ود الدسيس عباس

[رضا حسن محمد]

زمان فى الكورة
كنت اتربص باللاعب المزعج بغية طرده
تشتمو وتقيف جمب الحكم
تختار اللاعب المميز اللممكن يهز م فريقك
تسعى لطرده وتحترمو بى جواك

[رضا حسن محمد]

هو مثلى فى كثير من التلاقى
ابيض القلب
طيب
ولسانو زى لساتى
لسان السجم والرماد

[رضا حسن محمد]

تفاحشنا فى التلفون
تشاتمنا
ثم التقينا وكانى ما كانى

[رضا حسن محمد]

الما بتعرفو تجهلو
كنت اتمنى ونحنا خاتنو قرض
الاقيهو عشان اكلو بى سنانى اكل على قولة المصريين
ثم عرفته
جميل المناقب
كريم
تحيه وتشتهيهو حين يغيب عنك
كانك تعرفه من الفين سنة
اديب
ممجرتق بجمال بلدنا
تحبه وحب فى شخصه اشرف السعيد ودرديرى كباشى
ومعتز الريح والجندى لمجهول

[رضا حسن محمد]

لنا تفس الانفلات
ونفس النفس السريع
وهو يحتويك
جميل مثل اباهو الشريف
وكان لعاب فى الكورة
وخرخار
يحب يركب الافيال

[رضا حسن محمد]

تبادلنا شى من حتى
داهمنى بالافكار
وخفة الدم
حتى ما دريت باى ارض ابيت
يشبه مدنى كثيرا
وناسا
ويشبه نادى الاتحاد
يشبه معتصم عبد السلام
وكبرى حنتوب
وجكن
يشبه الادمن ابوبكر الفى امريكا
حنين مثل جلالة
قلبو حار مثل الفخيم
وجيه زى المميز

[رضا حسن محمد]

خلط الصوفيه مع اليسارية مع النكته
زولا تريدو وتشتهى
وتحب مدنى نت عشان هيبت دواخلو
يازول شقى وحساس
ودواخلك الفولاذ
ومدادك الرصاص
زولا شقى وغياظ
خلطة عصير الكاس
ود الشريف عباس

[أبوريلان]

الجميل رضا ود حسن
لا أحب أن أقطع حبل أفاكرك
ولكن لإندياحك جمال ساحر
وجمال خصالك نراها في جمال خصال والدك
فهذا الشبل من ذاك الأسد

أنت والدسيس كالنيلين الأزرق والأبيض يفترقان ليلتقيان في حميمة فهنيئا لنا بكم وهنيئا لكم ببعضكم .

بداية البوست ذكرتني بعهدي بكرة القدم والتحايل علي إخراج اللاعب المزعج الخطير والهداف
فكانت لنا حيل كثيرة من تلك التي ذكرتها وشابهاتها كُثر وبداخل المستطيل يمكن أن تبصق
في وجه أخيك وتشتمه بأقبح الألفاظ ومن ثم تسلم عليه حتي يصفق لك العشاق للروح الرياضية الحلوة ولكن لايدري أحدهم ما يدور بينكم من شتائم .

[النويري]

حبيبنا رضا إن من يقدر الناس على الناس أن تقدره فأنت إنسان مفعم الدواخل عفيف النفس تفخر بيك بنات البادية والخرطوم

عباس الدسيس صحيح أنه لسانة متبري منو وأنا عارف الحصل بيناتكم لكنه رجل أصيل المعادن كما أنت مرح لا تنقصه الدعابة يصنع من الحزن فرح وهو شخص سريع البديها حاضر النكتة

لك كل الشكر نيابة عنه وربنا يديم المحبة بين كل الأحباب هنا وهناك

[عبدالله محمد العقاد]

هو مثلى فى كثير من التلاقى
ابيض القلب
طيب
مرح
ولسانو زى لسانى
لسان السجم والرماد



الحبيب رضا

التحية لك على هذه الروح الرائعة والحلوة

و ندعوا الله ان يديم روح الاخاء بين الجميع

فيه برضو قاسم مشترك بينكم الاثنين ( القلب لوكاندة و قبلة للجمال )

[خالد أحمد الصول]

