هجمتني في يناير وكسرتني في مايو

[المسافر]

( فتاة ذات العشرون عام ) عرفوني بها في شهر يناير في واحد من تخاريج جامعة الجزيرة . . . وفي اللحظة ديك شفت معاها كل الألوان والتلوان ، وكمان شفت ألوان أول مرة أشفها في حياتي وفي أماكن غريبة من الوش ( الوجه ) ، ومثال ذلك لا للحصر ، بالله عليكم شفتوا ليكم ( حنك فيهو ماسك !!!! ) أنا شفت !!!!! وهنالك الكثير المثير ، وأكاد أجزم بأن كمية البدرة الموجودة على الخد الواحد فقط تكفي لمحل كوافير لمدة ستة شهور ، وأن في كل جزء من الوش لون مختلف ومستغرب ( وين لقت ليها علبة ألوان أو علبة مكياج فيها الألوان دي كلها ؟ ) ، ومن غير العادة لم أنسى أسمها وأسم أبوها أبداً ولن أنساهو . . . وبعدما شفتها حسيت بصدمة حضارية نسيت معاها كل جميل في هذا الكون برغم بهرجة الألوان ولوحة الفنان الزاهية هذه ( وبيني وبين نفسي قلت دي تشويه لخلقة الله ) . . . ومرات الساعات والأيام . . . . وذهبت صدفة لصلة رحم في حي ( مايو 40 ) محطة . . . . . جوار بقالة هناي ولقيت ( زولتي الما بتغباني زاتا ) وطبعاً عرفتها عن طريق أسمها ووجدت إنسانة فاتنة بكل مقاييس الجمال المحلية والعالمية طبعاً بدون ميك أب وبدون أي مواد حافظة أخرى .

يعني بإختصار كده كيفية وضع الميك أب وإرتداء ما هو مناسب يمكن أن يكون إضافة حقيقة لجمال المرأة ولكن العشوائية والخرمجة الساااااااي دي بتكون خصماً على جمال المرأة ( نحن هنا لسنا دعاة تبرج وفساد ) إنما أغلبية الجكس الحالي أصبح وضع الميك أب والحاجات دي أمر يتعلق بالثقة .

ولمزيد من التأكيد يمكن مطالعة قناة زول www.zoaltv.com

[بت الجزيرة]

www.zoaltv.com[/url][/COLOR][/SIZE]
مافهمنا حاجة البورد دا دعاية لقناة زول والا انتقاد للمكياج والا شنو الفكرة عشان نديك كومنت

[مايسة]

المسافر

صباحك زين

فعلا المكياج لدي البنات - او النساء عموما - اذا لم يوضع بالطريقة المناسبة والوقت المناسب كمان اصبح اضافة غير جميلة ابدا -
وبعدين الزمن اتغير ولا الحاصل شنو ما بعرف غايتو - زمان في السودان البنات نهائي لا يضعن اي مساحيق ولا اي نوع من الجماليات المصطنعة - وفي ذلك الوقت فعلا كانت هذه ميزة بين المرأة المتزوجة وغير المتزوجة -

اما الآن عينك ما تشوف الا النور - الواحدة طالعة من بيتهم - التقول ماشة حفلة - وللو دقو ليها دلوكة ترقص (عروس بث) - يا ربي يكون الحاصل شنو - دا كاو من القنوات المفتوحة دي والعالم المتطور تطور يخوف عديل كدا -

غير ذلك الواحدة لا تعي بخطورة هذه الكيماويات - فاغلبها مواد مسرطنه (حمانا الله) - مسببة لأمراض عدة -

ربنا يهدي الجميع بس - دمت

[محب]

اخوي المسافر بعد التحية وانت تأتي إلينا بالجديد المبهر


(( تعرف يا المسافر اخوي لمن اجي الواحد إعرس لازم إقول ليها غسلي وشك )) عشان تعرف الحاصل


علي حسب علمي ان الجكس أصبح في وضع الميك أب بدون فرز

[المسافر]

مافهمنا حاجة البورد دا دعاية لقناة زول والا انتقاد للمكياج والا شنو الفكرة عشان نديك كومنت

أختنا بت الجزيرة
عيشي اللحظة
وأي كومنت منك مقبول

[المسافر]

