<< ســودانير ... وجه الســـــودان الغـير مشـــرق >>

[nehroo]

سودانير وجه السودان الغير مشرق







لا أود العودة للتأريخ لتزيد حسرتي لذاك الشعار الذي تباكت الخطوط البريطانية في الحصول عليه بأي مبلغ ولم تستطيع ...


شركة الخطوط الجوية السودانية ( سودانير ) تصيبك مائة حسرة عندما تدخل على مكتبها لتقارنه بأصغر وكالة سفر وسياحة نظاماً وخدمةً وإستقبالاً وحتى مصداقيةً.






عرضت سودانير على الجالية السودانية في المنطقة الشرقية إبان إحتفالها الأخير بإستقلال السودان تذكرتي سفر تقدمان كجائزة مجانية أثناء الحفل للحضور نظير الترويج لسودانير أمام ذلك الحشد الكبير من الجالية السودانية وقد كان, وأمام الأشهاد كانت اللوحات التي تحمل شعار سودانير في ذلك اليوم حضوراً قوياً وقد صممتها بنفسي, ولم يبخل المقدم وعلى مكبرات الصوت بإسم سودانير تقدم الجوائز المجانية.






وتم السحب بعد ذلك على الجوائز ومن ضمنها تذكرتي سودانير المجانيتين, ولأول مرة يحالفني الحظ وكان نصيبي إحدي هاتين التذكرتين المجانيتين من سودانير. نعم هو الحظ يأتيني من ناحية سودانير.






بعد إسبوع تقريباً تحركت لمكتبهم بالدمام فكان الإستقبال فاتراً كالعادة فتحدثت مع الموظف عن الموضوع الذي من أجله حضرت, وهي تذكرتكم المجانية التي حظيت بها أثناء ذلك الإحتفال, فقال لي دقيقة وأصبح يقلب في الأوراق وقتاً ثم أخرج ورقة وقال نعم هذي.




فذكرت له رغبتي في التبرع بهذه التذكرة لأحد الأيتام ( تذاكر سفري أتحصل عليها من الشركة التي أعمل بها ) فرد علي جازماً بعدم إمكانية ذلك وحدثني بأن الأخ الآخر الذي فاز بالتذكرة الثانية حضر هنا ليستخرج التذكرة لإبنته الطالبة في السودان وقد رفضنا ذلك, ثم طالبني بالإقامة ووجد إسم نهرو غير موجود على الإقامة وقال لايمكن أن أستخرج لك التذكرة وبعد طول نقاش قال سأرفع هذا الإسم للإدارة على أن تعاودني بعد فترة فودعته وانصرفت.







خلال هذا الإسبوع دلفت لمكتبهم مرة أخرى علني أجد خبراً يسعد, فحييت نفس الموظف وذكرته بالتأريخ فقال لي ( الزمن ده كلوا دايرة تكون لسه قاعدة ) فقلت له ( نعم في الحفظ والصون ) وفي هذه المرة طال البحث عن الورقة كثيراً مابين الداخل والخارج حينها سرحت بالأفكار والمقارنات وسألت نفسي مافائدة هذه الأجهزة الكمبيوترية لديهم؟؟؟ .. وبعد طول إنتظار جاءني الفرج من الداخل يحمل الورقة ثم طالبني مرة أخرى بالإقامة ليصورها ويعيدها ويسألني عن موعد السفر فأجبته لم أحدد زمناً ولكني أحسب أنها مفتوحة, فسحب دفتراً من دفاتر التذاكر التي أمامه ليعبئه بالقلم الجاف ثم يأخذ التلفون ويتصل على إدارته كما فهمت من الحوار ويسأله عن أمر هذه التذكر هل هي كذا أم كذا يضع الخيارات والشخص الذي في الطرف الآخر وأعتقد إسمه عمار يجيبه مابين هذه الخيارات فينهي المكالمة ويأخذ الآلة الحاسبة ويقول: مطلوب منك دفع مبلغ يقارب (400) ريالاً سعودياً فإبتسمت وقلت له هي مجانية ولا مدفوعة القيمة ؟ قال: مجانية بس دي ضرائب فسألته: هي التذكرة قيمتها كم عشان تكون ضرائبها تقارب (400) ريالاً.. قال التذكرة (2450) ريال .. فقلت له بالله عليك لا أطالبك بالسؤال عن قيمة تذاكر شركتي سما وناس للخرطوم التي تعرضها هذه الأيام بمبلغ (199) ريالاً ويكفي هذا المبلغ الذي تطالب به بتذكرة ذهاب وعودة عليها ولكن أطالبك أن تسأل عن قيمة تذاكر الشركات الأخرى التي لا توجد مقارنة بينها وبين شركتكم في الخدمات والإلتزام بالمواعيد ثم بعد ذلك قل أن قيمة التذكرة من الرياض للخرطوم (2450) ريالأ.