دائما أقول ... هؤلاء هم بنوك أيها المدينة الرقيقة المتدثرة بالازرق
يختلفون في تواد ... يتخاصمون في عفه و يحبون بعضهم البعض حتي النخاع
إنك إنتي يا مدينتي التي أرضعتيهم هذا الحب العملاق و تلك المشاعر المرهفه
إنهم دراويشك يبرونك كبرهم لوالدتهم
هم أصيلون جدا ... و نقيون جدا ... و حبيبون جدا
هل تري تلك الشفافيه يا مدينتي
أنها من صنعك إنت
فالذي رضع من ثديك لا بد أن يكون مخزنا للفرح و الادب و الوقار
إنت فريدة ايها المدينة الجميلة
فأنت تضمين مثل هذا و ذاك
فهم أبناؤك يا مدينتي
يعلمون الدنيا أجمع معني أن نختلف بحب
و أن نتقاتل بود
و أن نرجع نلحس التوبة لي حبوبة
أفخري بهم
فهم قد جاؤك من وجهك الوضي
و من رحمك الولود
معدنهم لا يصدأ و قلوبهم ناصعة البياض
أفرحي بهم فهم العواد و الابناء البرره
من الذي يشبهكم يا أبناء هذه المدنية الحلوه

[الزونية]

أوافقك الرأي أخي ود الصول..
تابعت مايبوح به أخونا رضا ...
فتزاحمت علي أفكار وخواطر..
هزمت مقدرتي على التركيز وانتقاء.
أي خاطرة أسطر..
فأي قوم نحن؟؟ أبناء مدينتي الفاضلة..
والله أنها كذلك...
..........
وغضبك جميل زييي بسمتك.....

والتحية لكل من وضعت فيه مدني بصمة..
والتحية لك رضا ..
والتحية للدسيس..

إحتراماتي...

[بت مارنجان]

تورتو نفسنا ساااااااااااااااااااااااااااااااااااااي
غايتو ياود حسن ياود الدسيس مابسألكم :o


ربنا يهدي "اسرار الناس" "مااسرار بابكر :o"

[أبوريلان]

"عمر الدم مايبقى ميه"

من رضع من ثديها فأصبح أخ بالرضاعة


بروح رضا النقية وصفاء سريرته نجد توأمه عباس الدسيس
فكلاهما له نكهته الخاصة في فن الكتابة وحرمانهم كان له كبير الأثر في نفوسنا وحرماننا وزوار الموقع من جمال ما تجود به أقلامهم العملاقة من كتابة ، فكانت الخسارة خسارتين .

أبت نفس الدسيس إلا أن يشارك صديقه رضا هذا الجمال وهذا الحُب فأرسل لي في الخاص رسالة ليشارك بها صديقه رضا في هذا البوست المفعم بالمودة والحب فكان رد الجميل وصدق من قال ما من حُب إلا بعد عداوة ، ونحن نقول المابعرفك بجهلك .

من هذا البوست الحميم أطلب من الإدارة أن تصفح وتعفو عن متبقي مدة الإيقاف للعضو عباس الدسيس حتي يعود يجمل جنبات هذا الموقع بجميل كتاباته وتكوين ثنائية بينه وبين صديقه رضا حسن لنحتسي نخبها بوستات بحجم عملاقين وحتي يتمكن من المداخلة في الردود .

إليك أخي رضا برسالة أخوك عباس الدسيس التي طلب أن يشاركك بها هذا الجمال فالي نصها :-





مدخل للحديث ... رضا الرجل الطيب غايتو قتلته قلبي زي حكاية الراجل العايز اضبح الكديسه لي مرتوا حمر عيونوا وقال ليها انا كلمتي زي الساعه عاينت ليهوا بطرف عينا جرا واطي وقال لا تقدم ولا تاخر يا روحي ... اي زول بخاف من مرتوا بكون طيب الدواخل وهذا هو القاسم المشترك ...صاح ولا انا غلطان يا رضي ما تقوم تدور تاني فيني بعد تطردني تشيل كفرك وتمشي
فقره اعلانيه....... واحده خطيبها رسل ليها خطاب عاطفي وبين كل فقرة والثانيةكتب ليها آه.. آه.. ردت ليهو: كلامك حلو لكن واحد وخمسين دي ماعرفتها؟ مصاريف ولاشنو؟؟؟؟؟ يا خوي البوست ده ما بحلك مني انا جاي العمره الامتحانات باقي ليها اسبوعين جهز الضبيحه ......

