرحلات وكله عشان تحسن الشركة اجورهم وبالفعل حصل

ليه عندنا ما يحصل كدا ليه حكومتنا تعاند المضربين ؟
ليه ما يكون في تجاوب بطريقة افضل من الاعتقالات والسجن والممارسات السيئة
ليه ما يتناقش الموضوع بسرعة
دي مهنة ما مفترض يستمر فيها الاضراب اكثر من ثلاثة ايام

مع احترامي لكل الاخوة المتداخلين لكن اري ان رايك هذا هو الانسب وسؤال يطرح نفسه لماذا تركت الحكومة هذا الضراب ان يستمر وكان في يدها ان تحل المشكلة
اديك الرد انا يا بتنا ....
ارجعي بالزمن مرة واسألي نفسك سؤال واحد ( هل لمن دفق ورمي الدقيق في النيل بجيل اوليا في الثمانينات من القرن المنصرم ليرتفع سعر الخبز ولتظاهر الناس اعتقد ليس بغريب عليه ان يترك الاضراب يستمر ....)

تخريمة : الحمد لله بقينا نفهمها وهي طاااااااااايرة

لحن الختام : يعني ناس المؤتم رالوطني ديل خشوا في كل حاجة وقلبوا كيانها ونظموا ناس كتار خلاص معقولة ما قدروا على مجتمع الدكاترة ؟ سؤال اريد له حلاً ؟

[الزونية]

قبل فترة قصيرة قدم الدكتور الفذ

القامة عبد اللطيف البوني نماذج
واستطلاعات مع بعض المواطنين(قناة النيل الازرق)
حول نظرة الطبيب لعامة الشعب ،اغلبهم اجمعوا علي ان الاطباء
غير متواضعين ونظرتهم مادية ويتعاملون بتعالي لا مبرر له!!!
ويعتبر كل همهم جمع المال ولا شيئ سواه ونحن كمواطنين
نعلم ذلك جيدا العيادات الخاصةوالارقام الفلكيه من اجل ان تحجز
لمقابلة الأخصائي بعيداً عن الانسانيةوما اضرابهم ببعيد عن الاذهان دون مراعاة
للمواطن المغلوب علي أمره ناسين ان الطب مهنة انسانية ، بصرف النظر عن حقوقهم واختلافهم
مع الحكومة في بعض الامور التي يتضرر منها المواطن ...



تخريمة: شهادة عربية +عدم كفاءة+واسطة=اجازتك في المجلس الطبي!!!
الناتج هو موت بالجملة نتيجة للاخطاء الشنيعه التي ارتكبوها هؤلاء
والاسر الفقيرة لا حول لها ولا قوة تشكي لطوبي الارض جراء ضياع
ابنائهم من تلك الاخطاء الساذجة!!!

وبرضو تقول لي اضراب وكلام فارغ !!!
....



لك التحية فخيييم..
على فكرة ..
هذه الشريحة من الأطباء والتي تتحدث عنها ..
غير مضربين....
..........
وكل مطالب الأطباء أخي فخيييم..
مطالب حق..
وكل مشاركاتي..
والله فيها رد لحكاية الأخطاء دي..

ودي برضو من مطالب الأطباء..
التدريب التدريب..
الأخصائيين مافاضيييييييييييييييين للتدريب..
ياجماعة شوفو كويس مطالب الأطباء..
فيها الكتير لمصلحة المواطن..
وانتو عايشين بره ماعارفين وضع المستشفيات..

ربنا يسهل الأمور فخييييم..

إحتراماتي....

[مدنيّة]

..

مدنية لك التحية...
كل معَرض للمرض ..
وكل معَرض للمصائب ..
إنما لا تحل المشاكل بالعواطف..
وماذنب دكتور عبد الهادي والذي ضرب على رأسه حتى صار يهزئ...
المشكلة أخذت أبعاد..
ينبغي من جهات الإختصاص معالجتها بالحمكة والتدبر ومراعاة المرضى...
وليس بالتعنت ..والتبخيس والضرب..
وعندما أقسم الطبيب قسم أبوقراط..
كان ذلك الواجب..
إنما أين الحقوق..
وأين
وأين..
وأين حق المريض..
وللرجوع لمشاركة بت أمدرمان..
مطالب الأطباء ليست للطبيب فقط
إنما لصالح المريص ولتحسين المستشفيات
والتدريب وبيئة العمل.....
وكان بإمكان جهات الإختصاص إحتواء الأزمة..
وماكان للإضراب أن يستمر كل هذه المدة..
اليست الدولة مسئولة عن المواطن أيضاً...
فالحل بيد جهات الإختصاص...
فقط فك المعتقلين من قيد التعذيب..
وفي حينه يفك الإضراب عن الطوارئ....

إحتراماتي...

[/center]

الزونية ياغالية اخبارك ؟!
عارفة يازونية
انا موضوع الاضراب دا ولا بحس بيه لاني والحمد لله الجهة الشغالة فيها مأمنة لي علاجي وعلاج اولادي
في اي مستشفي في الخرطوم خاصة تخطر ليك علي بال

وكان ممكن جدا اعاين للبوست دا "لانه مابهمني بصورة مباشرة" واطلع منه من غير مااتكتب تعليق

----------------------
اتخيلي معاي يازونية زول مشي مستشفي حكومي ومالقي طبيب يسعفه
الحال بيكون كيف؟؟؟

---------------------
قلت انه الاطباء عندهم قضية ويجب ان تعالج
لكن الاضراب عن الطوارئ خطا فادح جدا من الاطباء

--------------------
هو المواطن دا مظلوم من الدولة
ويجوا الاطباء يكملوا علي البقية الباقية منه ؟؟!!!

لك الله يامواطن يامسكين


-------------
وبالمناسبة كلامي القلته ابدا ماكلام عواطف
لكن كلام واقع معاش في المستشفيات مع المرضي اللي بيجوا للطوارئ وما يلقوا زول يسعفهم
----------------
طبعا ليك كل الاحترامات يازونية

[mutasim]

السلام للجميع
موضوع الاطباء فى السودان موضوع كبير ويحتاج لدراسة كامله لمعرفة السلبيات والايجابيات
لكن موضوع اضراب العاملين فى المهن الصحيه وبالاخص المستشفيات بكون اضراب رمزى وفى الاماكن البارده ولمده معينه للفت الانظار للقضيه اما اضراب اطباء الطوارى والولاده فهذه جريمه بحق المواطن ويجب التعامل معها بجديه,, مش معناها ياتدينى ولا مابشتغل والله حكايه

[مايسة]

...




[/COLOR][/CENTER]


....





مايسة ياغالية..

والله الكلام ده كلو من أجله أضرب الأطباء

ولا زلت أقول إن مطالب الأطباء في صالح المريض

والمواطن...ولكن الإعلام توه القضية..

والناس لا تبحث عن الحقائق..