المسافر

صباحك زين

فعلا المكياج لدي البنات - او النساء عموما - اذا لم يوضع بالطريقة المناسبة والوقت المناسب كمان اصبح اضافة غير جميلة ابدا -
وبعدين الزمن اتغير ولا الحاصل شنو ما بعرف غايتو - زمان في السودان البنات نهائي لا يضعن اي مساحيق ولا اي نوع من الجماليات المصطنعة - وفي ذلك الوقت فعلا كانت هذه ميزة بين المرأة المتزوجة وغير المتزوجة -

اما الآن عينك ما تشوف الا النور - الواحدة طالعة من بيتهم - التقول ماشة حفلة - وللو دقو ليها دلوكة ترقص (عروس بث) - يا ربي يكون الحاصل شنو - دا كاو من القنوات المفتوحة دي والعالم المتطور تطور يخوف عديل كدا -

غير ذلك الواحدة لا تعي بخطورة هذه الكيماويات - فاغلبها مواد مسرطنه (حمانا الله) - مسببة لأمراض عدة -

ربنا يهدي الجميع بس - دمت


تحياتي مايسة
وصباحك فل

الغريبة جدا أن الحاجات دي ما بستعمولها
إلا البنات المتعلمات وتحديداً كده طبيبات
يعني ( القلم ما بزيل بلم ) !!!

وكذلك وجود بنات صغيرات جدا وهن بهذه
الحالة ، يعني واحدة في سادس إبتدائي
بتمشي المدرسة وفي شنطتها روج !!!
أها دي لما تمشي الجامعة أكيد بتغشى
الكوافير وبعدين تمشي للمحاضرة !!!!
وبجد ربنا يحفظنا ويسترنا

[بت الجزيرة]

أختنا بت الجزيرة
عيشي اللحظة
وأي كومنت منك مقبول
خفت اقول ليك بلا مكياج مابنتقابل تعتبرني مويدة للمكياج وزعلت لانك بنتقد قناة زول في نفس الوقت ختيت الرابط تبقى دعاية بالفة
معاك في ان الطبيعة مافي احلى منها لكن الموضة بتفرض نفسها واتحدى وحدة تجي تقول مابتخت مكياج ويبقى الاختلاف في الكمية والالوان وانسجامها مع بعض وشكل الوش
شكلك ناوي تتهرب من الكوافير والمكياج اوكريمات لشيلة بعدين كان ماعرست لسه

[المسافر]

اخوي المسافر بعد التحية وانت تأتي إلينا بالجديد المبهر

(( تعرف يا المسافر اخوي لمن اجي الواحد إعرس لازم إقول ليها غسلي وشك )) عشان تعرف الحاصل

علي حسب علمي ان الجكس أصبح في وضع الميك أب بدون فرز


تحياتي عزيزي محب

والله فكرتك دي حلوة بس للأسف عايز أقول ليك
أنو في حاجات جديدة ظهرت في السودان ( تركيب
وسيلكون . . . إلخ ) والحاجات دي إلا تغسلها ب ( جازلين )
حتن تعرف الحقيقة شنو ؟

[مايسة]

تحياتي عزيزي محب

والله فكرتك دي حلوة بس للأسف عايز أقول ليك
أنو في حاجات جديدة ظهرت في السودان ( تركيب
وسيلكون . . . إلخ ) والحاجات دي إلا تغسلها ب ( جازلين )
حتن تعرف الحقيقة شنو ؟


ههههههههههه

والله يا المسافر لقيتك مواكب كل التطورات ياخ

عشان كدا انت لحد هسه ما عرست - ياخ اتوكل ساااي - :mad:

ولا خايف من الغش دا - امشي جيب ليك واحدة طااازة من البلد احسن ليك - ما تكون شافت ولا سمعت - بس اعمل حسابك - لمن تفتح بعدين - دي المشكلة هنا - وحا تتعبك انت بالجد اول واحد :p:cool::o

[المسافر]

خفت اقول ليك بلا مكياج مابنتقابل تعتبرني مويدة للمكياج وزعلت لانك بنتقد قناة زول في نفس الوقت ختيت الرابط تبقى دعاية بالفة
معاك في ان الطبيعة مافي احلى منها لكن الموضة بتفرض نفسها واتحدى وحدة تجي تقول مابتخت مكياج ويبقى الاختلاف في الكمية والالوان وانسجامها مع بعض وشكل الوش
شكلك ناوي تتهرب من الكوافير والمكياج اوكريمات لشيلة بعدين كان ماعرست لسه


بت الجزيرة
طالما الموضوع عندو علاقة بالثقة أكيد حيبقى مقبول
وزي ما قلتي يكون بطريقة صحيحة ومناسبة للشكل
واللون . . .
واتفق معاك على أنه إنتشر بشكل خرافي وخصوصاً
بين البنات صغيرات السن وقرب على ناس ك.جي.

