لمـا كنت صـغير ... بلعب فى التراب

[محمد الجزولى]

لما كنت صغير بلعب فى التراب<O:p
ماما لبستنى الجزمه والشراب
<O:p
هكذا كنا نغنى صغارا بكل براءه <O:p
ضحكاتنا تسبق خطاوينا <O:p
وقلوبنا انصع بياضا من الحليب
..... ......<O:p

[محمد الجزولى]

كبرنا وكبرت معنا احلامنا وذكرياتنا
وامانينا ... وطريقة تفكيرنا

اختلفت نظرتنا للاشياء
وحل التعقيد مكان البساطه
والتفكير الف مره مكان العفويه
اصبحت نظرتنا ضبابيه ...
لا نتعامل مع الاشياء كما نراها واضحه امامنا
وانما لابد ان نغلف كل الامور بورق السولفان
وننظر اليها من جوانب غير مرئيه ابدا ...
الا فى مخيلتنا نحن

[محمد الجزولى]

تفرح جدا اذا صافحك شخص ما بحميمه زائده
وانت لا تدرى ما يدبر لك بليل
تتمادى فى فرحك ... حتى يخيل لك ان الدنيا قد صارت بلون الورد
ثم تكتشف انك اخر من يعلم
لماذا صار التعامل بحسن نيه يعتبر ضربا من ضروب العباطه ؟؟؟
ولماذا ارتبطت الطيبه بالمسكنه ؟؟؟؟
ولماذا يطلق على من يحسن الظن بالناس انه ( على نياته ) ؟؟؟
موضوع للنقاش

[مدنيّة]

جزولي صباحك مبارك
---------------

حتي الاغنية الكنا بنرددها واحنا صغار اتغيرت
وبقت موكيت وتي شيرت وحاجات تانية

----------------
اسئلتك تقع تحت بند
اسئلة ليست للاجوبة

[عبدالرحمن مدثر]

اعوام تغرب من عمرى

وانا اكبر

دا مدخل للرائع محى الدين الفاتح وهو ياخذنا

فى سياحة جميلة عن انضر سنين العمر

بين الطفل الذى يحبو

واجمل شىء تلك الذاكرة الخربة كالغربال لاتحفظ شىء

ولا تحمل حقدا على احد

وعندما نكبر .. تكبر احلامنا اكيد

احاسيسنا اكيد

اطماعنا اكثر من اكيد

وتبدا المتاهة من نقطة حب الذات .. والانانية ..

والمنظار الخاص الذى يقرب كل من يتحدث بصوت الانا

والذات .. ويبعد الذات الاخرى

فلسفة الانا ياصديقى فلسفة غريبة

قوامها الاقصاء

وحواشيها الانانية

موضوع فى غاية الاهمية

تسجيل حضور يامنقة

بجى تانى

بتركيز شوية

[الفخيييم]

الاستاذ محمد الجزولي والمتداخلين تحياتي،،،،
موضوع جميل يحكي عن روعة الزمن الجميل
وما آل اليه الحال في الزمن الحالي مفارقات
عجيبة بين مفاهيم زمان والزمن الحالي الذي
أصفه بالزمن الاشتر في ظل انعدام كل جميل
وتغييب ملامح زمان بفعل فاعل العفوية وحسن
النية ..(قول للزمان ارجع يا زمان)...


تخريمة: حل السيراميك محل التراب
واصبحت الحياة متزحلقة فيه وبرضو
نمل ×نمل!!!

[بت مارنجان]

العزيز محمد الجزولي ...
حبوبة بتقول الزمن مااتغير لكن النفوس هي الاتغيرت ...
وماكان يحدث بالامس بصورة عفوية يؤول الان بمية معني ومية طريقة ...

بجيك راجعة تاني ..

[محمد الجزولى]

جزولي صباحك مبارك
---------------

حتي الاغنية الكنا بنرددها واحنا صغار اتغيرت
وبقت موكيت وتي شيرت وحاجات تانية

----------------
اسئلتك تقع تحت بند
اسئلة ليست للاجوبة

حتى وان اصبحت الاهزوجه
لما كنت صغير بلعب فى الموكيت
فهى ايضا تغنى بقلب صافى
وعيون تنظر للمستقبل

وايضا اغانى الكبار تغيرت ...

