افتتاح سوق المواسير بالمنتدى

[ABUZAID]

شبابنا واحبابنا


قلنا بدل تدخلو في . . .
تقلب اسعار العملات
وانتو عارفين الايام دي. . .
الاسعار مولعة نار

والدنيا مقلوبة فوق تحت

والاستفتاء قرب
وانفصال الجنوب

ودارفور تحت الوصايا

وقيل بعد كم سنة . . .
حيحصل تقرير مصير لدارفور
والموية المخلوطة بالمجاري . . .
في مدني بعد الخرطوم

وطوابير الرغيف ظهرت من جديد

والبنزين شكلو حينشف
وحرارة الطقس الوصلت الناس المستشفيات
واللحمة البقت بالشئ الفلاني
ويمكن يحظر التعامل فيها بالجنيه
وفك الارتباط بالدولار
وخراب بيت اليورو

والتلوثات البيئية في امريكا
وقافلة الحرية


والقرارات الشجاعة

للقادة العرب

وناس تركيا واردوغان
اللي حتلحق افغانستان

وتتخت في قائمة ايران

والعراق والسودان



تعالوا علينا جاي
مدخراتك كلها جيبها واستثمرها عندنا

ثقة

جودة


ضمان

انت بس تعال

تعال بالعندك

بيت ابوي بيسندك


نسبة عائد شهري تصل ل55% فاكثر

ولا وديعة في بنك امدرمان الوطني
ما بتجيب العائد ده

مدعومين من جهات عليا


ما بنفلس . . .
عشان كده ما بنشرد
معاملاتنا مشروعة . . .
لا بنجيب الشيخ فلان
المعروف لدى كل افراد السودان

ولا بيجي والي امستردام
عشان يقول الكلام ده حرام

ملحوظة :-
الاستثمار مركب طول العمر

امتيازاتنا :-

ضمان كامل لراس المال من الضياع

ولا توجد اي قيود او شروط
الانتخابات وانتهت

لا بنقول ليك انتخب لفلان . . .
وبعدها تعال نديك ارباحك
ولا بنجادلك


استثمر فرصتك قبل ضياعها
عندك قطعة ارض فكها
قبل السماسمرة يبيعوها لي غيرك وتفلكب

عندك بيت بيعو
وكده اولادك ما حيطمعو فيك

عندك عربية اتفك منها

بدل كل يوم اسبيرت ومصنعيات واوهامات


اهم شئ

الحقنا بالشرتيت

[الفخيييم]

الاستاذ الجميل ابوزيد
مقترح وجيه بس نتخلص
من الاذي الجسيم الذي
لحق بنا من افرازات الاسواق
التي سبقتكم في هذا المجال
بالواضح كده نفكر وندقق ونجيكم...

[ABUZAID]

الاستاذ الجميل ابوزيد
مقترح وجيه بس نتخلص
من الاذي الجسيم الذي
لحق بنا من افرازات الاسواق
التي سبقتكم في هذا المجال
بالواضح كده نفكر وندقق ونجيكم...



حبيبنا الغالي - الفخيييم

حللت سوق المواسير
ونزلت بوادي التعمير


وهو السوق حينتظرك لما تفكر وتدقق وتجي تاني ! ! !

يا باشا السوق عايز قلب قوي ومجازفة

وسرعة قرار


خوفي تجي ما تلقى شئ

الحق

[بت مارنجان]

غايتو للضمان كدة كان عايزين دراسات جدوي بنظبطها ليكم :o

[محمد علي شقدي]

نحنا البنفلقكم بعدين

اتمنى ان تكون كل واجهات سوقكم للمواسير من زجاج

--------------------------------------

ود ابزيد مع كل الوقائع السردها

احسن حاجه تتاجروا في التوابيت ومقولات حفر المقابر

[ABUZAID]

غايتو للضمان كدة كان عايزين دراسات جدوي بنظبطها ليكم :o


بت مارنجان
اهلا بيك

جيبي قريشاتك الداساهن . . .
ومدكناهن ديل اول حاجة

وبعد داك بنتفاهم في دراسات الجدوى


اقلاها نقدر نمرق رواتب المشرفين المضربين ديل
كلو بالدولار

الاضراب بيتحل بالتفاهم
عمرها القوة ما كانت وسيلة لادراك غاية

والكاش يقلل النقاش

[abomazeen]

أبوزيد جيــش الوجيـــه ...