والرابط بتاع قناة زول جاء كده براهو وعلي بالطلاق
ما قصدي !!!!!

أما سؤال عن الكوفير ما كان في بالي لكن إنتي
وقعتي لي الفكرة دي هسه وحيكون من الشروط
الأساسية في عقد الزواج وخصوصاً الحنة الكل أسبوع
دي !!!!!!!!!

[المسافر]

ههههههههههه

والله يا المسافر لقيتك مواكب كل التطورات ياخ
عشان كدا انت لحد هسه ما عرست - ياخ اتوكل ساااي - :mad:
ولا خايف من الغش دا - امشي جيب ليك واحدة طااازة من البلد احسن ليك - ما تكون شافت ولا سمعت - بس اعمل حسابك - لمن تفتح بعدين - دي المشكلة هنا - وحا تتعبك انت بالجد اول واحد :p:cool::o

والله يا مايسة معلومات عامة بس !!!!!!!!!

وعشان كده أحسن تجيب ليك واحدة مفتحة
من هسه وتريح نفسك بس لازم تكون الإضافات
والحاجات التي تم تركيبها ( أصلية ) مش صينية
عشان بعدين ما تتفرتك . . . أها تقوم ترجعها
لأبوها يفرض يستلمها مفرتكة وتبقى في مشكلة
( إعادة صيانة وتركيب وطلاق ) !!!

[مايسة]

معاك في ان الطبيعة مافي احلى منها لكن الموضة بتفرض نفسها واتحدى وحدة تجي تقول مابتخت مكياج ويبقى الاختلاف في الكمية والالوان وانسجامها مع بعض وشكل الوش
شكلك ناوي تتهرب من الكوافير والمكياج اوكريمات لشيلة بعدين كان ماعرست لسه

اختي بت الجزيرة - ما في حاجة اسمها بتفرض نفسها ولا شئ - بالنسبة للفناة عموما - مسألة ثقتها في نفسها كافية جدا - ان كانت قليلة الجمال - او ذات حظ أوفر - (حباها الخالق به) .

يأتي هنا دور الاهل في تربية البت منذ صغرها - يجب ان يعززو ثقتها في نفسها ويشعروها بانها جميلة بدون اي اضافات تضر بصحتها - وان الجمال الحقيقي ياتي من روحها وينعكس في وجهها -

ههههه - استميحك في حته التحدي دي - حواء والدة يا بت امي - ويوجد من الفتيات من لم تضع ولا كحلة (على قول اهلنا ) في عينه لحد ما اتزوجت .

وهذا هو المفروض ان يحصل - لا ضير في ان تضع الفتاة بعض من المكياج - فقط للتحسين ولكن ان يكون نوع من التغيير الشكلي والضمني لخلقتها التي خلقها الله سبحانه وتعالي - هنا تكمن المشكلة -
ويا حليل زماااان - دمت يا غالية

[الفخيييم]

محلات قدر ظروفك لصاحبها المسافر....
عارف يا مسافر دي افرازات انو نحن
عرب والثقافة العربية التي لا تشبهنا
شكلاً وموضوعاً وطمث الهوية السودانية
حتي في المناهج التي كانت تدرس
كلها أمل وبدر ولا يوجد ميري ودينق
ومقاييس الجمال كلها عن الطول الفارع
والعيون الملونة والشعر الحريري واللون
الابيض وخلافه جميعها اسباب مجتمعه
أدت الي تفشي المساحيق في اوساط
البنات ليواكبن ما ذكرته عاليه وهي كارثة
إذ أن أجواء السودان غير صالحة لاستخدام
تلك المساحيق القادمة الينا من دول تختلف
عنا في كل شي لون وبشرة وطقس والمؤسف
انو البنات بيفضلوا اورفليم من السويد وهلم جرا
ما عارف علاقة السويد بالسودان شنو؟؟؟
الاجتهاد في تغيير لون البشرة وتفتحها بهكذا
مساحيق شوه اللون الجميل لاغلب فتيات بلادي
نسأل الله ان يقتنعوا بخلقة ربنا ويتنحوا عن فعل
هذا العبث الذي يضر بصحتهم كثيراً...