ليها بالظاهر ولو كان خطأ....

وعدم إلمام المواطن بمايحدث

مشكلة..

وعدم معرفة المواطن لحدود الواجبات والحقوق



مليون مشكلة..



إحتراماتي


الحاجة الباينة انو النااس بيعانوا - وبيموتو -

اكتر من كدا شنو يعني

الزونية - انا معااك في حكاااية الاضراب دي - بس يشوفو كان طريقة تااانية - غير الامتناااع -

كان ما ياكلو مثلا - يضربو عن طريق عدم الاكل :cool:

لكن بس صرااحة وتاااني بقوله ليك - الخاااااااسر الوحيد المواطن المسكين - (وما تقولي لي عشان خااطر المواطن عملو كدا)

طيب انت عشان تعالج حااااجة - تقتل ليك روح - ولا تتسبب في موتها -

- هسه احنا شايفين نااس فلسطين - واهلنا في دارفور - والواحد ما قااادر يعمل حاجة للاسف غير الكلام

ربنا يصلح الحااااال - وشكرا ليك كتير على طولة البااال

[مايسة]

وللا ياها حكاية الشعب السوداني . . .

البيحكم بالعاطفة وخلاص ! ! !


حيرتونا عديل كده


ما تتحير ولا شئ

لان العواطف لو انعدمت معناتو الانسانية انعدمت -

وهذا اضعف الايمان للاسف

تحياااتي ليك

[ام نوران]

ولامطالب ولايحزنون

وحتي لو وجدت مطالب ,,,,ففي رايي انه اضراب بلا ضمير يتناسي مالتزموا به انفا من قسم


من الاخر

الاضراب سياسه ,,,غالبا ماتقود دفتها قوي المعارضه لشي في نفس يعقوب

[الزونية]

ولامطالب ولايحزنون

وحتي لو وجدت مطالب ,,,,ففي رايي انه اضراب بلا ضمير يتناسي مالتزموا به انفا من قسم


من الاخر

الاضراب سياسه ,,,غالبا ماتقود دفتها قوي المعارضه لشي في نفس يعقوب



............
أم نوران...

المضربين..

فيهم المؤتمر الوطني...
وفيهم الشيوعيين
وفيهم الموتمر الشعبي
فيهم البعثيين
فيهم الجمهوريين
فيهم الأمة..
.................
وفيهم وفيهم..
......
ليس هناك إي إتجاه سياسي يقود هذا الإضراب..
فلا تسيسوه....................
الإضراب مطلبي....
................
ولك إحترامي..

[ABUZAID]

ما تتحير ولا شئ

لان العواطف لو انعدمت معناتو الانسانية انعدمت -

وهذا اضعف الايمان للاسف

تحياااتي ليك



لم اتناول انعدام العاطفة

وانما . . .
الحكم بالعاطفة

فالعواطف لا تحل محل العقل في اصدار الاحكام


الحكم بالعقل دوما اسمى وانجع
لعلاج الكثير من المشاكل

اما الحكم بالعاطفة فهو في نظري
تخبط وحيرة في اخره

تحيااااااااااااااتي

[مايسة]

لم اتناول انعدام العاطفة

وانما . . .
الحكم بالعاطفة

فالعواطف لا تحل محل العقل في اصدار الاحكام


الحكم بالعقل دوما اسمى وانجع
لعلاج الكثير من المشاكل

اما الحكم بالعاطفة فهو في نظري
تخبط وحيرة في اخره

تحيااااااااااااااتي


اخي ابو زيد صباحك خير

لما فرعون قااال ما لقيت حد يردني -

لأن الشعب مقلوب على امره - هو فاااضي يعني يقعد يعااادي الحكومة

هو جاااري في لقمة العيش - وتأمين العلاج لاطفاله والتعليم - وغيره

- كدي قول لي مش ممكن الناااس ديل كان ممكن يضربو زي ما قلته في رد سااابق بالاضراب عن الاكل

مش برضو حل ولا شنو - وما ياكلو ويشتغلو في الطوارئ -

انت قايلني انا ضدهم - بالعكس - بس ما بالطريقة دي

تحياااتي ليك كتتير - وهو النهاية هو مجرد رائي - وربنا يصلح الحااااال :(

[بنت الرفاعي]

أختنا الزونية أسعد الله صباحك بكل خير وكل المتواجدين هنا.:)
وبما أنك في قلب الأحداث أختي فما الجديد؟؟؟

[مدنيّة]

ابوزيد صباحك سوداني

تفتكر انه لما نقيف مع المواطن المغلوب علي امره دا اسمه حكم بالعاطفة ؟!!!!

مع العلم زي ماقلت في مداخلة سابقة انه الاضراب دا ما بيليني انا "بصورة مباشرة"
وممكن ولا اكتب حرف فيه لانه ما بخصني في شخصي

لكن هل تفتكر انه الانسان بيعيش لنفسه ولا بيعيش للاخرين عشان يعرف "قيمة حياته دي"؟!!!!!

[ود المطامير]

الزونيه
يديك العافيه نبّهتينا
يعنى اليومين دول نمسك لسانا الطويل دا ويدينا كمان

ونبعد من المشاكل

[بنت الرفاعي]

أكثر شيء زعلني في الموضوع قصة أختنا مدنيّة عن الطبيبة الغير مضربة وما حدث مع أختها،
بالجد ما كنت فاهمة أنهم مضربين إضراب كامل للدرجة دي!!!!!!!!!!!!!!:eek::(:(
وعلى أساس أنها مهنة إنسانية كنت فاهمة إنهم بيعالجوا الحالات الطارئة المستعجلة فقط!!!!!
حتى ولو مظلومين قدر ده يتعاملوا مع الموضوع بعقلانية أكبر من كدة، والخطأ ما بيتعالج ويتصلح بالخطأ.
(ولّا الحكومة ما بتجي إلا بزهق بعض من الأرواح؟؟؟!!!!، وبعد زهق الأرواح لسّة محلك سر؟؟؟؟!!!!
يا عااااااااااااااااااالم ده سمعتوا بيهو قبل كدة؟؟؟!!!!!)

ما مجرد سؤال:
هل قدّم أولئك الدكاترة تظلمهم ومطالبهم بطرق سلمية سابقاً، وإذا بالفعل قدموها فلم لم تتحقق مطالبهم ولو البدء بجزء منها؟؟؟؟؟؟؟!!!