مشهد حي ............... الحبيب رضا الدنيا رمضان انا طالع علي البيت دخلته غلط قدام شباب سعودين بكل طيبه فتحت الشباك عشان اعتزر ليهم واحد بصق علي مع شتيمه والدنيا حر وصوم نزلته من العربيه شلته مفتاح العجل جريت عليهم قفلوا الزجاج ضربته باب الزجاج اتفرتق الجماعه قاموا جارين بالباب التاني كان في واحد هندي حاضر الشكله هز راسو وبابتسامه قال (( هذا نفر فكر انت هندي)) طبعا بي شعري الزي الهنود ده كل ما امشي البطحه الجماعه ارطنو معاي كيرلا .... حماقة السودانيين سيئه زي ما بقول الواحد اخلي حد ادني للشكل ممكن تقع ليك في زول رائع زيك كده بعدين تفتش البخارجك ما تلاقهوا يعني خت الكوره واطه ...

بجيك راجع تاني اكمل معاك الكلام اليوم خميس وهي الوظيفه الثانيه في المملكه يوم سواق العائله امشي يمين امشي شمال انتظرني هنا قبل ما امشي يا رضي حكاية الزول الاتزوج والمرأة قالت لازم تطلقوا دي انا شاهد عليها قريب واحد صاحبنا دخلنا في الجوديه لارجاع المياه لمجاريها الزوله حلفت بي التقطعا الراجل ده اطلقا الناس عايزه تعرف السبب شنو وهي متكتمه علي الموضوع بعد ده دخل الجنس اللطيف عشان اعرف السبب ....قالت ليهم يا انا يا الدوام صاحبو ده كل يوم الراجل امشي لي صاحبو اجيني الساعه واحده صباحا انوم زي الخروف ....... بدون تعليق ..... جيت معزه ليك يا حبيب البي... النبي تجامل تجي للاخ النويري... وتنويه ابوريلان مع حبنا للجميع انت زول ما ساهل يا رضا

[abomazeen]

تورتو نفسنا ساااااااااااااااااااااااااااااااااااااي
غايتو ياود حسن ياود الدسيس مابسألكم :o


ربنا يهدي "اسرار الناس" "مااسرار بابكر :o"





أتفق معك حد التطابق أختنا بت مارنجان
















الله يهدي اسرار الناس وقلوبهم ...

[مايسة]

رضا والدسيس يديكم العافية - محل ما تقبلو يا رب



اغفرلو يا حنين.. و جاوز لو ظلم

ما اصلها الايام مضن و العمر ومضة امانى

و اصبر.. و اصبر

و اصبر على جرحك و ان طال الالم

دى جراحنا باشواقنا بتضوى الزمان

انا عارفو بكرة بعود و فى رعشة ندم

ننسى الحصل بيناتنا و السهر اللى كان

تصبح حياتنا نغم.. عشنا يبتسم

و تعود مراكب ريدنا لى بر الامان

[رضا حسن محمد]

الجميل رضا ود حسن
لا أحب أن أقطع حبل أفاكرك
ولكن لإندياحك جمال ساحر
وجمال خصالك نراها في جمال خصال والدك
فهذا الشبل من ذاك الأسد

أنت والدسيس كالنيلين الأزرق والأبيض يفترقان ليلتقيان في حميمة فهنيئا لنا بكم وهنيئا لكم ببعضكم .

بداية البوست ذكرتني بعهدي بكرة القدم والتحايل علي إخراج اللاعب المزعج الخطير والهداف
فكانت لنا حيل كثيرة من تلك التي ذكرتها وشابهاتها كُثر وبداخل المستطيل يمكن أن تبصق
في وجه أخيك وتشتمه بأقبح الألفاظ ومن ثم تسلم عليه حتي يصفق لك العشاق للروح الرياضية الحلوة ولكن لايدري أحدهم ما يدور بينكم من شتائم .