سؤال كبير لسودانير وللجالية كيف تكون الجائزة تذكرة مجانية كما جاء إعلانها أمام كل الحضور ويدفع عليها الفائز (400) ريالاً ؟؟؟؟؟






وياحسرة على ناقلنا الوطني ووجهنا المشرق أمام هذه المنافسة التي خرجتم منها دون عودة.







محمد نهــرو
نائب الأمين العام للجالية السودانية بالمنطقة الشرقية

[سواااح]

الفنان .. نهرو ..
سودانير عودتنا على الخذلان في كل شي
عودتنا اننا نتعلم ان لا نثق بها
عودتنا ان الاخرون يمضون للامام
وهي كل يوم خطواتها تتراجع بها.

[محمد علي شقدي]

تضامنا معك يا نهرو في محنتك العجيبه

وكامل تضامنا مع الشعب السوداني الذي تحمل اسمه سودانير

دعني احكي لك هذه الحكايه علها تزيد من عذابك ولا تخفف عليك الا القليل

في احدى الرحلات من الرياض الي الخرطوم وبعد فتح الميزان للعفش

جاء رجل اسر الي الرئيس الاقليمي بحديث ولكنه للاسف كان مسموع جدا

قال له ان طائرتنا لم تغادر جده بعد

انتهره صاحبنا المدير بشكل مزعج وقال ليه ما كلمتوني قبل ما افتح الميزان

اتضح لنا من خلال الانتظار المرير ان الطائرة تعطلت في جده قبل ان تذهب الي الخرطوم

لتحمل ركاب ثم من بعد بسلامتها تاتي الي الرياض لتحملنا وتعود بنا

وبالتاكيد انك تعلم ان هناك فقط رحلتان في الاسبوع من الرياض

كلما يذكر احد سودانير او اقراء شئ عنها اتذكر صاحبنا المدير الاقلمي وهو يقول لي ما كلمتني

بالله عليك يا نهرو لو انا مشرف علي احد باصات المزاد القديمه الصدءه المكتوب عليها من الخلف ادهم بخط سئ

ما بعرف الباص معطل وين ولماذا بلاحساس بس خليك من التلفون

[حاتم مرزوق]

العزيز نهرو

نفس الدردرة والبشتنة بتاعت السفر وأنت سيد العارفين ... ولو داير كلامي يا نهرو ركز علي سما و ناس !!

http://www.ibtesama.com/vb/imgcache2/59556.gif
يمكن ليلاً باكر يطلع اجمل

[معتزودمدنى]