[ABUZAID]

اخي ابو زيد صباحك خير

لما فرعون قااال ما لقيت حد يردني -

لأن الشعب مقلوب على امره - هو فاااضي يعني يقعد يعااادي الحكومة

هو جاااري في لقمة العيش - وتأمين العلاج لاطفاله والتعليم - وغيره

- كدي قول لي مش ممكن الناااس ديل كان ممكن يضربو زي ما قلته في رد سااابق بالاضراب عن الاكل

مش برضو حل ولا شنو - وما ياكلو ويشتغلو في الطوارئ -

انت قايلني انا ضدهم - بالعكس - بس ما بالطريقة دي

تحياااتي ليك كتتير - وهو النهاية هو مجرد رائي - وربنا يصلح الحااااال :(



الاخت - مايسة

كل الاحترام


لا أحد يقف مع الاطباء فيما ذهبوا اليه

ولكن المعالجة الخاطئة تحمل الدولة الخطأ الاكبر

والمواطن مغلوب على امره
لانه لم يعهد بالمطالبة بحقوقه
ولم يتعود ان يقول لا ما قبل وبعد الاستقلال


الحكومات تخشى ان تتغير نظرة شعبها
فيتوجه التصويت الى الطرف الاخر
فتعمل على ارضاء شعبها بكل السبل
لانه هو من اوصلها للحكم
( دي حكاية العاطفة القصدتها )

عندنا . . .
وحسب رأيي الشخصي . . .

الحكومات تنتهج ما تراه مناسبا لمصالحها
( ثم تداعب عاطفة الشعب)


وسياسة الاضراب عن الطعام دي ما واقعة لي
اذا اضراب عن العمل لم يثن الحكومة

اما ان كان تحريك هذا الاضراب كما قيل
بواسطة المعارضة

فكان الاولى بالدولة استباق البلاء
ومحاولة جلب الاطباء لصفها

مشكلتنا . . .

انت يا معانا

يا مع . . .

تحياااااااااااتي

[مدنيّة]

يعنى اليومين دول نمسك لسانا الطويل دا ويدينا كمان

ونبعد من المشاكل


عروة تعمل حسابك شديد
عشان لو ضطغك ارتفع وانت في السودان لو لا قدر الله
ولا جاتك اي حاجة طارئة ما ح تلقي ليك طبيب يخت يده فيك
لانه ببساطة شديدة جدا "مضرب"

[مدنيّة]

أكثر شيء زعلني في الموضوع قصة أختنا مدنيّة عن الطبيبة الغير مضربة وما حدث مع أختها،
بالجد ما كنت فاهمة أنهم مضربين إضراب كامل للدرجة دي!!!!!!!!!!!!!!:eek::(:(
وعلى أساس أنها مهنة إنسانية كنت فاهمة إنهم بيعالجوا الحالات الطارئة المستعجلة فقط!!!!!
حتى ولو مظلومين قدر ده يتعاملوا مع الموضوع بعقلانية أكبر من كدة، والخطأ ما بيتعالج ويتصلح بالخطأ.
(ولّا الحكومة ما بتجي إلا بزهق بعض من الأرواح؟؟؟!!!!، وبعد زهق الأرواح لسّة محلك سر؟؟؟؟!!!!
يا عااااااااااااااااااالم ده سمعتوا بيهو قبل كدة؟؟؟!!!!!)

ما مجرد سؤال:
هل قدّم أولئك الدكاترة تظلمهم ومطالبهم بطرق سلمية سابقاً، وإذا بالفعل قدموها فلم لم تتحقق مطالبهم ولو البدء بجزء منها؟؟؟؟؟؟؟!!!

ماياهو دا البزعل يامرام وبيقع المرارة
الاضراب عن الطوارئ
معقولة ياخ ؟!!
انت طبيب ياخ يعني مهنتك مساعدة الغير ؟!!!
النفس دي لو راحت بتجي من وين تاني ؟؟!!!!!!



رد لسؤالك : بغض النظر عن السؤال يامرام ورده انتي مهن طبيبة
ضميرك وقسمك بيسمح ليك تضربي عن الطوارئ والحالات الحرجة حتي لو اتبعتي كل السبل؟؟؟!!!!!

[الجندي المجهول]

والله يا اخوانا قلت قبيل دفن الرؤوس في الرمال والكلمات المنمقة لا تأتي اكلها باختصار الحكومة غلطانة وغلط كبير ( كسابق عهدها ) وعدت واخلفت في حين ان البلد مليانة( صرف بزخي ) وغير مبرر وغير مرشد ( طيب القروش العملوا بيها احتفالات لتنصيب الرئيس) دي لو تم توجيهها لحل هذه المشكلة ( اكيد كان اتحلت ) ولكن انها ( فضة المعداوي) القصة واضحة ولكن للانقاذ الف راي وليست القصة قصة ( حقوق اطباء او غيره )

تخريمة : ما عادات الكلمات الجوفاء تؤتي اكلها يعني بالدارجي ( ما جيبة حقها ) وبلغة الشوارع ( دا حنك بيش) وبكل لغات العالم ( فشلت الانقاذ في ادارة هذه الازمة) ويشغلوا في الناس بهذا الاضراب ( ويعرضوا حية الناس للخطر ) في سبيل نشر سياستهم ( الجوفاء) وتمهيدا للانفصال ولا حول ولا قوة إلا بالله العلي العظيم ......

[بنت الرفاعي]

ماياهو دا البزعل يامرام وبيقع المرارة
الاضراب عن الطوارئ
معقولة ياخ ؟!!
انت طبيب ياخ يعني مهنتك مساعدة الغير ؟!!!
النفس دي لو راحت بتجي من وين تاني ؟؟!!!!!!
!!!!!!!!!!!!!!!!
الله يهون.

رد لسؤالك : بغض النظر عن السؤال يامرام ورده انتي مهن طبيبة
ضميرك وقسمك بيسمح ليك تضربي عن الطوارئ والحالات الحرجة حتي لو اتبعتي كل السبل؟؟؟!!!!!


بالتأكيد لا، لأنو قبل كل شيء الله حيسألني يوم القيامة ويحاسبني على ما جنته يداي، وبالأخص إذا جاء مريض وماقمت بإجراء المطلوب مني تجاهه.
الله يعين.

[ABUZAID]

الاخت – مدنية
صباحك نور

نفس الشعور
( الاضراب دا ما بيليني انا "بصورة مباشرة)

ولكنه بيخص اهلي وعشيرتي وشعبي
يبقى الموضوع بيهمني تماما

والنزير لا يعدو ان يكون مضرب مثل
للحال التي وصل اليها هؤلاء الفئة من الاطباء

البوست عنوانه ( ملائكة الرحمة لم يرحموا )
وهو تجريد لادمية الاطباء المضربين
وتناس لدورهم الماضي


يبقى كل المشاركات في هذا البوست
لا تتعداه الى غيره



لما تكون الادانة كاملة للاطباء

يبقى . . .
التعامل بالعاطفة . . .
في تبرئة جهات اخرى
وتذنيب الاطباء

التعامل بالعاطفة . . .
في تناسينا لما فعله الاطباء تجاه مجتمعهم

التعامل بالعاطفة . . .
في انانيتنا المفرطة

التعامل بالعاطفة . . .
في عدم ايتاء كل ذي حق حقه

ولوم جهة معينة بالتعدي على الشعب



( يا ناااااااااس . . .
مادام حياة الانسان غالية للدرجة دي . . .