تخريمة: ما يكون بهرت بالألوان الكتيرة دي بس!!!
وما تتفرج في قناة زول كتير حتي لا تصاب بالحول!!!

[الفخيييم]

تلحيقة: إنت قاصد مايو الحي او الفريق
ولا مايو الثورة حدد لمن شوفت العنوان
قلت ده اكيد بوست سياسي يناير عيد
الاستقلال ومايو ثورة مايو بس شكلها
كده مايو بلد الريد والصيد خصوصاً 40!!!!

[بت الجزيرة]

اختي بت الجزيرة - ما في حاجة اسمها بتفرض نفسها ولا شئ - بالنسبة للفناة عموما - مسألة ثقتها في نفسها كافية جدا - ان كانت قليلة الجمال - او ذات حظ أوفر - (حباها الخالق به) .

يأتي هنا دور الاهل في تربية البت منذ صغرها - يجب ان يعززو ثقتها في نفسها ويشعروها بانها جميلة بدون اي اضافات تضر بصحتها - وان الجمال الحقيقي ياتي من روحها وينعكس في وجهها -

ههههه - استميحك في حته التحدي دي - حواء والدة يا بت امي - ويوجد من الفتيات من لم تضع ولا كحلة (على قول اهلنا ) في عينه لحد ما اتزوجت .

وهذا هو المفروض ان يحصل - لا ضير في ان تضع الفتاة بعض من المكياج - فقط للتحسين ولكن ان يكون نوع من التغيير الشكلي والضمني لخلقتها التي خلقها الله سبحانه وتعالي - هنا تكمن المشكلة -
ويا حليل زماااان - دمت يا غالية
مش لما نصل لمرحلة الثقة بالنفس في الاول
بدت مشكلة حقيقة في مكان تاني وهي ان البنت المابتعمل مكياج بعتبروها متخلفة رسمي ومامواكبة للموضة ومع كدا فعلا في بنات مابختوا ولا ذرة بودرة في وشهم وتحلفي تقولي عاملات ماركة عالمية من حلاة الوش ونضارته يااختي الغالية كلامي من باب المزاح في حتة التحدي لاني بعرف عشرات البنات المابختوا ولا حاجة في وشهم ومن اجمل بنات خلق الله

[الجندي المجهول]

حبيبنا المسافر ...
برغم معرفتي بك وصداقتي لك التي لا تحدها حدود والاخوة البينا دائمة باذن الله

سالتك بالله توريني بتعرف الكلام دا من وين (اسمع انا جاي ابوظبي) جاهز تستقبلني متين .

عموما الجمال الطبيعي زيو ماافي
تخريمة : المرأةالسودانية تفتقد لثقافة المكياج (والطبيعة زيها ماافي) واجمل ما يميز الكثيرات الابتعاد عن هذا المكياج
لحن الختام : انا ما بقطف زهورك بعاين بس بعين

[الفخيييم]

يا جندينا أطالب بحذف قسم النواعم
لعدم استيفاء الشروط وكده...!!!!!!



تخريمة:بطني طمت طمام شديد
من الكورة والبيشوف الجرايد يقول
بلدنا الأول علي مستوي العالم!!!
نركز علي المعشر الطيب وكفي!!!!!
جمال ده مافي يا اخوي ويا حليل
زهور الروض وجناين الشاطئ..

[مدناوية]

غايتو يا المسافر خليت المشاكل .. وبقيت تجيب لينا في المحن ..

أها حقو نغير ليك إسمك من مسافر مشاكل .. لي مسافر محن ..


لكن تصدق والله معاك حق .. يعني البت بتطلع من دغش الرحمن من بيتهم تحلف تقول الليلة عرس أخوها ...


رغم فيهم جمال ماليهو حد ... بس خاربنو بي الألوان الكتيرة وغير منسقة كمان ...


ربنا يهدينا ويهدي بناتنا وبنات المسلمين يارب ..