اخونا العزيز نهرو
اذا كانت التذكرة ذهاب وعودة من الرياض
انصحك ادفع الاربعمائة ريال، دة من حيث المبدأ.
اما طريقة سودانير فى النصب والتحايل ليست بالجديدة
اذكر قبل عدة سنوات عندما فاز احد المتسابقين بجائزة عبارة عن سيارة مقدمة من تلفزيون السودان.
و عند ذهابه لاستلام السيارة طالبوه بالذهاب اولاً لمصلحة الجمارك لدفع جمارك السيارة !!!!
قمة الاستهبال والاستخفاف بالمواطنين تمارسه مؤسسات الدولة فى السودان.
شخصياً لا احترم سودانير على الاطلاق ولا اتعامل معها
لانها شركة لاتحترم آدمية المواطن السودانى.
والآن وبعد دخول طيران ناس وسما وصن اير فى خط المنافسة، اتوقع ان تُمنى سودانير بخسائر فادحة.
بس فى ملاحظة صغيرة : انصحكم عند السفر بطيران سما او ناس (العفش لايزيد عن عشرين كيلو)
عشرين ونص كيلو حيدفعوك، الكلام دة عن تجربة سفر مريرة مع مايُعرف بطيران سما، من الرياض الى دمشق.
دى قصة طويلة وبايخة وسودانير بى سجمها ورمادها اخير من طيران سما.
لو عندكم زمن ممكن احكى ليكم قصتى مع طيران سما.
مودتى بلا حدود

[محمد حسين (المميز)]

الزعيـــم نهــروا وكـل المتداخليـــن

تحيـــــــاتي لكم

أمــــا سـوداسجـــم

فأنا ممن ضاق المر فيها

مآسي في مآسي ماعاوز احكي ولا اقول لانه السيره دي بتعفرتني وبتخليني افقد المنطق

وبعدين يانهرو ده نصب واحتيال واستهزاء بنا




تيك اوف:- سمعنا قال ايه انه شركة طيران الامارات قال ايه عاوزه تشتري سودانير
غايتو كان حصل الله يستر على اضخم شركة طيران في العالم:p

[عادل على]

العزيز نهرو

لم تعد سودانير الناقل الوطنى بل تم بيعها فى سوق الله أكبر بدواعى الخصخصة حقت عبد الرحيم حمدى تم شراؤها من قبل شركة عارف و هى كويتية تملك نسبة مئوية كبيرة مما أهلها لحق الأدارة يعنى بالعربى شركة خاصة .
بالنسبة لجائزتك أنت ما ضبحت ليها خرووووف عشان كدا أن شاء الله يدفوعك 4000 ريال . بعدين يا أخى الأدوك التذكرة دى ما ترجع ليهم و هم يتحملوا كل حاجة ما دام قالوا تذكرة مجانية ما هم بتحملوا هباب كثير غالبهم تذكرتك دى . المهم بعد ما تحل مشكلتك و تاكد الحجز أدينا خبر عشان نجهز الشنط قالووووووووووووووووووا بدوك وزن كثير مجانى فرصة و نستغلها .


كامل تضامنى معاك يا نهرووو

[nehroo]

الفنان .. نهرو ..
سودانير عودتنا على الخذلان في كل شي
عودتنا اننا نتعلم ان لا نثق بها
عودتنا ان الاخرون يمضون للامام
وهي كل يوم خطواتها تتراجع بها.

أخي سواح
خزلان وسوء خدمة ونظام وعدم مصداقية
نطالبهم بسحب إسم السودان منها
وليسموها سوء إير عندها لن نسألهم

[بنت الرفاعي]

الله يعينك أخي نهرو، و أول مرة نسمع بهدية شبه مجانية، وفيها ضريبة (هو بعد سعر التذكرة ده كلو في ضريبة بتندفع؟؟؟!!!!):confused:


إذا كان أغلب الناس رغم البهدلة دي كُلها بيسافروا بيها،
كيف حتحس بالمسؤولية، وأخطاءها؟؟
والناس كدة كدة بيقولوا مجبورين يحجزوا فيها علشان الوزن، يعني هم عاجبهم الحال، وديلك طبيعي عاجبهم الحال!
لحدي الآن كل ما أتذكر أول (وإن شاءالله تكون آخر سفرة لي بيها قبل ما يُقارب السبع سنوات)، بتغاظ بالرغم من أنها ما اتأخرت كثيراً، لكن جابوا ليهم طائرة الظاهر عليها أول وأصغر وأضيق طائرة في العالم، والمفروض التذاكر العائلية، تكون مقاعدها في نفس الصف، هم لا كل فرد من العائلة في مكان، الظريفة الناس زهجانة وتتأفف من الطائرة وضيقها، و أغلب الناس قالت دي آخر مرة تركب طائرة سودانية، واحد من الركاب المُتفائلين(لكن برضو كان زهجاااااااااااااااااااااان) قال بما معناه إنو بتقولوا كدة وتاني تحجزوا فيها!!!!:D:D:D
غايتو قدر الله وما شاء فعل.
والله يصلح الحال.

والسؤال البسيط الذي يطرح نفسه:
إلى متى سيظل حال (فضائحير، سودان أولد ستريتباص، سوداسِمِير) هكذا؟؟!!

[حاتم مرزوق]

من ناحية ثقافية .. لا بد أن نتخلص من الوزن الزائد و بالتالي نتخلص من سودانير نهائياً ..

أتمني لو بيعت سودانير للأماراتيين غير مأسوفاً عليها !!

طائرة بوينج 380 تحمل علي متنها 800 راكب يمكن أن تحل مشاكلنا في أسبوع واحد..

والطيران إمكانيات وسودانير لا تملك إمكانيات تؤهلها للمنافسة في سوق الطيران وعليه يجب عليها أن تحترم نفسها وتنسحب من المنافسة كما يجب علينا نحن كركاب أن نحترم أنفسنا طالما أننا ندفع من جيوبنا وليس هناك ما يدعونا للبهدلة .. لقد شجعنا الناقل الوطني بما يكفي ولكنه (مرمِي) لن يرتفع أبداً .

يجب فتح السوق لكافة شركات الطيران لتعمل في خط السودان خلال الموسم ويجب ان لا نعاني في سبيل وصولنا الي أهلنا والعودة منهم كبقية خلق الله.

[محمد الجزولى]

والطيران إمكانيات وسودانير لا تملك إمكانيات تؤهلها للمنافسة في سوق الطيران وعليه يجب عليها أن تحترم نفسها وتنسحب من المنافسة كما يجب علينا نحن كركاب أن نحترم أنفسنا طالما أننا ندفع من جيوبنا وليس هناك ما يدعونا للبهدلة .. لقد شجعنا الناقل الوطني بما يكفي ولكنه (مرمِي) لن يرتفع أبداً .
.

الحبيب حاتم
مشكلة سودانير ارى انها ليست فى الامكانيات ولكن مشكلة سودانير كحال كل قطاعاتنا الخدميه مشكلتها العامل البشرى الذى يعمل فيها
بصراحه نحن السودانيين نتعامل بطريقة غريبه جدا فى ادراه دولاب العمل ... عدم التزام ... وعدم احترام للوقت ... وتسيب عجيب
يعنى لو الطائره متأخره هل اعلام الناس بهذا التأخير يحتاج الى امكانيات ... هل الالتزام بمواعيد الاقلاع يحتاج الى امكانيات
لو سودانير تمتلك طائره واحده فقط واستطاعت ان تسيرها بحنكه والتزام لكانت اكتسبت احترام الجميع
تصدق يا حاتم انا قبل كده عاوز احجز عن طريق التلفون فى مكتبهم بدبى .. ثلاثه ايام مافى زول برد على التلفون رغم ان كل خطوط الطيران تستطيع ان تحجز عن طريق مكالمه .. ياخى قمة التسيب والاهمال ... المشكله مشلكة ثقافة الالتزام والوقت عند السودانيين عموما الحبيب حاتم
انا لو مكانك اخى نهرو لتمسكت بحقى فى التذكره المجانيه وصعدت الامر لاعلى الجهات لان هذا نصب واضح وعدم جديه فى النهوض بسودانيير