يبقى . . .
راعوا واكرموا من يرعي حياة الانسان
قيموه شوية

وللا ياها حكاية الشعب السوداني . . .

البيحكم بالعاطفة وخلاص ! ! !
ده نص المشاركة المقصودة



ليس التعامل بالعاطفة في الموت الحاصل في المستشفيات
كما تفضلت بالاشارة اليه

الانسان بيعيش لنفسه عشان الاخرين
اذا هو ما لاقي نفسو . . .
كيف حيخدم الاخرين ؟ ؟ ؟
ويكون زول ليه قيمة ؟ ؟ ؟

ومعرفة قيمة الحياة لا تعني . . .
ان يتجرد الانسان حتى من اقل مقوماتها


تحيااااااااااااتي

[المسافر]

...






المسافر لك التحية...

عشان أجي معاك في الخط...

سؤالي...هل كان الطب والطبيب السوداني هكذا..

الإجابة لا وألف لا..

من الذي قاد هذه المهنة لهذا التردي..

أنا أقول لك...

كثرة كليات الطب والتي خرجت الكثير من الأطباء

بدون كفاءات وتدريب..



( وهذا ماطالب به الأطباء الآن)التدريب.......

ياجماعة مطالب الأطباء ليست زيادة رواتب فقط)

وفي كل مداخلاتي أشرت لذلك)..

ياجماعة التدريب ....البعثات...... ربط الطبيب بالعالم من خلال المؤتمرات

وغيرها والتي لا يحظى بها الأ من له ظهر....

ياجماعة مافي تدريب كاااااااااااااااااااااافي ..

الأخصائيين ليل نهار في عياداتهم ..طالب الأطباء بزيادة أجور الأخصائيين حتى لا يضطرو للعمل

ليل نهار بعياداتهم الخاصة.....

وهم من يتلقى طلاب الإمتياز منهم المعلومة والتدريب...

الطلب دة منطقي والا لا؟؟؟؟؟؟؟


....
إحتراماتي[/COLOR]



أختي الزونية
بداية أشكر لك سعة صدرك لسخافة ردي ، لأني قلت نفس هذه العبارات لطبيبة أستنكرت الأمر للغاية وأتهمتني بالحقد وقال لي ( الظاهر كنت عايز تبقى دكتور بس ما قادر ) هههههههه.
أنا صاحب تجارب شخصية مع الدكتارة ويكفي أن أقول لك أن والدي توفى بسبب هذه الأخطاء ومع أكبر الإخصائيين وفي أرقى وأكبر المستشفيات الخاصة في الخرطوم . . لذلك أجد مليون مبرر لأن أقول تلك العبارات .
لا يوجد أي سبب أو مبرر واحد مقنع ممكن لأجله يترك طبيب مكان عمله وخصوصاً في وحدات الطوارئ ، وهنالك عدة طرق يستطيع هؤلاء أن يأخذوا حقوقهم دون المقايضة بأرواح الآخرين وبهذه الحنفة من الأموال ، وأنا أقول لك أموال لتأكدي التام بأن هو السبب من وراء هذا الإضراب .
ربما وأكيد سوف ينالوا هؤلاء الأطباء هذه المبالغ التي يريدونها ، ولكن سوف تزداد الشقة وعدم الثقة بينهم وبين المواطن الذي هو سبب وجدوهم .

[الزونية]

ماياهو دا البزعل يامرام وبيقع المرارة
الاضراب عن الطوارئ
معقولة ياخ ؟!!
انت طبيب ياخ يعني مهنتك مساعدة الغير ؟!!!
النفس دي لو راحت بتجي من وين تاني ؟؟!!!!!!



رد لسؤالك : بغض النظر عن السؤال يامرام ورده انتي مهن طبيبة
ضميرك وقسمك بيسمح ليك تضربي عن الطوارئ والحالات الحرجة حتي لو اتبعتي كل السبل؟؟؟!!!!!
..


مدنية...ياغالية
ياجماعة قلت ليكم فهم القضية وكل ملا بساتها وسيرها..والله نصف الحل.....
المستشفيات يامدنية فيها من يعمل ..الأخصائيون....وأطباء الإلزامية....
وغيرهم....
ياجماعو عشان القضية ماتضيع بنقاش من دون إلمام بكل الخيوط .......
ودي الآن قضية رأي عام ..ومفروض الحياد الحياد والنظر للقضية
بمنظور من يعطي كل ذي حق حقه..
وللإجابة على سؤالك مدنية......
طالبت اللجنة الدائمة للإضراب كل هيئات المجتمع المدني..
وكل الجمعيات الخيرية وغيرها وغيرها من المنظمات الفاعلة..
لفتح عيادات ..وأماكن في كل الولا يات للمواطنين لتلقي العلاج...
حتى لو خيام في الشوارع...

فوجدت المحاربة......
...........

للكل إحترامااتي..
.....
ولكل طبيب قيد الأسر والتعذيب..
كل التجلة
وربنا يفرج الكرب..
..............

[الزونية]

أختي الزونية
بداية أشكر لك سعة صدرك لسخافة ردي ، لأني قلت نفس هذه العبارات لطبيبة أستنكرت الأمر للغاية وأتهمتني بالحقد وقال لي ( الظاهر كنت عايز تبقى دكتور بس ما قادر ) هههههههه.

تسلم المسافر من السخف


، وأنا أقول لك أموال لتأكدي التام بأن هو السبب من وراء هذا الإضراب .
ربما وأكيد سوف ينالوا هؤلاء الأطباء هذه المبالغ التي يريدونها ، ولكن سوف تزداد الشقة وعدم الثقة بينهم وبين المواطن الذي هو سبب وجدوهم .
[/COLOR].....


ولك التحية المسافر...

لو أوفت جهات الإختصاص بكل مطالب الأطباء..
وأكرر بكل مطالب الأطباء...
وأكررها لأنها تهم المواطن في المقام الأول
وتخلق بيئة عمل صحيحة..
وطبيب كفؤ.. ومجانية العلاج .....

فساعتها لكل حادث حديث..
دمت بكل الخير مسافر....


إحتراماتي

[مدنيّة]

..[/color]


مدنية...ياغالية
ياجماعة قلت ليكم فهم القضية وكل ملا بساتها وسيرها..والله نصف الحل.....
المستشفيات يامدنية فيها من يعمل ..الأخصائيون....وأطباء الإلزامية....
وغيرهم....
ياجماعو عشان القضية ماتضيع بنقاش من دون إلمام بكل الخيوط .......
ودي الآن قضية رأي عام ..ومفروض الحياد الحياد والنظر للقضية
بمنظور من يعطي كل ذي حق حقه..
وللإجابة على سؤالك مدنية......
طالبت اللجنة الدائمة للإضراب كل هيئات المجتمع المدني..
وكل الجمعيات الخيرية وغيرها وغيرها من المنظمات الفاعلة..
لفتح عيادات ..وأماكن في كل الولا يات للمواطنين لتلقي العلاج...
حتى لو خيام في الشوارع...