وصارت كلمات مثل قائد الاسطول ... ويا جميل يا مدلل لا تطرب جيلنا
هنالك كلمات جديده يتغنى بها .. ولكن ليس بقلوب صافيه
حتى اغنياتنا صارت ترمز لجوانب اخرى خفيه تماما
هى قطعا ليست التى عناها الشاعر عندما الف قصيدته
اتمنى ان اجد اجابه اختى مدنيه
صباحك جميل زانه مرورك الانيق هنا اختى مدنيه
مع اكيد ودى

[محمد الجزولى]

فلسفة الانا ياصديقى فلسفة غريبة

قوامها الاقصاء

وحواشيها الانانية

موضوع فى غاية الاهمية

تسجيل حضور يامنقة

بجى تانى

بتركيز شوية

الحبيب عبد الرحمن مدثر
الانا
الانانيه
كلمات موجوده منذ ان خلق الله الاض ومن عليها
ولكن استخدامها اختلف جدا
صرنا نفخر بانانيتنا
ونتفاخر بذكائنا فى التحليل وتفسير الامور كل على حسب ما يراه
لا ادرى ماذا دهى الناس
الحياه بسيطه جدا اخى عبد الرحمن
لماذا لا نأخذها على بساطتها
ولماذا التعقيد والاجتهاد فى تفسير البسيط
مرورك اسعدنى اخى عبد الرحمن
وفى انتظار هطولك مره اخرى
ولك تحياتى وحبى الصادق

[حاتم مرزوق]

المبدع جزولي صاحب الكلمة الرصينة

أجمل التحايا

الحنين الي الماضي !

قليلون هم الذين يرضّون بالحاضر ونحن أهل السودان مولعين بكل ماهو قديم وعتيق وأجمل كلمات شعرائنا وأدبائنا كانت في الذكريات وكل ذلك طبيعي لأن الفترة الجميلة التي تمر من عمر الإنسان لا تعود فالطفولة مرحلة مهمة شكلت جزءاً مهماً من شخصياتنا بل وضعت اللبنات الأولي لها ثم أتي ربيع العمر وشبابه فكانت تلك فترة الأمل والطموح والفتوة وهي فترة زاهرة تتفتح فيها عقولنا تدريجياً ولها جمالها وألقها أما إذا تجاوز الإنسان العقد الثالث من العمر وينظر للأجيال الصاعدة تأتي بما يختلف جملة وتفصيلاً يأسي علي الماضي الذي راح وهذا نفس ماحدث لأجدادنا وأبائنا حين كنا نصعد كأجيال واعدة وكانوا يراقبونا عن كثب.

إن الأجيال الجديدة لها رؤية مختلفة وحس مختلف وأيقاع مختلف..

فهم ينظرون إلينا حالياً بأننا (جلكّنا) من (جُلكين) وهي كلمة كانت تطلق علي الطاعنين في السن عندما يقفون حائلاً بينهم وتطلعات الشباب وهو بلا شك تعبير غاضب يعبر عن حالة رفض.

دندن أيها الرائع محمد الجزولي بأهازيج الطفولة ودعنا نغني معاً علي هوانا فللكل مساحة وفترة وزمن..

[محمد الجزولى]

تخريمة: حل السيراميك محل التراب
واصبحت الحياة متزحلقة فيه وبرضو
نمل ×نمل!!!

الجميل الفخيييم
رغم سواد التراب التى كنا نبنى بها بيوتنا
ونلتحفها فى صيفنا وشتاءنا
الا ان قلوبنا كانت بلون القطن الذى ينمو معنا حيث نبيت وناكل طعامنا
جاء السراميك ببياضه الناصع ... ولكن
ليس الامر مربوط بالتطور او الماضى اخى الفخيييم
ولكن هنالك شئ ما حدث لنا
اصبحنا نرى البياض سوادا
والتحيه والسلام تدخل فى شئوننا
والقلب الطيب صار اهبل هذه الزمان
تحياتى حبيبنا الفخييم
ومرورك اسعدنى جدا
لك كامل احترامى

[محمد الجزولى]

العزيز محمد الجزولي ...
حبوبة بتقول الزمن مااتغير لكن النفوس هي الاتغيرت ...
وماكان يحدث بالامس بصورة عفوية يؤول الان بمية معني ومية طريقة ...