تحياتى اخى العزيز نهرو

[nehroo]

جاءني على الإيميل مايلي من الأستاذ الصحفي عبد الله علقم رداً علي في هذا الموضوع

سودانير تغرق مع عارف
وعارف هذه هي مجموعة عارف الاستثمارية الكويتية التي آل إليها مصير الخطوط الجوية السودانية بعد أن شروها بثمن بخس ، ملايين قليلة من الدولارات وكان القوم فيها من الزاهدين. ادعوا أول الأمر إن السيد الجديد يملك 49% فقط من الأسهم ، وأن بقية الأسهم موزعة بين طرف وطني يملك 21% منها ، و30% تملكها الدولة السودانية ، ولكن عند الجرد النهائي للحساب ، وحسب المصادر الكويتية المعنية، تبين أن المساهم الوطني ما هو إلا كيان مملوك لمجموعة عارف وبذلك تكون المحصلة النهائية أن مجموعة عارف تملك فعليا 70% من شركة الخطوط الجوية السودانية.

هل كانت مجموعة عارف الاستثمارية الكويتية هي الجهة التي ستحقق لسودانير في أي وقت من الأوقات ما هو منتظر من تطوير للقدرات والبنية التحتية وتوسيع وتحديث الأسطول؟ وهل تملك هذه المجموعة الملاءة المالية اللازمة للقيام بهذه المهمة إذا افترضنا أنها تملك التقنية والخبرة في مجال الطيران، وهو افتراض ليس له من سند؟ يقول الموقع الالكتروني لمركز أخبار الصناعة المالية الإسلامية (الكويتي)، نقلا عن مسئول في مجموعة عارف إن استثمارات المجموعة في السودان قد بلغت في نهاية عام 2009م مليار ونصف من الدولارات ، وستزيد هذه الاستثمارات بمبلغ 500 مليون دولار ،أي بنسبة 25% ، وأن المجموعة تملك 70% من الخطوط الجوية السودانية والنقل النهري ونسبة 51% من شركة هجليج للخدمات البترولية والاستثمار التي اشترتها بمبلغ 60 مليون دولار. وفي نفس الوقت نجد أن مجموعة عارف غارقة في الديون والإخفاق، فقد تجاوزت خسائرها في التسعة أشهر الأولى من عام 2009م 55 مليون دينار كويتي بخسارة قدرها 52 فلسا للسهم الواحد ، بينما سجلت المجموعة خسائر بأكثر من 17 مليون دينار كويتي في الربع الثالث وحده من عام 2009م بخسارة 16 فلسا للسهم الواحد في نفس المجموعة ، حسب صحيفة السياسة الكويتية. هذا فضلا عن أن مجموعة عارف مديونة لعدد من البنوك الكويتية بمبلغ 450 مليون دولار أمريكي وتم الإتفاق مؤخرا على إعادة جدولة هذه الديون وتحويلها من ديون قصيرة الأجل إلى ديون طويلة الأجل تدفع في فترة تتاروح بين 18 شهرا و خمس سنوات، تسعى المجموعة خلالها إلى إعادة هيكلة استثماراتها وتسييل وتصفية بعضها كما فعلت وتفعل في المملكة العربية السعودية، فضلا عن التزام البنوك الكويتية بسداد كل مديونية المجموعة للبنوك الأجنبية والتي لم يعلن عن حجمها بعد.والحال كذلك، هل تستطيع مجموعة عارف فعلا ضخ خمسمائة مليون دولار في استثماراتها في السودان في سنة 2010م هذه كما يدعي أو يعد الناطق باسمها؟
الخلاصة أو الحقيقة التي يتأخر الكشف عنها ولكنها تأتي آخر الأمر (دونما حاجة لدرس عصر)، أن مجموعة عارف الاستثمارية غارقة في مشاكلها مع الدائنين وما يعقب ذلك من تداعيات غير حميدة أقلها إعادة هيكلة المجموعة وإعادة جدولة ديونها وتسييل أصولها. في الواقع لم تكن مجموعة عارف في الأساس خيارا صحيحا على الإطلاق للشراكة الاستراتيجية مع سودانير، وقد كان ربط حاضر ومستقبل سودانير بمجموعة عارف خطأ كبيرا وقع فيه من بيدهم الأمر عن عمد أو عن غفلة، والمحصلة النهائية .. مجموعة عارف تغرق الآن وسودانير تغرق معها.
وبالتأكيد هناك أكثر من حل ذكي لانتشال سودانير.