العزيز ابو ريلان
الايام دول
عدو الامس تكتشف انه اجمل زول
وايه الدنيا غير لمة ناس لى خير
او ساعة حزن
شكلر لجميل مرورك

[حاتم مرزوق]

بهذا الجمال وهذا التلاقي وهذه الروح الطيبة يتميز أبناء ود مدني فللمكان سحر وللنشأة تأثير.. فلا يكون الإختلاف بينهم إلا لمزيد من أواصر المحبة والوفاء .. ولا يكون الإختلاف أبداً من أجل الإختلاف ، بل من أجل الوصول الي نقطة إلتقاء تُذهب الفُرقة وتلِم الشمل وتغرِس جذور الوفاء .
التحية للأخوين العزيزين رضا وعباس علي هذا الجمال و شكراً للإختلاف الذي جعل التقارب ممكنا وجعلهما يرغبان في لقاء بعضهم البعض في محاولة للفهم عن قرب فمنحونا هذا التلاقي وهذه السعة وهذا التسامح الراقي كخلاصة نتعلم منها القفذ فوق الخلافات لنحقق بها قيمنا السمحة.

[عوض صقير]

" الاعتذار عطر جذاب ؛ فهو يحول أسوأ اللحظات إلى هدية رائعة "


شكراً رضا ود حسن
شكراً عباس ود الشريف


على هذه الهدية الرائعة

[نزار حسن محمد]

رضا يلعب قووون لفريق الكفاح
وانا العب لفريق الهلال جناح
وفى كره منفرداً على حارس مرمى الكفاح كابتن شعريه
جبت القووون اكان اسمع لك كابتن شعريه وبزعل شديد
انعل فينى انعل ابوك ذاتوووو

[zahid]

نتمنى العودة السريعة لجميع اخواننا الغائبين

[رضا حسن محمد]

حبيبنا رضا إن من يقدر الناس على الناس أن تقدره فأنت إنسان مفعم الدواخل عفيف النفس تفخر بيك بنات البادية والخرطوم

عباس الدسيس صحيح أنه لسانة متبري منو وأنا عارف الحصل بيناتكم لكنه رجل أصيل المعادن كما أنت مرح لا تنقصه الدعابة يصنع من الحزن فرح وهو شخص سريع البديها حاضر النكتة

لك كل الشكر نيابة عنه وربنا يديم المحبة بين كل الأحباب هنا وهناك
النويرى يا جميل
لك تداعيات الصباح وهجعة المساء
والطيور الرجعة فى ظل المساء
سلام عليك وعلى الرياض
وعلى عربيتك السنينة

[رضا حسن محمد]

الحبيب رضا

التحية لك على هذه الروح الرائعة والحلوة

و ندعوا الله ان يديم روح الاخاء بين الجميع

فيه برضو قاسم مشترك بينكم الاثنين ( القلب لوكاندة و قبلة للجمال )

اوووووووووووووووووووووووووووووووووووووووووك العقاد زاتو
ياخ انا افتش ليك زى الحاجة السمحة
تعرف فى ناس كدة يا عبد الله
تفتش للواحد فتيش
لمن تلافيهو
تقول ليهو ياخ والله انا بريدك
يا عقاد انا الكلام الفوق

[رضا حسن محمد]

دائما أقول ... هؤلاء هم بنوك أيها المدينة الرقيقة المتدثرة بالازرق
يختلفون في تواد ... يتخاصمون في عفه و يحبون بعضهم البعض حتي النخاع
إنك إنتي يا مدينتي التي أرضعتيهم هذا الحب العملاق و تلك المشاعر المرهفه
إنهم دراويشك يبرونك كبرهم لوالدتهم
هم أصيلون جدا ... و نقيون جدا ... و حبيبون جدا
هل تري تلك الشفافيه يا مدينتي
أنها من صنعك إنت
فالذي رضع من ثديك لا بد أن يكون مخزنا للفرح و الادب و الوقار
إنت فريدة ايها المدينة الجميلة
فأنت تضمين مثل هذا و ذاك
فهم أبناؤك يا مدينتي
يعلمون الدنيا أجمع معني أن نختلف بحب
و أن نتقاتل بود
و أن نرجع نلحس التوبة لي حبوبة
أفخري بهم
فهم قد جاؤك من وجهك الوضي
و من رحمك الولود
معدنهم لا يصدأ و قلوبهم ناصعة البياض
أفرحي بهم فهم العواد و الابناء البرره
من الذي يشبهكم يا أبناء هذه المدنية الحلوه