بجيك راجعة تاني ..

الغاليه بت مارنجان
لقد لامست الحقيقه
اتعبنا التأويل جدا
كل يفسر على حسب هواه
يترك المعنى القريب ويجهد نفسه للوصول للمعنى البعيد
اصبحت الكلمه لها مئات المعانى
لماذا لا نفترض حسن النيه فى تعاملاتنا
لماذا نفترض المعنى البعيد حتى ولو اراد صاحبه المعنى القريب
هنالك كثير من الطيبين فى هذا الزمان
كما كان فى الماضى الكثير من الطيبين
ولكن صار الطيب فى زماننا هذا يسمى عبيطا
بينما كان سابقا يسمى ( بالطيب )
شفتى كيف الفرق
مرورك اسعدنى عزيزتى بت مارنجان
ويفرحنى وجودك هنا دائما
مع اكيد ودى واحترامى

[انور النور محمد]

زمنا الفينا ما بنفع تعالوا نعلم الشفع

الجميل محمد الجزولي
لك كل الود

[الجندي المجهول]

الرائع الحبيب محمد الجزولي ... تحياتي
والله موضوعك اكثر من رائع وجميل ونحتاج إليه في هذا الزمن الذي نحن عملنا على تغيير كثير من الاشياء الجميلة فيه

فلا اصبحت الابتسامة هي الابتسامة ذات الالق وذلك البريق الذي يسبقها بل اكتست لون اصفر باهت ولا اصبح الصديق نفسه هو الذي يقاسمك (درب الكينين) ولا اصبح الزميل هو نفسه الذي (يوقف الدنيا ) كلها على فرد رجل كي ينصفك
اصبح زمننا هذا يعج بانصاف المواهب (مثل فريق الهلال) كانت الصداقة والزمالة والابتسامة تفوز داخل الارض وخارجها ،، ولكن ..ماذا اصابنا الان ...

ود الجزولي انا غايتو عن نفسي لو ما جيت راجع لي موضوعك دا تاني اكيد بكون غلطاااااااان

تخريمة : صديق صدوق صادق الوعد ....... هههه وانا بقول كان زمان

لحن الختام : علمته الرماية ................... اريت كان رماني انا

[حاتم مرزوق]

غريبة؟

الجندي ما قال بمشي ويجي...:cool:

[ahmed algam]

غريبة؟

الجندي ما قال بمشي ويجي...:cool:



موش كده بالله


الغالي جدا الجزولي

تتغير العبارات بتغير الزمن

فقديما كان العب في التراب والان اصبح اللعب في الموكيت والسراميك


والزمن ماشي وسنسمع عن اشياء جديده

هكذا هو حال الدنيا

[مايسة]

محمد الجزولي سلالامات

موضوعك جميل جدا – جميعنا مرينا ونمر بهذا كل يوم –

كل ما تتعامل بهذا الصفاء – وبحسن نية – تنعت بالمسكنة – وفي احيان اخر بالهبل والعوارة كمان – ويعزي ذلك والله اعلم – للمتغيرات التي حولنا ولكمية الخداع التي نتعرض لها ان كان في الدولة عموما او حتي في المجتمعات الصغيرة .
للاسف ارتبطت الطيبة بالمسكنة في مفهومنا نحن السودانيين فقط – لدرجة اصبح يقولو ليك انت مسكين ولا شنو – يعني ما نااقش (فاهم) شئ – او بتتعامل بسجيتك – تعود الناس للاسف ايضا على المراوغة واعطاء الكلام الف معني ومعني – ودائما تذهب للمعني البعيد – مع انو المعني القريب دائما يكون مريح جدا وواضح – اذا افترض الجميع وتعاملو بقلوب صافية وابتعدو عن سوء الظن - ستختفي هذه الالقاب من مجتمعنا .

ولكن ايضا ستظل طفولتنا وزكرياتنا هي محركنا
انا اميرة حلوة وجميلة
اقوم من نومي .....