[nehroo]

انتهره صاحبنا المدير بشكل مزعج وقال ليه ما كلمتوني قبل ما افتح الميزان



أخي محمد علي شقدي
موقف عجيب حقاً .. في زمن الشركات المنافسة وصلت قمة التقنية في المتابعة
حيث تستطيع الحجز وإستخراج تذكرتك من النت ( التذكرة الإلكترونية )
وصاحبنا هنا سحب دفتر التذكرة وعباه لي بقلم الجاف والله..

في هذا الإسبوع عندي شخص مسافر الرياض من الدمام بالقطار ( دع الطائرة )
عملت ليه الحجز والتذكرة من النت ( لقطار الدمام الرياض )
فما كان عليه غير الذهاب في الوقت المحدد والصعود للقطار
ونحن وين ؟؟؟

[nehroo]

العزيز نهرو

نفس الدردرة والبشتنة بتاعت السفر وأنت سيد العارفين ... ولو داير كلامي يا نهرو ركز علي سما و ناس !!

يمكن ليلاً باكر يطلع اجمل

الحبيب حاتم
تعرف عمري ما فكرت أبداً في سودانير
التذكرة كنت أتمنى أن يسمحوا لي لإعطاءها لأحد الأيتام أو شخص في حوجة ماسة لها
لكنهم رفضوا إلا أن أستغلها أنا شخصياً
وأنا جميع تذاكري متوفرة من الشركة التي أعمل بها
بس قلت أشوف آخرهم
أنا شاعر من الأول بضعوا في العراقيل لنتنازل عنها
لكن شكلي ما حا أتركها لهم.

[nehroo]

اخونا العزيز نهرو
اذا كانت التذكرة ذهاب وعودة من الرياض
انصحك ادفع الاربعمائة ريال، دة من حيث المبدأ.

مودتى بلا حدود

التذكرة الرياض الخرطوم الرياض
لا تهم الاربعمائة ريال بس من حيث المبدأ
هذه التذكرة قدمت بإسم جائزة مجانية
أنا طبعاً لم أذكر له أني في الجالية السودانية
ولكن هذا العرض أتى ونحن في إجتماع للجالية وللإعداد لهذا الإحتفال
ولم يذكر أن التذكرة يتحمل الفائز مبلغاً معيناً

تعرف يا معتز سودانير دي زاتا بقت تخوف..

[nehroo]

[CENTER]
[COLOR="Red"][SIZE="4"]

تيك اوف:- سمعنا قال ايه انه شركة طيران الامارات قال ايه عاوزه تشتري سودانير
غايتو كان حصل الله يستر على اضخم شركة طيران في العالم:p

الأخ المميز
الإشتراها أول غلبتوا ولا شنو ؟

[nehroo]

العزيز نهرو

لم تعد سودانير الناقل الوطنى بل تم بيعها فى سوق الله أكبر بدواعى الخصخصة حقت عبد الرحيم حمدى تم شراؤها من قبل شركة عارف و هى كويتية تملك نسبة مئوية كبيرة مما أهلها لحق الأدارة يعنى بالعربى شركة خاصة .
بالنسبة لجائزتك أنت ما ضبحت ليها خرووووف عشان كدا أن شاء الله يدفوعك 4000 ريال . بعدين يا أخى الأدوك التذكرة دى ما ترجع ليهم و هم يتحملوا كل حاجة ما دام قالوا تذكرة مجانية ما هم بتحملوا هباب كثير غالبهم تذكرتك دى . المهم بعد ما تحل مشكلتك و تاكد الحجز أدينا خبر عشان نجهز الشنط قالووووووووووووووووووا بدوك وزن كثير مجانى فرصة و نستغلها .