اذن هو ود الصول خالد
لك ما تساقط من زمانى فى مكانك
ولك مدنى السكة حديد و114
والقسم الاول
وسينما الخواجة
لك صوت العصافير الراجعة تبيت فى مدنى
لك جمال جامعة الجزيرة
ورى بتك الدكتورة
وبتك السمحة البتشبه مايسة
ولك الحضور هنا
تذكرنى لطافة عوض صقير وود العركى مرتضى
ذلك الجميل الذى يهرش من مرتو
لك رجالة نزار حسن وكشة الدولى حبيب الكل
لك نقاء ابوبكر الادمن
وجمال ام جمال
لك الانحناءة
وطيبة بت مارنجان
وروعة عبير الورد
وسماحة اشرف السعيد الجوة وبرة

[رضا حسن محمد]

أوافقك الرأي أخي ود الصول..
تابعت مايبوح به أخونا رضا ...
فتزاحمت علي أفكار وخواطر..
هزمت مقدرتي على التركيز وانتقاء.
أي خاطرة أسطر..
فأي قوم نحن؟؟ أبناء مدينتي الفاضلة..
والله أنها كذلك...
..........
وغضبك جميل زييي بسمتك.....

والتحية لكل من وضعت فيه مدني بصمة..
والتحية لك رضا ..
والتحية للدسيس..

إحتراماتي...

لك كل احتراماتى
يا ربى انتى منو
هل كنتى جيرانا فى بركات السرايات
ام واحده تشبه نقائك
المهم انتى زولة كتابة
وانا بحب كتاباتك جدا
اديبة مفعمة بجمال بلدنا
ومراكبا
وشارع نيلا
والزونية اسم جميل لى زول جميل
وغضبك جميل زى بسمتك
زى ما قالت هناية ديك

[رضا حسن محمد]

تورتو نفسنا ساااااااااااااااااااااااااااااااااااااي
غايتو ياود حسن ياود الدسيس مابسألكم :o


ربنا يهدي "اسرار الناس" "مااسرار بابكر :o"
تورنا نفسك هو كان مساهر فى حفلة

غايتو ياود حسن ياود الدسيس مابسألكم :o

انا غايتو بسالك
الحزن فى عينيك يملونى اسا قولى لماذا الحزن فى عينيك
ولماذا بللت المدامع لحظة
زهر الربيع القض فى جفنيك
قولى فان الهنهنات تهزنى
يغتالنى الصمت الذى يطويك
قولى لماذا الحزن فى عينيك

اسرار بابكر البتغتى يا طير يا ماشى لى اهلنا
اعتقد اها اجمل صوت نسائى سودانى

[رضا حسن محمد]

"عمر الدم مايبقى ميه"

من رضع من ثديها فأصبح أخ بالرضاعة


بروح رضا النقية وصفاء سريرته نجد توأمه عباس الدسيس
فكلاهما له نكهته الخاصة في فن الكتابة وحرمانهم كان له كبير الأثر في نفوسنا وحرماننا وزوار الموقع من جمال ما تجود به أقلامهم العملاقة من كتابة ، فكانت الخسارة خسارتين .

أبت نفس الدسيس إلا أن يشارك صديقه رضا هذا الجمال وهذا الحُب فأرسل لي في الخاص رسالة ليشارك بها صديقه رضا في هذا البوست المفعم بالمودة والحب فكان رد الجميل وصدق من قال ما من حُب إلا بعد عداوة ، ونحن نقول المابعرفك بجهلك .

من هذا البوست الحميم أطلب من الإدارة أن تصفح وتعفو عن متبقي مدة الإيقاف للعضو عباس الدسيس حتي يعود يجمل جنبات هذا الموقع بجميل كتاباته وتكوين ثنائية بينه وبين صديقه رضا حسن لنحتسي نخبها بوستات بحجم عملاقين وحتي يتمكن من المداخلة في الردود .

إليك أخي رضا برسالة أخوك عباس الدسيس التي طلب أن يشاركك بها هذا الجمال فالي نصها :-





مدخل للحديث ... رضا الرجل الطيب غايتو قتلته قلبي زي حكاية الراجل العايز اضبح الكديسه لي مرتوا حمر عيونوا وقال ليها انا كلمتي زي الساعه عاينت ليهوا بطرف عينا جرا واطي وقال لا تقدم ولا تاخر يا روحي ... اي زول بخاف من مرتوا بكون طيب الدواخل وهذا هو القاسم المشترك ...صاح ولا انا غلطان يا رضي ما تقوم تدور تاني فيني بعد تطردني تشيل كفرك وتمشي
فقره اعلانيه....... واحده خطيبها رسل ليها خطاب عاطفي وبين كل فقرة والثانيةكتب ليها آه.. آه.. ردت ليهو: كلامك حلو لكن واحد وخمسين دي ماعرفتها؟ مصاريف ولاشنو؟؟؟؟؟ يا خوي البوست ده ما بحلك مني انا جاي العمره الامتحانات باقي ليها اسبوعين جهز الضبيحه ......