دمت واحترامااتي

[ود المطامير]

حبيبنا
لمّا كنت صغيرونى كانوا بقلوا على الدكتور ؟؟
علشان بكون دارع نبلتى فى رقبتى ذى السماعه

هع هع هع

[ود المطامير]

لمّا كنت صغيرونى وبلعب بالتراب

والغنم يجوا من السرحه وشاى المغرب

يا حليل لعب التراب .. هسى ولدى عمره أقل من سنتين .. قال داير لاب توب
جيل جديد وفهم جديد وعولمه وكدا

[محمد الجزولى]

دندن أيها الرائع محمد الجزولي بأهازيج الطفولة ودعنا نغني معاً علي هوانا فللكل مساحة وفترة وزمن..

الرائع حاتم مرزوق
اولا دعنى اهنئك هنا بوسام الابداع لحدى ما اجيك بى غادى
فانت قلم تفرح الاوسمه عندما تتوشح فيه
الطفوله اخى حاتم احساس مختلف كما قلت
ولكل جيل همومه واحلامه
ولكنى اتحسر هنا على اغتيال البراءه
فى كل زمان ومكان
تقدم حسن النيه فى تصرفات غيرك ولكن بدلا من شكرك
يقال لك ( انت لسه صغير ) ما فاهم حاجه
طيب يا ريت كلنا نفضل ( صغيرين ) حتى ننعم ببراءة الصغار
الحبيب حاتم
اسعدنى مرورك جدا
ولك ودى واحترامى

[محمد الجزولى]

زمنا الفينا ما بنفع تعالوا نعلم الشفع

الجميل محمد الجزولي
لك كل الود

صاحب القلم الدافى الحبيب انور
يا ريت والله لو اصبح حسن النيه وحسن الظن قانون يدرس
ويا ريت لو غرسنا فى اطفالنا حب الغير ونبذ الانانيه
ويا ريت لو شب الاطفال وهم يحملون قلوب الصغار
استفزنى موقف احد الاشخاص فى سوق مدنى الكبير عندما باع شئ يخصه بثمن قليل وعندما سالوه لماذا باعه بهذا الثمن قال لهم ( هذا ثمنه مع هامش الربح ) وانا راضى
فما كان من احد الموجودين الا ان قال لهم ( خلوه يا جماعه ده كبر بى جهلو )
يعنى الصدق والمصداقيه صار جهل
والغش والخداع اصبح فتونه ( وتفتيحه )
شفت كيف يا انور يا اخوى ... عجبى
اسعدنى مرورك جدا ايها الفنان انور
ولك اكيد حبى واحترامى

[محمد الجزولى]

فلا اصبحت الابتسامة هي الابتسامة ذات الالق وذلك البريق الذي يسبقها بل اكتست لون اصفر باهت ولا اصبح الصديق نفسه هو الذي يقاسمك (درب الكينين) ولا اصبح الزميل هو نفسه الذي (يوقف الدنيا ) كلها على فرد رجل كي ينصفك
ود الجزولي انا غايتو عن نفسي لو ما جيت راجع لي موضوعك دا تاني اكيد بكون غلطاااااااان

الحبيب الجندى
كما قلت اصبحت المصلحه هى التى تحكم سلوكنا
واصبحنا نقيس الاشياء بمقياس مصالحنا نحن ونظرتنا لذاتنا
دمت بكل الخير اخى الجندى
وفى انتظار عودتك
مع كامل احترامى

[Ehab.G]

الان الاغنيه اتغيرت وبقوا اغنو غيرها

شاطر شاطر

لك التحيه

[محمد علي شقدي]

تعريف البراءه في كل معاجم الدنيا هي الطفوله

تحياتي يا شباب ما بعد البراءه

[ود سعدابى]

لما كنت صغير بلعب فى التراب<o>:p</o>
ماما لبستنى الجزمه والشراب
<o>:p</o>
هكذا كنا نغنى صغارا بكل براءه <o>:p</o>
ضحكاتنا تسبق خطاوينا <o>:p</o>
وقلوبنا انصع بياضا من الحليب
..... ......<o>:p</o>

لمن كنا صغااار كنا بنلعب بالتراب لانو كانت نظرتنا للتراب انو تراب لاكن اتغيرت الان واصبحنا ننظر للتراب انو بقى زرات هيدروجينية تحمل في معيتها التراب والجراثيم
الاشياء تبدلت وقابله تبدل فى نظرتنا للاشياء محازير وترقبات لاشياء غير جيده آتية ونسينا كوة الامل الفاتحة