كامل تضامنى معاك يا نهرووو

العزيز عادل علي
هههه الخروف جاي بعد نستلم
حا أحملهم ليها يا حبيب وقد أبلغتهم بذلك ( عثمان + هشام )
ويا زول جهز عفشك ساي وأعتبروا وصل ..
مشكور يا غالي.

[الجندي المجهول]

عزيزنا الفنان المبدع نهرووووووو صباح الخير ،،
حقيقة موضوع سودانير دا موضوع يبكي الزول من جوة قلبوا وبحرقة كمان ،،،،

لا اعرف أين المشكلة حتي تتأخر الطائرة في كل سفرية السبب شنو ؟

ليس من المنطق ومن المعقول ان تتاخر الطائرة كل سفرية ؟

اوريكم السبب انا وعررفته بعد خرااج رووح ومن مصدر موثوق ..

هل تصدقوا ان طائرتناالسودانية شغالة بالقطعة ؟
أي بمعني...
يعني مثلا الطائرة الان موجودة بمطار الخرطوم ومرفروض تاتي إلى الرياض ولكن فجاة ياتها تلفون من انجمينا بان هنالك ركاب كثر فيتغير اتجاهها وهكذا يعني سفرية داخل سفرية ومن هنا سبب التاخير ... عرفتو السبب ولا ارشرحوا تاني ...

تخريمة : الموضوع يحتاج لشخص وجيع وقلبه على الوطن وعلى المواطن ،،، ولكن يا سما وناس جوكم ناس كتار خلاص وخلي سودانير تشتغل

المزاد السوق او الدرجة السوق وبالعكس ....... ناس مارنجان وبركااات كداري بس
لحن الختام : حبيبي حاب رحلة بين طيات السحاب حبيبي عاتبني سميري عاتبني
وبي عيونو كان العتاب وللاحباب لغة العيون ابلغ خطاب
قال لي المس قلبي داب وطوينا الجو طي الحجاب ,,,,,,,

[تغريدا]

أخى الكريم دى أسمها سودا طير ومادايرة أحكى عن مأساتى معاها والأخوان ماقصروا لكن ليه ليه كده؟ وعلى قولت الجندى المجهول آمانة ياسما وناس جوك نااااااااااااس كتار سفر بأقل الأثمان وأكثر راحة

[Badri]

عزيزي نهرو


أهنيك علي شجاعتك وأقدامك بقبول التذاكر كجائزة مجانية ، ياخي أنا لو في مكانك كنت دقيت جرس لي بكرة أنو يعفوني من الجائزة دي

كنت في أنتظار أحد أصدقائي في أحدي المطارات الفرعية علي سودانير فما أن لامست عجلاتها الأرض أشوف ليك الطيارة اساتكها طارت أستك أستك يعني ماشة علي بطنها ساااااكت ، وربك ستر مافي زووول جاتو حاجة ، بعد سنة بس من الحادث الأول صاحبي زااتو الما يغباني ضرب لي أحجز ليهو علي نوفا سألتو يازووول مالك ، مع أني ودعتو بالتلفون قبل دقائق ، قال الطيارة وقعت بيهو في الأقلاع هسي ، أرتفعت زي متر شوية وجات داقة الدلجة علي حسب روايتو ،
أها بعد دا كلو ما بقعد ليهم في الواطة أحنسهم حناسة علشان يعفوني من جائزتهم دي ،
وياحليل عمنا نصر الدين