مشهد حي ............... الحبيب رضا الدنيا رمضان انا طالع علي البيت دخلته غلط قدام شباب سعودين بكل طيبه فتحت الشباك عشان اعتزر ليهم واحد بصق علي مع شتيمه والدنيا حر وصوم نزلته من العربيه شلته مفتاح العجل جريت عليهم قفلوا الزجاج ضربته باب الزجاج اتفرتق الجماعه قاموا جارين بالباب التاني كان في واحد هندي حاضر الشكله هز راسو وبابتسامه قال (( هذا نفر فكر انت هندي)) طبعا بي شعري الزي الهنود ده كل ما امشي البطحه الجماعه ارطنو معاي كيرلا .... حماقة السودانيين سيئه زي ما بقول الواحد اخلي حد ادني للشكل ممكن تقع ليك في زول رائع زيك كده بعدين تفتش البخارجك ما تلاقهوا يعني خت الكوره واطه ...

بجيك راجع تاني اكمل معاك الكلام اليوم خميس وهي الوظيفه الثانيه في المملكه يوم سواق العائله امشي يمين امشي شمال انتظرني هنا قبل ما امشي يا رضي حكاية الزول الاتزوج والمرأة قالت لازم تطلقوا دي انا شاهد عليها قريب واحد صاحبنا دخلنا في الجوديه لارجاع المياه لمجاريها الزوله حلفت بي التقطعا الراجل ده اطلقا الناس عايزه تعرف السبب شنو وهي متكتمه علي الموضوع بعد ده دخل الجنس اللطيف عشان اعرف السبب ....قالت ليهم يا انا يا الدوام صاحبو ده كل يوم الراجل امشي لي صاحبو اجيني الساعه واحده صباحا انوم زي الخروف ....... بدون تعليق ..... جيت معزه ليك يا حبيب البي... النبي تجامل تجي للاخ النويري... وتنويه ابوريلان مع حبنا للجميع انت زول ما ساهل يا رضا

ود الدسيس عباس
مشرعة لك ابواب القلب ادخل من ايها شئت
تعرف اجمل حاجة فينا نحنا ال2 اننا بنخاف من نسوانا
بعد لسانا الطويل دة
واكيد الما بخاف من مرتو زول ما جميل
لازم تخاف من المرة عشان تديها كينونتا
اجمل 2 قابلتهم اكتر 2 بخافو من نسوانم
معتز الريح وابوبكر الادمن
ياخ ديل بخافو من نسوانم خوف
لمن انا زاتى اخاف
شوفالمرة تخوفك وتمشى انت تخوف المكتب كلو
المرة تخوفك وتخاف من الفار
هم يخافو من الفار ونحنا نخاف منهم
للفار التحية
ولهن الحب كلو
ياخ ود الريح شدة ما بخاف من مرتو
فى عيد الضحية اشترى الخروف وضبحو وكسرو وام ساطع رجعتو قالت ليهو رجعو
مشى رجعو
وشاكل الجزار
مع انو هو نباتى
وما بياكل لحمة
شفت يا عبس ناس جدة والرياض كلهن بخافو من نسوانم
ما عداى
انا الكاكو
انا الجدى كتل الاسد
انا الوسخ
البستحمى من العيد للعيد
انا الكاردلب
انا لمن بت دبلوك تسمع صوت عربتى ترجف
انا ابجيقا

[رضا حسن محمد]

أتفق معك حد التطابق أختنا بت مارنجان
















الله يهدي اسرار الناس وقلوبهم ...





كلنا نتفق معها لحد التطابق
كل ناس المنتدى يتفقو معاها
ويتابعو خطاها
وبوستاتا
فى زول ما بقدر اتفق مع فتو
اها القصيدة الفورية دى ليها
برجاكى فى الرقراق
يا زول سمح ساسق
جذر النبات والساق
هاك قلبى ليك مشتاق
نزف الجرح فتاق
وانا بين زهر وجدك
طائع شقى ومنساق