بعد غياب دام لسنوات "عدنا"

[بت مارنجان]

اكتر من سنة لمواطني سكان الخرطوم "dc" يلاحظ اختفاء "النغمايات" علي
قولت بت خالتي الصغيرونة "مابتعرف تقول "غنماية" فبتقول "نغماية" ...

عصر أمس بالصدفة في احدي شوارع الخرطوم "اشاهد مجموعة من النغمايات" وهن
يتمشن في الشارع ...

[بت مارنجان]

عدنا ولكن لانعلم من أين ؟؟؟

[بت مارنجان]

مع تفشي ظاهرة "المطاعم" التي اصبحت عند كل زاوية وكل ناصية شارع واشكال
المطاعم والروح التنافسية والتنوع في اصناف الوجبات المقدمة وانواع اللحوم ...
في فترة كان هناك اشاعات حينما اختفت العديد من "الاغنام" عند الشوارع
بان ماتقدمه المطاعم من لحوم هي لحوم "االغنم" وخاصة ان الاغنام تتميز باللحم "الهش" ..

اها ياخوانا هسي الغنم بدو يرجعو يكونو كانو قابضهن ولا الحاصل شنو :confused:

[بت مارنجان]

تجمع حول "شئ ماعارفاه شنو !!! "

[بت مارنجان]

انحنا راجعين في المغيرب

[صلاح ودالطاهر]

كل زول بغنمايه بتاعو الا انا ما اندي غنمايه لي كده بس كده بس

يا حليل غنماية حبوبتي تحلب تعشيني بكورة الصيني

[عبدالرحمن مدثر]

ههههههههههههههه
قدر ماحاولت اربط العنوان بالفكرة والتفاصيل
واقوم اعمل ليها كونيكشين مع سيد الفكرة
اقوم اطشش من تانى
ونعووووووود تانى
انا من زمان بفتش لحاجة تخلى الفكرة اتفكت من قيودها
وراحت تمرح فى حرية نغمة حنينة
المهم قررررربت تفك
وهذا مالزم توضيحه

[بت مارنجان]

ود الطاهر بالله حتي غنمايتك مازي غنمايات الخرطوم ....
غنمايتك دي زكرتني غنم جدي الله يرحمو ويرحم غنمو الضاعن زماااااااااااااااااااااااان ..

[الجندي المجهول]

بتنا بت مارنجان تحياتنا


تربية الاغنام والمواشي والحمام والبط لا توجد في الخرطوم بكثرة على العكس تماماً توجد في مدني واعتقد ان هذه اللقطات لن تتكرر بسبب ناس الخرطوم ديل مشغولييين شديد ما فاضييين لتربية الاغنام - اما انحنا في مدني فسوق القش جوار النادي الاهلي وسينما امير وتحديداً شرق مخبز انوار السنة الآلي وغرب موؤسسة الحفريات ستجدي معظم اهالي مدني بي هناك وهم يشترون البرسيم والقش ( وانا اولهم ) وما احلى ان يكون عندك قطيع من الماشية تهتم بهم وبصحتهم ....

تخريمة : معاي الان 16راس من الضان عاوز ابدلهم بي امجاد او ركشتين شوفي لينا مشتري وليك الحلاوة

لحن الختام : اتمنى ان لا نسمع في مباراة ( قمة الدارفوري يوم الخميس ) كلمة ( بااااااع)

----------- عفوا ------------- بلييييييييييز ---------- نعمين --------- حاضريين ----- واشياء اخرى

[مايسة]

هو متين اختفو الغنم يا بتو من شوارع الخرطوم :(

وبعدين غنمكم ما لم بقو سماااان كدي - ضاااربات الضللة سااااااااااي - بختهم - بقو مع الجمااعة ولا شنو ؟؟:mad:

[بت مارنجان]

ههههههههههههههه
قدر ماحاولت اربط العنوان بالفكرة والتفاصيل
واقوم اعمل ليها كونيكشين مع سيد الفكرة
اقوم اطشش من تانى
ونعووووووود تانى
انا من زمان بفتش لحاجة تخلى الفكرة اتفكت من قيودها
وراحت تمرح فى حرية نغمة حنينة
المهم قررررربت تفك
وهذا مالزم توضيحه


انت بتحل وتربط من عندك :confused:
ماتخلي خيالك واسع خليك في ذات اللحظة ياعبدووووووووش :o

مشكور ياوضاح هي قصدي ياابو مزن :o

[بت مارنجان]

تخريمة : معاي الان 16راس من الضان عاوز ابدلهم بي امجاد او ركشتين شوفي لينا مشتري وليك الحلاوة

لحن الختام : اتمنى ان لا نسمع في مباراة ( قمة الدارفوري يوم الخميس ) كلمة ( بااااااع)

----------- عفوا ------------- بلييييييييييز ---------- نعمين --------- حاضريين ----- واشياء اخرى


جبت ال 16 راس من وين شكلك صرفتا صندوق :o:o:o
لحن الختام : نتمني فوز الارجنتين لانه يستحق ;)