فوجدت المحاربة......
...........

للكل إحترامااتي..
.....
ولكل طبيب قيد الأسر والتعذيب..
كل التجلة
وربنا يفرج الكرب..
..............






الزونية ياغالية
بالمنطق كدا وبالعقل
مستشفيات في خيم ؟؟؟!!!!!
بتجي كيف دي ؟؟!!!!

هم اذا كانوا من داخل المستشفيات وفيها إنة ياقول المسافر
كمان جابت ليها خيم ؟؟!
طبعا لا عقل لا منطق بيقول كدا
واعتقد انه الخطوة دي ماهي الا محاولة تجميل وجه الاطباء المضربين ليس الا

---------------
في محادثة هاتفية قبل قليل مع صديقة طبيبة
قالت لي اي انه طبيب كان مضرب وفك اضرابه لانه مرض ليه زول قريبه ومالقي طبيب يخت يده فيه
يعني الواحد الا تجيه في لحمه الحي

--------------
الاطباء عشان ياخدوا حقوقهم من الحكومة ويلوا يدها يكتلوا المواطن المغلوب علي امره دا !!!

-----------
تبعا مرفق احتراااماتي

[الزونية]

الزونية ياغالية
بالمنطق كدا وبالعقل
مستشفيات في خيم ؟؟؟!!!!!
بتجي كيف دي ؟؟!!!!

هم اذا كانوا من داخل المستشفيات وفيها إنة ياقول المسافر
كمان جابت ليها خيم ؟؟!
طبعا لا عقل لا منطق بيقول كدا
واعتقد انه الخطوة دي ماهي الا محاولة تجميل وجه الاطباء المضربين ليس الا

---------------
في محادثة هاتفية قبل قليل مع صديقة طبيبة
قالت لي اي انه طبيب كان مضرب وفك اضرابه لانه مرض ليه زول قريبه ومالقي طبيب يخت يده فيه
يعني الواحد الا تجيه في لحمه الحي

--------------
الاطباء عشان ياخدوا حقوقهم من الحكومة ويلوا يدها يكتلوا المواطن المغلوب علي امره دا !!!

-----------
تبعا مرفق احتراااماتي ...


ياستى الناس لو توفر ت ليها الخيام..
وكل المستلزمات من الجهات المعنية..
الناس بتشتغل..
إنمافي المستشفيات الحكومية لا.

والطبيب لا يحتاج للتجميل.... ممكن ياخد ورقه ويغادر
وألف مستشفى يستقبله...وتحترمه
مثله مثل غيره....

وألان مئات بدأو ا إجراءات الخروج......
الخاسر مين؟؟؟
هذا الكم من الأطباء ثروة قومية..
ينبغي المحافظة عليها ..
وليس تشريدها.....

وفي القوافق والأيام الصحية والعلاجية
الناس بتشتغل في مستشفيات؟؟؟؟؟.
وماكان لجهات الإختصاص والتي يهمها أمر المواطن أكثر من الطبيب
أن تترك الأضراب يستمر كل هذه الفترة..
بدون حلول....


يعني موضوع الخيام او أي مكان من خلاله يمكن
أن يؤدي خدمة ..وهو مفصول ومطارد..
ده لتجميل وجه الطبيب؟؟؟؟؟...
.........

إحتراماتي.........................للجميع.....

[مدنيّة]

ابوزيد "الانسان" سلامااات

بالنسبة لي انا مدنية دي ياابوزيد الطبيب المضرب دا ماادمي ولا انسان لانه اتجرد من آدميته دي ومن انسانيته بمجرد مااضرب من الطوارئ
والله الاضراب من العناير عندي فيه راي ، لكن التخصيص للطوارئ لانه الحالات حرجة جدا فيها

-------------------
من حق المواطن يكون اناني في طبيبه ياابوزيد
لانه ببساطة الطبيب دا لما اختار المهنة دي عارف انها مهنة "انسانية"

---------------
تفتكر ياابوزيد انه الطبيب ح يلقي نفسه لما يخلي الناس تموت ؟؟!!
وبعد يلقاها ح يعمل بيها شنوووو ؟؟؟
واصلا ما ح تساله من ضميره ووين مشي ؟؟!! "الكلام عن نفسه"

الطبيب ح يلقي نفسه بحفنة جنيهات ياابوزيد ؟؟!!!!!!
طب النفس الازهقت قدامه دي ح تتلقي وين تاني ؟؟!!!
--------------
تبعا انا عارفة وانت عارف انه الاضراب بيليك :cool:

[مدنيّة]

الزونية ياغالية
طبعا اكيد انت عارفة انه القوافل والايام الصحية تختلف اختلاف كلي عن ممارسة مهنة الطب من داخل المستشفيات

القوافل والايام الصحية دي هي تقديم خدمة من الاطباء لمنطقة معنية بيحاولوا يساعدوا فيها بقدر الامكان اهلي المنطقة دي

---------------
عايزة اعرف بث كيف لطبيب في خيمة يستطيع ان ينقذ مريض اصيب فجاة بذبحة ؟!!!!
وما تقولي لي توفير الاجهزة والمعدات
لانها غالية جدا وما من السهولة توفرها في وقت قصير
وين الكهرباء ووين التعقيم وووووووو كمية من الوينات

--------------
انا ماقادرة استوعب انه الاطباء عشان يلوا يد الحكومة المواطن "المعدم" يدفع التمن
-------------
الزونية انا حاسة اني تقلت عليك
لكن والله لاني بنظر لزول مسكين وهو في حالة حرجة ومعدم مشي لمستشفي وما لقي طبيب يمد ليه يد العون دي كل الحكاية

------------
ومن كل قلبي بتمني انه كل مشاكل الاطباء يتم حلها
لو ما عشان خاطر الطبيب يبقي عشان خاطر المواطن المسكين دا
------------
ليك كل الاحترماااات

[الزونية]

الزونية ياغالية
طبعا اكيد انت عارفة انه القوافل والايام الصحية تختلف اختلاف كلي عن ممارسة مهنة الطب من داخل المستشفيات

القوافل والايام الصحية دي هي تقديم خدمة من الاطباء لمنطقة معنية بيحاولوا يساعدوا فيها بقدر الامكان اهلي المنطقة دي

---------------
عايزة اعرف بث كيف لطبيب في خيمة يستطيع ان ينقذ مريض اصيب فجاة بذبحة ؟!!!!
وما تقولي لي توفير الاجهزة والمعدات
لانها غالية جدا وما من السهولة توفرها في وقت قصير
وين الكهرباء ووين التعقيم وووووووو كمية من الوينات

--------------
انا ماقادرة استوعب انه الاطباء عشان يلوا يد الحكومة المواطن "المعدم" يدفع التمن
-------------
الزونية انا حاسة اني تقلت عليك
لكن والله لاني بنظر لزول مسكين وهو في حالة حرجة ومعدم مشي لمستشفي وما لقي طبيب يمد ليه يد العون دي كل الحكاية

------------
ومن كل قلبي بتمني انه كل مشاكل الاطباء يتم حلها
لو ما عشان خاطر الطبيب يبقي عشان خاطر المواطن المسكين دا
------------
ليك كل الاحترماااات....