[بت أم درمان]

هو المسافر قصده يقول السودانيات
ما يعرفو يختو مكياج
ولا يعرفو يختارو الوان تتناسب
مع لونهم وبشرتهم وجو بلدهم
كمان ما يعرفو يختارو الاوقات المناسبة لوضع المكياج

وانا اؤيد كل القلته
لانه دا شي حقيقة
كل بشرة لها ما يناسبها
وحتى الان في السودان نقدر نقول
ان المكياج ثقافة دخيلة
والبنات لسه ما عارفين يتعاملو معاها

ملاحظة في شكل تخريمة : لاحظو للممثلات الخليجيات
ولاحظو للممثلات الاجنبيات
العرب يهتمو بوضع المكياج الصارخ والكثير بشكل فظيع
الاجنبيات يهتمو بالعناية بالبشرة اكثر من نظافة ونضارة وتنشيط للدورة الدموية
ووضع القليل من المكياج غير الملفت للنظر

يبقى المشكلة وين ؟

الثقافة من الناحية دي مهمة جدا
والعناية بالبشرة اكثر هو الاهم من الالوان البتوضع

[حنونة.]

عني بإختصار كده كيفية وضع الميك أب وإرتداء ما هو مناسب يمكن أن يكون إضافة حقيقة لجمال المرأة ولكن العشوائية والخرمجة الساااااااي دي بتكون خصماً على جمال المرأة ( نحن هنا لسنا دعاة تبرج وفساد ) إنما أغلبية الجكس الحالي أصبح وضع الميك أب والحاجات دي أمر يتعلق بالثقة .
بعد التحية والسلام كلامك اعلاه هو عين الحقيقية فالاناقة فى البساطة فمثلاً فى اماكن العمل لازم يكون ميك اب ابسط من البساطة وياحبذا لو اختصر على حاجة واحدة او اثنين مع اكسسوارات بسيطة اما فى المناسبات اكيد بكون فى نوع من التميز لكن برضو كل ماكان بسيط بتكون حواء اكثر شفافية وجمال ورقة بعدين كل شخصية بتختلف عن الاخرى فما يناسبنى قد لايناسب غيرى اذاً هنا مسالة الثقة تاتى باننى شخصية مميزة عن غيرى فابحث عما يناسبنى فقط
تخريمة. ياكرمبو شكلوا كده بيحضر برنامج اساتيلك فى قناة ابو ظبى عشان كده مثقف ، بعدين ماوريتنا مايو 40 ياتو محطة

[الفخيييم]

جنس شمارات يا حنونة
المحطة البعد آخر محطة
بالانابة عن الماح يسافر !!!!

[ام نوران]

يامسافر يااخوي المكياج فن بصمه نكهة زيوا وزي نكهة الحله والطبيخ ,,,عايز نفس.............

المشكله انهن مابعرفن يعملنوا وكمان بعملنوا في الشارع وده المشكل الاكبر,,,

وشكرا للموضوع

[ود المطامير]

مسافر مشاكل
مشتااااقين

المشكله فى المتزوجات ما كلهن لكن السواد الأعظم منهن ما بعملن الداهى دا إلا وهن طالعات
يعنى لو الواحده ماشيه مشوار ولأ مناسبه تعال شوف كل ألوان الطيف
لكن فى البيت .. ولا على الخاطر

[بت الجزيرة]

مسافر مشاكل
مشتااااقين

المشكله فى المتزوجات ما كلهن لكن السواد الأعظم منهن ما بعملن الداهى دا إلا وهن طالعات
يعنى لو الواحده ماشيه مشوار ولأ مناسبه تعال شوف كل ألوان الطيف
لكن فى البيت .. ولا على الخاطر
ملاحظة دقيقة جدا ومن واقع معاش كلامك صحيح مية المية ربنا يهديهن

[المسافر]

اختي بت الجزيرة - ما في حاجة اسمها بتفرض نفسها ولا شئ - بالنسبة للفناة عموما - مسألة ثقتها في نفسها كافية جدا - ان كانت قليلة الجمال - او ذات حظ أوفر - (حباها الخالق به) .

لكن للأسف الأغلبية حالياً أصبحن يعتمدن على مظهر الخارجي
في التعامل مع الأخر ، وذلك مسأل الجمال بعمل إضافات وبعض
التحسينات البديعية تزيد من قدرتهم وثقتهم في تعاملهم .


يأتي هنا دور الاهل في تربية البت منذ صغرها - يجب ان يعززو ثقتها في نفسها ويشعروها بانها جميلة بدون اي اضافات تضر بصحتها - وان الجمال الحقيقي ياتي من روحها وينعكس في وجهها -

للأسف إن التربية أصبحت من مهام الأم فقط وهنالك
غياب تام للأب بسبب ضغوط الحياة ، لذلك تجدي
الأم هي أكبر داعم لهذا التبربج ، ده إذا كانت هي
زاتا من النوع ده .


