المساعد الشخصي الرقمي

مشاهدة النسخة كاملة : مجموعة أبناء ودمني العطالة


واحد من الناس
06-06-2010, 01:17 PM
رايكم شنو لو عملنا مجموعة ذي دي للعطالة .... وبعدين هي عاطل دي زاتها هي مسمي وظيفي يعني عادي ولا شنو ...؟؟؟!!!؟
zahid
07-06-2010, 12:22 AM
الله يفرج عنكم ويوسع لكم في رزقكم ...تفاءلوا خيراً وبلاش من تكوين هذه المجموعة .
واحد من الناس
07-06-2010, 10:44 AM
بالعكس إحتمال من خلالها الناس تشتغل بإعلان وظائف وحاجات زي دي وربنا يوفق الجميع إنشاء الله
ahmed algam
07-06-2010, 10:54 AM
الله يفرج عنكم ويوسع لكم في رزقكم ...تفاءلوا خيراً وبلاش من تكوين هذه المجموعة .



اللهم امين يارب
محمد علي شقدي
07-06-2010, 11:13 AM
ليس بالخبز وحده يعيش العاطل
واحد من الناس
07-06-2010, 12:30 PM
اي طبعا يا محمد علي أكيد حيكون داير معاه فول من أب شنب وشوية ملح وشمار وموية جبنة... ولو أمكن موية زيت .....
وبعدين المجموعة دي أنا حاسي بإبتسامة أمل فيها ..... لأنو أهدافها حتكون نبيلة إنشاء الله
واحد من الناس
07-06-2010, 12:31 PM
اي طبعا يا محمد علي أكيد حيكون داير معاه فول من أب شنب وشوية ملح وشمار وموية جبنة... ولو أمكن موية زيت .....
وبعدين المجموعة دي أنا حاسي بإبتسامة أمل فيها ..... لأنو أهدافها حتكون نبيلة إنشاء الله
مازن الجمّال
08-06-2010, 01:06 PM
انت عارف يا عمك
العطالة دي فيها ايجابيات كتيرة
اول حاجة بتديك الفرصة انك تتامل

أي نعم
تقعد تتامل في اللاشيئ
تراقب غنم بلالة وهن طالعات الصباح يتقدلن في الشارع
وتقعد تحسب في دقايق انتظار عودتن برضو
وكمان بتخليك تتأمل في الحمار المربوط جمب الفرن البلدي
تتامل في جمال عيونو وحسن صوتو وهو بهنق لما يشوف ليو شيطان جايي جاري

وكمان بتخليك هادي الطبع
وصبور جدا
يعني ممكن ترك في نخرتك ضبانة لعينة
وانت تتقبل الموضوع بصدر رحب جدا دون ان تحرك نخرتك ساكناً
وكمان بتعلمك انك تبقى زول خلّاق
او امكن حلّاق
المهم
بتديك القدرة على خلق البرامج من المافي
وكمان فيها امان وسكينة للناس الحوليك
وانت قاعد في قلب الشارع
مافي حرامي او خازوق بتحدثه نفسه او يفكر مجرد تفكير انو يعتب ناحية بيت من بيوت الحلة
وخصوصا انك وانت عاطل بتكون حا التركيز والتدقيق والتمحيص لاي حاجة بتعدي بالشارع
حتى ولو كيس نايلون من النوع ( الجيلاني ) شايلو الهوا
وغايتو
دنيا سعيدة ...

او كما قال الشاعر :
زاد الطين بلّه

حاتم الجزار وبابكر عاملين شنو بالله ؟
واحد من الناس
08-06-2010, 01:29 PM
والله يا ود الجمالي بكلامك ده معناتا لو إتلموا العطالة ديل والهوا أنا واحد منهم أكيد ، ممكن يجمعوا كمية من الأفكار والأحلام البنفسجية التي قد تقود إلي غد مشرق ( كسرتين في الدال بتاعة غد )

وقد وقد يتم تحقيق بعض من ذلك اللاشيئ..........