تحياتى ود الجزولى ايها الانسان الوريف

حتما سوف اعود

ود سعدابى

[محمد الجزولى]

غريبة؟

الجندي ما قال بمشي ويجي...:cool:

ههههههههه
تعرف يا حاتم الجندى خلانا عايشين مع لحن الختام ومشى
بجى ياخى .. بس اصبر عليهو شويه

[محمد الجزولى]

موش كده بالله




الغالي جدا الجزولي


تتغير العبارات بتغير الزمن


فقديما كان العب في التراب والان اصبح اللعب في الموكيت والسراميك



والزمن ماشي وسنسمع عن اشياء جديده



هكذا هو حال الدنيا

الحبيب احمد علقم
يتغير الزمن فعلا ولكن هنالك اساسيات يجب ان تظل وتبقى
وفى النهاية تظل السيره العطره وتبقى
شاكر لك مرورك اخى احمد
ولك كامل ودى واحترامى

[محمد الجزولى]

محمد الجزولي سلالامات
كل ما تتعامل بهذا الصفاء – وبحسن نية – تنعت بالمسكنة – وفي احيان اخر بالهبل والعوارة كمان – ويعزي ذلك والله اعلم – للمتغيرات التي حولنا ولكمية الخداع التي نتعرض لها ان كان في الدولة عموما او حتي في المجتمعات الصغيرة .
للاسف ارتبطت الطيبة بالمسكنة في مفهومنا نحن السودانيين فقط – لدرجة اصبح يقولو ليك انت مسكين ولا شنو – يعني ما نااقش (فاهم) شئ – او بتتعامل بسجيتك – تعود الناس للاسف ايضا على المراوغة واعطاء الكلام الف معني ومعني – ودائما تذهب للمعني البعيد – مع انو المعني القريب دائما يكون مريح جدا وواضح – اذا افترض الجميع وتعاملو بقلوب صافية وابتعدو عن سوء الظن - ستختفي هذه الالقاب من مجتمعنا .

ولكن ايضا ستظل طفولتنا وزكرياتنا هي محركنا
انا اميرة حلوة وجميلة
اقوم من نومي .....

دمت واحترامااتي

الاخت الكريمه مايسه

هذا هو مربط الفرس

لماذا دائما الناس تجتهد فى تاويل الكلام رغما من ان المعنى القريب للكلام اسهل واريح

بعض الناس لا تكتمل سعادته الا اذا وصف نفسه بانه قراء ما بين الحروف
طيب ياخى الحروف زاتها ماله .. ما هى المقصوده بعينها
لا ادرى لماذا لا نقدم حسن النيه فى تعاملاتنا فهى قطعا تريح المتلقى ومن حوله
مرورك اسعدنى اختى مايسه
ولكى كامل ودى واحترامى

[محمد الجزولى]

حبيبنا
لمّا كنت صغيرونى كانوا بقلوا على الدكتور ؟؟
علشان بكون دارع نبلتى فى رقبتى ذى السماعه

هع هع هع

ههههههههههه
ود المطامير يا حبيب
بس ما قلت لى النبله دى كنت بى تصطاد بيها شنو ؟؟؟
ما تقول لى طير بس ( هههه )

[محمد الجزولى]

لمّا كنت صغيرونى وبلعب بالتراب

والغنم يجوا من السرحه وشاى المغرب

يا حليل لعب التراب .. هسى ولدى عمره أقل من سنتين .. قال داير لاب توب
جيل جديد وفهم جديد وعولمه وكدا

تعرف يا ود المطامير يا اخوى الظاهر المشكله اصبحت فى التراب نفسه
يعنى اسى ارصفه وشوارع ظلط وموكيت
مرورك اسعدنى اخى ود المطامير
ودمت بكل الود

[بنت الرفاعي]

تحياتي أخي ود الجزولي بحجم نقاءك،
و قبل أن أخوض في أي حديث
تفضل هذه الكلمات والتي قالها أحد الشعراء منذ سنوات عديييدة:

صغيرين كنا والقلب كان طيب
حنينين كنا وحلمنا قريب
لا حلمنا نبني قصر
ولا سبقنا العصر
حلمنا أحلام صغنتوتة

زي أي اثنين بيكبروا كبرنا
نسينا أي حنين غيرنا تفكيرنا
وباعدنا وشرَّقنا وضحينا بأشواقنا

وفي زحمتك يا سنين بعنا ضمايرنا
غيرنا لون الوش
والحلم طار من العش
وزادوا أهل الغش ولاد وبنوتة


تغنت بهذه الكلمات الفنانة جواهر في بداياتها.