مدنية..

في كل مداخلاتي..
أشير بان الحل في يد جهات الإختصاص...
وحل لجنة الأطباء الذي كان مقترحاً ورفض
بالعلاج خارج المستشفيات..كان سيودئ خدمة ...
وهناك طواري تعمل كما ذكرت.....
الخاص كلو شغال..
العسكري
الشرطة...
وكذلك كل الأخصائيين شغالين...
وظللت أكرر ذلك......
وهناك المستفيدين من الوضع... المستفيدين من الوضع..
والذين سخرت لهم كل إمكانيات الدولة للعمل في أكثر من مستشفى..
ومافارق معاهم الإضراب..............
بلد غريب..
ياااااااااااابلد....
لا يحس بالمأساة
إلا القابضين على الجمر

تحياتي لكم جميعا..
وأدام الله عليكم نعمة الصحة والعافية...

[مدنيّة]

....



COLOR][/SIZE]
وأدام الله عليكم نعمة الصحة والعافية...




[/CENTER]



اللهم امييييييييييييييييييييييين يازونية

[بت أم درمان]

يا مدنية الطب فعلا مهنة انسانية ومهنة لا يمكن التلاعب من خلالها
لكن خلينا نفترض ان الطبيب دا اشتغل بي انسانيته دي في المستشفى الحكومي
وبأقل الرواتب الممكنة وبدون ما يحاول يطلب زيادة راتبه
وفي نفس الوقت الطبيب دا عنده التزامات واسرة وبيت مفتوح
الانسانية في الحالة دي ح تسد رمق ابناؤه ح تصرف على بيته واسرته
انا دائما بحاول اخت نفسي محل الزول البطالب بحقه
عشان اشوف اذا كان على حق او لا
الطبيب ممكن يعالج بدون مقابل
وفي اي مكان ممكن يقدم خدماته بي انسانيته


كمان نفترض ان الاطباء قدمو استقالاتهم ما اضربو
دايرين يعملو في مهن اخرى ارتجالية كتجار او اي شي اي شي
او مثلا جاتهم عقود للسفر والعمل بالخارج ودا وارد جدا وفي اي وقت
واي طبيب بيتمن انه يجيه عقد عمل برا

ونفترض بعد كل دا انه مافي اي اضراااب
في الحالة دي مش مفترض ان الحكومة يكون ليها دور
يعني تحاول تقنع الاطباء ديل بشتى السبل انهم يبقو في اماكنهم
ما يسافرو ما يتخلو عن مهنتهم الانسانية و يعملو في مهن اخرى
طبعا بان تحاول الحكومة اغراءهم بزيادة رواتبهم بتحسين اوضاعهم
وفي سبل كتيرة جدا ممكن تعملها الحكومة للتمسك بهذه الثروة
وهم الاطباء

وبكرر ان الحكومة هي الغلطانة لانها تركت المسألة تطول بدون ما تولي اي اهتمام
وبكدا بتكون الحكومة اثبتت للشعب ان الاطباء هم الغلطانين وانها حاولت ردعهم بالقوة
بالاعتقال والسجن والضرب وهم على موقفهم
اثبتت الحكومة ان الاطباء غير انسانيين في مهنتهم
اثبتت الحكومة للشعب انها للشعب ومع الشعب والاطباء هم المخطئين وما من حقهم يطالبو بي اي حق

ولاحولولا قوة الا بالله

[مدنيّة]

بنوتة ياعثل
انا ماقلت انه الحكومة ما غلطانة في عدم ايجاد حل لمشكلة الاطباء
الاطباء عندهم مشكلة "يجب" ان تحل
دا كوم "بالنسبة لي انا مدنية دي"

الكوم التاني اضراب الاطباء عن الطوارئ يابنوتة دي حاجة خطيرة جدا

اها الحكومة دي ماحلت للاطباء مشكلتهم
والاطباء اضربوا حتي عن الطوارئ
منو البيدفع التمن ؟؟؟!!!!!
ماياهو المواطن العدمان الماعنده حق المستشفيات "التجارية" دا لا الحكومة لا غيرها اللي بيدفع التمن
ولا قلت يابنوتة انه الطبيب ما يبحث عن حقه
لكن السؤال البيطرح نفسه
كيف يبحث عن حقه ؟!!!!
بالاضراب عن الطوارئ ؟!!
ووضع المواطن المسكين بينه وبين الحكومة
يعني يابنوتة عشان الطبيب يلوي يد الحكومة المواطن يدفع التمن ؟؟!!

يلا بعد ما ختيتي نفسه في محل الطبيب المضرب عشان تعرفيه علي حق او لا
عليك الله ختي نفسك في محل المواطن المسكين دا وانه مشي مستشفي في حالة حرجة ومالقي طبيب يسعفه "بعد الشر عليك طبعا"

في واحدة من المدخلات يابنوتة قلت اني كنت بتكلم مع صاحبتي وهي طبيبة
ذكرت لي كم حالة بتاعت طبيب مضرب فك الاضراب لما مرض واحد من اهله ومالفي طبيب يسعفه ليه
يعني لما جاه في اللحم الحي

انا مع المواطن يابنوتة
لاني ختيت نفسي في مكانه
زي ماانتي ختيتي نفسك في مكان الطبيب المضرب

تبعا مرفق احتراااماتي :cool:

[الزونية]

يا مدنية الطب فعلا مهنة انسانية ومهنة لا يمكن التلاعب من خلالها


لكن خلينا نفترض ان الطبيب دا اشتغل بي انسانيته دي في المستشفى الحكومي
وبأقل الرواتب الممكنة وبدون ما يحاول يطلب زيادة راتبه
وفي نفس الوقت الطبيب دا عنده التزامات واسرة وبيت مفتوح
الانسانية في الحالة دي ح تسد رمق ابناؤه ح تصرف على بيته واسرته
انا دائما بحاول اخت نفسي محل الزول البطالب بحقه
عشان اشوف اذا كان على حق او لا
الطبيب ممكن يعالج بدون مقابل
وفي اي مكان ممكن يقدم خدماته بي انسانيته



كمان نفترض ان الاطباء قدمو استقالاتهم ما اضربو
دايرين يعملو في مهن اخرى ارتجالية كتجار او اي شي اي شي
او مثلا جاتهم عقود للسفر والعمل بالخارج ودا وارد جدا وفي اي وقت
واي طبيب بيتمن انه يجيه عقد عمل برا