عجبني كلامك جداً منمق ومرتب

لكن .. ينفــع نخش معاكم بالنية ؟؟

وعلى أحسن الظروف بالآجل

وضماني حبيبنا ( ن . ع ) ..!

[ABUZAID]

نحنا البنفلقكم بعدين

اتمنى ان تكون كل واجهات سوقكم للمواسير من زجاج

--------------------------------------

ود ابزيد مع كل الوقائع السردها

احسن حاجه تتاجروا في التوابيت ومقولات حفر المقابر




حبيبنا الغالي
محمد علي شقدي

مشكور على المرور
الواجهات لو كانت قزاز . . .
الموضوع ده ما كان نشرناه اصلا

مصفحين ومحميين تماما
ولا تفكر

تحيااااااااااتي

[مدنيّة]

ابوزيد
نسيت اهم حاجة
انه السوق دا تم افتتاحه برعاية الاخ محمد عبدالله عبدالقادر:cool:

[الجندي المجهول]

شيخنا حبيبنا والله دا دبل كيك (باكورد ) زي حق حبيبنا رضا


اسمع ماسورة اتنين بوصة طول 3 متر مصدية ( بتنفع)

تخريمة : علاقة الماسورة بي المونديال الاخير (جنوب افريقيا ( 2010 م شنو ؟
لحن الختام : ما كل ماسورة بتجيب موية

على وزن ما كل الطير يتاكل لحمه

ضربة حرة مباشرة : سمعت بالفكي ابو ماسورة ( دا جديد لنج ) افتح التلفون بعد 10 دقايق انا خا اتصل باذن الله ،،، من الثابت

[نزار حسن محمد]

نعم اخوانى هذا السوق تم تاسيسه بصفه شرعيه وقانونيه
استفيدوا من العرض لان سندات الائتمان محدوده العرض

بالدقداق:
ابوزيد حقى امانه فى رقبتك

[ABUZAID]

أبوزيد جيــش الوجيـــه ...

عجبني كلامك جداً منمق ومرتب

لكن .. ينفــع نخش معاكم بالنية ؟؟

وعلى أحسن الظروف بالآجل

وضماني حبيبنا ( ن . ع ) ..!






العزيز الغالي
abomazeen

السوق عايز الكلام المنمق والمرتب
من اساسيات اللعبة
وسلمية التداول
وحسن المظهر

وقالوا النية زاملة سيدها
الا في سوق المواسير
ضمان ( ن . ع ) ده الا عند . . .
اخونا محمد عبد الله عبد القادر

يا حبيب
قبيل قلناها . . .
الكاش يقلل النقاش

[محمد الجزولى]

الوجيه ابو زيد
معليش اخوك اليومين ديل مخو كابس شديد
صراحه ما فاهم حاجه
( يعنى اخوك زى الاطرش فى الزفه )
عليك الله اشرح لى ياخى ... ان شاء الله فى الخاص

[ABUZAID]

قالوا مجموعة من الشماشة. . .
اتفقوا يمشوا يعزو في زميلهم المات

ولملموا من بعضهم الموجود للدفتر
ولما وصلوا بيت العزاء . . .
قام زعيم الشماشة . . .
ووصل والد زميلهم المتوفي . . .
وقال ليه : -

( شوف يا فردة

ولدك ده كان اخونا كده ( بنق )

دقس واتلهس

ده الشرتيت وانهنا مشتتين )
ده عزاء الشماشة


وبارك الله فيمن زار وخف


تعال شوف عزاء فلان من الناس . . .
يجيك الباشا يعزي . . .
شراب شاى وونسة وضحك
ومشروعات واحلام
والحريم ديلك خليهم ساااااي
شئ دهب وشئ تياب اخر موديل
وشئ عطور وبخبخة
وشئ كعب عالي
وشئ بوهيات ما تديك الدرب
غلطان انت البتجيب ليها زي ده
عشان بدل تظهر بيه في الافراح
تلقاها لاماه لليوم الاسود
واليوم الاسود بقى ايام العزاءات