[بنت الرفاعي]

ما الفرق بين الشخص المسكين والشخص المُدَلِّج؟؟؟؟

[محمد الجزولى]

الان الاغنيه اتغيرت وبقوا اغنو غيرها

شاطر شاطر

لك التحيه

الاخ العزيز Ehab.G
ليست المشكله فى الكلمات
فيا ريت نغنى جميعا بقلوب ملؤها المحبه والرضا
ولنعش كلمات الاغتيه بكل عفويتها
شاكر لك مرورك الكريم الحبيب ايهاب
ولك كامل احترامى

[محمد الجزولى]

تعريف البراءه في كل معاجم الدنيا هي الطفوله

تحياتي يا شباب ما بعد البراءه

عزيزى محمد على شقدى
طبعا البراءه ارتبطت بالطفوله ولكنها قطعا ليست هى الطفوله فالبرءاه كغيرها من الصفات هي أمور موجودة فى القلب و على اللسان و الجوارح وغير مرتبطه بعمر ما والمقصود بالبراءه هنا تقديم حسن النيه فى تعاملاتنا واقوالنا
اسعدنى مرورك جدا اخى العزيز محمد
ولك كامل احترامى

[محمد الجزولى]

لمن كنا صغااار كنا بنلعب بالتراب لانو كانت نظرتنا للتراب انو تراب لاكن اتغيرت الان واصبحنا ننظر للتراب انو بقى زرات هيدروجينية تحمل في معيتها التراب والجراثيم
الاشياء تبدلت وقابله تبدل فى نظرتنا للاشياء محازير وترقبات لاشياء غير جيده آتية ونسينا كوة الامل الفاتحة

تحياتى ود الجزولى ايها الانسان الوريف

حتما سوف اعود

ود سعدابى


الجميل ود سعدابى
التغيير سنة الحياه ولا شىء يبقى على اصله
ولكن يبقى قول الشاعر
وإنما الأممُ الأخلاقُ ما بقيت *** فإن همو ذهبت أخلاقهم ذهبوا
هنالك اشياء جميله فينا يجب ان تبقى مع الزمان
شاكر لك مرورك الجميل اخى سعدابى

[محمد الجزولى]

وفي زحمتك يا سنين بعنا ضمايرنا
غيرنا لون الوش
والحلم طار من العش
وزادوا أهل الغش ولاد وبنوتة

تغنت بهذه الكلمات الفنانة جواهر في بداياتها.


تحياتى الاخت العزيزه مرام
كلمات جميله معبره
اكيد تختلف احلام الطفوله عن احلامنا ونحن كبار
لكن يظل النقاء وصفاء القلب غير مرتبط بمرحله عمريه معينه
شاكر مرورك الجميل اختى مرام
ولك كامل الاحترام

[محمد الجزولى]

ما الفرق بين الشخص المسكين والشخص المُدَلِّج؟؟؟؟

بعد البحث فى العم جوجل واخوانه الكرام وجدنا ان المدلج هو الشخص الذى يسير فى بداية الليل
وفى اعتقادى ان العلاقه بين الاثنين ان الناس اعتادت ان تبدا سفرها مع اخر الليل واول الصبح اما الذى يبدأ سيره فى اول الليل فقد عكس الايه ...
قال الشاعر
رب لحد قد صار لحداً مراراً
ضاحك من تزاحم الأضداد

ودفين على بقايا دفين
في طويل الأزمان والآباد

فاسأل الفرقدين عمن أحسا
من قبيل، وآنسا من بلاد

كم أقاما على زوال نهارً
وأنار المدلج في سواد

تعب كلها الحياة، فما أعجب
إلا من راغب في ازدياد

تحياتى اختى مرام

[ABUZAID]

حبيبنا الغالي
محمد الجزولي

كل الود والاحترام

لما كنت صغير

بلعب بالتراب
وظهر جيل العولمة

فعلا تطورت الدنيا
فسادت مصطلحات جديدة
وتهاوت مفاهيم قديمة
فكان الكمبيوتر
والانترنت
والبلاك بيري
حتى الاطفال . . .
تتطورت وتغيرت عندهم . . .
الاسماء والمفاهيم

فعلا . . .