ونفترض بعد كل دا انه مافي اي اضراااب
في الحالة دي مش مفترض ان الحكومة يكون ليها دور
يعني تحاول تقنع الاطباء ديل بشتى السبل انهم يبقو في اماكنهم
ما يسافرو ما يتخلو عن مهنتهم الانسانية و يعملو في مهن اخرى
طبعا بان تحاول الحكومة اغراءهم بزيادة رواتبهم بتحسين اوضاعهم
وفي سبل كتيرة جدا ممكن تعملها الحكومة للتمسك بهذه الثروة
وهم الاطباء


وبكرر ان الحكومة هي الغلطانة لانها تركت المسألة تطول بدون ما تولي اي اهتمام
وبكدا بتكون الحكومة اثبتت للشعب ان الاطباء هم الغلطانين وانها حاولت ردعهم بالقوة
بالاعتقال والسجن والضرب وهم على موقفهم
اثبتت الحكومة ان الاطباء غير انسانيين في مهنتهم
اثبتت الحكومة للشعب انها للشعب ومع الشعب والاطباء هم المخطئين وما من حقهم يطالبو بي اي حق



ولاحولولا قوة الا بالله
..


بت أمدرمان..
لك التحية..
وحقيقة كلامك فيه كتير من المنطق..
ولمس كل الحقائق...
وياريت كل الناس تحاول تدي الطبيب
ولو يسير من قدره...
وكما ذكرتي ...أنا بعرف طبيب ساب مهنة الطب دي خالص..
وإشتغل تاجر ويكة بين الخرطوم والغرب..
ومرتاح أربعةوعشرين قيراط.......
لكن هل هو درس طب عشان الويكة؟؟؟؟؟؟؟؟؟

ربنا يسهل الأمور....
وكما ذكرت قبلاً إن أغلب الأطباء في طريقهم حقيقة
لمغادرة السودان لتحسين أوضاعهم مثلهم مثل غيرهم...
أليس من حقهم....................


إحتراماتي

[الزونية]

وأخيراً جاء الحق.........
وظهر الأبوابي وخاطب الأطباء الأشاوس عبر الفيس بوك

في الرابعة صباح الجمعة25/6/2010

أحمد الأبوابي : التحية لكل الأصدقاء ، رواد موقع اللجنة .. و لكل الأطباء الشرفاء على اتساع البلد الجميل..
نحن الآن : أنا و إخوتي الخمسه ، خارج أسوار المعتقل.. انقلبنا بنعمة من الله و فضل .. لم يمسسنا سوء .. ممتلئون عافية ، و امتناناً لكل الأشاوس الشرفاء من الأطباء .. و سعيدون بهذا المجال المغناطيسي العاتي الذي يربطنا بكل الجميلين ، و ير......بطهم ببعض .
هذه المحبة هي رصيدنا و رأسمالنا ، و بها سنفعل المعجزات......................................

.................................................. ..............



الله أكبر يابلد
.............................

ونفذ الأطباء فك الإضراب..

[الجابرابى]

مع احترامى لجميع الاراء ولكن ؟ نعم الاطباء لديهم قضيه ومفروض تحل ولكن للاسف القضيه تسيست من جهه ما
اتمنى من الاطراف الجلوس وحل المشكه ووضع الوطن والمواطن فى الاول مع تحياتى

[سودانية وافتخر]

احبائي الاعضاء لا ادري كيف اعتذر عن تغيبي وعدم ردي وقد يعتبره البعض تجاهلا مني وعدم اهتمام ولكن كانت عندي ظروف قوية منعتني من الرد عليكم..ولكن احب ان انوه بان ارائكم مهمة وتهمني جدا فمن الاراء من كان متضامننا معهم ومنهم من كان رافضا ويعتبر تلك مهزلة(فأختلاف الراي لا يفسد للود قضية)..ولكن هذا حق ويجب ان يتمتع كل مواطن بحقه..احبائي جئت لكي ابشركم بان الاطباء المعتقلين لقد فك قيدهم وجزا الله خير الاخت الزونيةالغالية التي سبقتني في نشر هذا الخبر..خطوة جميلة من الجهات المسؤولة ولكنها جاءت متاخرة نوعا ما ونتمنى ان يكملو خطواتهم ويلبو ما تبقت من مطالب وحقوق...

مع خالص الشكر لجميع من داخلنا وشاركنا فيا اعزائي هذه ليست مشكلة كادر واحد بل مشكلة بلد باكمله هذا وان دل على شئ فانه يدل على اهتمامكم ببلدكم وروح الوطنية العالية التي تمتلكونها..

تقبلو مني جزيل الشكر والاحترام والتقدير

[الزونية]

الغالية سودانية وافتخر....
في الرابعة من صبيحة الجمعة كان كل أطباء السودان الشرفاء. على صفحة لجنة
الإضراب
...وهم يتلقون الخبر..بفك المعتقلين...

توجه نواب الأخصائين بمستشفى ودمدني لإستلام النبطشيات..
ليفاجأوا بان هناك أورق إسترحام ترهن إستلامهم للعمل...
رفضو التوقيع عليها...وغادرو المستشفى..
مازالت طواري مستشفيات ودمدني بدون نواااااااااب لتعنت إدارة المستشفى..
علماً بأن من الشروط والتي وضعها مجلس أطباء السودان بأنه..
لا عقوبات ..ولا إسترحام ..ولا شي من هذا القبيل...

الأطباء يرجون إستلام عملهم والإدارة ترفض.....

إحتراماتي

[الزونية]

احبائي الاعضاء لا ادري كيف اعتذر عن تغيبي وعدم ردي وقد يعتبره البعض تجاهلا مني وعدم اهتمام ولكن كانت عندي ظروف قوية منعتني من الرد عليكم..ولكن احب ان انوه بان ارائكم مهمة وتهمني جدا فمن الاراء من كان متضامننا معهم ومنهم من كان رافضا ويعتبر تلك مهزلة(فأختلاف الراي لا يفسد للود قضية)..ولكن هذا حق ويجب ان يتمتع كل مواطن بحقه..احبائي جئت لكي ابشركم بان الاطباء المعتقلين لقد فك قيدهم وجزا الله خير الاخت مدنية الغالية التي سبقتني في نشر هذا الخبر..خطوة جميلة من الجهات المسؤولة ولكنها جاءت متاخرة نوعا ما ونتمنى ان يكملو خطواتهم ويلبو ما تبقت من مطالب وحقوق...

مع خالص الشكر لجميع من داخلنا وشاركنا فيا اعزائي هذه ليست مشكلة كادر واحد بل مشكلة بلد باكمله هذا وان دل على شئ فانه يدل على اهتمامكم ببلدكم وروح الوطنية العالية التي تمتلكونها..