ههههه - استميحك في حته التحدي دي - حواء والدة يا بت امي - ويوجد من الفتيات من لم تضع ولا كحلة (على قول اهلنا ) في عينه لحد ما اتزوجت .

عليك الله يا مايسة طالما عرست تاني الكحل عشان شنو ؟

وهذا هو المفروض ان يحصل - لا ضير في ان تضع الفتاة بعض من المكياج - فقط للتحسين ولكن ان يكون نوع من التغيير الشكلي والضمني لخلقتها التي خلقها الله سبحانه وتعالي - هنا تكمن المشكلة -
ويا حليل زماااان - دمت يا غالية


يا حليل زمااااااان الودك والكركار وتف الشلوفة والشلوخ

[مايسة]

صباحك يا المسافر

والله يا المسافر - الحكاية خربانة كلو كلو -
وزي ما تفضل ود المطامير وقال انو الزوجة زاته بقت تستخدم المكياج فقط عندما تكون ذاهبة للخارج - زيارة ولا حفلة ولا اي كان - المهم تظبط وتبقي عشرة على عشرة -

وفعلا الام هي المصدر الاساسي والمثل الاعلي بالنسبة لبنتها - ولذلك وجب علينا نحن كامهات ان نضع افعالنا نصب اعيننا وان نقوم بالتصرفات السليمة لكي نخلق جيل سوي -

برا الشبكة : جد جد القصة دي اول امس الراجل بحضر في النيل الازرق -لما جابو مونيكا وليم - قال لزوجتو انتي ليه ما عاملة بودرة (هههه) - قالت ليهو ياخ انتي اصلها كدا - لونها كد:mad:ا ---عاد دا كلام هسه يا ود امي -

[ود المطامير]

ملاحظة دقيقة جدا ومن واقع معاش كلامك صحيح مية المية ربنا يهديهن

مشكوره أختى بت الجزيره

[المسافر]

محلات قدر ظروفك لصاحبها المسافر....
عارف يا مسافر دي افرازات انو نحن
عرب والثقافة العربية التي لا تشبهنا
شكلاً وموضوعاً وطمث الهوية السودانية
حتي في المناهج التي كانت تدرس
كلها أمل وبدر ولا يوجد ميري ودينق
ومقاييس الجمال كلها عن الطول الفارع
والعيون الملونة والشعر الحريري واللون
الابيض وخلافه جميعها اسباب مجتمعه
أدت الي تفشي المساحيق في اوساط
البنات ليواكبن ما ذكرته عاليه وهي كارثة
إذ أن أجواء السودان غير صالحة لاستخدام
تلك المساحيق القادمة الينا من دول تختلف
عنا في كل شي لون وبشرة وطقس والمؤسف
انو البنات بيفضلوا اورفليم من السويد وهلم جرا
ما عارف علاقة السويد بالسودان شنو؟؟؟
الاجتهاد في تغيير لون البشرة وتفتحها بهكذا
مساحيق شوه اللون الجميل لاغلب فتيات بلادي
نسأل الله ان يقتنعوا بخلقة ربنا ويتنحوا عن فعل
هذا العبث الذي يضر بصحتهم كثيراً...


تخريمة: ما يكون بهرت بالألوان الكتيرة دي بس!!!
وما تتفرج في قناة زول كتير حتي لا تصاب بالحول!!!


تحياتي يا الفخيييييييييم

عارف إنت رجعت إلى أصل الموضوع وكلامك مائة مائة
وكان يمكن أن نكون ( أجمل وأحسن الأفارقة ، بدل أن نكون
اسوء العرب ) .
جاريين وراء العرب ما لاقين منهم إلا طول اللسان وعنصرية
وأقرب مثل ما حدث ما قبل مباراة مصر والجزائرة في السودان
وما سمعناه من كرام وعنصرية من المصريين .

ودمت

تخريمة :
أسعار مقدر الظروف
مسيح كامل ب 500 جنية
مسيح وش ب 200 جنية
كحل ب 200 جنية
روج أحمر ب 250 جنية
روج زهري ب 500 جنية
بدرة ناعمة ب 500 جنيه
بدرة خشنة ب 300 جنية
مع وجود خصم كبير في الماسك

[المسافر]

تلحيقة: إنت قاصد مايو الحي او الفريق
ولا مايو الثورة حدد لمن شوفت العنوان
قلت ده اكيد بوست سياسي يناير عيد
الاستقلال ومايو ثورة مايو بس شكلها
كده مايو بلد الريد والصيد خصوصاً 40!!!!