بالله عزاء الشماشة ؟ ؟ ؟
وللا عزاء الباشا ؟ ؟ ؟

[ABUZAID]

ابوزيد
نسيت اهم حاجة
انه السوق دا تم افتتاحه برعاية الاخ محمد عبدالله عبدالقادر:cool:



مدنيّة
ياخي اتفقنا قبل يومين
نويتي تغيري رايك وللا شنو ؟ ؟ ؟
محمد عبد الله عبد القادر خليناه . . .
لمتابعة التحصيل بالسودان

وشكلنا ما حنخليه يرجع تاني
وبيبني بينك . . .
الراجل شكلو لهف الاتفاق براهو
غايتو كان سواها
ولا يخاف عقباها
الله يسامحو

[ABUZAID]

شيخنا حبيبنا والله دا دبل كيك (باكورد ) زي حق حبيبنا رضا


اسمع ماسورة اتنين بوصة طول 3 متر مصدية ( بتنفع)

تخريمة : علاقة الماسورة بي المونديال الاخير (جنوب افريقيا ( 2010 م شنو ؟
لحن الختام : ما كل ماسورة بتجيب موية

على وزن ما كل الطير يتاكل لحمه

ضربة حرة مباشرة : سمعت بالفكي ابو ماسورة ( دا جديد لنج ) افتح التلفون بعد 10 دقايق انا خا اتصل باذن الله ،،، من الثابت



حبيبنا الغالي
الجندي المجهول

اهلا وسهلا
مليون مرحبا


طوالي امين عام لسوق المواسير

ولا كلمة


علاقة الماسورة بي المونديال الاخير (جنوب افريقيا ( 2010 م شنو ؟
زي علاقة كنبة شكرا بالكرسي القدام


تعاملاتنا بالكااااااااااااااش
ولا تقبل حتى الشيكات



لحن الختام : ولا كل دبل كيك بجيب قون
واوعة من العين

[ABUZAID]

نعم اخوانى هذا السوق تم تاسيسه بصفه شرعيه وقانونيه
استفيدوا من العرض لان سندات الائتمان محدوده العرض

بالدقداق:
ابوزيد حقى امانه فى رقبتك



ابو سفرووووووق
حبيبنا الغالي
نزار حسن محمد
اشرقت الانوار

ويا شباب اكتسبنا الشرعية تماما
يعني لا ما محتاجين نكسب شرعية اكتر من كده
والما استثمر احسن يسارع

الفرص حقيقة قليله

[abomazeen]

أبوزيــد - أبوالكرم والجــود - الغالي ...
بعد الكلام الفوق ده والشرعية وكامل الأهلية
وبصفتك خبير مالي ( حقيقة النقطة دي ) ومتداول
كدي رسل لينا رقم حساب السوق ده ونوعية العملة ..!
خاصة بعد أن فــك السودان ارتباطــه بالدولار الأمريكي !

[ABUZAID]

الوجيه ابو زيد
معليش اخوك اليومين ديل مخو كابس شديد
صراحه ما فاهم حاجه
( يعنى اخوك زى الاطرش فى الزفه )
عليك الله اشرح لى ياخى ... ان شاء الله فى الخاص



العزيز الغالي
محمد الجزولي

الف مليوووون مرحبا
انت الفهم كلو يا حبيب

ما مطلوب منك اصلا تعمل حاجة
الشئ الوحيد
بيع القدامك والوراك وتعال لينا
استثمار طويل الاجل
ارباح طائلة

تاني لا مخ كابس
ولا طشاش عيون


ولا غربة من اصلو

تعال ومعك اخرون

[ABUZAID]

أبوزيــد - أبوالكرم والجــود - الغالي ...
بعد الكلام الفوق ده والشرعية وكامل الأهلية
وبصفتك خبير مالي ( حقيقة النقطة دي ) ومتداول
كدي رسل لينا رقم حساب السوق ده ونوعية العملة ..!
خاصة بعد أن فــك السودان ارتباطــه بالدولار الأمريكي !