اختلف الزمن تماما
فتوالت الخطوب بلا رحمة
وبعد كبرنا لسة بنتذكر . . .
لمن كنت صغير

بلعب بالتراب

ايام كانت للحياة حلاوة الروض المطير
وطهارة الموج الجميل وسحر شاطئه المنير

ايام لم نعرف من الدنيا سوى مرح السرور
وتتبع النحل الانيق وقطف تيجان الزهور

وبناء اكواخ الطفولة تحت اعشاش الطيور
نبني فتهدمها الرياح فلا نضج ولا نثور



ايام مدني الجميلة في الصغر

ومدني يا اجمل خبر


ظلت مدني ترعي كل الاجيال
بمختلف مفاهيمها وكلماتها

ولكنها اليوم . . .

لا تجد من يرعاها
ويقف على حالها

زبلت زهرتها
ونضب النيل الدافق فيها

كل ذلك من فعل ايدينا

شغلتنا الحياة عنها

فأكتوت مدينتنا. . .
صانعة الامجاد . . .
صانعة الرجال . . .
بنار التخلف والتقادم

اين نحن منها ؟ ؟ ؟
وماهو دورنا لترقيتها ؟ ؟ ؟


صرنا نهرب حتى من السؤال

[سموحة]

جد جزولي الطفول متعت الحياء .......... يارب ماتحرم بيت

من الاطفال ......... جد زكرتنا بالماضي ..................

وحقيق الطفول روعت الروح

[محمد الجزولى]

حبيبنا الغالي
محمد الجزولي


كل الود والاحترام


لما كنت صغير


بلعب بالتراب
وظهر جيل العولمة


فعلا تطورت الدنيا
فسادت مصطلحات جديدة
وتهاوت مفاهيم قديمة
فكان الكمبيوتر
والانترنت
والبلاك بيري
حتى الاطفال . . .
تتطورت وتغيرت عندهم . . .
الاسماء والمفاهيم


الحبيب ابو زيد
كنا صغارا فى الماضى
شفع غر ... نلعب ونلهو ... نغنى ونرقص
همنا الجرى ... والضحك ( والفرفشه )
ولكن كان هنالك ايضا - فى ذلك الزمان شيبا وشبابا ... يضحكون ملء اشداقهم ... تخرج الكلمه من افواههم فتؤخذ كما هى
يتشاركون فى افراحهم دون حتى دعوه من اصحاب الفرح ( يعنى مافى مجال لتأويل ما عزمنى ما بمشى ليهو )
الزمن هو الزمن اخى ابو زيد ... ولكن نحن من تغيرنا ..
اعجبنى قول احدهم فى نشيدة لما كنت صغير بلعب فى التراب فقد لاحظ اننا نؤصل ثقافة الاختلاف فى نفوس اطفالنا عندما تقول كلمات النشيده
مشيت للافندى قال لى اكتب عربى .. كتبت ليهو حساب
شفته كيف يا ابو زيد
ياخى المعلم يقول اكتب عربى ... ( عنادا ) فيهو يكتب حساب ..
تحياتى واحترامى العزيز جدا ابو زيد

[محمد الجزولى]

جد جزولي الطفول متعت الحياء .......... يارب ماتحرم بيت

من الاطفال ......... جد زكرتنا بالماضي ..................

وحقيق الطفول روعت الروح
فعلا اختى سموحه الطفوله احلى مراحل العمر ... حيث الطهر والنقاء .. واللعب واللهو
لا مجال للهموم ولا للاحزان ... انما فرح دائم مقيم ...
اسعدنى مرورك جدا سموحه وزينت كلماتك البوست
لك ودى وتحياتى واحترامى