كلام السياسة والله حرق لينا أعصابنا
ساااااااااااااي وكان أتكلمنا ولا سكتنا
جماعتك ديل قاعدين وإلى أبد الأبدين
قلنا أحسن نشوف الحنان ، عشان ما
تبقى علينا الأثنين لا سياسة ولا حنان

[المسافر]

غايتو يا المسافر خليت المشاكل .. وبقيت تجيب لينا في المحن ..
أها حقو نغير ليك إسمك من مسافر مشاكل .. لي مسافر محن ..
لكن تصدق والله معاك حق .. يعني البت بتطلع من دغش الرحمن من بيتهم تحلف تقول الليلة عرس أخوها ...
رغم فيهم جمال ماليهو حد ... بس خاربنو بي الألوان الكتيرة وغير منسقة كمان ...
ربنا يهدينا ويهدي بناتنا وبنات المسلمين يارب ..


مدناوية يا أختي
أول مرة أسمع بقصة النهار دي ومن دغش الرحمان
أنا كنت متوقع بالليل بس . . . بالله عشان كده
إنتشرت الشمسيات وسط الجكس اليومين ديل.

[المسافر]

هو المسافر قصده يقول السودانيات
ما يعرفو يختو مكياج
ولا يعرفو يختارو الوان تتناسب
مع لونهم وبشرتهم وجو بلدهم
كمان ما يعرفو يختارو الاوقات المناسبة لوضع المكياج

وانا اؤيد كل القلته
لانه دا شي حقيقة
كل بشرة لها ما يناسبها
وحتى الان في السودان نقدر نقول
ان المكياج ثقافة دخيلة
والبنات لسه ما عارفين يتعاملو معاها

ملاحظة في شكل تخريمة : لاحظو للممثلات الخليجيات
ولاحظو للممثلات الاجنبيات
العرب يهتمو بوضع المكياج الصارخ والكثير بشكل فظيع
الاجنبيات يهتمو بالعناية بالبشرة اكثر من نظافة ونضارة وتنشيط للدورة الدموية
ووضع القليل من المكياج غير الملفت للنظر

يبقى المشكلة وين ؟

الثقافة من الناحية دي مهمة جدا
والعناية بالبشرة اكثر هو الاهم من الالوان البتوضع

كلام زي الدهب ويا ريت تنتشر ثقافة الإهتمام
ويا ريت الجروع كمان للماضي يعني بدل الكريمات
المصنوعة من المواد الضارة والكيماويات نرجع إلى
الودك والكركار والعجين ( اللخوخة ) .

[المسافر]

بعد التحية والسلام كلامك اعلاه هو عين الحقيقية فالاناقة فى البساطة فمثلاً فى اماكن العمل لازم يكون ميك اب ابسط من البساطة وياحبذا لو اختصر على حاجة واحدة او اثنين مع اكسسوارات بسيطة اما فى المناسبات اكيد بكون فى نوع من التميز لكن برضو كل ماكان بسيط بتكون حواء اكثر شفافية وجمال ورقة بعدين كل شخصية بتختلف عن الاخرى فما يناسبنى قد لايناسب غيرى اذاً هنا مسالة الثقة تاتى باننى شخصية مميزة عن غيرى فابحث عما يناسبنى فقط
تخريمة. ياكرمبو شكلوا كده بيحضر برنامج اساتيلك فى قناة ابو ظبى عشان كده مثقف ، بعدين ماوريتنا مايو 40 ياتو محطة

تحياتي حنونة

بالفعل مفروض كل واحد تريد أن تضع مكياج أن تعرف
إمكانية المواد المستخدمة وأمكانياتها ، وأماكن النقص
عندها ، مع مراعاة مشاعر الأخرين لأن بالجد هناك
مكياج مستفز وأيضاً هناك المثير ، فيجب مراعاة أشياء
كثيرة قبل وضعه .

تخريمة
كان على الثقافة ، البركة في مدام سوسو !!!!!!!!!!!
شفتي محطة اللفة هناك في عمود نور ، تقومي
تلفي كده بتلقي خور ، تنطي الخور بتلقي ليك
حظيرة غنم تقومي تشمي يمين بتلقي ليك كوشة
قدام الكوشة طوالي في كوم تراب وجنبو طوب وتمشي
طوالي . . . بيتهم في مايو نص ياخيييييييييييييييييي

[المسافر]

جنس شمارات يا حنونة
المحطة البعد آخر محطة
بالانابة عن الماح يسافر !!!!