<center><div style="width:100%;filter:shadow(color=black,streng th=20);color:yellow"><BR><font color="#FFFFFF" size="7" face="Amerigo BT">abomazeen </font></div style> <BR>
<br>




نهلنا منك كل الجود يا غالي


درسنا العز والكرم المثالي



القصة يا حبيب ما محتاجة خبرة مالية ولا تحليل وتدقيق
القصة عايزة فهلوة
وظهر قوي
وعربية لاندكروزر

وما عندنا تعامل الا الدولار

لا يورو ولا استرليني

دولار امريكي وبس

اما رقم الحساب فما عليك الا . . .
البحث في القوقل عن موقعنا
سوق المواسير دوت كاش
وحتلقى فيه كل المعلومات

اشواقي

[الجندي المجهول]

حبيبنا الغالي سلامات

باعتباري الامين العام لسوق المواسير عندي بيان حا اصدره في مقبل الايام

تخريمة : اللحوح + البربري = قريبا ان شاء الله

لحن الختام : الدبل كيك دا مرسل لي الاخ ابو مازن (دا حكايتو حكاية) النقعد معااك بس

ضربة حرة مباشرة : اليوم الاحد 6/6/2010م 1 ريال سعودي = 763 جنيه ( وعيسى جاري وجاريين واراهوو) عيسى هنا كناية عن الريال وكلمة جري كناية عن الارتفاع السريع للريال مقابل الجنيه لذا لزم التوضيح .............

اشياء غير مهمة بتاتاً
لو كنت داقس وقاعد في المملكة امشي حول الريال من

العمودي 1 ريال = 645 جنيه بس والله
التلي موني 1 ريال = 629 جنيه بس والله شوف الحقارة

نصيحة للمغربين : رسلوهو (خااااام) وفكوهوا بي هناك (محل المقدرة )

مجرد فكرة : المميز مسافر وممكن يشيل ليكم قروشكم معاهو ( شامي في الفكرة دي ريحة ماااسورة وكدا)

[ABUZAID]

حبيبنا الغالي سلامات

باعتباري الامين العام لسوق المواسير عندي بيان حا اصدره في مقبل الايام

تخريمة : اللحوح + البربري = قريبا ان شاء الله

لحن الختام : الدبل كيك دا مرسل لي الاخ ابو مازن (دا حكايتو حكاية) النقعد معااك بس

ضربة حرة مباشرة : اليوم الاحد 6/6/2010م 1 ريال سعودي = 763 جنيه ( وعيسى جاري وجاريين واراهوو) عيسى هنا كناية عن الريال وكلمة جري كناية عن الارتفاع السريع للريال مقابل الجنيه لذا لزم التوضيح .............

اشياء غير مهمة بتاتاً
لو كنت داقس وقاعد في المملكة امشي حول الريال من

العمودي 1 ريال = 645 جنيه بس والله
التلي موني 1 ريال = 629 جنيه بس والله شوف الحقارة

نصيحة للمغربين : رسلوهو (خااااام) وفكوهوا بي هناك (محل المقدرة )

مجرد فكرة : المميز مسافر وممكن يشيل ليكم قروشكم معاهو ( شامي في الفكرة دي ريحة ماااسورة وكدا)




اهلا
بالامين العام لسوق المواسير الدولي
قراءات مصرفية في واقع الجنيه
عشان كده بننصح كل الاخوة
استثمارك في سوق المواسير الدولي

ضمان لكل ولابنائك

فلا تتردد


وابعد من عملاق السماسرة ( المميز )

[b.hofy]

يابو زيد..................
اخوك خبرة في اسواق مواسير...جاي من الفاشر...( تفتيحة وشايل مفاتيحا)...
يافيها ...يانطفيها...( شريك..وبالنص)..( خبرة+تجربة) انت في الشغلة دي جديد...
العرض ساري..لمدة محدودة...( اكرر ليك ياحبيب يافيها يانطفيها)..والمعارض انا بظبطها..؟؟
اها قلت شنو؟؟؟