تقبلو مني جزيل الشكر والاحترام والتقدير...


عفوأ..سودانية و|أفتخر

إين نشرت الأخت مدنية..
خبر فك المعتقلين؟؟؟؟

[مدنيّة]

...


عفوأ..سودانية و|أفتخر

إين نشرت الأخت مدنية..
خبر فك المعتقلين؟؟؟؟


الزونية صباحك جميل زي صباح الخرتوم الليلة

اختنا سودانية شكلها دخلت مستعجلة فتشابهه عليها "البقر" هههههههههههههههههههههه

------------------
سودانية من نشرت خبر فك المعتقلين هي الزونية ولها كل الشكر والتقدير

[الزونية]

الزونية صباحك جميل زي صباح الخرتوم الليلة

اختنا سودانية شكلها دخلت مستعجلة فتشابهه عليها "البقر" هههههههههههههههههههههه

------------------
سودانية من نشرت خبر فك المعتقلين هي الزونية ولها كل الشكر والتقدير....



الغالية مدنية..
ههههههه
لا والله بالجد كنت فاكراك نزلتي الخبر في مكان تاني..
وفتشت فتشت في المنتديات مالقيت خبر للموضوع..
عشان كده سألت...

لك التحية ولسودانية..

[مدنيّة]

....



الغالية مدنية..
ههههههه
لا والله بالجد كنت فاكراك نزلتي الخبر في مكان تاني..
وفتشت فتشت في المنتديات مالقيت خبر للموضوع..
عشان كده سألت...

لك التحية ولسودانية..

ولا يهمك ياغالية

غايتو بختي "باعتبارها شبهتني انا بيك انتي ياعثل :cool: "

[الزونية]

ولا يهمك ياغالية

غايتو بختي "باعتبارها شبهتني انا بيك انتي ياعثل :cool: ".


ههههههههههههه
والله غايتو سودانية ضيعتك عديييييييييييييييييييل....

على العموم تسلمي ياراقية وكلو من ذوقك..

[بنت الرفاعي]

نتمنى أن يكون القادم بعد هذا الإضراب، كل خير، وأن يؤخذ ما فعله الأطباء بمحمل الجد بمعنى أن تُنفذ مطالبهم، سواء لمصلحة المواطن أو لمصلحتهم.

[سودانية وافتخر]

...


عفوأ..سودانية و|أفتخر

إين نشرت الأخت مدنية..
خبر فك المعتقلين؟؟؟؟


سوووووووووووووووووووري سوووووووووووووووووووووري والله ما انتبهت للاسم كتيير لاني بالفعل دخلت بسرعة وكتبت وشفت الاحمر فافتكرتها مدنية وسيتم التعديل غاليتي

[سودانية وافتخر]

الزونية صباحك جميل زي صباح الخرتوم الليلة

اختنا سودانية شكلها دخلت مستعجلة فتشابهه عليها "البقر" هههههههههههههههههههههه

------------------
سودانية من نشرت خبر فك المعتقلين هي الزونية ولها كل الشكر والتقدير


مسااكم فل وياسمين..بالفعل والله دخلت بي عجلة سريييعة علشان اكتب الخبر واديت اتطلاع سريع على الردود ولمن قريت الرد وشفت اللون الاحمر وشفت الاسم بالسريع وبسبب تقارب الاحرف ما انتبهت علشان كدا اتلخبت على الاختساس

ايوا تم التعديل عزيزتي ولها كل الشكر والتقدير والاحتراام

[سودانية وافتخر]

....



الغالية مدنية..
ههههههه
لا والله بالجد كنت فاكراك نزلتي الخبر في مكان تاني..
وفتشت فتشت في المنتديات مالقيت خبر للموضوع..
عشان كده سألت...

لك التحية ولسودانية..

سووري يا قلبي انت اول من ذكرتي الموضووع

والتحية موصولة لك ايضا

[سودانية وافتخر]

.


ههههههههههههه
والله غايتو سودانية ضيعتك عديييييييييييييييييييل....

على العموم تسلمي ياراقية وكلو من ذوقك..



خخخخخخخخخ شكلي بعد كدا وجب علي البس نظاارة .. ياخ نحن نقدر نضيع مدنية الغالية

[سودانية وافتخر]

نتمنى أن يكون القادم بعد هذا الإضراب، كل خير، وأن يؤخذ ما فعله الأطباء بمحمل الجد بمعنى أن تُنفذ مطالبهم، سواء لمصلحة المواطن أو لمصلحتهم.


نتمنى ذلك من قلوبنا يا مراام وان يكون هناك من العظة والعبرة الشئ الكثيير

[الزونية]

وجدت إدارة مستشفى ودمدني نفسها في موقف لاتحسد عليه
بعد أن تجمع كل الأطباء المضربين من نواب أخصائين وأطباء
إمتياز ظهر أمس الأحد 27/6/2010 بفناء المستشفي بحضور لجنة الإضراب بودمدني..
وأكدو على عدم التوقيع على ورقة الإسترحام بالإجماع حفاظاً وصوناً لكرامتهم..
وكان مقررا أن يذهبو اليوم لوزارة الصحة الأتحادية بالخرطوم لتسليم أنفسهم للجهة المخدمة..والتي
ترفض تطبيق أي عقوبات على الأطباء المضربين.......
قامت إدارة المستشفي بسحب الإسترحامات مساء أمس...
وباشر كل الأطباء المضربين نبطشياتهم مساء أمس27/6/2010......
بدون أدنى عقوبة.....
والتحية لكل الشرفاء

[سودانية وافتخر]

وجدت إدارة مستشفى ودمدني نفسها في موقف لاتحسد عليه
بعد أن تجمع كل الأطباء المضربين من نواب أخصائين وأطباء
إمتياز ظهر أمس الأحد 27/6/2010 بفناء المستشفي بحضور لجنة الإضراب بودمدني..
وأكدو على عدم التوقيع على ورقة الإسترحام بالإجماع حفاظاً وصوناً لكرامتهم..
وكان مقررا أن يذهبو اليوم لوزارة الصحة الأتحادية بالخرطوم لتسليم أنفسهم للجهة المخدمة..والتي
ترفض تطبيق أي عقوبات على الأطباء المضربين.......
قامت إدارة المستشفي بسحب الإسترحامات مساء أمس...
وباشر كل الأطباء المضربين نبطشياتهم مساء أمس27/6/2010......
بدون أدنى عقوبة.....
والتحية لكل الشرفاء

وبهكذا نكون مستشفيات ود مدني ازدهرت بهؤلاء الاطباء الشرفاء الذين جاهدو في سبيل الحصول على ما يستحقونه

اختي الزووونية لا ادري كيف اشرك على ما توافينا به من معلومات فجزاكي الله خيرا وجعله لكي المولى في كيزان حسناتك بأذن الله

والتحية لشرفاء