يا هو زاتو

[المسافر]

يامسافر يااخوي المكياج فن بصمه نكهة زيوا وزي نكهة الحله والطبيخ ,,,عايز نفس.............
المشكله انهن مابعرفن يعملنوا وكمان بعملنوا في الشارع وده المشكل الاكبر,,,
وشكرا للموضوع


آآآآآآآآآي والله عايز نفس ونفس عميق كمان
ومع أنهن ما بعرفن يعلمنوا مصرات جداً عليه
عشان كده اللوحة بتطلع ما ببتوصف .

[المسافر]

مسافر مشاكل
مشتااااقين

المشكله فى المتزوجات ما كلهن لكن السواد الأعظم منهن ما بعملن الداهى دا إلا وهن طالعات
يعنى لو الواحده ماشيه مشوار ولأ مناسبه تعال شوف كل ألوان الطيف
لكن فى البيت .. ولا على الخاطر

حبيب قلبي
والله مشتاقين

لكن مهام حصل ده ما برر عشان الواحد يعرس فوق مرتو

[المسافر]

ملاحظة دقيقة جدا ومن واقع معاش كلامك صحيح مية المية ربنا يهديهن

والله يا بت الجزيرة عمنا ود المطامير عايز يودينا إلى مكان تاني
وبعد شوية نخش في موضوع تعدد الزوجات وكمان شوية أسباب
الطلاق ، القصة حتكبر وبعدين ما بنقدر نوقفها وممكن تحصل
مشاكل في غنى عنها ، ولأ رأيك شنو؟

[حنونة.]

صباح الخير عمو الفخييييم ياخى انا برضو بتاعت شمارات كل الحكاية الوصف بتاع المسافر ده ذى السمعت بيه قبل كده ،ماقصرت خلاص عرفت المحطة لكن ماعارفة الوصف بتاعو الاخير ده جهجهنى حبة اهامداد سوسو دى ماعرفتها اول مرة اسمع بيها.

[الفخيييم]

صباح الخير عمو الفخييييم ياخى انا برضو بتاعت شمارات كل الحكاية الوصف بتاع المسافر ده ذى السمعت بيه قبل كده ،ماقصرت خلاص عرفت المحطة لكن ماعارفة الوصف بتاعو الاخير ده جهجهنى حبة اهامداد سوسو دى ماعرفتها اول مرة اسمع بيها.

صباح النور حنونة (شمارات)،،،
مدام سوسو رحلت حبيب الله
بعدين الزولة دي تكون جات زيارة
لناس في مايو لانو بنات مايو ما
بيحتاج يعملوا بودرة وجلبطة وكده!!!!

[المسافر]

صباحك يا المسافر

والله يا المسافر - الحكاية خربانة كلو كلو -
وزي ما تفضل ود المطامير وقال انو الزوجة زاته بقت تستخدم المكياج فقط عندما تكون ذاهبة للخارج - زيارة ولا حفلة ولا اي كان - المهم تظبط وتبقي عشرة على عشرة -
وفعلا الام هي المصدر الاساسي والمثل الاعلي بالنسبة لبنتها - ولذلك وجب علينا نحن كامهات ان نضع افعالنا نصب اعيننا وان نقوم بالتصرفات السليمة لكي نخلق جيل سوي -
برا الشبكة : جد جد القصة دي اول امس الراجل بحضر في النيل الازرق -لما جابو مونيكا وليم - قال لزوجتو انتي ليه ما عاملة بودرة (هههه) - قالت ليهو ياخ انتي اصلها كدا - لونها كد:mad:ا ---عاد دا كلام هسه يا ود امي -


تحياتي
موضوع الحريم والبعملوا في الرجال ده موضوع كبير جداً
وعايز قعدة ، لأن في حاجات كتيرة بتكون مستفزة جداً
وبداية بمثل هذه الأمور ونهاية بالبسمات في الحفلات
والكشير في البيت .

[ابوالنور]

قالو الثمح ثمح لو قام من النوم


والشين زي كده لو عمل السبعة وزمتا برضو ياهو ابوالنور

عاين انت بتنكت المواضيع دي من وين